Ирифрин БК

Ирифрин БК

Фенилэфрин

Көзге тамызатын дәрі 2,5 %

1 мл препараттың құрамында

белсенді зат – фенилэфрин гидрохлориді 25 мг,

қосымша заттар: динатрий эдетаты, гидроксипропилметилцеллюлоза Е-15, натрий метабисульфиті, сусыз лимон қышқылы, натрий цитраты дигидраты, инъекцияға арналған су.

Түссіз немесе сәл сарғыштау түсті ашық сары түсті мөлдір ерітінді.

Сезім мүшелері. Офтальмологиялық препараттар. Мидриатиктер. Симпатомиметиктер (глаукомаға қарсы препараттарды қоспағанда). Фенилэфрин.

АТХ коды S01FB01

Фармакокинетикасы

Фенилэфрин көз тіндеріне оңай өтеді, плазмадағы ең жоғарғы концентрациясына жергілікті қолданғаннан кейін 10-20 минутта жетеді. Фенилэфрин өзгермеген түрде (<20%) немесе белсенді емес метаболиттер түрінде несеппен шығарылады.

Фармакодинамикасы

Фенилэфрин – симпатомиметик. Айқын альфа-адренергиялық белсенділік иеленген. Офтальмологияда жергілікті қолданғанда көз қарашығының кеңеюін тудырады, көзіші сұйықтығының ағуын жақсартады және конъюнктива тамырларын тарылтады. Фенилэфрин постсинапстық альфа-адренорецепторларды айқын стимуляциялайтын әсер иеленген, жүректің бета-адренорецепторларына өте әлсіз әсер етеді.

Инстилляциядан кейін фенилэфрин көз қарашығының дилататорларын қысқартады, осынысымен 2 сағат бойы сақталатын мидриазды туындатады. Бір рет тамызғаннан кейін 10-60 минуттан соң көздің қарашығы кеңейеді. Фенилэфрин туындататын мидриаз циклоплегиямен қатар жүрмейді.

- диагностикалық немесе емдік емшаралар кезінде көз қарашығын кеңейту үшін

- ересектерде және балаларда аккомодация түйілуін (әдеттегі - шамадан тыс күш түсу және үдемелі алыстан нашар көруді емдеуде (кешенді ем құрамында)

Төменгі қабақты саусақпен ұстап, оны сәл төмен тартыңыз. Көз алмасы мен тартып тұрған төменгі қабақтың арасында пайда болған кеңістікке тамшы түсу үшін көзді жоғары төңкере отырып, құтыны сәл қысыңыз. Офтальмоскопия жүргізу кезінде Ирифрин БК 2,5% ерітіндісінің бір реттік инстилляциясы қолданылады. Әдетте мидриаз үшін конъюнктивалық қалтаға 2,5% Ирифрин БК ерітіндісінің 1 тамшысын енгізу жеткілікті. Қажет болған жағдайда 1 сағаттан кейін тек бір рет қайта инстилляция жасауға болады. Ең жоғарғы мидриазға 15-30 минутта қол жетеді және 1-3 сағат бойы сақталады. Әлсіз және орташа дәрежедегі миопиясы бар балаларда аккомодация түйілуінің (әдеттегі - шамадан тыс күш түсу) профилактикасы және емдеу үшін жоғары көру жүктемесі кезінде ұйқы алдында 4 апта бойы 1 тамшы Ирифрин БК кешке тамызылады. Препаратты қолдану ұзақтығы баланың көру жүктемесінің ұзақтығы мен қауырттылығына, сондай-ақ емдеу аясында аккомодация түйілуінің динамикасына байланысты өзгеруі мүмкін.

Жағымсыз әсерлер мынадай шартты белгілерге сәйкес жіктеледі: өте жиі (≥ 1/10), жиі (≥ 1/100, <1/10), жиі емес (≥ 1/1000, <1/100), сирек (≥ 1/10000, <1/1000), өте сирек (<1/10000), жиілігі белгісіз (қолда бар деректер бойынша бағалау мүмкін емес).

Жиілігі белгісіз:

- аллергиялық конъюнктивит, көздің ауыруы, көздің тітіркенуі, көзден жас ағудың күшеюі, конъюнктива гиперемиясы, көздің бұлыңғырлануы, фотофобия, жабық бұрышты глаукома, мөлдір қабықтың ісінуі, нүктелік кератит. Егде жастағы пациенттерде инстилляциядан кейін 40-45 минуттан соң көздің алдыңғы камерасының ылғалында мөлдір қабықтың пигментті қабықшасынан пигменттің бөлшектері табылуы мүмкін.

- жүректің қағуы, артериялық гипертензия, аритмия (оның ішінде тахикардия, брадикардия, қарыншалық аритмия, экстрасистолия), коронарлық артериоспазм, миокард инфарктісі

- периорбитальді бозару (шала туылған балаларда)

- әсер етуші затқа немесе кез келген қосымша заттарға жоғары сезімталдық

- жүрек аурулары, гипертония, аневризма, тиреотоксикоз, инсулинге тәуелді қант диабеті және тахикардиясы бар пациенттер

- моноаминоксидаза тежегіштерін, трициклді антидепрессанттарды және антигипертензивті препараттарды қабылдайтын пациенттер (бета-адреноблокаторларды қоса алғанда)

- жабық бұрышты және тар бұрышты глаукомасы бар пациенттер

- ауыр атеросклероздық, жүрек-қан тамырлары немесе цереброваскулярлық ауруы бар егде адамдар

- шала туған және жүрек-қантамыр аурулары бар балалар

Антигипертензивті препараттар

Фенилэфрин гипотензивті препараттармен бірге пайдаланылмауы тиіс, себебі болуы мүмкін жағымсыз салдарларымен олардың әсерін жоюы мүмкін.

Моноаминоксидаза тежегіштері

Бір мезгілде қолданғанда немесе МАОТ енгізгеннен кейін үш аптаға дейін адренергиялық реакциялардың жоғары қаупі бар.

Трициклді антидепресанттар

Үшциклді антидепресанттарды қабылдайтын (немесе оларды тоқтатқаннан кейін бірнеше күн ішінде) пациенттерде фенилэфринді қолданудан жүрек аритмиясының пайда болу қаупі және вазопрессорлық әсердің күшею мүмкіндігі бар.

Галотан

Фенилэфринді қарыншалар фибрилляциясының жоғары қаупіне байланысты анестетиктермен жалпы анестезия кезінде сақтықпен қолданған жөн, олар миокардтың симпатомиметиктерге сезімталдығын арттырады.

Жүрек гликозидтері немесе хинидин

Аритмияның даму қаупі жоғары.

Атропин және басқа мидриатиктер

Фенилэфриннің мидриаздық әсері оны атропинді жергілікті қолданумен біріктіріп пайдаланған кезде күшейеді.

Бета-блокаторлар

Бета-блокаторларды жүйелік қолданумен үйлестіріп фенилэфринді бірге пайдалану жедел артериялық гипертензияға әкелуі мүмкін.

Көздің қабынуы кезінде сақтықпен қолдану керек, өйткені гиперемия конъюнктив арқылы жүйелі сіңу жылдамдығын едәуір арттырады.

Егде жастағы адамдарда немесе симпатикалық иннервацияның бұзылулары (мысалы, инсулинге тәуелді қан диабеті бар пациенттерде), ортостаздық гипотензия, артериялық гипертензия, гипертиреозы бар науқастарда сақтықпен пайдаланған жөн.

Церебральді атеросклерозы немесе созылмалы бронх демікпесі бар пациенттерге сақтықпен пайдаланған жөн.

Тар бұрышты глаукома ұстамасы туындау қаупін азайту үшін пайдаланар алдында көздің алдыңғы камерасы бұрышына баға беру керек.

Балаларда сақтықпен қолдану қажет. Балаларда қалаған әсерге қол жеткізу үшін анағұрлым төмен дозаны пайдалану керек. Жүйелі жағымсыз әсерлері даму қаупін азайту үшін көздің ішкі бұрышындағы көз жасы қапшығы проекциясы аймағын тамызғаннан кейін 1 минут бойы саусақпен жеңіл басу ұсынылады.

Балалар қауымы

Тамшыны тамызғаннан кейін баланың қолын және бетін жуу керектігі және препаратты пероральді қабылдауды болдырмау қажеттігі туралы ата-аналарға ескерту қажет.

Жүктілік және лактация

Жүкті әйелдер мен бала емізетін аналарда пайдалану қауіпсіздігі жеткілікті зерттелмеген. Жүктілік кезінде және емшекпен емізу кезеңінде қолданылуы, егер ана үшін ықтимал пайдасы шарана мен балаға төнетін ықтимал қауіптен асып түсетін жағдайда ғана мүмкін болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты енгізгеннен кейін көрудің нашарлауы мүмкін, сондықтан автокөлікті жүргізуге және механизмді басқаруға кіріспес бұрын көрудің толығымен қалпына келуін күту ұсынылады.

Фенилэфринге ауыр уытты реакция тез басталатын және ұзақтығы қысқа болғандықтан, бірінші кезекте демеуші ем жүргізіледі. Фентоламин (2-5 мг дозасы в/і) сияқты тез әсер ететін альфа-адренергиялық бөгеуші агентті жылдам енгізу ұсынылады.

Шығарылу түрі және қаптамасы

Көзге тамызатын дәрі 2,5%

0.4 мл-ден бір реттік тамшылатқыш түбекте. Тамшылатқыш түбектің төменгі жағына штамп әдісімен LOT және EXP, серия нөмірі және жарамдылық мерзімі жазылады.

5 тамшылатқыш түбектен алюминий фольгадан жасалған пакетте. Алюминий фольгадан жасалған 3 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Жарықтан қорғалған жерде 25 °С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

СЕНТИСС ФАРМА Пвт. Лтд. , 212/Д-1, Грин Парк, Нью Дели, Үндістан

Зауытта: Виллидж Кхера Нихла, Техсил Налагарх, Солан ауданы, Химачал Прадеш 174 101, Үндістан

Тіркеу куәлігінің ұстаушысы

СЕНТИСС ФАРМА Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Sentiss Kazakhstan» (Сентисс Қазақстан) ЖШС, Қазақстан Республикасы, 050062, Алматы қ., Әуезов ауданы, Қабдолов к-сі 16, №1 корпус, «NGDEM» бизнес орталығы, 5-ші қабат, №505/3 ғимарат,

Тел./факс: +7 (7272) 76-83-57

Email: sentiss_kz@sentisspharma.com