Ин-грипп™

• русский
• қазақша

• Скачать инструкцию медикамента

Саудалық атауы

Ин-грипп™

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

белсенді заттар: 500.00 мг парацетамол,

2.0 мг хлорфенирамин малеаты,

15.0 мг сусыз кофеин,

5.00 мг фенилэфрин гидрохлориді

қосымша заттар: лактоза моногидраты, жүгері крахмалы, натрий кросскармеллозасы, повидон, натрий метилпарагидроксибензоаты, натрий пропилпарагидроксибензоаты, натрий крахмал гликоляты, тазартылған тальк, коллоидты кремнийдің қостотығы, магний стеараты.

Сипаттамасы

Капсула пішінді, ақ түсті, бір жақ бетінде сындыратын сызығы бар, басқа жақ беті тегіс таблеткалар.

Фармакотерапиялық тобы

Анальгетиктер және антипиретиктер. Анилидтер.

Басқа препараттармен (психолептиктерді қоспағанда) біріктірілген парацетамол

ATХ коды N02BE51

Фармакологиялық қасиеттері

Фармакокинетикасы

Парацетамол ішке қабылдағаннан кейін тез және толық сіңіп, қабылдағаннан соң 15 минуттан бастап 2 сағатқа дейінгі аралықта плазмалық концентрациясы ең жоғары шыңына жете бастайды. Абсолюттік биожетімділігі 80% құрайды. Организмнің көптеген тіндеріне, плацентаға, емшек сүтіне өтеді. Емдік концентрацияларда плазма ақуыздарымен байланысуы мардымсыз. Парацетамолдың жартылай шығарылу кезеңі шамамен 1 сағаттан 3 сағатқа дейін ауытқып отырады. Негізінен бауырда метаболизденеді және несеппен бірге, көбіне, глюкуронид және сульфатты конъюгаттар түрінде шығарылады.

Кофеин пероральді түрде қолданғанда тез және толық сіңіп, қабылданғаннан кейін 5 пен 90 минут арасында ең жоғары концентрациясына жетеді. Шығарылуы толық дерлік бауыр арқылы жүреді. Кофеин организмнің барлық сұйықтығына еніп, орташа таралу көлемі 0.55 л/кг құрайды.

Хлорфенирамин малеаты ішке қабылданғаннан кейін фенираминнің плазмалық концентрациясын ең жоғары шыңына 1 - 2.5 сағат ішінде жеткізеді, ақырғы жартылай шығарылу кезеңі 16 – 19 сағат аралығында болады. Препараттың 70 – 83%-ы несеппен бірге өзгермеген күйінде және метаболиттер түрінде шығарылады.

Пероральді түрде қабылданғаннан кейін фенилэфрин гидрохлоридінің сіңуі құбылмалы, фенилэфрин қарқынды түрде жүйеалды метаболизмге ұшырайды. Нәтижесінде жүйелік биожетімділігі 40%-ға жуықты құрап, ең жоғары плазмалық концентрация шыңына 1-2 сағат ішінде жетеді. Орташа плазмалық жартылай шығарылу кезеңі 2 - 3 сағатты құрайды.

Фармакодинамикасы

Ин-грипптің™ анальгетикалық, ыстықты түсіретін, қабынуға қарсы, антигистаминдік әсерлері бар.

Парацетамолдың анальгетикалық, ыстықты түсіретін және қабынуға қарсы әлсіз әсері бар. Әсер ету механизмі простагландиндер синтезінің тежелуімен, гипоталамустағы жылуды реттеу орталығына ерекше ықпал етуімен байланысты.

Кофеин орталық жүйке жүйесін (ОЖЖ) стимуляциялайды, тегіс бұлшықеттерді босаңсытады, диурезді күшейтеді. Шеткергі қантамырларды кеңейтетін әсер береді. Кофеин ақыл-ой және дене жұмысы қабілетін арттырады, шаршауды және ұйқышылдықты азайтады, жалпы сергіткіш әсер білдіреді. Кофеин парацетамолдың анальгетикалық әсерін күшейтеді.

Хлорфенирамин малеаты – антигистаминдік дәрі, гистаминдік Н1 рецепторларды бөгеу арқылы әсер етеді және тұмау және мұрынның бітелуі, түшкіру, көз бен мұрынның тітіркенуі, сондай-ақ көзден жас ағу сияқты симптомдардың тез қайтуын қамтамасыз етеді.

Фенилэфрин – адреномиметик, альфа-адренорецепторларға стимуляциялайтын әсер беріп, мұрынның шырышты қабықтарындағы артериолдарды тарылтады, осылайша ісінулерді және шырыштарды қайтаруға, ринореяның және мұрынның бітелуінің азаюына мүмкіндік береді.

Қолданылуы

- тұмаумен, бас ауырумен, қызбамен, қалтыраумен, тамақтың ауыруымен, мұрынның бітелуімен қатарласа жүретін суық тию ауруларында

Қолдану тәсілі және дозалары

Ересектерге және 15 жастан асқан жасөспірімдерге: тәулігіне үш рет 1 таблеткадан және дәрігердің тағайындауы бойынша.

Ең жоғары тәуліктік доза – 4 таблетка.

Суық тию ауруларын емдеу үшін препаратты қабылдауды мүмкіндігінше ертерек, алғашқы симптомдар пайда болысымен бірден бастаған дұрыс. Препаратты ішке тамақтан соң қабылдаған дұрыс. Дозалар арасындағы аралық кем дегенде 4 сағатты құрауы тиіс. Бүйрек қызметінің жеткіліксіздігі бар емделушілерге препарат 8 сағат аралықпен тағайындалады. Емдеу ұзақтығы әр адамға жекелей белгіленеді, орта есеппен 3 - 5 күнді құрайды. Осы препаратты дәрігердің кеңесінсіз 5 күннен артық қолданбау керек. Егер жақсару болмаса немесе жаңа симптомдар пайда болса, дәрігерге қаралу қажет.

Жағымсыз әсерлері

- жүрек аритмиясы, гипертония, тахикардия

- ұйқышылдық, тітіркенгіштік, бас айналу

- ауыз ішінің құрғауы, диспепсия, жүректің айнуы, құсу, эпигастрия тұсындағы жайсыздық

- бас айналу, мазасыздық, сананың шатасуы, қозу, қатты қажығыштық, елестеулер, истериялар, ұйқысыздық, күйгелектік, невриттер, діріл, әлсіздік

- лейкопения, тромбоцитопения, агранулоцитоз, панцитопения, нейтропения

- тері бөртпесі, қышыну, есекжем

Сирек

- бауыр функциясының бұзылулары

- несептің бөлініп шығуының қиындауы, полиурия

- метаболизмдік ацидоз

- бронх секретінің қоюлануы, мұрынның бітелуі, тыныстың тарылуы

Қолдануға болмайтын жағдайлар

- препарат компоненттерінің кез келгеніне жоғары сезімталдық

- моноаминооксидаза (МАО) тежегіштерін, үшциклдік антидепресанттарды, бета-адреноблокаторларды бір мезгілде қабылдау

- глаукома (көзішілік жоғары қысым)

- қуықасты безінің қатерсіз гипертрофиясында несеп шығарудың бұзылыстары

- жүрек ырғағының бұзылулары, артериялық гипертензия

- ойық жара ауруы

- бауыр қызметінің жеткіліксіздігі, бүйрек қызметінің жеткіліксіздігі

- жүктілік және лактация кезеңі

- 15 жасқа дейінгі балалар

Сақтықпен: глюкозо-6-фосфатдегидрогиназа тапшылығында, қан ауруларында, Жильбер синдромында, қалқанша без ауруларында, қант диабетінде, бронх демікпесінде

Дәрілермен өзара әрекеттесуі

Барбитураттарды, құрысуға қарсы дәрілерді, рифампицинді және алкогольді Ин-грипп™ препаратымен бір мезгілде қолдану гепатоуытты әсер ету қаупін арттырады. Ин-грипп™ препаратын қабылдаған кезде зидовудиннің белсенділігі төмендеуі мүмкін.

Кофеин Ин-грипптің™ анальгетикалық әсерін күшейтеді.

Ин-грипптің™ алкогольмен және ОЖЖ қызметін тежейтін басқа дәрілермен (ұйықтатқыш, седативтік препараттар, транквилизаторлар, анксиолитикалық дәрілер және есірткілік анальгетиктер) бір мезгілде қолданғанда ОЖЖ-ні бәсеңдететін әсері күшеюі мүмкін. МАО тежегіштерімен бір мезгілде қабылдағанда антихолинергиялық әсері ұзаруы мүмкін. Антихолинергиялық препараттармен және үшциклдік антидепрессанттармен бір мезгілде қабылдағанда олардың әсерлері күшеюі мүмкін.

Препаратты ганглийді бөгейтін, адренобөгегіш дәрілермен, раувольфия алкалоидтарымен және метилдопамен бір мезгілде қабылдағанда артериялық гипертензия байқалуы мүмкін.

Ин-гриппті™ пробенецидпен бір мезгілде қабылдау плазмадағы парацетамолдың концентрациясын және оның шығарылуын өзгертуі мүмкін. Ин-грипптің™ сіңуі холестираминді, циметидинді, дисульфирамды, пероральді стероидтық контрацептивтерді қабылдағанда төмендейді, домперидон мен метоклорамидті қабылдағанда жоғарылайды.

Препараттың шығарылуы шылымқорларда жоғары.

Айрықша нұсқаулар

Препаратты егде жастағы және әлсіз науқастарға, бауыр және бүйрек функциялары бұзылған емделушілерге абайлап тағайындайды.

Дәрігер тағайындаған дозаны арттырмаған жөн. Ауыр жағымсыз әсерлер пайда болған кезде препаратты тоқтатқан жөн.

Емделу кезінде құрамында парацетамол бар басқа препараттарды, алкоголь ішімдіктерін және седативтік дәрілерді бір мезгілде қабылдауға болмайды.

Дәрілік заттың көлікті немесе қозғалыстағы механизмдерді басқару қабілетіне ықпалы

Бұл препарат ұйқышылдықты тудыруы және зейінді төмендетуі мүмкін, сондықтан емделу кезеңінде емделушілер көлікті немесе машиналарды/механизмдерді басқармауы тиіс.

Артық дозалануы

Симптомдары: жүректің айнуы, құсу, терлеу, жалпы дімкәстік, ұйқысыздық, мазасыздық, діріл, тахикардия, экстрасистолия, орталық жүйке жүйесі қызметінің тежелуі, артериялық қысымның жоғарылауы, рефлекторлы брадикардия.

Емі – құстыру, асқазанды шаю және белсенділендірілген көмір тағайындау қажет. Симптоматикалық ем қолданылады.

Шығарылу түрі және қаптамасы

Поливинилхлоридті немесе поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Пішінді ұяшықты 1 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде 250С-ден аспайтын температурада сақтау керек.

Күн сәулесінің тура түсуінен қорғау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

«Lincoln Pharmaceuticals Ltd», Үндістан

Тіркеу куәлігінің иесі

«Interpharma»

902, Викрам Тоуер, 16, Ранжендра Плас,

Нью Дели – 110008, Үндістан

Е-mail. interpharma@hotmail.com

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«КазЕвроФарм» ЖШС

Алматы қ-сы, Құрманғазы к-сі 48 «а», 9 кеңсе

Индекс 050000

Телефон нөмірі (727) 2729871, 2615141

Факс нөмірі (727) 2614466

Электрондық поштасы: Info@kazeuropharm.com