Кабометикс (Кабозантиниб)

Кабометикс

Кабозантиниб

Дәрілік түрі, дозасы

Үлбірлі қабықпен қапталған таблеткалар, 20 мг, 40 мг, 60 мг

Антинеопластикалық және иммуномодуляциялайтын препараттар. Антинеопластикалық препараттар. Протеинкиназа тежегіштері. Кабозантиниб.

АТХ коды L01ХЕ26

Бүйрек-жасушалық обыр

Кабометикс препараты таралған бүйрек-жасушалық обырды монотерапия ретінде емдеуге арналған:

- бұрын ем қабылдамаған, аралық немесе аяқталу болжамы нашар ересек пациенттерде;

- антиангиогенді препараттармен алдыңғы емдеуден кейін (VEGF-таргетті ем) ересек пациенттерде.

Ниволумабпен біріктірілген Кабометикс препараты емдеудің бірінші желісі ретінде ересек пациенттерде таралған бүйрек-жасушалық обырды емдеуге арналған.

Бауыр-жасушалық обыр

Кабометикс препараты алдыңғы сорафенибпен емдеуден кейін ересек пациенттерде бауыр-жасушалық обырды монотерапия ретінде емдеуге арналған.

Қолдануды бастағанға дейін қажетті мәліметтер тізбесі

Әсер етуші затқа (заттарға) немесе препараттың қосымша заттарының кез келгеніне аса жоғары сезімталдық.

Қолдану кезінде қажетті сақтық шаралары

Жағымсыз реакциялардың көпшілігі емдеудің ерте сатысында дамитындықтан, дәрігер препараттың дозасын өзгерту қажеттілігін анықтау үшін емнің алғашқы сегіз аптасында пациентті мұқият бақылауы тиіс. Әдетте емнің басында байқалатын жағымсыз реакцияларға гипокальциемия, гипокалиемия, тромбоцитопения, артериялық қысымның жоғарылауы, алақан-табан синдромы (алақан-табан эритродизестезиясы), протеинурия және асқазан-ішек жолы тарапынан ауытқулар (іштің ауыруы, шырышты қабықтың қабынуы, іш қату, диарея, құсу) жатады.

Жағымсыз реакцияларды басу емді уақытша тоқтатуды немесе дозаны төмендетуді талап етуі мүмкін. Жеңіл немесе ауырлығы орташа дәрежелі бауыр жеткіліксіздігі бар пациенттерге жай-күйін неғұрлым мұқият бақылау ұсынылады.

Гепатоуыттылық

Кабозантиниб қабылдайтын пациенттерде бауыр функциясының биохимиялық көрсеткіштері нормасынан ауытқулар (аланинаминотрансфераза (АЛТ), аспартатаминострансфераза (АСТ) және билирубиннің ұлғаюы) жиі байқалады. Кабозантинибпен емдеу басталғанға дейін бауырдың жай-күйін (АЛТ, АСТ және билирубин) бағалау үшін талдаулар жүргізу және емдеу кезінде мұқият бақылау ұсынылады. Бауыр функциясының биохимиялық көрсеткіштері нашарлаған, кабозантинибпен емдеумен байланысты деп саналатын пациенттер үшін (яғни, балама себеп анық болмаған кезде) дозаны өзгерту жөніндегі 1-кестедегі ұсынымдарды сақтау керек.

Кабозантинибті ниволумабпен біріктірілімде қолданған кезде бүйрек-жасушалық обыры бар пациенттерде кабозантиниб монотерапиясымен салыстырғанда 3 және 4 ауырлық дәрежесіндегі АЛТ және АСТ белсенділігінің жоғарылау жиілігі жоғары болды. Емдеуді бастар алдында және емдеудің барлық кезеңі ішінде кезең-кезеңімен бауыр ферменттерін бақылау керек. Екі препарат үшін де емдеу нұсқауларын орындау қажет.

Кабозантиниб негізінен бауыр арқылы шығарылады. Ауырлығы жеңіл немесе орташа дәрежелі бауыр жеткіліксіздігі бар пациенттерде жалпы қауіпсіздікті мұқият мониторингтеу ұсынылады. Ауырлығы орташа дәрежелі бауыр жеткіліксіздігі (Чайлд-Пью B) бар пациенттердің неғұрлым жоғары салыстырмалы үлесінде кабозантинибпен емдеу кезінде бауыр энцефалопатиясы дамыды.

Кабометиксті бауырдың ауыр жеткіліксіздігі бар пациенттерде қолдану ұсынылмайды.

Бауыр энцефалопатиясы

Бауыр-жасушалық обыры бар пациенттердегі клиникалық зерттеулерде бауыр энцефалопатиясы плацебо тобына қарағанда кабозантиниб қабылдаған пациенттер тобында жиі байқалды. Диарея, құсу, тәбеттің төмендеуі және электролит теңгерімінің бұзылуы кабозантиниб қабылдаумен байланысты болды. Бауыр функциясы бұзылған бауыр-жасушалық обыры бар пациенттерде мұндай бауырлық емес реакциялар бауыр энцефалопатиясының дамуына себепші болуы мүмкін. Пациенттерді бауыр энцефалопатиясының белгілері мен симптомдары мәніне бақылау керек.

Тесілу және жыланкөз

Кабозантиниб қабылдаған кезде кейде өліммен аяқталатын, асқазан-ішек жолдарының күрделі тесілуі мен жыланкөздерінің даму қаупі жоғары. Ішектің қабыну аурулары (мысалы, Крон ауруы, ойық жаралы колит, перитонит, дивертикулит немесе аппендицит), ісіктің асқазан-ішек жолына инфильтрациясы немесе алдыңғы хирургиялық операциядан болатын асқыну (әсіресе, бұл жараның баяу немесе толық емделмеуіне байланысты болғанда) бар пациенттерді кабозантинибпен емдеу басталғанға дейін, ал кейіннен осындай пациенттердің абсцесс пен сепсисті қоса, тесілу және жыланкөз симптомдарының дамуына мұқият бақылау керек. Тұрақты немесе қайталанатын диарея анальді жыланкөздің пайда болу қаупі факторы болуы мүмкін. Дұрыс бақылау мүмкін емес асқазан-ішек жолының тесілуі немесе жыланкөзі бар пациенттерде кабозантинибпен емдеуді тоқтату керек.

Асқазан-ішек жолының тарапынан бұзылулар

Диарея, жүрек айну/құсу, тәбеттің төмендеуі және стоматит/ауыз қуысының ауыруы асқазан-ішек жолдарының жиі кездесетін жағымсыз реакцияларының бірі болды. Сусыздануды, электролиттік теңгерімсіздікті және салмақ жоғалтуды болдырмау үшін құсуға қарсы дәрілермен, диареяға қарсы препараттармен немесе антацидтермен симптоматикалық емдеуді қоса, дереу медициналық емдеуді бастау керек. Емді уақытша тоқтату немесе дозаны азайту немесе кабозантиниб қабылдауды тұрақты тоқтату асқазан-ішек жолы тарапынан тұрақты немесе қайталанатын елеулі жағымсыз реакциялар болған жағдайда қарастырылуы керек (1-кестені қараңыз).

Тромбоэмболия

Кабозантинибті қабылдаған кезде өкпе эмболиясын қоса, веналық тромбоэмболияның және кейде өліммен аяқталатын артериялық тромбоэмболияның даму қаупі жоғары. Кабозантиниб қауіп тобындағы немесе анамнезінде осындай жағдайлары бар пациенттерде сақтықпен қолданылуы тиіс. Кабозантиниб қабылдаған бауыр-жасушалық обыры бар пациенттерде клиникалық зерттеуде өліммен аяқталған бір оқиғаны қоса, қақпалық вена тромбозы байқалды. Анамнезінде қақпалық вена инвазиясы бар пациенттерде қақпалық вена тромбозының даму қаупі жоғары болған сияқты. Жедел миокард инфарктісі немесе кез келген клиникалық елеулі тромбоэмболиялық асқынулар дамитын пациенттерде кабозантинибпен емдеуді тоқтату керек.

Қан кету

Кабозантиниб қабылдаған кезде кейде өліммен аяқталатын, ауыр қан кету қаупі артады. Анамнезінде ауыр қан кетуі болған пациенттер кабозантинибпен емдеу басталғанға дейін мұқият бағалануы тиіс. Кабозантиниб қауіп тобындағы немесе ауыр қан кету қаупі бар пациенттерге тағайындалмауы керек.

Аневризмалар және артерияның қатпарлануы

Гипертониясы бар немесе онсыз пациенттерде VEGF тежегіштерін қолдану аневризмалардың және/немесе артериялардың қатпарлануының түзілуіне ықпал етуі мүмкін. Анамнездегі гипертензия немесе аневризма сияқты қауіп факторлары бар пациенттер кабозантинибпен емдеу басталғанға дейін мұқият бағалануы тиіс.

Тромбоцитопения

Бауыр-жасушалық обыры бар пациенттерде клиникалық зерттеулерде тромбоцитопения және тромбоциттер санының төмендеуі байқалды. Кабозантинибпен емдеу кезінде тромбоциттер деңгейін бақылау және тромбоцитопенияның ауырлығына байланысты дозаны өзгерту керек (1-кестені қараңыз).

Жара жазылуының асқынуы

Кабозантиниб қабылдаған кезде жараның жазылуының асқыну қаупі жоғары. Кабозантинибпен емдеуді, егер мүмкін болса, стоматологиялық операцияны қоса, жоспарланған операциядан кем дегенде 28 күн бұрын тоқтату керек. Операциядан кейін кабозантинибпен емдеуді қайта бастау туралы шешім жараның талапқа сай жазылуын клиникалық бағалауға негізделуі тиіс. Медициналық араласуды қажет ететін жара жазылуының асқынулары бар пациенттерде кабозантинибпен емдеуді тоқтату керек.

Артериялық гипертензия

Кабозантиниб қабылдаған кезде артериялық гипертензияның даму қаупі жоғары. Артериялық қысым кабозантинибпен ем басталғанға дейін тиісті түрде бақылануы тиіс. Барлық пациенттерде кабозантинибпен емдеу кезінде артериялық гипертензияның дамуын бақылау және қажет болған жағдайда стандартты сызба бойынша ем жүргізу керек. Гипертензияға қарсы дәрілерді пайдалануға қарамастан, артериялық қысымның тұрақты жоғарылауы жағдайында кабозантиниб дозасын азайту керек. Егер гипертензияға қарсы емге және кабозантиниб дозасының төмендеуіне қарамастан артериялық гипертензия ауыр және тұрақты болса, кабозантинибті тоқтату керек. Гипертониялық криз жағдайында кабозантинибпен емдеуді тоқтату керек.

Остеонекроз

Кабозантиниб қабылдаған кезде жақтың остеонекрозы жағдайлары байқалды. Кабозантиниб қабылдауды бастамас бұрын және мезгіл-мезгіл кабозантинибпен емдеу кезінде ауыз қуысын тексеру керек. Пациенттерді ауыз қуысы гигиенасының ережелері туралы хабардар ету керек. Кабозантинибпен емдеуді, егер мүмкін болса, жоспарланған стоматологиялық операциядан немесе инвазивті стоматологиялық емшаралардан кем дегенде 28 күн бұрын тоқтату керек. Бисфосфонаттар сияқты жақтың остеонекрозын тудыратын препараттарды қабылдаған пациенттерде сақ болу керек. Жақ остеонекрозы бар пациенттерде кабозантинибті тоқтату керек.

Алақан-табан синдромы (алақан-табан эритродизестезиясы)

Кабозантиниб қабылдаған кезде алақан-табан синдромының (алақан-табан эритродизестезиясының) пайда болу қаупі жоғары. Ауыр алақан-табан синдромы (алақан-табан эритродизестезиясы) дамыған кезде кабозантинибпен емдеуді уақытша тоқтату мүмкіндігін қарастыру керек. Алақан-табан синдромы (алақан-табан эритродизестезиясы) 1 ауырлық дәрежесіне жеткенде неғұрлым төмен дозамен кабозантинибпен емдеуді қайта бастау керек.

Протеинурия

Кабозантиниб қабылдаған кезде протеинурияның даму қаупі жоғары. Кабозантинибпен емдеу кезінде несептегі ақуызды үнемі бақылап отыру керек. Пациенттерде нефроздық синдромы дамыған кезде кабозантинибті тоқтату керек.

Артқы қайтымды лейкоэнцефалопатиялық синдром

Кабозантиниб қабылдаған кезде артқы қайтымды лейкоэнцефалопатиялық синдромның дамуы байқалды, ол артқы қайтымды энцефалопатия синдромы деп те аталады. Бұл синдромның даму мүмкіндігін эпилептиформалық ұстамалар, бас ауруы, көрудің бұзылуы, сананың шатасуы немесе психикалық күйдің өзгеруі сияқты көптеген симптомдары бар кез-келген пациентте қарастырған жөн. Артқы қайтымды лейкоэнцефалопатиялық синдром дамыған кезде пациенттерде кабозантинибпен емдеуді тоқтату керек.

QT аралығының ұзаруы

Кабозантинибті анамнезінде QT аралығының ұзаруы бар пациенттерде, аритмияға қарсы препараттарды қабылдайтын пациенттерде немесе жүрек ауруы, брадикардия немесе су-электролиттік теңгерім бұзылулары бар пациенттерде сақтықпен қолдану керек. Кабозантинибпен емдеу аясында ЭКГ және қандағы электролиттердің концентрациясына (кальций, калий және магний) кезеңдік мониторинг жүргізу керек.

Қалқанша безінің дисфункциясы

Барлық пациенттерге қалқанша безінің функциясын базалық зертханалық бағалау ұсынылады. Анамнезінде гипотиреозы немесе гипертиреозы бар пациенттерді кабозантинибпен емдеу басталғанға дейін стандартты медициналық тәжірибеге сәйкес емдеу керек. Кабозантинибпен емдеу кезінде барлық пациенттерді қалқанша безінің дисфункциясының белгілері мен симптомдары мәніне мұқият бақылау керек. Кабозантинибпен емдеу барысында қалқанша безінің функциясын мезгіл-мезгіл бақылап отыру керек. Қалқанша безінің дисфункциясын дамыған пациенттерді стандартты медициналық тәжірибеге сәйкес емдеу керек.

Биохимиялық зертханалық көрсеткіштер нормасынан ауытқу

Электролиттік теңгерімнің бұзылу жиілігінің артуы (гипо - және гиперкалиемияны, гипомагниемияны, гипокальциемияны, гипонатриемияны қоса) кабозантиниб қабылдаумен байланысты болды. Кабозантинибпен емдеу кезінде биохимиялық параметрлерді бақылау және қажет болған жағдайда стандартты клиникалық тәжірибеге сәйкес тиісті орын алмастыратын емді тағайындау ұсынылады. Бауыр-жасушалық обыры бар пациенттердегі бауыр энцефалопатиясының жағдайлары су-электролит теңгерімінің бұзылуының дамуына байланысты болуы мүмкін. Емді уақытша тоқтату немесе дозаны азайту немесе кабозантинибті қабылдауды тұрақты тоқтату нормадан тұрақты немесе қайталанатын елеулі ауытқулар жағдайында қарастырылуы керек (1-кестені қараңыз).

CYP3A4 индукторлары және тежегіштері

Кабозантиниб CYP3A4 үшін субстрат болып табылады. CYP3A4 күшті тежегіші кетоконазолмен кабозантинибті бір мезгілде енгізу қан плазмасында кабозантиниб экспозициясының ұлғаюына әкелді. CYP3A4 күшті тежегіштері болып табылатын препараттармен кабозантинибті қолданған кезде сақ болу керек. CYP3A4 күшті индукторы рифампицинмен кабозантинибті бір мезгілде қолдану қан плазмасындағы кабозантиниб экспозициясының төмендеуіне әкелді. Кабозантинибпен емдеу аясында күшті CYP3A4 индукторлары болып табылатын препараттарды ұзақ уақыт қабылдаудан аулақ болу керек.

Р-гликопротеин субстраттары

Кабозантиниб тежегіш (IC50 = 7,0 мкМ) болып табылады, бірақ MDCK-MDR1 жасушаларын пайдалана отырып, екі бағытты талдау жүйесіндегі Р-гликопротеиннің тасымалдау белсенділігінің субстраты емес. Осылайша, кабозантиниб қан плазмасындағы P-гликопротеин субстратымен бірге енгізілетін концентрациясын жоғарылату мүмкіндігіне ие болуы мүмкін. Пациенттерге кабозантиниб пен Р-гликопротеин субстраттарын (мысалы, фексофенадин, алискирен, амбрисентан, дабигатран этексилаты, дигоксин, колхицин, маравирок, позаконазол, ранолазин, саксаглиптин, ситаглиптин, талинолол, толваптан) бір мезгілде қолданған кезде ықтимал әсері туралы ескертілуі тиіс.

MRP2 тежегіштері

MRP2 тежегіштерін қабылдау қан плазмасындағы кабозантиниб концентрациясының жоғарылауына әкелуі мүмкін, осыған байланысты MRP2 тежегіштерімен (мысалы, циклоспорин, эфавиренз, эмтрицитабин) бір мезгілде қолданғанда сақ болу керек (4.5-бөлімді қараңыз).

Қосымша заттар

Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды.

Басқа дәрілік препараттармен өзара әрекеттесуі

CYP3A4 тежегіштері және индукторлары

Дені сау еріктілердің CYP3A4 кетоконазолдың күшті тежегішін (27 күн бойы күніне 400 мг) бір мезгілде қолдануы кабозантинибті бір рет енгізумен кабозантиниб клиренсін (29% - ға) төмендетіп, қан плазмасында кабозантиниб экспозициясын арттырды (AUC 38% - ға артты). CYP3A4 күшті тежегіштерін (мысалы, ритонавир, итраконазол, эритромицин, кларитромицин, грейпфрут шырыны) кабозантинибпен бір мезгілде қолданғанда сақ болу керек.

Дені сау еріктілердің күшті CYP3A4 рифампицин индукторын (31 күн бойы күн сайын 600 мг) бір мезгілде қолдануы кабозантинибті бір рет енгізумен кабозантиниб клиренсін (4,3 есе) арттырды және қан плазмасындағы кабозантиниб экспозициясын азайтты (AUC 77% - ға азайды). Кабозантинибпен күшті CYP3A4 индукторларын (мысалы, фенитоин, карбамазепин, рифампицин, фенобарбитал немесе құрамында шілтер жапырақты шайқурай бар өсімдік препараттары [Hypericum perforatum]) үнемі бірге қолданудан аулақ болу керек.

Асқазан сөлінің рН өзгертетін препараттар

Дені сау еріктілерде 100 мг кабозантинибтің бір реттік дозасымен эзомепразолдың протонды помпа тежегішін (6 күн бойы күніне 40 мг) бірге қолдану қан плазмасындағы кабозантиниб экспозициясына (AUC) клиникалық мәнді әсер етпеді. Асқазан сөлінің рН өзгертетін препараттарды (протонды помпаның тежегіштері, Н2-гистаминдік рецепторлардың антагонистері және антацидтер) кабозантинибпен бірге қолданғанда дозаны түзету талап етілмейді.

MRP2 тежегіштері

In vitro деректері кабозантинибтің MRP2 субстраты болып табылатынын көрсетеді. Сондықтан MRP2 тежегіштерін енгізу қан плазмасындағы кабозантиниб концентрациясының жоғарылауына әкелуі мүмкін.

Өт қышқылдарының секвестранттары

Холестирамин және колестагель сияқты өт қышқылдарының тұздарын байланыстыратын препараттар кабозантинибпен өзара әрекеттесуі және оның абсорбциясына (немесе реабсорбцияға) әсер етуі мүмкін, бұл қан плазмасындағы экспозицияның потенциалды төмендеуіне әкеледі. Бұл потенциалды өзара әрекеттесудің клиникалық маңызы белгісіз.

Кабозантинибтің басқа дәрілік препараттарға әсері

Кабозантинибтің гормоналды контрацептивтердің фармакокинетикасына әсері зерттелмеген. Контрацепцияның әсеріне толық кепілдік берілмейтіндіктен, бөгеттік әдіс сияқты контрацепцияның қосымша әдісін пайдалану ұсынылады.

Кабозантинибтің қан плазмасы ақуыздарымен елеулі байланысуына байланысты ақуыздармен байланысты ығыстыру механизміне негізделген варфаринмен өзара әрекеттесуі мүмкін. Оларды бір мезгілде қолданған жағдайда халықаралық қалыптасқан қатынастардың (ХҚҚ) мәнін бақылау керек.

Р-гликопротеин субстраттары

Кабозантиниб Р-гликопротеиннің тасымалдау белсенділігінің тежегіші (IC50 = 7,0 мкМ) болып табылады, бірақ Р-гликопротеиннің субстраты болып табылмайды. Осыған байланысты, кабозантиниб пен Р-гликопротеин субстраттарын бірге қолданғанда, кабозантиниб қан плазмасындағы соңғысының концентрациясын арттыруы мүмкін. Кабозантиниб қабылдайтын пациенттер Р-гликопротеиннің субстраттарымен (мысалы, фексофенадин, алискирен, амбрисентан, дабигатран этексилаты, дигоксин, колхицин, маравирок, позаконазол, ранолазин, саксаглиптин, ситаглиптин, талинолол, толваптан) бір мезгілде қолданған кезде ықтимал өзара әрекеттесу туралы ескертілуі тиіс.

Арнайы ескертулер

Бүйрек жеткіліксіздігі

Кабозантинибті жеңіл немесе ауырлығы орташа дәрежелі бүйрек жеткіліксіздігі бар пациенттерде сақтықпен қолдану керек. Бүйректің ауыр жеткіліксіздігі бар пациенттерде кабозантинибті қолдану ұсынылмайды, өйткені бұл популяцияда қауіпсіздік пен тиімділік анықталмаған.

Бауыр жеткіліксіздігі

Ауырлығы жеңіл дәрежедегі бауыр жеткіліксіздігі бар пациенттерде дозаны түзету талап етілмейді. Ауырлығы орташа дәрежедегі бауыр жеткіліксіздігі (Чайлд-Пью B) бар пациенттерде шектеулі деректер бар. Дозалау бойынша қандай да бір нақты ұсыныстар жоқ. Мұндай пациенттерде жалпы қауіпсіздікті мұқият мониторингілеу ұсынылады. Кабозантинибті бауырдың ауыр жеткіліксіздігі (Чайлд-Пью С) бар пациенттерде қолдану ұсынылмайды, өйткені мұндай пациенттерде клиникалық қолдану тәжірибесі жоқ.

Жүрек жеткіліксіздігі бар пациенттер

Жүрек жеткіліксіздігі бар пациенттерде шектеулі деректер бар. Дозалау бойынша қандай да бір нақты ұсыныстар жоқ.

Педиатрияда қолдану

18 жасқа дейінгі балалар мен жасөспірімдерде кабозантинибтің қауіпсіздігі мен тиімділігі анықталмаған. Деректер жоқ.

Жүктілік немесе лактация кезінде

Жүктілік

Жүкті әйелдерде кабозантинибті зерттеу жүргізілген жоқ. Жануарларды зерттеу эмбриофетальді және тератогендік әсерлерді көрсетті. Адам үшін потенциалды қауіп белгісіз. Кабозантинибті, егер әйелдің клиникалық жай-күйі кабозантинибпен емдеуді қажет етпесе жүктілік кезінде пайдаланбаған жөн.

Лактация

Кабозантинибтің және/немесе оның метаболиттерінің емшек сүтімен экскрециясының бар-жоғы белгісіз. Бала үшін потенциалды зиян келтіретіндіктен, кабозантинибпен емдеу кезінде және ем аяқталғаннан кейін кемінде 4 ай бойы емшек емізуді тоқтату керек.

Фертильділік

Фертильділікке әсері туралы деректер жоқ. Қауіпсіздік туралы клиникаға дейінгі мәліметтерге сүйене отырып, кабозантинибпен емдеу аясында ерлер мен әйелдердің фертильділігі бұзылуы мүмкін. Ерлер де, әйелдер де маманның кеңесіне жүгінуге және емдеу басталғанға дейін ұрпақ өрбіту функциясын сақтау туралы ойлануға кеңес беруі керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Кабозантиниб көлік құралдары мен механизмдерді басқару қабілетіне елеусіз әсер етеді. Шаршау және әлсіздік сияқты жағымсыз реакциялар кабозантинибпен байланысты болды. Сондықтан механизмдерді жүргізу немесе пайдалану кезінде сақ болу керек.

Қолдану жөніндегі нұсқаулар

Дозалау режимі

Кабометикс монотерапия ретінде

Бүйрек-жасушалық обыры және бауыр-жасушалық обыры бар пациенттер үшін Кабометикс препаратының ұсынылатын дозасы күніне бір рет 60 мг құрайды. Емнің клиникалық пайдасы сақталғанша немесе қолайсыз уыттылық дамығанға дейін емді жалғастыру керек.

Таралған бүйрек-жасушалық обырды емдеудің бірінші желісі ретінде ниволумабпен біріктірілімдегі Кабометикс

Кабометикс препаратының ұсынылатын дозасы әрбір 2 апта сайын 240 мг немесе әрбір 4 апта сайын 480 мг дозада вена ішіне енгізілетін ниволумабпен біріктірілімде күніне бір рет 40 мг құрайды. Кабометикс препаратымен емдеуді аурудың өршуіне дейін немесе қолайсыз уыттылықтың дамуына дейін жалғастыру керек. Ниволумабпен емдеу аурудың өршуіне дейін, қолайсыз уыттылықтың дамуына дейін немесе аурудың өршуінсіз пациенттерде 24 айға дейін жалғасуы тиіс

Емдеуді түзету

Жағымсыз реакциялардың дамуы кезінде емді уақытша тоқтату және/немесе Кабометикс препаратының дозасын төмендету қажет болуы мүмкін (1-кестені қараңыз). Дозаны азайту қажет болған кезде алдымен күніне 40 мг-ге дейін, содан кейін күніне 20 мг-ге дейін азайту ұсынылады. Кабометикс препаратын ниволумабпен біріктірілімде қабылдаған кезде Кабометикс препаратының дозасын алдымен күніне 20 мг-ге дейін, содан кейін күн ара 20 мг-ге дейін азайту ұсынылады (ниволумаб дәрілік препаратын медициналық қолдану жөніндегі нұсқаулықта емдеудің ұсынылған түзетуін қараңыз).

Емді уақытша тоқтату 3 немесе одан да жоғары ауырлық дәрежесіндегі жағымсыз реакциялар дамығанда немесе 2 дәрежедегі көтерімсіз уыттылық кезінде ұсынылады. Жағымсыз реакциялар тұрақты, ауыр немесе көтерімсіз болған жағдайда дозаны төмендету ұсынылады.

Егер пациент препаратты қабылдауды жіберіп алса, егер келесі дозаны қабылдауға дейін 12 сағаттан аз уақыт қалса, жіберіп алған доза қабылданбауы тиіс.

1-кесте Жағымсыз реакциялар дамыған жағдайда Кабометикс препаратының дозасына ұсынылатын түзету

Ескертпе: Уыттылық дәрежесі Ұлттық онкология институтының жағымсыз құбылыстарының жалпы терминологиялық критерийлеріне сәйкес келтірілген, 4 нұсқа.

Артық дозалану жағдайында қабылдануы қажеті шаралар

Кабозантинибпен артық дозалануды емдеуге арналған арнайы антидоты жоқ, артық дозаланудың ықтимал симптомдары анықталмаған.

Артық дозалануына күдік болған жағдайда, кабозантиниб қолдануды тоқтату және демеуші күтімді қамтамасыз ету керек. Метаболизмнің клиникалық-зертханалық параметрлері кез келген ықтимал өзгерістерді анықтау және бағалау үшін аптасына кемінде бір рет бақылануы тиіс. Артық дозаланумен байланысты көріністерде симптоматикалық ем жүргізу керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Кабозантиниб монотерапия ретінде

Өте жиі:

- анемия, тромбоцитопенияa

- гипотиреозc

- тәбеттің төмендеуі, гипомагниемияb, гипокалиемияb, гипоальбуминемияb

- дисгевзия, бас ауыру, бас айналу

- артериялық қысымның жоғарылауыe, қан кету*

- дисфония, диспноэ, жөтел

- диарея*, жүрек айнуы, құсу, стоматит, іш қату, іштің ауыруыd, диспепсия, іштің жоғарғы бөлігінің ауыруы

- алақан-табан синдромы (алақан-табан эритродизестезиясы), бөртпе

- аяқ-қолдың ауыруы

- әлсіздік, шырышты қабықтың қабынуы, астения, шеткері ісіну

- дене салмағының төмендеуі, қан плазмасындағы АЛТ және АСТ белсенділігінің жоғарылауы

Жиі:

- абсцесс

- нейтропенияa, лимфопенияa

- дегидратация, гипофосфатемияb, гипонатриемияb, гипокальциемияb, гиперкалиемияc, гипербилирубинемияc, гипергликемияc, гипогликемияb

- шеткері нейропатия (сенсорлықты қоса)

- құлақтағы шуыл

- терең веналар тромбозы, веналық тромбоз, артериялық тромбоз

- өкпе эмболиясы

- асқазан-ішек жолының тесілуі*, жыланкөз*, гастроэзофагеальді рефлюксті ауру, геморрой, ауыз қуысының ауыруы, ауыздың құрғауы, дисфагия, глоссодиния

- бауыр энцефалопатиясы*

- қышыну, алопеция, терінің құрғауы, акнеформалы дерматит, шаш түсінің өзгеруі, гиперкератоз

- бұлшықеттің түйілуі, буындардың ауыруы

- протеинурия

- қандағы сілтілі фосфатаза белсенділігінің жоғарылауы, гамма-глутамилтрансфераза белсенділігінің жоғарылауы, қандағы креатинин концентрациясының жоғарылауы, амилаза белсенділігінің жоғарылауы, липаза белсенділігінің жоғарылауы, қандағы холестерин концентрациясының жоғарылауыc, қандағы триглицеридтер концентрациясының жоғарылауыc

Жиі емес:

- құрысулар

- панкреатит

- холестаздық гепатит

- жақ сүйегі остеонекрозы

- жараның жазылуының асқынуыf

Белгісіз:

- ми қанайналымының бұзылуы;

- миокард инфарктісі;

- аневризмалар және артерияның қатпарлануы;

Тиісті жиілікті санаттауды алу үшін келесі терминдер біріктірілді:

a Гематологиялық параметрлердің төмендеуі: лимфопения және лимфоциттер санының төмендеуі; нейтропения және нейтрофилдер санының төмендеуі; тромбоцитопения және тромбоциттер санының төмендеуі.

b Төмен биохимиялық параметрлер: гипоальбуминемия және қандағы альбуминнің төмендеуі; гипокальциемия және қандағы кальцийдің төмендеуі; гипогликемия және қандағы глюкозаның төмендеуі; гипокалиемия және қандағы калийдің төмендеуі; гипомагнемия және қандағы магнийдің төмендеуі; гипонатриемия және қандағы натрийдің төмендеуі; гипофосфатемия және қандағы фосфаттардың төмендеуі.

с Жоғары биохимиялық параметрлер: қандағы холестериннің жоғарылауы және гиперхолестеринемия; гипербилирубинемия және қандағы билирубиннің жоғарылауы; гипергликемия және қандағы глюкозаның жоғарылауы; гипотиреоз және қандағы тиреотропты гормонның жоғарылауы; гиперкалиемия және қандағы калийдің жоғарылауы; қандағы триглицеридтердің жоғарылауы және гипертриглицеридемия.

d Іштің ауыруы, іштегі жайсыздық, іштің жоғарғы бөлігінің ауыруы және іштің төменгі бөлігінің ауыруы

e Артериялық қысымның жоғарылауы және қан қысымының жоғарылауы

f Тіндердің жазылуының бұзылуы және операциядан кейінгі жергілікті асқынулар

Кабозантиниб ниволумабпен біріктірілімде

Өте жиі:

- жоғарғы тыныс алу жолдарының инфекциясы;

- гипотиреоз, гипертиреоз;

- тәбеттің төмендеуі;

- дисгевзия, бас айналу, бас ауыру;

- артериялық қысымның жоғарылауы;

- дисфония, диспноэ, жөтел;

- диарея, құсу, жүрек айну, іш қату, стоматит, іштің ауыруы, диспепсия;

- алақан-табан синдромы (алақан-табан эритродизестезиясы), бөртпес, қышыну;

- қаңқа-бұлшықет ауыруыd, буындардың ауыруы, бұлшықет түйілуі;

- протеинурия;

- әлсіздік, қызба, ісіну;

- қан плазмасындағы АЛТ және АСТ белсенділігінің жоғарылауы, гипофосфатемия, гипокальциемия, гипомагниемия, гипонатриемия, гипергликемия, лимфопения, қандағы сілтілік фосфатаза белсенділігінің жоғарылауы, липаза белсенділігінің жоғарылауы, амилаза белсенділігінің жоғарылауы, тромбоцитопения, қандағы креатинин концентрациясының жоғарылауы, анемия, лейкопения, гиперкалиемия, нейтропения, гиперкальциемия, гипогликемия, гипокалиемия, жалпы билирубиннің жоғарылауы, гипермагниемия, гипернатриемия, дене салмағының төмендеуі

Жиі:

- пневмония;

- эозинофилия;

- аса жоғары сезімталдық (анафилаксиялық реакцияны қоса)

- бүйрек үсті безі қыртысының жеткіліксіздігі

- дегидратация;

- шеткері нейропатия;

- құлақтағы шуыл;

- көздің құрғауы, көрудің бұлыңғырлануы;

- жыпылықтағыш аритмия, тахикардия;

- тромбозa

- пневмонит, өкпе эмболиясы, мұрыннан қан кету, плевральді жалқық;

- колит, гастрит, ауыз қуысының ауыруы, ауыздың құрғауы, геморрой;

- гепатит;

- алопеция, терінің құрғауы, эритема, шаш түсінің өзгеруі;

- артрит;

- бүйрек жеткіліксіздігі, бүйректің жедел жеткіліксіздігі;

- ауыру, кеуденің ауыруы;

- қандағы холестерин концентрациясының жоғарылауы, қандағы триглицеридтер концентрациясының жоғарылауы

Жиі емес:

- инфузиямен байланысты аса жоғары сезімталдық реакциясы;

- гипофизит, тиреоидит;

- аутоиммунды энцефалит, Гийен - Барре синдромы, миастениялық синдром;

- увеит;

- миокардит;

- панкреатит, аш ішектің тесілуіb, глоссодиния;

- псориаз, есекжем;

- миопатия, жақ сүйегі остеонекрозы, жыланкөз;

- нефрит

3-кестеде ұсынылған жағымсыз реакциялардың жиілігі кабозантиниб емімен толық байланысты болмауы, сондай-ақ негізгі аурудың немесе біріктірілімде пайдаланылатын ниволумабтың үлесін қамтуы мүмкін.

а Тромбоз - бұл қақпалық венаның тромбозы, өкпе венасының тромбозы, өкпе тромбозы, қолқа тромбозы, артериялық тромбоз, терең веналар тромбозы, мықын венасының тромбозы, қуыс венасының тромбозы, веналық тромбоз, аяқ-қол веналарының тромбозы кіретін күрделі термин.

b Өлім жағдайлары туралы хабарланды

с Бөртпе - бұл дерматит, акнеформалы дерматит, буллезді дерматит, эксфолиативті бөртпе, эритематозды бөртпе, фолликулалық бөртпе, макулезды бөртпе, макуло-папулезді бөртпе, папулезді бөртпе, қышитын бөртпе және дәрі-дәрмектік бөртпе кіретін күрделі термин.

d Қаңқа-бұлшықет ауыруы - бұл арқадағы ауыруы, сүйек ауруы, кеудедегі қаңқа-бұлшықет ауруы, қаңқа-бұлшықет жайсыздығы, миалгия, мойын ауруы, аяқ-қолдың ауруы, омыртқаның ауруы кіретін күрделі термин.

e Зертханалық көрсеткіштердің жиілігі - дене салмағының төмендеуін, қандағы холестерин концентрациясының жоғарылауын және қандағы триглицеридтер концентрациясының жоғарылауын қоспағанда, зертханалық өлшеулер кезінде бастапқы деңгеймен салыстырғанда нашарлауы байқалған пациенттердің үлесін көрсетеді.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 таблетканың құрамында:

20 мг

белсенді зат – 25,34 мг кабозантиниб (S)-малаты 20 мг кабозантинибке шаққанда

қосымша заттар: микрокристалды целлюлоза (PH-102) 31,08 мг, сусыз лактоза (60М) 15,54 мг, гидроксипропилцеллюлоза (EXF) 2,400 мг, натрий кроскармеллозасы 4,800 мг, коллоидты (сусыз) кремнийдің қостотығы 0,2400 мг, магний стеараты 0,6000 мг, Опадрай® сары (03K92254) 3,200 мг.

40 мг

белсенді зат – 50,69 мг кабозантиниб (S)-малаты 40 мг кабозантинибке шаққанда

қосымша заттар: микрокристалды целлюлоза (РН-102) 62,16 мг, сусыз лактоза (60М) 31,07 мг, гидроксипропилцеллюлоза (EXF) 4,800 мг, натрий кроскармеллозасы 9,600 мг, коллоидты (сусыз) кремнийдің қостотығы 0,4800 мг, магний стеараты 1,200 мг, Опадрай® сары (03K92254) 6,400 мг.

60 мг

белсенді зат –76,03 мг кабозантиниб (S)-малаты 60 мг кабозантинибке шаққанда

қосымша заттар: микрокристалды целлюлоза (РН-102) 93,24 мг, сусыз лактоза (60М) 46,61 мг, гидроксипропилцеллюлоза (EXF) 7,200 мг, натрий кроскармеллозасы 14,40 мг, коллоидты (сусыз) кремнийдің қостотығы 0,7200 мг, магний стеараты 1,800 мг, Опадрай® сары (03K92254) 9,600 мг.

Опадрай® сары (03K92254) құрамы: гипромеллоза (НРМС) 2910, титанның қостотығы (Е171), триацетин, темірдің сары тотығы (Е172).

Сыртқы түрінің, иісінің, дәмінің сипаттамасы

Бір жағында «ХL» және екінші жағында «20» таңбасы бар, дөңгелек пішінді, сары түсті үлбірлі қабықпен қапталған таблеткалар (20 мг доза үшін).

Бір жағында «ХL» және екінші жағында «40» таңбасы бар, үшбұрышты пішінді, сары түсті үлбірлі қабықпен қапталған таблеткалар (40 мг доза үшін).

Бір жағында «ХL» және екінші жағында «60» таңбасы бар, сопақша пішінді, сары түсті үлбірлі қабықпен қапталған таблеткалар (60 мг доза үшін).

Шығарылу түрі және қаптамасы

Силикагельмен (әрқайсысы 1 г силикагельмен 3 контейнер) және полиэфир талшығымен бірге 30 таблеткадан тығыздығы жоғары полиэтиленнен жасалған құтыда. 1 құты медициналық қолдану жөніндегі қазақ және орыс тілдеріндегі нұсқаулығымен картон қорапшаға салынған.

3 жыл.

Жарамдылық мерзімі өткеннен кейін қолдануға болмайды.

25 С-ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы

Өндіруші туралы мәлімет

Патеон Инк.

2100 Синтекс Корт, Миссиссога, Онтарио, Канада L5N 7K9

Тел: +33158335000

Факс: +33158335003

www.ipsen.com

Тіркеу куәлігінің ұстаушысы

Ипсен Фарма

Жорж Горз жағалауы, 65, Булонь-Бийянкур, F-92100 Франция

Тел: +33158335000

Факс: +33158335003

www.ipsen.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Ипсен Фарма Қазақстан» ЖШС,

050040, Алматы қ., Байзақов к-сі, 280, т.е.15к,

Т/ф: +7 (727) 2646448

Тел: +7701 309 43 73

pharmacovigilance.kazakhstan@ipsen.com