Клотримазол (таблетки вагинальные, 100 мг, Борщаговский ХФЗ НПЦ ПАО)
Инструкция
-
русский
-
қазақша
Саудалық атауы
Клотримазол
Халықаралық патенттелмеген атауы
Клотримазол
Дәрілік түрі
Қынаптық таблеткалар 100 мг
Құрамы
Бір таблетканың құрамында
белсенді зат – 100.0 мг клотримазол,
қосымша заттар: лактоза моногидраты, жүгері крахмалы, микрокристалды целлюлоза, сусыз коллоидты кремнийдің қостотығы, адипин қышқылы, кальций стеараты.
Сипаттамасы
Сопақша пішінді, екі беті дөңес, түсі ақ немесе ақ дерлік таблеткалар.
Фармакотерапиялық тобы
Гинекологиялық ауруларды емдеуге арналған антисептиктер, микробтарға қарсы және антисептикалық препараттар. Имидазол туындылары. Клотримазол
АТХ коды G01A F02
Фармакологиялық қасиеттері
Фармакокинетикасы
Қынап ішіне енгізгенде сіңірілуі енгізілген дозаның 3-10 % құрайды. Қынаптық секретте жоғары концентрациясы және қанда төменгі концентрациясы 48-72 сағат бойы сақталады. Сіңірілген клотримазол белсенді емес метаболиттерге дейін бауырда метаболизденеді және несеппен және нәжіспен шығарылады.
Фармакодинамикасы
Клотримазол – имидазол туындылары тобының синтетикалық антимикоздық және протозойға қарсы (трихомонацидті) дәрілері. Әсер ету механизмі зеңдер жасушалық жарғақшасын құру үшін қажетті эргостерол синтезін тежеу болып табылады, бұл оның өткізгіштігінің бұзылуына және одан кейін жасушалардың ыдырауына әкеледі. Өте аз бактерицидтік концентрацияларында клотримазол калийдің, фосфор қосылыстарының жасушалардан шығарылуына және жасушалық нуклеин қышқылдарының бұзылуына жағдай жасайды. Триглицеридтер мен фосфолипидтердің синтезін тежейді. Бұдан басқа, пероксидазалардың белсенділігін баса отырып, клотримазол зең жасушасында сутегінің асқын тотығының концентрациясын уытты деңгейге дейін арттырады, бұл жасушаның кейіннен бұзылуына әкеп соғады.
Клотримазолдың әсер ету ауқымы дерматофиттерді (Trichophyton rubrum, Trichophyton mentagrophytes, Epidermophyton floccosum, Microsporum canis, сондай-ақ Coccidioides immitis, Histoplasma capsulatum, Aspergillus spp.), ашытқы зеңдерді (Candida spp., Candida albicans-ді қоса есептегенде), стафилококтарды (Staphylococcus spp.), эритразма қоздырғыштарын (Corynebacterium minutissimum), трихомонадтарды (Trichomonas vaginalis) қамтиды.
Қолданылуы
- Candida тұқымдастығы ашытқы зеңдерінен және/немесе Trichomonas vaginalis-ден туындаған генитальді инфекцияларда (кандидозды вульвит, вульвовагинит, трихомониаз).
Қолдану тәсілі және дозалары
Әдетте препаратты 3 күн бойы күніне 2 рет 1 таблеткадан немесе 6 – 7 күн бойы күніне 1 таблеткадан қолданады. Таблетканы қынапқа терең етіп енгізген жөн. Емдеу етеккір басталғанға дейін аяқталуы тиіс.
Жағымсыз әсерлері
Өте сирек
- қынапқа енетін жердегі аймақтың шырышты қабығының қышуы, қызаруы, ауыруы және ісінуі (бұл симптомдар пайда болған кезде емдеуді тоқтатқан жөн).
Қолдануға болмайтын жағдайлар
- клотримазолға немесе препараттың басқа да компоненттеріне жоғары сезімталдық
- жүктілік және лактация кезеңі
- етеккір кезеңі
- 18 жасқа дейінгі балалар
Дәрілермен өзара әрекеттесуі
- клотримазолды нистатинмен бір мезгілде қолданған кезде клотримазолдың белсенділігі төмендеуі мүмкін
- үлкен дозаларда қолданылатын дексаметазон клотримазолдың зеңге қарсы әсерін төмендетеді
- клотримазолдың микробтарға қарсы әсері п-оксибензой қышқылының пропилді эфирінің жергілікті концентрацияларын күшейтеді
- бір мезгілде қолданған кезде клотримазол В амфотерициннің және басқа да полиенді антибиотиктердің белсенділігін төмендетеді.
Айрықша нұсқаулар
Дәрігердің тағайындауы бойынша сыртқы жыныс мүшелері Клотримазолдың 1% жақпамайымен немесе 1% ерітіндісімен бір мезгілде өңделуі мүмкін; қажет болған кезде дәрігер қосымша жүйелік дәрілік заттарды (мысалы, метронидазолды ішуге) тағайындауы мүмкін. Бауыр функциясы бұзылған емделушілерде оның функциясының жағдайларын мезгіл-мезгіл тексеріп отырған жөн. Әсері жоқ болған кезде диагнозды растау және аурудың басқа да себептерінің бар-жоғын анықтау үшін микробиологиялық зерттеу жүргізген жөн. Жыныстық жұптастардың екеуін де бір мезгілде емдеу керек.
Тітіркенудің немесе жоғары сезімталдықтың басқа да біліністері пайда болғанда міндетті түрде дәрігердің кеңесі қажет.
Препарат латекстен жасалған ұрықтануға қарсы заттардың (мүшеқаптар, диафрагмалар) тиімділігін төмендетуі мүмкін. Бұл әсер уақытша және емделу кезеңінде ғана байқалады.
Препаратты емдеудің бүкіл мерзімі ішінде, тіпті ауру симптомдары ерте жоғалса да, қолдану қажет. Осы нұсқауларды орындау инфекцияның қайталануының алдын алуға жәрдемдеседі.
Таблетканы ішуге қолдануға болмайды!
Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері
Препараттың автокөлікті басқарғанда немесе басқа да механизмдермен жұмыс істегенде реакция шапшаңдығына ықпал етуі жөнінде айтылмаған.
Артық дозалануы
Ақпараттар жоқ.
Шығарылу түрі және қаптамасы
Қынаптық 100 мг таблеткалар. 10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада. 1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Түпнұсқалық қаптамасында, 25 оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
«Борщагов химиялық-фармацевтикалық зауыты» Ғылыми-өндірістік орталығы» Жариялы акционерлік қоғамы.
Украина, 03134, Киев қ., Мир к-сі, 17.
Тіркеу куәлігі иесінің атауы және елі
«Борщагов химиялық-фармацевтикалық зауыты» Ғылыми-өндірістік орталығы» Жариялы акционерлік қоғамы, Украина
ҚР аумағында тұтынушылардан өнім сапасына қатысты шағымдарды қабылдайтын ұйымның мекенжайы
Қазақстан Республикасы аумағындағы «Борщагов ХФЗ» ҒӨО ЖАҚ өкілдігі
050063, Алматы қ., Әуезов ауданы, “Жетісу-3” ы/а, 25 үй, 27 кеңсе
факс: +7(272) 313-23-34;
E-mail: vadimt58@list.ru