Изипенем

• русский
• қазақша

• Скачать инструкцию медикамента

Саудалық атауы

Изипенем

Халықаралық патенттелмеген атауы

Меропенем

Дәрілік түрі

Вена ішіне енгізу үшін ерітінді дайындауға арналған 1 г ұнтақ

Құрамы

Бір құтының ішінде

белсенді зат –1000 мг сусыз меропенемге баламалы меропенем тригидраты

қосымша зат – натрий (натрий карбонаты түрінде) 90,2 мг.

Сипаттамасы

Ақтан ақ дерлік түске дейінгі кристалды ұнтақ.

Фармакотерапиялық тобы

Жүйелі қолдануға арналған микробқа қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа да бета-лактамды препараттар. Карбапенемдер. Меропенем

АТХ коды J01DH02

Фармакологиялық қасиеттері

Фармакокинетикасы

Препараттың бір дозасын дені сау еріктілерге вена ішіне 30 минут ішінде енгізу 250 мг доза үшін 11 мкг/мл-ге жуық, 500 мг доза үшін 23 мкг/мл және 1 г доза үшін 49 мкг/мл ең жоғары концентрацияларға жеткізеді. Алайда, ең жоғары концентрация үшін де, «концентрация-уақыт» қисығы астындағы аудан үшін де енгізілген дозаға абсолюттік фармакокинетикалық пропорционалды тәуелділік жоқ.

Бұдан басқа, 250 мг-ден 2 г дейінгі доза үшін плазмалық клиренстің минутына 287-ден 205 мл-ге дейін азайғаны байқалды.

Изипенемнің бір дозасын вена ішіне 5 минут бойы сорғалатып енгізуде (болюсті) 500 мг доза үшін шамамен 52 мкг/мл-ге тең және 1 г доза үшін – 112 мкг/мл-ге тең ең жоғары концентрацияға қол жеткізді.

1 г препаратты вена ішіне 2 минут, 3 минут және 5 минут ішінде енгізген кезде қан плазмасында ең жоғары концентрациялар, тиісінше, 110, 91 және 94 мкг/мл құрады.

Қан плазмасы ақуыздарымен байланысуы 2%-ға жуық. Меропенем организмнің көптеген тіндеріне және сұйықтықтарына, соның ішінде бактериялық менингитпен ауырған пациенттердің жұлын сұйықтығына жақсы өтіп, көптеген бактерияларды басу үшін қажетті шамадан жоғары концентрацияларға жетеді.

Вена ішіне 500 мг енгізгеннен кейін 6 сағаттан соң қан плазмасында меропенем деңгейі 1 мкг/мл және одан аз мәнге дейін төмендейді. Дозаларды 8 сағат аралықпен қайталап енгізген кезде бүйрек функциясы қалыпты пациенттерде меропенем жиналып қалмайды.

Меропенемнің жалғыз метаболиті микробиологиялық тұрғыдан белсенді емес.

Енгізілген дозаның шамамен 70%-ы12 сағаттың ішінде несеппен бірге өзгермеген күйде шығарылады, әрі қарай несеппен бірге шығарылуы мардымсыз. Меропенемнің несептегі 10 мкг/мл-ден асатын концентрациясы 500 мг дозаны енгізгеннен кейін 5 сағат бойы сақталады. 500 мг-ні әрбір 8 сағат сайын немесе 1 г-ні әрбір 6 сағат сайын енгізу кестесінде бауыр функциясы қалыпты пациенттерде меропенемнің қан плазмасында және несепте жиналып қалуы байқалған жоқ. Бүйрек функциясы қалыпты пациенттерде T1/2 шамамен 1 сағатты құрайды.

Ерекше клиникалық жағдайлардағы фармакокинетикасы

Изипенемнің балалардағы фармакокинетикасы ересектердегіге ұқсас. Меропенемнің жартылай ыдырау кезеңі 2 жасқа дейінгі балаларда –шамамен 1,5-2,3 сағат, дене салмағының әр кг шаққанда 10 - 40 мг дейінгі дозалар диапазонында дозаға тәуелді фармакокинетика байқалады.

Бүйрек жеткіліксіздігі бар пациенттерде препараттың фармакокинетикасын зерттеу меропенемнің клиренсі креатинин клиренсімен өзара байланысты екенін көрсетті. Мұндай пациенттерде дозаны түзету қажет. Егде жастағы пациенттерде препараттың фармакокинетикасын зерттеу меропенем клиренсінің төмендейтінін көрсетті, ол креатинин клиренсінің жасқа байланысты төмендеуімен өзара үйлеседі.

Бауыр аурулары бар науқастарда препараттың фармакокинетикасын зерттеу бауыр ауруының меропенемнің фармакокинетикасына ықпалын тигізбейтінін көрсетті.

Фармакодинамикасы

Карбапенемдер тобына жататын, парeнтеральді түрде қолдануға арналған, 1-дегидропептидазаға төзімді антибиотик, 1-дегидропептидаза тежегішін қосымша енгізуді қажет етпейді.

Меропенем бактериялардың жасушалық қабырғасының синтезіне әсер етуі есебінен бактерицидтік әсер береді.

Меропенемнің аэробты және анаэробты бактериялардың кең ауқымына қарсы күшті бактерицидтік әсер етуі оның бактериялардың жасушалық қабырғасы арқылы өту қабілетінің жоғарылығымен, бета-лактамазаның көпшілігіне тұрақтылығының жоғары деңгейімен және пенициллинді байланыстыратын ақуыздарға (ПБА) елеулі аффинділігімен түсіндіріледі.

Ең төмен бактерицидтік концентрациялар (ЕТБК) әдетте ең төмен тежегіш концентрациялардағыдай (ЕТТК) болады. Тестіленген бактерия түрлерінің 76%-да ЕТБК/ЕТТК арақатынасы 2 немесе одан аз болды.

Меропенемге сезімталдықтың ұсынылған өзгеше критерийі препараттың фармакокинетикасына және клиникалық және микробиологиялық деректерінің – тиісті қоздырғыштар үшін анықталған аймақ диаметрі мен МТК-нің өзара байланыстылығына негізделеді.

Меропенемнің зертхана жағдайларында анықталған бактерияларға қарсы белсенділігінің ауқымы клиникалық тұрғыдан маңызды барлық грамоң және грамтеріс аэробты және анаэробты микроорганизмдерді қамтиды.

Препарат келесі аэробты грамоң бактерияларға қатысты белсенді: Bacillus spp., Corynebacterium diphtheriae, Enterococcus liquifaciens, Enterococcus avium, Listeria monocytogenes, Lactobacillus spp., Nocardia asteroides, Staphylococcus aureus (пенициллиназаны өндіретін немесе өндірмейтін штаммдар), коагуляза-теріс стафилококк, сондай-ақ Staphylococcus saprophyticus, Staphylococcus capitis, Staphylococcus cohnii, Staphylococcus xylosus, Staphylococcus warneri, Staphylococcus hominis, Staphylococcus simulans, Staphylococcus intermedius, Staphylococcus sciuri, Staphylococcus lugdenensis, Streptococcus pneumoniae (сезімтал және пенициллинге төзімді), Streptococcus agalactiae, Streptococcus pyogenes, Streptococcus equi, Streptococcus bovis, Streptococcus mitis, Streptococcus mitior, Streptococcus milleri, Streptococcus sanguis, Streptococcus viridans, Streptococcus salivarius, Streptococcus morbillorum, G тобы, F тобы стрептококктары Rhodococcus equi; аэробты грамтеріс бактериялар: Achromobacter xylosoxidans, Acinetobacter anitratus, Acinetobacter lwoffii, Acinetobacter baumannii, Aeromonas hydrophila, Aeromonas sorbria, Aeromonas caviae, Alcaligenes faecalis, Bordetella bronchiseptica, Brucella melitensis, Campylobacter coli, Campylobacter jejuni, Citrobacter freundii, Citrobacter diversus, Citrobacter koseri, Citrobacter amalonaticus, Enterobacter aerogenes, Enterobacter agglomerans, Enterobacter cloacae, Enterobacter sakazakii, Escherichia coli, Escherichia hermannii, Gardnerella vaginalis, Haemophilus influenzae (ампициллинге төзімді β-лактамазаны өндіретін штаммдарды қоса), Haemophilus parainfluenzae, Haemophilus ducreyi, Helicobacter pylori, Neisseria meningitidis, Neisseria gonorrhoeae (пенициллинге және спектиномицинге төзімді β-лактамазаны өндіретін штаммдарды қоса), Hafnia alvei, Klebsiella pneumoniae, Klebsiella aerogenes, Klebsiella ozaenae, Klebsiella oxytoca, Moraxella catarrhalis, Morganella morgannii, Proteus mirabilis, Proteus vulgaris, Proteus penneri, Providencia rettgeri, Providencia stuartii, Providencia alcalifaciens, Pasteurella multocida, Plesiomonas shigelloides, Pseudomonas aeruginosa, Pseudomonas putida, Pseudomonas alcaligenes, Pseudomonas cepacia, Pseudomonas fluorescens, Pseudomonas stutzeri, Pseudomonas pseudomallei, Pseudomonas acidovorans, Salmonella spp., Salmonella enteritidis, Salmonella typhi, Serratia marcescens, Serratia liquefaciens, Serratia rubidaea, Shigella sonnei, Shigella flexneri, Shigella boydii, Shigella dysenteriae, Vibrio cholerae, Vibrio parahaemolyticus, Vibrio vulnificus, Yersinia enterocolitica қоса; анаэробты бактериялар: Actinomyces odontolyticus, Actinomyces meyeri, Bacteroides-Prevotella- Porphyromonas spp., Bacteroides fragilis, Bacteroides vulgatus, Bacteroides variabilis, Bacteroides pneumosintes, Bacteroides coagulans, Bacteroides uniformis, Bacteroides distasonis, Bacteroides ovatus, Bacteroides thetaiotaomicron, Bacteroides eggerthii, Bacteroides capsillosis, Prevotella buccаlis, Prevotella corporis, Bacteroides gracilis, Prevotella melaninogenica, Prevotella intermedia, Prevotella bivia, Prevotella splanchnicus, Prevotella oralis, Prevotella disiens, Prevotella rumenicola, Prevotella ureolyticus, Prevotella oris, Prevotella buccae, Prevotella denticola, Prevotella levii, Porphyromonas asaccharolyticus, Bifidobacterium spp., Bilophilia wadsworthia, Clostridium perfringens, Clostridium bifermentans, Clostridium ramosum, Clostridium sporogenes, Clostridium cadaveris, Clostridium sordellii, Clostridium butyricum, Clostridium clostridiiformis, Clostridium innocuum, Clostridium subterminale, Clostridium tertium, Eubacterium lentum, Eubacterium aerofaciens, Fusobacterium mortiferum, Fusobacterium necrophorum, Fusobacterium nucleatum, Fusobacterium varium, Mobiluncus curtisii, Mobiluncus mulieris, Peptostreptococcus anaerobius, Peptostreptococcus micros, Peptostreptococcus saccharolyticus, Peptococcus saccharolyticus, Peptococcus asaccharolyticus, Peptostreptococcus magnus, Peptostreptococcus prevotii, Propionibacterium acnes, Propionibacterium avidium, Propionibacterium granulosum.

Препаратқа Stenotrophomonas maltophilia, Enterococcus faecium және метициллинге төзімді стафилококтар төзімді.

Изипенем полимикробтық инфекцияларды емдеген кезде монотерапия түрінде және микробтарға қарсы басқа дәрілермен біріктіріп қолданғанда тиімді.

Қолданылуы

Балалар мен ересектерде препаратқа сезімтал бір немесе бірнеше қоздырғыштардан болған келесі ауруларды емдеу:

- пневмония (соның ішінде ауруханаішілік пневмония)

- несеп шығару жүйесінің инфекциялары

- құрсақ қуысының инфекциялары

- гинекологиялық инфекциялар (мысалы, эндометрит және кіші жамбас ағзаларының қабыну аурулары)

- тері мен жұмсақ тіндердің инфекциялары

- менингит

- сепсис

- нейтропения аясында қызба ұстамалары бар ересек пациенттерде бактериялық инфекцияға күдіктенгенде монотерапия түрінде немесе вирусқа қарсы немесе зеңге қарсы препараттармен біріктіріп, эмпириялық ем жүргізу.

Қолдану тәсілі және дозалары

Ересек пациенттер үшін дәрілік заттарды қабылдау сызбасы және емдеу ұзақтығы инфекциялардың типі мен ауырлығына және пациенттің жағдайына байланысты белгіленеді. Мынадай тәуліктік дозалар ұсынылады:

Пневмонияны, несеп шығару жолдарының инфекцияларын, гинекологиялық инфекцияларды (эндометритті және кіші жамбас ағзаларының қабыну ауруларын), тері мен жұмсақ тіндердің инфекцияларын емдегенде – вена ішіне әрбір 8 сағат сайын 500 мг.

Ауруханаішілік пневмонияны, перитонитті емдегенде, нейтропениясы бар науқастарда бактериялық инфекцияларға күдіктенгенде, сонгдай-ақ сепсисте – вена ішіне әрбір 8 сағат сайын 1 г.

Менингитті емдегенде – вена ішіне әрбір 8 сағат сайын 2 г.

Бүйрек функциясы бұзылған пациенттерде креатинин клиренсі минутына 51 мл және одан төмен болғанда доза мынадай үлгіде азайтылуы тиіс:

Меропенем гемодиализ кезінде шығарылады, осыған байланысты, егер емдеуді жалғастыру қажет болса, плазмадағы тиімді концентрацияны қалпына келтіру үшін, доза бірлігін (инфекцияның түріне және ауырлығына байланысты анықталады) гемодиализ емшарасы аяқталғаннан кейін этилдеу ұсынылады. Перитониальді диализде жүрген науқастарда Изипенемді қолдану тәжірибесі шектеулі.

Бауыр жеткіліксіздігі бар пациенттер үшін дозаны түзетудің қажеті жоқ.

Бүйрек функциясы қалыпты немесе КК минутына 50 мл-ден асатын егде жастағы пациенттерде дозаны түзету қажеттілігі жоқ.

3 айлықтан 12 жасқа дейінгі балалар үшін ВІ енгізуге ұсынылатын доза, инфекцияның түрі мен ауырлығына, патогенді микроорганизмдердің сезімталдығы мен пациенттің жағдайына байланысты, әрбір 8 сағат сайын 10-20 мг құрайды. Дене салмағы 50 кг-ден асатын балаларға ересектердегідей дозаны пайдалану қажет.

Менингитте ұсынылатын доза әрбір 8 сағат сайын 40 мг/кг құрайды.

Ерітіндіні дайындау және енгізу ережесі

Изипенемді кем дегенде 5 минут бойы вена ішіне сорғалатып немесе 15-30 минут бойы венаішілік инфузия түрінде енгізу қажет.

Венаішілік сорғалатып (болюсті) енгізу үшін Изипенемді инъекцияға арналған стерильді сумен (250 мг меропенемге 5 мл) сұйылтқан жөн, бұл 50 мг/мл ерітіндінің концентрациясын қамтамасыз етеді.

Венаішілік инфузия үшін Изипенемді инъекцияға арналған стерильді сумен немесе үйлесетін инфузиялық ерітіндімен, содан соң тағы бір рет үйлесетін инфузиялық ерітіндімен (50-200 мл-ге дейін) сұйылтқан жөн.

Изипенем келесі инфузиялық сұйықтықтармен үйлеседі: венаішілік инфузияға арналған натрий хлоридінің 0,9% ерітіндісі; венаішілік инфузияға арналған глюкозаның 5% немесе 10% ерітіндісі; венаішілік инфузияға арналған глюкозаның 5% ерітіндісі натрий бикарбонатының 0,02% ерітіндісімен; венаішілік инфузияға арналған глюкозаның 5% ерітіндісі натрий хлоридінің 0,9% ерітіндісімен; венаішілік инфузияға арналған глюкозаның 5% ерітіндісі калий хлоридінің 0,15% ерітіндісімен.

Изипенемді құрамында басқа препараттар бар ерітінділермен араластырмау керек.

Ерітіндіні қолданар алдында сілкіңіз. Барлық құтылар бір рет пайдалануға арналған. Изипенемді сұйылтқан кезде дезинфекцияның стандартты ережесі қолданылуы тиіс.

Жағымсыз әсерлері

Жиі:

- қайтымды тромбоцитопения

- бас ауыру

- іштің ауыруы, жүректің айнуы, құсу, диарея

- қан сарысуында сілтілік фосфатаза және лактат-дегидрогеназа концентрацияларының жоғарылауы

- бөртпе, қышыну

- енгізген жердің қабынуы және ауыруы

Жиі емес:

-эозинофилия, тромбоцитопения

-қан сарысуында билирубин концентрациясының жоғарылауы

Сирек:

– конвульсиялар

Өте сирек:

- лейкопения, гранулопения, агранулоцитоз, гемолиздік анемия

- ангионевроздық ісіну, анафилаксиялық шок

- парестезиялар

- жалған жарғақшалы колит

- есекжем, мультиформалы эритема, Стивенс-Джонсон синдромы және уытты эпидермалық некроз

- тромбофлебит

- қынаптық кандидоз және ауыз қуысының шырышты қабығының кандидозы

- оң тікелей немесе тікелей емес Кумбс сынамасы

- шектеулі тромбопластинді уақыттың төмендеуі

Қолдануға болмайтын жағдайлар

• анамнезінде меропенемге жоғары сезімталдық;

• үш айлыққа дейінгі балалар (пациенттердің осы тобындағы тиімділігі және қауіпсіздігі зерттелген жоқ).

Сақтықпен қолдану:

асқазан-ішек бұзылыстарынан, әсіресе шаншулардан зардап шегетін пациенттерге Изипенемді әлеуетті нефроуытты препараттармен бір мезгілде енгізу.

Дәрілермен өзара әрекеттесуі

Пробенецид белсенді өзекшелі сөлініс үшін, меропенеммен бәсекелеседі, осылайша, меропенемнің бүйрекпен шығарылуын тежеп, оның қан плазмасындағы концентрациясы мен жартылай ыдырау кезеңін арттырады. Пробенецидсіз Изипенемнің тиімділігі және әсер ету ұзақтығы талапқа сай болатындықтан, пробенецидті Изипенеммен бірге енгізу ұсынылмайды.

Изипенемнің басқа препараттардың ақуызбен байланысуына немесе метаболизміне ықтимал әсерлері зерттелген жоқ. Дегенмен, меропенемнің плазма ақуыздарымен байланысуы төмен (2%-ға жуық) екенін ескеріп, басқа препараттармен өзара әрекеттесу болмауы тиіс деп болжауға болады.

Изипенемді басқа препараттарды қабылдау кезінде енгізу қандай да болсын жағымсыз фармакологиялық өзара әрекеттесулерді көрсеткен жоқ.

Изипенем қан сарысуында вальпрой қышқылының деңгейін азайта алады. Кейбір науқастарда емдік дәрежеден төмен дәрежеге жетуі мүмкін.

Осыған қарамастан, ықтимал дәрілік өзара әрекеттесулер жөнінде нақты мәліметтер жоқ.

Айрықша нұсқаулар

Меропенемді монотерапия ретінде қолданғанда, басқа антибиотиктерді қолданған кездегідей, төменгі тыныс жолдарының Pseudomonas aeruginosa-дан болған инфекциялары белгілі немесе оған күдіктенетін пациенттерде қоздырғыштың сезімталдығын жүйелі анықтап отыру керек.

Жалған жарғақшалы колит барлық дерлік антибиотиктерді қолданған кезде байқалады және оның қарқындылығы жеңілден өмірге қауіп төндіретінге дейін өзгеріп отыруы мүмкін. Сондықтан антибиотиктер асқазан-ішек бұзылыстары, әсіресе колиті бар пациенттерге сақтықпен қолданылуы тиіс. Антибиотикті енгізу аясында диарея дамыған жағдайда "жалған жарғақшалы колит" диагнозын анықтау өте маңызды. Clostridium difficile бөліп шығаратын уыт антибиотиктерді қабылдаумен байланысты колиттердің негізгі себептерінің бірі болып табылатынын зерттеулер көрсетсе де, оның басқа да себептерін де ескеру қажет.

Клиникалық және зертханалық белгілері басқа карбапенемдер мен бета-лактамдар, пенициллиндер мен цефалоспориндер тобындағы антибиотиктер арасында ішінара айқаспалы жоғары сезімталдықты көрсетеді. Бета-лактамды антибиотиктерді қабылдаған кезде аллергиялық реакциялардың тым жиі кездескеніне қарамастан, Изипенемді қабылдау кезінде жоғары сезімталдық реакциялары сирек мәлімделді. Меропенеммен емдеуді бастар алдында, анамнезіндегі бета-лактамды антибиотиктерге жоғары сезімталдық реакцияларына ерекше көңіл бөле отырып, пациенттен мұқият сұрап алу қажет. Изипенем анамнезінде осындай құбылыстардың белгілері бар пациенттерге абайлап қолданылуы тиіс. Меропенемге аллергиялық реакция пайда болса, препаратты енгізуді тоқтату және тиісті шаралар қабылдау қажет.

Препаратты әлеуетті нефроуытты препараттармен бір мезгілде тағайындағанда, сондай-ақ әсіресе колитпен байланысты диспепсиясы бар пациенттерге тағайындағанда сақ болу керек.

Изипенемді бауыр аурулары бар пациенттерге енгізу трансаминаза мен билирубин деңгейлерін мұқият бақылай отырып жүргізілуі тиіс.

Басқа антибиотиктерді қолданған жағдайдағыдай, толерантты микроорганизмдердің өсуі басым болуы мүмкін, сондықтан әрбір пациент ұдайы бақылауда болуы қажет.

Метициллинге төзімді стафилококтен болған инфекцияларда енгізуге болмайды.

Жүктілік және лактация кезеңі

Изипенемді жүктілік кезінде, егер оның әлеуетті артықшылығы шарана үшін мүмкін болатын қауіпті ақтамаса, қолданбаған жөн. Әрбір жағдайда препарат дәрігердің тікелей бақылауымен қолданылады.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Көлік құралдарын басқару және механизмдермен жұмыс істеу қабілетіне әсеріне ешқандай зерттеулер жүргізілген жоқ.

Артық дозалануы

Симптомдары: жағымсыз әсерлердің күшеюі.

Емі: симптоматикалық ем жүргізеді. Бүйрек бұзылыстары бар науқастарда меропенем және оның метаболиті гемодиализбен тиімді шығарылады.

Шығарылу түрі және қаптамасы

Препарат резеңке тығынмен тығындалған және алюминий қалпақшалармен қаусырылған сыйымдылығы 30 мл ІІІ АҚШФ типті мөлдір шыны құтыларға салынған.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

БКРС Фарма Пвт. Лтд,

46/4-7, Dehgam Road, Zak Village,

Gandhinagar, Gujarat, Үндістан

Қаптаушы ұйымның атауы мен елі

БКРС Фарма Пвт. Лтд,

46/4-7, Dehgam Road, Zak Village,

Gandhinagar, Gujarat, Үндістан

Тіркеу куәлігінің иесі

БКРС Фарма Пвт. Лтд, Үндістан

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«СonsultAsia» ЖШС,

E-mail: registration@consultingasia.kz

Тел/факс: +77051708876; +77051708825

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

ConsultAsia ЖШС,

Шевченко к-сі, 165 Б 307-кеңсе

тел./факс: +77051708876/+77051708825

e-mail: pv@consultingasia.kz