Кансидас (50 мг)

МНН: Каспофунгин
Производитель: Лаборатории Мерк Шарп и Доум-Чибрет
Анатомо-терапевтическо-химическая классификация: Caspofungin
Номер регистрации в РК: № РК-ЛС-5№015548
Период регистрации: 12.01.2015 - 12.01.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 110 380.77 KZT

Инструкция

Саудалық атауы

Кансидас

Халықаралық патенттелмеген атауы

Каспофунгин

Дәрілік түрі

Инфузия үшін ерітінді дайындауға арналған 50 мг және 70 мг лиофилизат

Құрамы

Бір құтының ішінде:

белсенді зат – 60.6 мг немесе 83.9 мг каспофунгин ацетаты

(тиісінше 50.0 мг және 70.0 мг сусыз негіз түріндегі каспофунгинге баламалы),

қосымша заттар: сахароза, маннитол, мұзды сірке қышқылы, натрий гидроксиді (рН түзету үшін).

Сипаттамасы

Ақтан ақ дерлік түске дейін болатын қатты лиофилизацияланған масса.

Фармакотерапиялық тобы

Зеңге қарсы жүйелі пайдалануға арналған препараттар. Басқа да зеңге қарсы жүйелі пайдалануға арналған препараттар. Каспофунгин.

АТХ коды J02АХ04

Фармакологиялық қасиеттері

Фармакокинетикасы

Таралуы. Көктамыр ішіне бір рет 1 сағат бойы инфузия жасаған кезде каспофунгиннің плазмадағы концентрациясы көп фазалы түрде төмендейді. Инфузиядан кейін бірден қысқа -фаза басталады, одан кейін жартылай шығарылуы (Т1/2) сағат 9-дан 11-ге дейін болатын -фаза жалғасады, ол бейіннің негізгі сипаттамасы болып табылады және инфузиядан кейін 6 және 48 сағат арасында логарифмдік-желілік анық тәуелділігі бар. Осы кезең ішінде препараттың плазмадағы концентрациясы 10 есе төмендейді. Осыған Т1/2 40-тан 50 сағатқа дейін болатын қосымша -фаза да бар. Плазмалық клиренске ықпал ететін басым механизм экскреция немесе биотрансформацияға ұшыраудан гөрі таралуы болып табылады. Каспофунгин эритроциттерге өте аз енуімен ақуыздармен (шамамен 97%) қарқынды түрде байланысады.

Метаболизм. Каспофунгин гидролиз жолымен және N-ацетилдену арқылы баяу метаболизденеді және ашық сақиналы пептидтік қосылысқа дейін кенеттен химиялық бұзылуға ұшырайды.

Шығарылуы. Препараттың 75%-ға жуығы организмнен шығарылады: 41%-ы несеппен бірге және 34%-ы нәжіспен бірге. Бастапқы препараттың бүйректік клиренсі төмен және шамамен минутына 0.15 мл құрайды.

Пациенттердің жеке топтары

Жынысы Плазмадағы каспофунгин концентрациясы жынысқа байланысты емес.

Бауыр функциясының бұзылуы Ауырлығы жеңіл дәрежедегі бауыр функциясының бұзылуы (Чайлд-Пью бойынша 5-6 балл) бар пациенттерде 70 мг бір реттік доза енгізуден кейін қан сарысуындағы каспофунгин концентрациясы дені сау сыналушыларға қарағанда шамамен 55% көбірек жоғарылады. Препаратты көп рет енгізуде (1 күнде 70 мг соңынан күн сайын 50 мг енгізумен) оның плазмадағы концентрациясы ауырлығы жеңіл дәрежедегі бауыр функциясының бұзылуы бар пациенттерде бақылаудағы дені сау сыналушыларға қарағанда 7 және 14 күні орташа (AUC 19-25%-ға) жоғарылаған.

Балалар. Тәулігіне 50 мг/м2 каспофунгин (ең жоғарғы тәулігіне 70 мг) қабылдаған балалар және жасөспірімдердің барлық жастағы топтарында плазмадағы каспофунгин AUC0-24 сағ. тұтас алғанда тәулігіне 50 мг каспофунгин қабылдаған бақыланатын ересек пациенттермен салыстырарлықтай болды.

Кансидастың тиімділігі және қауіпсіздігі жаңа туған нәрестелер мен 3 айға толмаған сәбилерде тиісті түрде зерттелмеген.

Фармакодинамикасы

Кансидас құрамында Glarea lozoyensis ферментация өнімінен синтезделген, жартылай синтетикалық липопептидті қосылыс (эхинокандин) бар көктамыр ішіне қолдануға арналған стерильді лиофилизацияланған ұнтақ болып табылады.

Кансидас көптеген рифомицеттер мен ашытқылардың жасуша қабырғаларының маңызды компоненті – β-(1,3)‑D‑глюкан синтезін тежейтін зеңге қарсы препарттардың жаңа класының алғашқы өкілі болып табылады.

Кансидас Aspergillus (Aspergillus fumigatus, Aspergillus flavus, Aspergillus niger, Aspergillus nidulans, Aspergillus terreus және Aspergillus candidus қоса) және Candida (Candida albicans, Candida dubliniensis, Candida glabrata, Candida guilliermondii, Candida kefyr, Candida krusei, Candida lipolytica, Candida lusitaniae, Candida parapsilosis, Candida rugosa және Candida tropicalis қосқанда) тектестерінің әртүрлі патогенді зеңдерге қарсы in vitro белсенділігі бар.

Candida түрлеріне қарсы каспофунгин үшін Еуропалық микробқа қарсы сезімталдықты тестілеу бойынша комитет (EUCAST) әдісін қолданумен анықталған қатерлік шегіндегі нүктелер жоқ.

Ашытқы зеңдері үшін EUCAST микробқа қарсы препараттардың әсеріне сезімталдықты сынаудың стандартты әдістері анықталған. Aspergillus түрлері және басқа да мицелиальдік зеңдерге әсерге сезімталдықты сынаудың стандартты әдістері немесе интерпретативті қатерлік шегіндегі нүктелер Клиникалық және зертханалық стандарттар Институтының әдістерімен (CLSI) немесе EUCAST анықталмаған.

Айқаспалы резистенттілік. Каспофунгин ацетаты әсер етудің әртүрлі механизмдеріне сай флуконазолға, В амфотерицинге немесе флуцитозинге біріншілік немесе жүре пайда болған резистенттілігі бар Candida штаммдарына қарсы белсенді.

Дәрілік заттарға резистенттілігі. Емдеу барысында каспофунгин әсеріне тұрақты Candida штаммдары сирек жағдайларда анықталды (каспофунгин үшін ЕТБК >2 mг/мл CLSI бекіткен ЕТБК сынаудың стандартты тәсілдерін қолданумен). Бұл штаммдардың кейбіреулері FKS1/FKS2 генінде мутацияланған. Туындау жиілігі сирек болса да, бұндай жағдайларды әдетте аурудың жағымсыз аяқталуымен байланыстырады.

Aspergillus кейбір түрлерінде каспофунгинге in vitro резистенттілік дамуы анықталған. Инвазивті аспергиллезі бар пациенттерде клиникалық зерттеулер барысында дәрілік заттарға төзімділік жағдайлары кездесті. Резистенттілік механизмі анықталмаған.

Candida және Aspergillus әр түрлерінде дәрілік заттарға резистенттілік туындау жиілігі сирек болып келеді.

Қолданылуы

- зеңді инфекцияға күдіктенген кезде фебрильді нейтропениясы бар пациенттерді эмпирикалық емдеуде

- нейтропениясы бар және онсыз пациенттердегі инвазивті кандидозда (оның ішінде кандидемияда)

- инвазивті аспергиллезде (басқа емге рефрактерлі немесе ол жақпайтын пациенттерде)

- эзофагеальді кандидозда (флуконазолды қоса, басқа зеңге қарсы емге жауап бермейтін пациенттерде)

- орофарингеальді кандидозда (флуконазолды қоса, басқа зеңге қарсы емге жауап бермейтін пациенттерде)

Қолдану тәсілі және дозалары

Ересек пациенттерге арналған жалпы ұсыныстар

Кансидастың тәуліктік дозасы көктамырішілік инфузия арқылы ≥1 сағат ішінде тәулігіне 1 рет баяу енгізіледі.

Эмпирикалық ем. Алғашқы күні бір реттік жүктеме 70 мг доза енгізіледі, емдеудің екінші және одан кейінгі күндері тәуліктік доза тәулігіне 50 мг құрайды. Емдеу ұзақтығы жүргізілетін емнің клиникалық және микробиологиялық тиімділігіне байланысты. Эмпирикалық ем нейтропения толық шешілгенге дейін жүргізілуге тиіс. Зеңді инфекция екені айғақталған кезде науқастар препаратты 14 тәуліктен кем алмауға тиіс; Кансидаспен емді нейтропения және клиникалық белгілер жоғалғаннан кейін кем дегенде 7 тәулік жалғастырған жөн. Кансидастың қауіпсіздігі және жағымдылығы жөнінде қолда бар деректер, егер тәуліктік 50 мг дозаның пациентке жағымдылығы жақсы болса, бірақ күтілетін клиникалық әсер бермесе, онда тәуліктік дозаны 70 мг-ге дейін арттыруға мүмкіндік береді.

Инвазивті кандидоз. Алғашқы күні бір реттік 70 мг жүктеме доза енгізіледі, емдеудің екінші және кейінгі күндері тәуліктік доза 50 мг құрайды. Инвазивті кандидозды емдеу ұзақтығы клиникалық әсерімен және микробиологиялық тиімділігімен анықталады. Жалпы тәртібі зеңге қарсы емді стерильді қан өсінін алғаннан кейін кем дегенде 14 тәулік жалғастыру болып табылады.

Персистирленетін нейтропениясы бар пациенттер нейтропенияның шешімін тапқанша өте ұзақ уақыт емдеуді қажет етеді.

Инвазивті аспергиллез. Алғашқы күні бір реттік жүктеме 70 мг доза енгізіледі, емдеудің екінші және кейінгі күндері тәуліктік доза 50 мг құрайды. Емдеу ұзақтығы негізгі аурудың ауырлығына, пациенттің иммуносупрессиядан қалпына келу дәрежесіне, жүргізілген емнің клиникалық және микробиологиялық әсеріне байланысты.

Егер 50 мг тәуліктік доза пациентке жағымды болса, бірақ күтілетін клиникалық әсерді бермесе, онда Кансидас препаратының тәуліктік дозасын 70 мг дейін арттыру керек. Қауіпсіздігі жөніндегі деректер тәуліктік дозаны 70 мг ұлғайтқанның жағымдылығы жақсы болғанын анықтады. Инвазивті аспергиллезі бар пациенттерде 70 мг астам дозалауды қолданудың тиімділігі тиісті түрде зерттелмеген.

Эзофагеальді және орофарингеальді кандидоз Тәуліктік доза емдеудің барлық күндері тәулігіне 50 мг құрайды.

Бүйрек функциясы бұзылуында қолданылуы. Бүйрек жеткіліксіздігінде доза түзетудің қажеті жоқ.

Жынысы, нәсілі. Жынысы немесе нәсіліне қарай доза түзетудің қажеті жоқ.

Егде жастағы пациенттерде қолданылуы. Егде жастағы (65 жастағы және одан үлкендерге) пациенттер үшін препараттың дозасын түзетудің қажеті жоқ.

Бауыр функциясы бұзылуында қолдану. Бауыр функциясының ауырлығы жеңіл дәрежедегі бұзылуы бар пациенттерге (Чайлд-Пью шкаласы бойынша 5-6 балл) препарат дозасын түзету қажет емес. Бауыр функциясының орташа бұзылуында (Чайлд-Пью шкаласы бойынша 7-ден 9 баллға дейін) Кансидастың демеуші тәуліктік дозасы тәулігіне 35 мг-ге дейін азаяды, алайда емдеудің алғашқы күндері, егер тиісті көрсетілімдер бар болса, жүктеме 70 мг доза сақталады. Препаратты бауыр функциясының ауыр жеткіліксіздігіне (Чайлд-Пью шкаласы бойынша 9 баллдан астам) шалдыққан пациенттерге қолданудың клиникалық тәжірибесі жоқ.

Көктамырішілік инфузияға арналған Кансидас ерітіндісін дайындау

Құрамында декстрозасы (α‑D‑глюкоза) бар еріткіштер пайдаланылмайды, өйткені құрамында декстрозасы бар инфузиялық ерітінділерде Кансидас тұрақсыз.

КАНСИДАС КЕЗ КЕЛГЕН БАСҚА ДӘРІЛІК ПРЕПАРАТТАРМЕН АРАЛАСТЫРЫЛМАЙДЫ ЖӘНЕ БІР МЕЗГІЛДЕ ЕНГІЗІЛМЕЙДІ, өйткені Кансидастың басқа көктамырішілік субстанциялармен, қоспалармен және дәрілік препараттармен үйлесімділігі бойынша деректер жоқ.

Дайын инфузиялық ерітіндіні, онда жүзінді бөлшектердің жоқтығына немесе түсінің өзгермегендігіне көз жеткізу үшін, қарап көріңіз.

Ересек пациенттерге арналған ерітінді дайындау

1-кезең. Құтыдағы алғашқы ерітіндіні дайындау. Сұйылтар алдында Кансидас ұнтағы бар салқын құтыны бөлме температурасына дейін жеткізу қажет және асептика сақтау жағдайында 10.5 мл инъекцияға арналған натрий хлоридінің 0.9% ерітіндісін, инъекцияға арналған стерильді суды, метилпарабен және пропилпарабен бар инъекцияға арналған бактериостатикалық су немесе инъекцияға арналған құрамында 0.9% бензил спирті бар бактериостатикалық су қосу керек. Алғашқы ерітіндідегі препараттың концентрациясы 7.2 мг/мл құрайды (70 мг құты) немесе 5.2 мг/мл (50 мг құты).

Ақ немесе ақ дерлік түсті шөгінді толық еруі тиіс. Құтының ішіндегісін мөлдір ерітінді алынғанша абайлап шайқап араластырыңыз. Алғашқы ерітіндіні, онда жүзінді бөлшектердің жоқтығына немесе түсінің өзгермегендігіне көз жеткізу үшін, қарап көріңіз. Осылайша дайындалған алғашқы ерітіндіні құтыда 25 °C-ден төмен температурада 24 сағатқа дейін сақтауға болады.

2-кезең. Кансидастың ақырғы инфузиялық ерітіндісін дайындау. Инфузияға арналған ерітінді асептика сақталған жағдайда дайындалады. Еріткіш ретінде инфузияға арналған стерильді физиологиялық ерітінді немесе лактаты бар Рингер ерітіндісі қолданылады. Пациентке енгізуге арналған ақырғы инфузиялық ерітіндіні дайындау үшін инфузиялық пластик қалтаға немесе инфузиялық ерітіндісі бар сыйымдылығы 250 мл құтыға (инфузияға арналған стерильді физиологиялық ерітінді немесе лактаты бар Рингер ерітіндісі) Кансидастың 1 кезеңде қалпына келтірілген ерітіндісінің дайындалған тиісті мөлшері қосылады (төменде көрсетілген кестеде көрсетілгендей). 50 мг немесе 35 мг тәуліктік доза үшін, медициналық қажеттілік болғанда инфузия көлемін 100 мл-ге дейін азайтып пайдалануға болады.

Инфузияға арналған мұндай ерітіндіні 25 °C және төмен температурада 24 сағат бойы сақтағанда, немесе 2-8 °C температурада 48 сағат бойы пайдалану мүмкіндігі бар. Бұлыңғырланған немесе тұнбасы бар ерітіндіні пайдалануға болмайды.

Кансидасты көктамырішілік баяу инфузия арқылы ≥ 1 сағат ішінде енгізу керек.

1-кесте. Кансидастың ақырғы инфузиялық ерітіндісін дайындау

Кансидас дозасы*

К/і инфузия үшін еріткіші бар ыдысқа қосуға арналған Кансидастың алғашқы ерітіндісінің көлемі

Стандартты сұйылту (Кансидастың алғашқы ерітіндісі + 250 мл еріткіш) соңғы инфузиялық ерітіндінің концентрациясы

Азайтылған көлемде сұйылту (Кансидастың алғашқы ерітіндісі + 100 мл еріткіш) соңғы инфузиялық

ерітіндінің концентрациясы

70 мг

10 мл

0.28 мг/мл

ұсынылмайды

70 мг (50 мг 2 құтыдан) **

14 мл

0.28 мг/мл

ұсынылмайды

50 мг

10 мл

0.20 мг/мл

0.47 мг/мл

35 мг (1 құтыдан 70 мг) бауырдың орташа жеткіліксіздігінде

5 мл

0.14 мг/мл

0.34 мг/мл

35 мг (1 құтыдан 50 мг)

бауырдың орташа жеткіліксіздігінде

7 мл

0.14 мг/мл

0.34 мг/мл

* Кансидас ұнтағы бар құтыға, дозасына қарамай-ақ (50 мг немесе 70 мг), 10.5 мл еріткіш әрдайым қосылады

** 70 мг құты жоқ болған кезде, дозаны 50 мг 2 құтыдан дайындауға болады

Балалар. Кансидасты балаларға (3 айлық кезінен 17 жасқа дейін) көктамырішілік баяу инфузия арқылы шамамен 1 сағат бойына енгізу керек. Балаларға арналған дозасы (3 айлық кезінен 17 жасқа дейін) Мостеллер формуласы бойынша дене беткейінің ауданын есепке ала отырып (Балаларға арналған Кансидастың көктамырішілік инфузия үшін ерітіндісін дайындауды қараңыз) есептеледі.

Кез келген көрсетілімдер кезінде алғашқы күні бір рет 70 мг/м2 жүктеме доза енгізіледі (нақты дозаны 70 мг-ден асырмай), содан кейін тәулігіне – 50 мг/м2 (нақты 70 мг дозаны асырмай). Емдеу ұзақтығы әрбір ересектердегі сипатталған көрсетілімдерге сәйкес (Ересек пациенттердегі жалпы ұсыныстарды қараңыз) анықталады.

Егер тәуліктік 50 мг/м2 дозаның пациентке жағымдылығы жақсы болса, бірақ тиісті клиникалық реакция бере алмаса, тәуліктік дозаны 70 мг/м2 дейін арттыру қажет (нақты 70 мг дозаны асырмай). 70 мг/м2 тәуліктік дозаның тиімділігінің жоғарылауы көрсетілмесе де, қауіпсіздігі бойынша шектеулі деректері болжамы бойынша тәуліктік дозаның 70 мг/м2 дейін ұлғаюы жақсы көтерімді.

Егер Кансидас балаларға клиренс индукторларымен, мысалы, рифампинмен, эфавирензбен, невирапинмен, фенитоинмен, дексаметазонмен немесе карбамазепинмен бір мезгілде енгізілсе, Кансидастың 70 мг/м2 тәуліктік дозасын пайдалануды қарастыру керек (нақты 70 мг дозасынан асырмай).

Препаратты бауыр функциясының кез келген дәрежедегі бұзылуы бар балаларға қолданудың клиникалық тәжірибесі жоқ.

Балаларға арналған Кансидастың көктамырішілік инфузия үшін ерітіндісін дайындау

Балаларға дозаны есептеу үшін дене беткейінің ауданын (ДБА) анықтау

Инфузиялық ерітіндіні дайындау алдында нәрестенің дене беткейінің ауданын (ДБА) келесі формула (Мостеллер формуласы) бойынша есептеп шығару қажет:

ДБА (м2) =

Препаратты 3 айлықтан асқан балаларға енгізу үшін 70 мг/м2 және 50 мг/м2 дозада дайындау

Бір бала үшін қажетті жүктемелік және тәуліктік дозаны, ДБА-ны (жоғарыдағыдай есептелген) және келесі теңдеулерді пайдалана отырып, анықтаңыз:

ДБА (м2) × 70 мг /м2 = Жүктемелі доза

ДБА (м2) × 50 мг /м2 = Тәуліктік доза

Ең жоғары жүктемелі доза емнің алғашқы күні, осы пациент үшін есептелген дозаға қарамай-ақ, 70 мг-ден аспауға тиіс.

Құтыны таңдау осы сәбиге енгізуге жоспарланған мг доза шамасымен анықталады. 50 мг-ден аспайтын дозаны қажет ететін балаларда дозалауды мұқияттау үшін ішінде 50 мг препараты бар құтыны қолдану керек. Ішінде 70 мг каспофунгині бар құтыларды 50 мг-ден асатын дозаны қажет ететін балаларға қолдану ұсынылады.

Сұйылтар алдында Кансидас ұнтағы бар салқын құтыны бөлме температурасына дейін жеткізу қажет және асептика жағдайында инъекцияға арналған 10.5 мл стерильді суды қосу керек. Алғашқы ерітіндідегі препараттың концентрациясы 7.2 мг/мл құрайды (70 мг құты) немесе 5.2 мг/мл (50 мг құты).

Ақ немесе ақ дерлік түсті ұнтақ толық еруге тиіс. Құтының ішіндегісін мөлдір ерітінді алынғанша абайлап араластырыңыз. Алғашқы ерітіндіні, онда жүзіп жүрген бөлшектердің жоқтығына немесе түсінің өзгермегендігіне көз жеткізу үшін, қарап шығыңыз. Осылайша дайындалған алғашқы ерітіндіні құтыда 25 °C-ден төмен температурада 24 сағатқа дейін сақтауға болады.

Есептелген жүктемелі дозаға тең препарат көлемін құтыдан алыңыз. Ішінде инъекцияға арналған натрий хлоридінің 250 мл 0.9%, 0.45% немесе 0.225% ерітіндісі, немесе инъекция үшін Рингер лактаты ерітіндісі бар к/і инфузияға арналған ыдысқа қалпына келтірілген Кансидас препаратының осы көлемін (мл) асептикалық жағдайда ауыстырыңыз.

Қажет болған кезде соңғы ерітінді көлемі препараттың қорытынды концентрациясы 0.5 мг/мл-ден аспауы үшін, азайтылуы мүмкін.

Инфузияға арналған бұндай ерітіндіні 25 ºC және одан төмен температурада сақтағанда 24 сағат бойы, немесе 2-8 ºC температурада 48 сағат бойы пайдалануға болады. Ерітіндіні егер ол бұлыңғыр болса немесе шөгіндісі болса пайдалануға болмайды.

Жағымсыз әсерлері

Пациенттердің барлық топтарында анафилаксия және гистамин арқылы болатын аллергиялық симптомдарды қоса, аса жоғары сезімталдық реакциялары туындаған. Инвазивті аспергиллезі бар пациенттерде өкпе ісінуі, ересектерде тыныс алу бұзылыстары синдромы (ЕТБС), рентгенографиялық инфильтраттар туралы мәлімделген.

Ересектер

Жиі (≥ 1/100, < 1/10):

  • бас ауыруы, қызба, қалтырау

  • жүрек айнуы, құсу, диарея

  • артралгия

  • гемоглобин және гематокрит концентрациясының төмендеуі, лейкопения, гипокалиемия, гипоальбуминемия, бауыр функциясы көрсеткіштерінің жоғарылауы (аланинаминотрансфераза, аспартатаминотрансфераза, сілтілік фосфатаза, тікелей және жалпы билирубин)

  • енгізу орнындағы реакциялар: флебит, қышыну

  • ентігу

  • бөртпе, қышыну, эритема, тершеңдік

Жиі емес (≥ 1/1 000, <1/100):

  • анорексия

  • мазасыздық, бағдар жоғалту, ұйқысыздық

  • бас айналуы, дисгевзия, парестезия, ұйқышылдық, тремор, гипестезия

  • көрудің бұзылуы, қабақтың ісінуі, көз жасының ағуы

  • пальпитация, тахикардия, аритмия, жыпылықтағыш аритмия, іркілісті жүрек жеткіліксіздігі

  • қан кернеулері, гипо/гипертензия

  • мұрын бітелуі, жұтқыншақ-көмей ауыруы, тахипноэ, бронх түйілуі, жөтел, пароксизмальді түнгі ентігу, гипоксия, сырыл, ысқырып тыныс алу, тыныс алу кезіндегі патологиялық шулар

  • іш аумағының ауыруы, іштің жоғарғы бөлігінің ауыруы, асқазандағы жайсыздық, іштің кебуі, ауыз құрғауы, диспепсия, асцит, іш қатуы, дисфагия, метеоризм

  • склераның сарғыштығы (сарғаю), холестаз, гепатомегалия, гипербилирубинемия, сарғаю, бауыр функциясының бұзылуы, гепатоуыттылық, бауыр жеткіліксіздігі

  • жайылған қышыну, мультиформалы эритема, дақты, дақты- папулезді, эритематозды, қызылшаға ұқсас, жайылған және қышитын бөртпе, есекжем, аллергиялық дерматит, тері зақымдануы

  • бел ауыруы, аяқ-қол ауыруы, сүйектердің ауыруы, бұлшықет әлсіздігі, миалгия

  • бүйрек жеткіліксіздігі, жедел бүйрек жеткіліксіздігі

  • ауыру және жайсыздық, жергілікті реакциялар, қызару, тығыздану, гематома, ісіну, көктамырлық катетер енгізу аумағындағы тері тітіркенуі, тромбофлебит

  • әлсіздік, ысыну, шеткергі ісіну, кеуде аумағындағы жайсыздық, бет ісінуі, дімкәстік

  • иммунодепрессанттар деңгейінің жоғарылауы

  • зертханалық тесттердегі ауытқу:

- анемия, эозинофилия, лейкоцитоз, нейтропения, лимфопения, лимфоцитоз, тромбоцитопения, тромбоцитоз

- гипергликемия

- гипопротеинемия, гиперурикемия, креатинин деңгейі жоғарылауы, несеп қышқылының деңгейі төмендеуі, гамма-глютамилтрансферазаның жоғарылауы, гиперволемия, гипокапния, метаболизмдік ацидоз, электролиттік теңгерімнің бұзылуы, гипомагниемия, гипо/гиперкальцемия, гипо/гипернатриемия, хлор деңгейінің төмендеуі/жоғарылауы, гипо/гиперфосфатемия, қандағы бикарбонаттар деңгейінің төмендеуі, гипо/гиперкалиемия

- коагулопатия, ұзартылған/қысқартылған протромбиндік уақыт, ұзартылған белсендірілген ішінара тромбопластиндік уақыт, халықаралық қалыптасқан қатынастың жоғарылауы

- несептегі қан, несептегі эритроциттер, несептік цилиндрлер, лейкоцитурия және несеп рН жоғарылауы, несепте ақуыз болуы

Балалар

Өте жиі (≥ 1/10)

  • ысыну

Жиі (≥ 1/100, <1/10)

  • бас ауыруы, қалтырау

  • тахикардия, қан кернеулері, гипотензия

  • бөртпе, қышыну

  • катетер енгізу орнының ауыруы

  • эозинофилия, гипокалиемия, гипомагниемия, гипергликемия, гипо/гиперфосфатемия, бауыр ферменттерінің жоғары деңгейлері (АСТ, АЛТ)

Постмаркетингтік тәжірибе:

  • бауыр функциясының бұзылуы

  • уытты эпидермальді некролиз, Стивенс-Джонсон синдромы

  • ісінулер және шеткергі ісінулер

  • гиперкальциемия, гамма-глютамилтрансфераза деңгейінің ұлғаюы

Қолдануға болмайтын жағдайлар

- препараттың қандай да бір компонентіне жоғары сезімталдық

- 3 айлыққа дейінгі балаларға

Дәрілермен өзара әрекеттесуі

Кансидас P450 (CYP) цитохромы жүйесінің қандай да болсын ферментінің тежегіші, сонымен қатар CYP3A4 арқылы болатын басқа препараттардың метаболизмінің индукторы болып табылмайды. Кансидас P‑гликопротеин ферменттері үшін субстрат болып табылмайды және P450 цитохромы ферменттері үшін әлсіз субстрат болып табылады.

Кансидастың фармакокинетикасына итраконазол, амфотерицин В, микофенолат, нелфинавир немесе такролимус ықпал етпейді.

Өз кезегінде Кансидас итраконазолдың, В амфотерициннің, рифампиннің немесе микофенолаттың белсенді метаболитінің фармакокинетикалық көрсеткіштеріне ықпалын тигізбейді.

Кансидас қанда такролимустың (FK-506) 12-сағаттық концентрациясының (C12 сағ.) көрсеткішін 26%-ға төмендетеді. Екі препаратты да қабылдап жүрген пациенттерде қанда такролимустың концентрациясына стандартты мониторинг жүргізу ұсынылады және қажет болған кезде дозаны түзету керек.

Циклоспорин. Кансидасты циклоспоринмен бір мезгілде қолданған кезде емді тоқтатқаннан кейін жойылатын, қалыптың жоғарғы шегімен салыстырғандағы аланинаминотрансфераза (АЛТ) және аспартатаминотрансфераза (АСТ) деңгейлерінің үш есе өтпелі жоғарылауы байқалды. Кансидасты циклоспоринмен бірге тағайындағанда AUC қисығы астындағы ауданның 35% ұлғайғаны анықталды; қан плазмасындағы циклоспорин деңгейі өзгермеді. Бұл деректер егер потенциалды артықшылығы потенциалды қаупінен астам болса, циклоспорин қабылдайтын пациенттерде Кансидас қабылдау мүмкіндігін көрсетеді.

Рифампицин. Кансидастың таралуын тездетуі де, сонымен қатар баяулатуы да мүмкін. Рифампицинді және Кансидасты 14 күн бойы бір мезгілде үйлестіре тағайындаған кезде алғашқы күні плазмада каспофунгин концентрациясының өткінші артуы (AUC шамамен 60%-ға артуы) білінді. Сонымен қатар, 14 күн бойы рифампицинмен монотерапия жүргізу аясында каспофунгинді тағайындаған кезде, мұндай тежегіш әсер байқалған жоқ, мұндай кезде рифампициннің тұрақты индукторлық әсері аясында AUC-тың және каспофунгин концентрациясының инфузия соңында, ал шектік концентрациясы – шамамен 30%-ға аздап төмендегені байқалды.

Кансидаспен дәрілік заттар клиренсінің индукторларын (эфавиренз, невирапин, фенитоин, дексаметазон немесе карбамазепин) бір мезгілде қолдану балаларда және ересек пациенттерде каспофунгин концентрациясының клиникалық тұрғыдан елеулі төмендеуіне әкеп соқтыруы мүмкін. Қолда бар деректер осы препарттармен индукцияланған каспофунгин концентрацияларының төмендеуі метаболизмге қарағанда көбінесе элиминациясының жылдамдауы есебінен жүретінін айғақтайды. Сондықтан ересектерде және балаларда Кансидасты эфавирензбен, нелфинавирмен, невирапинмен, рифампинмен, дексаметазонмен, фенитоинмен немесе карбамазепинмен үйлестіріп қолданған кезде ересек пациенттер үшін 70 мг тәуліктік дозасында және педиатриялық пациенттер үшін тәулігіне 70 мг/м2, бірақ нақты тәуліктік дозасын 70 мг асырмай қабылдау мүмкіндігін қарастырған жөн.

Айрықша нұсқаулар

Кансидас қабылдау барысында анафилаксия жағдайлары және бөртпе, бет ісінуі, ангионевроздық ісіну, қышыну, ысыну сезімі немесе бронх түйілуін қоса, гистамин арқылы болатын реакциялар туындаған жағдайлар туралы хабарланған. Бұл жағдайларда Кансидас қабылдауды тоқтату және тиісті ем тағайындау керек.

Бұл дәрілік заттың құрамында сахароза бар. Тұқым қуалайтын фруктоза жағымсыздығы, глюкоза-галактоза мальабсорбциясы, сукраза-изомальтаза ферменті тапшылығы бар пациенттерге Кансидас тағайындамау керек.

Егер потенциалды артықшылығы потенциалды қаупін ақтаса циклоспорин қабылдайтын пациенттерде Кансидас қолдануға болады.

Кансидаспен емдегенде бауыр функциясының зертханалық көрсеткіштері өзгеруі мүмкін. Кансидаспен емге қосымша дәрілік ем қабылдаған, фондық патологиясы бар пациенттерде, Кансидас емімен себеп-салдарлы байланысы аяғына дейін анықталмаса да, бауыр жеткіліксіздігі, гепатит және бауыр функциясы бұзылуы туындағаны туралы хабарланған. Бұндай пациенттерде бауыр функциясы нашарлауының белгілері анықталғанда Кансидаспен емді жалғастыру үшін пайда/қауіп арақатынасын мұқият бағалау керек.

Балаларда қолдану. Кансидасты төмендегі көрсетілімдер бойынша 3 айлықтан 17 жасқа дейінгі балаларда қолданудың қауіпсіздігі және тиімділігі ересектер арасындағы бақыланатын зерттеулер барысында алынған дәлелдермен, балалардан алынған фармакокинетикалық деректермен және 3 айлықтан 17 жасқа дейінгі балалар ішінде перспективалық зерттеулер барысында алынған қосымша мәліметтермен нақтыланады:

  • Фебрильді нейтропениясы бар пациенттердегі болжамды зеңдік инфекцияларларды эмпириялық емдеу

  • Нейтропениясы бар және онсыз пациенттердегі (оның ішінде кандидемия) инвазивті кандидозды емдеу

  • Эзофагеальді кандидозды емдеу

  • Емге жауабы жоқ пациенттердегі инвазивті аспергиллезді емдеу

Кансидасты қолданудың қауіпсіздігі және тиімділігі жаңа туған нәрестелер мен 3 айға толмаған сәбилер қатыстырылған проспективті клиникалық зерттеулерде жеткілікті дәрежеде зерттелмеген.

Candida туындатқан остеомиелиті және менингиті бар балалардағы Кансидасты қолдану зерттелмеген. Сондай-ақ балалардағы инвазивті аспергиллезге бастапқы ем ретінде Кансидасты қолдану зерттелмеген.

Жүктілік және лактация кезеңі

Қазіргі кезде жүктілікте препарат қолдану бойынша клиникалық тәжірибе жоқ. Препарат тағайындау өмірлік қажеттілік болып табылатын жағдайдан басқа уақыттарда Кансидас жүктілік уақытында әйелдерге тағайындалмауы тиіс. Лактация кезеңінде препарат тағайындау қажет болғанда бала емізуді тоқтату керек, өйткені Кансидас препаратының емшек сүтіне бөлінуі туралы деректер жоқ.

Дәрілік заттың көлік құралдарын жүргізуге немесе қозғалыстағы механизмдерді басқару қабілетіне әсер ету ерекшеліктері

Көлік құралдарын басқару және механизмдерді пайдалану қабілетіне ықпал етуіне зерттеулер жүргізілген жоқ. Кансидас препаратымен емделу аясында бас ауыру дамуы мүмкіндігін ескере отырып, автомобильді басқарған және механизмдермен жұмыс жасаған кезде аса сақ болу керек.

Артық дозалануы

Клиникалық зерттеулерде сыналған дозалардан ең жоғары доза – бір реттік бір 210 мг дозаның (6 дені сау ерікті адам) жағымдылығы жақсы болған.

Сонымен бірге тәуліктік 150 мг дозадағы препаратты 51 күн бойы енгізген кезде препараттың жағымдылығы жақсы болды (100 дені сау ерікті адам).

Симптомдары: препараттың жағымсыз әсерлерінің күшею симптомдары болуы мүмкін.

Емі: Кансидас артық дозаланған кезде диализ жүргізілмейді. Спецификалық у қайтарғысы жоқ. Емі симптоматикалық.

Шығарылу түрі және қаптамасы

Препарат сұр түсті резеңке тығынмен тығындалған және флип-офф типті, пластмасса қақпағы бар алюминий қалпақшамен қаусырылған, сыйымдылығы 10 мл, түссіз шыныдан жасалған құтыға салынады.

1 құты мемлекеттік және орыс тілдеріндегі медициналық қолдану жөніндегі нұсқаулықпен бірге картон қорапшаға салынады.

Сақтау шарттары

2-8 °С температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші / Қаптаушы

Мерк Шарп және Доум-Чибрет Лабораториялары, Франция

Тіркеу куәлігінің иесі

Шеринг-Плау Сентрал Ист АГ, Швейцария

Шығарылуын бақылау

Мерк Шарп және Доум Б.В., Нидерланды

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың қауіпсіздігін тіркеуден кейінгі қадағалауға жауапты ұйымның мекенжайы

Қазақстандағы Шеринг-Плау Сентрал Ист АГ компаниясының өкілдігі

Алматы, Достық даңғылы 38, “Кең дала” бизнес орталығы, 3-ші қабат

Тел. + 7 (727) 330-42-66, + 7 (727) 259-80-84

Факс + 7 (727) 259-80-90

email: dpoccis2@merck.com, pharmacovigilance.ukraine&cis@merck.com

S-WPC-MK0991-IV-102015

Прикрепленные файлы

929693771477976511_ru.doc 77.53 кб
705267571477977665_kz.doc 55.74 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники