Ко­Пренесса® (2 мг/0,625 мг)

МНН: Индапамид, Периндоприл
Производитель: КРКА, д.д., Ново Место
Анатомо-терапевтическо-химическая классификация: Периндоприл в комбинации с диуретиками
Номер регистрации в РК: № РК-ЛС-5№016471
Период регистрации: 14.08.2015 - 14.08.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Предельная цена закупа в РК: 39.9 KZT

Инструкция

Саудалық атауы

Ко-Пренесса®

Халықаралық патенттелмеген атауы

Жоқ

Дәрілік түрі

2 мг/0,625 мг және 4 мг/1,25 мг таблеткалар

Құрамы

Бір таблетканың құрамында

2 мг/0,625 мг дозасы үшін:

белсенді заттар: 2 мг периндоприл эрбумині,

0,625 мг индапамид

4 мг/1,250 мг дозасы үшін:

белсенді заттар: 4 мг периндоприл эрбумині,

1,250мг индапамид

қосымша заттар: кальций хлоридінің гексагидраты, лактоза моногидраты, кросповидон, микрокристалды целлюлоза, натрий гидрокарбонаты, коллоидты гидратацияланған кремний қостотығы, магний стеараты

Сипаттамасы

Ақ немесе ақ дерлік түсті, дөңгелек пішінді, екі жақ беті сәл дөңес, бір жақ бетінде ойығы және қысқа сызықты өрнегі бар таблеткалар (2 мг/0,625 мг дозасы үшін).

Ақ немесе ақ дерлік түсті, дөңгелек пішінді, екі жақ беті сәл дөңес, бір жақ бетінде ойығы және сызығы бар (4 мг/1,25 мг дозасы үшін).

Фармакотерапиялық тобы

Ренин-ангиотензин жүйесіне ықпалын тигізетін препараттар. Басқа препараттармен біріктірілген АКФ тежегіштері. Диуретиктермен біріктірілген АКФ тежегіштері. Диуретиктермен біріктірілген периндоприл.

АТХ коды С09ВА04

Фармакологиялық қасиеттері

Фармакокинетикасы

Периндоприл мен индапамидтің фармакокинетикалық қасиеттері оларды бөлек қолданумен салыстырғанда өзгермейді.

Периндоприл

Сіңуі және метаболизмі

Ішке қабылдағаннан кейін периндоприл тез сіңіріледі. Препараттың биожетімділігі 65–70%. Плазмада периндоприлдің жартылай ыдырау кезеңі 1 сағатты құрайды. Периндоприл гидролизденіп, периндоприлат түзеді, ол АКФ тежегіші болып табылады. Метаболизмнің басқа өнімдері белсенді емес. Қан плазмасында периндоприлат ең жоғары концентрациясына (Cmax) 3-4 сағаттан кейін жетеді. Тамақтану периндоприлдің периндоприлатқа айналуын төмендетеді, демек, биожетімділігін де төмендетеді, сондықтан препаратты тәулігіне бір рет таңертеңгі тамақтану алдында қабылдау ұсынылады.

Таралуы

Периндоприл дозасы мен оның плазмадағы экспозициясы арасындағы байланыс дозаға байланысты болады. Бос периндоприлаттың таралу көлемі (Vd) 0,2 л/кг жуық. Периндоприлаттың қан плазмасы ақуыздарымен, негізінен, АКФ-мен, байланысуы 20% құрайды және препараттың концентрациясына байланысты.

Шығарылуы Периндоприлат организмнен бүйрек арқылы шығарылады; оның бос фракциясының жартылай шығарылу кезеңі (T1/2) 17 сағатқа жуықты құрайды, бұл 4 күн ішінде стационарлық жағдайға жетуге мүмкіндік береді.

Ерекше клиникалық жағдайлардағы фармакокинетикасы

Егде жастағы емделушілерде, сондай-ақ бүйрек және жүрек функцияларының жеткіліксіздігі бар науқастарда периндоприлаттың шығарылуы баяулайды. Дозаны таңдау бүйрек функциясының бұзылу дәрежесін (креатинин клиренсін (КК)) ескеріп жүргізіледі. Диализде периндоприл клиренсі минутына 70 мл құрайды.

Циррозы бар науқастарда периндоприл молекуласының бастапқы бауырлық клиренсі екі есе баяулайды. Алайда түзілген периндоприлаттың мөлшері төмендемейді, сондықтан дозаны таңдау қажет емес.

Индапамид

Сіңуі

Индапамид асқазан-ішек жолынан тез және толық сіңіріледі. Қабылдағаннан кейін шамамен 1 сағаттан соң плазмада Cmax жетеді.

Таралуы

Плазма ақуыздарымен байланысуы 79% құрайды. Препаратты қайталап қабылдау оның организмде жиналып қалуына әкелмейді.

Шығарылуы

Жартылай шығарылу кезеңі (T1/2) 14 -24 сағатты (орта есеппен 18 сағатты) құрайды. Негізінен, несеппен бірге (дозаның 70%-ы) және нәжіспен бірге (22%) белсенді емес метаболиттер түрінде шығарылады.

Ерекше клиникалық жағдайлардағы фармакокинетикасы

Индапамидтің фармакокинетикасы бүйрек функциясының жеткіліксіздігі бар науқастарда өзгермейді.

Фармакодинамикасы

Ко-Пренесса® - периндоприлдің, ангиотензин-конвертирлейтін фермент (АКФ) тежегішінің және индапамидтің – хлорсульфамоил диуретигінің біріктірілімі. Препараттың фармакологиялық әсеріне компоненттердің әрқайсысының қасиеттері және үйлестірген кезде екі компоненттің де аддитивтік синергизмі себеп болады.

Әсер ету механизмі

Периндоприлмен байланысты:

Периндоприл – АКФ тежегіші, ол ангиотензин I-нің ангиотензин II-ге – қантамырларын тарылтатын қасиеттері бар затқа айналуын катализдейді. Бұдан басқа, АКФ альдостерон секрециясын стимуляциялайды және брадикининнің қантамырларды кеңейтетін қосылыстарының белсенді емес гептапептидтерге дейін ыдырауын күшейтеді. Бұл альдостерон секрециясының төмендеуіне әкеледі, соның салдарынан, кері байланыс қағидаты бойынша, қан плазмасындағы рениннің белсенділігі артады. Ұзақ қолданған кезде қантамырлардың жалпы шеткергі кедергілері (ҚЖШК) азаяды, бұған, негізінен, бұлшықеттердегі және бүйректегі қантамырларға әсер етуі себеп болады. Мұндайда тұздар мен судың іркілуі немесе рефлекторлы тахикардия байқалмайды. Периндоприл қандағы ренин деңгейі төмен немесе қалыпты болатын науқастарда да гипотензиялық әсер береді.

Периндоприлдің әсер етуіне периндоприлат метаболитінің белсенділігі себепші болады.

Периндоприл көктамырларға тамырларды кеңейтетін (бәлкім, простагландиндер метаболизмін өзгерту жолымен) әсер беріп, жүрекке түсетін жүктемені төмендетеді, нәтижесінде алдыңғы жүктеме төмендейді және ақырғы-диастолалық қысым азаяды; ҚЖШК азаяды, ол кейінгі жүктеменің төмендеуіне әкеледі.

Периндоприл жүректің сол жақ және оң жақ қарыншаларының толу қысымының төмендеуін, ҚЖШК төмендеуін, жүректің лықсуының және жүрек индексінің артуын, бұлшықеттерде аймақтық қан ағынының күшеюін туындатады. Нәтижесінде дене жүктемесімен сынамалар нәтижелері едәуір жақсарады.

Индапамидпен байланысты:

Индапамид – диуретиктердің тиазидтік тобымен фармакологиялық тұрғыдан байланысқан индоль сақинасы бар сульфонамид туындысы. Генле ілмегінің кортикальді сегментінде натрийдің кері сіңірілуін тежеу қабілеті бар. Натрий мен хлоридтердің және, аз дәрежеге, калийдің және магнийдің несеппен бірге бөлініп шығуының дозаға байланысты ұлғаюын туындатады, сөйтіп диурезді күшейтеді және гипотензиялық әсер береді.

Гипотензиялық әсерінің сипаттамасы

Ко-Пренесса® емделушілердің жасына қарамай-ақ, жатқан кезінде де, сонымен қатар түрегеліп тұрған кезінде де систолалық және диастолалық артериялық қысымына (АҚ) дозаға байланысты гипотензиялық әсер береді. Гипертензияға қарсы әсері 24 сағатқа созылады. Артериялық қысым тахифилаксиясыз 1 айға жетпей төмендейді. Емдеуді тоқтату кездейсоқ әсерді туындатпайды.

Периндоприл мен индапамид біріктірілімінің сол жақ қарынша гипертрофиясына (СҚГ) ықпалын бағалауға жүргізілген зерттеу эналаприл монотерапиясымен салыстырғанда (эхо-КГнәтижелері бойынша), сол жақ қарынша массасы индексін (эхо-КГнәтижелері бойынша) төмендетуде және эналаприл монотерапиясымен салыстырғанда АҚ төмендетуде периндоприл мен индапамид біріктірілімінің артықшылықтарын айғақтады.

Периндоприл артериялық гипертензияның кез келген: жеңіл, орташа және ауыр дәрежесінде тиімді. Диастолалық және систолалық АҚ төмендеуі жатқан кезде де, түрегеліп тұрған кезде де басталады. Гипотензиялық әсерінің ең көбі бір реттік қабылдаудан кейін 4-6 сағаттан соң байқалады және 24 сағат бойы сақталады.

Препаратты қабылдағаннан кейін 24 сағаттан соң АКФ белсенділігінің қалған тежелуінің 80%-ға жуық жоғары дәрежесі байқалады.

Ем даритын емделушілерде АҚ қалыпқа келуіне 1 айдан соң жетеді және рефлекторлық тахикардияның дамуынсыз сақталады. Препаратты қолдануды тоқтату гипертензивтік реакцияға әкелмейді. Периндоприлдің қантамырларды кеңейтетін қасиеттері бар, негізгі артериялардың серпімділігін қалпына келтіреді, резистентті артерияларда гистоморфологиялық өзгерістерді түзетеді және жүректің сол жақ қарыншасы гипертрофиясының регрессиясын туындатады. Қажет болғанда тиазидтік диуретикті тағайындау синергиялық реакцияның дамуына әкеледі. АКФ тежегіші мен тиазидтік диуретиктің біріктірілімі диуретикалық препараттарды қабылдау тән болатын гипокалиемияның даму қаупін төмендетеді.

Индапамидпен монотерапияда 24 сағат бойы сақталатын ұзақ гипотензиялық әсер байқалады. Индапамид әлсіз айқын диурездік әсер ететін дозаларда гипотензивтік қасиеттер көрініс береді.

Индапамидтің гипотензиялық әсерінің тиімділігі оның артериялардың серпімділігін жақсарту, ҚЖШК және артериолдар кедергісін төмендету қабілетіне пропорционал.

Индапамид жүректің сол жақ қарыншасы гипертрофиясының азаюына мүмкіндік береді.

Шектеулі концентрацияларда тиазидтік диуретиктердің немесе басқа да тиісті қосылыстардың гипотензивтік тиімділігін платоға жеткізеді және одан әрі қарай жоғарыламайды, сол кезде препараттардың жағымсыз әсері ретінде онан сайын үсті-үстіне айқын бола түседі. Егер емдеу тиімді болмаса, онда препарат дозасын арттырмаған жөн.

Гипертензиясы бар емделушілерді қысқа мерзімдік, орта мерзімдік және ұзақ мерзімдік емдеуде индапамид, тіпті қант диабеті қатар жүретін емделушілердің өзінде, липидтік алмасуға (яғни триглицеридтердің, ТТЛП, ТЖЛП мөлшеріне) және көмірсу алмасуына ықпалын тигізбейді.

Қолданылуы

  • эссенциальді артериялық гипертензияда

Қолдану тәсілі және дозалары

Пероральді қабылдау.

Ко-Пренесса® препаратын күніне 1 таблеткадан, таңертеңгі тамақтану алдында қабылдаған дұрыс. Егер артериялық қысым емдеудің 1 айы ішінде төмендемесе, онда дозаны екі еселеу қажет.

Егде жастағы емделушілер

Плазмадағы креатинин мөлшерінің көрсеткіштері егде жастағы емделушілердің жасын, салмағын және жынысын ескере отырып, түзетілуі тиіс. Егде жастағы емделушілерге препаратты бүйрек функциясы қалыпты болғанда тағайындайды, мұндайда АҚ төмендеу дәрежесін бақылаған жөн.

Бүйрек функциясының жеткіліксіздігі бар емделушілер

Препаратты бүйрек функциясының ауыр дәрежедегі жеткіліксіздігі бар (КК минутына 60 мл-ден төмен) емделушілерге қолдануға болмайды.

Бүйрек функциясының орташа жеткіліксіздігінде (КК 30-60 мл/мин) ең жоғары тәуліктік доза – күніне бір таблетка Ко-Пренесса®. КК ≥ 60 мл/мин  емделушілерде дозаны түзету қажет емес.

Бауыр функциясының бұзылулары бар емделушілер

Препаратты бауыр функциясының ауыр жеткіліксіздігі бар емделушілерге қолдануға болмайды. Бауыр функциясының орташа айқын жеткіліксіздігінде дозаны түзету қажет емес.

Жағымсыз әсерлері

Периндоприл ренин-ангиотензин-альдостерон жүйесіне (РААЖ) тежегіш әсер береді және индапамидті қабылдау аясында калий иондарының бүйрек арқылы шығарылуын азайтады. Ко-Пренесса® препаратын қабылдау аясында емделушілердің 2%-да гипокалиемияның дамуы байқалды.

Емдеу кезінде пайда болуы мүмкін жағымсыз реакциялардың жиілігі төменде келесі градация түрінде берілген: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10 000, <1/1000); өте сирек (<1/10 000); жиілігі анықталған жоқ (жиілігін қолдағы деректермен санау мүмкін емес).

Қан түзу жүйесі тарапынан:

өте сирек

  • тромбоцитопения, лейкопения/нейтропения, агранулоцитоз, апластикалық анемия, гемолитикалық анемия

  • белгілі бір клиникалық жағдайларда (бүйрегі трансплантацияланған емделушілер, гемодиализде жүрген емделушілер) – анемия

ОЖЖ тарапынан:

жиі

  • парестезиялар, бас ауыру, бас айналу, вертиго, әлсіздік

жиі емес

  • ұйқының бұзылуы, көңіл-күйдің құбылмалылығы,

өте сирек

  • сананың шатасуы

Көру тарапынан:

жиі

  • көрудің бұзылуы

Есту мүшесі тарапынан:

жиі

  • құлақтың шыңылдауы

Жүрек-қантамыр жүйесі тарапынан:

жиі емес

  • АҚ төмендеуі (соның ішінде ортостатикалық гипотензия)

өте сирек

  • жүрек ырғағының бұзылулары (соның ішінде брадикардия, қарыншалық тахикардия, жыпылықтағыш аритмия)

  • стенокардия және миокард инфарктісі, жоғары қауіп тобындағы емделушілерде АҚ шамадан тыс төмендеуі салдарынан болуы мүмкін

  • электрокардиограммада QT аралығының ұзаруы

Тыныс алу жүйесі тарапынан:

жиі

  • АКФ тежегіштерін қабылдау аясында осы топтың препараттарын қабылдау кезінде ұзақ сақталатын және оларды тоқтатқанда жоғалатын құрғақ жөтел пайда болуы мүмкін. Осы симптом болған кезде ятрогендік этиологиясын қарастырған жөн.

  • ентігу

жиі емес

  • бронхтың түйілуі

өте сирек

  • эозинофильді пневмония, ринит

Ас қорыту жүйесі тарапынан:

жиі

  • іш қату, ауыз қуысының шырышты қабығының құрғауы, жүректің айнуы, эпигастрияның ауыруы, анорексия, құсу, іштің ауыруы, дисгевзия, диспепсия, диарея

өте сирек

  • панкреатит

  • цитолиздік немесе холестаздық гепатит

жиілігі анықталған жоқ

  • бауыр функциясының жеткіліксіздігі бар емделушілерде бауырлық энцефалопатия

  • бауыр ферменттері деңгейінің жоғарылауы

Гепатобилиарлы жүйе тарапынан:

өте сирек: холестаз немесе цитолиздік гепатит

  • бауыр функциясының жеткіліксіздігі жағдайында бауырлық энцефалопатияның басталу мүмкіндігі бар

Тері жабындары тарапынан:

жиі

  • тері бөртпесі, қышыну, макулопапулезді бөртпе

жиі емес

  • беттің, еріннің, аяқ-қолдың, тілдің шырышты қабығының, дауыс саңылауының және/немесе көмейдің ангионевроздық ісінуі; есекжем

  • бронхтың обструкциялық және аллергиялық реакцияларына бейім емделушілерде жоғары сезімталдық реакциялары

  • геморрагиялық васкулит

  • жүйелік қызыл жегінің жедел формасы бар емделушілерде ауру барысы нашарлауы мүмкін

  • пурпура

өте сирек

  • көп формалы эритема, уытты эпидермальді некролиз, Стивенс-Джонсон синдромы

  • жоғары фотосезімталдық реакциялары

Сүйек-бұлшықет жүйесі тарапынан:

жиі

  • бұлшықеттердің түйілуі

Несеп шығару жүйесі тарапынан:

жиі емес

  • бүйрек функциясының жеткіліксіздігі

Өте сирек

  • бүйрек функциясының жедел жеткіліксіздігі

Репродуктивті жүйе тарапынан:

Жиі емес

  • импотенция

Зертханалық көрсеткіштер:

  • гипокалиемия, әсіресе қауіп тобына жататын емделушілер үшін аса маңызды

  • дегидратацияға және ортостатикалық гипотензияға әкеп соғатын гипонатриемия және гиповолемия

  • препаратты қбылдау кезінде қанда несеп қышқылы мен глюкоза концентрацияларының жоғарылауы

  • несепте және қан плазмасында креатинин концентрациясының емдеуді тоқтатқаннан кейін қайтатын азғантай жоғарылауы, көбіне бүйрек артерияларының стенозы бар емделушілерде, артериялық гипертензияны диуретиктермен емдегенде және бүйрек функциясының жеткіліксіздігі жағдайында

  • гиперкалиемия, көбіне өткінші

сирек

  • гиперкальциемия

тағы басқалар:

жиі емес

  • қатты терлеу.

Жалпы бұзылулар:

сирек

  • астения

жиі емес

  • тершеңдік

Қолдануға болмайтын жағдайлар

  • периндоприлге, индапамидке, АКФ тежегіштеріне және сульфонамидтерге және препараттың басқа да құрамдас компоненттеріне аса жоғары сезімталдық

  • сыртартқыда АКФ тежегіштерімен емдеу аясындағы ангионевроздық ісіну

  • тұқым қуалайтын немесе идиопатиялық ангионевроздық ісіну

  • жүрек функциясының декомпенсация сатысындағы жеткіліксіздігі (базистік ем жоқ болғанда)

  • бүйрек функциясының айқын немесе орташа жеткіліксіздігі (КК < 60 мл/мин)

  • гемодиализ

  • бауыр функциясының ауыр жеткіліксіздігі

  • бауыр энцефалопатиясы

  • гипокалиемия

  • «пируэт» типті қарыншалық аритмияны туындатуы мүмкін аритмияға қарсы дәрілермен бірге қабылдау

  • жүктілік және лактация кезеңі

  • 18 жасқа дейінгі балалар мен жасөспірімдер

Дәрілермен өзара әрекеттесуі

Литийді және АКФ тежегіштерін біріктіріп қабылдағанда сарысуда литий концентрацияларының қайтымды жоғарылау және литийдің уытты әсерлерінің даму жағдайлары байқалды. Тиазидтік диуретиктерді қатар қабылдау бұрыннан даму қаупі бар уыттылықты арттыруы және литийдің уыттылығын күшейтуі мүмкін. Периндоприлді және литий препараттарын үйлестіріп қабылдау ұсынылмайды, бірақ қажет болғанда, қан сарысуындағы литий мөлшерін мұқият бақылаған жөн.

Баклофен гипотензиялық әсердің айқындылығын күшейтеді (АҚ деңгейін бақылау және Ко-Пренесса® дозасын түзету қажет).

Қабынуға қарсы стероидты емес дәрілер (ҚҚСД), соның ішінде ацетилсалицил қышқылының күніне ≥ 3 г дозасы, циклооксигеназа-2 (ЦОГ-2) тежегіштері және селективті емес ҚҚСД АКФ тежегіштерінің гипотензиялық әсерін төмендетеді. Бұдан басқа, ҚҚСД және АКФ тежегіштері қан плазмасындағы калий деңгейінің жоғарылауына аддитивті әсер етіп, бүйрек функциясының нашарлауына әкелетіні байқалды. Аталған әсер қайтымды сипатқа ие, бірақ сирек жағдайларда, әсіресе бүйрек функциясы бұзылған емделушілерде, мысалы, егде жастағы емделушілерде немесе сусызданғанда бүйрек функциясының жедел жеткіліксіздігі дамуы мүмкін. Мұндай емделушілерде емдеуді бастар алдында бүйректің функциональді белсенділігіне баға берген және, қажет болғанда, организмнің жеткілікті гидратациясын қамтамасыз еткен жөн. Біріктірілген емнің бас кезінде, сондай-ақ емдеу кезінде мезгіл-мезгіл бүйрек функциясына мониторинг жүргізу керек.

Үшциклді антидепрессант пен нейролептиктерді АКФ тежегіштерімен біріктіріп қабылдау артериялық қысымның әрі қарай төмендеуіне және ортостатикалық гипотензияның даму қаупінің жоғарылауына әкелуі мүмкін.

Кортикостероидтар және тетракозактид Ко-Пренесса® препаратының гипотензиялық әсерін азайтады (кортикостероидтардың әсерінен судың және тұздың іркілуі).

Басқа топтарға жататын гипотензивтік препараттарды бір мезгілде қабылдау гипотензиялық әсердің күшеюіне әкеп соғуы мүмкін.

АКФ тежегіштері диуретиктердің әсерімен калийдің жоғалуын азайтады. Калий жинақтайтын диуретиктер (мысалы, спиронолактон, триамтерен, монотерапияда немесе біріктірілген), калий қоспалары немесе құрамында калий бар тұз алмастырғыштар сарысудағы калий мөлшерінің едәуір жоғарылауына әкелуі мүмкін. Егер айқын гипокалиемияға байланысты оларды қатар қолдану көрсетілсе, препараттар аса сақтықпен және сарысудағы калий мөлшеріне және ЭКГ-ге жиі мониторинг жасай отырып, пайдаланылуы тиіс.

АКФ тежегіштерін және диабетке қарсы препараттарды (инсулиндер, сульфонамидтер) бірге қабылдау гипогликемиялық әсерінің күшеюіне әкелуі мүмкін. Гипогликемия көріністерінің басталуы өте сирек (глюкозаның жағымдылығының жақсаруы инсулинге қажеттіліктің төмендеуіне әкеледі).

АКФ тежегіштерін аллопуринолмен, цитостатиктермен немесе иммунодепрессанттармен, жүйелік кортикостероидтармен немесе прокаинамидпен біріктіріп қабылдағанда лейкопенияның даму қаупі жоғарылайды.

АКФ тежегіштері кейбір анестезиялайтын препараттардың гипотензиялық әсерін потенциялауы мүмкін.

Жоғары дозадағы диурездік препараттармен алдын ала емдеу, әсіресе АҚК төмендеген және/немесе электролиттік бұзылулары бар емделушілерде, АКФ тежегіштерімен емдеудің бас кезінде АҚ айқын төмендеуіне және гипотензияның басталу қаупіне әкеп соғуы мүмкін.

Алтын препараттарымен (алтын ауротималаты) инъекциялық емді және АКФ тежегіштерімен емді қатар қабылдап жүрген емделушілерде нитритоидты реакциялардың (беттің қызаруы, жүректің айнуы, құсу және гипотензия) болғаны жөнінде сирек мәлімдемелер бар.

Аритмияға қарсы IA класс препараттары (хинидин, гидрохинидин, дизопирамид), аритмияға қарсы III класс препараттары (амиодарон, дофетилид, ибутилид, бретилий, соталол), кейбір нейролептиктер (хлорпромазин, циамемазин, левомепромазин, тиоридазин, трифлуоперазин), бензамидтер (амисульпирид, сульпирид, сультоприд, тиаприд), бутирофенон туындылары (дроперидол, галоперидол), басқа да нейролептиктер (пимозид), бепридил, сизаприд, дифеманил, эритромицин (көктамырішілік), галофантрин, мизоластин, моксифлоксацин, пентамидин, спарфлоксацин, винкамин (көктамырішілік), метадон, астемизол, терфенадин индапамидпен біріктірілгенде қарыншалық аритмияның (атап айтқанда, «пируэт» типті пароксизмальді қарыншалық тахикардия) даму қаупін арттырады. Гипокалиемия осы әсердің дамуына мүмкіндік береді, осыған байланысты калий деңгейін үнемі бақылау қажет, қажет болғанда дер кезінде түзету және QT аралығына мониторинг жүргізу керек.

Индапамидті және калий деңгейін төмендететін препараттарды (амфотерицин В көктамырішілік, глюко- және минералокортикоидтар жүйелік қолданғанда, тетракозактид, стимуляциялайтын іш жүргізетін дәрілер) бір мезгілде қолданғанда гипокалиемияның даму қаупі жоғарылайды. Калий концентрациясын бақылаған және, қажет болғанда, оны түзеткен жөн. Іш жүргізетін дәрілерді тағайындау қажет болғанда ішек моторикасын стимуляциялайтын әсері жоқ препараттарды пайдаланған жөн.

Ко-Пренесса® препараттарын жүрек гликозидтерімен бірге тағайындағанда гипокалиемияның жүрек гликозидтерінің уытты әсерін күшейтуі мүмкін екендігін ескерген жөн. Калий деңгейін және ЭКГ-ні бақылаған және, қажет болғанда, емдеуді түзеткен жөн.

Метформинді қабылдау аясында болатын сүт қышқылды ацидоз индапамидтің әсер етуі себепші болатын бүйрек функциональді жеткіліксіздігімен байланысты болуы мүмкін. Егер сарысулық креатинин деңгейі еркектерде 1,5 мг/дл (135 мкмоль/л) және әйелдерде 1,2 мг/дл (110 мкмоль/л) артып кетсе, метформинді пайдаланбаған жөн.

Организмнің диурездік препараттарды қабылдаудан туындаған едәуір дегидратациясында құрамында йоды бар контрастылы заттарды жоғары дозаларда қолдану аясында бүйрек функциясы жеткіліксіздігінің даму қаупі жоғарылайды. Құрамында йоды бар контрастылы заттарды қолданар алдында регидратация жүргізу қажет.

Кальций тұздарымен бір мезгілде қолданғанда оның несеппен бірге экскрециясының төмендеуі неәтижесінде қан плазмасындағы кальций мөлшері артуы мүмкін.

Ко-Пренесса® препаратын циклоспоринді үнемі қолдану аясында қолданғанда су-электролиттік теңгерім қалыпты күйде болғанның өзінде плазмадағы креатинин деңгейі жоғарылайды.

Айрықша нұсқаулар

Периндоприл

Нейтропения/агранулоцитоз

АКФ тежегіштерін қабылдау аясында нейтропенияның даму қаупі дозаға байланысты сипатқа ие және қабылданатын дәрілік затқа және қатар жүретін аурулардың бар болуына байланысты. Нейтропения қатар жүретін аурулары жоқ науқастарда сирек туындайды, алайда қауіп бүйрек функциясы бұзылған науқастарда, әсіресе дәнекер тіннің жүйелік аурулары (соның ішінде, жүйелік қызыл жегі, склеродермия) аясында ұлғаяды.

АКФ тежегіштерін қабылдауды тоқтатқаннан кейін нейтропенияның клиникалық белгілері өздігінен қайтады.

Периндоприлді дәнекер тіннің жүйелік аурулары бар емделушілерде иммунодепрессивтік дәрілерді, аллопуринолды немесе прокаинамидті қабылдау аясында және оларды бірге қолданғанда, әсіресе бүйрек функциясының бастапқы бұзылулары бар емделушілерде аса сақтықпен қолданған жөн. Кейбір емделушілерде, бірқатар жағдайларда, антибиотиктермен қарқынды емдеуге төзімді ауыр жұқпалы аурулар пайда болды. Периндоприлді мұндай емделушілерге тағайындаған кезде қандағы лейкоциттер мөлшерін мезгіл-мезгіл бақылау ұсынылады. Емделушілер жұқпалы аурулардың (мысалы, баспа, қызба) кез келген белгілерін дәрігерге мәлімдеп отыруы тиіс.

Жоғары сезімталдық/ангионевроздлық ісіну (Квинке ісінуі)

АКФ тежегіштерін, соның ішінде периндоприлді қабылдаған кезде, сирек жағдайларда беттің, аяқ-қолдың, еріннің, тілдің, дауыс саңылауының және/немесе көмейдің ангионевроздық ісінуінің дамуы байқалуы мүмкін. Симптомдар пайда болған кезде Ко-Пренесса® препаратын қабылдау дереу тоқтатылуы тиіс, ал емделуші ісіну белгілері жоғалғанға дейін бақылауда болуы тиіс. Егер ісіну тек бетте және ерінде болса, онда оның симптомдарын емдеу үшін антигистаминдік дәрілер қолданылуы мүмкін болса да, оның көріністері әдетте өздігінен қайтады. Көмейдің ісінуімен қатар жүретін ангионевроздық ісіну өліммен аяқталуға әкелуі мүмкін. Тілдің, дауыс саңылауының немесе көмейдің ісінуі тыныс алу жолдарының обструкциясына әкелуі мүмкін. Мұндай симптомдар пайда болған кезде тері астына дереу 1:1000 сұйылтылған (0,3 немесе 0,5 мл) эпинефрин (адреналин) енгізген және/немесе тыныс алу жолдарының өткізгіштігін қамтамасыз еткен жөн. Ауыр сыртартқысы бар негроид нәсілді адамдарда ангионевроздық ісіну қаупі басқа нәсілділермен салыстырғанда жоғары болады.

Сыртартқысында АӨФ тежегіштерін қабылдаумен байланысты емес Квинке ісінуі байқалған емделушілерде осы топтың препараттарын қабылдаған кезде оның даму қаупі жоғарылауы мүмкін.

Сирек жағдайларда АӨФ тежегіштерімен емдеу аясында ішектің ангионевроздық ісінуі дамиды. Мұндайда емделушілерде оқшау симптом ретінде немесе жүректің айнуымен және құсумен біріккен, кейбір жағдайларда беттің бұдан бұрынғы ангионевроздық ісінуінсіз және С-1 эстераза ферментінің қалыпты белсенділігінде, іштің ауыруы дамиды. Диагноз құрсақ қуысына компьютерлік томография, ультрадыбыстық зерттеулер жәрдемімен немесе хирургиялық араласым кезінде анықталады. Симптомдар АКФ тежегіштерін қабылдауды тоқтатқаннан кейін жоғалады. АКФ тежегіштерін қабылдап жүрген, іш аймағының ауыруы бар емделушілерде дифференциальді диагноз жүргізгенде ішектің ангионевроздық ісінуінің дамуы мүмкін екендігін ескеру қажет.

Десенсибилизация жүргізген кездегі анафилактоидтық реакциялар

Жарғақ қанатты жәндіктердің (ара, сона) уымен десенсибилизацияланатын ем кезінде АКФ тежегіштерін қабылдап жүрген науқастарда өмірге қауіп төндіретін ұзақ анафилактоидтық реакциялардың дамуы жөнінде жекелеген мәлімдемелер бар. АКФ тежегіштерін ауыр аллергологиялық сыртартқысы бар немесе десенсибилизация емшарасынан өткен, аллергиялық реакцияларға бейімділігі бар науқастарда сақтықпен қолдану қажет. Жарғақ қанатты жәндіктердің уымен иммунды ем қабылдап жүрген емделушілер АКФ тежегіштерін қолдануға жол бермегені жөн. Дегенмен, анафилактоидтық реакцияларды десенсибилизация емшарасын бастаудан кем дегенде 24 сағат ішінде АКФ тежегіштерін уақытша тоқтату жолымен болдырмауға болады.

ТТЛП аферезін жүргізген кездегі анафилактоидтық реакциялар

Сирек жағдайларда АКФ тежегіштерін қабылдап жүрген емделушілерде декстран сульфатын пайдаланып ТТЛП аферезін жүргізген кезде өмірге қауіп төндіретін анафилактоидтық реакциялар дамуы мүмкін. Анафилактоидтық реакцияларға жол бермеу үшін әрбір аферез емшарасы алдында АКФ тежегішімен емдеуді уақытша тоқтатқан жөн.

Гемодиализ

АКФ тежегіштерін қабылдап жүрген емделушілерде ағыны жоғары жарғақшаларды (мысалы, AN69®) пайдаланып гемодиализ жүргізгенде анафилактоидтық реакциялар байқалды. Сондықтан басқа типті жарғақшаны пайдаланған немесе басқа фармакотерапиялық топтық гипотензиялық дәрісін қолданған дұрыс.

Калий жинақтайтын диуретиктер және калий препараттары

Әдеттегідей, периндоприлді және калий жинақтайтын диуретиктерді, сондай-ақ калий препараттарын және құрамында калий бар ас тұзын алмастырғыштарды бірге қолдану ұсынылмайды.

Жөтел

АКФ тежегішімен емдеу аясында құрғақ жөтел пайда болуы мүмкін. Жөтел осы топтың препараттарын қабылдау аясында ұзақ сақталады және оларды тоқтатқан кезде жоғалады. Емделушіде құрғақ жөтел пайда болған кезде осы симптомның АКФ тежегішін қабылдаумен ықтимал байланысын ескерген жөн. Егер дәрігер АКФ тежегішімен емдеу емделушіге қажет деп санаса, препаратты қабылдау жалғастырылуы мүмкін.

Артериялық гипотензияның және/немесе бүйрек функциясының жеткіліксіздігінің қаупі (жүрек функциясының созылмалы жеткіліксіздігі, су-электролиттік теңгерімнің бұзылулары бар емделушілерде)

Кейбір патологиялық жағдайларда, әсіресе айқын гиповолемияда және қан плазмасындағы электролиттер мөлшері төмендегенде (тұзсыз емдәм немесе диуретиктерді ұзақ қабылдау аясында), АҚ бастапқыда төмен болған, бүйрек артерияларының (соның ішінде екі жақты) стенозы, жүрек функциясының созылмалы жеткіліксіздігі немесе ісінумен және асцитпен болатын бауыр циррозы бар емделушілерде РААЖ-нің едәуір белсенділенуі байқалуы мүмкін.

АКФ тежегіштерін қолдану РААЖ блокадасын туындатады және сондықтан АҚ күрт төмендеуімен және/немесе бүйректің функциональді жеткіліксіздігінің дамуын айғақтайтын, қан плазмасында креатинин концентрациясының жоғарылауымен қатар жүруі мүмкін. Бұл құбылыстар препараттың алғашқы дозасын қабылдағанда немесе емдеудің алғашқы екі аптасы ішінде жиі байқалады. Кейде бұл жағдайлар жедел дамиды. Мұндай жағдайларда емдеуді қайта жаңғыртқанда периндоприл мен индапамидтің біріктірілімін өте төмен дозада пайдалану және содан кейін дозаны біртіндеп арттыру ұсынылады.

Егде жастағы емделушілер

Ко-Пренесса® препаратын қабылдар алдында бүйректің функциональді белсенділігін және қан плазмасында калий иондарының мөлшерін бағалау қажет. Емдеуді бастарда, әсіресе АҚК төмендеген және электролиттер жоғалған жағдайда, АҚ төмендеу дәрежесін ескеріп таңдайды. Осыған ұқсас шаралар АҚ күрт төмендеуін болдырмауға мүмкіндік береді.

Атеросклероз

Артериялық гипотензия қаупі барлық науқастарда бар, алайда жүректің ишемиялық ауруы және ми қан айналымының жеткіліксіздігі бар емделушілерде препаратты қолдана отырып, аса сақтық танытқан жөн. Мұндай емделушілерде емдеуді периндоприл мен индапамид біріктірілімінің төмен дозаларынан бастаған жөн.

Реноваскулярлық гипертензиясы бар емделушілер

Реноваскулярлық гипертензияны емдеу әдісі реваскуляризация болып табылады. Дегенмен, АКФ тежегіштерін пайдалану хирургиялық араласымды күтіп жүрген, сондай-ақ хирургиялық араласымды жүргізу мүмкін болмаған емделушілерде жағымды әсер береді. Диагностикаланған немесе алдын ала болжанған бүйрек артерияларының стенозы бар емделушілерде емдеуді периндоприл мен индапамид біріктірілімінің өте төмен дозаларынан бастаған жөн. Кейбір науқастарда бүйректің функциональді жеткіліксіздігі дамуы мүмкін, ол препарат қабылдауды тоқтатқан кезде жоғалады.

Басқа қауіп топтары

Жүрек функциясының созылмалы жеткіліксіздігі бар (NYHA жіктелімі бойынша IV функциональді класс) емделушілерде және 1 типті қант диабеті (калий иондарының кездейсоқ арту қауіптілігі) бар науқастарда емдеу периндоприл мен индапамид біріктірілімінің өте төмен дозаларынан және үнемі дәрігердің бақылауымен басталуы тиіс.

Артериялық гипертензиясы және жүректің ишемиялық ауруы бар науқастар бета-адреноблокаторларды қабылдауды тоқтатпауы тиіс: периндоприл мен индапамид біріктірілімі бета-адреноблокаторлармен бірге пайдаланылуы тиіс.

Қант диабеті бар емделушілер

Ко-Пренесса® препаратын ішке қабылдауға арналған гипогликемиялық дәрілерді немесе инсулинді қабылдап жүрген, қант диабеті бар емделушілерге тағайындағанда емдеудің алғашқы айында қан плазмасындағы глюкоза концентрациясын ұдайы бақылау қажет.

Этникалық айырмашылықтары

Периндоприл, басқа АКФ тежегіштері сияқты, басқа нәсіл өкілдерімен салыстырғанда негроид нәсілді емделушілерде айқындылығы аз гипотензиялық әсер беретіні анық. Бұл айырмашылық негроид нәсілді артериялық гипертензиясы бар науқастарда рениннің төмен белсенділігінің жиі байқалуына себеп болуы мүмкін.

Хирургиялық араласым/Жалпы анестезия

Жалпы анестезияны қолданып хирургиялық араласым жасалатын науқастарда АКФ тежегіштерін қолдану, әсіресе гипертензияға қарсы әсер ететін жалпы анестезияға қарсы дәрілерді пайдаланғанда, АҚ айқын төмендеуіне әкелуі мүмкін. Хирургиялық араласымнан 12 сағат бұрын ұзақ әсер ететін тежегіштерді, соның ішінде периндоприлді қабылдау ұсынылады.

Аортальді стеноз/Митральді стеноз/Гипертрофиялық кардиомиопатия

АКФ тежегіштері сол жақ қарыншаның шығатын саңылауының обструкциясы бар науқастарға және митральді стенозда сақтықпен тағайындалуы тиіс.

Бауыр функциясының жеткіліксіздігі

Сирек жағдайларда АКФ тежегіштерін қабылдау аясында холестаздық сарғаю пайда болады. Осы синдром үдеген кезде кейде өліммен аяқталатын фульминантты бауыр некрозы дамиды. Осы синдромның даму механизмі анық емес. АКФ тежегіштерін қабылдау аясында сарғаю пайда болғанда емделушінің дәрігерге қаралғаны жөн. АКФ тежегіштерін қабылдау аясында бауыр ферменттерінің белсенділігі едәуір жоғарылағанда препарат қабылдауды тоқтатқан жөн.

Гиперкалиемия

Гиперкалиемия АКФ тежегіштерімен, соның ішінде периндоприлмен емдеу кезінде дамуы мүмкін. Гиперкалиемия қаупінің факторлары бүйрек функциясының жеткіліксіздігі, бүйрек функциясының бұзылуы, егде жас, қант диабеті, кейбір қатар жүретін жағдайлар (дегидратация, жүрек функциясының созылмалы жеткіліксіздігінің жедел декомпенсациясы, метаболизмдік ацидоз), калий жинақтайтын диуретиктерді (спиронолактон, эплеренон, триамтерен, амилорид сияқты) бір мезгілде қабылдау, сондай-ақ калий препараттарын немесе құрамында калий бар ас тұзының алмастырғыштарын бір мезгілде қабылдау, сондай-ақ қан плазмасында калий иондары мөлшерінің жоғарылауына мүмкіндік беретін басқа да дәрілерді (мысалы, гепарин) (әсіресе бүйрек функциясы төмендеген емделушілерде) қолдану болып табылады. Гиперкалиемия жүрек ырғағының күрделі, кейде өлімге әкелетін бұзылуына әкеп соғуы мүмкін. Егер жоғарыда аталған дәрілерді біріктіріп қабылдау қажет болса, емдеу қан сарысуындағы калий иондарының мөлшерін ұдайы бақылау аясында сақтықпен жүргізілуі тиіс.

Индапамид

Бауыр функциясының бұзылулары бар болғанда тиазидтік және тиазидке ұқсас диуретиктерді қабылдау бауыр энцефалопатиясының дамуына әкеп соғуы мүмкін. Мұндай жағдайда Ко-Пренесса® препаратын қабылдауды дереу тоқтатқан жөн.

Фотосезімталдық

Тиазидтік және тиазидке ұқсас диуретиктерді қабылдау аясында фотосезімталдық реакциясының даму жағдайлары жөнінде мәлімделді. Препаратты қабылдау аясында фотосезімталдық реакциясы дамыған жағдайда емдеуді тоқтатқан жөн. Диуретиктермен емдеуді жалғастыру қажет болғанда тері жабындарын күн сәулесінің немесе жасанды ультракүлгін сәулелердің әсерінен қорғау ұсынылады.

Су-электролиттік теңгерім/Қан плазмасындағы натрий иондарының мөлшері

Емдеуді бастағанға дейін қан плазмасындағы натрий иондарының мөлшерін анықтау қажет. Препаратты қабылдау аясында осы көрсеткішті ұдайы бақылаған жөн. Барлық диурездік дәрілер кейде күрделі асқынуларға әкеп соғатын гипонатриемияны тудыруға қабілетті. Бастапқы сатыдағы гипонатриемия клиникалық симптомдармен қатар жүруі мүмкін, сондықтан ұдайы зертханалық бақылау жүргізу қажет. Натрий иондарының мөлшерін өте жиі бақылау егде жастағы емделушілерге қолданылады.

Қан плазмасындағы калий иондарының мөлшері

Тиазидтік және тиазидке ұқсас диуретиктермен емдеу гипокалиемияның даму қаупімен байланысты. Жоғары қауіп тобына жататын емделушілердің келесі санаттарында: егде жастағы емделушілерде, жүдеген немесе біріктірілген дәрі-дәрмектік ем қабылдап жүрген емделушілерде, бауыр циррозы, шеткергі ісінулері немесе асциті, жүректің ишемиялық ауруы, жүрек функциясының созылмалы жеткіліксіздігі бар емделушілерде гипокалиемияға (3.4 ммоль/л-ден аз) жол бермеу қажет. Осы науқастарда гипокалиемия жүрек гликозидтерінің уытты әсерін күшейтеді және аритмияның даму қаупін арттырады.

Жоғары қауіп тобына сондай-ақ QT аралығы ұзарған емделушілер де жатады, мұндайда осы ұзарудың туа біткен себептерден немесе дәрілік заттардың әсерінен туындауы маңызды емес.

Гипокалиемия, брадикардия сияқты, жүрек ырғағының ауыр бұзылуларының, әсіресе өлімге әкелуі мүмкін "пируэт" типті аритмияның дамуына мүмкіндік береді. Жоғарыда сипатталған барлық жағдайларда қан плазмасындағы калий иондарының мөлшерін ұдайы бақылау қажет. Калий иондарының мөлшерін алғашқы өлшеу емдеуді бастаған алғашқы апта ішінде жүргізілуі қажет.

Гипокалиемия анықталған жағдайда тиісті ем тағайындалуы тиіс.

Қан плазмасындағы натрий иондарының мөлшері

Тиазидтік және тиазидке ұқсас диуретиктер кальций иондарының шығарылуын азайтып, қан плазмасында кальций иондары мөлшерінің уақытша жоғарылауына әкеледі. Айқын гиперкальциемия бұрын диагностикаланбаған гиперпаратиреоздың салдары болуы мүмкін. Қалқанша маңы бездерінің функциясын зерттер алдында диурездік дәрілер қабылдауды тоқтатқан жөн.

Қан плазмасындағы глюкоза концентрациясы

Қант диабеті бар емделушілерде, әсіресе гипокалиемия бар болса, қандағы глюкоза концентрациясын бақылау қажет.

Несеп қышқылы

Емдеу аясында қан плазмасында несеп қышқылының концентрациясы жоғарылаған науқастарда подагра ұстамаларының пайда болу жиілігі жоғарылауы мүмкін.

Диурездік заттар және бүйрек функциясы

Тиазидтік және тиазидке ұқсас диуретиктер бүйрек функциясы қалыпты немесе аздап бұзылған емделушілерде толық шамада тиімді (ересек емделушілерде қан плазмасындағы креатинин концентрациясы 2,5 мг/дл немесе 220 мкмоль/л-ден төмен). Егде жастағы емделушілерде КК жасын, дене массасын және жынысын есепке ала отырып, Кокрофт формуласы бойынша есептейді:

(140 - жасы) х дене массасы

Clcr = ----------------------------------------------------------

0,814 х қан плазмасындағы креатинин деңгейі

мұнда: жасы – жыл,

дене массасы – килограмм,

плазмадағы креатинин деңгейі – мкмоль/л.

Формула еркек жынысты егде жастағы емделушіге есептелген, әйелдерге бейімдеу үшін нәтижесін 0,85-ке көбейткен жөн.

Диуретиктермен емдеудің бас кезінде науқастарда, гиповолемияға және гипонатриемияға байланысты, шумақтық сүзілу жылдамдығының уақытша төмендеуі және қан плазмасында мочевина концентрациясының және креатининнің жоғарылауы байқалуы мүмкін. Бұл бүйректің транзиторлы функциональді жеткіліксіздігі бүйрек функциясы өзгермеген емделушілер үшін қауіпті емес, алайда бүйрек функциясының жеткіліксіздігі бар емделушілерде оның айқындылығы күшеюі мүмкін.

Спортшылар

Индапамид допинг-бақылау жүргізген кезде оң реакция беруі мүмкін.

Периндоприл және индапамид

Артериялық гипертензиясы бар, емдеу аясында бұдан бұрын бүйрек функциясының анық бұзылулары болмаған кейбір емделушілерде, әсіресе, егер белсенді компоненттің екеуі де емделуші үшін жаңа болып табылса, бүйректің функциональді жеткіліксіздігінің зертханалық белгілері пайда болуы мүмкін. Мұндай жағдайда Ко-Пренесса® препаратымен емдеуді тоқтатқан жөн. Әрі қарай периндоприл мен индапамид біріктірілімінің төмен дозаларын пайдаланып, біріктірілген емді қайта жаңғыртуға, немесе препараттарды монотерапия режимінде пайдалануға болады.

Артериялық гипотензия және су-электролиттік теңгерімнің бұзылуы

Гипонатриемия (әсіресе бүйрек артериясының, соның ішінде екі жақты стенозы бар емделушілерде) артериялық гипотензияның кенеттен даму қаупімен байланысты. Сондықтан емделушілерді бақылаған кезде сусызданудың ықтимал симптомдарына және қан плазмасында электролиттер мөлшерінің, мысалы, диареядан немесе құсудан кейін төмендеуіне көңіл бөлген жөн. Мұндай емделушілерде қан плазмасындағы электролиттер мөлшерін ұдайы бақылау қажет.

Айқын артериялық гипотензияда 0,9% натрий хлоридінің ерітіндісін көктамыр ішіне енгізу қажет болуы мүмкін.

Транзиторлы артериялық гипотензия емдеуді жалғастыру үшін қарсы көрсетілім болып табылмайды. АҚК және АҚ қалпына келтіргеннен кейін периндоприл мен индапамид біріктірілімінің төмен дозаларын пайдалана отырып, емдеуді қайта жаңғыртуға, немесе монотерапия режимінде препараттарды пайдалануға болады.

Калийдің мөлшері

Периндоприл мен индапамидті біріктіріп қолдану, әсіресе қант диабеті немесе бүйрек функциясының жеткіліксіздігі бар емделушілерде гипокалиемияның дамуының бетін қайтара алмайды. Диуретиктермен біріктірілген басқа гипотензиялық дәрілерді қолданған жағдайдағы сияқты, қан плазмасында калий иондарының мөлшерін ұдайы бақылау қажет.

Қосымша заттар

Препараттың құрамына лактоза моногидраты кіреді, сондықтан оны тұқым қуалайтын галактоза жақпаушылығы, Лапп лактаза жеткіліксіздігі және глюкоза-галактоза мальабсорбциясы бар емделушілерге тағайындамаған жөн.

Автомобильді және қауіпті механизмдерді басқару қабілетіне дәрілік заттың ықпал ету ерекшеліктері

Ко-Пренесса® препаратының құрамына кіретін заттардың әсері психомоторлы реакциялардың бұзылуына әкелмейді. Алайда кейбір емделушілерде АҚ төмендеуіне жауап ретінде, әсіресе емнің бас кезінде немесе жүргізіліп жатқан емге басқа гипотензивті дәрілерді қосқан кезде әртүрлі жекелей реакциялар дамуы мүмкін. Мұндай жағдайда автокөлікті немесе басқа да механизмдерді басқару қабілеті төмендеуі мүмкін.

Артық дозалануы

Симптомдары: жүректің айнуымен, құсумен, құрысулармен, бас айналумен, ұйқышылдықпен, сананың шатасуымен, олигуриямен, ануриямен және су-электролиттік теңгерімнің бұзылуларымен қатар жүретін айқын гипотензия.

Емі: симптоматикалық, асқазанды адсорбенттермен және натрий сульфатымен шаю, сұйықтың тапшылығының орнын толтыру үшін көктамыр ішіне ерітінділер енгізу, электролиттік теңгерімді түзету. Айқын гипотензия дамыған жағдайда емделушіні «жатқызу» қажет, басын шалқайту керек. Қажет болған жағдайда емделушіні қарқынды емдеу палатасына жатқызады. Гемодиализ (полиакрилонитрилді жоғары ағынды жарғақшаларды пайдалануға жол бермеген жөн).

Шығарылу түрі және қаптамасы

Ламинацияланған полиамидті/ алюминий/ поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Картон қорапшаға медициналық қолдану жөніндегі мемлекеттік және орыс тілдеріндегі нұсқаулықпен бірге пішінді ұяшықты 3, 6 немесе 9 қаптамадан салынған.

Сақтау шарттары

Түпнұсқалық қаптамасында, 30ºС-ден аспайтын температурада, ылғалдан қорғалған жерде сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды

 

Дәріханалардан босатылу шарттары

Рецепт арқылы

 

Өндіруші

КРКА, д.д. Ново место, Словения

Шмарьешка 6, 8501 Ново место, Словения

Тіркеу куәлігі иесінің атауы және елі

КРКА, д.д., Ново Место, Словения

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы:

«КРКА Қазақстан» ЖШС, ҚР, 050059, Алматы қ., әл-Фараби д-лы 19,

1 б корпус, 2-ші қабат, 207 кеңсе

тел. 8 (727) 311-08-09

факс 8 (727) 311-08-12

info.kz@krka.biz

 

Прикрепленные файлы

968095151477976400_ru.doc 172.5 кб
372647301477977601_kz.doc 215.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники