Колдрекс® Найт

• русский
• қазақша

• Скачать инструкцию медикамента

Саудалық атауы

Колдрекс® Найт

Халықаралық патенттелмеген атауы

Жоқ

Дәрілік түрі

Капсулалар

Препараттың құрамы

Әр капсуланың құрамында

белсенді заттар: 500 мг парацетамол

10 мг прометазин гидрохлориді

7,5 мг декстрометорфан гидробромиді

қосымша заттар: лактоза, диметикон, гидратацияланған коллоидты кремнийдің қостотығы.

қабықтың құрамы: желатин, титанның қостотығы (Е 171), хинолинді сары (Е 104), патенттелген көк V (Е 131), баспа сиясы

Сипаттамасы

Екі жартысында «COLDREX NITE» деген таңбасы бар ақ түсті күңгірт корпусты және ашық жасыл түсті қақпақшасымен қатты желатинді капсулалар.

Фармакотерапиялық тобы

Анальгетиктер-антипиретиктер. Анилидтер. Психолептиктермен біріктірілген парацетамол.

АТЖ коды N02BЕ51

Фармакологиялық қасиеттері

Фармакокинетикасы

Парацетамол - асқазан-ішек жолынан жылдам және толық дерлік (96%) сіңеді. Қандағы ең жоғары концентрация 6 мкг/мл-ге жуық, ең жоғары концентрациясына жету уақыты 10-60 мин. Ақуыздармен байланысы 10% азырақ. Парацетамол бауырда метаболизденеді, оның көп бөлігі глюкурон қышқылымен конъюгация реакцияларына және белсенді емес метаболиттер түзе отырып сульфаттармен реакцияларға түседі және сульфатты, глюкуронды коньюгаттар түрінде несеппен шығарылады. Жартылай шығарылу кезеңі 1,68 сағ.

Прометазин гидрохлориді асқазан-ішек жолынан белсенді сіңеді және бауыр арқылы алғашқы өтуінде метаболизмге ұшырайды, бұл орайда дозаның тек 25%-ы өзгермеген күйде жүйелі қан ағымына түседі. Препараттың емдік тиімділігі оны қабылдағаннан 15-30 мин кейін тіркеледі, қан плазмасындағы концентрациясының шыңына 2-3 сағаттан соң жетеді. Жартылай шығару кезеңі 4-6 сағатты құрайды. Препарат плазма ақуыздарымен белсенді байланысады. Ол негізінен метаболиттер түрінде шығарылады (ішекпен шығуы басымдау [өтпен]), бұл орайда дозаның 1%-дан азы өзгермеген күйде және дозаның 10%-ға жуығы сульфоксидті метаболит түрінде несеппен 72 сағат ішінде шығарылады.

Декстрометорфан гидробромиді асқазан-ішек жолынан жедел сіңеді.

Бауырда метаболизденеді және жөтелге қарсы әлсіз әсері бар декстрофанды қоса, өзгермеген (дозаның аз бөлігі) не декстрометорфанды қоса және деметилирленген метаболиттер түрінде несеппен шығарылады.

.

Фармакодинамикасы

Парацетамол

Парацетамолдың ауырғанды басатын, ыстық түсіретін әсері егжей-тегжейлі зерделенген. Бұл препарат орташа жылдамдықтағы ауру сезімін жояды (мысалы, бас ауруы, бұлшықет, буындар мен шеткергі жүйкелер аурулары кезіндегі ауру сезімдері). Қызбаны термореттеуші және жылу беру орталықтарына тікелей әсер ету есебінен жояды.

Ыстықты түсіретін әсері парацетамолдың простагландин-синтаз әсерін таңдамалы бөгеу қабілетіне байланысты, осы арқылы орталық (бірақ шеткергі емес) жүйке жүйесіндегі простагландиндер синтезін болдырмайды. Парацетамол орталықтан әсер етуден өзге, ауру сезімін қабылдауды қамтамасыз ететін брадикинин-сезімтал хеморецепторлар деңгейінде жүйке импульстары бөгетімен шартталған шеткергі әсерге де ие.

Прометазин гидрохлориді

Прометазин фенотиазиннің туындысы болып табылады және гистаминге қарсы препараттың қасиеттеріне ие. Гистамин Н1-рецепторларының бәсекелес антагонисі болып табылады және Н2-рецепторларынан болған әсерлерге ықпалын тигізбейді. Препарат, сондай-ақ фенотиазиндік қатардың Н1-гистаминбөгегіші ретінде антихолинергиялық, жергілікті жансыздандыру мен әлсіз альфа-адренобөгегіштік әсерді тежейді.

Соңғы қасиеті препаратты тек көктамыр ішіне жылдам енгізген кезде клиникалық маңызды болып табылады. Әдетте күніне препараттың бір дозасын – айқын көрінетін тыныштандыратын әсеріне байланысты мүмкіндігінше түнде қабылдаған жеткілікті

Декстрометорфан гидробромиді

Декстрометорфан сопақша мидағы жөтел орталығына әсер етіп, жөтелдің даму шегін жоғарылатады.

Емдеу дозасында препарат тыныс жолдары эпителиясының кірпікшелері қызметін тежейді. Декстрометорфанның жөтелге қарсы әсерін кодеиннің әсерімен салыстыруға болады. Декстрометорфан кодеин секілді мидың жөтел орталығында афферентті импульстауды басатыны белгіленген. Декстрометорфан леворфанолдың метилденген декстро-изомерінен тұрады, алайда өзінің наркологиялық аналогынан айырмашылығы оның ауырғанды басатын күшті әсері жоқ, тыныс орталығы белсенділігін бәсеңдетпейді және нашақорлыққа әкелмейді.

Қолданылуы

• суық тию, қызба және тұмау, бас ауыруы, қалтырау, әр қилы ауру сезімдері, тамақ ауруы сезімдерін, тұмау мен құрғақ жөтел симптомдарын жеңілдетуде. Көрсетілген симптомдарды жеңілдету ұйқының жақсаруына ықпал етеді.

Қолдану тәсілі және дозалары

Ересектерге (егде жастағыларды қоса): 2 капсуладан тікелей ұйықтар алдында.

Препаратты тек түнге қарай тәулігіне бір рет қабылдаңыз.

Егер препаратты 3 күн қабылдағаннан кейін симптомдар сақталып қалатын болса, дәрігерге жүгінген жөн. Егер күн бойында парацетамолды қосындысы 4 г дейінгі дозада қабылдасаңыз, Колдрекс® Найтты қабылдамаңыз.

Егер ауру белгілері сақталған кезде дәрігерге көрініңіз.

Көрсетілген дозадан асырмаңыз.

Жағымсыз әсерлері

Сирек

- аллергиялық реакция (оның ішінде тері бөртпесі, есекжем, Квинке ісігі)

- күн сәулесіне асқын сезімталдық

Өте сирек

- ұйқышылдық

- бас айналу

- ауыздың құрғауы

- тынышсыздану

- қозғалыс үйлесімінің бұзылуы

- көз алдының буалдырлануы, бағдарсыздық

- асқазан-ішек бұзылулары

- несеп шығару іркілісі

- аккомодация салдануы

- бронхтың бітелуі

Бұл әсерлер уақытша сипатта және препаратты тоқтатқаннан кейін кетеді.

Тым сирек

- қан көрінісінің бұзылуы (анемия, тромбоцитопения)

Ұзақ және жоғары дозада қолданған кезде бауыр мен бүйрек қызметі айтарлықтай бұзылуының дамып кету қаупі бар.

Қолдануға болмайтын жағдайлар

- парацетамолға, прометазин гидрохлориді немесе декстрометорфан гидробромидіне аллергиялық реакцияда

- бауыр немесе бүйрек қызметінің ауыр бұзылуларында

- циклдық антидепрессанттармен, бета-бөгегіштермен, МАО тежегіштерімен бір мезгілде қабылдағанда

- қуық асты безі аденомасында

- глюкозо-6-фосфатдегидрогеназдың генетикалық болмауында

- тромбоцитопениялық пурпура, тромбоцитопатияда

- эпилепсияда

- тұқым қуалаған лактозаны көтере алмаушылықта

- жүктілікке тест жүргізу (өйткені препарат тест нәтижелерін бұрмалауы мүмкін)

- 18 жасқа дейінгі балаларға

Колдрекс® Найтпен бір мезгілде суық тиюге немесе тұмауға қарсы дәрілерді, құрамында парацетамол бар препараттарды, сондай-ақ алкогольдік сусындарды қабылдамаңыз.

Дәрілермен өзара әрекеттесуі

Препарат тікелей емес антикоагулянттар (кумарин туындылары), этанол, ұйықтататын құралдар, МАО анксиолитиктері мен тежегіштерінің әсерін күшейтеді. Бауырдағы микросомальды қышқылдану көтермелеушілері (барбитураттар, үшциклдік антидепрессанттар) артық дозалау кезіндегі гепатоуытты әсер етудің қаупін арттырады. Микросомальды қышқылданудың тежегіштері (циметидин) гепатоуытты әсер ету қаупін төмендетеді. Урикозуриялық препараттардың тиімділігін төмендетуі мүмкін. Парацетамолдың сіңуін метоклопрамид және домперидон ұлғайтады, ал колестирамин төмендетеді.

Айрықша нұсқаулар

Колдрекс® Найтты қабылдау алдында мынадай жағдайларда дәрігердің кеңесі қажет:

- жүктілік және лактация кезінде;

- демікпе немесе басқа респираторлық ауруларда, эпилепсияда, глаукомада, несеп іркілісінде, қуық асты безі мен жүрек аурулары кезінде;

- антикоагулянттарды (мысалы, варфариннің) қабылдаған кезде немесе ұйқы шақыратын, ауызды құрғататын, көруді бұзатын дәрілерді қабылдағанда;

- транквилизаторлар мен ұйықтататын препараттарды қабылдау кезінде;

- глюкозаға төзімділіктің төмендігінде

- ісікке қарсы немесе құрамында парацетомол бар басқа препараттарды күні бойы қабылдаған кезде дәрігердің қосымша кеңесі қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Колдрекс Найттың ұйқы шақыруы мүмкін. Егер препарат ұйқы шақыратын болса, автомобиль басқарудан және механизмдермен жұмыс істеуден бас тартыңыз.

Артық дозаланғанда

Симптомдары: тері жабындарының бозаруы, анорексия, жүрек айнуы мен құсу. Бір-екі тәуліктен кейін бауырдың зақымдану белгілері анықталуы мүмкін. Ауыр жағдайларда бауыр жеткіліксіздігі мен коматозды жағдай дамиды. Улану күдігі туындағанда жедел түрде дәрігерлік көмекке жүгіну қажет.

Емдеу: уланудың алғашқы сағаттары ішінде асқазанды жуып, адсорбенттер (белсенділендірілген көмір) тағайындау және дәрігерге көріну керек. Ацетилцистеин, метионин парацетамолмен улану кезіндегі арнайы у қайтарғы болып табылады.

Шығарылу түрі

Күңгірт поливинилхлоридті үлбір мен баспалы алюминий фольгадан жасалған пішінді ұяшықты қаптамаға 10 капсуладан салынады.

1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау мерзімі

3 жыл

Сақтау шарттары

+25ºC-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші

Рафтон Лабораториз Лимитед, Ұлыбритания ГлаксоСмитКляйн Консьюмер Хелскер үшін, Ұлыбритания.

Wrafton Laboratories Limited, Wrafton, Braunton, Devon, United Kingdom, EX33 2DL

Тіркеу куәлігі иесінің атауы мен елі

«ГлаксоСмитКляйн Консьюмер Хелскер», Ұлыбритания

Қаптаушы ұйымының атауы мен елі

«Рафтон Лабораториз Лтд», Ұлыбритания

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«ГлаксоСмитКляйн Экспорт Лтд» ӨК. Алматы қ., Фурманов к-сі, 273.

Тел. +7 (727) 258 28 92, факс+7 (727) 258 28 90 (автомат). kz.safety@gsk.com