Кальция глюконат-Здоровье (стабилизированный)

Кальций глюконаты-Здоровье (тұрақтандырылған)

Жоқ

Инъекцияға арналған ерітінді, 100 мг/мл, 5 мл және 10 мл

1 мл ерітіндінің құрамында

белсенді заттар: инъекцияға арналған кальций глюконаты 95 мг,

қосымша заттар: кальций сахараты, концентрацияланған хлорсутек қышқылы немесе натрий гидроксиді, инъекцияға арналған су

Мөлдір, түссіз немесе аздап боялған ерітінді

Ас қорыту жолы және зат алмасу. Минералды қоспалар. Кальций препараттары. Кальций глюконаты.

АТХ коды А12АА03.

Фармакокинетикасы

Парентеральді енгізгеннен кейін препарат барлық тіндер мен ағзаларға бір қалыпты таралады. Қан плазмасында кальций иондалған күйде болады. Плацентарлық бөгет арқылы өтеді және емшек сүтіне енеді. Организмнен негізінен бүйрекпен шығарылады.

Фармакодинамикасы

Метаболизмдік үдерістерді реттейді, организмдегі кальций тапшылығын толықтырады; гемостаздық, аллергияға қарсы әсер етеді және капиллярлар өткізгіштігін төмендетеді. Кальций иондары жүйке импульстарының берілуіне, тегіс және көлденең жолақты бұлшықеттер жиырылуына, миокардтың қызмет етуіне, қан ұюына қатысады; олар сүйек тінінің қалыптасуына, басқа жүйелер мен ағзалардың қызмет етуіне қажет. Кальций иондарының қандағы концентрациясы көптеген патологиялық үдерістерде азаяды; айқын гипокальциемия тетанияның туындауына ықпал етеді.

• қалқанша маңы бездері функциясының жеткіліксіздігінде

• организмнен кальцийдің көп мөлшерде шығарылуында (оның ішінде ұзақ уақыт сусызданғанда)

• аллергиялық аурулар (сарысу құю ауруы, есекжем, ангионевроздық ісіну) мен аллергиялық асқынулар кезінде емнің қосымша дәрісі ретінде

• тамыр өткізгіштігін азайту үшін шығу тегі әртүрлі патологиялық үдерістер кезінде (қабыну үдерісінің экссудатты сатысы, геморрагиялық васкулит, сәулесоқ ауруы), паренхиматозды гепатит, бауырдың уытты зақымдануы, нефрит, эклампсия, гиперкалиемия; пароксизмальді миоплегияның гиперкалиемиялық түрінде, тері ауруларында (терінің қышынуы, экзема, псориаз)

• қан кетулерде

• магний тұздарымен, қымыздық қышқылымен немесе оның ерігіш тұздарымен, фтор қышқылының ерігіш тұздарымен уланған кезде

Вена ішіне немесе бұлшықет ішіне қолдану керек.

Ерітіндісі бар ампуланы енгізер алдында дене температурасына дейін қыздырады. Ерітіндіні 2-3 минут бойы баяу енгізеді.

Ересектерге және 14 жастан асқан балаларға 5-10 мл препаратты күнделікті немесе 1-2 тәуліктен соң, аурудың ағымы мен пациенттің жағдайына байланысты енгізеді.

Балаларға тек вена ішіне, жасына байланысты, мынадай дозаларда енгізеді: 6 айға дейін – 0,1-1 мл, 6-12 ай – 1-1,5 мл, 1-3 жыл – 1,5-2 мл, 4-6 жас – 2-2,5 мл, 7-14 жас – 3-5 мл.

1 мл-ден кем мөлшердегі ерітіндіні енгізу үшін препараттың бір реттік дозасын 0,9% натрий хлориді ерітіндісімен немесе 5% глюкоза ерітіндісімен тиісті көлемге дейін (шприц көлемі) жеткізеді.

Жиі (≥1/100-ден <1/10 дейін)

жылдам енгізу кезінде:

- жүректің айнуы, құсу, тершеңдік, гипотензия, вазомоторлы коллапс, кейде өліммен аяқталатын

- кальций тұздарының бұлшықетішілік инъекциялары жергілікті тітіркенуді тудыруы мүмкін

Жиі емес (≥1/1,000-нан ≤1/100 дейін)

- диарея

- брадикардия

- ауыз қуысындағы, кейіннен - барлық денедегі өздігінен тез қайтатын ыстықты сезіну

Сирек (≥1/10,000-нан ≤1/1,000 дейін)

- кальций ерітіндісі экстравазациясы салдарынан жұмсақ тіндердің кальцификациясы

- аллергиялық және анафилаксиялық реакциялар, тіпті анафилаксиялық шоктарға дейін

- препарат компоненттеріне жоғары сезімталдық

- тромбозға бейімділік

- бауырдың ауыр жеткіліксіздігі

- ауыр гиперкальциурия

- айқын атеросклероз

- қанның жоғары ұйығыштығы

- жүрек гликозидтерімен бір мезгілде қолдану

- 18 жасқа дейінгі балаларды және бүйрек функциясының бұзылулары бар (шыныдан шайылатын алюминий глюконатының әсер ету қаупімен байланысты) тұлғаларды ұзақ уақыт емдеген кезде

- гиперкальциемия (гиперпаратиреоз, Д гипервитаминозы, сүйек декальцинациясымен бірге ісіктік аурулар)

- ерімейтін цефтриаксон-кальций кешенінің түзілу қаупіне байланысты цефтриаксонмен бір уақытта енгізу

Кальцийдің басқа препараттарымен бірге тағайындауға болмайды.

Препарат аминогликозидтер қатарының антибиотиктерін қолданғаннан кейін жүйке-бұлшықеттік берілісінің бәсеңдеуін жояды. Тиазидті диуретиктермен бірге қолданған кезде гиперкальциемияның дамуына әкеледі. Фенигидинмен бір уақытта қолданған кезде кальций препараттары оның әсерін төмендетеді.

Кальций глюконатын верапамилді қабылдағанға дейін және кейін вена ішіне енгізу соңғысының гипотензиялық әсерін кемітеді, бірақ оның аритмияға қарсы әсеріне ықпал етпейді. Хинидинмен бір мезгілде қолданғанда қарынша ішілік өткізгіштіктің баяулауы және хинидин уыттылығының артуы мүмкін.

Жүрек гликозидтерімен бір мезгілде емдеу кезінде кальций глюконатын парентеральді қолдану, кардиоуыттылық әсерінің күшеюіне байланысты ұсынылмайды.

Кальций тұздары тотықтырғыштармен, лимон қышқылымен, карбонат, бикарбонат ерітінділерімен, фосфаттармен, тартраттармен (шарап қышқылының тұздары) және сульфаттармен үйлесімсіз.

Амфотерицинмен, цефалотин ерітіндісімен, цефамандолмен, цефтриаксинмен, новобицин натрийімен, добутамин гидрохлоридімен, прохлорпиразинмен, тетрациклинмен физикалық үйлесімсіз. Этил спиртінің кальций глюконатымен әрекеттесуінде соңғысы шөгінді болып түседі.

Қандағы кальций деңгейін және кальций экскрециясын, әсіресе балаларда, созылмалы бүйрек жеткіліксіздігі немесе нефролитиазы бар пациенттерде бақылап отыру қажет. Егер қан плазмасындағы кальций деңгейі 2,75 ммоль/л-ден асса немесе кальцийдің несеппен 24-сағаттық шығарылуы 5 мг/кг-дан асса, жүрек аритмияларының даму қаупіне байланысты емдеуді дереу тоқтату қажет.

Кальция тұздарын бүйрек функциясының бұзылулары, нефрокальциноз, жүрек аурулары бар пациенттерге сақтықпен қолданған жөн.

Кальций тұздары тітіркендіргіштер болып табылады. Экстравазацияның салдарынан зақымдануды болдырмау үшін инъекция орнын ұдайы тексеру қажет.

Нефроуролитиаздың даму қаупін төмендету үшін сұйықтықтың жеткілікті мөлшерін тұтыну ұсынылады.

Кальций глюконатын онымен үйлесімсіз препараттармен бір ыдыста немесе бөлек енгізгеннен кейін қанда араласуын болдырмау үшін сақтық қажет.

Құрамында кальций мен фосфаттар бар физикалық үйлеспейтін ерітінділер немесе толық парентеральді қоректену ерітінділерін бөлек-бөлек енгізгеннен кейін организмдегі ерімейтін кальций тұздарының микрокристалдануынан соң ауыр, оның ішінде өліммен аяқталған асқынулар дамыған.

Педиатрияда қолдану

Тіндер некрозының даму мүмкіндігіне байланысты 18 жасқа дейінгі балаларға препаратты бұлшықет ішіне енгізу ұсынылмайды

1 айға дейінгі шала туған және жаңа туған нәрестелердің өкпесінде және бүйрегінде цефтриаксон-кальций преципитаттарының пайда болуы салдарынан өлімге әкелген реакциялар жағдайлары сипатталған.

Кем дегенде, олардың біреуі цефтриаксон мен кальцийді әртүрлі инъекциялық жүйелер арқылы әртүрлі уақытта алды. Цефтриаксонмен және құрамында кальций бар ерітінділермен немесе құрамында кальций бар кез келген басқа өнімдермен емдеген нәрестелерден басқа, пациенттерде тамыр ішілік преципитаттардың пайда болу жағдайлары туралы хабарланды. Жаңа туған нәрестелерде басқа жас топтарымен салыстырғанда цефтриаксон-кальций преципитациясының жоғары қаупі бар.

Кез келген жастағы пациенттерде цефтриаксон құрамында кальций бар вена ішіне қолдануға арналған кез келген ерітінділермен араласпауы, тіпті әр түрлі инъекциялық жүйелердің көмегімен немесе әр түрлі инъекция орындарында бір мезгілде енгізілмеуі тиіс.

Дегенмен, жасы 28 күннен бастап пациенттерге цефтриаксон және құрамында кальций бар ерітінділер преципитацияны болдырмау үшін әртүрлі инъекциялық жүйелер арқылы әртүрлі орындарға енгізілуі немесе инъекциялық жүйені ауыстыру немесе физиологиялық тұзды ерітінділермен енгізулер арасында мұқият шаю шартымен бірінен кейін бірі ретімен енгізілуі мүмкін.

Кальций глюконаты ерітіндісімен шприцті толтырар алдында онда этил спиртінің қалдықтары жоқ екеніне көз жеткізу қажет, себебі кальций глюконат спиртпен өзара әрекеттесудің салдарынан тұнбаға түседі.

Жүктілік және лактация кезеңінде қолдану

Препаратты жүктілік немесе емшек емізу кезеңінде әйелге пайдасы/шаранаға (балаға) төнетін қатерінің арақатынасы ескеріле отырып, қолданылуы мүмкін. Кальций емшек сүтіне өтеді, мұны бала емізетін әйелдер дәрілік затты қолданғанда ескерулері қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың психомоторлық реакция жылдамдығына әсер етуі туралы ақпарат жоқ.

Симптомдары: гиперкальциемия дамуы мүмкін. Гиперкальциемия симптомдары анорексия, жүрек айнуы, құсу, іш қату, абдоминалды ауыру, бұлшықет әлсіздігі, полидипсия, полиурия, психикалық бұзылыстар, нефрокальциноз, нефролитиаз; ауыр жағдайларда – жүрек аритмиясы және команы қамтуы мүмкін.

Емі. Ауыр гиперкальциемияны жасушадан тыс сұйықтықтың көлемін кеңейту үшін натрий хлоридінің венаішілік инфузиясымен емдеген жөн. Бұл кальцийдың экскрециясын ұлғайту үшін фуросемидпен немесе оны қолданғаннан кейін жасалуы мүмкін. Егер бұл емдеу тиімсіз болса, басқа препараттар, оның ішінде кальцитонин, бисфосфонат, динатрий эдетаты, фосфат пайдаланылуы мүмкін. Кальцитонинді дене салмағының 1 кг-на шаққанда тәулігіне 5-10 ХБ вена ішіне енгізу (препаратты 0,9 % натрий хлоридінің 500 мл ерітіндісімен сұйылту керек, 6 сағат ішінде 2-4 рет қабылдауға, тамшылатып енгізеді) керек. Гемодиализ ең соңғы жағдайда қарастырылуы мүмкін. Артық дозалануды емдеу кезінде сарысудағы электролиттерді мұқият бақылаған жөн.

Шығарылу түрі және қаптамасы

5 мл немесе 10 мл препараттан шыны ампулаларда.

Ампулаға таңбалау мәтінін бояумен жазады немесе заттаңба жабыстырылады.

5 мл-ден немесе 10 мл-ден 10 ампуладан, немесе 10 мл-ден 5 ампуладан медициналық қолдану жөніндегі қазақ және орыс тіліндегі нұсқаулықпен бірге және кесетін керамикалық дискімен бөлгіштері бар картон қорапқа салады.

5 мл-ден 5 ампуладан поливинилхлоридті үлбірден немесе поливинилхлоридті үлбірден және алюминий фольгадан жасалаған пішінді ұяшықты қаптамаға салады.

5 ампуладан 1 немесе 2 пішінді ұяшықты қаптама медициналық қолдану жөніндегі қазақ және орыс тіліндегі нұсқаулықпен бірге және кесетін керамикалық дискімен картон қорапқа салынады.

Препаратты қаптау кезінде сындыру сақинасы, сындыру нүктесі немесе нүктесі және кертігі бар ампулаларға кесетін керамикалық дискіні салмауға жол беріледі.

Түпнұсқалық қаптамасында 25 °С-ден аспайтын температурада сақтау керек.

Балалардың қолы жетпейтін жерде сақтау керек.

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«Фармацевтикалық компания «Здоровье» ЖШҚ.

Украина, 61013, Харьков қ-сы, Шевченко к-сі, 22.

Тіркеу куәлігінің ұстаушысы

“УкрФармЭкспорт” ЖШҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фарм-Евро» ЖШС

050039, Алматы қ-сы, Майлин к-сі, 72-үй, 34-пәтер

Тел.: +7(727) 271-10-17

Факс: +7(727) 271-84-97

E-mail: farmevro@mail.ru