Корнерегель®
Инструкция
-
русский
-
қазақша
Саудалық атауы
Корнерегель®
Халықаралық патенттелмеген атауы
Декспантенол
Дәрілік түрі
Көзге арналған 5% 5г,10г гель
Құрамы
1 г гельдің құрамында
белсенді зат – 50,0 мг декспантенол,
қосымша заттар: цетримид, ЭДТА-ның динатрий тұзы, карбомер, натрий
гидроксиді, инъекцияға арналған су.
Сипаттамасы
Түссіз мөлдір гель
Фармакотерапиялық тобы
Көз ауруларын емдеуге арналған басқа да препараттар. Декспантенол
АТХ коды SO1XA12
Фармакологиялық қасиеттері
Фармакокинетикасы
Декспантенол пантотен қышқылының спирттік аналогы болып табылады және аралық конверсиялануының арқасында сондай биологиялық тиімділігі бар. Оң жаққа айналатын D-конфигурациялануымен шектеледі. Пантотен қышқылы А коэнзимі ретінде көптеген метаболизмдік үдерістерге қатысатын суда еритін витамин болып табылады. In vitro эксперименттерде фибробластардың жоғары пролиферациясы дәлелденген. Декспантенол тапшылығында препаратты енгізгеннен кейін теріде трофикалық әсері айқындалған. Жергілікті қолданудан кейін декспантенол зақымданған терінің немесе шырышты қабықтардың пантотен қышқылына жоғары қажеттілігінің орнын толтыруға қабілетті. Тритиймен таңбаланған пантенол пайдаланылған зерттеулер көрсеткендей, зат теріге сіңіріледі.
Фармакодинамикасы
Мөлдір қабықтың протекторы. Мөлдір қабықтың регенерациялану үдерісін көтермелейді. Қабынуға қарсы әсер етеді.
Қолданылуы
- мөлдір қабықтың эрозиясында
- көздің күюінде
- түрлі этиологиядағы кератиттерде
- мөлдір қабықтың дистрофиялық ауруларында
- жанаспалы линзаларды салып жүргенде мөлдір қабық зақымдануының алдын алуда
Қолдану тәсілі және дозалары
Конъюнктивальді қалтаға 1 тамшыдан күніне 3-5 рет және ұйықтар алдында қосымша тамызады. Емдеу ұзақтығын емдеуші дәрігер анықтайды.
Жағымсыз әсерлері
Көз шырышты қабығының тітіркенуі:
-қызару
-көрудің тұмандануы
-ауыру
-бөгде дене болуын сезіну
-көзден жас ағудың күшеюі, қышыну, күйдіріп ашыту
-конъюнктивальді ісіну
-аллергиялық реакциялар: терінің қышуы, уртикарлы бөртпе
Егер жағымсыз әсерлері 30 минуттан астам жалғасса немесе симптомдары жедел және ұзақ болса, дәрігермен кеңесу керек.
Негізінен реакциясы уақытша және болымсыз.
Қолдануға болмайтын жағдайлар
-
препарат компоненттерінің кез келгеніне аса жоғары сезімталдық
Дәрілермен өзара әрекеттесуі
Осы уақытқа дейін анықталмаған. Корнерегель® және басқа да көз тамшылары/жақпамайларын бір мезгілде пайдаланған жағдайда оларды қолдану аралықтарында кемінде 15 минуттық үзіліс қажет, бұл орайда әрқашан Корнерегель® соңында қолданылуы керек.
Айрықша нұсқаулар
Корнерегель® құрамында цетримид консерванты бар, оны әсіресе жиі немесе ұзақ пайдаланғанда ол көз шырышты қабығының тітіркенуін (ашуын, қызаруын, бөгде денені сезінуін) туғызады және мөлдір қабықтың эпителийін зақымдауы мүмкін. Созылмалы құрғақ керато-конъюктивитті ұзақ емдеу үшін препаратты консерванттарды қоспай пайдалану керек. Препараттың линза материалымен үйлеспеу ықтималдығы салдарынан Корнерегель® препаратын жанаспалы линзалар салғанда пайдаланбаған жөн.
Гельді тамызудың алдында жанаспалы линзаларды шешу керек және 15 минут өтпей, ерте тағуға болмайды. Дозатор ұштығы мен гельдің ластануын болғызбау үшін оның қабақпен, көздің айналасындағы терімен және басқа да беткейлермен жанасуына жол бермеу керек.
Жүктілік және лактация кезеңі
Корнерегель® гелін дәрігердің пікірінше күтілетін пайдасы қауіптен асатын жағдайларды қоспағанда, жүктілік және лактация кезеңінде қолданбаған жөн.
Педиатрияда қолдану
Препаратты 18 жасқа дейінгі балаларға қолданудың жеткілікті тәжірибесі жоқ, осыған байланысты 18 жасқа дейінгі балаларға қолдану ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың жағымсыз әсерлері мен олардың реакция жылдамдығына ықпалын ескере отырып, көрудің қалыпқа келуіне дейін көлік құралдарын жүргізуден және қауіптілігі зор механизмдерді басқарудан тартына тұрған жөн.
Артық дозалануы
Деректер жоқ
Шығарылу түрі және қаптамасы
Тығыздығы жоғары полиэтилен сықпаға 5 г, 10 г гельден салынған.
1 сықпаны медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
Жарықтан қорғалған жерде, 25 ˚С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Сықпаны ашқаннан кейін 6 аптадан асырмай сақтау керек.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
Д-р. Герхард Манн, Химиялық-фармацевтикалық кәсіпорын ГмбХ
Брунсбюттелер Дамм 165-173,
13581 Берлин, Германия
Тіркеу куәлігінің иесі
«Валеант» ЖШҚ, Ресей
Қазақстан Республикасы аумағында тұтынушылардан өнім сапасы жөніндегі шағымдарды қабылдайтын ұйымның мекенжайы
«Валеант» ЖШҚ ҚР өкілдігі
Қазақстан, 050059, Алматы қ.,Әл-Фараби даңғылы, 17 үй, «Нұрлы Тау» бизнес орталығы 4Б блок, 1104 кеңсе
Телефон + 7 727 3 111 516 , факс +7 727 3 111 517
Электронды поштасы: Оffice.KZ@valeant.com