ИБУФЕН УЛЬТРА (200мг) (Ibuprofen)

Ибуфен® Ультра

Ибупрофен

Дәрілік түрі, дозасы

Капсулалар, 200 мг

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылының туындылары. Ибупрофен.

АТХ коды M01AE01

Келесі жағдайларда ауырсынуды жеңілдету:

• бас және тіс ауыруы

• бас сақинасы

• ауырсындыратын етеккір

• невралгия

• арқаның ауыруы

• бұлшықет және ревматизмдік ауыру

• тұмау және суық тию кезіндегі қызба жағдайы

Қолданудың басталуына дейінгі қажетті мәліметтер тізбесі

• Ибупрофенге немесе препараттың құрамына кіретін компоненттердің кез келгеніне аса жоғары сезімталдық

• анамнезінде ацетилсалицил қышқылын (салицилаттарды) немесе басқа қабынуға қарсы стероидты емес препараттарды (ҚҚСП) қолдануға байланысты аса жоғары сезімталдық реакцияларының (бронх демікпесі, бронх түйілуі, ринит, риносинусит, мұрынның немесе мұрын маңы қойнауларының қайталанатын полипозы, Квинке ісінуі, есекжем) болуы

• белсенді қайталанатын ойық жара ауруы/қан кету немесе қайталанатын ойық жара ауруы/анамнезінде қан кетуі бар пациенттер (расталған ойық жараның немесе қан кетудің екі немесе одан да көп жеке эпизодтары)

• ҚҚСП қолданумен туындаған анамнездегі АІЖ ойық жарасынан қан кету немесе тесілуі

• бауырдың ауыр жеткіліксіздігі немесе белсенді фазадағы бауыр аурулары

• бүйректің ауыр жеткіліксіздігі (креатинин клиренсі <30 мл/мин), расталған гиперкалиемия

• жүректің ауыр жеткіліксіздігі (Нью-Йорк кардиология қауымдастығының жіктелімі, IV класс), аорта-коронарлық шунттаудан өтуден кейінгі кезең

• гемофилия және қан ұюының басқа да бұзылулары (оның ішінде гипокоагуляция), геморрагиялық диатездер

• цереброваскулярлық немесе басқа да белсенді қан кетулері бар пациенттерге

• айқын сусыздану (құсу, диарея немесе сұйықтықты жеткіліксіз қабылдау нәтижесінде)

• жүктілік (үшінші триместр)

• 12 жастан аспайтын балалар

• фруктозаның тұқым қуалайтын жақпаушылығы (сонымен қатар «Арнайы ескертулер» - Қосымша заттар бөлімін қараңыз)

Қолдану кезіндегі қажетті сақтық шаралары

Ең аз тиімді доза симптомдарды жеңілдету үшін қажет болатын ең қысқа уақыт ішінде қолданылуы тиіс. Егер Сізде инфекция болса, қызба мен ауырсыну сияқты симптомдар басылмаса немесе күшейсе, дереу дәрігерге жүгініңіз («Арнайы ескертулер» бөліміндегі «Инфекция» тақырыбын қараңыз).

Басқа дәрілік препараттармен өзара әрекеттесуі

Ибупрофенді келесі дәрілік заттармен бір мезгілде қолданудан аулақ болу керек:

Ацетилсалицил қышқылы (аспирин)

Ибупрофен мен ацетилсалицил қышқылы біріктірілімімен емдеу жағымсыз реакциялардың даму қаупін жоғарылатуына байланысты ұсынылмайды. Айрықша жағдай -дәрігердің ұсынысы бойынша аспириннің төмен дозаларын (тәулігіне 75 мг-ден аспайтын) тағайындау болып табылады.

Ибупрофен бір мезгілде қабылданған аспириннің төмен дозаларының тромбоциттер агрегациясына әсерін бәсеңдете алады. Тұрақты қолданбау кезінде бұндай клиникалық маңызды әсер екіталай болып саналады.

Басқа ҚҚСП, соның ішінде циклооксигеназа-2 селективті тежегіштері (ЦОГ-2)

Жағымсыз реакциялардың пайда болу қаупінің жоғарылауына байланысты ҚҚСП тобынан екі немесе одан да көп препараттарды бір мезгілде қолданудан аулақ болу керек.

Бір мезгілде келесі дәрілік заттармен сақтықпен қолдану керек:

Дигоксин сияқты жүрек гликозидтері

ҚҚСП жүрек жеткіліксіздігін нашарлатуы, шумақтық сүзу жылдамдығын төмендетуі және гликозидтердің плазмалық концентрациясын жоғарылатуы мүмкін. Ибупрофенді дигоксин препараттарымен бірге қабылдау қан сарысуындағы дигоксин деңгейін жоғарылатуы мүмкін. Дұрыс қолданған кезде қан сарысуындағы дигоксин деңгейін тексеру қажет емес (4 күннен аспайды).

Кортикостероидтар

АІЖ ойық жарасының пайда болуы мен асқазан-ішектен қан кету қаупінің жоғарылауы.

Гипертензияға қарсы дәрілер (AӨФ тежегіштері және ангиотензин II антагонистері) мен диуретиктер

ҚҚСП осы топтардағы препараттардың тиімділігін төмендетуі мүмкін. Бүйрек функциясы бұзылған кейбір пациенттерде (мысалы, сусыздануы бар пациенттер немесе бүйрек функциясы бұзылған егде жастағы пациенттер) ибупрофенді АӨФ тежегіштерімен немесе ангиотензин II антагонистерімен және циклооксигеназаны тежейтін дәрілік заттармен бірге қабылдау бүйрек функциясының одан әрі нашарлауына, соның ішінде әдетте қайтымды болатын бүйректің жедел жеткіліксіздігіне әкелуі мүмкін. Бұл өзара әрекеттесулерді коксибті АӨФ тежегіштерімен немесе ангиотензин II антагонистерімен бір мезгілде қабылдайтын пациенттерде ескеру қажет. Осылайша, препараттар біріктірілімін сақтықпен қабылдау керек; бұл әсіресе егде жастағы пациенттерге қатысты. Пациенттер оңтайлы су теңгерімінің сақталуын қадағалап, қатар жүретін ем басталғаннан кейін және одан әрі мезгіл-мезгіл бүйрек функциясын тексеруі керек. Диуретиктер ҚҚСП нефроуыттылық қаупін арттыруы мүмкін.

Калий жинақтайтын диуретиктер

Ибупрофенді калий жинақтайтын диуретиктермен бірге қабылдау гиперкалиемияға әкелуі мүмкін (қан сарысуындағы калий деңгейін тексеру ұсынылады).

Антикоагулянттар

ҚҚСП варфарин сияқты антикоагулянттардың әсерін күшейтуі мүмкін.

Антиагреганттар және серотонинді кері қармаудың селективті тежегіштері

Асқазан-ішектен қан кетудің туындау қаупінің жоғарылауы.

Фенитоин

Ибупрофенді фенитоин препараттарымен бірге қабылдау қан сарысуындағы фенитоин деңгейін жоғарылатуы мүмкін. Дұрыс қолданған кезде қан сарысуындағы фенитоин деңгейін тексеру қажет емес (4 күннен аспайды).

Литий препараттары

Ибупрофен препаратын литий препараттарымен бірге қабылдау қан сарысуындағы литий деңгейін жоғарылатуы мүмкін. Дұрыс қолданған кезде қан сарысуындағы литий деңгейін тексеру қажет емес (4 күннен аспайды).

Метотрексат

Метотрексаттың плазмалық концентрациясының ықтимал жоғарылауы туралы деректер бар. Ибупрофенді метотрексатқа дейін немесе одан кейін 24 сағат ішінде қабылдау метотрексат концентрациясының жоғарылауына және оның уытты әсерінің жоғарылауына әкелуі мүмкін.

Циклоспорин

Нефроуыттылық қаупінің жоғарылауы.

Мифепристон

ҚҚСП мифепристон тиімділігін төмендету ықтималдығына байланысты оның қабылдауын мифепристон қабылдағаннан кейін 8-12 күннен ерте бастауға болмайды.

Такролимус

ҚҚСП және такролимусты бір мезгілде тағайындау кезінде нефроуыттылық қаупі жоғарылауы мүмкін.

Зидовудин

ҚҚСП және зидовудинді бір мезгілде қолдану гематоуыттылықтың жоғарылауына әкелуі мүмкін. Зидовудин мен ибупрофенді біріктіре қабылдаған гемофилиясы бар АИТВ-оң пациенттерде гемартроз бен гематомалардың даму қаупі бар.

Хинолон қатарындағы антибиотиктер

ҚҚСП және хинолон қатарындағы антибиотиктермен бірге ем қабылдайтын пациенттерде құрысулардың туындау қаупі жоғарылауы мүмкін.

Аминогликозидтер

Ибупрофен аминогликозидтердің шығарылуын төмендетуі мүмкін.

Пробенецид және сульфинпиразон

Құрамында пробенецид немесе сульфинпиразон бар дәрілік препараттар ибупрофеннің экскрециясын кешіктіруі мүмкін.

Сульфонилмочевина туындылары

Ибупрофенді сульфонилмочевина туындыларымен бірге қолдану кезінде сақтық шарасы ретінде қандағы қант деңгейін тұрақты бақылау қажет.

CYP2C9 тежегіштері

Ибупрофенді CYP2C9 тежегіштерімен бірге тағайындау ибупрофеннің әсерінің жоғарылауына әкелуі мүмкін (CYP2C9 субстраты). Вориконазол мен флуконазол (CYP2C9 тежегіштері) қолданған зерттеуде S(+)-ибупрофен әсерінің шамамен 80-100% жоғарылауы байқалды. Ибупрофеннің дозасын түзету туралы шешім онымен бірге CYP2C9 күшті тежегіштері қолданылған жағдайларда, әсіресе ибупрофенді жоғары дозада вориконазолмен және флуконазолмен бір мезгілде бірге қолданған жағдайларда қабылдануы керек.

Арнайы ескертулер

Егде жастағы пациенттер

Егде жастағы адамдарда ҚҚСП қабылдағаннан кейін әсіресе қан кету немесе өлімге әкелуі мүмкін асқазан-ішек жолындағы ойық жараның тесілуі сияқты жағымсыз реакциялардың жиілігі жоғарылайды.

Тыныс алу мүшелері

ҚҚСП қабылдау аясында бронх демікпесі немесе аллергиялық аурулары бар пациенттерде өршу сатысындағы немесе анамнездегі бронх түйілуі дамуы мүмкін.

Басқа ҚҚСП

Ибупрофенді циклооксигеназа-2 селективті тежегіштерін қоса, қатар жүретін ҚҚСП-пен бір мезгілде қолданудан аулақ болу керек.

Жүйелі қызыл жегі немесе дәнекер тінінің аралас ауруы

Асептикалық менингит қаупі жоғары.

Несеп шығару жүйесінің ағзалары

Бүйрек функциясының төмендеуі жалғасуы мүмкін болуына байланысты бүйрек жеткіліксіздігі. Дегидратациясы бар балалар мен жасөспірімдерде бүйрек функциясының бұзылу қаупі бар.

Гепатобилиарлы жүйе

Бауыр дисфункциясы.

Жүрек-қан тамырлары және цереброваскулярлық әсерлер

Анамнезінде артериялық гипертензия және/немесе жүрек жеткіліксіздігі бар пациенттер сұйықтықтың іркілуі, артериялық гипертензия және ҚҚСП қабылдауға байланысты ісіну хабарланғандықтан, препаратты сақтықпен қабылдауды бастауы керек (дәрігермен кеңесу қажет).

Ибупрофенді ұзақ уақыт қолдану, әсіресе жоғары дозаларда (тәулігіне 2400 мг) тромбоздық асқынулардың (мысалы, миокард инфарктісі немесе инсульт) даму қаупінің шамалы жоғарылауымен байланысты болуы мүмкін. Ибупрофеннің ұсынылған тәуліктік дозасын қабылдау (тәулігіне 1200 мг) жүрек-қантамырлары жүйесінің асқыну қаупін арттырмайды.

Бақыланбайтын артериялық гипертензиясы, II-III класты NYHA жіктемесі бойынша жүректің іркілісті жеткіліксіздігі, жүректің ишемиялық ауруы, шеткері артерия аурулары және/немесе цереброваскулярлық аурулары бар пациенттер ибупрофеннің жоғары дозаларын (тәулігіне 2400 мг) қолданудан аулақ болу керек. Ибупрофенмен ұзақ мерзімді емдеу басталғанға дейін, әсіресе жоғары дозаларда (тәулігіне≥ 2400 мг) жүрек-қантамырлары асқынуларының (мысалы, гипертония, гиперлипидемия, қант диабеті, темекі шегу) даму қаупі факторлары бар пациенттерде пайда-қауіп арақатынасын мұқият бағалау қажет.

Бұл дәріге тыныс алу проблемаларын, бет пен мойын аймағының ісінуін (ангионевроздық ісіну), ибупрофен қабылдаған кезде кеудедегі ауырсынуды қоса, аллергиялық реакция белгілері туралы хабарланды. Ибуфен Ультра препаратын қабылдауды дереу тоқтатыңыз және осы белгілердің кез келгенін байқаған болсаңыз, дереу дәрігерге немесе жедел медициналық көмекке хабарласыңыз.

Асқазан-ішек жолы (АІЖ)

Анамнезінде асқазан-ішек аурулары (спецификалық емес ойық жаралы колит, Крон ауруы) бар пациенттерге аталған аурулардың өршу ықтималдығына байланысты ҚҚСП сақтықпен тағайындалуы керек.

Ескерту симптомдарына немесе анамнезінде асқазан-ішек жолы тарапынан жағымсыз реакцияларының болғанына қарамастан, емдеудің кез келген кезеңінде ҚҚСП қабылдау, кейде өліммен аяқталуы мүмкін асқазан-ішектен қан кетуге, ойық жаралануға немесе тесілуге әкелуі ықтимал.

Анамнезінде ойық жарасы, әсіресе қан кетумен немесе тесілумен асқынған ойық жарасы бар пациенттерде және егде жастағы пациенттерде ҚҚСП дозасы жоғарылаған кезде асқазан-ішектен қан кету, ойық жара немесе тесілу қаупі артады. Мұндай пациенттерге препаратты қабылдауды болуы мүмкін ең аз дозадан бастау керек.

Анамнезінде асқазан-ішек уыттылығы бар пациенттерге, әсіресе егде жастағы пациенттерге, әсіресе емдеудің бастапқы кезеңінде құрсақ қуысы ағзалары тарапынан кез келген әдеттегіден тыс симптомдар (әсіресе асқазан-ішектен қан кету) туралы хабарлау керек.

Пероральді кортикостероидтар, антикоагулянттар (мысалы, варфарин), серотонинді кері қармаудың селективті тежегіштері немесе антитромбоциттік препараттар (мысалы, аспирин) сияқты ойық жаралану немесе қан кету қаупін арттыратын дәрілік препараттарды қабылдайтын пациенттерге препаратты сақтықпен ұсыну керек.

Егер ибупрофен қабылдаған пациенттерде асқазан-ішектен қан кету немесе ойық жара пайда болса, емдеуді тоқтату керек.

Терінің ауыр жағымсыз реакциялары (тыртықтар)

Ибупрофенмен емдеумен байланысты болған эксфолиативді дерматит, көп формалы эритема, Стивенс Джонсон синдромы, уытты эпидермалық некролиз, эозинофилиямен және жүйелік симптомдармен дәрілік реакция (DRESS), жедел жайылған экзантематозды пустулезді (AGEP) қоса, терінің ауыр реакциялары туралы хабарланды. Ибуфен® Ультра препаратын қолдануды тоқтатыңыз және «Жағымсыз реакциялардың сипаттамасы» бөлімінде сипатталған осы ауыр тері реакцияларына байланысты қандайда бір симптомдарды байқаған болсаңыз, дереу медициналық көмекке жүгініңіз.

Инфекциялар

Ибупрофен ысыну мен ауырсыну сияқты инфекция белгілерін бүркемелеуі мүмкін. Сондықтан Ибуфен Ультра препараты асқыну қаупінің жоғарылауына әкелуі ықтимал инфекцияны тиісті емін кейінге қалдыруы мүмкін. Бұл бактериялар тудырған пневмонияда және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары басылмаса немесе нашарласа, дереу дәрігерге жүгініңіз.

Қосымша заттар туралы ақпарат

Бұл препараттың құрамында сұйық мальтитол және сорбитол бар. Әрбір капсуланың құрамында 28,8 мг сорбитол (кристалданбайтын сұйық сорбитол түрінде, - 40 мг) және 15 мг сұйық мальтитол бар. Фруктозаның тұқым қуалайтын жақпаушылығы бар пациенттерде (сирек кездесетін генетикалық ауру) бұл препаратты қолдануға болмайды.

Препараттың құрамында әр капсулада 0,27 моль (10,5 мг) калий бар, бұны бүйрек функциясы төмендеген немесе калийдің тамақпен бірге қабылдануы бақыланатын адамдарға сақтықпен тағайындау керек.

Ұрпақ өрбіту функциясы

Ибупрофен әйелдерде фертильділіктің бұзылуын тудыруы мүмкін препараттарға жатады. Бұл әсер препаратты тоқтатқан кезде қайтымды болады.

Жүктілік және лактация кезінде

Жүктілік

Простагландин синтезінің тежелуі жүктілік ағымына, эмбрион мен шарананың дамуына жанама әсер етуі мүмкін. Эпидемиологиялық зерттеулердің деректері жүктіліктің ерте мерзімінде простагландин синтезінің тежегіштерін қолданған кезде өздігінен болатын түсік, жүрек ақаулары және гастрошизис қаупінің жоғарылауын растайды. Қауіп дозаның жоғарылауымен және емдеу ұзақтығымен артады деп болжанады.

Жүктіліктің 20-шы аптасынан бастап Ибуфен Ультра препаратын қолдану шарананың бүйрек функциясының бұзылуына байланысты қағанақ суының азаюын тудыруы мүмкін. Бұл емдеуді бастағаннан кейін көп ұзамай пайда болуы мүмкін және әдетте оны тоқтатқаннан кейін басылады. Сонымен қатар, жүктіліктің екінші триместрінде емдеуден кейін көпшілігі емдеуді тоқтатқаннан кейін басылған артериялық түтіктің тарылу жағдайлары туралы хабарланды. Сондықтан, Ибуфен Ультра препаратын өте қажет болған жағдайларды қоспағанда, жүктіліктің бірінші және екінші триместрінде қабылдауға болмайды.

Егер Ибуфен Ультра препаратын жүкті болуды жоспарлайтын әйел немесе жүктіліктің бірінші және екінші триместріндегі әйел қолданса, доза мүмкіндігінше аз болуы және емдеу ұзақтығы мүмкіндігінше қысқа болуы тиіс. Ибупрофенді жүктіліктің 20-шы аптасынан бастап бірнеше күн бойы қолданғаннан кейін, қағанақ суының азаюына және түтік стенозына босанғанға дейінгі бақылауды жүргізу туралы мәселені қарастыру керек. Ибуфен Ультра препаратын қабылдауды қағанақ суының азаюы немесе артериялық түтіктің тарылуы кезінде тоқтату керек.

Жүктіліктің үшінші триместрінде простагландин синтезінің тежегіштері шаранаға қолайсыз әсер етіп, мыналарға әкелуі мүмкін:

• кардиопульмональды уыттылық (артериялық түтіктің мерзімінен бұрын жабылуымен және өкпе гипертензиясының дамуымен);

• бүйрек дисфункциясы (жоғарыдан қараңыз);

жүктіліктің соңында ана мен жаңа туған нәресте:

• қанмен жаңа туған нәресте:ыз);не өкпе гипертензиясының дамуымен); қолданғаннан кейін, е

• босанудың басталуының кешігуіне және босану ұзақтығының ұзаруына әкелетін жатыр бұлшықеттерінің жиырылуының тежелуі.

Осының нәтижесінде ибупрофенді жүктіліктің үшінші триместрінде қабылдау қарсы көрсетілімді.

Лактация

Кейбір зерттеулерде ибупрофен өте төмен концентрацияда емшек сүтінде анықталды, еметін балаға теріс әсер етуі екіталай.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын басқару және механизмдерді пайдалану қабілетіне әсер етпейді немесе аз әсер етеді.

Алайда, жоғары дозаларда қабылдау кезінде шаршау және бас айналу сияқты орталық жүйке жүйесіне жағымсыз реакциялар дамуы мүмкін болғандықтан, кейбір жағдайларда көлік құралдарын басқару және механизмдерді пайдалану мүмкіндігі бұзылуы мүмкін. Бұл көбіне алкогольмен біріктіргенге қатысты.

Қолдану бойынша ұсынымдар

Дозалау режимі

Симптомдарды жеңілдету үшін қажет болатын ең төмен тиімді дозаны ең қысқа мерзімде қолдану керек. Егер сізде инфекция болса, симптомдар (қызба және ауырсыну сияқты) басылмаса немесе нашарласа, дереу дәрігерге жүгініңіз («Арнайы ескертулер» бөлімін қараңыз).

Ересектер мен 12 жастан асқан жасөспірімдер (40 кг-ден жоғары): ішке 1 капсуладан (200 мг), шайнамай, тәулігіне 3-4 ретке дейін. Капсуланы сумен ішу керек.

Ересектерде жылдам емдік әсерге қол жеткізу үшін бір реттік дозаны тәулігіне 3 реттен 2 капсулаға (400 мг) дейін арттыруға болады.

Ересектер үшін ең жоғары тәуліктік доза-1200 мг құрайды.

12-17 жас аралығындағы жасөспірімдер үшін ең жоғары тәуліктік доза - 1000 мг құрайды.

Қабылдау уақыты көрсетілген қолдану жиілігі

Препаратты қабылдау арасындағы аралық 4 сағатты құрауы тиіс.

Енгізу әдісі мен жолы

Ішке қабылдауға арналған. Капсулаларды шайнамай, тұтастай қабылдау керек.

Асқазаны сезімтал пациенттерге Ибуфен Ультра препаратын тамақтану кезінде қабылдау ұсынылады. Ибуфен Ультра препаратын тамақтан кейін бірден қабылдаған кезде препараттың әсерінің басталуы кейіннен білінуі мүмкін. Бұл жағдайда препараттың дозасын ұсынылған дозадан артық етіп жоғарылатуға немесе тиісті қайта дозалау аралығы өткенге дейін ұлғайтуға болмайды.

Емдеу ұзақтығы

Тек қысқа мерзімді қолдануға арналған!

Симптомдарды жою үшін қажет болатын ең төмен тиімді дозаны ең қысқа кезең ішінде қолдану арқылы жағымсыз реакцияларды барынша азайтуға болады.

Егер препаратты 2-3 күн қабылдаған кезде де симптомдар басылмаса немесе күшейсе, емдеуді тоқтатып, дәрігерге жүгіну керек. Препаратты ұзақ уақыт қолдану қажет болған жағдайда (12 жастан 17 жасқа дейінгі жасөспірімдер үшін - 3 күннен артық, ересектер үшін - 10 күннен артық) дәрігерге жүгіну қажет.

Пациенттердің ерекше топтары

Балалар

Препарат 12 жастан аспаған балаларда қарсы көрсетілімді.

Егде жастағы пациенттер

Егде жастағы пациенттерде сақтықпен қолдану керек.

Бүйрек жеткіліксіздігі бар пациенттер

Бүйрек функциясы бұзылған пациенттерде сақтықпен қолдану керек.

Бауыр жеткіліксіздігі бар пациенттер

Бауыр функциясы бұзылған пациенттерде сақтықпен қолдану керек.

Артық дозалану жағдайында қабылдануы қажетті шаралар

Балаларда 400 мг/кг-ден астам қабылдау симптомдарды тудыруы мүмкін. Ересектерде «доза-әсер» әсері онша айқын емес.

Симптомдары

ҚҚСП клиникалық маңызды мөлшерін қабылдаған пациенттердің көпшілігінде жүрек айнуы, құсу, эпигастрий ауруы, сирек жағдайларда - диарея дамиды. Сондай-ақ, құлақтың шуылдауы, бас ауыруы және асқазан-ішектен қан кетуі мүмкін. Ауыр улану жағдайында уыттылық орталық жүйке жүйесіне әсер етеді және ұйқышылдық, мезгіл-мезгіл қозу және бағдардан жаңылу немесе кома түрінде көрінеді. Кейде құрысулар пайда болады. Ауыр дозаланғанда метаболиздік ацидоз болуы мүмкін және протромбин уақыты/ХҚҚ жоғарылауы мүмкін және бұл айналымдағы коагуляция факторларымен өзара әрекеттесуге байланысты болуы мүмкін. Бүйректің жедел жеткіліксіздігі және бауыр функциясының бұзылуы дамуы мүмкін. Бронх демікпесі бар пациенттерде демікпе өршуі мүмкін.

Емдеу

Емдеу симптоматикалық және демеуші болуы тиіс және тыныс алу жолдарының өткізгіштігін демеуді және тұрақтанғанға дейін жүрек қызметі мен басқа да өмірлік функциялардың көрсеткіштерін бақылауды қамтуы керек. Егер пациент препараттың потенциалды уытты мөлшерін 1 сағаттан аз уақыт бұрын қабылдаған болса, белсендірілген көмірді пероральді қабылдау нұсқасын қарастыру керек. Егер құрысулар байқалса, әсіресе бірнеше рет және ұзақ уақыт болатын болса, пациентке диазепам немесе лоразепам вена ішіне енгізілуі керек. Бронходилататорларды демікпе ұстамаларының алдын алу үшін қолдану ұсынылады

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Ибуфен Ультра препаратын қолданар алдында емдеуші дәрігермен кеңесіңіз. Емдеуші дәрігерге не қабылдап жүргеніңіз, жақында не қабылдағаныңызды немесе басқа қандай да бір препараттарды қабылдауды бастауыңыз мүмкін екенін хабарлаңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

• іш аймағының ауыруы, жүрек айнуы және ас қорыту бұзылыстары, диарея, метеоризм, іш қату, қыжыл және сирек жағдайларда анемияға әкелуі мүмкін асқазан-ішектен жеңіл қаніл сирек жағдасқазан-ішек жолының бұзылуы

Жиі емес

• аса жоғары сезімталдық реакциялары1

• есекжем және қышыну

• бас ауыруы, бас айналу, ұйқышылдық, қозу, ашушаңдық немесе шаршауды қоса, орталық жүйке жүйесі тарапынан бұзылулар

• көру бұзылулары

• қанрыбұзылн удтесілу ықтимал АІЖ ойық жарасы, ойық жаралы стоматит, колиттің өршуі және Крон ауруы, гастрит

• тері бөртпелерінің әртүрлі түрлері

Сирек

• құлақтың шыңылдауы

• бүйрек тінінің зақымдануы (бүйрек бүртіктерінің некрозы) және қандағы мочевина концентрациясының жоғарылауы; қандағы несеп қышқылы концентрациясының жоғарылауы

• гемоглобин деңгейінің төмендеуі

Өте сирек

• инфекциямен байланысты қабынудың өршуі (мысалы, некроздық фасцииттің дамуы), сирек жағдайларда терінің ауыр инфекциясы және жұмсақ тіндердің асқынуы желшешек кезінде болуы мүмкін

• гемопоэздің бұзылуы (анемия, лейкопения, тромбоцитопения, панцитопения және агранулоцитоз). Алғашқы белгілер қызбаоэздің тың ауыруы, ауыз қуысының беткейлік ойық жаралары, тұмауға ұқсас симптомдар, қатты жүдеу, мұрыннан қан кету және теріден қан кету, қан кету және қанталаулар болып табылады. Мұндай жағдайларда пациент осы дәрілік препаратты қабылдауды тоқтатуы, анальгетиктермен және қызудыьгетиктерм дәрілермен өз бетінше емделуден бас тартуы және дәрігерге жүгінуі керек.

• аса жоғары сезімталдықтың ауыр жайылған реакциялары. Симптомдарға беттің, тілдің және тамақтың ісінуі, ентігу, тахикардия және гипотензия (анафилаксия, ангионевроздық ісіну немесе ауыр шок) кіруі мүмкін.

• демікпенің өршуі

• психоздық реакция, депрессия

• асептикалық менингит2

• жүрек жеткіліксіздігі, жүрек соғуының жиілеуі және ісіну, миокард инфарктісі

• артериялық гипертензия, васкулит

• эзофагит, панкреатит және ішектің жарғақшалық стриктурасының түзілуі.

• бауыр дисфункциясы, бауырдың зақымдануы, әсіресе ұзақ уақыт қабылдаған кезде, бауыр жеткіліксіздігі, жедел гепатит

• көбінесе ортасында күлдіреуіктер бар, терінің қабыршақтануымен, ауыз, тамақ, мұрын, гениталий мен көздің ойық жараларымен болатын денедегі қызарған, құрғамаған, нысанағанысана немесе дөңгелек дақтар. Осы терінің ауыр бөртпелерінің алдында қызбапжәне тұмауға ұқсас симптомдар болуы мүмкін [эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз].

• алопеция

• ісіну, әсіресе артериялық гипертензиясы немесе бүйрек жеткіліксіздігі бар пациенттерде, нефроздық синдром, жедел бүйрек жеткіліксіздігімен қатарожүруі мүмкін ішек нефриті

Белгісіз (қолда бар деректер негізінде бағалау мүмкін емес)

• тыныс алу жолының аса жоғары реактивтілігі, соның ішінде демікпе, бронх түйілуі немесе ентігу

• Кунис синдромы деп аталатын потенциалды ауыр аллергиялық реакцияның белгісі болуы мүмкін кеудедегі ауырсыну

• жайылған бөртпе, жоғары дене температурасы және лимфа түйіндерінің үлкеюі (DRESS синдромы)

• қызбамен бірге жүретін күлдіреуіктер және тері астындағы қызыл, қабыршақты, жайылған бұдырлы бөртпелер. Симптомдар әдетте емдеудің басында пайда болады (жедел жайылған экзантематозды пустулез)

• фотосезімталдық реакциялары

Жекелеген жағымсыз реакциялардың сипаттамасы

1 Ибупрофенмен емдеу кезінде аса жоғары сезімталдық реакциялары тіркелді. Оларға (a) спецификалық емес аллергиялық реакциялар және анафилаксиялық реакция, (b) тыныс алу жолының аса жоғары реактивтілігі, соның ішінде демікпе, өршіген демікпе, бронх түйілуі, ентігу немесе (c) әртүрлі тері реакциялары, соның ішінде әртүрлі типтегі бөртпе, қышыну, есекжем, пурпура, ангионевроздық ісіну.

2 Препаратты қабылдаудан туындаған асептикалық менингиттің дамуының патогенетикалық механизмі әлі толық зерттелмеген. Алайда, ҚҚСП қабылдау аясында асептикалық менингит жағдайлары туралы қолда бар деректер иммундық реакцияларды көрсетеді (препаратты қабылдау уақыты мен препаратты тоқтатқаннан кейін симптомдардың басылуы арасындағы байланыс қадағаланады). Асептикалық менингит симптомдарының пайда болуының жекелеген жағдайлары (мысалы, мойын бұлшықеттерінің сіресуі, бас ауыруы, жүрек айнуы, құсу, қызба немесе бағдардың бұзылуы) аутоиммунды аурулары (мысалы, жүйелі қызыл жегі, дәнекер тінінің аралас ауруы) бар пациенттерді емдеу кезінде байқалғанын атап өту керек.

Егер Сіз келесі симптомдардың кез келгенін байқаған болсаңыз, Ибупрофенді қабылдауды тоқтатыңыз және дереу дәрігерге жүгініңіз:

• көбінесе ортасында күлдіреуіктер бар, терінің қабыршақтануымен, ауыз, тамақ, мұрын, гениталий мен көздің ойық жараларымен болатын денедегі қызарған, құрғамаған, нысанағанысана немесе дөңгелек дақтар. Осы терінің ауыр бөртпелерінің алдында қызбапжәне тұмауға ұқсас симптомдар болуы мүмкін [эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз].

• жайылған бөртпе, жоғары дене температурасы және лимфа түйіндерінің үлкеюі (DRESS синдромы)

• қызбамен бірге жүретін күлдіреуіктер және тері астындағы қызыл, қабыршақты, жайылған бұдырлы бөртпелер. Симптомдар әдетте емдеудің басында пайда болады (жедел жайылған экзантематозды пустулез)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат – ибупрофен 200 мг,

қосымша заттар: макрогол 600, калий гидроксиді, тазартылған су,

қабығы: кристалданбайтын сұйық сорбитол, сұйық мальтитол, желатин, тазартылған су.

Сыртқы түрінің, иісінің, дәмінің сипаттамасы

Құрамында тұтқыр сұйықтық бар, ашық сары желатинді капсулалар.

Шығарылу түрі және қаптамасы

10 капсуладан поливинилхлоридті/поливинилдихлоридті үлбірден (ПВДХ/ПВХ) және алюминий фольгадан жасалған пішінді ұяшықты қаптамаға салынады. 1 немесе 2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«ПОЛЬФАРМА» АҚ фармацевтикалық зауыты

Серадздегі Медана бөлімі

Владислав Локетка көшесі 10, 98-200 Серадз, Польша

Телефон нөмірі: +48 43 827 10 31

Факс нөмірі: +48 43 827 12 00

Электронды пошта: medana@medana.pl

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш, 81

Телефон нөмері +7 7252 (610151)

Автожауапбергіш нөмірі +7 7252 (561342)

Электронды пошта: infomed@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

«Химфарм» АҚ, Қазақстан Республикасы, Шымкент қ, Рашидов көш, 81

Телефон нөмері +7 7252 (610150)

Автожауапбергіш нөмірі +7 7252 (561342)

Электронды пошта: complaints@santo.kz; phv@santo.kz

13