Кальций -Д3 Никомед КомФорте

• русский
• қазақша

• Скачать инструкцию медикамента

Саудалық атауы

Кальций – Д3 Никомед КомФорте

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар

Құрамы

Бір таблетканың құрамында

белсенді заттар: 1250 мг кальций карбонаты (500 мг элементарлы кальцийге баламалы), 4.40 мг холекальциферол концентраты* түріндегі 11 мкг холекальциферол (Д3 витаминінің 400 ХБ)

қосымша заттар: сорбитол, маннитол, калий ацесульфамы, лимон хош иістендіргіші, натрий кроскармеллозасы, микрокристалды целлюлоза, магний стеараты, тальк, гипромеллоза, пропиленгликоль

* 10% артығын қоса холекальциферол концентраты құрамында: холекальциферол 0.0110 мг, DL-α-токоферол 0.0440 мг, орташа ұзын тізбекті триглицеридтер 0.132 мг, модификацияланған жүгері крахмалы 3.21 мг, сахароза 0.770 мг, натрий аскорбаты 0.176 мг, сусыз коллоидты кремнийдің қостотығы 0.0528 мг.

Сипаттамасы

«500/400» жазуы ойып таңбаланған, сопақ пішінді, ажыратуы қиын теңбілдерімен, ақтан ақ дерлік түске дейінгі үлбірлі қабығы бар таблеткалар.

Фармакотерапиялық тобы

Минералды қоспалар. Кальций препараттары. Басқа препараттармен біріктірілген кальций препараттары.

АТХ коды А12АХ

Фармакологиялық қасиеттері

Фармакокинетикасы

Кальций иондалған түрде белсенді Д витаминіне тәуелді болатын тасымалдау механизмі арқылы аш ішектің дистальді бөлігінде сіңеді. Холекальциферол аш ішектен сіңіріліп, лимфа жүйесіне енеді, бауырға және жалпы қан ағымына түседі. Қанда альфа2-глобулиндерімен және ішінара – альбуминдермен байланысып, бауырға, сүйек тініне, қаңқа бұлшықеттеріне, бүйрекке, бүйрек үсті бездеріне, миокардқа, май тініне тасымалданады. Енгізілгеннен кейін 4-5 сағаттан соң тінде ең жоғары концентрациясы құралады, мұнан соң біршама төмендеп, ұзақ уақыт тұрақты деңгейде сақталады. Бауырда жинақталады. Биотрансформацияланудың нәтижесінде бауыр мен бүйректе белсенді метаболиттер түзіледі. Полярлы метаболиттер түрінде негізінен жасушалар жарғақшаларында, микросомалар, митохондриялар және ядроларда орнығады. Холекальциферол мен оның зат алмасу өнімдерінің көп бөлігі өтпен бірге ішектерге шығарылады, одан энтерогепатикалық айналым жүйесін жасай отырып қайтадан сіңе алады немесе нәжіспен шығарылады. Жартылай шығарылу кезеңі бірнеше күн.

Фармакодинамикасы

Организмде кальций мен фосфордың алмасуын реттейтін біріктірілген препарат. Резорбцияны (сорылу) төмендетеді және организмдегі кальций мен Д витамині жеткіліксіздігін толықтыру арқылы сүйек қаңқасы мен тіс тығыздығын арттырады.

Кальций жүйке өткізгіштігін, бұлшық еттің жиырылуын реттеуге қатысады және қан ұюы жүйесінің құрамдас бөлігі болып табылады.

Д3 витамині ішекте кальцийдің сіңуін жоғарылатады.

Кальций мен Д3 витаминін пайдалану жоғарғы сүйек резорбциясының (сүйектен кальцийдің шайылып кетуі) стимуляторы болып табылатын паратиреоидты гормон (ПТГ) өндірілуінің ұлғаюына кедергі келтіреді.

Қолданылуы

• остеопороздың (менопаузалық, сенильдік, «стероидты», идиопатиялық және т.б.) және оның асқынуының (сүйек сынуының) профилактикасында және кешенді емінде

• кальций және/немесе Д3 витамині тапшылығының профилактикасында және емдеуде

Қолдану тәсілі және дозалары

Остеопороздың профилактикалық курсы үшін – күніне 1 таблеткадан 2 рет, кем дегенде жылына 1-2 рет 3 айдан.

Остеопорозды емдеу үшін – күніне 1 таблеткадан 2 рет, 6 айдан кем емес.

Таблетка негізінен тамақтану кезінде тұтастай жұтуға арналған. Қажет болғанда оны шайнауға болады.

Жағымсыз әсерлері

- гиперкальциемия және гиперкальциурия

- іштің қатуы, метеоризм, жүректің айнуы, іштің ауруы, диарея, диспепсия

- қышыну, бөртпе, есекжем

- сүтті-сілтілік синдром

Қолдануға болмайтын жағдайлар

– препарат компоненттерінің біріне жоғары сезімталдық

– гиперкальциемия немесе гиперкальциурия

– сояға немесе жержаңғаққа жоғары сезімталдық

– Д витамині гипервитаминозы

– несептас ауруы

• 18 жасқа дейінгі балаларға

Дәрілермен өзара әрекеттесуі

Тиазид қатарындағы диуретиктерді бір мезгілде қолдану барысында гиперкальциемияның пайда болу қаупі артады, өйткені бұл кальцийдің өзекшелік қайта сіңіруін арттыруына байланысты. Фуросемид және басқа ілмектік диуретиктер, керісінше, кальцийдің бүйрекпен шығарылуын ұлғайтады.

Кальций препараттары мен Д витамині асқазан-ішек жолынан тетрациклиндер сіңуін азайтады, сондықтан тетрациклин қатарындағы препарат пен Кальций– Д3 Никомед КомФортені қабылдаудың арасында кем дегенде 4 сағат үзіліс болуы тиіс.

Хинолонды антибиотиктердің сіңірілуі Кальций–Д3 Никомед КомФортемен бір мезгілде қабылданғанда бұзылуы мүмкін. Хинолонды антибиотиктерді Кальция–Д3 Никомед КомФорте қабылдауға дейін екі сағат бұрын немесе кейін алты сағаттан соң қабылдаған жөн.

Жүрек гликозидтерімен бір мезгілде емдеген кезде ЭКГ мен клиникалық жағдайды бақылау қажет, өйткені кальций препараттары жүрек гликозидтерінің емдік және уытты әсерін жеделдетуі мүмкін.

Егер бисфосфонаттар кальций препараттарымен бір мезгілде пайдаланылатын болса, онда асқазан-ішекпен сіңірілуі төмендеуі мүмкін болғандықтан, бисфосфонаттарды Кальций-Д3 Никомед КомФортені ішерден аз дегенде бір сағат бұрын тағайындаған жөн.

Глюкокортикостероидтар кальцийдің сіңуін азайтады, сондықтан глюкокортикостероидтармен емдеу Кальций–Д3 Никомед КомФорте дозаларын жоғарылатуды қажет етуі мүмкін.

Левотироксин сіңірілуінің бір мезгілде Кальций–Д3 Никомед КомФорте қабылдағанда төмендеуіне байланысты левотироксиннің тиімділігі төмендеуі мүмкін. Кальция–Д3 Никомед КомФорте және левотироксинді қабылдау кем дегенде төрт сағат аралықпен бөлінуі тиіс.

Айрықша нұсқаулар

Жүрек гликозидтері және/немесе диуретиктерді бір мезгілде қабылдайтын науқастардың қан сарысуындағы кальций мен креатинин концентрациясын бақылап отыру қажет.

Гиперкальциемия немесе бүйрек функциясының бұзылу белгілері болған жағдайда доза азайтылуы немесе уақытша тоқтатылуы тиіс.

Д витаминін бүйрек функциясы бұзылған пациенттерге сақтықпен пайдаланған жөн, оларға кальций мен фосфор деңгейіне мониторинг жүргізілуі тиіс. Ауыр бүйрек жеткіліксіздігімен ауыратын науқастарда Д витамині (холекальциферол түрінде) қалыпты түрде метаболизденбейді, сондықтан Д витаминінің басқа түрлері пайдаланылуы тиіс.

Саркоидоздан зардап шегетін пациенттерге Кальций-Д3 Никомед КомФортені Д витаминінің белсенді түріне жоғары метаболиздену қаупіне байланысты сақтықпен тағайындаған жөн. Бұл пациенттерде қан сарысуы мен несептегі кальций мөлшеріне мониторинг жүргізілуі тиіс.

Гиперкальциемияның даму қаупіне байланысты остеопорозы бар иммобилизияланған пациенттерге Кальций-Д3 Никомед КомФортені абайлап пайдалану керек.

Артық дозалануды болдырмау үшін Д витаминінің басқа қосымша түсу көздерін де ескеру қажет.

Кальций-Д3 Никомед КомФорте құрамында организмде фенилаланинге өзгеретін аспартам бар. Сондықтан фенилкетонуриямен зардап шегетін науқастар препаратты қабылдамауы тиіс.

Сирек кездесетін тұқым қуалайтын фруктозаны көтере алмаушылығы, глюкозо-галактоза мальабсорбциясы немесе сахароза-изомальтаза жеткіліксіздігі аурулары бар пациенттердің бұл дәріні қолдануына болмайды.

Бүйректің ауыр жеткіліксіздігі бар науқастар Кальций-Д3 Никомед КомФортені қабылдамауы тиіс.

Жүктілік және лактация

Жүктілік кезінде тәуліктік доза 1500 мг кальций және 600 ХБ Д3 витамині аспауы тиіс. Д витамині мен оның метаболиттері емшек сүтіне енуі мүмкін. Жүктілік кезеңінде артық дозалану аясында дамитын гиперкальциемия баланың ақыл-ой және дене дамуында ақаулықтар туындатуы мүмкін.

Сондықтан ана мен балада кальций мен Д витаминінің басқа келіп түсу көздері ескеріліп, медициналық бақылау жасалуы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Кальций-Д3 Никомед КомФорте көлік құралдары мен механизмдерді басқару қабілетіне әсер етпейді.

Артық дозалануы

Симптомдары: гиперкальциемия, гипервитаминоз, анорексия, шөлдеу, полиурия, жүрек айну, құсу, іш қату, іштің ауыруы, шаршау, сүйектің ауыруы, бұлшықет әлсіздігі, нефрокальциноз, көңіл-күйдің бұзылуы, ауыр жағдайларда – жүрек аритмиясы.

Емі: препаратты тоқтату, организмге көп мөлшерде сұйықтық енгізу, ілмектік диуретиктерді (мысалы, фуросемид), глюкокортикостероидтарды, кальцитонинді, бисфосфонаттарды қолдану. Сарысулық электролиттер деңгейін, бүйрек функциясы мен диурезді бақылап отыру қажет.

Шығарылу түрі мен қаптамасы

30, 60, 90 немесе 120 таблеткадан бұрандалы қақпағы бар жоғары тығыздықтағы полиэтилен құтыға салынған. 1 құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Тығыз жабылған құтыда 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Такеда ГмбХ, Ораниенбург, Германия

Тіркеу куәлігі иесінің атауы және елі

Такеда ГмбХ, Германия

Қаптаушы ұйымның атауы мен елі

Такеда ГмбХ, Ораниенбург, Германия

Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

«Takeda Osteuropa Holding GmbH» компаниясының (Австрия) Қазақстандағы өкілдігі

Алматы қ., Шашкин к-сі 44

Телефон нөмірі (727) 2444004

Факс нөмірі (727) 2444005

Электрондық поштасы DSO-KZ@takeda.com