Иммунорм (таблетки, 100 мг)

• русский
• қазақша

• Скачать инструкцию медикамента

Саудалық атауы

Иммунорм

Халықаралық патенттелмеген атауы

Жоқ

Дәрілік түрі

100 мг таблеткалар

Құрамы

Бір таблетканың құрамында

белсенді зат - 100,0 мг күңгірт эхинацея жаңа гүлдеген шөбінің құрғақ сығындысы,

қосымша заттар: коллоидты кремнийдің қостотығы, сорбитол, натрий цикламаты, магний стеараты.

Сипаттамасы

Қоңыр теңбілдері бар сарғыш түсті, дөңгелек пішінді, екі беті дөңес таблеткалар.

Фармакотерапиялық тобы

Иммуномодуляторлар. Иммуностимуляторлар. Басқа да иммуностимуляторлар

АТХ коды L 03AX

Фармакологиялық қасиеттері

Фармакокинетикасы

Фармакокинетикасы зерттелмеген.

Фармакодинамикасы

Иммунорм өсімдік текті зат болып табылады. Оның құрамына кіретін полисахаридтердің (мол. салмағы 25000 және 10000 фукогалактоксилоглюкандар) және қышқыл арабиногалактанның (мол. салмағы 75000) иммуномодуляциялайтын және қабынуға қарсы әсері бар. Иммунорм гранулоциттердің фагоцитарлық белсенділігін жоғарылата отырып иммундық жүйенің спецификалық емес буынын стимуляциялайды.

Қолданылуы

- жиі болатын жұқпалардың, вирусты және суық тиіп ауырулардың алдын алу және емдеу

Қолдану тәсілі және дозалары

Таблеткаларды соруға, шайнауға немесе сумен ішуге болады. Таблеткаларды тамақ ішу уақытына байланыссыз қабылдай береді.

Ересектер мен 12 жастан асқан балалар күніне 3-4 рет 1 таблеткадан қабылдайды.

6-дан 11 жасқа дейінгі балалық жаста – күніне 2- 3 рет 1 таблеткадан .

Үздіксіз қолдану ұзақтығы 2аптадан аспауы тиіс.

Жағымсыз әсерлері

Өте сирек

Өте жоғары сезімталдық реакциялары:

-тері бөртпесі, қышыну

- ангионевротикалық ісіну

- ентігу, бас айналуы, гипотония

- Стивенс-Джонсон синдромы, обструкциямен бронх түйілуі, демікпе, анафилактикалық шок

Белгісіз

- лейкопения (8 аптадан артық ұзақ уақыт қолданғанда )

Қолдануға болмайтын жағдайлар

- әсер етуші заттарына немесе басқа да компоненттеріне жоғары сезімталдық

• үдемелі жүйелік аурулар (туберкулез, саркоидоз)

• қан аурулары (лейкемия, лейкоздар)

• дәнекер тіндердің диффуздық аурулары, шашыраған склероз

• ЖИТС және АИВ -жұқпалар

• басқа да аутоиммундық аурулар

• жүктілік және лактация кезеңі

• 6 жасқа дейінгі балалық жас

Дәрілермен өзара әрекеттесуі

Анықталмаған

Айрықша нұсқаулар

Тыныс алу жолдарының шағымданулардың ұзақ уақыт сақталуы, ентігу, дене температурасының жоғарылауы немесе іріңді, болмаса қанды қақырықпен қатар жүретін қайталанатын жұқпалы аурулар жағдайында дәрігер кеңесі қажет. Препаратты қабылдаудың әсері болмағанда және несеп шығару жолдары ауруларының белгілері қайта пайда болғанда дәрігердің зерттеуі қажет.

Қант диабетімен ауыратын науқастарға арналған нұсқаулар

Бір таблетканың құрамында 570 мг сорбитол бар, бұл 0,05 НБ сәйкес.

Туа біткен фруктоза көтере алмаушылығы бар науқастар емді тек дәрігермен кеңесуден кейін ғана бастауы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Анықталмаған

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан. 2 пішінді ұяшықты қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Меркле ГмбХ», Германия

Тіркеу куәлігінің иесі

«ратиофарм ГмбХ», Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ратиофарм Қазақстан» ЖШС, Алматы қ., Әл-Фараби даңғылы, 19, «Нұрлы-Тау» БО, 1Б, 603 кеңсе, Телефон: (727)3110915, Факс: (727)3110734, e-mail: teva@teva.kz