Корвитол® 50

МНН: Метопролол
Производитель: Берлин - Хеми АГ (Менарини Групп)
Анатомо-терапевтическо-химическая классификация: Metoprolol
Номер регистрации в РК: № РК-ЛС-5№015910
Период регистрации: 20.05.2015 - 20.05.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 8.24 KZT

Инструкция

Саудалық атауы

Корвитол® 50

Халықаралық патенттелмеген атауы

Метопролол

Дәрілік түрі

50 мг таблеткалар

Құрамы

Бір таблетканың құрамында:

белсенді зат – 50,0 мг метопролол тартраты

қосымша заттар: лактоза моногидраты, повидон K 30, натрий кроскармеллозасы, магний стеараты, тальк, коллоидты сусыз кремнийдің қостотығы

Сипаттамасы

Дөңгелек пішінді, жалпақ беткейлі, бір жағында ойығы мен сызығы бар

ақ түсті таблеткалар.

Фармакотерапиялық тобы

Бета-адреноблокаторлар. Селективті бета-адреноблокаторлар. Метопролол.

АТХ коды C07AB02

Фармакологиялық қасиеттері

Фармакокинетикасы

Сіңуі

Ішу арқылы қолданғанда метопролол асқазан-ішек жолында толық дерлік (95% жуық) сіңеді. Метопролол жүйе алдындағы айқын метаболизмге ұшырайды, биожетімділігі 50% жуық құрайды. Плазмада ең жоғары концентрациясына 1,5-2 сағаттан соң жетеді.

Плазма ақуыздарымен байланысуы шамамен 12%, салыстырмалы таралу көлемі 5,6 л/кг құрайды.

Метопролол Р 450 цитохромы жүйесінің ферменттері (негізінен, CYP2D6 изоферменті) арқылы бауырда тотығу метаболизміне толық дерлік ұшырайды. Үш негізгі метаболиттерінің екеуінде әлсіз білінетін, алайда клиникалық тұрғыда маңызы жоқ бета-блокаторлық қасиеттер бар. Метаболизмі баяу тұлғаларда таралуына қатысты едәуір айқын этникалық айырмашылық байқалады. Метаболизмі баяу тұлғалар саны еуропалықтарда 7% жуық, бірақ монғолдарда 1%-дан аз болды. Метаболизациясы CYP2D6 жүйесі арқылы баяу жүретін емделушілерде плазмадағы метопролол концентрациясы CYP2D6 жүйесі арқылы метаболизм жылдамдығы қалыпты тұлғалардағы препарат концентрациясынан бірнеше есе асып кетуі мүмкін. Соның өзінде, CYP2D6-тәуелді жолы бойынша метопролол метаболизмі, көрінісіне қарай, әсер етуші заттың қауіпсіздігі мен көтерімділігіне ықпал етпейді немесе аз дәрежеде ықпал етеді.

Бауыр циррозында, метаболизм жылдамдығының төмендеуіне орай, плазмада метаболизденбеген метопролол деңгейінің жоғарылауын күтуге болады.

Метопролол және оның метаболиттерінің шамамен 95% бүйрекпен, 10% жуығы өзгеріссіз күйде шығарылады. Метопрололдың жартылай шығарылу кезеңі 3-5 сағат құрайды.

Фармакодинамикасы

Метопролол ішкі симпатомиметикалық белсенділігі (ІСБ) жоқ және әлсіз білінетін жарғақша тұрақтандырғыш әсерімен сипатталатын салыстырмалы 1-селективтілігі («кардиоселективтілігі») бар әлсіз липофильді бета-адреноблокатор болып табылады.

Симпатикалық жүйке жүйесінің тонусына қарай, метопролол жүректің соғу жиілігін және жиырылуын, AВ-өткізгіштігін және плазма ренинінің белсенділігін төмендетеді. ß2 рецепторлардың тежелісі есебінен, метопролол тегіс бұлшықеттердің, мысалы, бронхтар тонусының жоғарылауын туындата алады.

Қолданылуы

- артериялық гипертензияда

- ишемиялық жүрек ауруы бар емделушілердегі тұрақты және тұрақсыз стенокардия ұстамаларының алдын алу және емдеуде

- гиперкинезиялық кардиальді синдромда

- тахиаритмияда

- миокард инфарктісін шұғыл емдеу және миокард инфарктісінің қайта пайда болуының алдын алуда

- бас сақинасы ұстамаларының алдын алуда

Қолдану тәсілі және дозалары

Корвитол® 50 ересектерге көрсетілімді.

Корвитол® 50 бета-адреноблокаторлармен емдеуге қарсы көрсетілімдері жоқ емделушілерде қолданылады.

Дозалануы

Дозалануы, ең алдымен, емнің сәттілігіне сәйкес, әркімге жеке таңдалуы тиіс. Дозалауға қатысты мына нұсқаулар пайдаланылады:

Артериялық гипертензия:

Ұсынылатын бастапқы дозасы – күніне 2-3 рет 25-50 мг, дозаны күніне 2 рет 50-100 мг дейін біртіндеп арттырады.

Тәулігіне 1-2 рет 1 таблетка немесе тәулігіне бір рет 1-2 таблетка (50-100 мг метопролол тартратына сәйкес келеді).

Қажет болса, тәуліктік дозаны тәулігіне екі рет 2 таблеткаға дейін арттыруға болады (200 мг метопролол тартратына сәйкес келеді).

Ишемиялық жүрек ауруы бар емделушілердегі тұрақты және тұрақсыз стенокардия ұстамаларының алдын алу және емдеу:

Тәулігіне 1-2 рет 1 таблетка немесе тәулігіне бір рет 1-2 таблетка (50-100 мг метопролол тартратына сәйкес келеді).

Қажет болса, артериялық қысымды бақылаумен, тәуліктік дозаны тәулігіне екі рет 2 таблеткаға дейін арттыруға болады (200 мг метопролол тартратына сәйкес келеді).

Гиперкинезиялық кардиальді синдром (алуан түрлі вегето-тамырлық дистония): Тәулігіне 1- 2 рет 1 таблетка немесе тәулігіне бір рет 1-2 таблетка (50-100 мг метопролол тартратына сәйкес келеді).

Қажет болса, артериялық қысымды бақылаумен, тәуліктік дозаны тәулігіне екі рет 2 таблеткаға дейін арттыруға болады (200 мг метопролол тартратына сәйкес келеді)

Тахиаритмия:

тәулігіне 1-2 рет 2 таблетка (100-200 мг метопролол тартратына сәйкес келеді).

Миокард инфарктісінде шұғыл емдеу және қайталанатын миокард инфарктісінің алдын алу:

  • Шұғыл емдеу

    Жедел миокард инфарктісінде үздіксіз ЭКГ және артериялық қысым мониторингімен барынша тезірек ауруханаға жатқызып, ем жүргізіледі. Бастапқы доза – көктамырішілік 5 мг метопролол тартраты. Дәрілік препараттың көтерімділігіне қарай, әріқарай көктамырішілік 5 мг метопролол тартратының бір реттік дозаларын 2 минут аралықпен ең жоғары жалпы дозасы - 15 мг метопролол тартратына жеткенше енгізуге болады.

    Егер көктамырішілік жалпы 15 мг дозасын емделуші көтере алса, онда соңғы көктамырішілік инъекциядан кейін 15 минуттан соң келесі шұғыл ішу арқылы емді бастау керек, емделушіге бір рет 1 таблетка Корвитол® 50 мг беріледі (50 мг метопролол тартратына сәйкес келеді).

    Кейінгі 48 сағат ішінде емделушіге әр 6 сағат сайын 1 таблетка Корвитол® 50 мг беріледі (50 мг метопролол тартратына сәйкес келеді). Көктамырішілік 15 мг-ден аз метопролол тартратын көтере алатын емделушілерде кейіннен дозаны ішу арқылы енгізу сақтықпен бір реттік Корвитол® 50 мг ½ таблеткасынан басталуы тиіс (25 мг метопролол тартратына сәйкес келеді).

    б) Демеуші доза

    Шұғыл ем жүргізілген соң тәулігіне екі рет 2 таблетка Корвитол® 50 тағайындалады (200 мг метопролол тартратына сәйкес келеді).

    Араласуды талап ететін жүректің жиырылу жиілігі және/немесе артериялық қысым төмендегенде немесе басқа асқынулар туындағанда Корвитол® 50 мг қолдануды дереу тоқтату керек.

    Бас сақинасы ұстамаларының алдын алу:

    Ұсынылатын бастапқы дозасы – 1 таблетка, әріқарай тиімді дозасы – тәулігіне 1-2 рет 2 таблетка (100-200 мг метопролол тартратына сәйкес келеді).

    Бауыр жеткіліксіздігі

    Бауыр функциясының ауыр бұзылуларында метопролол тартратының шығарылуы баяулайды. Бұл дозаны азайту қажет екенін білдіреді.

    Қолдану тәсілі

    Таблеткаларды тамақтанудан кейін мол сұйықтық мөлшерімен бүтіндей жұтқан жөн. Таблеткаларды бір рет қолданғанда таңертеңгілік, ал дозаларды екі рет қабылдағанда таңертең және кешке қабылдау керек. Таблеткаларды бөлу:

    Таблетканы бөлуге арналған кертігін жоғары қаратып, екі қолдың бас бармағымен және сұқ саусағымен ұстап, бас бармақтармен кертікті бойлай төмен қысып, таблетканы сындырыңыз.

    Пайдалану ұзақтығы

    Қолдану ұзақтығы шектелмеген.

    Егер ұзақ уақыт пайдаланудан кейін Корвитол® 50 мг емі үзілсе немесе тоқтатылса, оны біртіндеп және баяу жасау қажет, өйткені препаратты кенет тоқтату стенокардияда және миокард инфарктісінде өршіп кететін жүрек ишемиясына немесе артериялық қысымның күрт көтерілуіне әкелуі мүмкін.

Жағымсыз әсерлері

Кейде ( 1/1000-нан 1/100 дейін)

- депрессия, шым-шытырық түстер көру, ұйқының бұзылуы, елестеулер

- бас айналу, бас ауыру, сананың шатасуы, шектен тыс түстер көру, парестезия

- аяқ-қолдың салқындауы

- жүрек айну, құсу, іштің ауыруы, іш қату, диарея

- қатты терлеу, терінің аллергиялық реакциялары

- қажу

Сирек ( 1/10 000-нан 1/1000 дейін)

- қант диабеті, қант диабетінің өршуі

- конъюнктивит, көз жасының аз бөлінуі

- жүректің жиі соғуы, брадикардия, өткізгіштіктің бұзылуы, жүрек жеткіліксіздігінің өршуі, жүрек ырғағының бұзылуы, шеткергі ісінулер, зейін шоғырландырудың төмендеуі

- артериялық гипотензия, синкопе

- дене жүктемесінде ентігу

- ауыздың кеберсуі

- бұлшықет әлсіздігі, бұлшықеттердің құрысуы

Өте сирек ( 1/10 000)

- тромбоцитопения, лейкопения

- аллергиялық ринит

- тұлғалық өзгерістер, көңіл-күйдің құбылуы, қысқа уақыт естен тану

- көрудің нашарлауы

- естудің нашарлауы, құлақтың шыңылдауы

- стенокардияның өршуі, төс артындағы ауыру

- гепатит

- псориаз, псориаздың өршуі, псориаз түріндегі бөртпе, алопеция

- моноартрит, полиартрит

- бүйрек жеткіліксіздігінің өршуі

- либидо бұзылуы, эректильді дисфункциясы, Пейрони ауруы

- денеге салмақ қосу, аспартатаминотрансфераза деңгейінің жоғарылауы, аланинаминотрансфераза деңгейінің жоғарылауы

- осының алдында шеткергі қан айналымының ауыр бұзылулары болған емделушілердегі гангрена

- фотосезімталдық

Белгісіз: қолда бар деректер негізінде бағалауға келмейді.

- гипогликемия1

- Рейно синдромының өршуі2

- респираторлық дистресс-синдром3

- тығыздығы жоғары липопротеиндер деңгейінің артуы, ретроперитонеальді фиброз, қанда триглицеридтер деңгейінің көбеюі

1 Ұзақ уақыт қатты ашығудан немесе ауыр дене жүктемесінен кейін Корвитол® 50 мг емі қатар жүргізілгенде гипогликемия пайда болуы мүмкін.

2 Шеткергі қан айналымы бұзылуларының басқа түрлеріне де қатысты.

3 Бронх түйілу реакцияларына бейім емделушілерде (атап айтқанда, обструкциялық сипаттағы тыныс жолдары патологиясында) тыныс жолдары кедергісінің ықтимал артуының нәтижесінде тыныс алу жеткіліксіздігі пайда болуы мүмкін.

Болжамды жағымсыз реакциялар туралы хабарламалар Дәрілік препаратты тіркеуден кейін болуы мүмкін жағымсыз әсерлері жөніндегі хабарлама маңызды рөл атқарады. Бұл осы дәрілік затқа қатысты «пайда/қауіп» арақатынасын қадағалауды жалғастыруға мүмкіндік береді.

Қолдануға болмайтын жағдайлар

- әсер етуші затқа, басқа бета-адреноблокаторларға немесе препараттың қосымша заттарының қандай да біріне аса жоғары сезімталдық

- айқын жүрек жеткіліксіздігі

- шоктың барлық типтері

- екінші немесе үшінші дәрежелі АВ-бөгелісі

- синустық түйіннің әлсіздік синдромы

- синоатриальді бөгеліс

- брадикардия (препаратпен емдеуді бастар алдында тыныштық күйінде тамырдың минутына 50 реттен аз соғуы)

- артериялық гипотензия (систолалық қысым 90 мм. сын.бағ. төмен)

- ацидоз

- бронх гиперреактивтілігі (мысалы, бронх демікпесінде)

- шеткергі қан ағымы бұзылуының кешеуілді сатылары

- МАО-А тежегіштерімен қатарлас ем

- 18 жасқа дейінгі балалар мен жасөспірімдерге

- жүктілік және лактация кезеңі

Корвитол® 50 мг-мен емдеу курсынан өтетін емделушілерге, қарқынды ем жағдайларынан басқа, верапамил және дилтиазем типті кальций антагонистерін немесе аритмияға қарсы басқа препараттарды (мысалы, дизопирамид) көктамыр ішіне енгізу қарсы көрсетілімді.

Дәрілермен өзара әрекеттесуі

Осы және басқа дәрілік препараттар арасындағы мынадай өзара әрекеттесулерді ескеру керек:

Метопролол  Р450 цитохромы жүйесінің ферменттерімен (негізінен, CYP2D6 изоферментімен) бауырда толық дерлік метаболизденеді. Сондықтан плазмадағы метопролол деңгейі CYP2D6 тежейтін субстраттарды қатарлас қолданғанда жоғарылауы және CYP2D6 белсенділігін арттыратын заттарды қолданғанда төмендеуі мүмкін. Осылайша, CYP2D6 тежегіштері мен индукторларын метопрололмен бірге пайдаланғанда сақтықпен қолдану керек.

Клиникалық тәжірибеде қолданылатын белгілі CYP2D6 тежегіштері:

  • флуоксетин, пароксетин немесе бупропион сияқты антидепрессанттар

  • тиоридазин сияқты нейролептиктік препараттар

  • хинидин және пропафенон сияқты аритмияға қарсы препараттар

  • ритонавир сияқты вирусқа қарсы препараттар

  • дифенилгидрамин сияқты антигистаминдік препараттар

  • гидроксихлорохин немесе хинин сияқты безгекке қарсы препараттар

  • тербинафин сияқты зеңге қарсы препараттар

  • циметидин сияқты Н2-рецепторларының блокаторлары

Белгілі CYP2D6 индукторлары:

  • рифампицин

  • дексаметазон

Корвитол® 50 мен инсулин немесе диабетке қарсы ішуге арналған басқа препараттар бірге пайдаланылғанда олардың әсері күшеюі немесе ұзаққа созылуы мүмкін. Гипогликемия симптомдарынан, атап айтқанда, тахикардия мен тремордан сақтандыратын белгілер бүркемеленуі немесе бәсеңдеуі мүмкін. Сондықтан қандағы қант деңгейін жүйелі тексеру қажет.

Корвитол® 50 мен үш циклды антидепрессанттар, барбитураттар, фенотиазиндер және нитроглицерин, сондай-ақ диуретиктер, тамыр кеңейтетін препараттар және артериялық қысымды төмендететін басқа дәрілік заттар қатарлас қабылданғанда қан қысымы шамадан тыс төмендеп кетуі мүмкін.

Корвитол® 50 және нифедипин типті кальций антагонистері қатарлас қолданылғанда артериялық қысым шамадан тыс түсіп кетіп, ал жекелеген жағдайларда жүрек жеткіліксіздігі дамуы мүмкін.

Корвитол® 50 және аритмияға қарсы препараттар бірге қолданылғанда өзара әсері күшеюі мүмкін.

Корвитол® 50 және верапамил мен дилтиазем типті кальций антагонистері немесе аритмияға қарсы басқа препараттар (дизопирамид сияқты) бірге қолданылғанда артериялық гипотензия, брадикардия немесе аритмияның дамуына қатысты емделушілерге мұқият мониторинг жасау қажет.

Корвитол® 50 және жүрек гликозидтерін, резерпин, альфа-метилдоп, гуанфацин немесе клонидинді қатарлас қолданғанда жүректің жиырылу жиілігінің едәуір төмендеуі немесе жүрек өткізгіштігі бұзылуы мүмкін.

Корвитол® 50 мен клонидин қатарлас қабылданғанда клонидинді күрт тоқтатқан жағдайда артериялық қысым шектен тыс көтерілуі мүмкін. Сондықтан Корвитол® 50 қабылдау аяқталған соң клонидин қабылдауды бірнеше күннен кейін ғана тоқтатуға болады. Артынша клонидин дозасын біртіндеп азайтуға болады.

Корвитол® 50 мен норэпинефрин, эпинефрин немесе басқа симпатомиметикалық заттарды (мысалы, жөтелге қарсы кейбір препараттарда, мұрынға және көзге арналған тамшыларда болатын) қатарлас қабылдағанда артериялық қысым едәуір жоғарылауы мүмкін.

Аллергиялық реакцияларды эпинефринмен емдегенде Корвитол® 50 емінің аясында эпинефринге жауап азаюы мүмкін.

Шамадан тыс артериялық гипертензияның дамуы мүмкін екендіктен, Корвитолмен® 50 бірге моноаминоксидаза (МАО) тежегіштерін қолдануға болмайды.

Индометацин мен рифампицин Корвитол ® 50 әсерін әлсіретуі мүмкін.

Циметидин Корвитол ® 50 әсерін күшейте алады.

Корвитол® 50 лидокаин шығарылуын төмендетуі мүмкін.

Корвитол® 50 мен есірткілік препараттарды бірге қолдану артериялық қысымды шамадан тыс төмендетуі мүмкін. Жоғарыда атап көрсетілген дәрілік заттардың теріс инотропты әсері жинақталуы мүмкін.

Шеткергі әсер ететін бұлшықет релаксанттары (мысалы, суксаметониум немесе тубокурарин) туындататын нейробұлшықет бөгелісі Корвитолдың® 50 бета-рецепторларды бөгеуімен күшеюі мүмкін.

Жалпы анестезия қолданар алдында немесе шеткергі миорелаксанттарды пайдаланар алдында Корвитолды® 50 тоқтату мүмкін болмаған жағдайда анестезиолог-дәрігерге Корвитол® 50 емі жөнінде ескерту қажет.

Айрықша нұсқаулар

Ерекше мұқият мониторинг жасауды талап ететін емделушілер:

  • бірінші дәрежелі AВ-бөгелісі бар,

  • қандағы қант деңгейінің күшті ауытқуларымен диабетке шалдыққан (ауыр дәрежелі гипогликемия дамуы мүмкін екендіктен),

  • ұзақ уақыт қатаң ашығу курсынан өткен немесе ауыр дене жүктемесіне ұшыраған емделушілерге (ауыр дәрежелі гипогликемия дамуы мүмкін болуына байланысты)

  • феохромоцитомасы (бүйрек үсті бездерінің ми тіні ісігі) бар емделушілерге (алдыңғы альфа-бөгелістен кейін ғана Корвитол® 50 мг қабылдау)

  • бауыр функциясы бұзылған емделушілерге

Жекелеген жағдайларда бета-адреноблокаторлар псориаздың пайда болуына, осы аурудың өршуіне немесе псориаз пішіндес экзантеманың туындауына түрткі болуы мүмкін. Отбасылық сыртарқысында псориаз жағдайлары бар емделушілерге пайда/қауіп арақатынасын мұқият бағалаудан кейін ғана бета-адреноблокаторлар тағайындауға болады.

Бета-адреноблокаторлар аллергендерге сезімталдықты арттыруы және анафилактикалық реакциялардың ауырлық дәрежесін күшейтуі мүмкін. Сондықтан сыртартқысында ауыр аллергиялық реакциялары бар немесе гипосенсибилизациядан өткізілетін емделушілерді тиянақты бақылау қажет (шамадан тыс анафилактикалық реакциялар қаупіне орай).

Корвитол® 50 мг тиреотоксикоз симптомдарын бүркемелеуі мүмкін.

Гипогликемия белгілері де (атап айтқанда, тахикардия мен тремор) бүркемеленуі мүмкін.

Бүйрек функциясының ауыр бұзылуларында Корвитол® 50 мг емін бүйрек функциясын тұрақты қадағалаумен ғана жүргізуге болады.

Жанаспалы линзалар таққанда көз жасының аз бөлінуі мүмкін екеніне көңіл бөлген жөн.

Корвитол® 50 мг қолдану допинг сынамасының оң нәтижесін беруі мүмкін.

Допинг ретінде Корвитолдың® 50 мг талапқа сай тұтынылмауының зардаптарын жорамалдап айту мүмкін емес; денсаулық үшін қауіптілігі жоққа шығарылмайды.

Осы дәрілік препаратта лактоза бар. Препаратты сирек тұқым қуалайтын галактоза көтере алмаушылық кінәраттары, лактаза тапшылығы немесе глюкоза-галактоза метаболизмі бар емделушілерге қабылдауға болмайды.

18 жасқа дейінгі балалар мен жасөспірімдер

Корвитол қауіпсіздігі мен тиімділігі анықталмағандықтан, препаратпен 18 жасқа дейінгі балалар мен жасөспірімдерді емдеуге кеңес берілмейді.

Жүктілік және лактация

Аталған препарат ұрықта, жүктілерде және лактация кезеңінде қолданылу қауіпсіздігін растайтын қажетті деректердің болмауына байланысты жүктілік және лактация кезеңінде қарсы көрсетілімді.

Адамға ұсынылатын ең жоғары дозасынан 55,5 есе асып кететін дозаларда метопролол тартраты қолданылатын клиникаға дейінгі зерттеулерде фертильділік бұзылуының ешқандай дәлелдері анықталмаған, алайда метопролол сирек жағдайларда адамда (ерлерде) Пейрони ауруын туғызған.

Дәрілік заттың көлік құралдарын жүргізу және механизмдер қызметін көрсету қабілетіне әсер ету ерекшеліктері

Көлік құралдарын басқару, механизмдерді қызметпен қамту немесе сенімді тіреу болмайтын жағдайларда жұмыс істеу қабілетіне ықпал ететін реакциялардың әлсіреуі, негізінен, емдеудің басында немесе бір мезгілде алкоголь тұтынғанда білінген. Препаратпен емделу кезінде жүйелі дәрігерлік бақылау қажет.

Артық дозалануы

Симптомдары

Уыттанудың ауырлығына қарай, клиникалық көрінісі, негізінен, жүрек-қантамыр және жүйке жүйелерінің: ауыр артериялық гипотензия, жүрек тоқтауына апаратын брадикардия, жүрек жеткіліксіздігі және кардиогенді шок симптомдарымен сипатталады. Бұдан басқа, тыныстың тарылуы, бронх түйілуі, құсу, сананың шатасуы және кейде жайылған құрысулар болуы мүмкін.

Емі

Корвитол® 50 емі тоқтатылуы тиіс.

Бастапқы уытсыздандыруға қатысты жалпы шаралар қабылданғанда бірден реанимация жағдайларында өмірлік маңызды параметрлерге мониторинг жасап, ал қажет болса, оларды түзету керек. Мына заттарды у қайтарғылар ретінде пайдалануға болады:

Атропин: көктамыр ішіне болюсті 0,5-2 мг

Глюкагон: алдымен көктамыр ішіне 1-10 мг

артынан үздіксіз инфузия ретінде сағатына 2-2,5 мг

Дене салмағына және әсеріне қарай симпатомиметикалық препараттар: допамин, добутамин, изопреналин, орципреналин немесе эпинефрин.

Тұрақты брадикардияда уақытша кардиостимулятор қолдану қажет.

Бронх түйілуінде ß2-симпатомиметикалық препараттар аэрозольдарын (сонымен бірге, егер әсері жеткіліксіз болса, оларды көктамыр ішіне енгізу) немесе көктамыр ішіне аминофиллин қолдануға болады.

Жайылған құрысуларда көктамыр ішіне баяу диазепам құю ұсынылады.

Метопролол гемодиализбен тиімсіз шығарылады.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салады.

Медицинада қолданылуы жөніндегі мемлекеттік және орыс тілдеріндегі нұсқаулықпен бірге 3, 5 немесе 10 пішінді қаптамадан картон қорапшаға салынады.

Сақтау мерзімі

30 °C-ден аспайтын температурада сақтау керек!

Балалардың қолы жетпейтін жерде сақтау керек!

Сақтау мерзімі

3 жыл

Дәріханалардан босатылу шарттары

Рецепт арқылы

Тіркеу куәлігінің иесі

Берлин-Хеми АГ (Менарини Групп)

Глиникер Вег 125 12489 Берлин, Германия

Өндіруші

 

Берлин-Хеми АГ (Менарини Групп)

Глиникер Вег 125 12489 Берлин, Германия

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

Қазақстан Республикасындағы Берлин-Хеми АГ өкілдігі

тел: +7 727 2446183, 2446184, 2446185

факс: +7 727 2446180

электронды пошта: Kazakhstan@berlin-chemie.com

Прикрепленные файлы

984960581477976495_ru.doc 104.5 кб
799105361477977665_kz.doc 132 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники