ИРИТЕРО

ИРИТЕРО

Иринотекан

Дәрілік түрі, дозалануы

Инфузия үшін ерітінді дайындауға арналған концентрат, 40 мг/2 мл (2 мл) және 100 мл/5 мл (5 мл)

Антинеопластикалық және иммуномодуляциялайтын препараттар. Антинеопластикалық препараттар. Антинеопластикалық басқа препараттар. Иринотекан.

АТХ коды L01XX19

ИРИТЕРО препараты кең таралған колоректальді обыры бар пациенттерді емдеу үшін қолданылады:

- монотерапия режимінде 5 фторурацилді қамтыған емдеу режимінің тиімділігі болмаған пациенттерде

- кең таралған үдерісті емдеу үшін бұрын химиотерапия қабылдамаған пациенттерде 5 фторурацилмен және фолиний қышқылымен біріктірілімін

- цетуксимабпен біріктірілімі метастаздық колоректальді обыры, экспрессиялайтын эпидермальді өсу факторының рецепторы (ЭӨФР), KRAS генінің жабайы түрі бар, бұрын ем қабылдамаған пациенттерді емдеу үшін немесе иринотекан қамтылған цитоуытты емнің тиімсіздігінен кейін қолданылады.

- 5-фторурацилмен, фолиний қышқылымен және бевацизумабпен біріктірілімі тоқішектің немесе тікішектің метастаздық карциномасы бар пациенттерді емдегенде алғашқы желілі ем ретінде қолданылады

- капецитабинмен және бевацизумабпен біріктірілімі немесе соңғысы жоқ біріктірілімі тоқішектің немесе тікішектің метастаздық карциномасы бар пациенттерді емдегенде алғашқы желілі ем ретінде қолданылады.

Емдеуді бастағанға дейінгі қажетті мәліметтер тізімі

- ішектің созылмалы қабыну ауруы және/немесе ішек бітелісі

- иринотекан гидрохлориді тригидратына немесе препараттың қандай да болсын қосымша затына жоғары сезімталдық

- лактация кезеңі

- билирубиннің қалыпты жоғары шегінен 3 еседен артық концентрациясы

- сүйек кемігі функциясының ауыр жеткіліксіздігі

- жалпы жағдайына ДДҰ шкаласы бойынша берілген баға > 2 болғанда

- шілтерлі шайқурай препаратымен бір мезгілде қолдану

- иринотеканмен емдеу кезеңінде тірі немесе тірі аттенуирленген вакциналарды қолдану

- 18 жасқа дейінгі балалар мен жасөспірімдерге.

Қолдану кезіндегі қажетті сақтық шаралары

ИРИТЕРО препаратын қолдану цитоуытты химиотерапияны қолдануға мамандандырылған бөлімдермен шектелуі тиіс және оны ісікке қарсы химиотерапия жүргізу тәжірибесі бар дәрігердің бақылауымен ғана жүргізу қажет.

Басқа дәрілік препараттармен өзара әрекеттесуі

Бір мезгілде қолдануға болмайды

Сары қызбаға профилактика үшін вакцина: вакцинаға өліммен аяқталатын жайылған реакциялардың туындау қаупі бар.

Шайқурай: қан плазмасында иринотеканның белсенді SN-38 метаболиті концентрациясы төмендейді. Шағын фармакокинетикалық зерттеуде (n = 5) иринотеканның 350 мг/м² дозасын шілтерлі шайқурайдың (Hypericum perforatum) 900 мг дозасымен бір мезгілде қолданғанда қан плазмасында ирининотеканның белсенді SN-38 метаболитінің 42%-ға төмендегені білінді. Осыған байланысты шілтерлі шайқурайды иринотеканмен бір мезгілде қолданбау керек.

Тірі аттенуирленген вакциналар: вакцинаға өліммен аяқталатын жайылған реакциялар қаупі болуы мүмкін. Иринотеканмен емдеу кезінде және химиотерапияны тоқтатқаннан кейін 6 ай ішінде бір мезгілде қолдануға болмайды. Өлтірілген немесе белсенділігі жойылған вакциналар қолданылуы мүмкін, алайда мұндай вакциналарға жауап төмендеуі мүмкін.

Бір мезгілде қолдану ұсынылмайды

Иринотеканды P450 3A4 (CYP3A4) цитохромының күшті тежегіштерімен немесе индукторларымен бір мезгілде қабылдау иринотеканның метаболизмін өзгертуі мүмкін және оған жол бермеу керек.

CYP3A4 индукциялайтын дәрілік заттар және/немесе УДФ-ГТ1А1 (мысалы, рифампицин, карбамазепин, фенобарбитал немесе фенитоин): иринотекан, SN-38 және SN-38-глюкурониді белсенділігінің төмендеу және фармакодинамикалық әсерлерінің төмендеу қаупі бар. Бірнеше зерттеулер CYP3A4 индукциялайтын құрысуға қарсы дәрілік заттарды бір мезгілде қолдану иринотекан, SN-38 және SN-38-глюкурониді белсенділігінің төмендеуіне және фармакодинамикалық әсерлерінің төмендеуіне әкелетіндігін көрсетті. Құрысуға қарсы мұндай препараттардың әсері SN-38 және SN-38-глюкуронидінің AUC мәнінің 50%-ға немесе одан көбірекке төмендеуімен көрініс береді. CYP3A4 ферменттерінің индукциясымен қатар, глюкуронидацияның және өттің бөлініп шығуының жоғарылауы иринотекан және оның метаболиттері белсенділігінің төмендеуіне мүмкіндік береді.

Фенитоинмен бірге: цитоуытты заттардың әсерінен ас қорыту жолында фенитоин сіңуінің төмендеуі нәтижесінде құрысулардың өршу қаупі бар.

CYP3A4 күшті тежегіштері (мысалы, кетоконазол, итраконазол, вориконазол, позаконазол, протеаза тежегіштері, кларитромицин, эритромицин, телитромицин): зерттеу кетоконазолды біріктіріп енгізу, иринотеканның монотерапиясымен салыстырғанда, АРС-тің негізгі тотығу метаболитінің AUC мәнінің 87%-ға төмендеуіне және SN-38 үшін AUC мәнінің 109%-ға артуына әкелетіндігін көрсетті.

УДФ-ГТ1А1 тежегіштері (мысалы, атазанавир, кетоконазол, регорафениб): иринотеканның белсенді SN 38 метаболиті концентрациясының жоғарылау қаупі бар. Дәрігерлер осы дәрілік препараттарды бір мезгілде қолданғанда мұны ескеруі қажет.

CYP3A4 басқа да тежегіштері (мысалы, кризотиниб, иделалисиб): иринотекан метаболизмінің кризотинибпен немесе иделалисибпен төмендеуіне байланысты, иринотеканда уыттылықтың арту қаупі бар.

Бір мезгілде қолданғанда абайлау керек

К дәруменінің антагонистері: ісік ауруларында қан кетулер және тромбоздық құбылыстар қаупі жоғарылайды. К дәруменінің антагонистерін тағайындағанда ХҚҚ (халықаралық қалыптасқан қатынасқа) өте жиі мониторинг жүргізу қажет.

Бір мезгілде қолданғанда ескеру қажет

Иммунодепрессанттар (мысалы, циклоспорин, такролимус): лимфопролиферация қаупі бар елеулі иммуносупрессия болады.

Жүйке-бұлшықет блокаторлары: иринотеканның және жүйке-бұлшықетті блокадалайтын заттардың арасындағы өзара әрекеттесуді жоққа шығару мүмкін емес. Иринотеканның антихолинэстеразалық белсенділігі бар болғандықтан, антихолинэстеразалық белсенділігі бар препараттар суксаметонийдің жүйке-бұлшықетті блокадалайтын әсерін ұзартуы және деполяризацияланбайтын препараттардың жүйке-бұлшықет блокадасына қарсы әсер етуі мүмкін.

Басқа біріктірілімдері

5-фторурацил/фолиний қышқылы: біріктірілген ем сызбасында 5-фторурацилді/фолиний қышқылын бір мезгілде қолдану иринотеканның фармакокинетикасын өзгертпейді.

Бевацизумаб: дәрілік өзара әрекеттесулерді арнайы зерттеу нәтижелері иринотеканның және оның белсенді SN-38 метаболитінің фармакокинетикасына бевацизумабтың елеулі ықпалы жоқтығын көрсетті. Алайда бұл олардың фармакологиялық қасиеттеріне байланысты уыттылықтың жоғарылайтынын жоққа шығармайды.

Цетуксимаб: иринотеканның қауіпсіздік бейініне цетуксимабтың ықпалына немесе керісінше де ықпалына дәлелдер жоқ.

Арнайы ескертулер

Жағымсыз құбылыстардың сипаттамасына және даму жиілігіне назар аудара отырып, препаратты келесі жағдайларда, егер күтілетін пайдасы ықтимал емдік қаупінен басым болса ғана, тағайындайды:

- қауіп факторлары бар пациенттерде, әсіресе жалпы жағдайы ДДҰ = 2 сәйкес болатын пациенттерде.

- пациенттер жағымсыз құбылыстарды емдеуге қатысты нұсқауларды орындауға қабілетсіз деп саналатын кейбір сирек жағдайларда (кешеуілдеген диарея дамыған кезде сұйықтықтың көп мөлшерін қажет етумен бірге диареяны шұғыл және ұзақ емдеу қажеттілігінде). Мұндай пациенттер үшін стационар жағдайында қатаң бақылау жүргізу ұсынылады.

Препаратты монотерапия ретінде қолданғанда оны әдетте 3 аптада бір рет енгізу сызбасына сәйкес тағайындайды. Алайда өте мұқият бақылауды қажет ететін пациенттер үшін немесе нейтропенияның ерекше қаупі бар пациенттер үшін дәрілік препаратты апта сайын қолдану режимін қарастыруға болады.

Кешеуілдеген диарея

Пациенттерді препаратты қолданғаннан кейін 24 сағаттан кейін кештеу дамитын, сондай-ақ келесі циклді жүргізер алдында кез келген уақытта кешеуілдеген диарея қаупі туралы хабардар ету қажет. Монотерапияда сұйық нәжістің алғашқы жағдайы пайда болғанға дейінгі орташа уақыт инфузиядан кейін 5 күнді құрады. Пациенттерге оның туындағаны туралы дәрігерге тез хабарлау және тиісті емді дереу бастау қажет.

Диареяның даму қаупі жоғары пациенттер – бұл бұрын құрсақ қуысының ағзаларына сәулелік ем қабылдағандар, сондай-ақ бастапқы кезеңде гиперлейкоцитозы бар болған адамдар және жалпы жағдайы ДДҰ шкаласы бойынша ≥ 2 болғандар, сонымен қатар әйелдер. Тиісті емі болмаған жағдайда, әсіресе егер пациентте бір мезгілде нейтропения білінсе, диарея өмірге қауіп төндіруі мүмкін.

Сұйық нәжістің алғашқы белгілері кезінде пациент құрамында электролиттері бар ерітінділердің көп мөлшерін қолдануды бастауы тиіс, сондай-ақ диареяның тиісті емін дереу бастау қажет. Диареяның осы емін иринотекан қолданылған бөлімде тағайындайды. Ауруханадан шыққаннан кейін пациент, диарея туындаған жағдайда, оны дереу емдеуді бастауы үшін тағайындалған дәрілік препараттарды қабылдауы қажет. Бұдан басқа, олар өз дәрігеріне немесе оған иринотекан енгізетін бөлімге диареяның туындағаны туралы хабарлауы қажет.

Қазіргі таңда диареяға ұсынылған ем лоперамидтің жоғары дозаларынан тұрады (алғашқы қабылдау 4 мг, содан кейін әрбір 2 сағат сайын 2 мг). Осы емді соңғы сұйық нәжістен кейін алғашқы 12 сағат ішінде жалғастыру қажет және оны өзгертпеу керек. Салданған ішек бітелісінің даму қаупі бар болғандықтан, лоперамидтің мұндай дозасын ешбір жағдайда қатарынан 48 сағаттан астам, сондай-ақ 12 сағаттан азырақ уақыт ішінде қабылдауға болмайды.

Егер диарея ауыр нейтропениямен (нейтрофилдер саны < 500 жасуша/мм³) байланысты болса, диареяны емдеуден басқа әсері кең ауқымды антибиотиктерді профилактикалық қолдануды тағайындау қажет.

Антибиотиктермен емдеуге қосымша, келесі жағдайларда диареяны емдеу үшін ауруханаға жатқызу ұсынылады:

- қызбамен байланысты диарея

- ауыр диарея (вена ішіне сұйықтық енгізуді қажет етеді)

- лоперамидтің жоғары дозаларымен емдеуді бастағаннан кейін 48 сағаттан астам бойы сақталатын диарея.

Тіпті мұның алдындағы циклдерде кешеуілдеген диарея болған пациенттер де профилактика үшін лоперамидті қабылдауына болмайды.

Ауыр диареядан азап шегіп жүрген пациенттерде кейінгі циклдерде дозаны төмендету ұсынылады.

Қанды жалпы талдау

Иринотеканмен емдеу кезінде қанды жалпы талдаудың көрсеткіштеріне апта сайын мониторинг ұсынылады. Пациенттер нейтропенияның қаупі және қызбаның маңызы туралы білуі тиіс. Стационарда фебрильді нейтропенияны (температура > 38 °C және нейтрофилдер саны ≤ 1000 жасуша/мм³) әсер ету ауқымы кең антибиотиктерді вена ішіне енгізу жолымен шұғыл емдеу қажет.

Қан тарапынан ауыр құбылыстардан азап шегіп жүрген пациенттерде препаратты кейіннен қолданғанда дозаны төмендету ұсынылады.

Ауыр диареясы бар пациенттерде инфекциялардың және гематологиялық уыттылықтың даму қаупінің жоғары болатындығы байқалды. Диареясы ауыр пациенттерде қанға жалпы талдау жүргізу қажет.

Бауыр функциясының бұзылуы

Бастапқы кезеңде және әрбір циклді жүргізер алдында бауыр функциясының биохимиялық көрсеткіштеріне талдау жүргізу қажет.

Билирубин концентрациясы ҚЖШ-ден 1,5 - 3 есе жоғары пациенттерде иринотекан клиренсінің төмендеу себебінен, осы популяцияда гематоуыттылық қаупінің жоғарылауына әкелетін болғандықтан, апта сайын қанға жалпы талдау жасау қажет. Бұл билирубин концентрациясы > 3 ҚЖШ болатын пациенттерге де қатысты

Жүректің айнуы және құсу

Препаратты әрбір енгізу алдында құсуға қарсы дәрілермен профилактикалық ем ұсынылады. Жүректің айнуы және құсу жағдайларының жиілігі туралы мәлімделді. Кешеуілдеген диареямен байланысты құсу орын алған пациенттер бірізді емделу үшін мүмкіндігінше тезірек ауруханаға жатқызылуы тиіс.

Жедел холинергиялық синдром

Жедел холинергиялық синдром (ерте диарея ретінде анықталған және тершеңдік, іштің спазмы, миоз және сілекейдің шұбыруы сияқты басқа да әртүрлі белгілер және симптомдар) туындаған кезде, клиникалық қарсы көрсетілімдері жоқ болса, атропин сульфатын (тері астына 0,25 мг) енгізу қажет.

Кейде иринотеканды енгізу кезінде немесе енгізуден кейін көп ұзамай байқалатын бұл симптомдар иринотеканның бастапқы қосылысының антихолинэстеразалық белсенділігінен туындаған деп саналады, және олар иринотеканның өте жоғары дозаларында жиі туындайтын болады деп күтіледі.

Бронх демікпесі бар пациенттерде препаратты қолданған кезде сақтық таныту қажет. Жедел және ауыр холинергиялық синдромы бар пациенттерде атропин сульфатын профилактикалық қолдану кейіннен иринотеканды қолданумен бірге ұсынылады.

Тыныс алу жүйесі тарапынан бұзылулар

Иринотеканмен емдеу кезінде өкпелік инфильтрат түрінде берілген интерстициальді өкпе ауруының білінуі жиі емес. Өкпенің интерстициальді ауруы өліммен аяқталуы мүмкін. Өкпенің интерстициальді ауруының дамуымен байланысты болуы мүмкін қауіп факторлары пневмоуытты дәрілік препараттарды, сәулелік емді және колонияны стимуляциялайтын факторларды қамтиды. Иринотеканмен емдеуге дейін және емдеу кезінде тыныс алу жүйесі тарапынан симптомдардың туындауына қауіп факторлары бар пациенттерді мұқият бақылау қажет.

Экстравазация

Иринотекан теріні іріңдететін белгілі зат болып табылмайтындығына қарамастан, қан құйылуға жол бермеу үшін сақтық таныту қажет және инфузия жасалған жерде қабыну белгілерінің бар-жоқтығын анықтап байқау қажет. Экстравазация туындаған жағдайда сол жерді жуып шаю және мұз басу ұсынылады.

Егде жастағы пациенттер

Егде жастағы пациенттерде биологиялық функциялардың, әсіресе бауыр функциясының төмендеу жағдайлары жиілігінің өте жоғары болуы себебінен, осы популяцияда иринотеканның дозасын таңдағанда сақ болу қажет.

Ішектің созылмалы қабыну аурулары және/немесе ішек бітелісі бар пациенттер

Пациенттер ішек бітелісі емделгенге дейін иринотеканмен ем алмауы тиіс.

Бүйрек функциясы бұзылған пациенттер

Сарысулық креатинин немесе қан мочевинасы азоты мөлшерінің артқаны байқалады. Бүйрек функциясының жедел жеткіліксіздігі туралы мәлімделді. Бұл жайттарды әдетте инфекциялардың асқынуларымен немесе жүректің айнуы, құсу немесе диарея нәтижесінде болған сусызданумен байланыстырады. Сондай-ақ ісік лизисінің синдромына байланысты бүйрек дисфункциясының сирек жағдайлары туралы да мәлімделді.

Осы популяцияға зерттеулер жүргізілген жоқ.

Сәулелік ем

Бұрын құрсақ қуысының/кіші жамбастың ағзаларына сәулелік ем қабылдаған пациенттер иринотеканды енгізгеннен кейін миелосупрессияның жоғары қаупіне ұшырайды. Дәрігерлер бұдан бұрын ауқымды сәулелік ем қабылдаған (мысалы, сәулелендірілген сүйек кемігі >25% және иринотеканмен емдеуді бастағанға дейін 6 апта ішінде) пациенттерді емдеген кезде сақ болуы тиіс. Тұрғындардың осы тобында дозаны түзету қолданылуы мүмкін.

Жүрек тарапынан бұзылулар

Иринотеканмен емдеуден кейін, негізінен, жүректің негізгі ауруы, жүрек аурулары дамуының басқа да белгілі факторлары бар немесе мұның алдында цитоуытты химиотерапия алған пациенттерде миокард ишемиясының жағдайлары байқалды.

Демек, белгілі қауіп факторлары бар пациенттерді мұқият бақылау қажет, сондай-ақ өзгертетін барлық қауіп факторларын (мысалы, темекі тарту, артериялық гипертензия және гиперлипидемия) барынша ең азға төмендету шараларын қолдану керек.

Қантамырлық бұзылыстар

Иринотекан негізгі жаңа түзілімге қосымша көптеген қауіп факторлары бар пациенттерде тромбоэмболиялық құбылыстармен (өкпе артерияларының тромбоэмболиясы, веналық тромбоз және артериялық тромбоэмболия) сирек байланыстырылды.

Иммунодепрессанттардың әсерлері / инфекцияларға жоғары сезімталдық

Иринотеканды қоса, химиотерапиялық заттарды қолдану нәтижесінде иммунитеті төмендеген пациенттерде тірі немесе тірі аттенуирленген вакциналарды қолдану ауыр инфекциялардың немесе өліммен аяқталатын инфекциялардың дамуына әкелуі мүмкін. Иринотекан қабылдап жүрген пациенттерді тірі вакциналармен вакцинациялауға жол бермеу керек. Өлтірілген немесе белсенділігі жойылған вакциналарды қолдануға болады, алайда мұндай вакциналарға жауап төмендеуі мүмкін.

Қосымша заттар

Осы дәрілік препараттың құрамында сорбитол бар болғандықтан, оны тұқым қуалайтын фруктоза жақпаушылық қиындықтары бар пациенттерге қолданбау керек.

Басқалары

Диареямен және/немесе құсумен, немесе сепсиспен байланысты сусыздану көріністері бар пациенттерде бүйрек функциясының жеткіліксіздігі, артериялық гипотензия немесе қан айналымының жеткіліксіздігі жағдайларының білінуі жиі емес.

Емдеуді тоқтатқаннан кейін, ең кемінде, 3 ай бойы контрацепция шараларын қолдану қажет.

Педиатрияда қолданылуы

Препаратты 18 жасқа дейінгі балаларға қолдануға болмайды.

Жүктілік немесе лактация кезінде

Жүкті әйелдерде иринотеканды қолдану туралы деректер жоқ немесе шектеулі.

Тікелей қажетті жағдайларды қоспағанда, жүктілік кезінде иринотеканды қолданбау керек. Әрбір жекелеген жағдайда емдеудің және шарана үшін потенциалды қауіптің артықшылықтарын екшеу қажет.

Иринотеканның адамда емшек сүтіне өтетіндігі-өтпейтіндігі белгісіз. Демек, емшек еміп жүрген балаларда жағымсыз реакциялардың дамуы мүмкін болғандықтан, емшек емізу кезеңінде иринотеканды қолдануға болмайды.

Еркектерде және әйелдерде контрацепция

Бала туатын жастағы әйелдер және еркектер емделу кезінде және емделуден кейін 1-3 ай ішінде тиімді контрацепцияны пайдалануы тиіс.

Көлік құралдарын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Пациенттерге иринотеканды қолданғаннан кейін 24 сағат ішінде туындауы мүмкін бас айналу немесе көрудің бұзылулары туралы алдын ала ескерту және осы симптомдар туындаған кезде көлік жүргізу немесе механизмдермен жұмыс жасауды тоқтата тұруға кеңес беру қажет.

Қолдану жөніндегі нұсқаулар

Тек ересек пациенттерге ғана арналған.

Дозалау режимі

Монотерапия ретінде (бұрын ем қабылдаған пациенттер үшін):

Препараттың ұсынылатын дозасы әрбір 3 апта сайын 30-дан 90 минутқа дейін вена ішіне енгізілетін 350 мг/м² құрайды.

Біріктірілген ем ретінде (бұрын ем қабылдамаған пациенттер үшін):

Иринотеканның 5 фторурацилмен (5 ФУ) және фолиний қышқылымен (ФК) біріктірілімінің қауіпсіздігіне және тиімділігіне келесі сызба бойынша баға берілді.

Екі аптада бір рет иринотекан плюс 5 ФУ/ФК:

Иринотеканнің ұсынылатын дозасы екі аптада бір рет 30-дан 90 минутқа дейін вена ішіне инфузия ретінде, кейіннен фолиний қышқылымен және 5 фторурацилмен инфузияға ұласатын 180 мг/м² құрайды. Иринотеканмен бір мезгілде қолданған кездегі цетуксимабтың қолдану тәсілін және дозасын осы дәрілік препараттың қолданылуы жөніндегі нұсқаулықтан қараңыз. Әдеттегідей, құрамында иринотекан бар мұның алдындағы режимнің соңғы циклдеріндегі сияқты, сондай дозадағы иринотеканды пайдаланады. Иринотеканды цетуксимабтың инфузиясын аяқтағаннан кейін 1 сағаттан ерте енгізуге болмайды.

Бевацизумабты қолдану тәсілі және дозалары бевацизумабтың қолданылуы жөніндегі нұсқаулықтағы препараттың қысқаша сипаттамасында берілген.

Дозаны түзету

Иринотеканды барлық жағымсыз құбылыстар NCI-CTC (Ұлттық онкология институтының жалпы уыттылық критерийлері) шкаласы бойынша 0 немесе 1 көрсеткіштеріне дейін, сондай-ақ емдеумен байланысты диарея толық жойылғанға дейін тиісті түрде қайтқан соң қолдану керек.

Кейінгі инфузиялық емдеуді бастағанда иринотеканның және 5-ФУ-дің дозасы, егер бұл мүмкін болса, жағымсыз құбылыстардың инфузияға дейін байқалғандарға қарағанда үлкен дәрежесіне сәйкес, төмендетілуі тиіс. Емдеуді, пациенттер емдеумен байланысты жағымсыз құбылыстар қайтатындай болуы үшін, 1-2 апта кейінге қалдыру қажет.

Қолдануға болатын жерде келесі жағымсыз құбылыстар дамыған жағдайда иринотеканның және/немесе 5-ФУ-дің дозасын 15 – 20%-ға төмендету қажет:

- гематологиялық уыттылық (ауырлығы 4 дәрежедегі нейтропения), фебрильді нейтропения (ауырлығы 3 - 4 дәрежедегі нейтропения және ауырлығы 2 – 4 дәрежедегі қызба), тромбоцитопения және лейкоцитопения (ауырлығы 4 дәрежедегі).

- гематологиялық емес уыттылық (ауырлығы 3 - 4 дәрежедегі).

Иринотеканмен біріктіріп қолданғанда цетуксимабтың дозасын өзгерту жөніндегі нұсқауларды осы дәрілік препараттың қолданылуы жөніндегі нұсқаулыққа сәйкес орындау қажет.

Иринотеканмен/5ФУ/ФК-мен біріктіріп қолданған кезде бевацизумабтың дозасын өзгерту бевацизумаб дәрілік препаратының қысқаша сипаттамасында берілген.

65 жастағы немесе одан үлкен пациенттер үшін капецитабинмен біріктіргенде, капецитабин препаратының қысқаша сипаттамасына сәйкес, капецитабиннің бастапқы дозасын күніне екі рет 800 мг /м2 дейін азайту ұсынылады. Капецитабиннің қысқаша сипаттамасында берілген біріктірілген ем кезінде дозаны өзгерту жөніндегі нұсқауларды орындау қажет.

Пациенттердің ерекше топтары

Бауыр функциясы бұзылған пациенттер

Монотерапия ретінде:

Иринотеканның бастапқы дозасын ДДҰ бойынша жалпы жағдайының көрсеткіші ≤ 2 болатын пациенттерде қандағы билирубин деңгейлеріне (қалыптың жоғары шегінен (ҚЖШ) 3 есе жоғары) сәйкес тағайындау қажет. Гипербилирубинемиясы бар және протромбин уақыты 50%-дан көбірек болатын осы пациенттерде иринотеканның клиренсі төмен, сондықтан гематоуыттылық қаупі жоғарылайды. Сондықтан пациенттердің осы тобында қанның барлық көрсеткіштеріне апта сайын мониторинг жүргізу қажет.

Билирубин концентрациясы ҚЖШ-ден 1,5 есе артық болатын пациенттерде иринотеканның ұсынылатын дозасы 350 мг/м² құрайды.

Билирубин концентрациясы ҚЖШ-ден 1,5 - 3 есе артық болатын пациенттерде иринотеканның ұсынылатын дозасы 200 мг/м² құрайды.

Билирубин концентрациясы ҚЖШ-ден 3 еседен көбірек болатын пациенттерде иринотеканды қолдану ұсынылмайды.

Біріктірілген ем құрамында:

Иринотеканды басқа препараттармен біріктіріп ем қабылдамаған, бауыр функциясының бұзылуы бар пациенттерде препаратты қолдану туралы деректер жоқ.

Бүйрек функциясы бұзылған пациенттер

Бүйрек функциясы бұзылған пациенттерге иринотеканды қолдану ұсынылмайды, өйткені пациенттердің осы тобының қатысуымен зерттеулер жүргізілген жоқ.

Егде жастағы пациенттер

Егде жастағы адамдардың қатысуымен спецификалық фармакокинетикалық зерттеулер жүргізілген жоқ. Алайда осы популяцияда биологиялық функциялардың төмендеу жиілігі үлкен болғандықтан, дозаны мұқият таңдау қажет. Осы популяция өте қарқынды бақылауды қажет етуі мүмкін.

Енгізу әдісі және жолы

Препаратты сұйылтқаннан кейін инфузияға арналған ерітіндіні шеткері немесе орталық венаға енгізеді.

Емдеу ұзақтығы

Емдеуді аурудың объективті үдеуі немесе қолайсыз уыттылық білінбегенге дейін жалғастыру қажет.

Артық дозаланған жағдайда қабылдау қажет шаралар

Симптомдары: ұсынылған емдік дозадан шамамен 2 есе асатын дозалармен артық дозалану жағдайлары тіркелді, олар өліммен аяқталуы мүмкін. Өте елеулі тіркелген жағымсыз реакциялар ауыр нейтропения және ауыр диарея болды.

Емі: иринотекан үшін антидот белгісіз. Диарея әсерінен туындаған сусыздануды болдырмау үшін ең жоғары демеуші емді қамтамасыз ету және кез келген инфекциялық асқынуларды емдеп жазу қажет.

Дәрілік препаратты қолдану тәсілін түсіну үшін медицина қызметкерінен кеңес алуға бару жөніндегі нұсқаулар

Дәрілік препаратты қабылдамас бұрын кеңес алу үшін дәрігерге барыңыз.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы керек шаралар (қажеттілік болғанда)

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), немесе белгісіз (қолда бар деректер негізінде баға беру мүмкін емес).

Инфекциялар және инвазиялар

Жиі емес: сепсисті басынан кешірген пациенттерде бүйрек функциясының жеткіліксіздігі, артериялық гипотензия немесе жүрек-қантамыр функциясының жеткіліксіздігі білінді.

Белгісіз: зеңдік инфекциялар (мысалы, пневмоцистті пневмония, бронхөкпе аспергиллезі, жүйелік кандидоз). Вирустық инфекциялар (мысалы, herpes zoster, тұмау, В гепатитінің реактивациясы, цитомегаловирустық колит).

Қан және лимфалық жүйе тарапынан бұзылулар

Өте жиі: нейтропения (қайтымды және жинақталмайтын), біріктірілген ем жағдайында анемия, тромбоцитопения, монотерапия жағдайында инфекция көріністері

Жиі: фебрильді нейтропения, біріктірілген ем жағдайында инфекция көріністері, ауыр нейтропениямен байланысты инфекция көріністері, үш жағдайда өліммен аяқталатын, монотерапия жағдайында тромбоцитопения

Белгісіз: антитромбоцитарлық антиденелермен шеткері тромбоцитопенияның бір жағдайы тіркелді

Иммундық жүйе тарапынан бұзылулар

Жиі емес: ауырлығы жеңіл дәрежедегі аллергиялық реакциялар

Сирек: анафилаксиялық/анафилактоидтық реакциялар

Метаболизм және тамақтану тарапынан бұзылулар

Белгісіз: ісік лизисінің синдромы

Жүйке жүйесі тарапынан бұзылулар

Өте сирек: сөйлеудің транзиторлық бұзылулары

Жүрек тарапынан бұзылулар

Сирек: инфузия кезіндегі немесе инфузиядан кейінгі артериялық гипертензия

Тыныс алу жүйесі, кеуде қуысының ағзалары және көкірек ортасы тарапынан бұзылулар

Жиі емес: өкпенің инфильтраттары түрінде берілген өкпенің интерстициальді ауруының ентігу сияқты ерте әсерлері

Асқазан-ішектік бұзылулар

Өте жиі: кешеуілдеген ауыр диарея, монотерапия жағдайында жүректің қатты айнуы және құсу

Жиі: біріктірілген ем жағдайындағы жүректің айнуы және құсу, сусыздану көріністері (диареямен және/немесе құсумен байланысты), иринотеканмен және/немесе лоперамидпен байланысты іш қату

Жиі емес: жалған жарғақшалы колит (бір жағдай бактериологиялық тұрғыдан айғақталды: Clostridium difficile), бүйрек функциясының жеткіліксіздігі, артериялық гипотензия немесе диареямен және/немесе құсумен байланысты сусыздану салдарынан жүрек-қантамыр функциясының жеткіліксіздігі, ішек бітелісі, илеус, асқазан-ішектік қан кету

Сирек: тифлитті қоса колит, ишемиялық және ойық жаралы колит, ішектің тесілуі, анорексияны, іштің ауыруын және мукозитті қоса ауырлығы жеңіл дәрежедегі басқа да әсерлер, симптоматикалық немесе симптомсыз панкреатит

Бауыр және өт шығару жолдары тарапынан бұзылулар

Белгісіз: бауыр стеатозы, стеатогепатит

Тері және теріасты тіндері тарапынан бұзылулар

Өте жиі: алопеция (қайтымды)

Жиі емес: тері тарапынан ауырлығы жеңіл дәрежедегі реакциялар

Бұлшықет, қаңқа және дәнекер тіні тарапынан бұзылулар

Сирек: бұлшықеттің жиырылуы немесе құрысулар және парестезия сияқты ерте әсерлер

Жалпы бұзылулар және енгізген жерде реакциялар

Өте жиі: инфекция жоқ болған кездегі және монотерапия жағдайында қатар жүретін ауыр нейтропениясыз қызба

Жиі: инфекция жоқ болған кездегі және біріктірілген ем жағдайында қатар жүретін ауыр нейтропениясыз қызба, ауыр транзиторлық жедел холинергиялық синдром (негізгі симптомдар ерте диарея ретінде және іштің ауыруы, конъюнктивит, ринит, артериялық гипотензия, қантамырлардың кеңеюі, тершеңдік, қалтырау, дімкәстік, бас айналу, көрудің бұзылулары, миоз, көзден жас ағу және сілекейдің шұбыруы сияқты басқа да әртүрлі симптомдар анықталды), астения

Жиі емес: енгізген жердегі реакциялар

Зертханалық және аспаптық деректер

Өте жиі: біріктірілген емде бауыр метастаздары жоқ болған кезде қан сарысуындағы сарысулық трансаминазаның, сілтілік фосфатазаның немесе билирубиннің уақытша (ауырлығы 1 немесе 2 дәрежедегі) концентрациялары білінді

Жиі: монотерапияда бауырдың үдемелі метастаздары жоқ болған кезде қан сарысуында ауырлығы жеңіл немесе орташа дәрежедегі сарысулық трансаминаза, сілтілік фосфатаза немесе билирубин концентрацияларының өткінші жоғарылауы білінді, біріктірілген емде қан саырсуында ауырлығы 3 дәрежедегі билирубиннің транзиторлық концентрациясы, креатинин концентрациясының ауырлығы жеңіл немесе орташа дәрежедегі транзиторлық жоғарылауы білінді

Сирек: гипокалиемия және гипонатриемия

Өте сирек: амилаза және/немесе липаза деңгейлерінің жоғарылауы

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметттер

Дәрілік препараттың құрамы

Бір мл препараттың құрамында

белсенді зат – иринотекан гидрохлориді тригидраты - 20.0 мг,

қосымша заттар – сорбитол, сүт қышқылы, натрий гидроксиді, хлорсутек қышқылы, инъекцияға арналған су.

Сыртқы түрінің, иісінің, дәмінің сипаттамасы

Мөлдір, ақшыл-сары түсті сулы ерітінді.

Шығарылу түрі және қаптамасы

2 мл (40 мг/2 мл концентрациясы үшін) және 5 мл (100 мг/5 мл концентрациясы үшін) препараттан силиконизация 2 деңгейіндегі, диаметрі 13 мм (І тип) сұр бромбутил резеңке тығынмен тығындалған, диаметрі 13 мм «flip-off» типті алтын-сары түсті (40 мг/2 мл концентрациясы үшін) немесе қызыл-қызыл сары түсті (100 мг/5 мл концентрациясы үшін) жұлып алынатын жапсырмасы бар алюминий қалпақшамен қаусырылған, мойнының диаметрі 13 мм, сыйымдылығы 5 мл, қоңыр шыныдан (І тип) жасалған түтік тәрізді құтыларда.

1 құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

HETERO LABS LIMITED

Polepally village, Jadcherla Mandal, Mahaboob Nagar District – 509301, Telengana, Үндістан

тел.: +914023704923/24/25

E-mail: contact@heterodrugs.com

Қаптаушы ұйымның атауы және елі

"МЕДСЕРВИС ПЛЮС" Қазақ фармацевтикалық компаниясы" ЖШС

ҚР, Алматы обл., Карасай ауданы, Абай ауылы,

Алтын Орда к-сі, уч. 27/2

тел: +7 (727) 3890560 (ішкі 181), +7 771 191 2099 (ұялы)

e-mail: info@medservice.kz

Тіркеу куәлігінің ұстаушысы

«CAMBER PHARMA (КАМБЕР ФАРМА)» ЖШС

Қазақстан Республикасы

050059, Алматы қ., Әл-Фараби даңғ., 13

тел.: +77273115362

факс: +77273115362

E-mail: regulatory-pvg.kz@camberglobal.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«CAMBER PHARMA (КАМБЕР ФАРМА)» ЖШС

Қазақстан Республикасы

050059, Алматы қ., Әл-Фараби даңғ., 13

тел.: +77273115362

факс: +77273115362

E-mail: regulatory-pvg.kz@camberglobal.com