Кловинал
Инструкция
-
русский
-
қазақша
Саудалық атауы
Кловинал
Халықаралық патенттелмеген атауы
Жоқ
Дәрілік түрі
Қынаптық пессарийлер
Құрамы
Бір пессарий құрамында
белсенді заттар: метронидазол 500.0 мг, клотримазол 100.0 мг, лактобактериялар 150 млн.
қосымша заттар: полиэтиленгликоль 1500, метилпарагидроксибензоат, пропилпарагидроксибензоат, бутилденген гидрокситолуол.
Сипаттамасы
Ақ немесе ақ түсті дерлік ұзынша пішінді пессарийлер
Фармакотерапиялық тобы
Гинекологиялық ауруларды емдеуге арналған антисептиктер және микробқа қарсы препараттар
Имидазол туындылары
Имидазол туындыларының біріктірілімдері
ATХ коды G01AF20
Фармакологиялық қасиеттері
Фармакокинетикасы
Жергілікті фунгицидті әсер ете отырып, қынаптың шырышты қабатында біркелкі таралады. Іс жүзінде қынаптың шырышты қабатының беткейінен сіңбейді.
Фармакодинамикасы
Метронидазолды гинекологияда жергілікті қолданғанда антипротозойлық және антибактериялық, зеңге қарсы әсері бар. Entamoebahistolytica және Giardialamblia және анаэробты бактерияларға қатысты белсенді.
Клотримазолдың дерматофиттарды, ашытқыларды, өңезденуді және т.б. қоса алғандағы зеңге қарсы кең ауқымды әсері бар. Клотримазолдың фунгистатикалық немесе фунгицидтік әсері клотримазолдың жұқпа орнындағы концентрациясына байланысты.
Қолданылуы
Сезімтал микроорганизмдерден туындаған жұқпалы-қабынбалы, гинекологиялық ауруларды жергілікті емдеуге арналған:
- спецификалық емес вагиниттерде
- зеңдік вагиниттерде
- аралас вагиниттерде
- вульвовагиниттерде
- цервиковагиниттерде.
Қолдану тәсілі және дозалары
Ұйықтар алдында, кешке, бір пессарийден қынапқа терең енгізеді. Емдеу курсы - 6 күн.
Жағымсыз әсерлері
сирек:
- іштің түйілулері, құсу, диарея, дәм сезу бұзылыстары, тәбет жойылуы, панкреатит
- аллергиялық реакциялар, тері қызаруы, тітіркену, қышыну, бөртпе, есекжем, температура жоғарылауы және Квинке ісінуі
- жүрек айнуы және құсу, іш өту
-бас ауыруы, бас айналуы, шеткергі сенсорлық нейропатия, құрысулар, атаксия, психикалық бұзылыстар, елестеулер
- көздің өтпелі бұзылуы (диплопия, алыстан көрмеушілік)
өте сирек:
- агранулоцитоз, нейтропения және тромбоцитопения
- ұдайы емес және аномальді қынаптық қан кетулер, қынаптан жағымсыз иісі бар бөліністер болуы, іштің төменгі жағының ауыруы, дизурия
-анафилактикалық шок, пустулезді бөртпе
- бауыр қызметінің бұзылуы
Қолдануға болмайтын жағдайлар
- препарат компоненттеріне жоғары сезімталдық.
- балалар және 18 жасқа дейінгі жасөспірімдер
- жүктілік (I триместр) және лактация кезеңі
Дәрілермен өзара әрекеттесуі
Тікелей емес антикоагулянттармен бір уақытта қолданғанда олардың әсері потенциялануы мүмкін (протромбиндік уақыт ұлғаюы).
Метронидазолды дисульфираммен бір уақытта қолданғанда ОЖЖ тарапынан бұзылулар (сананың бәсеңсітілуі,психотикалық бұзылыстар дамуы) бақылануы мүмкін.
Циметидинмен бір уақытта қолданғанда қандағы метронидазол деңгейі жоғарылауы мүмкін.
Метронидазол варфариннің метаболизмін тежейді және антикоагулянтты әсерін күшейтеді.
Алкогольмен бірге қолданғанда дисульфирамды қолданғандағыға ұқсас симптомдар туындайды - іштің түйілулері, жүрек айнуы, құсу, бас аурулары, сондықтан препарат қабылдаған соң 24 сағат бойына алкоголь қабылдаудан бас тарту керек.
Циметидин метаболизмдік ферменттерді тежеу жолымен плазмалық клиренсті ұзартады, бауыр ферменттерін индукциялайтын препараттар, (мысалы Фенобарбитал) метронидазол жойылуын ұлғайтуы мүмкін.
Бір уақытта қолданғанда препарат контрацептивтердің латексін зақымдауын туындатуы мүмкіндігінен клотримазол бөгеттік контрацептивтердің әсерін төмендетуі мүмкін.
Такролимуспен бір мезгілде емдеуде қан плазмасында такролимус жоғарылауы мүмкін. Бұл жағдайларда такролимустың артық дозалану симптомдары пайда болуын мұқият бақылау керек, ал қажет болғанда оның қан плазмасындағы деңгейін анықтау керек.
Айрықша нұсқаулар
60 жастан асқан әйелдерде сақтықпен тағайындалады, емделушілердің сыртартқысында препарат компоненттеріне аса жоғары сензімталдық және/немесе аллергия болу жағдайында тағайындалмайды.
Препаратты қолдану мерзімі аурудың жекелеген қоздырғыштарының оған төзімділігі қалыптасуының және қайта жұқпалану қаупінің алдын алу мақсатында шектелуі тиіс.
Жүктілік және лактация
Жүктіліктің ІІ және ІІІ триместрінде препаратты тек дәрігер бақылауымен және ана денсаулығы үшін болжамды пайдасы ұрыққа төнетін зор қауіптен артық болатын жағдайларда ғана қолдануға болады.
Метронидазол сүтпен бөлінеді, сондықтан бала емізу кезеңінде препарат қабылдауды тоқтату керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.
Кловинал емдік дозаларында көлік құралдарын басқару және зейінді шоғырландыруды және психомоторлы реакциялардың шапшаңдығын талап ететін жұмыстарды орындау қабілетіне әсер етпейді.
Артық дозалануы
Препараттың сіңуі төмен болуына байланысты ұсынылған дозаны сақтағанда артық дозалану жағдайлары анықталмады.
Шығарылу түрі және қаптамасы
Поливинилхлоридті үлбірден жасалған пішінді ұяшықты қаптамада 6 пессарийден.
1 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 250С-ден аспайтын температурада.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
BLISSGVSPHARMALTD, Үндістан.
10 DewanUdyogNagar, Aliyali, Palghar,
Маharashtra - 401 404, Үндістан
Тіркеу куәлігінің иесі
BLISSGVSPHARMALTD, Үндістан.
102, Hyde Park, Saki Vihar Road, Andheri (E)
Mumbai - 400 072, Үндістан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«КазЕвроФарм» ЖШС
Алматы қ., Құрманғазы к-сі, 48 «а», 9 кеңсе
Индексі 050000
Телефон нөмірі (727) 2729871, 2615141
Факс нөмірі (727) 2614466
Электрондық пошта іnfo@kazeuropharm.com