Кемоплат (50мг/100мл)

Кемоплат

Цисплатин

Инъекцияға арналған 10мг/20мл және 50мг/100мл ерітінді

1 мл ерітіндінің құрамында

белсенді зат - 0,5251 мг цисплатин,

қосымша заттар: натрий хлориді, хлорсутек қышқылы, натрий гидроксиді, инъекцияға арналған су

1 - 1.0% ылғалдылығын және 2 % артығын ескеріп, сусыз зат мөлшерінің 98.0%-на шаққанда 0.5 мг цисплатинге баламалы.

Түссізден бозғылт-сары түске дейінгі мөлдір ерітінді.

Ісікке қарсы препараттар. Ісікке қарсы басқа да препараттар. Құрамында платина бар препараттар. Цисплатин.

АТХ коды L01XA01

Фармакокинетикасы

Бастапқы қосылыстардың, цисплатиннің плазмалық концентрациялары 50 немесе 100 мг/м2 болюстік енгізуден кейін 20-дан 30 минутқа дейінгі жартылай шығарылу кезеңімен моноэкспоненциальді түрде ыдырауға ұшырайды. Плазмадан моноэкспоненциальді ыдырау және плазмадан 0,5 сағатқа жуық жартылай шығарылу кезеңі 100 мг/м2 дозаны екі сағаттық немесе жеті сағаттық құюдан кейін де байқалады. Соңғысынан кейін цисплатин үшін тепе-тең жағдайда жалпы клиренсі және таралу көлемі 15 - 16 л/сағ/м2 және 11 - 12 л/м2 жуықты құрайды. Өзінің бірегей химиялық құрылымының арқасында цисплатин хлорының атомдары, ферменттердің катаболизмімен метаболизміне қарағанда, су немесе сульфгидрильді топтар сияқты нуклеофилдермен орын басатын химиялық реакцияларға көбірек түседі. 0,1 М NaCl қатысуымен рН-тың физиологиялық мәндерінде басым молекулалар дерлік тең концентрациялардағы цисплатин және моногидрокси-монохлоро цис-диамин платина (II) болып табылады. Соңғысы хлор атомының амин қышқылдарының сульфгидрильді тобымен ықтимал тікелей алмасуымен бірігіп, биологиялық матрицаларда цисплатиннің тұрақсыздығына әкеледі. Цисплатиннің плазмадағы жалпы бос (ультра-сүзілетін) платинаға арақатынасының пациенттер арасында елеулі айырмашылықтары бар және 100 мг/м2 дозаны енгізгеннен кейін 0,5-тен 1,1-ге дейінгі ауқымды құрайды. Цисплатин плазма ақуыздарымен шапшаң және қайтымды байланысуға түспейді, бұл дәрілік препараттардың ақуыздармен қалыпты байланысуына тән. Дегенмен, цисплатиннің платинасы, бірақ цисплатиннің өзі емес, альбуминді, трансферринді және гамма-глобулинді қоса, плазманың бірнеше ақуыздарымен байланысады. Болюстік инъекциядан кейін үш сағаттан соң және үш сағаттық инфузия аяқталғаннан кейін екі сағаттан соң плазмадағы платинаның 90%-ы ақуыздармен байланысады. Альбумин мен цисплатиннің платинасы арасындағы кешендер елеулі дәрежеде диссоциацияланбайды және бес немесе одан көбіректен бастап ең төмен жартылай кезеңмен шығарылады. Цисплатинді 20-дан 120 мг/м2 дейінгі дозаларда енгізуден кейін платинаның ең жоғары концентрациялары бауырдан, простатадан және бүйректерден, қуықта, бұлшық еттерде, аналық бездерде, ұйқы безінде және көкбауырда біршама төмен, және ішекте, бүйрекүсті бездерінде, жүректе, өкпеде, мида және мишықта төмен концентрацияларда табылады. Платина соңғы дозаны енгізгеннен кейін шамамен 180 күн бойы тіндерден кездеседі. Миішілік ісіктерден басқасында, ісіктердегі платина концентрациялары, ісік орналасқан ағзалардағы концентрациялардан, әдетте, біршама төмен болады. Белгілі бір пациенттегі әртүрлі метастаздық аймақтарда платинаның әртүрлі концентрациялары болуы мүмкін. Бауырдағы метастаздарда платинаның өте жоғары концентрациялары бар, бірақ мұндай концентрациялар сау бауырдағы платина концентрацияларына ұқсас. Қызыл қан жасушаларында платина ең жоғары концентрацияларына 100 мг/м2 цисплатинді енгізгеннен кейін 90-нан 150 минутқа дейінгі аралық ішінде жетеді және терминальді жартылай ыдырау кезеңі 36-дан 47 күнге дейін болатын екі фазамен төмендейді. Болюстік құюмен немесе ұзақтығы 1 сағаттан 24 сағатқа дейінгі инфузиямен енгізілетін цисплатин/м2 дозасының 40-тан 140 мг-ге дейінгі ауқымында, енгізілген платинаның 10%-дан шамамен 40%-ға дейінгі 24 сағат ішінде несеппен бірге шығарылады. 40-тан 100 мг/м2 дейінгі дозаларды тез құю, немесе ұзақтығы 2-ден 3 сағатқа дейінгі немесе 6-дан 8 сағатқа дейінгі инфузия түрінде енгізуден кейін бес күн ішінде енгізілген платинаның орта есеппен 35%-дан 51%-ға дейіні несеппен бірге шығарылады. Несептен табылатын платинаның ұқсас орташа мәндері бес күн бойы күн сайынғы 20, 30 немесе 40 мг/м2 инъекциядан кейін дозаның 14%-дан 30%-ға дейінін құрайды. Енгізілген платинаның аздаған пайызы ғана инфузиядан кейін 24 сағаттан астам уақыт ішінде шығарылады, және 24 сағат ішінде несеппен бірге экскрецияланатын платинаның үлкен бөлігі алғашқы бірнеше сағат ішінде шығарылады. Несеппен бірге шығарылатын құрамында платина бар түрлері дені сау субъектілерде, пропорцияларындағы айырмашылықтарды қоспағанда, несеппен цисплатиннің инкубациясынан кейін табылғандағыдай болады. Бастапқы қосылыс, цисплатин организмнен несеппен бірге шығарылады және 50 мг/м2 дозаны енгізгеннен кейін бір сағат ішінде шығарылатын дозаның 13%-дан 17%-ға дейінін құрайды. Цисплатиннің орташа бүйректік клиренсі креатинин клиренсінен асып кетеді және екі сағаттық немесе 6 - 7 сағаттық инфузия түрінде 100 мг/м2 дозаны енгізуден кейін, сәйкесінше, 62 және 50 мл/мин/м2 құрайды. Бос (ультрасүзілетін) платинаның бүйректік клиренсі де шумақтық фильтрация жылдамдығынан асып кетеді, ол цисплатиннің немесе құрамында платина бар басқалардың молекулалары бүйрекпен белсенді түрде секрецияланатынын көрсетеді. Бос платинаның бүйректік клиренсі дозаға байланысты емес және аумалы болып табылады, және дозаға, несептің бөлініп шығу жылдамдығына, және белсенді секреция дәрежесінің жекелей өзгергіштігіне және ықтимал өзекшелік кері сіңірілуге байланысты.

Цисплатинді күн сайынғы негізде енгізген кезде, бірақ дозалау мезгіл-мезгіл жүзеге асырылатын кезде емес, плазмадағы ультрасүзілетін платина концентрациясының жиналып қалуы мүмкін. Бос платинаның немесе цисплатиннің бүйректік клиренсі мен креатинин клиренсі арасында ешқандай елеулі өзара байланыс болмайды. Цисплатинді енгізгеннен кейін платинаның аздаған мөлшері өтте және тоқ ішекте болса да, тек аздаған мөлшері ғана нәжіспен бірге шығарылады.

Кемоплат монотерапия ретінде де, сонымен қатар біріктірілген химиотерапия құрамында қолданылады.

- аналық және аталық бездердің обырында

- қуықтың обырында

Аталық бездің метастазданатын ісіктері

Тиісті хирургиялық және/немесе химиотерапиялық емдеуден өткен, аталық бездің метастазданатын ісіктері бар науқастарды емдеуде тиімді, ісікке қарсы басқа да препараттармен бірге белгіленген кешенді емде.

Аналық бездің метастазданатын ісіктері

Тиісті хирургиялық және/немесе химиотерапиялық емдеуден өткен, аналық бездің метастазданатын ісіктері бар науқастарды емдеуде тиімді, ісікке қарсы басқа да препараттармен бірге белгіленген кешенді емде. Кешенді емде цисплатин циклофосфамидпен бірге қолданылады. Монопрепарат ретінде қолданылатын Кемоплат стандартты химиотерапияға резистентті аналық бездердің метастазданатын қатерді обыры бар және бұрын Кемоплат қабылдамаған пациенттерге екінші қайтара емдеуге тағайындалады.

Қуықтың үдемелі ісіктері

Кемоплат жергілікті хирургиялық емдеуге және химиотерапияға келмейтін қуықтың өтпелі-жасушалық ісігі бар пациенттерге монотерапия түрінде тағайындалады.

Кемоплат монотерапия ретінде де, сонымен қатар емдеу сызбасына байланысты әртүрлі дозалардағы басқа цитостатиктермен біріктіріліп те қолданылуы мүмкін. Дозаларды жекелей таңдағанда арнайы әдебиеттердегі деректерді басшылыққа алған жөн.

Кемоплат вена ішіне енгізіледі. Емдеуші дәрігер емдеу режимінде пайдаланылатын клиникалық көріністерді, сондай-ақ жекелей емдік жағдайды ескере отырып, емдеу ұзақтығына қатысты шешім қабылдайды.

Цисплатин вена ішіне баяу инфузия жолымен енгізіледі.

Кемоплатты вена ішіне тез инъекция жолымен енгізбеген жөн.

Назар аударыңыз: Препаратпен жанасуы мүмкін, құрамында алюминий бөліктері (детальдер) бар венаішілік инъецияға арналған инелерді немесе жүйелерді препаратты дайындау немесе енгізу үшін пайдаланбаған жөн. Алюминий цисплатинмен әрекеттесіп, шөгіндінің түзілуін туындатады және препаратты тиімділігін төмендетеді.

Аталық бездердің метастазданатын ісіктері

Аталық бездердің қатерлі ісіктерін емдеген кезде Кемоплаттың мақұлданған басқа химиотерапиялық препараттармен біріктіргендегі стандартты дозасы бір цикл ішінде 5 күн бойы тәулігіне вена ішіне енгізілетін препараттың 20 мг/м2 құрайды.

Аналық бездердің метастазданатын ісіктері

Аналық бездердің метастазданатын ісіктерін емдеген кезде Кемоплаттың циклофосфамидпен біріктіріліміндегі стандартты дозасы әрбір 4 апта сайын (1 күн) бір рет бір циклде вена ішіне енгізілетін 75-тен 100 мг/м2 дейінді құрайды. Циклофосфамидтің цисплатинмен біріктіріп қолданғандағы дозасы әрбір 4 апта сайын (1 күн) бір рет вена ішіне енгізілетін дозасы 600 мг/м2 құрайды. Циклофосфамидті қолдану жөніндегі нақтырақ ақпарат медициналық қолдану жөніндегі нұсқаулықта көрсетілген. Кешенді емдеуде цисплатинді және циклофосфамидті бірінен кейін бірін енгізеді. Монотерапияда Кемоплатты әрбір 4 апта сайын бір циклде вена ішіне 100 мг/м2 дозада енгізеді.

Қуықтың өршіген ісіктері

Цисплатинді, алып жүрген және/немесе бұрын алған химиотерапияға байланысты әрбір 3-4 апта сайын бір рет бір цикл вена ішіне 50-ден 70 мг/м2 дейінгі дозаларда монопрепарат ретінде енгізген жөн. Бұрын жоғары дозаларды қабылдаған пациенттерге ұсынылатын бастапқы дозалар әрбір 4 апта сайын қайталанатын бір циклде 50 мг/м2 құрауы тиіс.

Барлық пациенттер

Кемоплатты енгізер алдында 8-12 сағат ішінде 1-ден 2 литрге дейінгі сұйықтықты енгізу жолымен организмде алдын ала гидратация ұсынылады. Препаратты содан кейін 37,5 г маннитол бар әдеттегі физиологиялық ерітіндінің 1/2 немесе 1/3 бөлігінде 2 л 5% декстроза ерітіндісімен сұйылтады және 6-дан 8 сағатқа дейін инфузия түрінде енгізеді. Егер сұйылтылған ерітінді 6 сағат ішінде пайдаланылмаса, оны жарық түспейтін жерде сақтау керек. Кемоплатты инъекцияға арналған 5% декстроза ерітіндісінде ғана сұйылтпаған жөн. Кейінгі 24 сағат ішінде тиісті гидратацияны демеу және несепті несеп катетері арқылы шығару керек. Кемоплаттың курсын қайталауды қан сарысуындағы креатинин деңгейі 1.5 мг/100 мл төмен болмайынша, және/немесе BUN мочевина азотының деңгейі 25 мг/100 мл-ден төмен болмайынша жүргізбеген жөн. Курсты қайталауды айналымдағы қан элементтері қолданылатын деңгейге (тромбоциттер >100,000/мм3, лейкоциттер > 4000/мм3) жетпейінше жүргізбеу керек. Кемоплаттың кейінгі дозаларын, аудиометриялық талдау пациенттегі естудің және көру жітілігінің қалып шегінде екендігін көрсетпейінше, енгізбеген жөн.

Вена ішіне ерітіндіні дайындау

Вена ішіне енгізуге арналған ерітіндіні дайындағандағы сақтық шаралары

Сулы ерітіндімен жұмыс жасағанда сақтық танытқан жөн. Ісікке қарсы дәрілік препараттарды дайындағанда және жойғанда қолданылатын процедураларды қатаң сақтау қажет. Бірқатар нұсқаулар осы мәселе бойынша жарияланды. Терінің зақымдануын барынша азайту үшін ішінде цисплатин бар құтылармен және вена ішіне енгізуге арналған жүйелермен жұмыс жасағанда әрдайым қорғаныш қолғаптарды кию керек. Цисплатин абайсызда теріге тиіп кеткен жағдайда орнында тері реакциялары болуы мүмкін. Әрдайым қолғаппен жұмыс жасау ұсынылады. Цисплатин абайсызда теріге және шырышты қабықтарға тиіп кеткен жағдайда бірден теріні сумен сабындап жуып-шаю және шырышты қабықтарды сумен мұқият шаю қажет. Нақтырақ ақпарат төменде көрсетілген сілтемелерде берілген. Сулы ерітіндіні тек вена ішіне және 6 – 8 сағаттық кезең ішінде вена ішіне инфузия түрінде ғана енгізген жөн. Парентеральді препараттарды енгізер алдында, егер ерітінді және қаптамасы мұны жасауға мүмкіндік берсе, онда жүзінділердің бар-жоқтығын және түсінің өзгерген-өзгермегенін көзбен тексеру керек.

Нефроуыттылық

Дозаға тәуелді және бүйрек функциясының жинақталған жеткіліксіздігі, соның ішінде бүйрек функциясының жедел жеткіліксіздігі Кемоплат дозасын шектейтін негізгі уыттылық болып табылады. Бүйректің уыттылығы бір реттік 50 мг/м2 дозаны қабылдаған пациенттердің 28% - 36%-да тіркелді. Уыттылықтың алғашқы білінісі дозаны енгізгеннен кейін екінші апта ішінде байқалады және (BUN) қан мочевинасы азоты және қан сарысуында креатинин, несеп қышқылы деңгейлерінің артуымен және/немесе креатинин клиренсінің төмендеуімен сипатталады. Бүйректік уыттылық препаратты енгізу курсы қайталанатын, өте ұзақ және ауыр болады. Бүйрек функциясы Кемоплаттың келесі дозасын енгізбес бұрын қалыпқа келуі тиіс. Егде жастағы пациенттер нефроуыттылыққа өте сезмтал болуы мүмкін. Бүйрек функциясының бұзылуы бүйрек өзекшелерінің бұзылуымен байланысты. Нефроуыттылықты төмендету үшін Кемоплатты вена ішіне гидратация және маннитпен 6 сағаттық немесе 8 сағаттық инфузия жолымен енгізеді. Дегенмен, бүйректік уыттылық бәрібір осы процедураларды жүргізгеннен кейін дамуы мүмкін.

Отоуыттылық

Отоуыттылық цисплатиннің бір реттік 50 мг/м2 дозасын қабылдағаннан кейін пациенттердің 31%-да байқалады және құлақтағы шуыл және/немесе естуден жоғары жиіліктегі ауқымда (4000-нан 8000 Гц дейін) айырылумен сипатталады. Естуден айырылу жиілігі балаларда өте жоғары болуы мүмкін және балалардың 40-60%-да байқалады. Қалыпты фондағы сөздерді есту қабілетінің төмендегені жөнінде мәлімделді. Сондай-ақ Кемоплаттың бастапқы дозасынан кейін кереңдіктің дамығаны жөнінде мәлімделді. Отоуытты әсерлер цисплатин қабылдап жүрген балаларда айқынырақ және күрделі болуы мүмкін. Естуден айырылу бір жақты немесе екі жақты болуы мүмкін және, әдеттегідей, цисплатиннің дозаларын қайталап енгізген кезде өте жиі және ауыр болады. Цисплатин әсерінен туындаған отоуыттылықтың қайтымды не қайтымсыздығы айқын емес күйінде қалды. Сондай-ақ вестибулярлы уыттылық жөнінде мәлімделді. Отоуытты әсерлер плазмадағы цисплатиннің ең жоғары шектегі концентрациясымен байланысты болуы мүмкін. Отоуыттылық емдеу кезінде көрініс беруі немесе кешірек білінуі мүмкін. Аудиометриялық тексеру емдеуді бастамас бұрын, әрбір кейінгі доза алдында, және ем аяқталғаннан кейін бірнеше жыл бойы жүргізілуі тиіс. Отоуыттылық қаупі бұдан бұрын немесе бір мезгілде басты сәулелендіргенде ұлғаюы мүмкін, және 5 жасқа толмаған балаларда және басқа отоуытты препараттармен (мысалы, аминогликозидтер және ванкомицин) ем қабылдап жүрген пациенттерде, сондай-ақ бүйрек функциясының жеткіліксіздігі бар пациенттерде өте ауыр сипатта болуы мүмкін. Генетикалық факторлар (мысалы, тиопурин S-метилтрансфераза (TPMT) геніндегі вариациялар цисплатин әсерінен туындаған отоуыттылық қаупінің жоғарылауымен байланысты; мұндай байланыс популяция арасында жалпы және зерттеу дизайнында бірізді болып табылмаса да.

Гематологиялық бұзылулар

Миелосуппрессия цисплатин қабылдап жүрген пациенттердің 25%-дан 30%-на дейін дамиды. Айналымдағы тромбоциттер мен лейкоциттердің ең төмен деңгейлері 18 бен 23 тәуліктері арасында (ауқымы 7,5-тен 45-ке дейін) байқалады, және пациенттердің көпшілігінде деңгейлері 39 күні (ауқымы 13-ден 62-ге дейін) қалпына оралады. Лейкопения және тромбоцитопения өте жоғары дозаларда (> 50 мг/м2) айқынырақ болады. Анемия (гемоглобиннің төмендеуі 2 г/100 мл) лейкопения және тромбоцитопениядағы сияқты жиілікте байқалады. Сондай-ақ нейтропениясы бар пациенттерде қызба көріністері және инфекциялар жөнінде мәлімделді. Инфекцияның болу себебіне (миелосупрессияға салдарлық) байланысты өліммен аяқталу жөнінде мәлімделген. Егде жастағы пациенттер миелосупрессияға өте сезімтал болуы мүмкін. Миелосупрессияға салдарлық анемияға қосымша Кумбстің оң гематологиялық анемиясының көрініс беруі жөнінде мәлімделді. Цисплатин әсерінен туындаған гемолиздік анемия болған жағдайда кейінгі емдеу курстары гемолиздің жоғарылауымен қатар жүруі мүмкін, және мұндай қауіпті емдеуші дәрігер таразылап отыруы тиіс. Цисплатинмен емдеу аясында жедел лейкоздың дамығаны жөнінде мәлімделді. Мұндай мәлімдемелерде цисплатин әдетте лейкозды емдеуге арналған басқа препараттармен біріктіріп тағайындалды.

Асқазан-ішектік бұзылулар

Айқын болатын жүректің айнуы және құсу Кемоплат қабылдап жүрген барлық пациентте дерлік пайда болады, және ол препаратпен емдеуді тоқтатуды қажет ететіндей соншалықты ауыр болуы мүмкін. Жүректің айнуы және құсу дозаны енгізгеннен кейін 1-ден 4 сағатқа дейінгі аралықта басталуы және 24 сағатқа дейін жалғасуы мүмкін. Жүректің айнуының, құсудың және/немесе анорексияны әртүрлі дәрежелерін емдеуден кейін 1 апта бойы сақталады. Кешеуілдеген жүректің айнуы және құсу (химиотерапиядан кейін 24 сағат өткен соң басталады және сақталады) Кемоплатты енгізген күні құсуды толық бақылауға қол жеткізген пациенттерде байқалады. Сондай-ақ диарея жөнінде де мәлімделген.

Уыттылықтың басқа түрлері

Кемоплатты ісікке қарсы басқа препараттармен біріктіріп қолданғанда жүрек-қантамыр уыттылығының дамуы жөнінде мәлімделді. Оқиғалар клиникалық тұрғыдан бірдей емес және миокард инфарктісін, инсультті, тромбоздық микроангиопатияны (гемолиздік-уремиялық синдром [ГУС]), немесе церебральді артериитті қамтуы мүмкін. Емдеудің әртүрлі механизмдері қантамырлар тарапынан осындай асқынуларға қатысты ұсынылды. Сондай-ақ блеомициннің, винбластиннің цисплатинмен бірге немесе онсыз біріктірілімін қабылдаған пациенттерде пайда болатын Рейно феномені жөнінде де мәлімделеді. Осы біріктірілімге цисплатинді қосқан кезде гипомагниемия дамуы мүмкін деп болжам жасалды, бұл фактордың мұндай білініске қатысының бар болуы міндетті болмаса да. Дегенмен, қазіргі таңда негізінде қантамырлардың зақымданулары, блеомициннен, винбластиннен немесе осы факторлардың кез келгенінің біріктірілімнен туындаған гипомагниемия жатқан ауру жағдайларында Рейно синдромының себеп болып табылатыны-табылмайтыны белгісіз.

Сарысулық электролиттердің бұзылуы

Цисплатин қабылдаған пациенттерде гипомагниемия, гипокальциемия, гипонатриемия, гипокалиемия және гипофосфатемия тіркелді, және бұл бүйрек өзекшелерінің зақымдануымен байланысты болуы мүмкін. Гипокальциемиясы және гипомагниемиясы бар науқастарда сіреспе жөнінде мәлімделді. Әдеттегідей, сарысулық электролиттің қалыпты деңгейлері қосымша электролиттерді енгізу және цисплатинмен емдеуді тоқтату жолымен қалпына келеді. Диурезге қарсы гормон синдромының дамуы жөнінде мәлімдемелер түскен жоқ.

Гиперурикемия

Гиперурикемия шамамен сарысудағы мочевина және креатинин деңгейлерінің артуындағы жиілікпен жүретіні мәлімделді. Жағдай 50 мг/м2 астам дозаны енгізгеннен кейін айқынырақ болып табылады, ал несеп қышқылы ең жоғары шектегі деңгейлеріне әдетте дозаны енгізуден кейін 3 - 5 күннен соң жетеді. Гиперурикемияны аллопуринол препаратымен емдеу несеп қышқылының деңгейін тиімді түрде төмендетеді.

Нейроуыттылық

Әдеттегідей шеткері невропатиямен сипатталатын нейроуыттылықтың дамуы жөнінде мәлімделді. Невропатия әдетте ұзақ (4-тен 7 айға дейін) емдеуден кейін жүреді, алайда неврологиялық симптомдар, мәлімделгендей, бір реттік дозадан кейін де байқалуы мүмкін. Невропатия симптомдары мен белгілері Кемоплатпен емдеуге тән болса да, невропатия симптомдары Кемоплаттың соңғы дозасын енгізгеннен кейін 3-тен 8 аптаға дейінгі уақыт өткен соң да көрініс беруі мүмкін. Кемоплатпен емдеуді, егер симптомдар көрініс бере бастаса, тоқтатқан жөн. Невропатия, алайда, емдеуді тоқтатқаннан кейін де үдеуі мүмкін. Алдын ала алынған деректер шеткері невропатия кейбір пациенттерде қайтымсыз болуы мүмкін екендігін көрсетеді. Егде жастағы пациенттер шеткері невропатияға өте сезімтал болуы мүмкін. Сондай-ақ Лермитт, жұлынның миопатиясы және вегетативті невропатия симптомдарының білінгені жөнінде де мәлімделді.

Сонымен қатар дәмнің жоғалуы, құрысулар, лейкоэнцефалопатиялар және қайтымды лейкоэнцефалопатиялық синдром (RPLS) жөнінде де мәлімделген. Жергілікті, қаңқа бұлшық еттерінің ауыртатын еріксіз тартылуы сияқты білінетін бұлшық ет құрысулары кенеттен басталуымен және ұзақтығының қысқалығымен сипатталады және, әдеттегідей, цисплатиннің жиынтық біршама жоғары дозаларын қабылдаған пациенттерде, және шеткері невропатияның симптоматикалық сатылары біршама дамыған пациенттерде көрініс береді.

Окулярлы уыттылық

Көру жүйкесінің невриті, көру жүйкесі дискісінің ісінуі, және церебральді соқырлық Кемоплаттың стандартты ұсынылған дозаларын қабылдап жүрген науқастарда тіркелді. Жақсару және/немесе толық сауығу әдетте Кемоплатпен емдеуді тоқтатқаннан кейін жүреді.

Осы симптомдарды барынша азайту үшін манниті бар немесе онсыз стероидтар пайдаланылды; алайда олардың тиімділігі анықталған жоқ.

Көрудің бұлдырауы және түрлі түсті айырудың өзгеруі цисплатиннің өте жоғары дозаларымен емдеу сызбасын немесе қолдану жөніндегі нұсқаулықта ұсынылған дозадан да үлкен жиілікте пайдаланғаннан кейін тіркелді. Түрлі түсті ажыратудың өзгеруі түрлі түсті, әсіресе көк-сары осьті ажыратудың жоғалуы ретінде көрініс берді. Көз түбін зерттеу барысында анықталған жалғыз ауытқу көздің торқабығының макулярлы аймағындағы пигментацияның өзгеруі болып табылады.

Анафилаксиялыққа ұқсас реакциялар

Бұрын Кемоплат қабылдаған пациенттерде анафилаксиялыққа ұқсас реакциялардың дамығаны жөнінде мәлімделді. Мұндай реакциялар препаратты енгізгеннен кейін бірнеше минут ішінде беттің ісінуімен, ентігумен, тахикардиямен және гипотензиямен сипатталды. Реакцияларды адреналинді кортикостероидтармен және/немесе антигистаминдік препараттармен бірге вена ішіне енгізу жолымен бақылауға болады. Кемоплат қабылдап жүрген пациенттер, анафилаксиялық реакцияларға ұқсас біліністерді мүмкіндігінше ерте анықтау мақсатында, қатаң бақылауда болуы тиіс және демеуші құралдар мен дәрілік препараттар мұндай асқынуларды емдеу үшін қолжетімді болуы тиіс.

Гепатоуыттылық

Кемоплатты ұсынылған дозаларда енгізген кезде бауыр сынамаларының, әсіресе SGOT және билирубин көрсеткіштерінің өткінші артуы жөнінде мәлімделді.

Басқа да оқиғалар

Жүрек-қантамыр жүйесі тарапынан бұзылулар, ықылық, амилаза деңгейінің жоғарылауы, бөртпелер, алопециялар, дімкәстік, астениялар және сусызданулар жөнінде мәлімделді. Сондай-ақ цисплатин экстравазациясынан кейін жұмсақ тіндердің жергілікті уыттануы жөнінде де мәлімделді. Тіндердің жергілікті уыттануының ауырлығы, сірә, цисплатин ерітіндісінің концентрациясымен байланысты. 0,5 мг/мл-ден асатын цисплатин концентрациясы бар ерітінділерді құю целлюлиттің, фиброздың, тіндер некрозының дамуына, ауыруға, ісінулерге және эритемаға әкеп соғуы мүмкін.

• циспластинге немесе платинаның басқа да қосылыстарына жоғары сезімталдық

• естудің бұзылуы

• сүйек кемігінде қан түзілудің бәсеңдеуі

• бүйрек функциясының айқын бұзылулары

• полиневрит

• жүктілік, лактация кезеңі

Кемоплатты антибиотиктермен-аминогликозидтермен (гентамицин, канамицин, стрептомицин) немесе басқа да потенциалды нефроуытты препараттармен (мысалы, амфотерицин В) бір мезгілде немесе бірізді қолдану оның нефроуытты және отоуытты әсерін потенциялауы мүмкін.

“Ілмектік” диуретиктер (фуросемид, клопамид, этакрин қышқылы) кемоплаттың отоуыттылығын күшейтуі мүмкін.

Кемоплат блеомициннің және метотрексаттың бүйрек арқылы шығарылуын бұзатыны (цисплатин әсерінен туындаған нефроуытты әсердің салдарынан болуы мүмкін) және осы препараттардың уыттылығын күшейтуі мүмкін екендігі белгілі.

Аналық бездің обырын емдеуге Кемоплатты, гексаметилмеламинді және пиридоксинді бір мезгілде қолданғанда ремиссия ұзақтығының қысқарғаны байқалды.

Кемоплатты және құрысуға қарсы препараттарды қабылдап жүрген пациенттерде қан сарысуындағы соңғысының концентрациясы субтерапиялық мәнге дейін төмендеуі мүмкін.

Кемоплат қанда несеп қышқылы концентрациясының жоғарылауын туындатуы мүмкін. Сондықтан подаграны емдеуге арналған аллопуринол, колхицин, пробенецид немесе сульфинпиразон сияқты дәрілік заттарды бір мезгілде қабылдап жүрген пациенттерде гиперурикемияны және подагра ұстамаларын бақылау үшін осы препараттардың дозаларын түзету қажеттілігі туындауы мүмкін.

Кемоплат алюминиймен өзара әрекеттескенде шөгінді түзіледі.

Кемоплат аминогликозидтер тобының антибиотиктерін қолданған кезде күшейетін жинақталған нефроуыттықты туындатады. Сарысулық креатинин, қан мочевинасының азоты (BUN), креатинин клиренсі, және магний, натрий, калий және кальций деңгейлері емді бастағанға дейін және кейінгі әрбір емдеу курсы алдында анықталуы тиіс. Ұсынылған дозаларда цисплатинді 3- 4 аптада бір реттен жиі енгізбеген жөн. Егде жастағы пациенттер нефроуыттылыққа көбірек сезімтал болуы мүмкін.

Цисплатиннің, ұсынылғанмен салыстырғанда, өте жоғары немесе дозалану жиілігі өте жиі дозаларымен емдеу сызбасы пайдаланылатын пациенттерде нейропатияның ауыр жағдайлары жөнінде мәлімделді. Мұндай нейропатия қайтымсыз болуы және "шұлық - қолғап" типті аяқ-қолдардың парестезиясы, арефлексия, және проприоцепцияның және дірілді сезінуінің жоғалуы ретінде көрініс беруі мүмкін. Егде жастағы пациенттер шеткері нейропатияға көбірек сезімтал болуы мүмкін.

Сондай-ақ моторлы функцияның жоғалуы жөнінде мәлімделді. Кемоплатты қолданған кезде анафилаксиялыққа ұқсас реакциялар жөнінде мәлімдемелер түскен жоқ. Бұл реакциялар бұрын Кемоплат қабылдаған пациенттерге препаратты енгізгеннен кейін бірнеше минут ішінде жүреді, және мұндай реакциялар адреналинді, кортикостероидтарды және гистаминге қарсы препараттарды енгізу жолымен қайтарылды. Цисплатиннің отоуыттылығы жинақталған болып табылатындықтан, аудиометриялық тестілер емдеуді бастағанға дейін және препарат дозасын әрбір кейінгі енгізу алдында жүргізілуі тиіс.

Кемоплат қабылдап жүрген барлық балалар емдеуді бастар алдында, сондай-ақ препарат дозасын әрбір кейінгі енгізу алдында, және емдеу аяқталғаннан кейін бірнеше жыл бойы аудиометриялық тестіден өтуі тиіс.

Кемоплат жүктілік кезеңінде ұрықтың зақымдануын туындатуы мүмкін. Цисплатиннің бактерияларға мутагендік әсері бар және тіндік өсіріндіде жануарлар жасушаларының хромосомдық аберрацияларын жасайды. Тышқандарда цисплатин тератогендік және эмбриоуыттық әсер көрсетті. Жүктілік кезінде препаратты енгізген кезде немесе емдеу кезінде жүктілік басталған жағдайда пациент препаратты қолданудың ұрық үшін потенциалды қаупі жөнінде таныс болуы тиіс. Пациенттерге жүкті болып қалмаудың барлық шараларын қолдану ұсынылады. Цисплатиннің канцерогендік әсері BDIX егеуқұйрықтарда зерттелді. Цисплатин 3 апта ішінде 50 BDIX егеуқұйрықта аптасына дене салмағының әр кг шаққанда 3 х 1 мг дозада құрсақ ішіне енгізілді. Алғашқы енгізуден кейін төрт жүз елу бес күн ішінде 33 жануар өлді, олардың 13-і қатерді жаңа түзілімдер себебінен; 12-і лейкоздан және 1-уі бүйрек фибросаркомасы себебінен болды. Кемоплатты қолданған кезде жедел лейкоздың дамуы жөнінде мәлімделді, Мұндай мәлімдемелерде цисплатин, әдеттегідей, лейкозды емдеуге арналған басқа препараттармен біріктіріп енгізілді.

Инъекция аймағындағы реакциялар Кемоплатты енгізу кезінде пайда болуы мүмкін. Экстравазацияның болуы мүмкін екендігін ескеріп, препаратты енгізу кезіндегі ықтимал инфильтрация себебінен препараттың құйылатын жерін мұқият бақылау ұсынылады.

Ескерту

Инъекцияға арналған Кемоплатты обырға қарсы химиотерапиялық препараттармен жұмыс жасау тәжірибесі бар маманданған дәрігердің бақылауымен енгізген жөн. Емдеуді тиісінше жүргізу және асқынуларды жою тиісті диагностикалық және терапиялық құралдармен жабдықталған аурухана жағдайында ғана мүмкін болады. Цисплатинді енгізумен байланысты жинақталған бүйректік уыттылық күрделі білініс болып табылады. Препаратты дозалаумен байланысты басқа айқын уытты әсерлер миелосупрессия, жүректің айнуы және құсу болып табылады. Балаларда өте айқын болған отоуыттылық құлақтың шуылдауы, және/немесе атап айтқанда, жиілігі жоғары дыбыстарда естуден айырылу ретінде көрініс береді, ал кейде толық кереңдік маңызды жағымсыз әсер болып табылады. Цисплатинге анафилаксиялық реакцияларға ұқсас дамулар жөнінде мәлімделді. Цисплатинді енгізгеннен кейін бірнеше минут ішінде беттің ісінуі, бронхтың түйілуі, тахикардия және гипотония дамуы мүмкін. Эпинефрин, кортикостероидтар және антигистаминдік дәрілер симптомдарды жеңілдету үшін тиімді түрде пайдаланылады. Цисплатинмен байқамай артық дозалануға жол бермеу үшін сақтық танытқан жөн. Әрбір 3-тен бастап 4 апта сайын бір рет циклдік 100 мг/м2-ден көбірек дозалар сирек пайдаланылады. Цисплатинді байқамай артық дозалауды карбоплатинмен химиотерапиямен шатастыруына немесе бір циклге жалпы дозаны тәуліктік дозаны саралап жіктемеген дәрілік заттарды тағайындау іс-тәжірибесіне жол бермеу үшін сақ болу қажет.

Сақтандыру шаралары

Шеткері қан көріністерін апта сайын бақылап отырған жөн. Сондай-ақ бауыр функциясын мезгіл-мезгіл бақылау керек. Неврологиялық тексерулер де үнемі жүргізілуі тиіс.

Педиатрияда қолдану

Балаларда қолданудың қауіпсіздігі мен тиімділігі анықталған жоқ. Барлық балаларда емдеу курсын бастағанға дейін және әрбір келесі дозаға дейін және емдеу курсынан кейін бірнеше жыл бойы аудиометрия жүргізген жөн. Тестілеу әдістеріндегі соңғы жетістіктер естудің нашарлауының нәрестенің когнитивтік және әлеуметтік дамуына потенциалды жағымсыз әсерін азайта алатын қажетті шараларды қолдану мақсатында естудің жоғалуын ерте сатысында диагностикалауға мүмкіндік береді.

Егде жастағы пациенттерге қолдану

Егде жастағы пациенттердің, жастау пациенттерге қарағанда, препаратқа басқаша әсер беретін-бермейтіндігін анықтауға мүмкіндік беретін, аналық бездердің метастазданған ісіктерін немесе үдемелі қатерлі ісіктерді емдеуде цисплатинге жүргізілген клиникалық зерттеулерден алынған деректер жеткіліксіз. Аналық бездің үдеген обырына біріктірілген химиотерапияны қолданып жүргізілген төрт клиникалық зерттеуде 1484 пациент цисплатинді немесе циклофосфамидпен, немесе паклитакселмен біріктірілімін қабылдады. Олардың 426-ы (29%) 65 жастан асқан пациент болды. Осы зерттеулерде жас өміршеңдіктің болжамды факторы болып табылған жоқ. Дегенмен, осы зерттеулердің бірінде өте кеш жүргізілген екінші талдауда егде жастағы пациенттер арасында, жастау пациенттерге қарағанда өміршеңдік кезеңінің өте қысқа болғаны байқалды. Төрт зерттеудің бәрінде де егде жастағы пациенттерде, жастау пациенттерге қарағанда, өте ауыр нейтропения байқалды. Топтың бәрі бірдей құрамында цисплатин бар препаратпен емделмесе де, егде жастағы адамдарда, жастау пациенттерге қарағанда, ауыр тромбоцитопения және лейкопения жағдайлары көбірек білінді. Гематологиялық емес уыттану пациенттердің жасына байланысты бағаланған екі зерттеуде егде жастағы пациенттерде, жастау пациенттерге қарағанда, шеткері невропатия өте жоғары деңгейде байқалды. Клиникалық қолдану тәжірибесі жөніндегі басқа мәлімдемелер егде жастағы пациенттер, жастау пациенттерге қарағанда, миелосупрессияға, инфекциялық асқынуларға, нефроуыттылыққа өте бейім болуы мүмкін екендігін көрсетті.

Цисплатин, белгілі болғандай, негізінен бүйрек арқылы шығарылады, және анамнезінде бүйрек функциясының бұзылулары бар пациенттерге қолдануға болмайды. Егде жастағы пациенттер бүйрек функциясының төмендеуіне бейім болғандықтан, дозаны абайлап таңдаған және осы пациенттердің бүйрек функциясын бақылауды жүзеге асырған жөн.

Автокөлікті және басқа да потенциалды қауіпті механизмдерді басқару қабілетіне дәрілік препараттың ықпал ету ерекшеліктері

Препараттың жағымсыз әсерлерін ескере отырып, автокөлікті және басқа да потенциалды қауіпті механизмдерді басқаруды тоқтата тұрған жөн.

Симптомдары: бүйрек, бауыр функциясының бұзылулары, көрудің бұзылулары (торқабықтың ажырауын қоса) және есту бұзылулары (кереңдік), айқын миелосупрессия, жүректің айнуы мен құсудың үдеуі және/немесе неврит. Артық дозаланған кезде өліммен аяқталуы мүмкін.

Емі – Кемоплат препараты артық дозаланған жағдайда антидоты белгісіз. Әсері, ішінара болса да, егер ол артық дозаланудан кейін алғашқы үш сағат ішінде қолданылса, гемодиализдің жәрдемімен ғана шығаруға қол жеткізіледі, өйткені платина плазма ақуыздарымен тез байланысады. Артық дозалану симптомдарын қайтару үшін симптоматикалық ем қолданылады.

Резеңке тығынмен тығындалған және алюминий қалпақшамен қаусырылған, сыйымдылығы 20 мл және 100 мл, І класты гидролитикалық янтар шыныдан жасалған құтыға, сәйкесінше, 20 мл және 100 мл препараттан құйылған.

Жарықтан қорғалған жерде, 15°С-ден 25°C-ге дейінгі температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші

Fresenius Kabi Oncology Limited, Үндістан

19, Индастриал Эреа, Бадди, Солан ауданы, (Х.П.) -173 205

Fresenius Kabi Oncology Limited, Үндістан

19, Индастриал Эреа, Бадди, Солан ауданы, (Х.П.) -173 205

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы

«Казбиотек» ЖШС

Қазақстан Республикасы, Алматы қ., Фурманов к-сі, 46 үй, 5 пәтер,

тел: +7 701 353 33 88

kazbiotech@mail.ru