Коделак® Бронхо с чабрецом

Коделак® Бронхо тасшөп қосылған

Жоқ

Дәрілік түрі, дозасы

Эликсир

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді басатын біріктірулерді қоспағанда. Қақырық түсіретін препараттар. Қақырық түсіретін препараттар біріктірілімі.

АТХ коды R05CA10

Коделак Бронхо тасшөп қосылған эликсирі тұтқыр қақырық түзілетін тыныс алу жолдары аурулары кезінде ересектерде және 2 жастан асқан балаларда қолданылады:

- жедел және созылмалы бронхит,

- пневмония,

- өкпенің созылмалы обструкциялық ауруы (ӨСОА),

- бронхоэктаз ауруы.

Қолдану басталғанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық

- тұқым қуалайтын фруктоза жақпаушылығы бар пациенттерге

- жүктілік және бала емізу кезеңі

- 2 жасқа дейінгі балалар

Қолдану кезіндегі қажетті сақтандыру шаралары

Жөтелге қарсы дәрілермен біріктіруге болмайды.

Қант диабетімен ауыратын пациенттерге препаратты 5 мл эликсирде 0,18 ХБ мөлшерінде сорбиттің болуын ескере отырып пайдалануға болады.

Препараттың ең жоғары бір реттік дозасындағы абсолютті этил спиртінің құрамы – 0,24 грамм, препараттың ең жоғары тәуліктік дозасында – 0,96 грамм.

Басқа дәрілік препараттармен өзара әрекеттесуі

Жөтелге қарсы дәрілік заттармен бірге қолдану қақырықтың бөлініп шығуын қиындатуы мүмкін.

Амоксициклинмен, цефуроксиммен, эритромицинмен, доксициклинмен бір мезгілде қолданғанда амброксол олардың бронх секретіне енуін арттырады.

Арнайы ескертулер

Бауыр және/немесе бүйрек жеткіліксіздігі, асқазан мен он екі елі ішектің ойық жара ауруы, бронх демікпесі, қант диабеті кезінде. Бауыр аурулары, алкоголизм, бассүйек-ми жарақаты, ми аурулары кезінде, 2 жастан бастап балалар.

Жүктілік немесе лактация кезінде

Жүктілік кезінде Коделак® Бронко тасшөп қосылған эликсир препаратымен қолдануға болмайды. Емшекпен қоректендіру кезеңінде препаратты қабылдау қажет болған жағдайда, бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану кезеңінде жоғары зейін қоюды және психомоторлық реакциялар жылдамдығын талап ететін қауіптілігі зор қызмет түрлерін (көлік құралдарын басқару, қозғалатын механизмдермен жұмыс, диспетчер мен оператордың жұмысы) орындау кезінде сақ болу қажет.

Қолдану бойынша ұсыныстар

Дозалау режимі

Ересектер мен 12 жастан асқан балаларға – тәулігіне 4 рет 10 мл.

2-ден 6 жасқа дейінгі балаларға тәулігіне 3 рет 2,5 мл эликсир, 6-дан 12 жасқа дейін – тәулігіне 3 рет 5 мл тағайындайды.

Енгізу әдісі мен жолы

Ішке, тамақтану кезінде, аздаған су мөлшерімен ішеді.

Емдеу ұзақтығы

Дәрігердің кеңесінсіз ең жоғары емдеу ұзақтығы – 5 күн.

Артық дозалану жағдайында қабылдануы қажет шаралар

Симптомдары: жүрек айнуы, құсу, диарея, диспепсия.

Емі: жасанды құсу, препаратты қабылдағаннан кейін алғашқы 1-2 сағат ішінде асқазанды шаю.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер емдеу кезеңінде жақсару болмаса немесе симптомдар ушығып кетсе немесе жаңа симптомдар пайда болса, дәрігермен кеңесу қажет.

Препаратты тек сол көрсетілімдерге, қолдану тәсіліне және нұсқаулықта көрсетілген дозаларға сәйкес қолданыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Аллергиялық реакциялар.

Сирек – әлсіздік, бас ауыруы, диарея, ауыздың және тыныс алу жолдарының құрғауы, экзантема, ринорея, іш қату, дизурия. Жоғары дозада ұзақ қабылдау кезінде – гастралгия, жүрек айну, құсу.

Егер Сізде нұсқаулықта көрсетілген жағымсыз реакциялар байқалса немесе олар ушығып кетсе немесе нұсқаулықта көрсетілмеген басқа жағымсыз реакцияларды байқасаңыз, дәрігерге хабарлаңыз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

5 мл эликсир құрамы:

белсенді заттар:

амброксол гидрохлориді (амброксол) – 10,0 мг,

натрий глицирризинаты (глицирризин қышқылы тринатрий тұзы) - 30,0 мг,

жатаған жебіршөп шөбі экстрактісі (тасшөп сұйық экстрактісі) – 500 мг.

қосымша заттар: метилпарагидроксибензоат, пропилпарагидроксибензоат, сорбитол (сорбит), тазартылған су.

Сыртқы түрінің, иісінің, дәмінің сипаттамасы

Ашық қоңырдан қоңыр түске дейінгі мөлдір сұйықтық. Сақтау процесінде шөгінді түзілуге жол беріледі.

Шығарылу түрі және қаптамасы

100 мл немесе 200 мл препараттан ашылуы бақыланатын полимер қақпақтармен немесе ашылуы бақыланатын және балалардың ашып алуынан қорғанысы бар қақпақтармен жабылған күңгірт шыны құтыда.

Әрбір құтыға өзі жабысатын заттаңба немесе заттаңба немесе жазу қағазынан жасалған заттаңба жапсырылады.

Бір құты медициналық қолдану жөніндегі қазақ және орыс тілдеріндегі нұсқаулықпен және полипропиленнен жасалған өлшеуіш қасықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

"Фармстандарт-Лексредства" ашық акционерлік қоғамы ("Фармстандарт-Лексредства" ААҚ), Ресей

305022, Курск қ., 2-ші Агрегатная к-сі, 1а/18,

Тел./факс: (4712) 34-03-13, www.pharmstd.ru

Тіркеу куәлігінің ұстаушысы

"Отисифарм" акционерлік қоғамы, ("Отисифарм" АҚ), Ресей

123112, Мәскеу қ., Тестовская к-сі, 10 үй

12-қабат, II орынжай, 29-бөлме

Тел.: +7 (800) 775-98-19

Факс: +7 (495) 221-18-02

www.otcpharm.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"Қарағанды фармацевтикалық кешені" ЖШС, 100009, Қазақстан Республикасы, Қарағанды қ., Ғазалиев к-сі, 16 құрылыс

Тел / факс: +7 (7212) 437002; Тел: + 7 (7212) 507322

E-mail: kphk@kphk.kz