КОАКТ (500 мг/125 мг)

МНН: Амоксициллин, Клавулановая кислота
Производитель: Aurobindo Pharma Ltd
Анатомо-терапевтическо-химическая классификация: Амоксициллин в комбинации с ингибиторами бета-лактамаз
Номер регистрации в РК: № РК-ЛС-5№121939
Период регистрации: 30.12.2015 - 30.12.2020
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)

Инструкция

Саудалық атауы

Kоакт

Халықаралық патенттелмеген атауы

Жоқ

Дәрілік түрі

Қабықпен қапталған 250 мг/125 мг, 500 мг/125 мг, 875 мг/125 мг таблеткалар

Құрамы

Бір таблетканың құрамында

белсенді заттар: 286.70 мг амоксициллин тригидраты

(250.00 мг амоксициллинге баламалы)

277.77 мг калий клавуланаты + Авицел (1 : 1)

(125.00 мг клавулан қышқылына баламалы)

573.40 мг амоксициллин тригидраты

(500.00 мг амоксициллинге баламалы)

277.77 мг калий клавуланаты + Авицел (1 : 1)

(125.00 мг клавулан қышқылына баламалы)

1003.44 мг амоксициллин тригидраты

(875.00 мг амоксициллинге баламалы)

277.77 мг калий клавуланаты + Авицел (1 : 1)

(125.00 мг клавулан қышқылына баламалы)

қосымша заттар: микрокристалды целлюлоза (РН 101), натрий крахмалы гликоляты, сусыз коллоидты кремнийдің қостотығы, магний стеараты,

қабық құрамы: Опадри ақ 06В58855 IHS (гипромеллоза 5 сР (Е464), титанның қостотығы (Е171), макрогол/PEG 400, гипромеллоза 15 сР (Е464))

Сипаттамасы

Сопақша пішінді, бір жағында "А" өрнегі және екінші жағында "63" өрнегі бар ақ түсті қабықпен қапталған таблеткалар (250 мг/125 мг доза үшін)

Сопақша пішінді, бір жағында "А" өрнегі және екінші жағында "64" өрнегі бар ақ түсті қабықпен қапталған таблеткалар (500 мг/125 мг доза үшін)

Сопақша пішінді, бір жағында "А" өрнегі және екінші жағында "6" және "5" өрнегі және олардың арасында сызығы бар ақ түсті қабықпен қапталған таблеткалар (875 мг/125 мг доза үшін)

Фармакотерапиялық тобы

Жүйелі пайдалануға арналған бактерияға қарсы препараттар. Бета-лактамды бактерияға қарсы препараттар – Пенициллиндер. Бета-лактамазалар тежегіштерімен біріктірілген пенициллиндер. Клавулан қышқылы + амоксициллин.

АТХ коды J01CR02

Фармакологиялық қасиеттері

Фармакокинетикасы

Амоксициллин мен клавулан қышқылының негізгі фармакокинетикалық параметрлері ұқсас. Амоксициллин мен клавулан қышқылы біріктірілгенде бір-біріне ықпал етпейді.

Сіңуі

Амоксициллин мен клавуланат физиологиялық рН мәні бар сулы ерітінділерде жақсы ериді, ішу арқылы қабылдаудан кейін асқазан-ішек жолынан тез және толық сіңеді. Препаратты ас ішудің басында қабылдаған жағдайда амоксициллин мен клавулан қышқылының сіңуі оңтайлы. Препаратты ішке қабылдаудан кейін оның биожетімділігі 70 % құрайды. Препараттың екі компонентінің де бейіндері ұқсас және плазмадағы жоғары шекті концентрациясына (Тmax) шамамен 1 сағатта жетеді. Амоксициллин мен клавулан қышқылын бірге, сондай-ақ әр компонентті бөлек қолданған жағдайда да қан сарысуындағы амоксициллин мен клавулан қышқылының концентрациясы бірдей.

Таралуы

Амоксициллин мен клавулан қышқылы әртүрлі ағзалар мен тіндерде, интерстициальді сұйықтықта (өкпе, құрсақ қуысы ағзалары, өт қалтасы, май, сүйек және бұлшықет тіндері, плевралық, синовиальді және перитонеальді сұйықтықтар, тері, өт, іріңді бөлініс, қақырық) емдік концентрацияларына жетеді. Амоксициллин мен клавулан қышқылы жұлын-ми сұйықтығына мүлде өтпейді.

Амоксициллин мен клавулан қышқылының плазма ақуыздарымен байланысуы орташа: клавулан қышқылы үшін 25% және амоксициллин үшін 18%. Амоксициллин, пенициллиндердің көпшілігі сияқты, емшек сүтімен бөлінеді. Емшек сүтінен клавулан қышқылының іздік мөлшерлері де табылған. Сенсибилизация қаупін қоспағанда, амоксициллин мен клавулан қышқылы емшек сүтімен қоректенетін сәбилердің денсаулығына теріс әсер көрсетпейді. Амоксициллин мен клавулан қышқылы плацентарлық бөгет арқылы өтпейді.

Элиминациясы

Клавулан қышқылы бүйрек арқылы да, бүйректен тыс механизмдер арқылы да шығарылғанда амоксициллин, ең алдымен, бүйрекпен шығарылады. Бір 250 мг/125 мг немесе 500 мг/125 мг таблеткасын бір рет ішке қабылдаудан кейін амоксициллиннің 60-70% және клавулан қышқылының 40-65% шамасы алғашқы 6 сағат ішінде өзгеріссіз күйде несеппен шығарылады.

Метаболизмі

Амоксициллин қабылданған дозаның баламалы 10-25% мөлшерінде белсенді емес пенициллин қышқылы түрінде ішінара несеппен бөлінеді. Клавулан қышқылы организмде 2,5-дигидро-4-(2-гидроксиэтил)-5-оксо-1Н-пиррол-3-карбон қышқылы және 1-амино-4-гидрокси-бутанон-2 дейін қарқынды метаболизмге ұшырап, несеппен және нәжіспен, сондай-ақ деммен шығарылған ауа арқылы көмірқышқыл газы түрінде бөлінеді.

Фармакодинамикасы

Kоакт – әсер ету ауқымы кең антибиотик; құрамында жартылай синтетикалық пенициллин - амоксициллин және бета-лактамазалар тежегіші - клавулан қышқылы бар. Клавулан қышқылы Staphylococcus spp., Escherichia coli, Proteus mirabilis, Haemophilus influenzae, Moraxella catarrhalis, Bacteroides spp. өндіретін клиникалық мәнді бета-лактамазалардың көпшілігін тежейді. Enterobacter spp., Morganella morganii, Pseudomonas aeruginosa, Serratia spp., Acinetobacter spp. өндіретін 1 типті бета-лактамазаларға қатысты белсенді емес.

Kоакт – бұл құрамында амоксициллин мен клавулан қышқылы бар, бактерицидті әсер ету ауқымы кең, бета-лактамазаға төзімді біріктірілген антибиотик.

Амоксициллин – бұл грамоң және грамтеріс микроорганизмдерге қатысты белсенді, әсер ету ауқымы кең жартылай синтетикалық антибиотик. Амоксициллин бета-лактамазалардың әсер етуімен ыдырайды және осы ферментті өндіретін микроорганизмдерге әсер етпейді. Амоксициллиннің әсер ету механизмі бактериялардың жасушалық қабырға пептидогликандары биосинтезін тежеумен жүзеге асады, әдетте, бұл жасуша лизисіне және қырылуына әкеледі.

Клавулан қышқылы – бұл химиялық құрылымы жағынан пенициллиндер мен цефалоспориндерге төзімділік танытып, сол арқылы амоксициллин белсенділігін жоюға жол бермейтін микроорганизмдердің бета-лактамазалар энзимдерін белсенділіктен айыратын қабілеті бар пенициллиндерге жақын бета-лактамат. Бета-лактамазалар көптеген грамоң және грамтеріс бактериялармен өндіріледі. Бета-лактамазалар әсері бактерияға қарсы кейбір препараттардың олардың патогендерге әсер ете бастауына дейін-ақ ыдырауына әкелуі мүмкін. Клавулан қышқылы бактериялардың амоксициллинге сезімталдығын қалыпқа келтіріп, ферменттер әсерін бөгейді. Атап айтқанда, оның дәрілік төзімділігі жиі байланысты болатын плазмидті бета-лактамазаларға қатысты жоғары белсенділігі бар, бірақ 1 типті хромосомалық бета-лактамазаларға қатысты тиімділігі аз.

KOAКT құрамында клавулан қышқылының болуы амоксициллинді бета-лактамазалардың ыдырату әсерінен қорғайды және, әдетте, онда басқа пенициллиндер мен цефалоспориндерге төзімді микроорганизмдердің қамтылуымен оның бактерияға қарсы белсенділік ауқымын кеңейтеді. Клавулан қышқылы монопрепарат түрінде бактерияға қарсы клиникалық мәнді әсер көрсетпейді.

Kоакт келесі микроорганизмдерге бактерицидті әсер көрсетеді:

Грамоң аэробтар: Enterococcus faecalis, Gardnerella vaginalis, Staphylococcus aureus (метициллинге сезімтал), коагулаза-теріс стафилококктар (метициллинге сезімтал), Streptococcus agalactiae, Streptococcus pneumoniae1, Streptococcus pyogenes және басқа да бета-гемолиздік стрептококктар, Streptococcus viridans, Bacillius anthracis, Listeria monocytogenes, Nocardia asteroides тобы

Грамтеріс аэробтар: Actinobacillus actinomycetemcomitans, Capnocytophaga spp., Eikenella corrodens, Haemophilus influenzae, Moraxella catarrhalis, Neisseria gonorrhoeae, Pasteurella multocida

анаэробты микроорганизмдер: Bacteroides fragilis, Fusobacterium nucleatum, Prevotella spp.

Жүре пайда болуы мүмкін төзімділігі бар микроорганизмдер

Грамоң аэробтар: Enterococcus faecium*

Грамтеріс аэробтар: Escherichia coli, Klebsiella oxytoca, Klebsiella pneumoniae, Proteus mirabilis, Proteus vulgaris

Табиғи төзімділігі бар микроорганизмдер:

грамтеріс аэробтар: Acinetobacter species, Citrobacter freundii, Enterobacter species, Legionella pneumophila, Morganella morganii, Providencia species, Pseudomonas species, Serratia species, Stenotrophomonas maltophilia;

басқалары: Chlamydia trachomatis, Chlamydophila pneumoniae, Chlamydophila psittaci, Coxiella burnetti, Mycoplasma pneumoniae.

*Жүре пайда болған төзімділігі болмаған кездегі табиғи сезімталдық

1 Пенициллиндерге төзімді Streptococcus pneumoniae штаммдарын қоспағанда.

Қолданылуы

Препаратқа сезімтал микроорганизмдер туғызған инфекциялық-қабыну ауруларында:

  • тыныс алу жолдарының жоғарғы бөлімдерінің инфекциялары (соның ішінде синусит, тонзиллит, ортаңғы отит)

  • тыныс алу жолдарының төменгі бөлімдерінің инфекциялары (соның ішінде жедел және созылмалы бронхит, пневмония)

  • несеп шығару жолдарының инфекциялары (цистит, уретрит, пиелонефрит)

- терінің және жұмсақ тіндердің инфекциялары (соның ішінде жануарлардың тістеп алуы, жақсүйек-бет аумағындағы абсцесс және флегмоналар)

  • интраабдоминальді инфекциялар (сепсистік аборт, босану сепсисі, интраабдоминальді сепсис)

  • сүйектер мен буындардың инфекциялары (соның ішінде остеомиелит)

Қолдану тәсілі және дозалары

Дозалау режимі жас шамасына, дене салмағына, бүйрек функциясына, сондай-ақ инфекцияның ауырлық дәрежесіне қарай әркімге жеке белгіленеді.

Препаратты тағайындар алдында нақты бір пациентте, әсіресе, ауыр инфекциялар жағдайында, мүмкіндігінше, жергілікті деректерге сәйкес штаммдар сезімталдығын бағалау және үлгілерді жинау және талдау жолымен сезімталдықты анықтау қажет.

Амоксициллинге сезімтал микроорганизмдер туғызған инфекцияларды және амоксициллинге және бета-лактамаза өндіретін клавуланатқа сезімтал штаммдар туғызған аралас инфекцияларды емдеуге Kоакт қолдануға болады.

Kоакт 375 мг, 625 мг және 1000 мг таблеткаларында клавулан қышқылының дәл сондай мөлшері (калий тұзы түрінде 125 мг) болатындықтан, екі Kоакт 375 мг таблеткасы бір Ко-амоксиклав 625 мг таблеткасына баламалы емес; сондықтан, екі KOAКT 375 мг таблеткасымен бір Kоакт 625 мг таблеткасын алмастыруға болмайды.

Асқазан-ішек жолына әлеуетті әсер ету қаупін төмендету мақсатында, оның барынша сіңірілуі үшін тамақтана бастағанда ас ішумен бірге Kоакт қабылдау ұсынылады.

Әдеттегі ересек дозасы – әр 12 сағат сайын бір 625 мг Kоакт таблеткасы немесе әр 8 сағат сайын бір 375 мг Kоакт таблеткасы.

Аса ауыр инфекцияларда және тыныс алу жолдарының инфекцияларында доза әр 12 сағат сайын бір 1000 мг KOAКT таблеткасын немесе әр 8 сағат сайын бір 625 мг Kоакт таблеткасын құрауы тиіс.

Жүргізілетін емнің уақыты пациенттің жүргізілген емге беретін жауабына байланысты. Кейбір патологиялар (атап айтқанда, остеомиелит) ұзағырақ емдеу курсын талап етуі мүмкін. Науқастың жағдайын қайта бағалаусыз емді 14 күннен артық жалғастыруға болмайды. Қажет болса, сатылы ем жүргізуге болады (бастапқыда препаратты көктамыр ішіне енгізіп, кейіннен ішу арқылы қабылдауға ауысу).

Ересектер және 12 жастан үлкен немесе дене салмағы 40 кг-ден көп балалар

Инфекцияның жеңіл және орташа ауыр ағымы (стандартты доза)

тәулігіне 2-3 рет 500 мг/125 мг 1 таблетка немесе тәулігіне 2 рет 875 мг/125 мг 1 таблетка

Ауыр инфекциялар (төменгі тыныс алу жолдарының инфекциялары, несеп-жыныс жолының инфекциялары)

тәулігіне 3 рет 500 мг/125 мг 1-2 таблетка немесе тәулігіне 2 немесе 3 рет 875 мг/125 мг 1 таблетка

Таблеткаларды 500 мг/125 мг дозада қолданатын ересектер мен 12 жастан үлкен балалрға арналған ең жоғары тәуліктік дозасы 1500 мг амоксициллин/375 мг клавулан қышқылын құрайды. 875 мг/125 мг дозадағы таблеткалар үшін ең жоғары тәуліктік дозасы 1750 мг амоксициллин/250 мг клавулан қышқылына (күніне 2 рет қабылдағанда) немесе 2625 мг амоксициллин/375 мг клавулан қышқылына (күніне 3 рет қабылдағанда) тең.

Бүйрек функциясы бұзылған пациенттер

Дозаларды түзету амоксициллиннің ең жоғары ұсынылатын дозасына және креатинин клиренсінің мәніне негізделген.

- функцияның мардымсыз бұзылуы (креатинин клиренсі >30 мл/мин): доза өзгермейді.

- функцияның орташа бұзылуы (креатинин клиренсі 10-30 мл/мин): әр 12 сағат сайын бір 625 мг таблетка.

- функцияның ауыр бұзылуы (креатинин клиренсі <10 мл/мин): қолдану ұсынылмайды.

Таблеткаларды 875 мг/125 мг дозада креатинин клиренсі >30 мл/мин пациенттерде ғана қолдану керек.Гемодиализде жүрген пациенттер

Дозаларды түзету амоксициллиннің ең жоғары ұсынылатын дозасына негізделген.

Ересектер: әр 24 сағат сайын 500 мг/125 мг 1 таблетка.

Қосымша диализ сеансы кезінде 1 доза және диализ сеансының соңында тағы бір доза тағайындалады (амоксициллин мен клавулан қышқылының сарысулық концентрациялары төмендеуінің орнын толтыру үшін).

Бауыр функциясы бұзылған пациенттер

Препаратты сақтықпен қолдану керек. Бауыр функциясын жүйелі тексеру керек.

Егде жастағы пациенттер

Kоакт дозасын азайту керек емес; дозалары ересектерге арналғандай. Бүйрек функциясы бұзылған егде жастағы пациенттерде дозаны жоғарыда бүйрек функциясының бұзылуы бар ересектерге көрсетілгендей түзету керек.

Амоксициллиннің ең жоғары тәуліктік дозасы ересектерге және дене салмағы 45 мг/кг балаларға 6 г құрайды .

Клавулан қышқылының (калий тұзы түріндегі) ең жоғары тәуліктік дозасы ересектер үшін 600 мг және балалар үшін дене салмағына 10 мг/кг құрайды.

Бауыр функциясының бұзылуы

Препаратты сақтықпен қолдану керек. Бауыр функциясын жүйелі тексеру керек.

Кеш асқынулардың (мысалы, ревматизм қызбасы, гломерулонефрит) дамуын болдырмау мақсатында β-гемолиздік стрептококктар туғызған инфекцияларда кемінде 10 күнге созылатын ем көрсетілген.

Жағымсыз әсерлері

Өте жиі 10-нан ≥ 1, жиі 100-ден ≥ 1 және10-нан < 1, кейде 1000-нан ≥ 1 және 100-ден < 1, сирек 10000-нан ≥ 1 және 1,000-нан < 1, өте сирек 10000-нан < 1

Жиі

- тері және шырышты қабықтар жабындарының кандидозы

- жүрек айну, құсу, диарея

Жүрек айну препараттың жоғары дозаларын қолдану кезінде жиірек кездеседі. Көрініс беру дәрежесін төмендету үшін суспензияны ас ішудің басында қабылдау ұсынылады.

Жиі емес

- бас айналу, бас ауыру

- диспепсия

- бауырдың АЛТ/АСТ ферменттері деңгейінің орташа жоғарылауы

- тері бөртпесі, қышыну, есекжем

Сирек

- қайтымды лейкопения (нейтропенияны қоса), тромбоцитопения

- мультиформалы эритема

Белгісіз

- қайтымды агранулоцитоз және гемолиздік анемия, қан кету уақытының және протромбин уақыты индексінің артуы

- ангионевроздық ісіну, анафилаксия; сарысу құю ауруына ұқсас синдром, аллергиялық васкулит

- қайтымды жоғары белсенділік және құрысулар

- антибиотикпен астасқан колит (жалған жарғақшалы және геморрагиялық түрін қоса)

- қара түкті тіл (жіп тәрізді тіл бүртікшелерінің созылмалы гиперплазиясы)

- гепатит, холестаздық сарғаю

- Стивенс-Джонсон синдромы, уытты эпидермалық некролиз, буллёзді эксфолиативті дерматит, жедел жайылған экзантематозды пустулёз. Осы симптомдар дамығанда препарат тоқтатылуы тиіс.

- интерстициальді нефрит, кристаллурия

Қолдануға болмайтын жағдайлар

- пенициллиндерге немесе препараттың кез келген компонентіне аса жоғары сезімталдық

- басқа бета-лактамды антибиотиктерге (цефалоспориндер, карбапенемдер, монобактамдар) белгілі аса жоғары сезімталдық

- инфекциялық мононуклеоз

- лимфолейкоз

- бауыр жеткіліксіздігі

- сыртартқыдағы пенициллиндер тобының антибиотиктерін қабылдаудан болатын холестаздық сарғаю немесе гепатит

- бронх демікпесі, пішен поллинозы

- 12 жасқа дейінгі балаларға немесе дене салмағы 40 кг-ден аз балаларға

Дәрілермен өзара әрекеттесуі

Kоакт пен тікелей емес антикоагулянттар бір мезгілде қолданылғанда протромбин уақытының ұзаруы білінеді. Сондықтан осы біріктірілім сақтықпен тағайындалады.

Kоакт аллопуринолмен бір мезгілде қолданылғанда экзантема сияқты жағымсыз әсерлердің даму қаупі артады.

Kоакт бір мезгілде қолданылғанда метотрексат уыттылығын күшейтеді.

Антацидтер, глюкозамин, іш жүргізгіш дәрілер, аминогликозидтер Kоакт сіңірілуін баяулатады және төмендетеді, аскорбин қышқылы оны арттырады. Бактерицидті антибиотиктер (соның ішінде аминогликозидтер, цефалоспориндер, циклосерин, ванкомицин, рифампицин) синергиялық әсер, бактериостатикалық препараттар (макролидтер, хлорамфеникол, линкозамидтер, тетрациклиндер, сульфаниламидтер) антагонистік әсер көрсетеді.

Бір мезгілде қолданылғанда Kоакт ішуге арналған контрацептивтер тиімділігін төмендетеді.

Пробенецид амоксициллиннің бүйрек өзекшелік секрециясын төмендетеді. Пробеницидпен бір мезгілде Коакт қолдану ұсынылмайды. Оны Kоактпен бір мезгілде пайдалану қандағы амоксициллиннің жоғары деңгейіне әкелуі мүмкін, алайда, бұл клавулан қышқылына қатысты байқалмайды.

Кейбір жағдайларда препарат протромбин уақытын ұзартуы мүмкін, осы себепті бір мезгілде ішуге арналған антикоагулянттар мен Kоакт пайдаланғанда сақ болу керек.

Kоактпен бірге қолданылатын микофенолат мофетилін қабылдайтын пациенттерде бастапқы доза тағайындалғанда микофенол қышқылы белсенді метаболитінің концентрациясы шамамен 50% төмендейді. Бастапқы дозаның концентрация деңгейінің өзгеруі микофенол қышқылының жиынтық экспозиция концентрациясының өзгерістеріне сәйкес болмауы мүмкін.

Айрықша нұсқаулар

Коактпен емдеуді бастар алдында пенициллиндерге, цефалоспориндерге немесе басқа да бета-лактамды антибиотиктерге осының алдында болған аса жоғары сезімталдық реакцияларына қатысты толық сыртартқы жинау қажет.

Пенициллиндерге алдыңғы аса жоғары сезімталдығы бар пациенттерде жиірек анықталған пенициллиндерге аса жоғары сезімталдықтың күрделі, ал кейде өлімге де соқтыратын реакциялары (анафилаксиялық шок) сипатталған. Аллергиялық реакция пайда болған жағдайда Коактпен емдеуді тоқтатып, баламалы емді бастау қажет. Аса жоғары сезімталдықтың күрделі реакциялары дамығанда пациентке шұғыл адреналин енгізу керек. Оттегімен емдеу, көктамыр ішіне стероидтар енгізу және интубацияны қамтитын тыныс алу жолдарының өтімділігін қамтамасыз ету қажет болуы мүмкін.

Инфекциялық мононуклеозға күдік туындағанда Коакт тағайындауға болмайды, өйткені осы ауруға шалдыққан пациенттерде амоксициллин ауру диагностикасын қиындататын тері бөртпесін туындатуы мүмкін.

Коактпен ұзақ емдеу оған сезімтал емес микроорганизмдердің шектен тыс өсуімен қатар жүруі мүмкін.

Антибиотиктер қолдану аясында ауырлығы жеңілден пациенттер өміріне қатерлі ауыр дәрежеге дейін ауытқыған жалған жарғақшалы колит дамыған жағдайлар анықталған. Осылайша, антибиотиктер қабылдағанда немесе емдеу курсы аяқталған соң диареясы бар пациенттерде аталған патологияның пайда болу мүмкіндігін ескеру қажет. Ұзаққа созылатын немесе елеулі диарея дамыған жағдайда, іш аумағында түйілулер болса Коактпен емдеу дереу тоқтатылуы тиіс және пациенттер әріқарай тексерілуге жолдануы тиіс.

Жалпы, Коакт көтерімділігі жақсы және пенициллиндердің бәріне тән төмен уыттылық иеленеді. Коактпен емдеу ұзаққа созылғанда бүйрек, бауыр, қан түзу ағзалары функциясын мезгіл-мезгіл бағалау ұсынылады.

Коакт алатын пациенттерде ара-арасында протромбин уақытының ұзаруы байқалады, сондықтан Коакт пен антикоагулянттарды бір мезгілде қолданғанда, қажет болған жағдайда, антикоагулянт дозасын болжамды азайтумен тиісті мониторинг жасау қажет.

Бауыр функциясы бұзылған пациенттерде Коакт абайлап қолданылу керек. Бауырдың зақымдану белгілері мен симптомдары, әдетте, емделу кезінде немесе ем басталған соң бірден туындайды, бірақ кейбір жағдайларда ем тоқтатылған соң бірнеше апта бойы көрініс бермеуі мүмкін. Әдетте, олар қайтымды. Бауыр бұзылулары өте күрделі болуы мүмкін, ал аса сирек жағдайларда өліммен аяқталу хабарланған. Олар негізгі ауруы күрделі немесе бауырға әлеуетті әсер ететіні белгілі препараттарды бір мезгілде қабылдайтын пациенттерде үнемі дерлік тіркелген.

Бүйрек жеткіліксіздігі бар пациенттерде препарат дозасы аурудың ауырлығына сәйкес түзетілуі тиіс.

Препарат бүйрек функциясы төмендеген пациенттерге немесе жоғары дозаларда пайдаланылғанда құрысулардың дамуы мүмкін.

Диурез төмендеген пациенттерде сирек жағдайларда кристаллурия туындауы мүмкін. Амоксициллиннің жоғары дозаларын енгізу кезінде амоксициллин кристалдарының түзілу ықтималдығын азайту үшін жеткілікті мөлшерде сұйықтық ішу және диурезді талапқа сай сақтау ұсынылады. Катетер қойылған пациенттерде олардың жай-күйін тұрақты бағалау қажет.

Аллопуринол мен амоксициллинді бірге қолдану терідегі аллергиялық реакциялардың даму ықтималдығын арттырады.

Амоксициллинмен емделу кезінде несептегі глюкоза мөлшерін анықтау үшін глюкозаны ферменттік тотықтыру әдістерін пайдалану қажет, өйткені ферменттік емес әдістер жалған оң нәтижелер алуға әкелуі мүмкін.

Коакт құрамында клавулан қышқылының болуы IgG және альбуминдердің эритроциттер жарғақшасымен спецификалық емес байланысуына себеп бола алады, бұл жалған оң Кумбс реакциясына әкеледі.

Жүктілік және лактация кезеңі

Жүктілік кезінде KOAКT қолдану ұсынылмайды.

KOAКT ана сүтіне өтеді, бұл емшекпен қоректендірілетін балаларда диарея мен шырышты қабықтардың зеңді инфекцияларын туғызуы мүмкін. Препаратты жүктілік және бала емізу кезінде қолдану шешімі пайда және қауіп арақатынасын мұқият бағалаудан кейін қабылданады. Лактация кезеңінде тағайындалғанда бала емізуді тоқтатуға кеңес беріледі.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Аса сирек жағдайларда KOAКT көлік құралын және күрделі механизмдерді басқару және/немесе қауіпсіз жұмыс істеу қабілетіне нұқсан келтіруі мүмкін сананың шатасуы, бас айналу және құрысулар сияқты қолайсыз реакциялар туындатуы мүмкін.

Артық дозалануы

Симптомдары: іштің ауыруы, диарея, құсу; сондай-ақ үрейлену, қозу, ұйқысыздық, бас айналу; жекелеген жағдайларда құрысулар болуы мүмкін.

Емі: препарат таяуда (4 сағаттан аз уақытта) қабылданған жағдайда препараттың сіңуін азайту үшін асқазанды шаю және белсендірілген көмір тағайындау қажет; қажет болса, симптоматикалық ем жүргізіледі. Гемодиализ тиімді.

Шығарылу түрі және қаптамасы

Алюминий фольгадан жасалған пішінді ұяшықты қаптамаға 5 таблеткадан салады.

Пішінді ұяшықты 4 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде 30°С-ден аспайтын температурада сақтау керек.

Препаратты балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецепт арқылы

Өндіруші

Aurobindo Pharma Limited, Үндістан

Тіркеу куәлігінің иесі

Aurobindo Pharma Limited

Қазақстан Республикасында тұтынушылардан өнім сапасына қатысты шағымдар қабылдайтын ұйымның мекенжайы

«AVCARE LTD» ЖШС

Қазақстан, Алматы қ., Орманов к-сі 47/2

Тел./факс: +7(727 ) 385 37 26

E-mail: avcare_kz@mail.ru

 

Прикрепленные файлы

720505081477976327_ru.doc 104 кб
525897031477977574_kz.doc 132.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники