Конкор® Кор

МНН: Бисопролол
Производитель: Мерк КГаА
Анатомо-терапевтическо-химическая классификация: Bisoprolol
Номер регистрации в РК: № РК-ЛС-5№003593
Период регистрации: 14.08.2015 - 14.08.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 15.62 KZT

Инструкция

Саудалық атауы

Конкор® Кор

Халықаралық патенттелмеген атауы

Бисопролол

Дәрілік түрі

Үлбірлі қабықпен қапталған 2,5 мг таблеткалар

Құрамы

Бір таблетканың құрамында

белсенді зат: 2,5 мг бисопролол фумараты

қосымша заттар:

Ядросы: кальцийдің сусыз гидрофосфаты, жүгері крахмалы, коллоидты сусыз кремнийдің қостотығы, микрокристалды целлюлоза, кросповидон, магний стеараты,

Қабықтың құрамы: гипромеллоза 2910/15, макрогол 400, диметикон 100, титанның қостотығы (Е 171)

Сипаттамасы

Жүрек пішіндес, екі беті дөңес, екі жағында сызығы бар, үлбірлі қабықпен қапталған ақ таблеткалар.

Фармакотерапиялық тобы

Бета-адреноблокаторлар. Селективті бета-адреноблокаторлар.

Бисопролол.

АТХ коды C 07AB07

Фармакологиялық қасиеттері

Фармакокинетикасы

Пероральді қабылдағаннан кейін бисопрололдың биожетімділігі 90% құрайды. Таралу көлемі 3.5 л/кг құрайды. Плазма ақуыздарымен байланысуы 30%-ға жуық құрайды.

Бисопролол организмнен екі жолмен шығарылады. 50% жуығы белсенді емес метаболиттер түзумен бауырда метаболизденеді, олар кейіннен бүйректермен шығарылады. Қалған 50% өзгермеген түрінде несеппен шығарылады. Жалпы клиренсі шамамен 15 л/сағатты құрайды. Қан плазмасынан 10-12 сағат құрайтын жартылай шығарылу кезеңі, тәулігіне бір рет дозасын қабылдағаннан кейін 24-сағаттық әсерді қамтамасыз етеді.

Бисопрололдың кинетикасы дозаға тәуелді және жасына байланысты емес.

Емделушілердің ерекше топтары

Тұрақты созылмалы жүрек жеткіліксіздігімен (СЖЖ) және бауыр немесе бүйрек функциясы бұзылған емделушілерде фармакокинетикасы зерттелген жоқ. Созылмалы жүрек жеткіліксіздігімен емделушілерде (жүректің Нью-Йорк ассоциациясының (NYHA) жіктемесі бойынша III функциональді класс) дені сау еріктілердегі көрсеткіштерімен салыстырғанда бисопрололдың қан плазмасындағы концентрациясы және жартылай шығарылу кезеңі ұзақтау.

Фармакодинамикасы

Бисопролол, Конкор®Кор препаратының әсер етуші заты, бұл - клиникалық мәнді жарғақша тұрақтандыратын әсері жоқ, өзіндік симпатомиметикалық белсенділіксіз жоғары селективті бета1-адреноблокатор.

Тамырлардың және бронхтардың тегіс бұлшықеттерінің бета2-рецепторларымен, сондай-ақ зат алмасу реттелісіне қатысты бета2-рецепторларымен өте төмен ұқсастық иеленген. Сондықтан, бисопролол жалпы тыныс алу жолдарының төзімділігін және бета2 түрткі болған метаболизмдік әсерлерді тудырмайды. Препараттың бета1-рецепторларына таңдамалы әсер етуі емдік доза өрісінен тыс таралады.

Қолданылуы

- сол жақ қарынша систолалық функциясының төмендеуімен тұрақты созылмалы жүрек жеткіліксіздігін емдеу, ангиотензинөзгертуші фермент (АӨФт) тежегіштері мен диуретиктерге және опциональді түрде, жүрек гликозидтеріне қосымша ретінде

Қолдану тәсілі және дозалары

СЖЖ стандартты емі АӨФт (немесе, АӨФт көтере алмаған жағдайда, ангиотензинге рецепторлар блокаторы), бета- блокатор, диуретиктер, қажет болған жағдайда, жүрек гликозидтерінен тұрады. Бисопролмен емдеуді бастағанда емделушілердің жағдайы тұрақты болуы керек (жедел жүрек жеткіліксіздігінсіз). Емдеуші дәрігердің СЖЖ емделушілерді емдеуде тәжірибесі болғаны жөн.

Қолданылуы

Конкор®Кор препаратын ас ішуге байланыссыз таңертең қабылдау керек. Таблетканы сұйықтықтың аздаған мөлшерімен ішу керек. Таблетканы шайнауға болмайды.

Дозалары

Тұрақты созылмалы жүрек жеткіліксіздігін емдеуді Конкор®Кор препаратымен бастау міндетті түрде титрлеудің арнайы фазасын жүргізуді талап етеді.

Конкор®Кор препаратымен созылмалы жүрек жеткіліксіздігін емдеу төмендегі дозаны біртіндеп титрлеу сызбасына сәйкес басталады. Емделушінің тағайындалған дозаны қаншалықты жақсы көтере алуына қарай жекеше дағдылану талап етілуі мүмкін, яғни алдыңғы дозаны жақсы көтере алған жағдайда ғана дозаны арттыруға болады.

1 апта

1.25 мг

бисопролол фумараты (2.5 мг Конкор® Кор 1/2 таблетка) күнделікті күніне бір рет

2 апта

2.5 мг

бисопролол фумараты (2.5 мг Конкор® Кор 1 таблетка) күнделікті күніне бір рет

3 апта

3.75 мг

бисопролол фумараты (2.5 мг Конкор® Кор 1,5 таблетка) күнделікті күніне бір рет

4-7 апта

5 мг

бисопролол фумараты күнделікті күніне бір рет*

8-11 апта

7.5 мг

бисопролол фумараты күнделікті күніне бір рет*

12 апта және одан кейін

10 мг

бисопролол фумараты күнделікті күніне бір рет демеуші ем ретінде*

* Тұрақты созылмалы жүрек жеткіліксіздігін бастапқы емдеуге 2.5 мг Конкор®Кор сай болады. Одан жоғары дозалары демеуші емі ретінде сай келеді.

Бисопролол фумаратының ұсынылатын ең жоғарғы дозасы күніне бір рет 10 мг құрайды. Титрлеу фазасы кезінде және одан кейін жүрек жеткіліксіздігінің уақытша нашарлауы, гипотензия немесе брадикардия байқалуы мүмкін. Сондықтан тіршілік қабілетінің көрсеткіштерін (қан қысымы, ЖЖЖ) және жүрек жеткіліксіздігінің өршуінің симптомдарын мұқият бақылау керек.

Емдеуді түрлендіру

Егер титрлеу фазасы кезінде немесе одан кейін жүрек жеткіліксіздігінің уақытша нашарлауы байқалса, гипотензия немесе брадикардия дамыса, қатарлас препараттың дозалануын қайта қарау ұсынылады. Сондай-ақ, бисопролол дозалануын уақытша азайту немесе емдеуді тоқтата тұру қажет болады.

Емделуші ахуалы тұрақтанғаннан кейін қайта титрлеуді жүргізген немесе емдеуді жалғастырған жөн.

Барлық көрсетілімдер үшін емдеу ұзақтығы

Конкор® Кор препаратымен емдеу әдетте ұзаққа созылады.

Емдеуді күрт үзбеңіз және Өз дәрігеріңіздің кеңесінсіз ұсынылған дозаны өзгертпеңіз, өйткені бұл жүрек күйінің уақытша нашарлауына әкеп соқтырады. Әсіресе, ишемиялық жүрек ауруы бар емделушілерде емді кенеттен үзуге болмайды. Егер емдеуді тоқтата тұру қажет болса, доза біртіндеп азайтылуы тиіс. Емдеуді бастағанда және Конкор®Кор препаратын қабылдауды тоқтатқанда емделушілерді мұқият мониторингілеу керек.

Емделушілердің ерекше топтары

Бүйрек немесе бауыр функциясының бұзылуы

Бисопрололдың бүйрек және бауырмен шамамен бірдей шығарылуына байланысты, бүйрек немесе бауыр жеткіліксіздігімен емделушілерде Конкор®Кор препаратының дозасын түзету қажет емес.

Сондықтан, осы топтардағы емделушілерге дозаны титрлеу ерекше сақтықпен жүргізген жөн.

Егде жастағы емделушілер:

Дозаны реттеу қажет емес.

Жағымсыз әсері

Препараттың жағымсыз әсерінің жиілігі төмендегідей қарастырылады: өте жиі (≥ 1/10); жиі (≥ 1/100, < 1/10); жиі емес (≥ 1/1000, < 1/100); сирек (≥ 1/10 000, < 1/1000); өте сирек (< 1/10 000), жиілігі белгісіз (ол қолда бар деректер негізінде белгіленуі мүмкін емес).

Психиканың бұзылуы:

Жиі емес: ұйқының бұзылуы, депрессия.

Сирек: шым-шытырық түстер, галлюцинация.

Жүйке жүйесі тарапынан бұзылулар:

Жиі: бас айналуы, бас ауыруы.

Сирек: естен тану.

Көру мүшесі тарапынан бұзылулар:

Сирек: жас бөлінудің төмендеуі (жанаспалы линзаны қолданған кезде ескеру керек).

Өте сирек: конъюнктивит.

Есту мүшелері және тепе-теңдік тарапынан бұзылулар:

Сирек: естудің нашарлауы.

Жүрек тарапынан бұзылулар:

Өте жиі: брадикардия.

Жиі: жүрек жеткіліксіздігінің нашарлауы.

Жиі емес: атриовентрикулярлық өткізгіштіктің бұзылуы.

Қан тамырлары тарапынан бұзылулар:

Жиі: суықты сезіну немесе аяқ-қолдың ұюы, гипотензия.

Жиі емес: ортостатикалық гипотензия.

Тыныс алу жүйесі, кеуде қуысы ағзалары және көкірек ортасы тарапынан бұзылулар:

Жиі емес: сыртартқысында тыныс алу жолдарының обструктивті аурулары немесе бронхтық демікпесі бар емделушілерде бронх түйілуі

Сирек: аллергиялық тұмау.

Асқазан-ішек жолы тарапынан бұзылулар:

Жиі: жүрек айнуы, құсу, диарея, іш қату сияқты асқазан-ішек жолы қызметінің бұзылуы.

Бауыр және өт шығару жолдары тарапынан бұзылулар:

Сирек: гепатит.

Тері және тері асты тіндері тарапынани бұзылулар:

Сирек: жоғары сезімталдық реакциялары (қышыну, қызару, бөртпе).

Өте сирек: алопеция. Бета-блокаторлар псориазды нашарлатуы немесе оған түрткі болуы немесе псориазға тән бөртпелерді туындатуы мүмкін.

Қаңқа-бұлшықет және дәнекер тіндер тарапынан бұзылулар:

Жиі емес: бұлшықет әлсіздігі және құрысулар.

Репродуктивті жүйе және сүт безі тарапынан бұзылулар:

Сирек: потенцияның бұзылуы.

Жалпы бұзылулар:

Жиі: әлсіздік, шаршағыштық.

Зертханалық көрсеткіштер:

Сирек: триглицеридтер деңгейінің жоғарылауы, бауыр ферменттері (ACT, АЛТ) деңгейінің жоғарылауы.

Егер Сіз аталған жағымсыз әсерлердің қандай да бірін немесе басқа да қолайсыз немесе күтілмеген әсерлердің кез келгенін өзіңізден тапсаңыз, Өз емдеуші дәрігеріңізді хабардар етіңіз.

Жағымсыз әсерлер құбылысына күдік туралы хабарлар

Жағымсыз әсерлердің қандай да біріне күдіктенген жағдайда ол туралы хабар беру өте маңызды. Бұл дәрілік заттың пайда/қауіп арақатынасының бейінін ұдайы бақылауға мүмкіндік береді.

Қолдануға болмайтын жағдайлар

Конкор®Кор препараты мынадай аурулары бар емделушілерде қолданылмауы тиіс:

  • жедел жүрек жеткіліксіздігі немесе көктамырішілік инотропты ем жүргізуді талап ететін жүрек жеткіліксіздігінің декомпенсациясы эпизодтары кезінде

  • кардиогенді шок

  • екінші немесе үшінші дәрежедегі атриовентрикулярлық блокада

  • синустық түйіннің әлсіздік синдромы

  • синоатриальді блокада

  • симптоматикалық брадикардия

  • симптоматикалық гипотензия

  • ауыр бронх демікпесі

  • артериялардың шеткергі окклюзиялық зақымдануларының ауыр түрлері немесе Рейно синдромы

  • емделмеген феохромоцитома

  • метаболизмдік ацидоз

  • бисопрололға немесе қосымша заттардың кез келгеніне аса жоғары сезімталдық

  • 18 жасқа дейінгі балалар мен жасөспірімдерге

Сақтықпен

  • бронхотүйілуі (бронх демікпесі, тыныс алу жолдарының обструктивтік аурулары)

  • қандағы глюкоза деңгейінің едәуір ауытқулары бар қант диабеті (гипогликемия симптомдары бүркемеленуі мүмкін)

  • қатаң емдәм

  • ұзаққа созылатын десенсибилизациялаушы ем. Басқа да бета-блокаторлар сияқты, бисопролол аллергендерге сезімталдықты жоғарылатуы және анафилактикалық реакциялар айқындығын күшейтуі мүмкін. Эпинефринмен емдеу әрдайым күтілген емдік әсермен қамтамасыз етпейді.

  • AV-блокадасының бірінші дәрежесі

  • Принцметалл стенокардиясы

  • артериялардың шеткергі окклюзиялық зақымданулары (ем басталғаннан кейін симптомдардың күшеюі мүмкін)

  • жалпы анестезия

Дәрілермен өзара әрекеттесуі

Басқа препараттарды бір мезгілде қабылдау препараттың тиімділігі мен көтерімділігіне ықпал етуі мүмкін. Егер басқа препарат қабылданған сәттен тым аз уақыт өтсе, осындай өзара әрекеттесулер болуы мүмкін. Егер Сіз қандай да бір басқа препараттар қабылдап жүрсеңіз, тіпті Сізге оларды Сіздің дәрігеріңіз тағайындамаса да, Өз емдеуші дәрігеріңізді хабардар етіңіз.

Бір мезгілде қабылдау ұсынылмайды

Верапамил және аз дәрежеде дилтиазем секілді кальций антагонистері, Конкор®Кор препаратымен бір мезгілде қолданғанда жүрек бұлшықетінің жиырылу қабілетінің төмендеуіне әкелуі және атриовентрикулярлық импульстердің берілуін кідіртуі мүмкін. Атап айтқанда, бета-блокаторлармен ем алып жүрген емделушілерге верапамилді көктамыр ішіне енгізу терең гипотензияға және атриовентрикулярлық блокадаға алып келеді.

Аритмияға қарсы 1 класты дәрілер (мысалы, хинидин, дизопирамид, лидокаин, фенитоин; флекаинид, пропафенон) жүрек бұлшықетінің жиырылу қабілетіне және атриовентрикулярлық өткізгіштікке қатысты Конкор®Кор препаратының бәсеңдеткіш әсерін күшейте алады.

Орталықтық әсер ететін антигипертензиялық препараттарды (клонидин, метилдопа, моксонидин, рилменидин сияқты) бисопрололмен бір мезгілде қолдану орталық симпатикалық тонустың төмендеуі салдарынан (жүректің жиырылу жиілігі мен жүрек лықсуының төмендеуі, вазодилатация) жүрек жеткіліксіздігін ушықтыруы мүмкін.

Кенеттен, әсіресе, бета-блокаторларды тоқтатуға дейін тоқтату «рикошетті» гипертензияның даму қаупін арттыра алады.

Бір мезгілде қабылдауда сақ болу талап етіледі

Дигидропиридин типтес кальций антагонистері (мысалы, фелодипин, амлодипин) Конкор®Кор препаратымен бір мезгілде қолданылғанда гипотензияның даму қаупін арттырады. Жүрек жеткіліксіздігі бар емделушілерде қарыншалардың сорғылау функциясының кейіннен нашарлау қаупін жоққа шығаруға болмайды.

Аритмияға қарсы ІІІ класты препараттар (мысалы, амиодарон) Конкор®Кор препаратының атриовентрикулярлық импульстер өту әсерінің бәсеңдетілуін күшейте алады.

Жергілікті бета-блокаторлардың әсері (мысалы, глаукоманы емдеуге арналған көз тамшысы) Конкор®Кор препаратының жүйелік әсерлерімен қосылуы мүмкін.

Парасимпатомиметикалық препараттар Конкор®Кор препаратымен бір мезгілде қолданылғанда атриовентрикулярлық импульстердің өтуін бәсеңдету әсерін күшейтіп, брадикардияның даму қаупін арттыра алады.

Инсулиннің немесе диабетке қарсы ішу арқылы қолданылатын препараттардың қантты азайтатын әсері күшеюі мүмкін. Қандағы глюкоза деңгейінің төмендеу белгілері (гипогликемия) бүркемеленуі немесе бәсеңдеуі мүмкін.

Жансыздандыратын препараттар Конкор®Кор препаратының жүрекке бәсеңдету әсер ету қаупін арттырып, гипотензияға әкеп соқтырады.

Жүрек гликозидтері (дигиталис) Конкор®Кор препаратымен бір мезгілде қолданған кезде импульстің өту уақытын ұзартып, осылайша, ЖЖЖ төмендеуіне алып келеді.

Қабынуға қарсы стероидты емес дәрілер (ҚҚСД) Конкор®Кор препаратының гипотензиялық әсерін төмендетуі мүмкін.

Конкор®Кор препаратын және бета-симпатомиметиктерді (мысалы, изопреналин, добутамин) бір мезгілде қолдану екі препараттың да әсерін төмендетуі мүмкін.

Конкор®Кор препаратын бета және альфа-адренорецепторларды белсенділендіретін симпатомиметиктермен (мысалы, норадреналин, адреналин) үйлестіру осы препараттардың альфа-адренорецептор арқылы вазоконстрикторлық әсерлерін күшейтіп, қан қысымының көтерілуіне алып келеді. Осындай өзара әрекеттесулердің селективті емес бета-блокаторларды қолданған кезде болуы ықтимал.

Осындай өзара әрекеттесулердің селективті емес бета-блокаторлар қолданылған кезде болуы ықтимал.

Гипертензияға қарсы дәрілер, гипертензияға қарсы әсері болуы мүмкін басқа да дәрілер (мысалы, үш циклды антидепрессанттар, барбитураттар, фенотиазиндер) сияқты, Конкор®Кор препаратының гипотензиялық әсерін күшейтуі мүмкін.

Талқылануы тиіс үйлестірілімдер

Мефлохин Конкор®Кор препаратымен бір мезгілде қолданылғанда брадикардия қаупін арттыруы мүмкін.

Моноаминооксидаза тежегіштері (В моноаминооксидаза тежегіштерін қоспағанда) бета-блокаторлардың гипотензиялық әсерін күшейтуі мүмкін. Бір мезгілде қолдану гипертензиялық криздің дамуына алып келеді.

Айрықша нұсқаулар

Емделушілердің ерекше топтары: қазіргі сәтте жүрек жеткіліксіздігі және қатарлас I типті инсулинге тәуелді диабеті, бүйрек функциясының ауыр бұзылулары, бауыр функциясының ауыр бұзылулары, рестриктивті кардиомиопатиясы, гемодинамиканы бұзатын туа біткен жүрек аурулары немесе жүрек клапандарының органикалық ақаулары бар емделушілерде Конкор®Кор препаратын қолданудың жеткілікті емдік тәжірибесі жоқ. Ағымдағы бастапқы 3 айдағы жүрек жеткіліксіздігі мен миокард инфарктісі бар емделушілерде де Конкор®Кор препаратын қолданудың жеткілікті емдік тәжірибесі де жоқ.

Жалпы жансыздандыру: жалпы наркоздағы емделушілерде, бета-адренергиялық рецепторлардың бөгелуі наркозды индукциялау және интубация кезінде, сондай-ақ операциядан кейінгі кезеңде аритмия және миокард ишемиясының даму жиілігін төмендетеді. Қазіргі таңда бета-адренергиялық рецепторлардың периоперациялық демеуші бөгелісін жалғастыру ұсынылады. Анестезиолог-дәрігерді басқа препараттармен өзара әрекеттесу мүмкіндігіне байланысты бета-адренергиялық рецепторлар бөгегіштерін қабылдауы жөнінде ескерту керек, ол брадиаритмияның дамуына, рефлекторлы тахикардияның азаюына және қан жоғалтуды рефлекторлы қалпына келтіру қабілетінің төмендеуіне әкелуі мүмкін. Операциялық араласым алдында бета-блокаторлармен емді тоқтату қажеттігінде,оны біртіндеп жүргізу және наркозға дейін 48 сағат бұрын аяқтау керек.

Тыныс алу жүйесі: кардиоселективті (β1) бета-блокаторлар селективті емес бета-блокаторлармен салыстырғанда, өкпенің функциясына аз әсер етуі мүмкін болғанмен, басқа да бета-блокаторлар секілді, егер оларды қолдану үшін шұғыл себептері болмаса, оларды тыныс жолдарының обструктивті ауруларымен емделушілермен қолдануға болмайды.

Егер осындай себептер болса, Конкор®Кор препаратын сақтықпен қолдану керек. Тыныс жолдарының обструктивті ауруларымен емделушілерде Конкор®Кор препаратымен емдеуді мүмкіндігінше ең төмен дозамен бастау керек.

Одан басқа, емделушілерде жаңа симптомдардың (мысалы, ентігу, дене жүктемесін көтере алмау, жөтел) пайда болуына мұқият мониторинг жүргізілуі керек. Симптомдарды туындатуы мүмкін, бронх демікпесінде немесе басқа да өкпенің созылмалы обструктивті ауруларында бір мезгілде бронходилатациялайтын препараттарды тағайындау керек.

Демікпесі бар емделушілерде кейде тыныс алу жолдарында төзімділіктің артуы болады, бұл бета2-симпатомиметиктердің дозасын жоғарылатуды талап етеді.

Псориаз: псориазбен немесе сыртартқысында псориазбен емделушілер пайда және қауіп арақатынасын мұқият салыстырғаннан кейін ғана бета-блокаторларды (мысалы, бисопролол) қабылдауы керек.

Феохромоцитома: феохромоцитомасы бар емделушілерде Конкор®Корды альфа-рецепторлардың алдыңғы блокадасынан кейін ғана тағайындауға болады.

Тиреотоксикоз: Конкор®Кор препаратымен емдегенде қалқанша без гиперфункциясының симптомдары (тиреотоксикоз) бүркемеленуі мүмкін.

Жүктілік және лактация кезеңі

Жүктілік

Бисопрололдың фармакологиялық әсері жүктілік және/немесе ұрық/жаңа туғандарға зиянды әсер етуі мүмкін. Әдетте, бета-адренергиялық рецепторлар блокаторлары плацентарлық қанағымын төмендетеді, ол өсудің баяулауымен, жатырішілік өлім, түсік тастау немесе уақытынан ерте босанумен байланысты. Жағымсыз әсерлер (мысалы, гипогликемия және брадикардия) ұрық пен жаңа туғандарда пайда болуы мүмкін. Егер бета-адренергиялық рецепторлар блокаторларымен емдеу қажет болса, бета1-адренорецепторлардың селективті блокаторларын қабылдаған жөн.

Конкор®Кор препараты тек талассыз қажеттігінде қолданылуы мүмкін. Егер Конкор®Кор препаратымен емдеу қажет болса, жатыр-плацентарлық қанағымы мен ұрықтың өсуін бақылау керек. Жүктілік немесе ұрыққа жағымсыз әсер еткен жағдайда емдеудің балама әдістері мүмкіндігін қарастыру керек. Туғаннан кейін жаңа туған балаларды мұқият бақылау керек. Гипогликемия және брадикардия симптомдарын әдетте өмірінің алғашқы үш күні ішінде күту керек.

Лактация кезеңі

Бисопрололдың ана сүтіне бөлініп шығуы жөнінде деректер жоқ. Сондықтан лактация кезеңінде Конкор®Кор препаратын қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бисопролол жүректің коронарлық тамырлары ауруларынан зардап шегетін емделушілерді зерттеу кезінде олардың көлік жүргізу қабілетіне ықпал етпеген. Алайда, емделушінің емге жекеше реакциясына қарай, механизмдер жүргізу және басқару қабілеті бұзылуы мүмкін. Емдеуді бастар алдында, препаратты ауыстырғаннан кейін, сондай-ақ бір мезгілде алкоголь тұтынған кезде бұған ерекше назар аударған жөн.

Артық дозалануы

Симптомдары: артық дозаланған жағдайда (мысалы, 7,5 мг орнына 15 мг тәуліктік дозада) үшінші дәрежедегі атриовентрикулярлық блокада, брадикардия және бас айналуы байқалды. Негізінен бета-блокаторлардың артық дозалануының жиірек кездесетін симптомдары брадикардия, гипотензия, бронхтүйілуі, жедел жүрек жеткіліксіздігі мен гипогликемия болып табылады.

Бүгінгі күні бисопрололдың гипертониямен және /немесе брадикардия және/немесе гипертензия белгілерімен жүректің коронарлық ауруымен емделушілерде артық дозалануының (ең жоғары дозасы: 2000 мг) бірнеше жағдайлары белгілі; артық дозаланудан кейін барлық емделушілер сауығып кетті. Бисопрололдың бір реттік жоғары дозасына сезімталдықтың жоғары жекелей ауытқымалығы бар және жүрек жеткіліксіздігімен емделушілер өте жоғары сезімталдық иеленеді деп болжамданады.

Яғни, осы емделушілерді Конкор®Кор препаратымен емдеуді міндетті түрде «Қолдану тәсілі және дозалары» бөлімінде берілген сызбаға сәйкес дозаны біртіндеп жоғарылатудан бастау керек.

Емі: артық дозаланған жағдайда Конкор®Кор препаратымен емді тоқтату және демеуші және симптоматикалық ем жүргізу керек. Бисопролол диализ көмегімен шығарылмайтыны жөнінде шектелген деректер бар. Болжамды фармакологиялық әсерлері және басқа бета-блокаторлар бойынша ұсынымдарға сәйкес клиникалық көрсетілімдерде келесі жалпы шараларды қарастыру керек.

Брадикардия: атропинді көктамыр ішіне енгізу. Егер емге реакция жеткіліксіз болса, сақтықпен изопреналин немесе оң хронотропты қасиеттерімен басқа препарат енгізуге болады. Кейбір жағдайларда трансвенозды кардиостимулятор орнату қажет болуы мүмкін .

Артериялық гипотензия: ерітінділер мен қантамырларын тарылтатын заттарды көктамыр ішіне енгізуге болады. Сондай-ақ глюкагонды көктамыр ішіне енгізу пайдалы болуы мүмкін.

Атриовентрикулярлық блокада (екінші немесе үшінші дәрежелі): изопреналинді инфузиялық енгізумен немесе трансвенозды кардиостимуляторды орнатумен емделушілерді мұқият мониторингілеу және ем жүргізу керек.

Жүрек жеткіліксіздігінің нашарлауы (жедел): диуретиктерді, инотропты препараттарды, қантамырларын кеңейтетін дәрілерді көктамыр ішіне енгізу.

Бронхтүйілуі: изопреналин, бета2-симпатомиметиктер және/немесе аминофиллин секілді дәрілерді қолданумен бронходилататорлармен емдеу.

Гипогликемия: глюкозаны көктамыр ішіне енгізу.

Шығарылу түрі және қаптамасы

30 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 1 пішінді ұяшықты қаптамадан қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25oС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

Мерк КГаА, Германия

Қаптаушы

Мерк КГаА, Германия

Тіркеу куәлігінің иесі

Мерк КГаА, Германия

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

Қазақстандағы «Takeda Osteuropa Holding GmbH» (Австрия) компаниясының өкілдігі

Алматы қ., Шашкин к-сі, 44

Телефон нөмірі (727) 2444004, факс нөмірі (727) 2444005

Электронды поштасы: DSO-KZ@takeda.com

Прикрепленные файлы

617394981477976394_ru.doc 115.5 кб
741667711477977593_kz.doc 125.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники