Идринол®

• русский
• қазақша

• Скачать инструкцию медикамента

Саудалық атауы

Идринол®

Халықаралық патенттелмеген атауы

Мельдоний

Дәрілік түрі

Көктамыр ішіне және парабульбарлы енгізілетін 100 мг/мл ерітінді, 5 мл

Құрамы

1 мл ерітіндінің құрамында

белсенді зат – ылғал сіңдірілмеген мельдоний дигидраты – 100 мг (сусыз мельдонийге шаққанда – 80,21 мг),

қосымша зат – инъекцияға арналған су

Сипаттамасы

Мөлдір түссіз сұйықтық

Фармакотерапиялық тобы

Жүрек ауруларын емдеуге арналған препараттар. Жүрек ауруларын емдеуге арналған басқа да препараттар. Басқа да кардиотоникалық препараттар.

АТХ коды С01ЕВ

Фармакологиялық қасиеттері

Фармакокинетикасы

Қан плазмасындағы ең жоғарғы концентрациясына енгізгеннен кейін бірден жетеді. Организмде бүйрекпен шығарылатын екі негізгі метаболитін түзе отырып метаболизденеді. Жартылай шығарылу кезеңі 3-6 сағатты құрайды.

Фармакодинамикасы

Мельдоний адам организмінің әр жасушасында болатын зат –– гамма-бутиробетаиннің құрылымдық аналогы. Мельдоний гамма-бутиробетаингидроксигеназаны бәсеңдетеді, карнитин синтезін және ұзын тізбекті май қышқылдарының жасуша қабықтары арқылы тасымалдануын төмендетеді, тотықпаған май қышқылдарының белсенділенген түрлері – ацилкарницин және ацилкоэнзим А туындыларының жасушаларда жинақталуына кедергі келтіреді. Ишемия жағдайларында оттегі жеткізілуі және оның жасушаларда тұтынылуы үдерістерінің тепе-теңдігін қалпына келтіреді, аденозинтрифосфор қышқылы (АТФ) тасымалы бұзылуының алдын алады. Сонымен қатар, оттегіні қосымша тұтынусыз жүретін гликолизді белсенділендіреді. Карнитин концентрациясын төмендетудің нәтижесінде, вазодилатациялаушы қасиеттері бар гамма-бутиробетаин синтезі күшейеді.

Әсер ету механизмі оның фармакологиялық әсерлерінің алуан түрлілігімен анықталады: еңбекке қабілеттікті арттыру, артық ақыл-ой және дене жүктемесі симптомдарын азайту, тіндік және гуморальді иммунитетті белсенділендіруі, кардиопротекторлық әсері. Миокардтың жедел ишемиялық зақымдануы жағдайында некроз аймақтарының түзілуін баяулатады, реабилитация кезеңін қысқартады. Жүрек жеткіліксіздігі кезінде миокардтың жиырылғыштығын жақсартады, дене жүктемесіне төзімділікті арттырады, стенокардия ұстамаларының жиілігін төмендетеді. Ми қанайналымының жедел және созылмалы ишемиялық бұзылулары кезінде ишемия ошағындағы қан айналысын жақсартады. Көз түбінің қантамырлық патологиясы кезінде тиімді. Препарат созылмалы маскүнемдікпен науқастарда абстиненция кезінде жүйке жүйесінің функционалдық бұзылуларын басады.

Қолданылуы

• жүректің ишемиялық ауруын кешенді емдеу құрамында (стенокардия, миокард инфарктісі); жүректің созылмалы жеткіліксіздігінде, дисгормональді кардиомиопатияда

• ми қанайналымының жедел бұзылуын кешенді емдеу құрамында (ишемиялық инсультте, цереброваскулярлық жеткіліксіздікте)

• еңбекке қабілеттіліктің төмендеуінде; қатты дене жүктемесі кезінде (соның ішінде спортшыларда)

• созылмалы маскүнемдік кезіндегі абстиненция синдромында (спецификалық еммен біріктіріп)

• шығу тегі әр түрлі гемофтальмда және көздің тор қабығына қан құйылуында, тор қабық пен оның тармақтарының орталық көктамырының тромбозында, шығу тегі әр түрлі (диабеттік, гипертониялық) ретинопатияларда

Қолдану тәсілі және дозалары

Қоздырғыш әсері дамуы мүмкін болғандықтан, препаратты күннің бірінші жартысында қолдану ұсынылады.

Жүрек-қантамыр аурулары

Кешенді ем құрамында – барлық дозасын бірден қолдана отырып немесе оны 2 енгізуге бөле отырып, көктамыр ішіне 500-1000 мг-ден (көктамыр ішіне және парабульбарлы енгізуге арналған 0,5 мл ерітінді 100 мг/мл) енгізеді. Емдеу курсы – 4-6 апта.

Қайталанатын курстары (әдетте жылына 2-3 рет) – дәрігердің ұсынымы бойынша.

Ми қанайналымының бұзылулары

Ми қанайналымы бұзылуының жедел фазасында 10 күн бойы тәулігіне 1 рет 500 мг-ден (көктамыр ішіне және парабульбарлы енгізуге арналған 0,5 мл ерітінді 100 мг/мл) көктамыр ішіне енгізеді.

Еңбекке қабілеттіліктің төмендеуі, артық дене жүктемесі (соның ішінде спортшыларда)

Ақыл-ой және дене жүктемелерінде (соның ішінде спортшыларда) көктамыр ішіне тәулігіне 1 рет 500 мг-ден (көктамыр ішіне және парабульбарлы енгізуге арналған 0,5 мл ерітінді 100 мг/мл) тағайындайды.

Емдеу курсы – 10-14 күн.

Созылмалы маскүнемдік кезіндегі абстиненция синдромы (спецификалық еммен біріктіріп)

Абстиненция синдромы кезінде көктамыр ішіне тәулігіне 2 рет 500 мг (көктамыр ішіне және парабульбарлы енгізуге арналған 0,5 мл ерітінді 100 мг/мл). Емдеу курсы – 10-14 күн.

Офтальмопатология (шығу тегі әр түрлі гемофтальм және көздің тор қабығына қан құйылуы, тор қабықтың орталық көктамыры мен оның тармақтарының тромбозы, шығу тегі әр түрлі ретинопатиялар (диабеттік, гипертониялық).

Препаратты 10 күн бойы, соның ішінде біріктірілген ем құрамында 50 мг-ден (көктамыр ішіне және парабульбарлы енгізуге арналған 0,5 мл ерітінді 100 мг/мл) парабульбарлы енгізеді.

Жағымсыз әсерлері

Жүрек-қантамыр жүйесі тарапынан: сирек – тахикардия, артериялық қысымның төмендеуі немесе артуы

Орталық жүйке жүйесі тарапынан: сирек – психомоторлық қозу, бас ауыруы

Асқорыту жүйесі тарапынан: сирек – диспепсиялық бұзылулар

Аллергиялық реакциялар: сирек – терінің қышуы, бөртпе, тері жабындарының гиперемиясы, ангионевротикалық ісіну; өте сирек – эозинофилия

Басқа да: өте сирек – жалпы әлсіздік

Қолдануға болмайтын жағдайлар

• препарат компоненттеріне жоғары сезімталдық

• бассүйекішілік қысымның жоғарылауы (көктамырлық қан ағымының бұзылуында және бассүйекішілік ісіктерде)

• жүктілік және лактация кезеңі

• 18 жасқа дейінгі балалар мен жасөспірімдерге (тиімділігі мен қауіпсіздігі анықталмаған)

Сақтықпен: бауыр және/немесе бүйрек аурулары

Дәрілермен өзара әрекеттесуі

Антиангинальді дәрілермен, антикоагулянттармен, антиагреганттармен, аритмияға қарсы дәрілермен, диуретиктермен, бронхолитиктермен үйлестіруге болады.

Жүрек гликозидтерінің әсерін күшейтеді.

Орташа тахикардия және артериялық гипотензия дамуы мүмкін болғандықтан, нитроглицеринмен, нифедипинмен, альфа-адреноблокаторлармен, гипотензиялық дәрілермен және шеткергі вазодилататорлармен біріктіргенде сақ болу керек.

Айрықша нұсқаулар

Идринол® жедел коронарлық синдром кезіндегі бірінші қатардағы препарат болып табылмайды.

Дәрілік заттың көлік құралдарын немесе аса қауіптілігі зор механизмдерді басқару қабілетіне әсер ету ерекшеліктері

Идринол® препаратының психомоторлық реакциялар жылдамдығына жағымсыз әсері туралы мәліметтер жоқ.

Артық дозалануы

Симптомдары: бас ауыруымен, тахикардиямен, бас айналуымен және жалпы әлсіздікпен қатар жүретін артериялық қысымның төмендеуі.

Емі: симптоматикалық.

Шығарылу түрі және қаптамасы

Көктамыр ішіне және парабульбарлық енгізуге арналған ерітінді 100 мг/мл.

Түрлі-түсті сындыру сақинасы немесе түрлі-түсті нүктесі мен кертігі және/немесе қосымша түрлі-түсті сәйкестендіру сақиналары немесе басқа да кодтары бар І типті  түссіз бейтарап шыныдан жасалған ампулаларда 5 мл-ден.

5 ампуладан поливинилхло­ридті үлбір мен алюминий фольгадан немесе полимер үлбірден, немесе фольгасыз және үлбірсіз пішінді ұяшықты қаптамаға салады.

1 немесе 2 пішінді ұяшықты қаптамадан медицинада қолданылуы жөніндегі нұсқаулықпен бірге картоннан жасалған пәшкеге салынады.

Сақтау шарттары

25 С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ФармФирма «Сотекс» жабық акционерлік қоғамы, Ресей

141345, Мәскеу обл., Сергиев-Посад муниципалдық ауданы,

Березняков елді мекені, Беликово кенті, 11 үй

Тел./факс: (495) 956-29-30.

Тірукеу куәлігі иесінің атау мен елі

«ФармФирма «Сотекс» жабық акционерлік қоғамы, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ФармФирма «Сотекс» жабық акционерлік қоғамы, Ресей

141345, Мәскеу обл., Сергиев-Посад муниципалдық ауданы,

Березняков елді мекені, Беликово кенті, 11 үй

Тел./факс: (495) 956-29-30.