Ионофол
Инструкция
-
русский
-
қазақша
Саудалық атауы
Халықаралық патенттелмеген атауы
Офлоксацин
Дәрілік түрі
Үлбірлі қабықпен қапталған 200 мг таблеткалар
Құрамы
Бір таблетканың құрамында:
белсенді зат - 200 мг офлоксацин
қосымша заттар: натрий кроскармеллозасы, повидон, лактоза моногидраты, микрокристалды целлюлоза , магний стеараты,
қабығы: Опадри Y-1-7000* [гидроксипропилметилцеллюлоза, макрогол 400, титанның қостотығы (Е171)], полиэтиленгликоль (PEG) 6000.
Сипаттамасы
Дөңгелек пішінді, беті дөңес, үлбірлі қабықпен қапталған ақ түсті таблеткалар.
Фармакотерапиялық тобы
Микробтарға қарсы препараттар - хинолон туындылары. Фторхинолондар.
АТЖ коды J01МА01
Фармакологиялық қасиеттері
Фармакокинетикасы
Ионофол ішу арқылы қабылдаудан кейін асқазан - ішек жолынан жылдам және толық дерлік (95% астам) сіңеді. Тамақ сіңу жылдамдығын баяулатуы мүмкін, бірақ биожетімділігіне айтарлықтай ықпал етпейді. 400 мг қабылдаған кезде биожетімділігі 100% құрайды және плазмадағы ең жоғарғы концентрация (3– 4 мкг/мл) шегіне 1-2 сағаттан соң жетеді. Плазма ақуыздарымен 25% байланысады. Офлоксацин организм сұйықтықтарына кеңінен таралады, оның ішінде жұлын сұйықтығына және тіндерге жақсы енеді. Салыстырмалы жоғары концентрациясына өтте жетеді. Плацента арқылы өтеді және емшек сүтімен шығарылады. Жартылай шығарылу кезеңі 5 - тен 8- сағатқа дейін ауытқиды, бүйрек жеткіліксіздігі кезінде бүйрек қызметі бұзылуының дәрежесіне байланысты 15 - тен 60 сағатқа дейін созылады. Офлоксациннің 75-80% өзгермеген түрде өзекше сөлінісі және гломерулярлы фильтрация арқылы бүйрекпен 24-48 сағат ішінде шығарылады, 5% төмені метаболиттер түрінде бөлініп шығады. Офлоксациннің 4-8% ішек арқылы шығарылады. Бауыры ауыр зақымданған емделушілерде офлоксациннің шығарылуы баяулауы мүмкін. Офлоксациннің бүйректік клиренсі 173 мл/мин, жалпы клиренсі - препараттың дозасына тәуелсіз 214 мл/мин.
Препараттың 15-25% гемодиализ арқылы шығарылуы мүмкін, биологиялық жартылай ыдырау кезеңі гемодиализ кезінде 8-12 сағат. Перитонеальді диализ кезінде биологиялық жартылай ыдырау кезеңі - 22 сағатқа жуық.
Фармакодинамикасы
Ионофол бактерицидті әсерге ие, ДНК - гидразаның (топоизомераза) энзиматикалық белсенділігін тежейді, ол ДНК бактериялары репродукциясында маңызды компонент болып табылады.
Бета-лактамаза және жылдам өсетін атипиялық микобактериялар өндіретін микроорганизмдерге қатысты белсенді. Мыналарға сезімтал: Chlamydia spp., Citrobacter, Enterobacter spp., Escherichia coli, Gardnerella vaginalis, Haemophilus influenzae, Hafnia, Klebsiella spp. ( Klebsiella pneumonia қоса алғанда), Legionella spp., Neisseria meningitidis, Proteus spp. ( Proteus mirabilis қоса алғанда, Proteus vulgaris - индол оң және индол теріс штаммдар), Staphylococcus aureus, Staphylococcus epidermidis.
Препаратқа сезімталдылығы әртүрлі: Mycoplasma spр., Pseudomonas aeruginosa, Serratiо marcescens және Streptococcus spр. Bacteroides spр., Eubacterium spр., Fusobacterium spр., Peptococcus spр., және Peptostreptococcus spр сияқты анаэробты микроорганизмдер, әдетте офлоксацинге төзімді.
Мыналарға сезімтал емес: Treponema pallidum, Bacteroides spp., Eubacterium spp., Fusobacterium spp., Peptococcus spp., Peptostreptococcus spp.
Қолданылуы
- төменгі тыныс алу жолдарының жұқпасында
- жоғарғы және төменгі несепшығару жолдары жұқпасында
- созды емес цервицитте және уретритте
- асқынбаған созда
- тері және жұмсақ тіндер жұқпасында
Қолдану тәсілі және дозасы
Ионофол таблеткасын тамаққа дейін жарты немесе 1сағат бұрын шайнамай, бүтіндей, сумен ішіп қабылдайды.
Құрамында Mg, Al, Fe, Zn бар дәрілік заттар, антацидтерді офлоксацинді қабылдаудан бұрын, 2 сағаттан кешіктермей, немесе офлоксацинді қабылдағаннан кейін 2 сағаттан ерте емес қолдану керек.
Ионофолмен емдеу курсы жұқпаның түрі мен ауырлығына байланысты. Орташа емдеу курсы 5-10 күнді құрайды.
Бүйрек қызметі қалыпты ересек емделушілер
Әдеттегі офлоксациннің жекелей дозасы тәулігіне 200 мг-нан 400 мг-ға дейінді құрайды. 400 мг дозаны тәулігіне бір рет, дұрысы таңертең, қабылдауға болады. Жоғары дозаларын екі қабылдауға бөлу керек (әр12 сағат сайын).
Созды емес цервицит және уретрит: күніне 400 мг бір реттік немесе екі қабылдауға бөлінген доза ретінде (200 мг тәулігіне 2 рет ).
Асқынбаған соз: 400 мг тәулігіне бір рет.
Төменгі несеп шығару жолдары жұқпасы: күніне 200 мг- нан 400 мг- ға дейін.
Жоғарғы несеп шығару жолдары жұқпасы: күніне 200 мг- нан 400 мг- ға дейін, қажет болса дозасын тәулігіне 800 мг – ға дейін арттыруға болады (400 мг күніне екі рет).
Төменгі тыныс алу жолдарының жұқпасы: 400 мг күніне бір рет немесе екі қабылдауға бөлінетін доза, қажет болса дозасын тәулігіне 800 мг – ға дейін арттыруға болады.
Тері және жұмсақ тіндер жұқпасы: 400 мг күніне екі рет.
Бүйрек қызметі бұзылған емделушілер
- креатинин клиренсі 50 мл/мин жоғары: дозасын түзету қажет емес.
- креатинин клиренсі 20 – 50 мл/мин: дозасын жартысына дейін азайту қажет, тәулігіне 100 мг-нан 200 мг-ға дейін.
- креатинин клиренсі 20 мл/мин төмен: әр 24 сағат сайын 100 мг-нан.
-гемодиализ/перитонеальді диализ: диализдегі емделушілер әр 24 сағат сайын 100 мг дозаны қабылдау керек.
Бауыр қызметінің ауыр жеткіліксіздігі бар емделушілер: ең жоғарғы тәуліктік дозасы 400 мг/тәул. аспауы керек.
Егде жастағылар: бүйрек қызметі қалыпты жағдайда дозаны түзету қажет емес.
Жағымсыз әсерлері
- тахикардия, АҚ жоғарылауы немесе төмендеуі, жүрек жеткіліксіздігі
- бас ауыруы, бас айналуы, сенімсіз қимыл-қозғалыс, діріл, ұю сезімі, парестезия/гипеpeстезия, ұйқының бұзылуы, ұйқысыздық, түнгі шым- шытырық, үрейлену сезімі, сананың шатасуы, депрессия, бұлшықет координациясының бұзылуы, елестеулер, психоздық реакциялар, экстрапирамидті симптомдар, невропатия, жалпы дімкәстану, фобия, бас сүйекішілік қысымның жоғарылауы.
- ауыздың кеберсуі, тәбеттің жоғалуы, фарингит, жүрек айнуы, құсу, диарея (геморрагиялық болуы мүмкін), асқазанның ауыруы, жалған жарғақшалы энтероколит, бауыр трансаминазалары белсенділігінің жоғарылауы, гипербиллирубинемия, холестатикалық сарғаю, гепатит, бауыр қызметінің ауыр бұзылулары (сирек)
- анемия (гемолитикалық анемия болуы мүмкін), сүйек кемігі қызметінің бәсеңдеуімен байланысты нейтропения, лейкопения, тромбоцитопения, панцитопения
- тері бөртпесі, қышыну, есекжем, Квинке ісінуі, аллергиялық пневмонит, фотосенсибилизация, мультиформалы экссудативті эритема, Лайелл синдромы, Стивенс - Джонсон синдромы, кейіннен терінің некрозды зақымдануы болатын васкулит (сирек), ангионевротикалық ісіну, ентікпе, эозинофилия, қызба, анафилактикалық шок, әйелдерде сыртқы жыныс мүшелерінің қышынуы, нүктелік қанталау (петехиялар), буллезді геморрагиялық дерматит, қабыршақты папулезді бөртпе
- гипогликемия, гипергликемия, порфирия ұстамалары
- буын және бұлшықет ауыруы, бұл жеке жағдайларда рабдомиолиз симптомдары болуы мүмкін, сіңірдің ауыруы, оның ішінде ахилл сіңірінің қабынуы мен үзілуі, тендосиновит
- қан сарысуында креатинин деңгейінің жоғарылауы және жедел интерстициальді нефрит, бүйректің жедел жеткіліксіздігінің өршуі, дизурия, несептің іркілуі
- есту қабілетінің, дәм сезудің, иіс сезудің, түрлі түстерді қабылдау сезімінің бұзылуы, диплопия
- ішек дисбактериозы, асқын жұқпа , вагинит
- пневмонит, кеуденің ауыруы, мұрыннан қан кету
- шөлдеу, дене салмағының төмендеуі
Қолдануға болмайтын жағдайлар
- хинолондарға немесе препараттың кез келген қосымша заттарына жоғары сезімталдықта
- сыртартқысында тендинит болған емделушілерге
- сыртартқысында эпилепсия немесе құрысу шегі төмендегенде
- глюкозо-6-фосфатдегидрогеназаның жасырын немесе нақты тапшылығында
-жүктілік және лактация кезеңі
- балаларға және 18 жасқа дейінгі жасөспірімдерге ( шеміршек буындардың аяқталмаған өсуіне зиян келтіру қаупі)
- тұқым қуалайтын лактоза жақпаушылығы, Lapp-лактаза ферменті тапшылығы, глюкоза/галактоза мальабсорбциясы
Сақтықпен:
Ми қантамырларының атеросклерозы, ми қан айналымының бұзылуы (сыртартқысында), СБЖ, бауыр жеткіліксіздігі, ОЖЖ органикалық аурулары, құрысу реакцияларына бейімділік, миастения, бауыр порфириясы, қант диабеті, Q-T аралығының туа біткен ұзару синдромы, жүрек аурулары (жүрек жеткіліксіздігі,миокард инфарктісі , брадикардия), психоздар және сыртартқысында басқа да психикалық бұзылыстар; Q-T аралығын ұзартушы ДЗ бір мезгілде қабылдау (IА и III класты антиаритмиялық, үшциклді және тетрациклді антидепрессанттар, нейролептиктер, макролидтер, зеңге қарсы, имидазол туындылары, кейбір антигистаминдер, оның ішінде астемизол, терфенадин, эбастин), барбитураттар тобының жалпы анестезияға арналған ДЗ, АҚ төмендететін ДЗ.
Дәрілермен өзара әрекеттесуі
Антацидтер, құрамында Mg, Al, Fe, Zn бар дәрілік заттар офлоксацин сіңуін төмендетеді.
Антикоагулянттар: Офлоксацин кейіннен болатын қан кету уақытын ұзартумен варфариннің немесе оның туындыларының антикоагулянт әсерін барынша арттыруы мүмкін.
Қатарлас ем қажет болса протромбиндік уақытты бақылау керек, ал препараттың дозалануы түзетілуі тиіс.
Циметидин: циметидин бүйректің өзекшелік сөлінісін бөгейтін болғандықтан, хинолондардың жоғарғы дозаларын бір мезгілде тағайындау хинолондардың шығарылуының төмендеуіне және олардың сарысудағы концентрациясының жоғарылауына әкелуі мүмкін. Бұл бүйректің өзекшелік сөлінісін бөгейтін басқа да дәрілік заттарды бір мезгілде тағайындағанда да болуы мүмкін (мысалы, фуросемид, метотрексат, пробенецид). Глибенкламид: офлоксацинмен параллельді тағайындау, қан сарысуында глибенкламидтің концентрациясының артуына апаруы мүмкін.
Қабынуға қарсы стероидты емес дәрілер : кейбір ҚҚСЕД эпилептикалық ұстамалар шегінің әрі қарай төмендеуін туындатуы мүмкін.
Теофиллин: теофиллинді және мидың құрысуға дайындық шегін төмендететін басқа препараттарды параллельді тағайындағанда, құрысуға дайындық шегінің айқын төмендеуі мүмкін.
ҚҚСЕД, нитромидазол туындыларымен және метиксантиндермен тағайындағанда, құрысуды қоса алғанда, нейролептикалық әсердің даму қаупі жоғарылайды.
ГКС –мен бір мезгілде тағайындағанда, әсіресе егде жастағы адамдарда сіңірдің үзілу қаупі артады.
Несепті сілтілендіретін ДЗ ( карбоангидраза тежегіштері , цитраттар, натрий гидрокарбонаты) тағайындағанда, кристаллурия және нефроуытты әсерлер қаупі жоғарылайды.
Гипогликемиялық дәрілермен бір мезгілде тағайындағанда гипо- сияқты, және гипергликемия да болуы мүмкін, осыған байланысты қан плазмасында глюкоза концентрациясын бақылау қажет.
Айрықша нұсқаулар
Ионофолды қабылдау кезінде емделушілер күн сәулесінің және УК- cәуленің әсеріне ұшырамауы тиіс. Ионофолды психозбен зардап шегуші немесе сыртартқысында психикалық ауруы бар емделушілерге сақтықпен тағайындау қажет. Ионофолды сыртартқысында құрысу немесе құрысуға бейім белгілі факторлары бар емделушілерге қабылдау ұсынылмайды. («Қолдануға болмайтын жағдайлар» т. қара).
Тендиниттің дамуы және /немесе сіңірдің, әсіресе ахилл сіңірінің үзілуі мүмкін. Бұл реакциялар егде жастағы және кортикостероидты дәрілер қабылдаушы емделушілерде болуы мүмкін. Ауыру және/ немесе қабыну белгілері пайда болғанда, Ионофолды қабылдауды тоқтату қажет. Тендиниттің белгілері пайда болған жағдайда, емдеуді бірден тоқтату керек, ахилл сіңірлерін иммобилизациялау және ортопедпен кеңесу қажет. Ионофол қабылдау кезінде бейім емделушілерде порфирия ұстамасының жиілеуі, миастения барысының нашарлауы мүмкін. Ионофолмен емдеу барысында, несепте порфирин мен апиынды анықтау кезінде, жалған оң нәтиже алынуы мүмкін.
Ұзақ қабылдау микроорганизмдердің төзімді штаммдарының дамуына әкелуі мүмкін.
Ионофолмен емдеу кезінде жағымсыз әсерлердің даму қаупінің артуына байланысты, алкогольді қабылдаудан бас тартқан жөн.
Несеп гиперконцентрациясының және кейіннен болатын кристаллурияның алдын алу үшін емдеу кезінде талапқа сай гидратация жүргізу ұсынылады.
ОЖЖ тарапынан жағымсыз әсерлер, аллергиялық реакциялар, жалған жарғақшалы колит пайда болған жағдайда, препаратты тоқтату қажет. Колоноскопиялық және/немесе гистологиялық расталған жалған жарғақшалы колитте, ішу арқылы ванкомицин мен метронидазол тағайындалады.
Препаратты қабылдау кезінде қынап микозы даму қаупінің жоғарылауына байланысты әйелдерге гигиеналық тампондарды пайдалану ұсынылмайды. Туберкулезді бактериологиялық диагностикалауда Ионофол жалған теріс нәтижеге әкелуі мүмкін (Mycobacterium tuberculosis шығарылуына кедергі келтіреді).
Бүйрек және бауыр қызметінің бұзылуы бар емделушілердің қан плазмасында офлоксациннің концентрациясын бақылау қажет.
Бауырдың және бүйректің ауыр жеткіліксіздігінде уытты әсерлердің даму қаупі жоғарылайды. ( дозаны түзету қажет).
Препараттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Препараттың жағымсыз әсерлерін ескере отырып, зейін шоғырландыруды және психомоторлы реакциялар жылдамдығын қажет ететін автомобиль жүргізуде және қауіптілігі зор қызмет түрлерімен айналысқанда сақтану керек.
Артық дозаланғанда
Симптомдары: бас айналуы, санананың шатасуы, мәңгіру, бағдардан айрылу, ұйқышылдық, құрысулар, жүрек айнуы, құсу.
Емі: артық дозаланғаннан кейін отыз минут ішінде организмнен сіңірілмеген офлоксацинді шығару қажет. Адсорбенттерді тағайындау, натрий сульфаты және асқазанды шаю ұсынылады. Офлоксациннің шығарылуы қарқынды диурез есебінен жоғарылауы мүмкін. Әрі қарай симптоматикалық емдеу. Арнайы у қайтарғысы жоқ.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салады.
1 немесе 2 пішінді ұяшықты қаптама медицинада қолдану жөніндегі мемлекеттік және орыс тіліндегі нұсқаулықпен бірге картоннан жасалған пәшкеге салынған.
Сақтау шарттары
Құрғақ, жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін препаратты қолдануға болмайды.
Дәріханадан босатылу шарттары
Рецепт арқылы
Өндіруші ұйымның елі мен атауы
«Медокеми Лтд», КИПР
Тіркеу куәлігі иесінің елі мен атауы
«Медокеми Лтд», КИПР
Қаптаушы ұйымның елі мен атауы
«Медокеми Лтд», КИПР
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
Қазақстан Республикасындағы «Медокеми Лтд» өкілдігі
050008 Алматы қ-сы, Мұқанов көшесі 241, 1 «Б» кеңсе
телефон/факс 8(727) 313-73-76