Касторовое масло
Инструкция
-
русский
-
қазақша
Саудалық атауы
Майсана майы
Халықаралық патенттелмеген атауы
Жоқ
Дәрілік түрі
Сыртқа және ішу арқылы қолдануға арналған май
Құрамы
белсенді зат – 30 г майсана майы
Сипаттамасы
Мөлдір, қою және тұтқыр, түссіз немесе аздап сарғыш сұйықтық. Әлсіз иісі, өзіне тән жағымсыз дәмі бар.
Фармакотерапиялық тобы
Іш жүргізетіндер. Жанаспалы іш жүргізетіндер. Майсана майы.
АТХ коды А06АВ05
Фармакологиялық қасиеттері
Өсімдік тектес іш жүргізетін дәрі. Ішке қабылдағанда рицинол қышқылын түзе отырып, аш ішекте липаза арқылы ыдырайды, ішек рецепторларын (бүкіл бойында) тітіркендіреді және перистальтиканың рефлекторлы күшеюін туындатады. Іш жүргізетін әсері әдетте 5-6 сағаттан соң басталады.
Майсана майын қабылдағанда жатыр бұлшықеттерінің рефлекторлы жиырылуы байқалады.
Қолданылуы
-
іш қатуларда
– күйікті, жараны, ойық жараны емдеуге арналған жақпамайлар, бальзамдар құрамында
-
теріні жұмсарту үшін
-
қайызғақты кетіруде
- шашты нығайтуда
Қолдану тәсiлі және дозалары
Сыртқа күйікті, ойық жараны емдеуге арналған жақпамай, бальзам түрінде терінің зақымданған жерлеріне қолданады.
Ересектерге 15-30 г, ал балаларға 5-10-15 г (1 шай, десерт немесе ас қасығы) ішке қабылдауға тағайындалады.
Іш жүргізетін дәрі ретінде 3 күннен артық қолданбайды.
Жағымсыз әсерлері
-
іштің ауыруы
-
жүрек айнуы
-
кіші жамбас органдарындағы қан кернеуі
-
көп мәрте қолданғанда ас қорытудың бұзылуы, ішек атониясы болуы мүмкін
Қолдануға болмайтын жағдайлар
– майда еритін заттармен (фосфор, бензол және т.б.), сондай-ақ аталық қырыққұлақ сығындыларымен улану
- жедел аппендицит
- іш сүзегі, ішектен қан кету, ішек атониясы
- ішектің жабыспа аурулары
- жаңадан пайда болған, әсіресе қан кетумен қатар жүретін жараларды өңдеу
Дәрілермен өзара әрекеттесуі
Майда еритін дәрілік заттарға арналған еріткіш және жақпамайлар мен линименттердің негізі болып табылады.
Айрықша нұсқаулар
Балалар жасында
Дәрігердің тағайындауы бойынша қолданылуы мүмкін
Жүктілік және лактация кезеңі
Дәрігердің тағайындауы бойынша қолданылуы мүмкін
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Анықталмаған
Шығарылу түрі және қаптамасы
Полиэтилен тығынмен тығындалған және бұрандалы қақпағы немесе тығыздағыш элементі бар полиэтиленді қақпағы, бұрандалы мойны бар шыны массадан жасалған құтыда 30 г-ден.
Құтылар саны сәйкесінше медициналық қолдану жөніндегі мемлекеттік және орыс тілдеріндегі нұсқаулықпен бірге орама қағаздан жасалған бумаларға немесе қораптық картоннан жасалған қорапқа немесе жылу ұстайтын полиэтилен үлбірге немесе гофрланған картоннан жасалған жәшіктерге салынады.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардан қорғау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
“ФАРМАЦИЯ 2010” ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34
Тіркеу куәлігінің иесі
“ФАРМАЦИЯ 2010” ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34
Қазақстан Республикасы аумағында тұтынушылардан өнім (тауыр) сапасына қатысты шағымдарды қабылдайтын ұйымның мекенжайы
“Фармация 2010” ЖШС, Қазақстан Республикасы, 100019 Қарағанды қ., Чкалов к-сі, 7, тел.факс: 8 (7212) 42-67-34, e-mail – farmaciyakrg@mail.ru