Кагоцел®

МНН: Кагоцел
Производитель: Хемофарм ООО
Анатомо-терапевтическо-химическая классификация: Прочие противовирусные препараты
Номер регистрации в РК: № РК-ЛС-5№122075
Период регистрации: 16.02.2016 - 16.02.2021

Инструкция

Саудалық атауы

Кагоцел®

Халықаралық патенттелмеген атауы

Жоқ

Дәрілік түрі

Таблеткалар, 12 мг

Құрамы

1 таблетканың құрамында:

белсенді зат: кагоцел® (құрғақ затқа шаққанда) 12.00 мг.

қосымша заттар: картоп крахмалы, кальций стеараты, массасы 100 мг таблеткаларды алу үшін Лудипресс (құрамы: лактоза моногидраты, повидон (Коллидон 30), кросповидон (Коллидон CL)).

Сипаттамасы

Крем түстен қоңыр түске дейінгі дөңгелек екі жағы дөңес теңбілдері бар таблеткалар.

Фармакотерапиялық тобы

Тікелей әсер ететін вирусқа қарсы препараттар. Өзге вирусқа қарсы препараттар.

АТХ коды: J05AX.

Фармакологиялық қасиеттері

Фармакодинамикасы

Кагоцелдің® негізгі әсер ету механизмі интерферон өнімдерін индукциялау қабілеті болып табылады. Кагоцел® адам организмінде вирусқа қарсы жоғары белсенділікке ие, - және -интерферондарының қоспасы болып табылатын кеш интерферон деп аталатын түзілісті тудырады. Кагоцел® организмнің вирусқа қарсы жауабына қатысатын жасушалардың барлық дерлік популяцияларында: Т- және В- лимфоциттерінде, макрофагтарда, гранулоциттерде, фибробластарда, эндотелиальді жасушаларда интерферонның өндірілуін тудырады. Кагоцелдің® бір дозасын ішке қабылдаған кезде қан сарысуындағы интерферонның титрі 48 сағаттан кейін ең жоғарғы мәніне жетеді. Организмнің Кагоцелді® енгізуге интерферондық жауабы қан ағымындағы интерферонның ұзақ (4-5 тәулікке дейін) айналымымен сипатталады. Кагоцелді® ішке қабылдаған кезде интерферонның ішекте жиналу динамикасы айналымдағы интерферон титрлерінің динамикасымен сәйкес келмейді. Қан сарысуында Кагоцелді® қабылдағаннан кейін 48 сағаттан кейін ғана интерферонның өндірілуі ең жоғарғы мәніне жетеді, бұл уақытта ішектегі интерферонның ең жоғарғы өндірілуі 4 сағаттан кейін байқалады.

Кагоцел®, емдік дозаларда тағайындаған кезде уытты емес, организмде жиналмайды. Препарат мутагенді және тератогендік қасиеттерге ие емес, канцерогенді емес және эмбриоуытты әсерге иеленбеген.

Кагоцелмен® емдеу кезінде ең жоғарғы тиімділігі оны жедел инфекция басталғаннан кейін 4 күннен кешіктірмей тағайындаған кезде жетеді. Профилактика мақсатында препарат кез-келген мерзімде соның ішінде инфекцияның қоздырғышымен тікелей жанасқаннан кейін қолданылуы мүмкін.

Фармакокинетикасы

Организмге енгізгеннен кейін 24 сағаттан кейін Кагоцел® негізінен, бауырда, аз дәрежеде өкпеде, тимуста, көкбауырда, бүйректе, лимфалық түйіндерде жиналады. Төмен концентрациясы май тіндерінде, жүректе, бұлшықеттерде, ата бездерде, мида, қан плазмасында байқалады. Мидағы Кагоцел® препаратының аз мөлшері гематоэнцефалдық бөгет арқылы өтуін қиындататын препараттың жоғары молекулярлы массасымен түсіндіріледі. Қан плазмасында препарат негізінен байланысқан түрде болады.

Кагоцелді® күнделікті көп рет енгізген кезде таратылу көлемі барлық зерттелген ағзаларда кең шегінде ауытқиды. Препараттың, әсіресе көкбауыр және лимфалық түйіндерде жиналуы анық байқалады. Ішке қабылдаған кезде жалпы қан ағымына препараттың енгізілген дозасының шамамен 20% түседі. Сіңірілген препарат қан айналымында, негізінен: липидтермен - 47%, ақуыздармен - 37% макромолекулалы байланысқан түрде таралады. Препараттың байланыспаған бөлігі шамамен 16% құрайды.

Шығарылуы: организмнен негізінен ішек арқылы шығарылады: енгізгеннен кейін 7 тәуліктен соң организмнен енгізілген дозаның 88%, соның ішінде 90% ішек арқылы және 10% бүйрек арқылы шығарылады. Препарат деммен шығарылатын ауада табылмаған.

Қолданылуы

Кагоцелді® ересектерде және 3 жастан асқан балаларда тұмау және басқа жедел респираторлық вирустық инфекция (ЖРВИ) кезінде профилактикалық және емдік дәрі ретінде, сондай-ақ ересектердегі герпес кезінде емдік дәрі ретінде қолданады.

Қолдану тәсілі және дозалары

Ішке қабылдауға арналған.

Тұмау және ЖРВИ емдеу үшін ересектерге бірінші екі күнде – 2 таблеткадан күніне 3 реттен, одан кейінгі екі күн – 1 таблеткадан күніне 3 реттен тағайындайды. Барлығы бір курсқа – 18 таблетка, курстың ұзақтығы – 4 күн.

Ересектерде тұмау және ЖРВИ профилактикасы 7 күндік циклдармен жүргізіледі: екі күн-2 таблеткадан күніне 1 рет, 5 күн үзіліс, сосын циклды қайталайды. Профилактикалық курстың ұзақтығы – бір аптадан бірнеше айға дейін созылады.

Ересектерде герпесті емдеу үшін 2 таблеткадан күніне 3 рет 5 күн бойы тағайындайды. Бір курсқа барлығы – 30 таблетка, курстың ұзақтығы – 5 күн. 3-тен 6 жасқа дейінгі балаларда тұмау және ЖРВИ емдеу үшін бірінші екі күнде – 1 таблеткадан күніне 2 рет тағайындайды. Бір курсқа барлығы – 6 таблетка, курстың ұзақтығы – 4 күн.

6 жастан асқан балаларда тұмау және ЖРВИ емдеу үшін бірінші екі күн – 1 таблеткадан күніне 3 рет, одан кейінгі екі күнде – 1 таблеткадан күніне 2 реттен тағайындайды. Бір курсқа барлығы – 10 таблетка, курстың ұзақтығы – 4 күн.

3 жастан асқан балаларда тұмау және ЖРВИ профилактикасы 7 күндік циклмен жүргізіледі: екі күн – 1 таблеткадан күніне 1 рет, 5 күн үзіліс, сосын циклды қайталау қажет. Профилактикалық курстың ұзақтығы – бір аптадан бірнеше айға дейін созылуы мүмкін.

Жағымсыз әсерлері

Аллергиялық реакциялар дамуы мүмкін.

Егер нұсқаулықта көрсетілген кез-келген жағымсыз әсерлер күшейсе, немесе Сіз нұсқаулықта көрсетілмеген кез-келген басқа жағымсыз әсерлерді байқасаңыз, бұл туралы дәрігерге хабарлаңыз.

Қолдануға болмайтын жағдайлар

- жүктілік

- лактация кезеңі

- 3 жасқа дейінгі балалар

- препараттың компоненттеріне жоғары сезімталдық

- лактаза тапшылығы, лактозаны көтере алмаушылық, глюкоза-галактозды мальабсорбциясы

Дәрілермен өзара әрекеттесуі

Кагоцел® басқа вирусқа қарсы препараттармен, иммуномодуляторлармен және антибиотиктермен (аддитивті әсер) жақсы үйлеседі.

Айрықша нұсқаулар

Емдік әсерге қол жеткізу үшін Кагоцелді® қабылдауды ауру басталғаннан кейін төрт күннен кешіктірмей бастаған жөн.

Жүкті әйелдердің, әйелдердің емшек емізу кезеңінде қолдану мүмкіндігі және ерекшеліктері

Қажетті клиникалық деректердің жоқтығына байланысты Кагоцелді® жүктілік және лактация кезеңінде қабылдау ұсынылмаған.

Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері

Препараттың көлік құралдарын, механизмдерді басқару қабілетіне ықпал етуі зерттелмеген.

Артық дозалануы.

Қазіргі уақытта Кагоцел® препаратымен артық дозалану жағдайлары туралы хабарланбаған.

Шығарылу түрі және қаптамасы

10 таблеткадан ПВХ/ПВДХ (поливинилхлоридті/поливинилиденхлоридті-PVС/ PVDС) (ЕФ, ФСША) үлбірден және ТШ 9570-001-63543701-11, МемСТ 745-2003 бойынша термодәнекерленген жабыны бар алюминий фольгадан немесе сапасы ұқсас импортты пішінді ұяшықты қаптамаға салынады.

1 пішінді қаптама қолдану жөніндегі нұсқаулықпен бірге А маркалы немесе МемСТ 7933-89 бойынша хром-эрзац типті немесе ұқсас сапалы импорттық тұтынушылар ыдысына арналған қораптық картоннан жасалған қорапшаға салынған.

Қорапшалар топтық қаптамаға салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада.

Балалардың қолы жетпейтін жерде сақтау керек.

Сақтау мерзімі

2 жыл

Қаптамада көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз.

Өндіруші

“Хемофарм” ЖШҚ, Ресей,

249030, Калуга облысы, Обнинск қ-сы, Киев тас жолы, 62-үй,

телефон: +7 (48439) 90-500; факс: +7 (48439) 90-525.

Тіркеу куәлігінің иесі

“НИАРМЕДИК ПЛЮС” ЖШҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

“НИАРМЕДИК ПЛЮС” ЖШҚ, Ресей,

125252, Мәскеу қ-сы, Авиаконструктор Микоян к-сі,

12-үй, телефон/факс: +7 (495) 741-49-89,

электронды пошта: safety@nearmedic.ru.

Прикрепленные файлы

961351091477976313_ru.doc 39.09 кб
299528101477977508_kz.doc 34.57 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники