Золедроновая кислота-Келун-Казфарм

Золедрон қышқылы-Келун-Казфарм

Золедрон қышқылы

Дәрілік түрі, дозалануы

Инфузия үшін ерітінді дайындауға арналған концентрат, 4 мг/5 мл

Сүйек-бұлшықет жүйесі. Сүйек ауруларын емдеуге арналған препараттар. Сүйек құрылымы мен минералдануына ықпал ететін препараттар. Бисфосфонаттар. Золедрон қышқылы.

АТХ коды М05ВА08

ДП ересектерде, 18 жастан асқан жасөспірімдерде қолдануға көрсетілген.

- қатерлі ісіктен туындаған гиперкальциемияда (қан сарысуындағы альбумин деңгейі бойынша түзетілген ≥ 12 мг/дл немесе 3 ммоль/л кальций концентрациясы кезінде)

- сүйектегі метастаздармен қатар жүретін қатерлі жаңа түзілімдері бар пациенттердегі сүйек тіні патологиясымен (патологиялық сынулар, омыртқа бағанының компрессиясы, сүйекке жасалған хирургиялық араласымдардан және сәулемен емдеуден кейінгі асқынулар, ісік индукциялаған гиперкальциемия) байланысты симптомдардың профилактикасында.

Қолдануды бастағанға дейін қажетті мәліметтер тізбесі

• золедрон қышқылына, басқа бисфосфонаттарға немесе қосымша заттардың кез келгеніне аса жоғары сезімталдық

• бүйректің ауыр жеткіліксіздігі (КК 30 мл/мин аз)

• жүктілік және лактация кезеңі

• балалар мен 18 жасқа дейінгі жасөспірімдер

Қолдану кезінде қажетті сақтық шаралары

- емдеуді бастар алдында және барлық емдеу курсы бойына дегидратация және гиповолемия симптомдарына түзету жүргізу қажет

- тәулігіне 2 л жуық диурезді бүкіл емдеу курсы бойына ұстап тұру ұсынылады.

Басқа дәрілік препараттармен өзара әрекеттесуі

Клиникалық зерттеулерде золедрон қышқылын ісікке қарсы препараттармен, диуретиктермен (ілмекті диуретиктерді қоспағанда), антибиотиктермен және анальгетиктермен бір мезгілде қолданғанда препараттың клиникалық мәнді өзара әрекеттесулері анықталмаған. Золедрон қышқылы сияқты бисфосфонаттарды аминогликозидтермен, кальцитонинмен немесе ілмекті диуретиктермен қатар қолданғанда сақ болуға кеңес беріледі, өйткені препараттарды бір мезгілде қолдану сарысудағы кальций деңгейінің қажеттісінен ұзаққа созылатын төмендеуіне әкелуі мүмкін. Золедрон қышқылы мен нефроуыттылығы зор басқа препараттарды тағайындағанда сақтық шарасын қадағалау керек. Золедрон қышқылы мен антиангиогендік препараттарды тағайындағанда сақ болу керек, өйткені бұл препараттарды бір мезгілде қолданғанда пациенттерде жақсүйек остеонекрозы жиілігінің артуы байқалды.

Талидомидпен бірге қолданғанда, емдеудің басталуына дейін бүйрек жеткіліксіздігінің жеңіл және орташа дәрежесі бар пациенттерді қоспағанда, Золедрон қышқылының дозасын түзету қажет емес. Талидомидті (тәулігіне 100 немесе 200 мг) Золедрон қышқылымен бір мезгілде тағайындау көптеген миеломасы бар пациенттерде золедрон қышқылының фармакокинетикасы мен креатинин клиренсіне елеулі әсерін көрсетпейді.

Арнайы ескертулер

Емдеу басталғаннан кейін қан сарысуындағы кальций, фосфор және магнийдің концентрациясына мұқият мониторинг жүргізу қажет. Золедрон қышқылы бастапқы гипокальциемиясы бар пациенттерде қолданылмайды. Электролиттік теңгерімнің бұзылуы (гипокальциемия, гипомагниемия немесе гипофосфатемия) қысқа мерзімді орнын толтырушы ем жүргізуді қажет етеді.

Әр дозасын енгізер алдында бүйрек функциясын анықтау үшін, креатинин концентрациясын анықтау қажет.

Бүйрек жеткіліксіздігі

Қатерлі ісікке байланысты гиперкальциемиясы және бүйрек функциясының нашарлау белгілері бар пациенттер, дәрігер емдеудің ықтимал қауіпінен ықтимал пайдасын бағалағанға дейін мұқият тексеруден өту керек.

Сүйек тінінің зақымдануымен байланысты симптомдардың алдын алу үшін сүйектегі метастаздары бар пациенттерді емдеу туралы шешім қабылдаған кезде емдеу әсері 2-3 айдан кейін басталатынын ескеру керек.

Бисфосфонаттарды қолдану кезінде бүйрек функциясының нашарлауы туралы хабарламалар болды. Бүйрек функциясының бұзылу ықтималдылығын арттыратын факторларға дегидратация, бұрын болған бүйрек функциясының бұзылуы, золедрон қышқылының немесе басқа бисфосфонаттардың көп реттік циклдары, сондай-ақ нефроуытты препараттарды қолдану немесе қазіргі ұсынылғаннан гөрі қысқа мерзімді инфузия жүргізу жатады. Золедрон қышқылын кемінде 15 минут ішінде 4 мг дозада енгізген кезде қауіп азайса да, бүйрек функциясы нашарлауы мүмкін. Золедрон қышқылының бастапқы немесе бір реттік дозасын енгізгеннен кейін пациенттерде бүйрек функциясының нашарлауы, бүйрек жеткіліксіздігіне және диализге дейін үдеуі туралы хабарланды. Сарысудағы креатинин деңгейінің жоғарылауы, сүйек тінінің зақымдануымен байланысты симптомдардың туындауын болдырмау үшін препаратты үнемі ұсынылған дозаларда қабылдайтын кейбір пациенттерде де байқалады, бірақ бұл өте сирек кездеседі.

Золедрон қышқылының әрбір дозасын енгізер алдында пациенттердің қан сарысуындағы креатинин деңгейін бағалау қажет. Емдеу басталғаннан кейін бүйрек функциясының жеңіл немесе орташа бұзылуы бар пациенттерге, қатерлі ісікке байланысты гиперкальциемиясы бар пациенттерді қоспағанда, золедрон қышқылының неғұрлым төмен дозалары ұсынылады. Емдеу кезінде бүйрек функциясының нашарлау белгілері бар пациенттерде препаратты қабылдауды, креатинин деңгейі бастапқы мәннен 10% шегінде мәнге оралған кезде ғана жаңартуға болады.

Бүйрек функциясына бисфосфонаттардың әлеуетті әсер етуіне, қауіпсіздігі бойынша ауқымды клиникалық деректердің және фармакокинетикалық деректердің болмауына байланысты бүйрек функциясының ауыр бұзылулары бар пациенттерде (клиникалық зерттеулерде қатерлі ісікке байланысты гиперкальциемиясы бар пациенттер үшін сарысудағы креатинин деңгейі ≥ 400 мкмоль/л немесе ≥ 4,5 мг/дл және сарысу креатинині ≥ 265 мкмоль/л немесе ≥ 3 мг/дл тиісінше қалған пациенттер үшін; фармакокинетикалық зерттеулерде креатинин клиренсі < 30 мл/мин) золедрон қышқылын қолдану ұсынылмайды

Жақсүйек остеонекрозы

Жақсүйек остеонекрозы негізінен емдеу құрамында бисфосфонаттар, оның ішінде золедрон қышқылы бар онкологиялық пациенттерде хабарланды.

Төтенше медициналық жағдайларды қоспағанда, ауыздың жұмсақ тіндерінің ашық зақымданулары емделмеген пациенттерде, емдеудің басталуын немесе емдеудің жаңа курсын кейінге қалдыру керек. Қатарлас қауіп факторлары бар пациенттерде бисфосфонаттармен емдеу алдында тиісті профилактикамен және пайда/қауіп арақатынасын жеке бағалаумен стоматологиялық тексеру жүргізу ұсынылады.

Жақ остеонекрозының даму қаупін бағалау кезінде келесі қауіп факторларын ескеру қажет:

- бисфосфонаттың тиімділігі (күшті әсер ететін қосылыстар үшін жоғары қауіп), енгізу тәсілі (парентеральді енгізу үшін жоғары қауіп) және бисфосфонаттың кумулятивті дозасы;

- обыр, қатар жүретін аурулар (мысалы, анемия, коагулопатия, инфекция), темекі шегу;

- қатар жүретін ем: химиотерапия, ангиогенез тежегіштері, мойын және басты сәулемен емдеу , кортикостероидтар;

- анамнезіндегі тіс аурулары, ауыз қуысының нашар гигиенасы, парадонт аурулары, инвазивті стоматологиялық емшаралар (мысалы, тісті жұлу) және нашар келтірілген протездер.

Пациенттер ауыз қуысының гигиенасын сақтауы және бисфосфонаттармен емдеу басталғанға дейін тиісті профилактикалық санациямен ауыз қуысын тексеруден өтуі тиіс.

Емдеу кезінде бұл пациенттер мүмкіндігінше инвазивті стоматологиялық емшаралардан аулақ болу керек. Бисфосфонаттармен емдеу кезінде жақсүйек остеонекрозы дамыған пациенттерде стоматологиялық операциялар жағдайды нашарлатуы мүмкін. Бисфосфонаттармен емдеуді тоқтату жақсүйек остеонекрозының даму қаупін төмендетіні немесе төмендетпейтіні туралы стоматологиялық емшараларды қажет ететін пациенттерге қатысты деректер жоқ. Дәрігер, клиникалық баға бере отырып, әрбір пациентке енгізудің пайда және қаупін жеке бағалауға негізделген жоспарды басшылыққа алуы тиіс.

Өзге жерде орналасқан остеонекроз

Сыртқы есту жолының остеонекрозы бисфосфонаттарды қолданғанда, негізінен ұзақ емдеуде тіркелген. Сыртқы есту жолының остеонекрозының даму қаупінің ықтимал факторлары стероидтар мен химиотерапияны және / немесе инфекция немесе жарақат сияқты жергілікті қауіп факторларын пайдалануды қамтиды. Сыртқы есту жолының остеонекрозының даму мүмкіндігін есту жолының созылмалы инфекцияларын қоса, симптомдары бар бисфосфонаттар алатын пациенттерде ескеру керек.

Жамбас сүйегінің атипиялық сынулары

Бисфосфонаттармен емдегенде, көбінесе остеопороз кезінде ұзақ ем қабылдаған пациенттерде, атипиялық ұршықасты сынулары және ортан жілік сүйегінің диафизінің сыну жағдайлары туралы хабарланған. Көлденең немесе қысқа қиғаш сынулар ортан жіліктің кез-келген бөлігінде, шағын ұршықтан төмен нүктеден бастап және айдаршық үсті кеңеюінен тікелей жоғары нүктемен аяқтай алады. Бұл сынулар ең аз жарақат салдарынан немесе онсыз пайда болуы мүмкін, және кейбір пациенттерде ортан жілік сүйегінің толық сынуы дамығанға дейін бірнеше апта немесе ай бұрын жамбас буыны аймағында немесе шап аймағында ауыру сезімі пайда болуы мүмкін. Сынулар әдетте екі жақты болып табылады; сондықтан золедрон қышқылы препаратымен ем алатын және ортан жілік үйегі диафизінің сынуы пайда болған пациенттерде екінші аяқтың ортан жілік сүйегін бағалауды жүргізу қажет. Сондай - ақ, мұндай сынулар нашар бітеді деп хабарланды. Ортан жілік сүйегінің атипиялық сынуына күдікті пациенттерде қауіп пен пайданы жеке бағалауға бейімделе отырып, золедрон қышқылы препаратымен емдеуді тоқтату мүмкіндігін қарастыру керек. Золедрон қышқылы препаратын алған пациенттерде санның атипиялық сынуы туралы хабарланған, алайда препаратты қолданумен себеп-салдарлық байланыс анықталған жоқ.

Пациенттерге препаратпен емдеу кезінде санда, жамбас буынында немесе шапта кез келген ауыру туралы хабарлауды ұсыну қажет. Мұндай симптомдары бар пациенттерді ортан жілік сүйегінің толық емес сынуына тексеру керек.

Бұлшықет ауыруы

Маркетингтен кейінгі зерттеулерде золедрон қышқылы препаратын қабылдаған пациенттерде сүйектердің, буындардың ауыр, кейде мүгедек болатын ауруы және/немесе бұлшықет ауруы туралы хабарланған. Симптомдар басталғанға дейінгі уақыт емдеу басталғаннан бастап бір күннен бірнеше айға дейін ауытқыды. Пациенттердің көпшілігінде емдеу тоқтатылғаннан кейін симптомдар айқындылығының азаюы болды. Осы санаттағы пациенттерде, егер емдеуді сол дәрілік затпен немесе басқа бисфосфонатпен қайта бастаса, симптомдардың қайталануы байқалды.

Гипокальциемия

Золедрон қышқылы препаратын қабылдаған пациенттерде гипокальциемия туралы хабарламалар бар. Ауыр гипокальциемияға қатысты екінші рет жүрек аритмиялары және неврологиялық жағымсыз реакциялар (құрысулар, тетания, гипостезия) туралы хабарланған. Кейбір жағдайларда гипокальциемия өмірге қауіп төндіруі мүмкін.

Препаратты гипокальциемияны тудыратын басқа препараттармен тағайындағанда сақ болу ұсынылады, себебі ауыр гипокальциемияға әкелетін синергиялық әсер болуы мүмкін («Дәрілермен өзара әрекеттесуі» бөлімін қараңыз). Препаратты қолданар алдында қан сарысуындағы кальций деңгейін анықтау және гипокальциемияны түзету керек. Пациенттерге кальций препараттарының және D дәруменінің адекватты дозаларын қабылдау керек.

Педиатрияда қолданылуы

1 жастан 17 жасқа дейінгі балаларда золедрон қышқылының қауіпсіздігі мен тиімділігі анықталмаған.

Жүктілік немесе лактация кезінде

Жүктілік және лактация кезінде препаратты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлікті басқару мен механизмдерді пайдалану қабілетіне әсер етуіне қатысты зерттеулер жүргізілген жоқ, алайда жүйке жүйесі тарапынан зейін қоюды және психомоторлық реакцияларды төмендетуге қабілетті жағымсыз әсерлер (бас айналу, ұйқышылдық) туындаған жағдайда сақтық таныту керек.

Қолдану жөніндегі нұсқаулар

Дозалау режимі

Қатерлі ісікпен байланысты гиперкальциемияны емдеуде

Ересектер мен егде жастағы пациенттер

Гиперкальциемия (альбумин деңгейі бойынша түзетілген кальций концентрациясы > 12 мг/дл немесе 3 ммоль/л) кезінде препараттың ұсынылатын дозасы инфузияға арналған ерітіндімен (100 мл 0,9% натрий хлориді ерітіндісі немесе 5% глюкоза ерітіндісі) сұйылтылған 4 мг құрайды, ол вена ішіне енгізілетін кемінде 15 минуттық бір реттік инфузия түрінде тағайындалады.

Золедрон қышқылы-Келун-Казфарм препаратын енгізгенге дейін пациенттегі гидратация дәрежесіне баға беру керек. Пациенттің гидратациясы талапқа сай болған жағдайда, инфузия жүргізіледі.

Сүйектегі метастаздармен қатар жүретін қатерлі жаңа түзілімдері бар пациенттердегі сүйек тінінің патологиясымен (патологиялық сынулар, омыртқа бағанының компрессиясы, сүйекке жасалған хирургиялық араласымдардан және сәулемен емдеуден кейінгі асқынулар, ісік индукциялаған гиперкальциемия) байланысты симптомдардың профилактикасы

Ересектер мен егде жастағы пациенттер

Ұсынылатын дозасы – 4 мг Золедрон қышқылы-Келун -Казфарм

препараты. Концентрат 100 мл 0,9% натрий хлориді ерітіндісінде немесе 5% глюкоза ерітіндісінде сұйылтылуы тиіс. Әр 3-4 апта сайын вена ішіне енгізілетін кемінде 15 минуттық инфузия түрінде тағайындалады.

Сондай-ақ пациенттер күн сайын қандай да бір кальций препаратын 500 мг дозада және Д дәруменін 400 ХБ қабылдауы тиіс.

Бүйрек функциясының бұзылуы бар пациенттерде қолданылуы

Қатерлі ісіктен туындаған гиперкальциемия кезіндегі бүйрек жеткіліксіздігінде

Бүйректің айқын жеткіліксіздігі бар пациенттердегі қатерлі ісіктен туындаған гиперкальциемияны Золедрон қышқылы-Келун-Казфарм препаратымен емдеуді, тек аталған емнің қаупі мен пайдасына баға бергеннен кейін ғана тағайындау керек. Қатерлі ісіктен туындаған гиперкальциемиясы бар, сарысудағы креатинин деңгейі <400 мкмоль/л немесе <4,5 мг/дл пациенттерде дозасын түзету қажет емес.

Сүйектердің зақымдануымен жүретін асқынған қатерлі жаңа түзілімдері бар пациенттердегі сүйек тінінің патологиясымен байланысты симптомдардың профилактикасы кезіндегі және сүт безі обырының бастапқы сатысындағы менопауза кезеңінен кейінгі, ароматаза тежегіштерімен ем қабылдап жүрген әйелдердегі сүйектердің сынулары мен резорбциясының профилактикасы кезіндегі бүйрек жеткіліксіздігі.

Көптеген миеломасы немесе ауқымды ісіктер кезіндегі сүйектердің метастаздық зақымдануы бар пациенттерді, сондай-ақ менопауза кезеңінен кейінгі, сүт безі обырының бастапқы сатысындағы, ароматаза тежегіштерімен ем қабылдап жүрген әйелдерді емдеуді бастар алдында, сарысудағы креатинин деңгейі мен креатинин клиренсін анықтап алу керек. Креатинин клиренсін сарысудағы креатинин деңгейінің негізінде Кокрофт-Голт формуласы бойынша есептеп шығарады. Золедрон қышқылы-Келун-Казфарм емдеу басталғанға дейін бүйректің айқын жеткіліксіздігін бастан өткерген, ол кезде креатинин клиренсі < 30 мл/минут болған пациенттерге ұсынылмайды.

Сүйекте метастаздары бар пациенттерге және менопауза кезеңінен кейінгі сүт безі обырының бастапқы сатысындағы, ароматаза тежегіштерімен ем қабылдап жүрген, Золедрон қышқылымен емдеу басталғанға дейін жеңіл немесе орташа бүйрек жеткіліксіздігі болған (анықталған креатинин клиренсі 30-60 мл/мин) әйелдерге, препараттың келесі дозалары ұсынылады:

* Дозалары 0,66 (мг · сағ/л) құрайтын (креатинин клиренсі = 75 мл/мин) мақсатты AUC негізінде есептелген. Бүйрек жеткіліксіздігі кезіндегі төмендетілген дозалары AUC мәндерінің креатинин клиренсі 75 мл/минут пациенттердегідей мәндерге жетуін қамтамасыз етеді деп шамаланады.

Емдеу басталғаннан кейін қан сарысуындағы креатинин деңгейін Золедрон қышқылы-Келун-Казфарм препаратының әр дозасын енгізер алдында өлшеп отыру керек. Бүйрек функциясының бұзылуы кезінде емдеуді тоқтату керек. Бүйрек функциясының бұзылуы төмендегідей анықталды:

• сарысудағы креатининнің бастапқы деңгейі қалыпты (<1,4 мг/дл) пациенттер үшін – көрсеткіштің 0,5 мг/дл жоғарылауы

• сарысудағы креатининнің бастапқы деңгейі өзгерген (> 1,4 мг/дл) пациенттер үшін – көрсеткіштің 1 мг/дл жоғарылауы.

Клиникалық зерттеулерде Золедрон қышқылымен емдеу креатинин деңгейі бастапқы шамасының 10%-ы шегіндегі деңгейіне қайта келгеннен кейін қайта басталды. Препаратпен емдеуді емдеу тоқтатылғанға дейінгі дозада қайта бастау керек.

Препараттың азайтылған дозаларын дайындау жөніндегі нұсқаулар

Қажетті сұйық концентраттың тиісінше мөлшерін алыңыз:

4,4 мл - 3,5 мг дозасы үшін

4,1 мл - 3,3 мг дозасы үшін

3,8 мл - 3,0 мг дозасы үшін

Концентраттың өлшеп алынған мөлшерін 100 мл стерильді 0,9% натрий хлориді немесе 5% глюкоза ерітіндісінде сұйылту қажет. Инфузияға арналған дайын ерітіндіні вена ішіне кемінде 15 минут енгізілетін бір реттік инфузия түрінде енгізу керек.

Салқындатылған ерітіндіні қолданар алдында оны алдын ала бөлме температурасына жеткенше ұстау қажет.

Артық дозалану жағдайында қабылдануы қажетті шаралар

Золедрон қышқылының жедел артық дозалануының клиникалық тәжірибесі шектеулі. Золедрон қышқылын қателесіп 48 мг-нан жоғары мөлшерде тағайындау туралы хабарламалар келіп түсті. Ұсынылған дозадан жоғары дозаларды алған пациенттер бүйрек функциясының (бүйрек жеткіліксіздігін қоса алғанда) және электролиттік құрамның (оның ішінде қан плазмасындағы кальций, фосфаттар мен магний концентрацияларының) бұзылуы байқалатындықтан мұқият бақылануы тиіс. Гипокальциемия жағдайында кальций глюконаты инфузиясын клиникалық көрсеткіштерге сәйкес тағайындау керек.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Золедрон қышқылымен ем тағайындауды және бақылауды бифосфонаттарды вена ішіне қолдану тәжірибесі бар дәрігерлер ғана жүргізуі тиіс.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Жекелеген жағымсыз реакциялардың сипаттамасы

Бүйрек функциясының бұзылуы

Препаратты қолдану бүйрек функциясы бұзылуының дамуымен астасып отырды. Золедрон қышқылын клиникалық зерттеулерде сүйекті зақымдайтын жайылған қатерлі жаңа түзілімдері бар пациенттердегі қаңқа тарапынан болатын асқынулардың профилактикасы мақсатында қолданғанда, препаратты қолданумен байланысты бүйрек функциясы бұзылуының туындау жиілігі былайша жіктелді: көптеген миелома (3,2%), простата обыры (3,1%), сүт безі обыры (4,3%), өкпе обыры және басқа ауқымды ісіктер (3,2%). Бүйрек функциясының нашарлау қаупін арттыруы мүмкін факторларға мыналар жатады: дегидратация, осының алдындағы бүйрек функциясының бұзылуы, золедрон қышқылымен немесе басқа бисфосфонаттармен көптеген емдеу курстары, нефроуытты препараттарды бір мезгілде қолдану немесе препаратты ұсынылған кезеңінен аз уақыт ішінде енгізу. Бүйрек функциясының нашарлауы, бүйрек функциясы бұзылуының бүйрек жеткіліксіздігіне және золедрон қышқылының старттық немесе бір реттік дозасын енгізгеннен кейін гемодиализ жүргізу қажеттілігіне дейін үдеуі байқалған.

Остеонекроз

Бисфосфонаттармен, соның ішінде золедрон қышқылымен емдеу кезінде, негізінен онкологиялық аурулары бар пациенттерде остеонекроз (негізінен жақсүйек остеонекрозы, бірақ басқа жерлерде де, соның ішінде жамбас сүйегінде, ортан жілік сүйегінде және сыртқы есту өзегінде орналасқан) дамыған жағдайлар байқалған. Жақсүйек остеонекрозы бар көптеген пациенттерде жергілікті инфекциялық үдерістің, соның ішінде остеомиелиттің белгілері білінді; көп ретте мұндай жағдайлар тіс экстракциясынан немесе стоматологиялық операциялық араласулардан кейінгі онкологиялық аурулары бар пациенттерде байқалды. Қатерлі жаңа түзілімдер, бір мезгілде емдеу (мысалы, химиотерапия, антиангиогенді препараттар, сәулемен емдеу, глюкокортикостероидтар) және қатарлас жағдайлар (мысалы, анемия, коагулопатиялар, инфекциялар, осының алдындағы ауыз қуысының ауруы) сияқты жақсүйек остеонекрозының дамуына бейімдейтін кеңінен белгілі көптеген қауіп факторлары бар. Себеп-салдарлық байланысы анықталмағанына қарамастан, сауығудың кешеуілдеуі мүмкіндігіне байланысты, стоматологиялық операциялық араласымдардан бас тартқан дұрыс. Қолжетімді мәліметтер бойынша, жақсүйек остеонекрозының даму жиілігі ісіктің сипатымен (сүт безінің жайылған обыры, көптеген миелома) байланысты болып келеді.

Жедел фазалы реакция

Бұл жағымсыз реакция мына симптомдардың кешені болып табылады: дене температурасының жоғарылауы, жалпы әлсіздік, сүйектердің ауыруы, қалтырау, тұмау тәрізді синдром. Әдетте золедрон қышқылының инфузиясынан кейін ≤3 күн аралығында басталады. Сонымен қатар реакция «тұмау тәрізді» немесе «дозадан кейінгі» симптомдар терминдерін пайдалануымен еске алынады. Симптомдары әдетте бірнеше күннен кейін басылады.

Жүрекшелердің фибрилляциясы

Клиникалық зерттеулердің бірінде золедрон қышқылын менопаузадан кейінгі остеопорозы бар пациент әйелдерде 3 жыл бойы (жылына бір рет 5 мг дозада) қолданғанда жүрекшелер фибрилляциясы дамуының жалпы жиілігі плацебо тобындағы 1,9%-бен (3852 адамның 75-і) салыстырғанда 2,5 % (3862 адамның 96-сы) құрады. Ауыр гемодинамикалық бұзылулармен қатар жүретін жүрекшелер фибрилляциясының даму жиілігі золедрон қышқылы және плацебо үшін сәйкесінше 1,3% (3862 адамның 51-і) және 0,6% (3852 адамның 22-сі) құрады. Мұндай теңгерімсіздік золедрон қышқылының басқа клиникалық зерттеулерінде, онкологиялық аурулары бар пациенттерде 3-4 аптада бір рет 4 мг дозада қолданғанда байқалған жоқ. Аталған зерттеудегі менопаузадан кейінгі остеопорозы бар пациент әйелдерде золедрон қышқылымен емдеу аясында жүрекшелер фибрилляциясының даму жиілігінің арту себебі анықталған жоқ.

Ортан жіліктің атипиялық сынулары

Маркетингтен кейінгі тәжірибе кезінде келесі реакциялар тіркелді (жиілігі-сирек):

Ортан жіліктің атипиялық ұршықасты және диафиздік сынулары ( бисфопсфонаттар класының жағымсыз реакциясы).

Гипокальциемиямен байланысты жағымсыз құбылыстар

Гипокальциемия-мақұлданған көрсетілімдер бойынша золедрон қышқылы препаратын қолдану кезіндегі маңызды сәйкестендірілген қауіп. Клиникалық, сондай-ақ маркетингтен кейінгі жағдайларды шолуға негізделе отырып, золедрон қышқылы препаратымен ем, гипокальциемия оқиғасымен және жүрек аритмиясының қайта дамуымен хабарланған арасындағы байланысты растайтын деректердің жеткілікті саны бар. Бұдан басқа, гипокальциемия мен құрысуды, гипоастезияны және тетанияны қоса, қайталама неврологиялық құбылыстар арасындағы байланыс туралы деректер бар.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат – 4 мг золедрон қышқылы

(4.264 мг золедрон қышқылы моногидраты түрінде)

қосымша заттар: маннитол, натрий цитраты, инъекцияға арналған су.

Сыртқы түрінің, иісінің, дәмінің сипаттамасы

Мөлдір ерітінді

Шығарылу түрі және қаптамасы

5 мл препараттан I типті түссіз шыныдан жасалған, резеңке тығыны бар, алюминий қалпақшамен бекітілген және көк түсті алынып-салынатын пластмасса қақпағы бар құтыларда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл

Жарамдылық мерзімі өткеннен кейін қолдануға болмайды!

30 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

«Kelun-Kazpharm» (Келун-Казфарм) ЖШС, Қазақстан, Алматы облысы, Қарасай ауданы, Елтай а/о, Көкөзек ауылы., тел/факс: 8 (727) 312-14-01,

e-mail: kelun_reg@mail.ru

Тіркеу куәлігінің ұстаушысы

«Kelun-Kazpharm» (Келун-Казфарм) ЖШС, Қазақстан, Алматы облысы, Қарасай ауданы, Елтай а/о, Көкөзек ауылы., тел/факс: 8 (727) 312-14-01,

e-mail: kelun_reg@mail.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Kelun-Kazpharm» (Келун-Казфарм) ЖШС, Қазақстан, Алматы облысы, Қарасай ауданы, Елтай а/о, Көкөзек ауылы., тел/факс: 8 (727) 312-14-01,

e-mail: kelun_reg@mail.ru