Кардионат (250 мг)

Кардионат

Мельдоний

250 мг капсулалар

Бір капсуланың құрамында

белсенді зат – мельдоний дигидраты (триметилгидразиний пропионаты дигидраты) ылғал сіңірмеген дигидратқа шаққанда – 250 мг,

қосымша заттар: картоп крахмалы, коллоидты кремнийдің қостотығы (аэросил), кальций стеараты,

капсула қабығы: титанның қостотығы ( Е 171), желатин.

Ақ түсті, қатты желатинді капсулалар №1. Капсуланың ішіндегісі – ақ немесе ақ түсті дерлік, әлсіз иісі бар кристалл ұнтақ. Ұнтақ гигроскопиялы, түйірленуі мүмкін.

Жүрек ауруларын емдеуге арналған басқа да препараттар. Кардиотоникалық басқа да препараттар. Мельдоний.

АТХ коды C01EВ22

Фармакокинетикасы

Ішке қабылдағаннан кейін тез сіңеді, биожетімділігі – 78 %. Қан плазмасында ең жоғары концентрацияға оны ішке қабылдағаннан кейін 1-2 сағаттан соң жетеді. Организмде екі негізгі метаболит түзе отырып, метаболизденеді, олар бүйрек арқылы шығарылады. Жартылай шығарылу кезеңі дозаға байланысты және 3-6 сағатты құрайды.

Фармакодинамикасы

Кардионат - гамма-бутиробетаиннің синтетикалық аналогы, гамма-бутиробетаин-гидроксилазаны басады, карнитин синтезін және ұзын тізбекті май қышқылдарының жасуша қабығы арқылы тасымалдануын төмендетеді, жасушаларда тотықпаған май қышқылдарының белсенді түрлері – ацилкарнитин және А ацилкофермент туындыларының жиналуына кедергі жасайды.

Миокардтың метаболизмін қалыпты ететін кардиопротекторлық дәрі. Ишемия жағдайларында оттегіні жеткізу және оның жасушаларда тұтыну үдерісінің тепе-теңдігін қалпына келтіреді, АТФ тасымалдануының бұзылуына жол бермейді; осымен бір мезгілде гликолизді белсенді етеді, ол оттегіні қосымша пайдаланусыз өтеді. Карнитин концентрациясының төмендеуі нәтижесінде вазодилятацияның қасиеттері бар гамма-бутиробетаин синтезделуі күшейеді.

Біріктірілген ем түрінде төмендегі жағдайларда қолданылады:

- жүрек және тамыр жүйесінің аурулары: тұрақты жүктеме стенокардиясы, созылмалы жүрек жеткіліксіздігі (NYHA функционалдық I-III класы), кардиомиопатия, жүрек және тамыр жүйесі қызметінің функционалдық бұзылуы;

- ми қан айналымының жедел және созылмалы ишемиялық бұзылулары;

- жұмыс қабілетінің төмендеуі, дене және психоэмоционалдық артық жүктеме;

- цереброваскулярлық бұзылулардан, бас жарақаттары мен энцефалиттен кейінгі сауығу кезеңі.

Ішке қабылдайды. Капсуланы сумен ішіп, тұтастай жұту керек. Дәріні тамақ ішкенге дейін немесе кейін қабылдауға болады. Көтермелегіш әсері дамуы мүмкін болғандықтан, препаратты күннің алғашқы жартысында қабылдау керек.

Ересектер

Жүрек және қан тамырлары жүйесінің аурулары, ми қан айналымының бұзылулары

Доза күніне 500-1000 мг құрайды. Тәуліктік дозаны бірден бәрін немесе екі бір реттік дозаға бөліп қабылдауға болады. Ең жоғарғы тәуліктік доза 1000 мг құрайды.

Жұмыс қабілеті төмендегенде, дене жүктемесі жоғарылағанда және сауығу кезеңі

Доза күніне 500 мг құрайды. Ең жоғарғы тәуліктік доза 500 мг құрайды. Емдеу курсы 4-6 аптаны құрайды. Емдеу курсын жылына 2-3 рет қайталауға болады.

Егде жастағы пациенттер

Бауыр және/немесе бүйрек қызметінің бұзылуы бар егде жастағы пациенттерге мельдоний дозасын азайту қажет болуы мүмкін.

Бүйрек қызметінің бұзылуы бар пациенттерге

Дәрі организмнен бүйрек арқылы шығарылатын болғандықтан, ауырлығы жеңілден орташаға дейінгі дәрежеде бүйрек қызметінің бұзылуы бар пациенттерге мельдонийдің аз дозасын қолдану керек.

Бауыр қызметінің бұзылуы бар пациенттерге

Ауырлығы жеңілден орташаға дейінгі дәрежеде бауыр қызметінің бұзылуы бар пациенттерге мельдонийдің аз дозасын қолдану керек.

Педиатриялық популяция

Балалар мен 18 жасқа дейінгі жасөспірімдерге мельдонийді қолданғанда қауіпсіздігі мен тиімділігі туралы деректер жоқ, сондықтан балалар мен жасөспірімдерге бұл дәріні қолдану қарсы көрсетілімде.

Жиі

• аллергиялық реакциялар

• бас ауыруы

• диспепсия

Сирек

• жоғары сезімталдық, аллергиялық дерматит, бөртпе (жалпы/макулезді/папулезді) қышыну, есекжем, ангионевроздық ісіну, анафилактикалық реакция

• қозу, қорқыныш сезімі, бастан кетпейтін ойлар, ұйқының бұзылуы

• парестезия, гипестезия, құлақтың шуылдауы, вертиго, бас айналу, жүрістің бұзылуы, естен тану алдындығы жай-күй, естен тану

• жүрек ырғағының өзгеруі, жүректің қағуы, тахикардия/синустық тахикардия, жүрекшелер фибрилляциясы, аритмия, кеудеде жайсыздықты сезіну/кеуденің ауыруы

• қан қысымының ауытқуы, гипертензиялық криз, гиперемия, тері жабындарының бозаруы

• тамақтың қабынуы, жөтел, диспноэ, апноэ

• дисгевзия (ауыздың темір татуы), тәбеттің болмауы, құсқысы келу, жүрек айну, құсу, газ жиналуы, диарея, іштің ауыруы

• арқаның ауыруы, бұлшықет әлсіздігі, бұлшықеттің түйілуі

• поллакиурия

• жалпы әлсіздік, дірілдеу, астения, ісіну, беттің ісінуі, аяқтың ісінуі, ыстықты сезіну, суықты сезіну, суық тер

• электрокардиограммадағы (ЭКГ) ауытқулар, жүрек жұмысының жеделдеуі, эозинофилия

• препараттың кез келген қосымша заттарына немесе белсенді заттарына жоғары сезімталдық

• бассүйекішілік қысымның жоғарылауы (веналық қан ағымы бұзылғанда, бассүйекішілік ісіктер)

• бауыр және/немесе бүйректің ауыр жеткіліксіздігі, қолдану қауіпсіздігі туралы жеткілікті деректер жоқ

• жүктілік және лактация, осы кезеңде препаратты клиникалық қолдану қауіпсіздігі туралы жеткілікті деректер жоқ

• балалар мен 18 жасқа дейінгі жасөспірімдер, осы кезеңде препаратты клиникалық қолдану қауіпсіздігі туралы жеткілікті деректер жоқ

Кардионат коронарлық тамырларды кеңейтетін дәрілердің, кейбір гипотензиялық дәрілердің, жүрек гликозидтерінің әсерін күшейтеді.

Антиангинальді дәрілермен, антикоагулянттармен, антиагреганттармен, аритмияға қарсы дәрілік заттармен, диуретиктермен, бронхолитиктермен біріктіруге болады.

Орташа тахикардия және артериялық гипотензия дамуы мүмкін болғандықтан, нитроглицеринмен, нифедипинмен, α-адренобөгегіштермен, гипотензиялық препараттармен және шеткергі вазодилататорлармен біріктірген кезде сақ болған жөн.

Бауыр мен бүйректің созылмалы ауруларына шалдыққан пациенттерге препаратты ұзақ уақыт қолданған кезде сақ болған жөн.

Мельдоний жедел ағымды коронарлы синдромда алдыңғы қатардағы препарат болып табылмайды.

Дәрілік препараттың көлікті немесе қауіптілігі зор механизмдерді басқару қабілетіне ықпал ету ерекшеліктері

Көлік құралын немесе қауіптілігі зор механизмдерді басқарған кезде сақ болу керек.

Симптомдары: Кардионаттың артық дозалану жағдайлары белгісіз. Препараттың уыттылығы аз, артық дозаланған кезде жағымсыз реакциялар күшеюі мүмкін.

Емі: симптоматикалық. Едәуір артық дозаланған жағдайда бауыр мен бүйрек функцияларына бақылау жасаған жөн.

Шығарылу түрі және қаптамасы

10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

4 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Құрғақ жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның атауы мен елі

«Хемофарм» ЖШҚ, Ресей Федерациясы

Тіркеу куәлігі иесінің атауы және елі

«Нижфарм» ААҚ, Ресей Федерациясы

603950, Нижний Новгород қ.,

ҚҚП-459, Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Қаптаушы ұйымның атауы және елі

«Хемофарм» ЖШҚ, Ресей Федерациясы

Қазақстан Республикасы аумағында тұтынушылардан өнімнің (тауардың) сапасына қатысты шағымдарды қабылдайтын ұйымның мекенжайы:

ҚР-ғы «Нижфарм» АҚ Өкілдігі

050043, Қазақстан Республикасы

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e–mail: almaty@stada.kz

5