КЛОФАН® (100 мг)

КЛОФАН®

Клотримазол

Қынаптық суппозиторийлер 100 мг

Құрамы:

Бір суппозиторийдің құрамында

белсенді зат - 100 мг клотримазол (микрондалған (d 90)15 мкм дейін), төмен),

қосымша зат - қатты май (Suppocire NAI 25 А).

Ақтан ашық-сары түске дейінгі, торпедо пішінді суппозиторийлер.

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерді қоспағанда. Имидазол туындылары. Клотримазол.

АТХ коды G01AF02

Фармакокинетикасы

Клотримазолдың аздаған мөлшері ғана (енгізілген дозаның 3-10%-ы) сіңеді. Осыған байланысты абсорбцияланған клотримазол бауырда белсенді емес метаболиттерге дейін тез метаболизденеді, нәтижесінде 500 мг доза препаратты қынаптық қолданудан кейін плазмадағы клотримазол концентрациясының ең жоғары шегі 10 нг/мл-ден азырақты құрайды.

Фармокодинамикасы

Клотримазолдың әсер ету механизмі эргостерин синтезінің тежелуімен байланысты, бұл зеңдердің цитоплазмалық жарғақшасы құрылысының және функциясының бұзылуына әкеледі. Инфекция ошағындағы концентрациясына байланысты фунгистатикалық немесе фунгицидтік белсенділігі бар.

Клотримазол ашытқы және өңезденген зеңдерге, патогендік дерматофиттерге қатысты микоздарға қарсы (зеңге қарсы) әсер көрсетеді; трихомонадтарға қатысты трихомонацидтік әсер береді; грамоң (стрептококктер/стафилококктер) және грамтеріс микроорганизмдерге (бактероидтар/гарднереллалар) бактерияларға қарсы әсер көрсетеді.

Зеңдік инфекциялардың бұрыннан резистентті (тұрақты) нұсқалары өте сирек. Сезімтал зеңдерде салдарлық резистенттіліктің дамуы осы уақытқа дейін тек емдеу кезіндегі өте оқшау жағдайларда ғана байқалды.

- Candida және/немесе Trichomonas vaginalis тегіне жататын ашытқы тәрізді зеңдердің әсерінен туындаған генитальді инфекцияларда (кандидоздық вульвовагинитте, трихомониазда)

Қынап ішіне қолдануға ғана арналған.

Бір суппозиторийден (100 мг) күніне 2 рет 3 күн бойы немесе бір суппозиторийден (100 мг) күніне бір рет 6 күн бойы кешке, ұйықтар алдында. Қажет болғанда емдеу курсын дәрігермен кеңескеннен кейін қайталайды.

Етеккір басталғанға дейін емдеу аяқталуы тиіс.

Клотримазол препаратымен емдеу кезінде тампонды, бүркіп шаюды, спермицидтер немеса қынап ішіне енгізілетін басқа препараттарды қолданбаған жөн.

Препаратты қолдану кезінде қынаптық жыныстық қатынасқа жол бермеу ұсынылады, өйткені мүшеқап сияқты латексті өнімдердің тиімділігі мен қауіпсіздігі төмендеуінен инфекция жұптасына жұғуы ықтимал.

Жиілігі белгісіз

- аллергиялық реакциялар (есекжем, ентігу, артериялық гипотензия, естен тану),

- жыныс ағзалары аймағындағы терінің қабыршақтануы, қышыну, бөртпе, ісінулер, эритема, жайсыздық, күйдіру сезімі, тітіркену, жамбас аймағының ауыруы, қынаптық қан кетулер

- іштің ауыруы

- клотримазолға және препараттың басқа компонентіне жоғары жекелей сезімталдық

• жүктіліктің бірінші триместрі

• лактация кезеңі

• 18 жасқа дейінгі балалар мен жасөспірімдерге

Клотримазол В амфотерициннің және басқа да полиенді антибиотиктердің белсенділігін төмендетеді. Натамицинмен және нистатинмен бір мезгілде қолданғанда клотримазолдың белсенділігі төмендейді. Жоғары концентрацияларда дексаметазон клотримазолдың зеңге қарсы тиімділігін төмендетеді. Пара-бензой қышқылының пропил эфирінің жоғары концентрациялары клотримазолдың зеңге қарсы әсерін күшейтеді.

Бірге қолданған кезде препарат латекстен жасалған контрацептивтердің зақымдануына әкелуі мүмкін. Демек, ұрықтануға қарсы мұндай заттардың тиімділігі азаюы мүмкін. Пациенттерге осы өнімді пайдаланғаннан кейін, ең жоқ дегенде, бес күн бойы альтернативті сақтық шараларын пайдалануға кеңес беру керек.

Қынап ішіне клотримазолды және пероральді түрде такролимусты (FK-506; иммуносупрессант) бір мезгілде қолдану қан плазмасында такролимустың деңгейін арттыруы мүмкін және осындай әсер сирулимуспен бір мезгілде қабылдағанда да байқалады. Сондықтан пациенттер такролимустың немесе сиролимустың артық дозалану белгілерін және симптомдарын мұқият бақылап отыруы тиіс, олардың қан плазмасындағы концентрациясын зертханалық жолмен анықтау керек.

Егер пациент қынаптық кандидоз симптомдарын алғаш рет байқаса, оның дәрігерге қаралғаны жөн.

Қынаптық суппозиторий - клотримазолды пайдаланбас бұрын, егер келесі жағдайлардың кез келгені бар болса, маманнан кеңес алу қажет:

• соңғы алты ай ішінде кандидоздық вагиниттің даму жағдайлары екеуден көбірек болса

• жыныстық жолмен жұғатын ауру жағдайларының бұдан бұрын да болуы

• жүктілік немесе болжамды жүктілік

• 18 жасқа дейін немесе 60 жастан асқандар

• имидазолға немесе зеңге қарсы қынаптық басқа да препараттарға белгілі аса жоғары сезімталдық

Егер пациентте келесі симптомдардың кез келгені бар болса, КЛОФАН® суппозиторийлері пайдаланылмауы тиіс, содан кейін кеңес алу үшін маманға қаралу қажет:

• қынаптан жүйесіз қан кету

• қынаптан патологиялық қан кету немесе қанаралас бөлінді

• әйелдің сыртқы жыныс мүшелерінде немесе қынабында ойық жаралар, күлдіреуіктер немесе жаралар

• іштің төменгі жағының ауыруы немесе дизурия

• емдеумен астасқан шырышты қабықтардың қызаруы, тітіркенуі, ісінуі

• қызба немесе қалтырау

• жүректің айнуы немесе құсу

• диарея

• қынаптан жағымсыз иістің шығуы

Егер КЛОФАН® суппозиторийлерін пайдаланғанда бір апта ішінде симптомдар қайтпаса, пациенттерге кеңес алу үшін өз дәрігеріне қаралу ұсынылады. Егер симптомдар 7 күннен кейін қайтадан жаңғырса, КЛОФАН® суппозиторийлерін қайталап қолдануға болады. Егер инфекцияның қайталануы алты ай ішінде екі реттен жиірек байқалса, дәрігерден кеңес алу қажет.

Етеккір кезеңінде ем жүргізілмейді. Емдеу етеккір басталғанға дейін аяқталуы тиіс.

КЛОФАН® препаратымен емделу кезінде тампондарды, бүркіп жуып-шаюды, спермицидтерді немесе қынап ішіне енгізілетін басқа да препараттарды қолдануға болмайды.

Препаратты қолдану кезінде қынаптық жыныстық қатынасқа жол бермеу ұсынылады, өйткені инфекция жұптасына жұғуы мүмкін.

Жыныстық жұптасы да, егер онда жергілікті қышыну, қабыну және т.б. сияқты симптомдары бар болса, емделуі тиіс.

Жүктілік және емшек емізу

Препаратты жүктіліктің I триместрінде қолдануға болмайды. Жүктіліктің II және III триместрлерінде препарат ана үшін болжамды пайдасы шарана немесе сәби үшін потенциалды қаупінен басым болса ғана қолданылады.

Препаратты қолдану қажет болған кезде емшек емізуді тоқтатқан жөн.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Препарат көлік құралын немесе потенциалды қауіпті механизмдерді басқару қабілетіне ықпалын тигізбейді немесе аздаған ықпалын тигізеді.

Препараттың сіңірілуі төмен болғандықтан, қынап ішіне қолданғанда оның артық дозалануы екіталай.

Симптомдары: жағымсыз әсерлерінің күшеюі.

Емі: спецификалық антидоты жоқ. Қажет болғанда – симптоматикалық ем жүргізу.

Шығарылу түрі және қаптамасы

6 суппозиторийден ПВХ/ПЭ жасалған пішінді ұяшықсыз қаптамаға салынады.

1 пішінді ұяшықсыз қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Құрғақ, жарықтан қорғалған жерде, 25°С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек.

2 жыл

Жарамдылық мерзімі өткеннен кейін қолдануға болмайды.

Рецептісіз

Өндіруші

Кусум Хелткер Пвт. Лтд., Үндістан

Тіркеу куәлігінің ұстаушысы

Кусум Хелткер Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта):

«Дәрі-Фарм (Қазақстан)» ЖШС, Алматы қ., Достық даңғ., 117/6, Хан Тәңірі» БО.

Телефон/факс: 8(727) 295-26-50 

E-mail: claims@kusum.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Дәрі-Фарм (Қазақстан)» ЖШС, Алматы қ., Достық даңғ., 117/6, Хан Тәңірі» БО.

Телефон/факс: 8(727) 295-26-50 

Электрондық пошта: phv@kusum.kz