Клабел® 500
Инструкция
-
русский
-
қазақша
Саудалық атауы
КЛАБЕЛ® 500
Халықаралық патенттелмеген атауы
Кларитромицин
Дәрілік түрі
Үлбірлі қабықпен қапталған 500 мг таблеткалар
Құрамы
Бір таблетканың құрамында
белсенді зат – 500 мг кларитромицин,
қосымша заттар: натрий кроскармеллозасы, желатинделген крахмал, сусыз коллоидты кремнийдің қостотығы (Аэросил 200), повидон, стеарин қышқылы, магний стеараты, тальк, микрокристалды целлюлоза,
қабықтың құрамы: НРМС 2910/гипромеллоза 15 ср, НРМС 2910/гипромеллоза 6 ср, титанның қостотығы Е 171, пропиленгликоль, гидроксипропилцеллюлоза, полисорбат 80, хинолинді сары 18 - 24% (Е 104), сорбин қышқылы FСС, ванилин
Сипаттамасы
Клабел® 500 – сары түсті үлбірлі қабықпен қапталған, беті тегіс, екі жағы дөңес, эллипс пішінді таблеткалар
Фармакотерапиялық тобы
Бактерияларға қарсы жүйелік пайдалануға арналған препараттар. Макролидтер, линкозамидтер және стрептограминдер. Макролидтер. Кларитромицин.
АТХ коды J01F А09
Фармакологиялық қасиеттері
Фармакокинетикасы
Ішке қабылдағаннан кейін кларитромицин асқазан-ішек жолынан тез сіңеді. Кларитромицинді ішке қабылдағаннан кейін абсолютті биожетімділігі шамамен 50%-дан 55%-ға дейінді құрайды. Кларитромицин 0.45-ден 4.5 мкг/мл-ге дейінгі концентрацияда қан плазмасының ақуыздарымен 70%-ға байланысады. 45 мкг/мл концентрацияда байланысу дәрежесі 41%-ға дейін, бәлкім, байланысқан жерінің қанығуы нәтижесінде, төмендейді. Бұл емдік концентрациядан бірнеше есе жоғары концентрацияларда ғана байқалады. Аспен бір мезгілде қабылдау кларитромициннің сіңуін едәуір бәсеңдетеді және ең жоғары концентрацияға жету уақытын 2 сағаттан 2,5 сағатқа дейін арттырады. Препаратты әрбір 8 – 12 сағат сайын 500 мг дозада қабылдағанда жартылай шығарылу кезеңі 5 – 7 сағатқа дейінді құрайды. Кларитромицин тіндерде қан плазмасындағы концентрациядан бірнеше есе басым болатын концентрация түзеді.
Кларитромициннің несеппен бірге 15-20%-ы өзгермеген күйінде, негізгі метаболит – 14-гидроксикларитромицин түрінде 10-15%-ы шығарылады.
Фармакодинамикасы
Кларитромицин макролидтер тобына жататын жартылай синтетикалық антибиотик болып табылады.
Әсер ету механизмі бактерия жасушасында ақуыз синтезін төмендету болып табылады. Кларитромицин аэробтық, анаэробтық, грамоң және грамтеріс бактериялардың кең ауқымына қатысты белсенді.
Кларитромициннің негізгі метаболиті белсенді метаболит – 14-гидроксикларитромицин болып табылады, оның да бактерияларға қарсы белсенділігі бар. Атап айтқанда, Haemophilus influenzae-ге қатысты метаболиттің тиімділігі кларитромициннің тиімділігінен 2 есе жоғары болады. Сол мезгілдегі 14-гидроксикларитромициннің Mycobacterium avium complex штаммдарына қатысты белсенділігі кларитромицинмен салыстырғанда 4-тен 7-ге дейін есе төмен.
КЛАБЕЛ® келесі микроорганизмдерге қатысты белсенді:
Аэробтық грам-оң микроорганизмдер: Staphylococcus aureus, Streptococcus pneumoniae, Streptococcus pyogenes.
Аэробтық грам-теріс микроорганизмдер: Haemophilus influenzae, Haemophilus parainfluenzae, Moraxella catarrhalis
Басқа да микроорганизмдер: Mycoplasma pneumoniae, Chlamydia pneumoniae.
Микобактериялар: құрамында Mycobacterium avium, Mycobacterium intracellulare бар Mycobacterium avium complex
Helicobacter: Helicobacter pylori
Қолданылуы
- тыныс алу жолдарының төменгі бөлігінің инфекцияларында (бронхит, пневмония және басқалар);
- тыныс алу жолдарының жоғарғы бөлігінің инфекцияларында (синусит, фарингит және басқалар);
-тері және жұмсақ тіндер инфекциялары (фолликулит, целлюлит, эризипелоид және басқалар);
- Mycobacterium avium немесе Mycobacterium intracellulare туғызған диссеминацияланған немесе оқшауланған микобактериялық инфекцияларда, Mycobacterium chelonae, Mycobacterium fortuitum, Mycobacterium kansasii туғызған оқшауланған инфекцияларда;
- CD4-лимфоциттер ≤ 100/мм3 санымен АИТВ-жұқтырған пациенттерде Mycobacterium avium (МАК) кешені туғызған диссеминацияланған инфекциялардың алдын алуда;
- омепразол немесе ланзопразол көрсететін (қышқыл рН қарағанда бейтарап рН жоғары болғанда H. pylori қарсы кларитромицин белсенділігі) тұз қышқылы секрециясы бәсеңдегенде он екі елі ішектің ойық жарасы бар пациенттерде H. pylori эрадикациясы үшін;
- одонтогенді инфекцияларды емдеуде
Қолдану тәсілі және дозалары
Тыныс алу жолдарының төменгі бөлігінің, тыныс алу жолдарының жоғарғы бөліктерінің инфекцияларында, тері мен жұмсақ тіндер инфекцияларында КЛАБЕЛ® препаратының ұсынылатын дозасы ересектер үшін күніне екі рет 250 мг құрайды, ауырлау инфекцияларда дозаны күніне екі рет 500 мг-ге дейін арттырады. Емнің әдеттегі ұзақтығы 5-14 күнді құрайды (ауруханадан тыс пневмонияда және синуситтерде курс 6 – 14 күнді құрайды).
КЛАБЕЛ® препаратын ас ішуге байланыссыз қолдануға болады.
Микобактериялық инфекциясы бар пациенттерді емдеу және профилактикасы: ересектер үшін ұсынылатын доза күніне екі рет 500 мг құрайды.
Туберкулездік емес микобактериялық инфекцияларды емдеу ұзақтығын дәрігер жеке түрде анықтайды.
ЖИТС-пен ауыратын науқастарда МАК инфекцияларды емдеу ұзақтығы препараттың клиникалық және микробиологиялық тиімділігіне байланысты. Мұндай жағдайларда КЛАБЕЛ® препаратын басқа да бактерияға қарсы дәрілермен кешенді түрде қолдану керек.
Он екі елі ішектің ойық жарасы бар пациенттерде H. pylori эрадикациясы үшін (ересектер):
Үштік емдеу. КЛАБЕЛ® 500 күніне екі рет, лансопразол 30 мг күніне екі рет және амоксициллин 1000 мг күніне екі рет 10 күн бойы.
КЛАБЕЛ® 500 күніне екі рет, амоксициллин 1000 мг күніне екі рет және омепразол күніне 20 мг 7 - 10 күн бойы.
Қосарлы емдеу. КЛАБЕЛ® 500 күніне үш рет, омепразол 40 мг күніне бір рет, содан соң омепразол 20 мг немесе 40 мг күніне бір рет 14 күн бойы.
КЛАБЕЛ® 500 күніне үш рет, лансопразол 60 мг күніне бір рет 14 күн бойы. Қышқылдығының ары қарайғы төмендеуі ойық жараның тыртықтануына әкеледі.
Одонтогенді инфекцияларды емдеу: 250 мг-ден күніне екі рет 5 күн бойы.
Жағымсыз әсерлері
Төменде клиникалық зерттеулер кезінде және әртүрлі дәрілік түрлер мен кларитромицин дозасын постмаркетингтік қолдану кезінде туындаған жағымсыз реакциялар ұсынылған. Кларитромицинмен байланысты немесе байланысты болуы мүмкін жағымсыз реакциялар туындау жиілігі бойынша орналастырылған: ≥1/10– өте жиі, ≥ 1/100 <1 /10 дейін – жиі, ≥1/1,000 < 1/100 дейін – жиі емес.
Жиі
- ұйқысыздық
- бас ауыруы
- дисгевзия (дәм сезудің бұзылуы), дәм сезудің бұрмалануы
- жүрек айнуы, іштің ауыруы, құсу, диспепсия, диарея
- бауырдың функционалдық тестілерінің қалыптан ауытқуы
- бөртпе, гипергидроз
Жиі емес
- целлюлит1, кандидоз, гастроэнтерит2
- инфекция3, қынаптық инфекциялар
- лейкопения, нейтропения4, тромбоцитемия3, эозинофилия4
- анафилактоидты реакциялар1, аса жоғары сезімталдық
- анорексия, тәбеттің төмендеуі
- үрейлену, күйгелектік3
- естен тану, дискинезия1, бас айналуы, ұйқышылдық, тремор
- бас айналуы, естудің нашарлауы, құлақтың шыңылдауы
- жүректің тоқтап қалуы1, жүрекшелер фибрилляциясы1, ЭКГ-де QT аралығының ұзаруы, экстрасистолия1, пальпитация
- демікпе1, мұрыннан қан кету2, өкпе тамырларының эмболиясы1
- эзофагит1, гастроэзофагеальді рефлюкстік ауру2, гастрит, прокталгия2, стоматит, глоссит, іштің кебуі4, іш қату, ауыздың құрғауы, кекіру, метеоризм
- холестаз4, гепатит4, АЛТ, АСТ, ГГТ деңгейлерінің жоғарылауы4
- буллезді дерматит1, қышыну, есекжем, макуло-папулёздік бөртпе3
- бұлшықет түйілуі3, қаңқа-бұлшықеттердің сіресуі1, миалгия2
- қандағы креатининнің жоғарылауы1, қандағы мочевинаның жоғарылауы1
- дімкәстік4, қызба3, астения, кеуденің ауыруы4, қалтырау4, шаршау4
- альбумин-глобулин арақатынасының өзгеруі1, қандағы сілтілік фосфатаза деңгейінің жоғарылауы4, қандағы лактатдегидрогеназа деңгейінің жоғарылауы4
Бірлі-жарым хабарламалар
1,2,3,4 Бұл жағымсыз реакциялар туралы препаратты мынадай түрде қолданған кезде ғана хабарланған: 1 – инфузия үшін ерітінді дайындауға арналған лиофилизацияланған ұнтақ, 2 – ұзақ әсер ететін таблеткалар, 3 – суспензиялар, 4 – тез босап шығатын таблеткалар.
Постмаркетингтік хабарламалар (тәжірибеде қолданғанда)
Кейбір жағымсыз реакциялардың жиілігі белгісіз, себебі бұл реакциялар туралы популяциясы анықталмаған пациенттер ерікті түрде хабарлаған. Олардың жиілігін немесе препаратты қабылдаумен себепті байланысын үнемі дәл анықтау мүмкін емес. Кларитромицинді жалпы қолдану тәжірибесі 1 миллиардтан астам пациент-күнді құрайды.
- жалған жарғақшалы колит, тілме тәрізді қабыну
- агранулоцитоз, тромбоцитопения
- анафилаксиялық реакциялар, ангионевроздық ісіну
- психоздар, сананың шатасуы, деперсонализация, депрессия, бағдардан жаңылу, елестеулер, шым-шытырық түстер, мания
- бұлшықет түйілуі, агевзия, паросмия, аносмия, парестезия
- естімей қалу
- пируэттік қарыншалық тахикардия (torsades de pointes), қарыншалық тахикардия
- геморрагия
- жедел панкреатит, тіл түсінің өзгеруі, тіс түсінің өзгеруі
- бауыр жеткіліксіздігі, гепатоцеллюлярлық сарғаю
- Стивенс-Джонсон синдромы, уытты эпидермальді некролиз, эозинофилиямен және жүйелік көрініс берумен (DRESS) қатар жүретін дәрі-дәрмектік тері реакциясы, акне
- рабдомиолиз2 (рабдомиолиздің туындауы туралы кейбір хабарламаларда Клабел® препаратын рабдомиолизбен астасқаны туралы белгілі болған басқа препараттармен (статиндер, фибраттар, колхицин немесе алопуринол) бір мезгілде қолданған), миопатия
- бүйрек жеткіліксіздігі, интерстициальді нефрит
- халықаралық қалыптасқан қатынастың жоғарылауы, протромбиндік уақыттың артуы, несеп түсінің өзгеруі.
Иммундық жүйесі бұзылған пациенттер (иммун тапшылығы бар пациенттер)
ЖИТС-пен ауыратын науқастарда және микобактериялық инфекцияларды емдеуге арналған ұзақ уақыт бойы кларитромициннің жоғары дозаларын қолданған басқа да иммун тапшылығы жағдайлары бар пациенттерде препаратты қолданумен байланысты жағымсыз реакциялар мен негізгі немесе қатар жүретін аурулардың симптомдарын үнемі ажырату мүмкін емес.
Клабел® препаратын 1000 мг тәуліктік дозада қабылдаған ересек науқастарда өте жиі жағымсыз әсерлер жүрек айнуы, құсу, дәм сезудің бұрмалануы, іштің ауыруы, диарея, бөртпе, іштің кебуі, бас ауыруы, іштің қатуы, естудің бұзылуы, қан сарысуында АСТ және АЛТ мөлшерінің жоғарылауы болған. Жиі емес: диспноэ, ұйқысыздық және ауыздың құрғауы. Иммун тапшылығы жағдайлары бар пациенттерде қалыпты шамалардан едәуір ерекшеленетін аталған зертхана көрсеткіштерінің мәндері талданды, мынадай деректер алынды: күніне 1000 мг кларитромицин қабылдаған пациенттердің 2–3%-да АСТ және АЛТ деңгейлерінің елеулі жоғарылағаны және қандағы лейкоциттер мен тромбоциттер санының едәуір төмендегені байқалды. Пациенттердің азғана санында қандағы мочевина мөлшерінің жоғарылағаны байқалды.
Қолдануға болмайтын жағдайлар
- Макролидтер тобының антибиотиктеріне немесе қосымша заттардың біріне аса жоғары сезімталдық.
- Төмендегі препараттармен бірге тағайындау:
-
астемизол, цизаприд, пимозид, терфенадин
-
қастауыш алкалоидтары (мысалы, эрготамин немесе дигидроэрготамин)
-
пероральді қолдануға арналған мидазолам
-
CYP3A4 (ловастатин немесе симвастатин) кеңінен метаболизденетін ГМГ-КоА-редуктаза тежегіштері (статиндер)
-
колхицин
-
тикагрелор немесе ранолазин
- Сыртартқысында QT аралығының ұзаруы, қарыншалық жүрек аритмиялары (екі бағытты тахикардияны қоса)
- Гипокалиемия (QT аралығының ұлғаю қаупі)
- Галактозаны көтере алмаушылықтың тұқым қуалайтын түрлері, лактаза тапшылығы немесе глюкозо-галактозалық мальабсорбция синдромы немесе сахараза-изомальтаза жеткіліксіздігі
- Бауырдың ауыр жеткіліксіздігі және/немесе бүйрек жеткіліксіздігі (креатинин клиренсі минутына 30 мл-ден төмен)
- 18 жасқа дейінгі балалар
- Лактация кезеңі (бала емізу)
Дәрілермен өзара әрекеттесуі
Төмендегі препараттарды Клабел® препаратымен бірге қолдануға болмайды, себебі оларды үйлестіру өзара әрекеттесудің ауыр салдарын туғызуы мүмкін.
Цизаприд, пимозид, астемизол және терфенадин. Бұл препараттарды Клабел® препаратымен бір мезгілде қолданғанда QT аралығы мен қарыншалық тахикардияны, қарыншалар фибрилляциясын және екі бағытты тахикардияны қоса, аритмия ұлғаюы мүмкін.
Қастауыш алкалоидтары. Кларитромицин мен эрготаминді немесе дигидроэрготаминді бірге қабылдау тамырлардың түйілуі, орталық жүйке жүйесін қоса, аяқ-қолдар мен басқа тіндердің ишемиясы түрінде көрініс беретін қастауыштың уытты әсеріне әкеледі.
ГМГ-КоА-редуктаза тежегіштері (статиндер). Клабел® препаратын ловастатинмен немесе симвастатинмен бірге қабылдауға болмайды, өйткені олар елеулі дәрежеде CYP3A4 метаболизденеді, ал кларитромициннің болуы олардың плазмадағы концентрацияларының артуын туғызады, осының салдарынан миопатия мен рабдомиолиздің даму қаупі артады. Кларитромицинді осы статиндермен бір мезгілде қабылдайтын пациенттерде рабдомиолиз туындау жағдайлары туралы мәлімет бар. Егер Клабелді® міндетті түрде қолдану қажет болса, онда Клабелді® қолданған кезде ловастатинді немесе симвастатинді қабылдауды тоқтатады.
Клабелді® статиндермен бірге қолдануды сақтықпен тағайындау керек. Егер Клабел® мен статиндерді бір мезгілде қолдану қажет болса, онда CYP3A, мысалы, флувастатиннің метаболизміне байланысты емес статиндерді тағайындау мүмкіндігін қарастыру керек. Статиннің ең төменгі ықтималды дозасын тағайындау ұсынылады. Пациенттерде миопатияның белгілері мен симптомдарын қадағалау қажет. Клабелді® статиндермен бірге қолдануды сақтықпен тағайындау керек.
Клабелдің® емдік тиімділігіне басқа дәрілік препараттардың әсері. CYP3A индукциялайтын препараттар (мысалы, рифампицин, фенитоин, карбамазепин, фенобарбитал, шайқурай) кларитромициннің метаболизмін жеделдетуі мүмкін. Бұл кларитромицин концентрациясын және оның тиімділігін төмендетуге әкелуі мүмкін. Бұдан бөлек, CYP3A-ға кларитромициннің тежегіш әсері салдарынан жоғарылауы мүмкін CYP3A индукциялайтын басқа дәрілік заттардың деңгейлерін қадағалау қажет болуы мүмкін (CYP3A4 тиісті тежегішті медициналық қолдану жөніндегі нұсқаулықты қараңыз). Рифабутин мен Клабелді® бір мезгілде қабылдау рифабутин деңгейінің жоғарылауына және сарысуда кларитромицин концентрациясының төмендеуіне, сондай-ақ увеит қаупінің артуына әкелетіні белгілі.
Төмендегі препараттардың қан сарысуында кларитромицин концентрациясының өзгеруін туғызатыны немесе теориялық тұрғыдан туғызуы мүмкіндігі белгілі. Клабелдің® дозасын түзету немесе басқа емдеу нұсқаларын қарастыру қажет болуы мүмкін.
Эфавиренц, невирапин, рифампицин, рифабутин және рифапентин: P450 цитохромының метаболизмдік жүйесінің күшті индукторлары ретінде олар кларитромициннің метаболизмін тездетуі, осылайша оның белсенді метаболитінің (14-OH-кларитромицин) концентрациясын бір мезгілде арттыра отырып, плазмадағы оның концентрациясын төмендетуі мүмкін. Кларитромицин мен 14-OH-кларитромициннің түрлі бактерияларға микробиологиялық әсер етуі ерекшеленетіндіктен, Клабел® мен Р450 цитохромы ферменттерінің индукторларын бірге қабылдау қажетті емдік әсерге қол жеткізуге кедергі келтіруі мүмкін.
Этравирин: Этравиринді қабылдағанда Клабел® экспозициясы төмендейді, ал оның белсенді метаболитінің, 14-OH-кларитромициннің концентрациясы артады. 14-OH-кларитромицин микобактериялық кешенге (MAC) қарсы тиімділігі аз дәрі болып табылатындықтан, осы патогенге қатысты препараттың жалпы тиімділігі өзгеруі мүмкін. Осы себеппен MAC емдеу үшін баламалы емдеу әдістерін қарастыру керек.
Флуконазол: 14-ОН-кларитромициннің белсенді метаболиттерінің тепе-тең концентрациялары флуконазолмен бірге қолданғанда айтарлықтай өзгерген жоқ. Клабел® СР дозасын түзету қажет емес.
Ритонавир: 200 мг ритонавирді әр сегіз сағат сайын және кларитромицинді әр 12 сағат сайын бір мезгілде қабылдау кларитромицин метаболизмінің едәуір төмендеуіне әкеледі. Бұл ретте кларитромициннің Cmax – 31%-ға, Cmin – 182%-ға, AUC – 77%-ға артқан. 14-OH-кларитромицин түзілуінің іс жүзінде толық тежелгені байқалған. Емдік ауқымы кең болғандықтан, бүйрек функциясы қалыпты пациенттерде кларитромицин дозасын азайту қажет емес. Бүйрек жеткіліксіздігі бар пациенттерде дозаны түзету қажет: креатинин клиренсі (КК) 30–60 мл/мин болғанда Клабел®СР дозасын 50%-ға, КК < 30 мл/мин –75%-ға төмендету қажет. Күніне 1 г-ден асатын Клабел® дозаларын ритонавирмен бірге қолдануға болмайды. Дозаны осыған ұқсас түзету атазанавир мен саквинавирді қоса, басқа АИТВ-протеаза тежегіштерімен бірге фармакокинетикалық күшейткіш ретінде ритонавирді қолданғанда бүйрек функциясы бұзылған пациенттерде жүргізу керек («Дәрілік препараттармен екі бағыттық өзара әрекеттесу» бөлімін қараңыз).
Клабелдің® басқа дәрілік препараттарға әсер етуі
Аритмияға қарсы препараттар. Постмаркетингтік тәжірибеде кларитромицинді хинидинмен немесе дизопирамидпен бір мезгілде қабылдағанда екі бағыттық тахикардия жағдайлары тіркелген.
Клабелді® осы препараттармен бір мезгілде қабылдағанда QT аралығының ұзаруын уақтылы анықтау үшін ЭКГ-мониторинг жүргізу ұсынылады. Клабелмен® емдеген кезде қан сарысуында осы препараттардың концентрацияларын бақылау керек. Сондай-ақ кларитромицин мен дизопирамидті бір мезгілде қабылдағанда гипогликемия жағдайлары туралы хабарланған. Клабел® мен дизопирамидті бір мезгілде қабылдағанда қандағы глюкоза деңгейін қадағалап отыру керек.
Пероральді гипогликемиялық дәрілер және инсулин. Натеглинид пен репаглинид сияқты белгілі бір гипогликемиялық дәрілермен Клабелді® бір мезгілде қолданғанда CYP3A энзимінің тежелуі байқалған, бұл гипогликемия туғызуы мүмкін. Глюкоза деңгейіне мұқият мониторинг жүргізу ұсынылады.
CYP3A-байланысты өзара әрекеттесулер. CYP3A ферментінің тежегіші ретінде белгілі Клабелді® және CYP3A бастапқы метаболиздейтін кез келген басқа препаратты бірге қолдану қан плазмасында соңғысының концентрациясының артуына әкелуі мүмкін, бұл, өз кезегінде, оның емдік әсерін және жағымсыз реакцияларын күшейтуі немесе ұзартуы мүмкін.
Дәрілік заттар –CYP3A субстраттарын қабылдайтын пациенттерде, әсіресе, егер соңғыларының емдік ауқымы тар болғанда (мысалы, карбамазепин) және/немесе осы энзиммен экстенсивті метаболизденгенде Клабелді® қолданғанда сақ болу керек.
Бір мезгілде Клабел® қолданатын пациенттерде CYP3A метаболизденетін дәрілік заттың сарысулық концентрацияларына мониторинг жүргізу және дозасын өзгерту қажет болуы мүмкін.
Төмендегі дәрілік препараттардың немесе препараттар тобының бір ғана CYP3A изоферментімен метаболизденетіні белгілі: альпразолам, астемизол, карбамазепин, цилостазол, цизаприд, циклоспорин, дизопирамид, қастауыш алкалоидтары, ловастатин, метилпреднизолон, мидазолам, омепразол, пероральді антикоагулянттар (мысалы, варфарин), пимозид, хинидин, рифабутин, силденафил, симвастатин, такролимус, терфенадин, триазолам және винбластин, бірақ бұл тізім толық емес. Өзара әрекеттесудің осыған ұқсас механизмі Р450 цитохромы жүйесінің басқа изоферментімен метаболизденетін фенитоинді, теофиллинді және вальпроатты қолданғанда белгіленген.
Силденафил, тадалафил және варденафил. Клабелмен® бірге қолданғанда фосфодиэстераза тежегіштерінің (силденафилдің, тадалафилдің және варденафилдің) плазмалық концентрацияларының ұлғаю ықтималдығы бар, бұл фосфодиэстераза тежегіштерінің дозасын азайтуды қажет етуі мүмкін.
Теофиллин, карбамазепин. Клиникалық зерттеу нәтижелері Клабел® препаратымен бірге қабылдағанда теофиллин мен карбамазепиннің айналымдағы концентрациясы азғана, бірақ статистикалық тұрғыдан маңызды (p≤0,05) түрде артатынын көрсетті. .
Толтеродин негізінен Р450 цитохромы (CYP2D6) 2D6-изотүрімен метаболизденеді. Алайда, CYP2D6 жоқ пациенттерде метаболизм CYP3A арқылы жүреді. Бұл популяцияда CYP3A бәсеңдеуі толтеродиннің плазмалық концентрацияларының едәуір жоғарылауына әкеледі. Мұндай пациенттер үшін толтеродин дозасын төмендету оны Клабел® сияқты CYP3A тежегіштерімен қолданған кезде қажет болуы мүмкін.
Триазолобензодиазепиндер (мысалы, алпразолам, мидазолам, триазолам).
Мидазолам мен Клабелді® пероральді бірге қабылдауға болмайды.
Мидазоламды Клабелмен® көктамыр ішіне қолданғанда дозаны уақытында түзету үшін пациенттің жай-күйіне мұқият мониторинг жүргізу керек.
Триазолам мен альпразоламды қоса, CYP3A метаболизденетін басқа бензодиазепиндерді қолданғанда сақтық шараларын ұстану керек. Шығарылуы CYP3A (темазепам, нитразепам, лоразепам) байланысты емес бензодиазепиндер үшін Клабелмен® клиникалық маңызды өзара әрекеттесуінің даму ықтималдығы аз.
Клабел® мен триазоламды бірге қолданғанда дәрілік өзара әрекеттесу мен орталық жүйке жүйесі тарапынан болатын жағымсыз құбылыстардың (ұйқышылдық пен сананың шатасуы сияқты) дамуы туралы постмаркетингтік хабарламалар бар. ОЖЖ тарапынан фармакологиялық әсерлердің ұлғаю мүмкіндігін ескере отырып, пациентті бақылауда ұстау керек.
Басқа дәрілік препараттармен өзара әрекеттесуі
Аминогликозидтер: Клабел® мен басқа да отоуытты препараттарды, әсіресе аминогликозидтерді бірге қабылдауды сақтықпен тағайындау керек.
Колхицин CYP3A үшін де, p-гликопротеиннің эффлюкстік тасымалдаушысы үшін де субстрат болып табылады. Клабел® мен басқа макролидтердің CYP3A және p-гликопротеин тежегіштері болып табылатыны белгілі. Клабел® мен колхицинді бір мезгілде қолданған жағдайда p-гликопротеин мен CYP3A кларитромицинімен тежелуі колхицин экспозициясының артуына әкелуі мүмкін. Пациенттердегі колхицинмен уыттанудың клиникалық көріністерін қадағалап отыру керек. Бауыр мен бүйрек функциясы қалыпта пациенттерге Клабелмен® бір мезгілде қабылдағанда колхицин дозасын төмендету қажет. Бауыр және бүйрек жеткіліксіздігі бар пациенттерге Клабел® мен колхицинді бірге қабылдауға болмайды.
Дигоксин P-гликопротеин (Pgp) субстраты болып саналады. Кларитромициннің Pgp бәсеңдетуге қабілетті екені белгілі. Бір мезгілде қолданғанда Pgp бәсеңдеуі дигоксин экспозициясының жоғарылауына әкелуі мүмкін. Постмаркетингтік бақылауда Клабелді® дигоксинмен бірге қабылдайтын пациенттердің қан сарысуында дигоксин концентрациясының жоғарылағаны анықталған. Кейбір пациенттерде дигиталистік уыттылық, соның ішінде әлеуетті фатальді аритмия белгілері дамыған. Клабелмен® бірге қабылдағанда пациенттердің қан сарысуында дигоксин концентрациясын мұқият бақылап отыру керек.
Зидовудин. АИТВ жұқтырған ересек пациенттер Клабелді® таблетка түрінде және зидовудинді пероральді бір мезгілде қабылдау зидовудиннің тепе-тең концентрациясының төмендеуіне әкелуі мүмкін. Оларды бір мезгілде пероральді қабылдағанда Клабел® зидовудиннің сіңірілуіне әсер етеді, Клабел® мен зидовудинді 4 сағаттық аралықпен қабылдау арқылы мұны болдырмауға болады.
Фенитоин және вальпроат. Өздігінен келіп түскен есептердің нәтижесі бойынша Клабел® сияқты CYP3A тежегіштері мен метаболизміне CYP3A теориялық тұрғыдан қатыспайтын препараттар (мысалы, фенитоин мен вальпроат) арасында өзара әрекеттесу байқалған. Мұндай препараттарды Клабелмен® бірге тағайындағанда сарысудағы олардың деңгейіне талдау жүргізу ұсынылады. Сарысуда осы препараттардың концентрацияларының артқаны туралы деректер бар.
Дәрілік препараттармен екі бағыттық өзара әрекеттесу
Атазанавир. Кларитромицин мен атазанавир CYP3A субстраттары мен тежегіштері болып табылады. Осы препараттар арасында екі бағыттық өзара әрекеттесу расталған. Клабел® (күніне екі рет 500 мг) мен атазанавирді (күніне бір рет 400 мг) бірге қолдану кларитромицин экспозициясының екі есеге ұлғаюына, 14-OH-кларитромицин экспозициясының 70%-ға төмендеуіне және атазанавирдің AUC 28%-ға жоғарылауына әкеледі. Кларитромицин емдеу аясының ауқымдылығымен сипатталады, бүйрек функциясы қалыпты пациенттерде Клабел® дозасын төмендету қажет емес. Орташа дәрежедегі бүйрек жеткіліксіздігі бар (КК 30-дан 60 мл/мин дейін) пациенттер үшін Клабел® дозасы 50%-ға төмендетілуі тиіс. КК 30 мл/мин төмен пациенттер үшін тиісті дәрілік түрді пайдалану арқылы Клабел® дозасы 75%-ға төмендетілуі тиіс. Протеаза тежегіштерімен бірге қабылдағанда Клабел® дозасы күніне 1000 мг-ден аспауы тиіс.
Кальций өзекшелерінің блокаторлары. Артериялық гипотензия даму қаупі салдарынан Клабелді® CYP3A4 метаболизденетін кальций өзекшелері блокаторларымен (мысалы, верапамил, амлодипин, дилтиазем) бір мезгілде сақтықпен қолдану керек. Өзара әрекеттескенде кларитромициннің де, кальций өзекшелері блокаторларының да плазмалық концентрациялары жоғарылауы мүмкін. Кларитромицинді верапамилмен бірге қабылдайтын пациенттерде артериялық гипотензия, брадиаритмия және лактоацидоз байқалған.
Итраконазол мен кларитромицин CYP3A субстраттары мен тежегіштері болып табылады, осыған байланысты кларитромицин итраконазолдың плазмалық деңгейлерін арттыруы және керісінше болуы мүмкін. Итраконазолды Клабелмен® бірге қолданғанда пациенттер күшейтілген немесе ұзаққа созылған фармакологиялық әсерінің көріністері мен симптомдарын анықтау үшін дәрігердің жіті бақылауында болуы тиіс.
Саквинавир мен кларитромицин CYP3A субстраттары мен тежегіштері болып табылады. Кларитромицинді (күніне екі рет 500 мг) және саквинавирді (жұмсақ желатин капсулаларда, күніне үш рет 1200 мг) қабылдау саквинавирді жеке қабылдаумен салыстырғанда саквинавирдің AUC пен Cmax тепе-тең көрсеткіштерін 177% және 187%-ға жоғарылауын туғызады. Кларитромициннің AUC және Cmax көрсеткіштері кларитромицинді жеке қабылдаумен салыстырғанда шамамен 40%-ға ұлғайған. Бұл дозаны және дәрілік түрлерді қолданған жағдайда дозаны түзету қажет емес. Саквинавирді жұмсақ желатинді капсулаларда қолдану қатты желатин капсулаларда саквинавирден дәрілік өзара әрекеттесуі бойынша ерекшеленуі мүмкін. Саквинавир мен ритонавирді кларитромицинмен біріктіргенде ритонавирдің кларитромицинмен ықтималды өзара әрекеттесуін назарға алу керек («Дәрілермен өзара әрекеттесу» бөлімін қараңыз).
Айрықша нұсқаулар
Жалған жарғақшалы колит жағдайлары бактерияға қарсы барлық дәрілерді қолданған кезде кездеседі және ауырлығы бойынша жеңіл түрден өмірге қауіп төндіретін дәрежеге дейін болуы мүмкін. Демек, бактерияға қарсы дәрілерді қабылдағаннан кейін диарея болатын пациенттерде осы диагнозға көңіл бөлу маңызды.
Бактерияларға қарсы барлық дерлік препараттарды, соның ішінде кларитромицинді қолданғанда Clostridium difficile (CDAD) әсерінен болған ауырлығы жеңіл дәрежеліден фатальді түрде аяқталатын колитке дейінгі диареяның пайда болғаны жөнінде мәлімделді. КЛАБЕЛ® қабылдап жүрген пациенттерде myasthenia gravis симптомдары күшеюі мүмкін.
Кларитромицин мен колхицинді бірге қолданғанда, әсіресе егде жастағы пациенттерде, соның ішінде бүйрек жеткіліксіздігі аясында колхицинді уыттылықтың (соның ішінде фатальді аяқталған) пайда болғаны жөнінде мәлімделді.
QT аралығының ұзару қаупі бар болғандықтан, КЛАБЕЛ® препаратын денсаулық жағдайы QT аралығының ұзару және torsades de pointes пайда болу тенденциясының жоғары болуына байланысты болатын пациенттерге сақтықпен қолданған жөн.
Streptococcus pneumoniae-нің макролидтерге төзімді болуы мүмкін, сондықтан КЛАБЕЛ® препаратын госпиталдық емес пневмонияны емдеу үшін тағайындағанда сезімталдығына тест жүргізу маңызды. Госпиталдық пневмония жағдайында кларитромицинді басқа да тиісті антибиотиктермен біріктіріп қолдану керек.
Препаратты бауыр функциясы бұзылған пациенттерге сақтықпен тағайындайды. Бауырдың созылмалы ауруы бар болған кезде қан сарысуы ферменттеріне ұдайы бақылау жүргізу қажет. Бауыр жеткіліксіздігіне шалдыққан және бүйрек функциясы қалыпты пациенттерде кларитромицинді дозасын түзетпей-ақ қолдануға болады. Алайда пациентте қатар жүретін бауыр жеткіліксіздігінен тыс бүйректің ауыр дәрежелі жеткіліксіздігі (креатинин клиренсі < 30 мл/мин) бар болған кезде дозаны екі есеге (барынша ауыр инфекцияларда күніне бір рет 250 мг немесе күніне екі рет 250 мг) азайту немесе препаратты қабылдау аралығын арттыру керек.
Пероральді гипогликемиялық дәрілер/Инсулин
КЛАБЕЛ® препаратын және пероральді гипогликемиялық дәрілерді және/немесе инсулинді біріктіріп қолдану айқын гипогликемияны тудыруы мүмкін. Гипогликемиялық, мысалы, натеглинид, пиоглитазон, репаглинид және розиглитазон сияқты дәрілермен бір мезгілде қолданғанда кларитромицин СYP3A энзимді тежеуі мүмкін, бұл гипогликемияны туындатуы мүмкін. Глюкозаның деңгейіне мұқият мониторинг жасау ұсынылады.
Пероральді антикоагулянттар
Кларитромицинді варфаринмен бірге қолданғанда ауыр қан кету, ХҚҚ (халықаралық қалыптастырылған қатынас) көрсеткіштерінің және протромбин уақытының едәуір жоғарылау қаупі бар. Пациенттер кларитромицин мен пероральді антикоагулянтарды әлі де бір мезгілде қабылдап жүргенде, ХҚҚ және протромбин уақытын жиі қадағалап отыру қажет. ГМГ-КоА-редуктаза тежегіштері
Кларитромицинді ловастатинмен немесе симвастатинмен біріктіріп қолдануға болмайды («Қолдануға болмайтын жағдайларды» қараңыз).
Басқа да макролидтер, кларитромицин сияқты ГМГ-КоА-редуктаза тежегіштері концентрациясының жоғарылауына әкелді. Осы дәрілік заттарды бірге қолданғанда пациенттерде рабдомиолиздің пайда болғаны жөнінде сирек мәлімделді. Пациенттерде миопатия белгілері мен симптомдарының бар-жоқтығын бақылау қажет.
Кларитромицинді аторвастатинмен немесе розувастатинмен бірге қолданғанда пациенттерде рабдомиолиздің пайда болғаны жөнінде сирек мәлімделді. Бір мезгілде қолданған жағдайда аторвастатиннің немесе розувастатиннің дозасын барынша төмендету қажет. CYP3A метаболизміне байланысты емес (мысалы, флувастатин немесе правастатин) статинді қолданылуына немесе статиннің дозасын түзетуге қатысты тиісті шешім қабылдануы тиіс.
Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері
Препараттың жағымсыз әсерлерін ескеріп, автомобильді және қауіпті механизмдерді басқарған кезде сақ болған жөн.
Артық дозалануы
Симптомдары: жүректің айнуы, құсу, іштің ауыруы, диарея, психикалық жағдайының өзгеруі, параноидальді мінез-құлық, гипокалиемия және гипоксемия.
Емі: асқазанды дереу шаю және симптоматикалық ем.
Гемодиализ және перитонеальді диализдің тиімділігі аз.
Шығарылу түрі және қаптамасы
500 мг доза үшін: поливинилхлоридті үлбірден және баспалы алюминий фольгадан жасалған пішінді ұяшықты қаптамаға 7 таблеткадан салынған.
Пішінді 2 қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.
Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Нобел Алматы фармацевтикалық фабрикасы» АҚ
Қазақстан Республикасы
Алматы қ-сы, Шевченко к-сі, 162 Е.
Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы:
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ-сы, Шевченко к-сі 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды поштасы nobel@nobel.kz