Корватаблет®

МНН: Фенобарбитал, Этилбромизовалерианат
Производитель: Химфарм АО
Анатомо-терапевтическо-химическая классификация: Барбитураты в комбинации с другими препаратами
Номер регистрации в РК: № РК-ЛС-5№011736
Период регистрации: 24.06.2015 - 24.06.2020

Инструкция

Саудалық атауы

Корватаблет®

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетка құрамында

белсенді заттар: -бром-изовалериан қышқылының

этил эфирі 8.20 мг

фенобарбитал 7.50 мг

қосымша заттар: жалбыз майы, β-циклодекстрин, лактоза моногидраты, микрокристалды целлюлоза, натрий крахмалы гликоляты, коллоидты кремнийдің қостотығы (аэросил), кальций стеараты.

Сипаттамасы

Ақ немесе ақ дерлік түсті, жалпақ цилиндр пішінді, теңбілдері және өзіне тән иісі бар таблеткалар. Таблетканың бір жағында ойық, ал басқа жағында – ойық және крест түріндегі фирма логотипі бар.

Фармакотерапиялық тобы

Психотропты препараттар. Ұйықтататын және тыныштандыратын дәрілер.

Басқа препараттармен біріктірілген барбитураттар. АТХ коды N05С B02

Фармакологиялық қасиеттері

Фармакокинетикасы

Препаратты ішке қабылдағаннан кейін фенобарбитал толық дерлік сіңеді, бірақ аш ішекте салыстырмалы түрде баяу сіңеді.

Қандағы концентрацияның ең жоғары мәні қабылдаған соң 1-2 сағаттан кейін байқалады. 50 % шамасы плазма ақуыздарымен байланысады. Препарат әртүрлі мүшелер мен тіндерде біркелкі таралады; оның азырақ концентрациясы ми тіндерінен табылады. Ағзадан баяу бөлінетіндіктен кумуляцияға ыңғайлы. Биожетімділігі 80 % құрайды. Жартылай ыдырау кезеңі 2-4 сағатты құрайды.

Бауырдың микросомальді ферменттерімен метаболизденеді. Белсенді емес метаболит (4-оксифенобарбитал) глюкуронид түрінде бүйрекпен, ал 25 % шамасы өзгермеген түрде бөлінеді.

Бұрыш жалбызы майы сіңгеннен кейін бауырда биотрансформацияланады, глюкуронид түрінде несеппен және өтпен бөлініп шығады.

Фармакодинамикасы

Корватаблет® - біріктірілген препарат. Тыныштандыратын және спазмолитикалық әсер етеді.

-бром-изовалериан қышқылының этил эфирі орталық жүйке жүйесіне әлсіз тыныштандыратын және жүрек-қантамыр жүйесі мен асқазан-ішек жолына түйілуді басатын әсер етеді.

Фенобарбитал аз дозада тыныштандыратын әсер береді және -бром-изовалериан қышқылының этил эфирімен синергиялық әсері бар.

Қолданылуы

  • қатты қозғыштықта

  • функционалдық жүрек қантамыр бұзылыстарында (синустық тахикардия)

  • нейровегетативті бұзылулардан болатын ас қорыту жолдары мүшелерінің түйілулерінде

  • вегетативті невроздарда (қатерсіз түрлері)

Қолдану тәсілі және дозалары

Ішке, тамақтың алдында, ересектерге, тәулігіне 2-3 рет 1-2 таблеткадан тағайындайды. Тахикардия мен коронарлық қан тамырлары түйілуінде бір реттік доза 3 таблеткаға дейін ұлғайтылуы мүмкін.

Ең жоғары бір реттік доза– 3 таблетка.

Препарат қысқа мерзімге қабылдауға арналған.

Дозалау мен емдеу курсының ұзақтығын дәрігер әрбір науқас үшін жеке анықтайды.

Жағымсыз әсерлері

Тері және тері асты шелінің бұзылуы

  • препаратты қабылдауды тоқтатқаннан кейін қайтатын жиі тері реакциялары.

Бірлі-жарым жағдайларда айқын тері реакциялары (SCARs) – Стивенс-Джонсон синдромы және уытты эпидермальді некролиз (ТEN) байқалған.

Жүйке жүйесі тарапынан бұзылулар

- шамадан тыс тыныштану

- депрессия

- ұйқышылдық

Тыныс алу жүйесі тарапынан бұзылулар

- тыныс алу орталығы қызметінің бәсеңдеуі

Сүйек-буын жүйесі тарапынан бұзылулар

- артралгия

Бірлі-жарым жағдайларда: сүйек тіні тығыздығының төмендеуі, остеопения, остеопороз, ұзақ уақыт фенобарбитал қабылдаған науқастарда сынулар байқалған. Фенобарбиталдың сүйек жүйесіне әсер ету механизмі анықталмаған.

Бауыр функциясы бұзылулары

- гепатит

- сарғаюшылық

Қан ағзалары және лимфа жүйесі тарапынан бұзылулар

- мегалобласттық анемия (ұзақ қабылдағанда фолий қышқылының жеткіліксіздігі жағдайлары байқалған)

Препаратты үлкен дозада қолданғанда ұйқышылдық, әлсіздік, нистагм, атаксия, бас айналуы, бас ауыруы болуы мүмкін.

Препаратты ұзақ қолданғанда дәріге тәуелділіктің дамуы мүмкін.

Емдеу кезінде фенобарбиталдың тыныштандыратын әсеріне төзімділік дамуы ықтимал.

Қолдануға болмайтын жағдайлар

  • препараттың компоненттеріне жоғары сезімталдық

  • 18 жасқа дейінгі балалар

  • жүктілік және лактация кезеңі

  • бауыр функциясының айқын бұзылуы

  • маскүнемдік

  • эпилепсия

  • мидың зақымдануы

  • психикалық бұзылыстар

  • порфирия

Дәрілермен өзара әрекеттесуі

Препарат тыныштандыратын препараттардың, нейролептиктердің, транквилизаторлар мен алкоголь әсерін күшейтеді. Фенобарбитал бауыр микросомальді ферменттерінің индукторы болып табылады, бір мезгілде тағайындалған фенобарбиталмен және бауырмен метаболизденетін көптеген препараттардың метаболизмін дозаға байланыссыз жылдамдатуы мүмкін (мысалы: ішілетін антикоагулянттар, глюко- кортикостероидтар, циклоспориндер, доксициклиндер, квинидиндер, теофиллиндер және оның дериваттары, гидантоин туындылары, хлорпромазин, амитриптилин, фенилбутазон, метронидазол, дигитоксин, бета-адренолитиктер, Д витамині, гризеофульвин, хлорамфеникол, ішілетін контрацептивтер), бұл олардың тиімділігінің төмендеуіне әкеледі. Жоғарыда аталған препараттар мен фенобарбиталды қатар тағайындағанда олардың әсер ету тиімділігін бақылап және қажет болғанда олардың дозасын реттеп отыру маңызды.

Фенобарбитал мен фенитоин өзара әрекеттесуін алдын ала болжамдау қиын. Әдетте фенитоин концентрациясы қанда төмендейді және фенобарбиталға жағымсыз реакциялары күшеюі мүмкін.

Вальпрой қышқылы препараттарын қолдану аясында препараттың әсері күшейеді.

Фенобарбитал карбамазепиннің концентрациясын біртіндеп төмендетуі мүмкін.

Фенобарбитал психотропты препараттардың (МАО тежегіштері, көптеген гистаминге қарсы дәрілер, клонидин, психотропты препараттар, нейролептиктер, морфин туындылары, алкогольден басқа бензодиазепин туындылары, антидепрессанттар) әсерін күшейтуі, осылайша ОЖЖ функциясын бәсеңдетуі және тыныс алу орталығы депрессиясын туындатуы мүмкін.

Айрықша нұсқаулар

Препарат ОЖЖ бәсеңдетуші әсер ететін дәрілік препараттармен айқын улану кезінде тыныс алу жеткіліксіздігі, миастения, Паркинсон ауруы, порфирия, микседема, эмфизема, бүйрек, айқын жүрек жеткіліксіздігі бар науқастарға арналмаған.

Фенобарбиталды пайдаланғанда өмірге қауіп төндіретін тері реакциялары: Стивенс-Джонсон синдромы және уытты эпидермальді некролиз (ТEN) байқалған. Науқастарға осы аурулардың ерте симптомдары және тері реакцияларын бақылау қажеттілігі туралы хабардар етуі туралы айтылуы керек. Тері симптомдары дамуының барынша жоғары қаупі емнің бірінші аптасы кезінде байқалады.

Стивенс-Джонсон синдромы немесе уытты эпидермальді некролиз белгілері болғанда фенобарбиталмен емдеуді тоқтатқан жөн. Осындай тері реакциялары ерте айқындалғанда және күдікті препаратты шұғыл тоқтатқанда емдеу нәтижелері тиімді болады. Препаратты ерте тоқтату жақсы болжамдауды қамтамасыз етеді.

Егер науқастың сыртартқысында фенобарбиталдан кейінгі Стивенс-Джонсон синдромы немесе уытты эпидермальді некролиз болатын болса, оны ешқашан науқасқа тағайындалмауы тиіс.

Жүкті әйелдерде қолданудың ерекшелігі

Препарат құрамында жүктілік және лактация кезеңінде қолдануға болмайтын фенобарбитал бар. Фенобарбитал туа бітетін аномалияларды туындатуы мүмкін. Балалардың «жарық таңдай», «қоян жырық ерін» боп туылу, туа біткен жамбас-сан буыны дисплазиясы, саусақтар гипоплазиясы, қаңқа дамуы іркілісі, психомоторлық даму іркілісі және т.б. жағдайлары сипатталған, яғни препаратты жүктілік және лактация кезеңінде қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фенобарбиталдың тыныштандыратын әсері бар және зейін шоғырландыру мен психомоторлық реакция жылдамдығына (машина жүргізу, жүзу, биікте жұмыс істеу және т.б.) байланысты болатын қызметке едәуір әсерін тигізеді.

Фенобарбитал қолданған кезде науқасқа ықтимал қаупі туралы ақпарат айтылуы керек.

Артық дозалануы

Үлкен дозада тыныс орталығы депрессиясының (фенобарбитал және -бром-изовалериан қышқылы этил спиртінің синергиялық әсері) даму мүмкіндігі болатын ОЖЖ қатысты бәсеңдететін әсері бар.

Симптомдары: үлкен дозамен жедел улану сирек болады және құрысу, атаксия, мелшию, кома, тыныстың тарылуы түрінде байқалады. Аз дозамен улану құрамында бромидтер болуы есебінен жүрек айну, құсу, бас ауыру, аллергиялық реакцияны туындатады.

Емі: дереу дәрігерге көріну керек, тыныс алудың бұзылуы мен кома болғанда – науқасқа интубация жасау және өкпені жасанды желдету, асқазанды сумен немесе белсендірілген көмірмен шаю. Құрысуларда – көктамыр ішіне диазепам немесе фенитоин енгізу.

Несептің сілтіленуі фенобарбиталдың бүйрекпен бөлінуін арттыруы мүмкін. Фенобарбиталмен айқын уланғанда шығарудың анағұрлым тиімді әдісі ионды-алмасу шайырларымен гемоперфузия болып табылады. Белсендірілген көмірмен және гемодиализбен гемоперфузияның тиімділігі аздау.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 2 немесе 10 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі бекітілген нұсқаулықпен бірге картон қорапшаға салынған.

Медициналық қолдану жөніндегі мемлекеттік және орыс тілінде бекітілген нұсқаулықтан алынған ақпаратты қорапшаға жазуға болады.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау қажет.

Балалардың қолы жетпейтін жерде сақтау керек!

Сақтау мерзімі

1.5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Химфарм» АҚ, Қазақстан Республикасы,

Шымкент қ., Рашидов к-сі, 81, т/ф: 7252 (56-13-42)

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Қазақстан Республикасы

Шымкент қ.,Рашидов к-сі, 81,

Телефон нөмірі 7252 (561342)

Факс нөмірі 7252 (561342)

Электронды поштасы infomed@santo.kz

 

 

 

 

Прикрепленные файлы

821414231477976429_ru.doc 66 кб
680122451477977694_kz.doc 79 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники