Колдфри®

• русский
• қазақша

• Скачать инструкцию медикамента

Саудалық атауы

Колдфри®

Халықаралық патенттелмеген атауы

Жоқ

Дәрілік түрі

Таблеткалар

Құрамы

Күндізгі бір таблетканың құрамында

белсенді заттар: парацетамол 500.0 мг

хлорфенирамин малеаты 2.0 мг

фенилэфрин гидрохлориді 5.0 мг

кофеин (сусыз) 15.0 мг

қосымша заттар: жүгері крахмалы, повидон К-30, желатин, магний стеараты, хинолинді сары Е104, темірдің сары тотығы Е172, бриллиантты көк Е133, метилпарабен, пропилпарабен.

Түнгі бір таблетканың құрамында

белсенді заттар: парацетамол 500.0 мг

хлорфенирамин малеаты 4.0 мг

фенилэфрин гидрохлориді 10.0 мг

қосымша заттар: жүгері крахмалы, повидон К-30, желатин, магний стеараты, хинолинді сары Е104, темірдің сары тотығы Е172, бриллиантты көк Е133, метилпарабен, пропилпарабен.

Сипаттамасы

Дөңгелек пішінді, ашық-сары (күндізгі) және ашық-жасыл (түнгі) түсті, беті жалпақ, бір жақ бетінде бөлетін сызығы және басқа жақ бетінде ойып жазылған "Medley" деген жазуы бар таблеткалар.

Фармакотерапиялық тобы

Басқа анальгетиктер-антипиретиктер. Анилидтер. Басқа препараттармен біріктірілген парацетамол.

АТХ коды N02BE51

Фармакологиялық қасиеттері

Фармакокинетикасы

Ішке қабылдағаннан кейін парацетамол асқазан-ішек жолынан (АІЖ), көбіне аш ішекте тез сіңеді. 500 мг дозада бір рет қабылдағаннан кейін қан плазмасында ең жоғары концентрацияға (Сmax) 10-60 минуттан соң жетеді және 6 мкг/мл-ге жуықты құрайды, содан кейін біртіндеп төмендейді және 6 сағаттан кейін 11-12 мкг/мл құрайды. Қан плазмасы ақуыздарымен байланысуы 10%-дан азды құрайды. Несеппен бірге, негізінен, глюкуронидті және сульфатты конъюгаттар түрінде шығарылады.

Кофеин бауырда (97%) 1- 7-метилксантинге, 1,7-диметилметилксантинге және 1,3-диметилнесеп қышқылына метаболизденеді, бұлар несеппен бірге шығарылады.

Ішке қабылданғаннан кейін фенилэфрин АІЖ-дан нашар сіңеді. Ішек қабырғасында және бауыр арқылы «алғаш» өткен кезде МАО-ның қатысуымен метаболизденеді Фенилэфриннің биожетімділігі төмен.

Хлорфенирамин әртүрлі тіндерге және гематоэнцефалдық бөгет арқылы жақсы өтеді. Бауырда метилдену арқылы метаболизденеді. Метаболиттер түрінде және өзгермеген күйінде бүйректер және асқазан-ішек жолы (АІЖ) арқылы шығарылады.

Фармакодинамикасы

Колдфри®, препараттың құрамына кіретін белсенді заттардың ықпалымен, ауыруды басатын, ыстықты түсіретін және аллергияға қарсы әсері бар біріктірілген препарат.

Парацетамол – қабынуға қарсы стероидты емес дәрі, ыстықты түсіретін, ауыруды басатын және қабынуға қарсы әсер береді.

Хлорфенирамин малеаты – антигистаминдік дәрі, Н1-гистаминдік рецепторлардың антагонисі, ісінуге қарсы әсер етеді.

Фенилэфрин гидрохлориді – ά1-адренорецепторлардың селективті агонисі, қантамырларды тарылтып, осылайша, мұрынның бітелуін және мұрыннан бөлінетін бөлінділердің азаюына мүмкіндік береді.

Кофеин ангидриді – психостимуляциялаушы дәрі, пурин туындысы, ақыл-ой және физикалық жұмыс қабілетін арттырып, шаршауды және ұйқышылдықты төмендетеді. Хлорфенираминнен болған ұйқышылдықты азайтады.

Қолданылуы

Мына ауруларда мұрын бітелуін, мұрыннан бөлінділердің бөлінуін, түшкіруді, бастың ауыруын, дене мен аяқ-қолдардың ауыруын, температураның көтерілуін қайтару үшін:

• салқын тиюден болған ауруларда

• тұмауда

• жедел ринитте, синуситте

Қолдану тәсілі және дозалары

Ересектерге: 1 ашық-сары таблетка (Колдфридің® күндізгі таблеткалары) – таңертең және күндіз, 1 ашық-жасыл таблетка (Колдфридің® түнгі таблеткалары) – түнге.

Таблеткаларды 3 күн бойы, сумен, жеміс шырынымен немесе сүтпен ішіп қабылдайды. Көрсетілген дозаларды арттырмау және Колдфридің® түнгі таблеткаларын күндіз қабылдамау керек.

Жағымсыз әсерлері

- тері бөртпесі, қышыну, есекжем, ангионевротикалық ісіну

- бас айналу, ұйықтаудың бұзылуы, қатты қозғыштық

- артериялық қысымның жоғарылауы, тахикардия

- жүректің айнуы, құсу, эпигастральді ауыру, ауыз ішінің құрғауы

- несептің іркілуі

- аккомодация парезі, көзішілік қысымның жоғарылауы, мидриаз

- анемия, тромбоцитопения, агранулоцитоз, гемолитикалық анемия, апластикалық анемия, метгемоглобинемия, панцитопения

- гепатоуытты әсер

- нефроуыттылық (папиллярлы некроз)

- бронх обструкциясы.

- ұзақ уақыт, әсіресе үлкен дозаларда, қолданғанда метгемоглобинемия, анемия, нефроуытты және гепатоуытты әсер пайда болуы мүмкін.

Сақтықпен – коронарлы артериялардың айқын атеросклерозы, артериялық гипертензия, тиреоуыттылық, феохромоцитома, қант диабеті, бронх демікпесі, өкпенің созылмалы обструкциялық ауруы, глюкозо-6-фосфатдегидрогеназа тапшылығы, қан аурулары, іштен туа болған гипербилирубинемиялар (Жильбер, Дубин-Джонсон және Ротор синдромы), бауыр және/немесе бүйрек қызметінің жеткіліксіздігі, жабық бұрышты глаукома, қуықасты безінің гиперплазиясы.

Қолдануға болмайтын жағдайлар

- препарат компоненттеріне жоғары сезімталдық

- үшциклдік антидепрессанттарды, МАО тежегіштерін, бета-адренобөгегіштерді бір мезгілде қабылдау

- құрамында парацетамол бар препараттармен бір мезгілде қабылдау

- артериялық гипертензия

- гипертиреоз

- қуықасты безінің гипертрофиясы

- жүктілік және лактация кезеңі

- 18 жасқа дейінгі балалар

Дәрілермен өзара әрекеттесуі

Препарат МАО (моноаминооксидаза) тежегіштерінің, үшциклді антидепрессанттардың, седативті препараттардың, этанолдың және этанолы бар препараттардың әсерлерін күшейтуі мүмкін.

Этанол парацетамолдың метаболизмін стимуляциялайды және оның гепатоуыттылығын арттырады.

Парацетамолды азидотимидинмен бір мезгілде қолданғанда нейтропения пайда болуы мүмкін.

Хлорамфениколмен бір мезгілде қолданғанда парацетамол оның уыттылығын арттырады.

Микросомальді изоферменттердің белсенділігін стимуляциялайтын препараттар парацетамолдың гепатоуытты әсерін күшейтеді.

Айрықша нұсқаулар

Емделу кезінде алкоголь, ұйықтататын және анксиолитикалық (транквилизаторлар) дәрілік заттарды тоқтатқан жөн. Құрамында парацетамол бар басқа дәрілік заттармен бірге қабылдауға болмайды. Егер ауру симптомдары 3 – 5 күн ішінде қайтпаса, дәрігерге қаралу керек.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Зейінді жұмылдыруды, қимыл-қозғалыс және психикалық реакциялар шапшаңдығын қажет ететін жұмыстарды жасағанда сақ болған жөн.

Артық дозалануы

Симптомдары: ауыз ішінің құрғауы, тамыр соғысының жиілеуі, аритмиялар, тершеңдік, жүректің айнуы, құсу, іштің ауыруы, белсенділіктің күшеюі (қатты қозу), елестеулер, бауыр және/немесе бүйрек қызметінің жеткіліксіздігі.

Емдеу: асқазанды шаю, ацетилцистеинді немесе метионинді көктамыр ішіне енгізу, симптоматикалық ем жүргізу.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 6 таблеткадан (күндізгі) және 3 таблеткадан (түнгі).

Пішінді ұяшықты 1 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндірушінің атауы және мекенжайы

«Медлей Фармасьютикалз Лимитед», Үндістан

Medley House, D2, MIDS Area, Andheri (East), Mumbai – 400 093

Тіркеу куәлігінің иесі

«Медлей Фармасьютикалз Лимитед», Үндістан

Medley House, D2, MIDS Area, Andheri (East), Mumbai – 400 093

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

ҚР-дағы «Медлей Фармасьютикалз Лимитед» компаниясының өкілдігі сенімді тұлға атынан

Амита Шривастава

Алматы қ-сы, Құрманғазы к-сі 48А

E.mail: registration1@kazeuropharm.com

Тел./факс: 261-51-41