Клавунат BID Форте

Клавунат BID Форте

Жоқ

Дәрілік түрі, дозалануы

Ішке қабылдау үшін суспензия дайындауға арналған ұнтақ, 400 мг/57 мг

Жүйелі пайдалануға арналған инфекцияға қарсы препараттар. Жүйелі қолданылатын бактерияға қарсы препараттар. Бактерияға қарсы бета-лактамды препараттар, пенициллиндер. Пенициллиндер бета-лактамаза тежегіштерімен біріктірілімде. Амоксициллин және бета-лактамаза тежегіші

АТХ коды J01CR02

Клавунат BID Форте ересектер мен балалардағы келесі инфекцияларды емдеуге арналған:

- жедел бактериялық синусит (расталған диагноз кезінде)

- жедел ортаңғы отит

- созылмалы бронхиттің өршуі (расталған диагноз кезінде)

- ауруханадан тыс пневмония

- цистит

- пиелонефрит

-тері мен жұмсақ тіндердің инфекциялары, атап айтқанда целлюлит, жануарлардың тістеуі, жақсүйек-бет аймағының жедел абсцестері мен флегмоналары

- сүйектер мен буындардың инфекциялары: соның ішінде остеомиелит

Бактерияға қарсы дәрілерді тиімді қолдану жөніндегі ресми ұсынымдарды назарға алған жөн.

Қолданудың басталуына дейінгі қажетті мәліметтер тізбесі

- әсер етуші заттарға, пенициллиндерге немесе қосымша заттардың кез келгеніне аса жоғары сезімталдық

• анамнездегі басқа бета-лактамды антибиотиктерге (цефалоспориндерге, карбапенемдерге немесе монобактамдарға)аса жоғары сезімталдықтың ауыр реакциясы

• анамнезінде амоксициллин/клавулан қышқылының біріктірілімін қабылдау аясында дамыған сарғаю немесе бауыр функциясының бұзылуы

Қолдану кезіндегі қажетті сақтандыру шаралары

Клавунат BID Форте препаратымен емді бастар алдында пенициллиндерге, цефалоспориндерге немесе басқа бета-лактамды антибиотиктерге аса жоғары сезімталдықтың алдыңғы реакцияларына қатысты анамнезді мұқият жинау қажет.

Пенициллиндер қабылдайтын пациенттерде аса жоғары сезімталдықтың ауыр және кейде өлімге әкелетін реакциялары (анафилактоидты және терінің ауыр жағымсыз реакцияларын қоса) сипатталған. Бұл реакциялар анамнезінде пенициллинге аса жоғары сезімталдығы бар пациенттерде, сондай-ақ атопиялық жағдайы бар пациенттерде жиі туындайды. Аллергиялық реакция туындаған кезде Клавунат BID Форте препаратымен емдеуді тоқтату және тиісті баламалы ем тағайындау керек.

Егер инфекция амоксициллинге сезімтал организмдерден туындағаны дәлелденген жағдайда, ресми ұсынымдарға сәйкес амоксициллин/клавулан қышқылынан амоксициллинге ауысу мүмкіндігін қарастыру керек.

Клавунат препаратының бұл дәрілік түрі болжамды патогендердің бета-лактамдық препараттарға төзімділігі жоғары қаупі бар кезде қолдануға жарамсыз, яғни клавулан қышқылының тежелуіне сезімтал бета-лактамазалармен байланысты болмайды. Препараттың бұл түрі пенициллинге төзімді S. pneumoniae емдеу үшін қолданылмауы керек.

Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысулар пайда болуы мүмкін.

Егер инфекциялық мононуклеозға күдік болса, Клавунат BID Форте препаратын қабылдаудан аулақ болу керек, өйткені амоксициллинді қолданғаннан кейін де байқалатын инфекциялық мононуклеоздан туындаған қызылша тәрізді бөртпе пайда болуы мүмкін.

Амоксициллинмен емдеу кезінде аллопуринолды бір мезгілде қабылдау тері тарапынан аллергиялық реакциялардың туындау ықтималдығын арттырады.

Кейбір жағдайларда ұзақ уақыт қолдану сезімтал емес микроорганизмдердің көбеюіне әкелуі мүмкін.

Емдеудің басында пустулалардың пайда болуымен байланысты қызбамен бірге жалпыланған эритеманың пайда болуы жедел жалпыланған экзантематозды пустулездің (AGEP) симптомы болуы мүмкін. Көрсетілген реакция Клавунат BID Форте препаратын қолдануды тоқтатуды талап етеді және амоксициллинді кейіннен қолдануға қарсы көрсетілім болып табылады.

Бауыр функциясының бұзылу белгілері бар пациенттерде амоксициллин/клавулан қышқылын сақтықпен қолданған жөн.

Бауыр тарапынан бұзылулар туралы, негізінен, ерлер мен егде жастағы пациенттерде хабарланды, бұл ұзақ емдеумен байланысты болуы мүмкін. Балаларда аталған бұзылулар туралы өте сирек хабарланды. Пациенттердің барлық топтарында симптомдар әдетте емдеу кезінде немесе одан кейін көп ұзамай пайда болады, алайда сирек жағдайларда емдеу аяқталғаннан кейін бірнеше аптадан соң ғана пайда болуы мүмкін. Мұндай құбылыстар, әдетте, қайтымды болады. Бауыр тарапынан бұзылулар ауыр болуы, өте сирек жағдайларда өлімге әкелуі мүмкін. Мұндай құбылыстар әрдайым дерлік ауыр негізгі ауруы бар немесе бауырға белгілі ықтимал жағымсыз әсері бар препараттарды қабылдаған пациенттерде байқалды.

Ауырлығы жеңілден өмірге қауіптіге дейін өзгеруі мүмкін амоксициллинді қоса алғанда, барлық дерлік бактерияға қарсы дәрілерді қолдану кезінде антибиотикпен терапиямен байланысты жалған жарғақшалы колиттің дамуы туралы хабарланды. Сондықтан диареяға шалдыққан пациенттерде осы патологияның туындау мүмкіндігін есте ұстаған жөн. Антибиотикпен астасқан колит пайда болған кезде Клавунат BID Форте препаратын қолдануды дереу тоқтатып, көмекке жүгіну және тиісті емді бастау керек. Бұл жағдайда перистальтиканы басатын препараттарды қолдануға болмайды.

Клавунат BID Форте препаратын бүйрек немесе бауыр функциясы бұзылған пациенттерді емдеу кезінде сақтықпен қолданған жөн. Ұзақ мерзімді терапия кезінде бауыр, бүйрек және қан өндіру функцияларын мезгіл-мезгіл бағалау керек.

Амоксициллин/клавулан қышқылын қабылдаған пациенттерде сирек жағдайларда протромбин уақытының ұлғаюы туралы хабарланды. Антикоагулянттарды бір мезгілде қолданған кезде тиісті бақылау жүргізу керек. Антикоагуляцияның қажетті деңгейін ұстап тұру мақсатында пероральді антикоагулянттардың дозасын түзету қажет болуы мүмкін.

Бүйрек функциясы бұзылған пациенттерде дозаны бұзылу дәрежесіне қарай түзету керек.

Диурезі төмендеген пациенттерде өте сирек, негізінен парентеральді ем кезінде кристаллурия байқалды. Амоксициллиннің жоғары дозаларын қабылдаған кезде амоксициллинмен байланысты кристаллурияның ықтималдығын азайту үшін сұйықтықты жеткілікті мөлшерде қабылдау және диурезді қадағалау керек. Қуыққа катетеризация жасалған пациенттерде катетерлердің өткізгіштігін үнемі тексеріп отыру керек.

Амоксициллинмен емдеу кезінде несепте глюкозаның бар-жоғын зерттеу кезінде глюкооксидазаны анықтаудың ферментативті әдістерін қолданған жөн, өйткені ферментативті емес әдістерді қолдану кезінде жалған оң нәтижелер ықтималдығы бар.

Клавунат BID Форте препаратында клавулан қышқылының болуы IgG мен альбуминді эритроциттер жарғақшаларымен спецификалық емес байланыстыруға әкелуі мүмкін, бұл Кумбс сынамасының жалған оң нәтижелеріне әкелуі мүмкін.

Амоксициллин/клавулан қышқылын қабылдаған және кейіннен Aspergillus тудырған инфекцияның жоқтығы мойындалған пациенттерде Bio-Rad Laboratories өндірген Platelia Aspergillus қолданумен ферменттік иммуноанализдің оң нәтижелері туралы хабарламалар болды. Bio-Rad Laboratories өндірген Platelia Aspergillus пайдалану арқылы ферменттік иммуноанализ жүргізу кезінде Aspergillus жатпайтын полисахаридтермен және полифуранозалармен айқаспалы реакциялар туралы хабарланды. Сондықтан амоксициллин/клавулан қышқылымен ем алатын пациенттердегі талдаулардың оң нәтижелерін сақтықпен түсіндіру және басқа диагностикалық әдістермен растау керек.

Басқа дәрілік  препараттармен өзара әрекеттесуі

Пероральді антикоагулянттар

Пероральді антикоагулянттар мен пенициллин қатарының антибиотиктері практикада өзара әрекеттесу туралы хабарламаларсыз кеңінен қолданылды. Алайда, аценокумарол немесе варфарин қабылдаған және амоксициллинмен емдеу курсы тағайындалған пациенттерде халықаралық қалыпқа келтірілген қатынастардың арту жағдайлары сипатталған. Егер осы препараттарды бір мезгілде қолдану қажет болса, амоксициллинді қосу немесе қабылдауды тоқтату кезінде протромбин уақытын немесе халықаралық қалыпқа келтірілген қатынасты мұқият бақылау керек. Сонымен қатар, пероральді антикоагулянттардың дозасын түзету қажет болуы мүмкін.

Метотрексат.

Пенициллиндер метотрексаттың шығарылуын төмендетуі мүмкін, бұл уыттылықтың ықтимал артуына әкеледі.

Пробенецид

Пробеницидті бір мезгілде қолдану ұсынылмайды. Пробенецид амоксициллиннің бүйректік өзекшелік секрециясын азайтады. Пробенецидті бір мезгілде қолдану амоксициллин (бірақ клавулан қышқылы емес) деңгейінің жоғарылауына және қанда болу ұзақтығының артуына әкелуі мүмкін.

Микофенолат мофетил.

Микофенолат мофетилмен ем алатын пациенттерде клавулан қышқылымен пероральді амоксициллинді қолдану басталғаннан кейін микофенол қышқылының белсенді метаболитінің дозаға дейінгі концентрациясы шамамен 50% төмендеуі мүмкін. Доза алдындағы деңгейдің бұл өзгерісі микофенол қышқылының жалпы экспозициясының өзгеруіне толық сәйкес келмеуі мүмкін. Демек, егер трансплантат дисфункциясы клиникалық расталмаса, микофенолат мофетилінің дозасын өзгерту әдетте талап етілмейді. Дегенмен, біріктірілімді қолдану кезінде және антибиотиктермен емдеуден кейін көп ұзамай мұқият мониторинг жүргізу керек.

Арнайы сақтандырулар

Жүктілік немесе лактация кезеңінде

Жүктілік

Клавунат BID Форте жүктілік кезінде қолдану туралы шектеулі деректер препараттың жүктілік барысына немесе шарананың/жаңа туған нәрестенің дамуына жағымсыз әсерін анықтаған жоқ. Бүгінгі күні қандай да бір маңызды эпидемиологиялық деректер алынған жоқ. Шарана қабығының мерзімінен бұрын жарылуы (pPROM) бар әйелдердің қатысуымен жүргізілген жалғыз зерттеуде Клавунатты профилактикалық қолдану жаңа туған нәрестелерде некротикалық энтероколиттің даму қаупінің жоғарылауымен байланысты болуы мүмкін екендігі хабарланды. Басқа дәрілік препараттармен сияқты, дәрігер қажет деп санайтын жағдайларды қоспағанда, жүктілік кезінде қолданудан аулақ болу керек.

Бала емізу

Препараттың екі белсенді заты да емшек сүтімен шығарылады(клавулан қышқылының емшек еметін балаларға әсері туралы деректер жоқ). Сондықтан,бала емізу кезінде нәрестелерде диарея мен шырышты қабықтың зеңдік инфекциясы дамуы мүмкін, сондықтан мұндай жағдайларда бала емізуді тоқтату керек. Амоксициллин/клавулан қышқылын бала емізу кезінде емдеуші дәрігер пайда - қауіп арақатынасын бағалағаннан кейін ғана қолдану керек.

Қосымша заттар туралы ерекше ақпарат

Бұл препараттың құрамында бір дозаға 1 ммоль аз натрий (23 мг) бар, яғни құрамында натрий жоқ деуге болады.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Препараттың көлік құралдарын басқару және механизмдермен жұмыс істеу қабілетіне әсеріне зерттеулер жүргізілген жоқ. Дегенмен, пациенттер қызметтің осы түрлеріне әсер етуі мүмкін ықтимал жағымсыз құбылыстар (мысалы, аллергиялық реакциялар, бас айналу, құрысулар) туралы хабардар етілуі тиіс.

Қолдану жөніндегі нұсқаулар

Дозалау режимі

Дозаның әрбір компоненті үшін жеке көрсетілетін жағдайларды қоспағанда, доза біріктірілімдегі амоксициллин мен клавулан қышқылының мөлшерлік бірліктерінде көрсетіледі.

Клавунат BID Форте препаратының дозасын таңдау кезінде келесі факторларды ескеру керек:

- ықтимал патогендер және олардың бактерияға қарсы препараттарға күтілетін сезімталдығы

- инфекцияның ауырлық дәрежесі және орналасуы

- пациенттің жасы, дене салмағы және бүйрек функциясының жағдайы.

Қажет болған жағдайда Клавунат препаратының баламалы дәрілік түрлерін (мысалы, амоксициллиннің неғұрлым жоғары дозаларын және/немесе амоксициллин мен клавулан қышқылының әртүрлі арақатынасын қамтамасыз ететін) қолдануды қарастыру керек.

Ересектер мен салмағы ≥40 кг балаларды емдеу үшін клавунат препаратының ересектерге арналған басқа дәрілік түрлерін қолдану керек.

Балалар

Салмағы 40 кг-дан аз балалар үшін Клавунат BID Форте препаратының осы құрамы төмендегі ұсынымдарға сәйкес қолданған кезде 1000-2800 мг амоксициллин мен 143-400 мг клавулан қышқылының ең жоғары тәуліктік дозасын қамтамасыз етеді.

Егер амоксициллиннің неғұрлым жоғары тәуліктік дозасын қабылдау туралы шешім қабылданса, клавулан қышқылының артық жоғары тәуліктік дозаларын енгізбеу үшін басқа Клавунат препаратын таңдау ұсынылады.

Емнің ұзақтығы пациенттің жүргізілген емге реакциясымен анықталуы тиіс. Кейбір инфекциялар (мысалы, остеомиелит) ұзақ емдеуді қажет етеді. Емдеу клиникалық жағдайды қайта қараусыз 14 күннен артық жалғаспауы тиіс (ұзартылған терапияға қатысты «Қажетті сақтандыру шаралары» бөлімін қараңыз).

Ұсынылатын дозалар:

- тәулігіне 25 мг/ 3,6 мг/кг-дан тәулігіне 45 мг/ 6,4 мг/кг дейін, екі қабылдауға бөлінген;

- тәулігіне 70 мг/10 мг/кг-ға дейін, кейбір инфекцияларда (мысалы, ортаңғы отит, синусит және төменгі тыныс жолдарының инфекциясы) екі дозаға бөлінеді.

2 жастан асқан балалар:

2 айдан 2 жасқа дейінгі балалар:

2 жастан кіші балалардағы препараттың дозасы дене салмағына байланысты анықталады.

Екі айдан кіші жастағы нәрестелерге Клавунат BID Форте пероральді суспензиясын дозалау жөніндегі ұсынымдар клиникалық қолдану тәжірибесінің жеткіліксіздігіне байланысты жоқ.

Амоксициллиннің клавулан қышқылына қатынасы 7:1 болатын Клавунат BID Форте препаратын тәулігіне кг-ға 45 мг/ 6,4 мг-ден жоғары дозаларға қатысты қолдануды ұсыну үшін клиникалық деректер 2 жасқа дейінгі балаларда жеткіліксіз.

Амоксициллиннің клавулан қышқылына 7:1 қатынасымен Клавунат BID Форте препараты үшін 2 айлық жасқа дейінгі балалар үшін клиникалық деректер жоқ. Осыған байланысты пациенттердің осы тобында дозалау бойынша ұсынымдар жоқ.

Пациенттердің ерекше тобы

Егде жастағы пациенттер

Дозаны түзету қажет емес.

Бүйрек  функциясының жеткіліксіздігі бар пациенттер

Креатинин клиренсі 30 мл/мин және одан астам балаларда дозаны түзету талап етілмейді.

Амоксициллин мен клавулан қышқылының 7:1 арақатынасымен Клавунат BID Форте препаратын креатинин клиренсі 30 мл/мин кем балаларда қолдану дозаны түзету жөніндегі ұсынымдардың болмауына байланысты ұсынылмайды.

Бауыр  функциясының жеткіліксіздігі бар пациенттер

Бауыр жеткіліксіздігі бар пациенттерге препаратты қолданғанда сақ болу керек, сондай-ақ бауыр функциясына тұрақты мониторинг жүргізу қажет. Осы пациенттерге препаратты дозалау бойынша ұсынымдар жоқ.

Енгізу әдісі мен жолы

Ішке қабылдау үшін.

Клавунат BID Форте препаратын асқазан-ішекте орын алуы мүмкін бұзылуларды барынша азайту үшін тікелей тамақ ішер алдында қабылдау керек. Препараттың сіңуі тамақ қабылдаудың басында ең жоғары деңгейге жетеді.

Суспензияны дайындау:

Суспензияны дайындау тәсілі

4. Препараттың ұсынылған мөлшерін алу үшін сыйымдылығы 5 мл өлшеуіш қасықты пайдалану керек.

Қабылдау алдында құтының ішіндегісін біртекті суспензия алынғанша мұқият шайқау керек.

Емдеу ұзақтығы

Емдеу ұзақтығы көрсетілімдерге сәйкес келуі және дәрігердің ұсынымынсыз 14 күннен аспауы тиіс.

Артық дозалану жағдайында қабылдау қажет болатын шаралар

Асқазан-ішек бұзылулары және су-электролит теңгерімінің бұзылуы дамуы мүмкін. Бүйрек функциясы бұзылған пациенттерде немесе жоғары дозаларды қабылдаған кезде құрысулар пайда болуы мүмкін. Кейбір жағдайларда кристаллурия байқалды, бұл кейбір жағдайларда бүйрек жеткіліксіздігінің дамуына әкеледі және амоксициллинді қабылдаған кезде пайда болады.

Бүйрек функциясы бұзылған пациенттерде және жоғары дозаларды қабылдайтын пациенттерде құрысулар пайда болуы мүмкін.

Амоксициллиннің қуықтың катетерлерінде, негізінен препараттың жоғары дозаларын вена ішіне енгізгеннен кейін шөгуі мүмкін.

Емі: симптоматикалық ем жүргізу, су-электролит теңгерімін түзету. Амоксициллин/клавулан қышқылы гемодиализ арқылы қанағымынан шығарылады.

Дәрілік препараттың бір немесе бірнеше дозасын өткізіп алған кезде қажетті шаралар

Дозаны өткізіп алған жағдайда, еске түсіргеннен кейін препараттың дозасын бірден қабылдау керек. Келесі дозаны тым ерте қабылдауға болмайды, келесі дозаны қабылдау үшін шамамен 4 сағат күту керек. Өткізіп алған дозаны толықтыру үшін қос дозаны қабылдауға болмайды.

Тоқтату симптомдары қаупінің болуын көрсету

Препаратты емдеуші дәрігер көрсеткен уақыт ішінде қабылдауды жалғастыру керек. Өзіңізді жақсы сезінген жағдайда да препаратты қабылдауды тоқтатпауыңыз керек.

Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар

Егер осы дәрілік препаратты қолдану туралы қосымша сұрақтар туындаса, емдеуші дәрігерге қаралыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі (≥ 1/100-ден < 1/10-ға дейін)

• тері және шырышты жабындардың кандидозы

• диарея, жүректің айнуы, құсу. Жүрек айнуы жоғары пероральді дозаларды қабылдау кезінде жиі туындайды. Асқазан-ішек бұзылыстарын азайту үшін препаратты тамақтанар алдында қабылдау керек.

Жиі емес (≥ 1/1000-нан < 1/100-ге дейін)

• бас айналу, бас ауыру

• ас қорытудың бұзылуы

• бета-лактамдық антибиотиктерді қабылдаған пациенттерде байқалған бауыр ферменттері АЛТ/АСТ деңгейінің жоғарылауы, бұл құбылыстың маңыздылығы белгісіз

• тері бөртпесі, қышыну, есекжем

Сирек (≥1/10000 < 1/1000 дейін)

• қайтымды лейкопения (нейтропенияны қоса), тромбоцитопения

• мультиформалы эритема

Белгісіз (қолда бар деректер негізінде бағалау мүмкін емес)

- сезімтал емес микроорганизмдердің өсуі

- қайтымды агранулоцитоз, гемолиздік анемия, қан кету уақытының және протромбин уақытының ұлғаюы

- ангионевроздық ісіну, анафилаксия, сарысу құю ауруы, аллергиялық васкулит

- қайтымды жоғары белсенділік, бүйрек функциясы бұзылған пациенттерде немесе жоғары доза алатын пациенттерде туындауы мүмкін құрысулар

- асептикалық менингит

- антибиотиктерді қолдану нәтижесінде колит (жалған жарғақшалы және геморрагиялық колитті қоса), қара «түкті» тіл, тіс эмалінің түсінің өзгеруі. Балаларда тістің түсінің өзгергені туралы өте сирек хабарланды. Ауыз қуысының мұқият гигиенасы тіс түсінің өзгеруінің алдын алуға көмектеседі, өйткені әдетте өңезді тазалау арқылы кетіруге болады.

гепатит, холестаздық сарғаю, осы құбылыстар басқа пенициллиндер мен цефалоспориндерді қолдану кезінде де байқалған.

Ерлер мен егде жастағы пациенттерде бауыр тарапынан бұзылулардың дамуы туралы хабарланды, бұл препаратты ұзақ уақыт қолданумен байланысты болуы мүмкін. Бұл құбылыстар балаларда сирек байқалды. Белгілер мен симптомдар, әдетте, емді тоқтату кезінде немесе одан кейін көп ұзамай пайда болады, бірақ кейбір жағдайларда ем аяқталғаннан кейін бірнеше апта ішінде білінуі мүмкін. Әдетте олар қайтымды. Бауырдың бұзылуы ауыр болуы мүмкін және өте сирек жағдайларда өлім туралы хабарланды. Олар әрдайым дерлік ауыр аурулары бар пациенттерде немесе бауыр тарапынан жағымсыз реакциялар тудыратын препараттарды бір мезгілде қабылдаған пациенттерде тіркелді.

- Стивенс-Джонсон синдромы, уытты эпидермальді некролиз, буллезді эксфолиативті дерматит, жедел жайылған экзантематозды пустулез (AGEP), эозинофилиямен және жүйелі симптомдармен дәрілік реакция (DRESS синдром). Аса жоғары сезімталдық реакциясы және дерматит дамыған жағдайда емдеуді тоқтату керек.

- интерстициальді нефрит, кристаллурия

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

5 мл суспензияның құрамында

белсенді заттар: амоксициллин тригидраты 482.124 мг (400 мг амоксициллинге баламалы),

калий клавуланаты:силоид (1:1) 142.528 мг (57 мг клавулан қышқылына баламалы)

қосымша заттар: гидроксипропилметилцеллюлоза, ксантан шайыры, кристалды натрий сахаринаты, аэросил 200, таңқурай ұнтағы TR 9570.

Сыртқы түрінің, иісінің, дәмінің сипаттамасы

Сарғыш - ақ түсті, біртекті, сусымалы, таңқурай иісі бар ұнтақ.

Суспензия сарғыш-ақ түсті, таңқурай иісі бар, біркелкі болуы керек.

Шығарылу түрі және қаптамасы

Препарат аузы бұралатын және тығыздығы жоғары полиэтиленнен жасалған қақпағы, 70 мл және 100 мл-ге дейінгі құю сызығы бар, сыйымдылығы 100 мл және 125 мл кәріптас түсті шыны құтыларға салынады.

1 құтыдан сыйымдылығы 5 мл 1 пластик қасықпен, медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

3 жыл.

Дайындалған суспензияны тоңазытқышта (2-8°C) 7 (70 мл үшін) - 10 (100 мл үшін) күн бойы сақтау керек.

Жарамдылық мерзімі өткеннен кейін қолдануға болмайды!

Құрғақ жерде 25 ºС-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

АТАБАЙ КИМЬЯ САН. ВЕ ТИДЖ. А.С

Dilovası Organize Sanayi Bölgesi

4.kısım, Sakarya Caddesi No:28

Gebze, Коджаэли, Түркия

тел.: + 90 262 724 85 41

факс: + 90 262 724 85 43

info@atabay.com

Тіркеу куәлігінің ұстаушысы

АТАБАЙ КИМЬЯ САН. ВЕ ТИДЖ. А.С

Acibadem, Koftuncu sok. No:1

34718 Kadıkoy, Стамбул,Түркия

тел: +90 (216) 326 69 65

факс: +90 (216) 340 13 77

info@atabay.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«WHITE SAIL басқарушы компаниясы» ЖШС

Қазақстан Республикасы, Алматы қ., 1 ш. а., 61/1 үй

Тел/факс: +7 777 727 27 07

Электронды пошта: whitesail20@mail.ru