Клотримазол (1%)

МНН: Клотримазол
Производитель: Медана Фарма АО
Номер регистрации в РК: № РК-ЛС-5№003929

Инструкция

Саудалық атауы

Клотримазол

Халықаралық патенттелмеген атауы

Клотримазол

Дәрілік түрі

Сыртқа қолдануға арналған 1 % ерітінді

Құрамы

1 мл ерітіндінің құрамында

белсенді зат - 10,0 мг клотримазол

қосымша заттар: изопропил миристаты, сусыз этанол

Сипаттамасы

Өзіне тән иісі бар мөлдір, түссіз сұйықтық

Фармакотерапиялық тобы

Сыртқа қолдануға арналған зеңдерге қарсы препараттар. Жергілікті қолдануға арналған зеңдерге қарсы препараттар. Имидазол туындылары Клотримазол

АТХ коды D 01 АС 01

Фармакологиялық қасиеттері

Фармакокинетикасы

Клотримазолды теріге жаққаннан кейін 0,5% аспайтын мөлшерде сіңеді, бірақ эпидермистің қасаң қабығына енеді және сонда жинақталады. Шырышты қабықтан (3%) аздаған дәрежеде сіңеді. Сіңірілген препарат бауырда метаболизденеді және бүйрекпен шығарылады; жартылай ыдырау кезеңі 3-5 сағатты құрайды.

Фармакодинамикасы

Клотримазол имидазол туындысы тобынан сыртқа қолдануға арналған зеңдерге қарсы дәрі болып табылады. Адамдарда инфекция туындататын барлық дерлік патогенді зеңдерді қармап кең ауқымды әсер етеді. Клотримазолдың әсер ету механизмі зеңдердің жасушалы жарғақшаларын құру үшін қажетті эргостерол синтезін кідіртуіне негізделген, ол оның өткізгіштігінің бұзылуына және жасушаның әрі қарай еруіне әкеледі. Төмен концентрацияда фунгистатикалық, жоғары концентрацияда - дерматофиттерге (Epidermophyton spp., Тrichophyton spp., Місrоsporum sрр. түрлеріне), ашытқы зеңдерге (Candida albicans және Сandida, Cryptococcus neoformans тектесінен басқа түрлеріне), ашытқы, диморфты зеңдерге (Вlastomyces dermatidis, Соссіdіоіdеs іmmitis, Sporotrichum schenckii) фунгицидті әсер етеді. Сондай-ақ бактерияларға (Streptococcus руоgenеs, Staphylococcus aureus, Тrichоmonas vaginalis) қарсы аздап әсер етеді.

Қолданылуы

- дерматофиттер, ашытқылы зеңдер туындатқан зеңдік тері инфекцияларында,

- кебек тәрізді теміреткіде,

- тырнақтың зеңдік зақымдануларында

Қолдану тәсілі және дозалары

Сыртқа қолдану үшін

Сұйықтықтың бірнеше тамшысын күніне 2-3 рет терінің зақымданған жеріне жаймен ысқылап жағу керек. Аурудың жедел симатомдарын қайтарғаннан кейін, емдеуді кем дегенде тағы 4 апта бойы симптомдар толық кеткенге дейін жалғастыру керек.

Табан дерматомикозында ауру симптомдарын қайтарғаннан кейін препаратты тағы екі апта бойы қолданған жөн.

Балалар

Препарат 11 жасқа дейінгі балаларға дәрігердің кеңесінен кейін пайдаланылуы мүмкін.

Жағымсыз әсерлер мен реакциялар

Сирек

- жергілікті аллергиялық реакциялар – препаратты қолданға жерде шымылдатып ашыту, қышыну, аздап шаншу

Өте сирек

- ауқымы кең эритема, бөртпе, ісіну, есекжем, эпидермистің қабыршақтануы

Қолдануға болмайтын жағдайлар

  • клотримазолға және/немесе препараттың басқа компоненттеріне жоғары сезімталдық

  • жүктіліктің І триместрі

  • окклюзиялық таңғышпен пайдалану

  • көз айналасына қолдануға болмайды.

  • ішке қолдануға болмайды.

Дәрілермен өзара әрекеттесуі

Клотримазол басқа сыртқа қолдануға арналған зеңдерге қарсы препараттардың, әсіресе нистатин және натамицин сияқты полиен антибиотиктерінің әсерін тежеуі, амфотерицин В әсерлерін азайтуы мүмкін. Жергілікті қолданылатын кортикостероидтар клотримазолдың зеңдерге қарсы әсерін тежейді.

Айрықша нұсқаулар

Көзбен және шырышты қабықпен жанасуды болдырмау керек. Аурудың таралуын тудыратындықтан қышитын, ауыратын өзгерген орындарды қасуға және тырнауға болмайды.

Ылғал және жылу өткізбейтін киімдер мен аяқ киімдерді киюге болмайды. Ауыратын өзгерген жерлерді жуғаннан кейін жақсылап кептіру керек. Ауырған жерді жауып тұратын киімді және орамалды күнделікті ауыстырып, 90°С температурада жуу керек (бір рет пайдаланылатын орамалды қолдану ұсынылады).

Жүктілік кезеңі және лактация

Жүктілік кезінде және бала емізу кезеңінде теріге жергілікті жағылатын препаратты қолдану қауіпсіздігі жөнінде зерттеулер жүргізілмеген. Препаратты теріге жаққаннан кейін клотримазолдың емшек сүтіне енуі туралы деректер де жоқ.

Препаратты жүктіліктің I триместрінде қолдану ұсынылмайды.

Клотримазолды I триместрден кейін және бала емізу кезеңінде пайдаланғанда абай болу керек.

Автокөлікті немесе қауіптілігі зор механизмамдерді басқару қабілетіне әсер ету ерекшеліктері

Препаратты қолдану автокөлікті немесе қауіптілігі зор механизмдерді басқару қабілетіне әсер етпейді.

Артық дозалануы

Жергілікті қолданғанда клотримазолдың артық дозалану жағдайлары белгісіз.

Препаратты ішке кездейсоқ қолдану жағдайында, егер артық дозалану симптомдары клиникалық (мысалы, бас айналу, жүрек айну немесе құсу) байқалатын жағдайда ғана, асқазанды шаю сияқты емдеудің дағдылы әдістерін қолданған жөн. Асқазанды шаюды тыныс жолдары талапқа сай қорғалған жағдайда ғана жүргізу керек.

Шығарылу түрі және қаптамасы

15 мл препараттан бұрандалы қақпағы бар күңгірт шыныдан жасалған құтыда.

1 құтыдан тамшылатқышымен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада, түпнұсқалық қаптамасында сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші/қаптаушы

«Медана Фарма» АҚ                                                                    

98-200 Серадз, В. Локетка к-сі, 10, Польша

Тіркеу куәлігінің иесі

«Химфарм» АҚ, Қазақстан, Шымкент қ., Рашидов к-сі 81

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Қазақстан, Шымкент қ., Рашидов к-сі 81

Телефон нөмірі 8 7252 (561342) Факс нөмірі 8 7252 (561342)

Электрондық пошта infomed@santo.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы

«Химфарм» АҚ, Қазақстан Республикасы, Шымкент қ., Рашидов к-сі 81,

Телефон нөмірі 8 7252 (561342) Факс нөмірі 8 7252 (561342)

Электрондық пошта infomed@santo.kz

 

Прикрепленные файлы

647808951477976202_ru.doc 62.5 кб
357671051477977446_kz.doc 66 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники