Кетазол

МНН: Кетоконазол
Производитель: Химфарм АО
Анатомо-терапевтическо-химическая классификация: Ketoconazole
Номер регистрации в РК: № РК-ЛС-5№018460
Информация о регистрации в РК: 09.09.2014 - 09.09.2019
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Предельная цена закупа в РК: 39.9 KZT

Инструкция

Саудалық атауы

Кетазол

Халықаралық патенттелмеген атауы

Кетоконазол

Дәрілік түрі

Таблеткалар, 200 мг

Құрамы

Бір таблетка құрамында

белсенді зат – 200.0 мг кетоконазол,

қосымша заттар: лактоза моногидраты, микрокристалды целлюлоза, повидон (поливинилпирролидон), натрий крахмалы гликоляты, сусыз коллоидты кремнийдің қостотығы (аэросил), магний стеараты.

Сипаттамасы

Жалпақ цилиндр пішінді, ақ немесе ақ дерлік түсті таблеткалар, таблетканың бір жағында ойығы мен сызығы, келесі жағында – ойығы және крест түріндегі фирмалық логотипі бар.

Фармакотерапиялық тобы

Жүйелі пайдалануға арналған зеңге қарсы препараттар, имидазол туындылары. Кетоконазол.

АТХ коды J02AB02

Фармакологиялық қасиеттері

Фармакокинетикасы

Ішке қабылдағанда жақсы сіңеді (әсіресе асқазанның қышқылды ортасында). Кетоконазол липидтерде жақсы ериді, бұл биожетімділігінің жоғары болуына (75-90%) ықпал етеді. 200 мг препаратты ас ішу кезінде бір рет ішке қабылдағаннан соң 2 сағаттан кейін Cmax плазмада 3,5 мг/мл жетеді. Плазма ақуыздарымен (альбумин фракциясымен) байланысуы 99% құрайды.

Препараттың аздаған бөлігі жұлын сұйықтығына және несепке өтеді. Кетоконазол имадазолды және пиперазинді сақиналардың тотықтыру және ыдырату жолымен, тотықтырушы О-деалкилдену мен хош иісті гидроксилденумен бауырда метаболизденеді. Плазмадан шығуы екі фазалы: алғашқы 10 сағат ішінде жартылай шығарылу кезеңі (Т½) 2 сағатты, ал келесіде – 8 сағатты құрайды. Өзгермеген күйде және белсенді емес метаболиттер түрінде, негізінен өтпен, ал 13 %-ы – несеппен, ал 57 %-ы – нәжіспен шығарылады.

Фармакодинамикасы

Кетазол зеңге қарсы, фунгицидтік және фунгистатикалық әсер береді. Зеңдердің жасуша жарғақшалары синтезі үшін (зеңдер шоғыр түзуге қабілеттілігін жоғалтады) қажетті эргостерол, триглицеридтер мен фосфолипидтер синтезін тежейді.

Дермафиттерге, ашытқыларға (Candida, Pityrosporum,Torulopsis, Cryptococcus), диморфты зеңдер мен жоғары деңгейлі зеңдерге (эумицеттер) қатысты белсенді. Кетоконазолдың әсеріне Aspergillus spp., Sporothrix schenckii, кейбір Dermatiaceae, Mucor spp.және Enomophthorales-ді қоспағанда, басқа да фикомицеттердің сезімталдығы төменірек.

Қолданылуы

Кетазол тек өмірге қауіп төндіретін жүйелі (терең) микоздарды емдеу үшін көрсетілген:

- бластомикозда

- кокцидиоидомикозда

- гистоплазмозда

- хромомикозда

- паракокцидиомикозда

Гепатоуыттылық қаупіне байланысты, Кетазол таблеткаларын тек, ықтимал пайдасы болуы мүмкін зиянынан асып түсетін жағдайда ғана, сондай-ақ кетоконазол мен басқа препараттардың жергілікті дәрілік түрлерінің бар екендігін ескере отырып пайдалану керек.

Қолдану тәсілі және дозалары

Гепатоуыттылығына байланысты Кетазолды басқа зеңге қарсы препараттар тиімсіз болған жағдайда ғана қолдану ұсынылады.

Жүйелі микоздар кезінде ересектерге күніне 1 рет 1 таблеткадан тағайындалады, ал әсері болмаған жағдайда дозасын 10 күн бойы күніне 2 таблеткаға дейін арттыруға болады, 10 күннен артық емдеу курсын емдеуге берілген жауап пен бауыр функциясына баға беруден кейін ғана жалғастыруға болады. Емдеу ұзақтығы негізгі ауруға байланысты және емдеуші дәрігер анықтайды.

Барлық көрсетілімдер бойынша емдеу үздіксіз, клиникалық параметрлер мен зертханалық көрсеткіштер қоздырғыштың эрадикациясын көрсеткенше жүргізілуі тиіс. Емдеудің талапқа сай келмейтін ұзақтығы жұқпаның рецидивіне алып келуі мүмкін. Дегенмен, анорексия, жүрек айнуы, құсу, қатты қажығыштық, сарғаю, іштің ауыруы және несептің қараюы сияқты гепатит симптомдары пайда болса, дереу емдеуді тоқтату және бауыр функциясына зертханалық жолмен баға беру керек.

Жағымсыз әсерлері

Жиі

- бас ауыруы, бауыр функциясының бұзылуы

- құсу, жүрек айнуы, іштің ауыруы, диарея, іштің кебуі, гепатит, сарғаю.

Сирек

- бас айналуы, ауыздың құрғауы, дисгевзия, іштің қатуы, тіл түсінің өзгеруі

- бауыр ферменттері белсенділігінің қайтымды жоғарылауы, тәбеттің жоғарылауы

- етеккір оралымының бұзылуы

- фотофобия

- парестезия, ұйқышылдық, қатты қозу, ұйқысыздық, үрей, қажығыштық, жалпы әлсіздік

- қысымның ортостатикалық төмендеуі

- аллергиялық реакциялар, есекжемді, анафилактикалық шокты қоса, анафилактикалық реакциялар, ангионевротикалық ісіну

- алопеция, дерматит, эритема, мультиформалы эритема, қышыну, бөртпе

- алкогольді көтере алмаушылық, анорексия, гиперлипидемия, мұрыннан қан кету, ксеродермия, «қан тебулер»

- миалгия

Жекелеген жағдайларда

- тромбоцитопения

- импотенция

- қызба, шеткергі ісіну, қалтырау

- плазмадағы тестостерон деңгейінің уақытша төмендеуі

- гинекомастия және олигоспермия, сексуалдық белсенділіктің төмендеуі

- гепатит (препаратты дереу тоқтатқанда қайтымды)

- жалған анафилактикалық шок

Өте сирек

- бассүйекішілік қысымның қайтымды жоғарылауы, артралгия

- ауыр гепатоуыттылық, холестаздық гепатитті, бауыр циррозын, бауыр жеткіліксіздігін қоса

- фотосезімталдық, жедел жайылған экзематоздық пустулез

- адренокортикальді жеткіліксіздік

- эректильді дисфункция, 200 немесе 400 мг асатын емдік дозаларындағы азооспермия

Қолдануға болмайтын жағдайлар

- препарат компоненттеріне жоғары сезімталдық

- бауырдың жедел және созылмалы аурулары

- жүктілік және лактация кезеңі

- 18 жасқа дейінгі балаларға

- астемизолмен, цизапридпен, терфанидинмен, домперидонмен, мидазоламмен, статиндермен (симвастатин және ловастатин), қастауыш алкалоидтарымен (дигидроэрготамин, эргометрин немесе эргоновин, эрготамин және метилэргометрин немесе метилэргоновин), эверолимуспен бір мезгілде қабылдау

Дәрілермен өзара әрекеттесуі

Рифампицинмен, изониазидпен, рифабутинмен, невирапинмен және фенинтоинмен бір мезгілде қолданғанда кетоконазолдың қан плазмасындағы концентрациясының төмендегені білінеді.

Кетоконазолдың биожетімділігін арттыратын препаратпен (ритонавир) бір мезгілде қабылдағанда, соңғысының дозасын азайту қажет.

Төменде атап келтірілген препараттардың топтарын Кетазолмен бірге қабылдау мұқият талдануы және қажет болса, олардың дозасы азайтылуы тиіс:

- пероральді антикоагулянттар

- АИВ протеазасы тежегіштері (индинавир, саквинавир)

- кейбір ісікке қарсы препараттар (иматиниб және эрлотиниб, доцетаксел және бисульфан, қызғылт Қабіршөп алкалоидтары)

- CYP3A4 ферменті ыдырататын дигидропиридиндік қатардың «баяу кальций өзекшелерінің» блокаторлары (верапамил)

- кейбір иммуносупрессивтік дәрілер (циклоспорин, токролимус, сиролимус)

- аторвастатин, глюкокортикоидтар, дигоксин, алфентанил, алпразолам, бротизолам, буспирон, карбамазепин, циклотазол, эбастин, фентанил, көктамыр ішіне қолдануға арналған мидазолам, кветиапин, ребоксетин, репаглинад, рифабутин, силденафил, солифенацин, тольтерадин, триметрексат.

Гормондар құрамы төмен пероральді контрацептивтермен бір мезгілде қолдану, лақылдап қан кетуді туғызуы мүмкін.

Айрықша нұсқаулар

Кетазолды тек күтілетін пайда ықтималдығы қатерден асып түскен жағдайларда ғана, басқа зеңге қарсы препараттардың бар екендігін назарда ұстай отырып, тағайындау ұсынылады.

Гепатоуыттылығы

Емдеуді бастар алдында жедел немесе созылмалы ауруларының бар-жоқтығын анықтау үшін бауыр функциясына баға беру қажет, емдеу кезінде гепатоуыттылығының барлық белгілерін жіберіп алмас үшін, барлық емделушілерде жиі және жүйелі түрде бауыр функциясына мониторинг жүргізу қажет. Кетоконазолдың ішу арқылы қабылданатын түрлерін қабылдау аясында фатальді немесе бауырды ауыстырып қондыруды қажет ететін ауыр гепатоуыттылық туындаған аса сирек жағдайлар туралы хабарланған. Кейбір емделушілерде бауырдың зақымдануына қатысты нақты қауіп факторлары анықталмаған. Мұндай жағдайлардың бірнешеуі емдеудің алғашқы айында, ал кейбірі – емдеудің алғашқы аптасында туындаған. Кетоконазолдың алынған қосынды дозасы ауыр гепатоуыттылығының қауіп факторы болып табылады. Осыған байланысты кетоконазолмен ем қабылдап жүрген емделушілерде бауыр функциясын жүйелі түрде бақылауға алу керек. Емделушілерге гепатиттің туындауын білдіруі мүмкін симптомдар, атап айтқанда: анорексия, жүрек айнуы, құсу, әлсіздік, сарғаю, іштің ауыруы және несептің қараюы туындаған жағдайда өз дәрігеріне хабарласу қажеттігі туралы ескерту керек. Мұндай симптомдар пайда болған жағдайда емдеуді дереу тоқтату және бауыр функциясына зерттеу жүргізу қажет. Бауыр ферменттері белсенділігінің жоғарылауы бар емделушілерге немесе бастан өткерген басқа препараттарды қабылдаудың салдарынан болған бауырдың уытты зақымдануы кезінде күтілетін пайдасы бауырдың зақымдану қаупін ақтай алатын жағдайлар болмаса, Кетазол препаратымен емдеуді тағайындамаған дұрыс. Бұл жағдайларда емдеу кезінде бауыр ферменттерінің деңгейін бақылауда ұстау қажет.

Егер терінің зақымдануларын емдеу үшін глюкокортикостероидтар қолданылса, онда кетоконазолды 2 аптадан ерте тағайындамау керек.

50 жастан асқан әйелдерге сақтықпен тағайындау керек.

Кетоконазол Р450 цитохромы жүйесінің кейбір бауырлық, әсіресе CYP3A тобының ферменттері ыдырататын дәрілік препараттардың метаболизмін бәсеңдетуі мүмкін. Мұндай препараттармен бір мезгілде қабылдағанда олардың әсері мен болуы мүмкін жағымсыз реакциялары (МЖР) күшеюі немесе ұзаққа созылуы мүмкін. Мұндай жағдайларда олардың плазмадағы деңгейлеріне, күтпеген жағымсыз реакцияларына бақылау жүргізу қажет.

Алкогольмен бір мезгілде қабылдағанда терінің қызаруымен, бөртпемен, ісінулермен, жүрек айнуымен және бас ауыруымен сипатталатын дисульфирам тәрізді реакция туындауы мүмкін.

Асқазан сөлінің қышқылдылығы төмен емделушілерде Кетазолдың сіңірілуі азаяды. Антацидтерді қабылдап жүрген емделушілер, бұл препараттарды Кетазолды қабылдағаннан кейін 2 сағаттан ерте қабылдамауы тиіс.

Кетазол препаратымен емдеу кезінде адреналдық жеткіліксіздігі бар емделушілерде, сондай-ақ ұзақ уақыт қолданғанда, бүйрекүсті бездерінің функциясын бақылауда ұстау ұсынылады.

ЖИТС-пен науқастарға және антисекреторлық препараттарды қабылдап жүрген адамдарға (гистаминдік Н2-рецепторлардың антагонистері немесе протондық сорғы тежегіштері), Кетазол таблеткаларын Пепси-Кола немесе Кока-Кола сусындарымен ішу ұсынылады.

Зеңдік менингитті Кетазол препаратымен емдемеген дұрыс, өйткені ол гематоэнцефалдық бөгет арқылы нашар өтеді.

Жүктілік және лактация кезеңі

Кетазол емшек сүтіне енеді, осыған байланысты бала емізу кезінде тағайындамаған дұрыс.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, көлік құралдарын немесе қауіптілігі зор басқа механизмдерді басқаруда сақ болу қажет.

Артық дозалануы

Симптомдары. Артық дозалануының анағұрлым жиі кездесетін симптомдары мыналар: жүрек айнуы, қажығыштық, ұйқышылдық пен мәңгіруді қоса, құсу, іштің ауыруы, анорексия, салмақ жоғалтуды, тәбеттің болмауын қоса, гиперемия, қатты терлеуді қоса, ісінулер, гинекомастия, бөртпе, экземаны, пурпураны, дерматитті қоса, диарея, бас ауыруы, дисгевзия, алопеция.

Емі. Дозасын азайту жеткілікті, ал шаншу сезімдерімен және түйілулермен байланысты ауыр жағдайлардың көпшілігінде Кетазолды қабылдауды дереу тоқтатау керек. Құстыру, асқазанды шаю және белсендірілген көмірді қабылдау қажет. Тұрақты бақылау және белгілеріне қарай емдеу қажет. Арнайы у қайтарғысы жоқ.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

1 пішінді ұяшықты қаптамадан қолданылуы жөніндегі мемлекеттік және орыс тілдеріндегі бекітілген нұсқаулықпен бірге картоннан жасалған қорапшаға салады.

Қорапшалар гофрланған немесе тұтынушы ыдысына арналған картоннан жасалған топтық қаптамаға салынады.

Медицинада қолданылуы жөніндегі мемлекеттік және орыс тілдеріндегі бекітілген нұсқаулықтағы ақпараттар қорапшаға жазылуы мүмкін.

Сақтау шарттары

Құрғақ, жарықтан қорғалған жерде, 25оС-ден аспайтын температурада

сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы,

Шымкент қ., Рашидов к-сі, 81, т/ф: 561342

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ., Қазақстан Республикасы

Рашидов к-сі, 81, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz

 

Прикрепленные файлы

841295471477976655_ru.doc 73.5 кб
303617391477977799_kz.doc 91 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники