Квинакс*
Инструкция
-
русский
-
қазақша
Саудалық атауы
Квинакс*
Халықаралық патенттелмеген атауы
Жоқ
Дәрілік түрі
Көз тамшысы 0,015 15мл
Құрамы
1 мл ерітіндінің құрамында
белсенді зат – 0,150 мг натрий азапентацен полисульфонаты,
қосымша заттар: 6.300 мг бор қышқылы, 0.300 мг натрий бораты, 7.150 мг калий хлориді, 0.065 мг метилпарагидроксибензоат, 0.035 мг пропилпарагидроксибензоат, 0.002 мг тиомерсал, натрий гидроксиді және/немесе хлорсутек қышқылы pH түзету үшін, 1.0 мл дейін тазартылған су.
Сипаттамасы
Күрең қызыл-қызыл түсті мөлдір ерітінді.
Фармакотерапиялық тобы
Көз ауруларын емдеуге арналған басқа да препараттар.
АТХ коды S01ХА
Фармакологиялық қасиеттері
Фармакокинетикасы
Жергілікті қолданған кезде азапентациннің жүйелік сіңуі төмен.
Фармакодинамикасы
Азапентацен адамның көз бұршағының сульфгидрильді тобын тотығудан сақтайды және көз бұршағының мөлдір емес ақуыздарының сіңуіне мүмкіндік береді, көздің алдыңғы камерасының сулы ылғалында болатын протеолитикалық ферменттерді белсендіреді.
Қолданылуы
-
қарттық катарактада
-
жарақаттық катарактада
-
туа біткен катарактада
-
салдарлы катарактада
Қолдану тәсілі және дозалары
Көзге қолдануға арналған.
Ұсынылатын дозасы: Зақымданған көздің (көздердің) конъюнктивальді қалтасына 2 тамшыдан күніне 3-тен 5 ретке дейін тамызу керек.
Тамызғаннан кейін мұрын-көзжасы каналын басу немесе қабақты абайлап жабу ұсынылады. Бұл көз құрылымы арқылы жергілікті қолданылатын дәрілік препараттың жүйелік сіңуін төмендетеді және осылайша жағымсыз жүйелік әсер етуін төмендетеді.
Құтының ішіндегісін ластап алмау үшін тамшуыр ұшын көзге немесе кез келген басқа беткейге тигізіп алмау керек.
Жергілікті қолданылатын бірнеше офтальмологиялық препараттарды пайдаланған кезде, тамызу аралығы кем дегенде 10-15 минут болуын қадағалау керек.
Жағымсыз әсерлері
Жергілікті
Өте сирек:
-
көздің тітіркенуі
Белгісіз жиілікпен:
-
көздің ауыруы
-
көздің құрғауы, көз жасының көп ағуы
Қолдануға болмайтын жағдайлар
-
препараттың кез келген компонентіне жекелей жоғары сезімталдық
Дәрілермен өзара әрекеттесуі
Квинакс* көз тамшысы препараты үшін дәрілермен өзара әрекеттесуі жөнінде арнайы зерттеулер жүргізілген жоқ.
Біреуден артық жергілікті офтальмологиялық дәрілік заттармен бірге пайдалану кезінде препараттардың тамызу аралығы кем дегенде 5 минут болуы тиіс.
Айрықша нұсқаулар
Көзге қолдануға арналған. Инъекция үшін немесе ішке қабылдауға арналмаған.
Квинакс* көз тамшысы препаратының құрамында тиомерсал консерванты (сынапорганикалық қосылыс) бар, ол аллергиялық реакциялардың себепшісі болуы мүмкін. Сондай-ақ оның құрамында консерванттар ретінде метилпарагидроксибензоат және пропилпарагидроксибензоат бар, олар да аллергиялық (мүмкін кейінірек болатын) реакциялардың себебі болуы мүмкін.
Жүктілік
Жүктілік кезінде Квинакс* көз тамшысы препаратын пайдалану жөніндегі деректер өте шектеулі немесе жоқ. Осыған байланысты Квинакс* көз тамшысы препаратын жүктілік кезінде пайдалану ұсынылмайды.
Лактация
Әйелдердің емшек сүтіне азапентаценнің ену-енбеуі жөнінде деректер жоқ. Емшектегі бала үшін қауіп жоқ деуге болмайды. Әйелдер үшін емдеудің және бала үшін емшек емізудің артықшылығын назарға ала отырып, Квинакс* көз тамшысы препаратымен емдеуді тоқтату/қоя тұру немесе емшек емізуді тоқтату жөнінде шешім қабылдау керек.
Жанаспалы линзалар
Препаратты тамызар алдында көзден жанаспалы линзаны шешіп қою және тамызғаннан дейін кем дегенде 10-15 минуттан соң тағу ұсынылады.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Басқа да көз тамшылары сияқты, тамызғаннан кейін көрудің уақытша бұлыңғырлануы немесе басқа да визуальді жайсыздық болуы автомобиль немесе басқа да қауіпті механизмдерді басқару қабілетіне жағымсыз әсер етуі мүмкін. Мұндай жағдайда көздің көруі қайта қалыпқа келгенге дейін автомобиль немесе басқа да қауіпті механизмдерді басқаруды біраз уақыт кідірте тұру қажет.
Артық дозалануы
Артық дозалану туралы хабарлар болмаған.
Жергілікті қолданған кезде Квинакс* көз тамшысы препаратымен артық дозаланған жағдайда көзді/көздерді жылы судың көп мөлшерімен шаю керек.
Шығарылу түрі және қаптамасы
15 мл препараттан алғашқы ашылуы бақыланатын, бұралатын ақ түсті қақпағы бар және тамшылатқышпен тығындалған, тығыздығы төмен мөлдір емес ақ полиэтиленнен жасалған “Droptainer™” жүйесінің құтысына салынған.
1 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 25оС-ден аспайтын температурада.
Балалардың қолы жетпейтін жерде сақтау керек!
Сақтау мерзімі
18 ай
Жарамдылық мерзімі өткеннен кейін қолдануға болмайды.
Құтыны ашқаннан кейінгі қолданылу кезеңі – 4 апта.
Дәріханалардан босатылу шарттары
Рецепт арқылы
Өндіруші
с. а. Алкон-Куврер н.в.
B-2870 Пуурс, Бельгия
Тіркеу куәлігінің иесі
с. а. Алкон-Куврер н.в., Бельгия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Алкон Фармасьютикалс, Лтд.» өкілдігі
Тел.: +7 727 374 35 79 / +7 727 374 35 86; Факс: +7 727 374 35 81
Электронды поштасы: phv.hotline@alcon.com