Зобон (Раствор для инфузий)

• русский
• қазақша

• Скачать инструкцию медикамента

Саудалық атауы

Зобон

Халықаралық патенттелмеген атауы

Золедрон қышқылы

Дәрілік түрі

Инфузияға арналған ерітінді, 5 мг/100мл

Құрамы

100 мл ерітіндінің құрамында

белсенді зат - золедрон қышқылының моногидраты 5.33 мг

(сусыз золедрон қышқылына баламалы) (5.0 мг)

қосымша заттар: маннитол, натрий цитраты дигидраты, инъекцияға арналған су.

Сипаттамасы

Мөлдір түссіз ерітінді

Фармакотерапиялық тобы

Сүйек ауруларын емдеуге арналған препараттар. Сүйектердің құрылымы мен минералдануына әсер ететін препараттар. Бисфосфонаттар. Золедрон қышқылы.

АТХ коды M05B A08

Фармакологиялық қасиеттері

Фармакокинетикасы

Остеопорозы және Педжеттің сүйек ауруы бар пациенттердегі фармакокинетикасы туралы мәліметтер жоқ.

Таралуы

Золедрон қышқылының инфузиясы басталғаннан кейін белсенді затының плазмадағы концентрациялары жылдам артып, инфузияның соңында ең жоғарғы шыңына жетеді, содан кейін 4 сағаттан соң ең жоғарғы шыңының < 10%-ына дейін және 24 сағаттан соң - ең жоғарғы шыңының < 1 %-ына дейін жылдам төмендейді, содан кейін ең жоғарғы шыңы деңгейлерінің 0,1%-ынан аспайтын өте төмен концентрацияларының кезеңі ұзақ болады.

Шығарылуы

Көктамыр ішіне енгізілген Золедрон қышқылы бүйрекпен үш кезеңде бөлініп шығады: препараттың жүйелі қан айналыстан жартылай шығарылуының t1/2 0,24 және t1/2 1,87 сағат кезеңдерімен жылдам екі фазалы шығарылуы, содан кейінгі элиминациясының ұзақ фазасының жартылай шығарылуының ақырғы кезеңі t1/2 146 сағат. Әр 28 күн сайын енгізілетін бірнеше реттік дозаларынан кейін белсенді затының плазмада жинақталуы байқалмаған. Диспозициясының бастапқы фазаларында (α және β) препарат концентрациясының төмендеуін золедрон қышқылының сүйектерде жылдам таралуымен және бүйрек арқылы шығарылуымен байланыстырады.

Золедрон қышқылы метаболизденбейді және өзгеріссіз күйде бүйрекпен шығарылады. Алғашқы 24 сағат ішінде енгізілген дозасының 3916 %-ы несеппен экскрецияланады, бұл кезде препараттың қалған бөлігі сүйек тінімен байланысады. Содан соң золедрон қышқылының сүйек тінінен жүйелі айналысқа баяу кері босап шығуы және оның бүйрекпен шығарылуы жүреді. Препараттың жалпы клиренсі 5,042,5 л/сағатты құрайды және дозасына, пациенттің жынысына, жас шамасына, нәсілі мен дене салмағына тәуелді болмайды. Инфузия ұзақтығының 5-тен 15 минутқа дейін артуы инфузияның соңында золедрон қышқылы концентрациясының төмендеуіне алып келеді, бірақ концентрациясының уақытқа тәуелділік қисығы астындағына ауданына әсер етпейді.

Золедрон қышқылы адам организмінде метаболизденбейді және белсенділігі өте аз болады немесе тікелей әсер ететін және/немесе Р450 цитохромы ферменттерінің қайтымсыз тежегіші ретінде белсенділігі мүлдем болмайды, сондықтан Золедрон қышқылы P450 цитохромы ферменттерінің жүйесі арқылы метаболизденетін заттың метаболизмдік клиренсін азайтпауы мүмкін. Золедрон қышқылының плазма ақуыздарымен байланысу дәрежесі 23 - 40 %-ға жуықты құрайды және концентрациясына тәуелді емес.

Жекелеген популяциялар

Бүйрек жеткіліксіздігі

Ауырлық дәрежесі жеңіл және орташа дәрежелі бүйрек жеткіліксіздігі кезінде AUC(0-24сағ) елеусіз, бүйректің қалыпты функциясымен салыстырғанда салыстырғанда 30%-40%-ға жуық артады және дозаларын бірнеше рет енгізген кезде бүйрек функциясына байланыссыз, дәрілік заттың жинақталуы жүрмейді. Сондықтан ауырлық дәрежесі жеңіл (Clcr = 50-80 мл/мин) және орташа (Clcr = 30-50 мл/мин) бүйрек жеткіліксіздігі кезінде золедрон қышқылының дозасын түзету қажет емес. Өйткені бүйрек жеткіліксіздігінің ауыр дәрежесіне (креатинин клиренсі <35 мл/мин) қатысты тек шектеулі ғана мәліметтер қолжетімді, осы популяциясы үшін дозалау жөніндегі ұсынымдар жоқ.

Фармакодинамикасы

Әсер ету механизмі. Золедрон қышқылы құрамында азот бар бисфосфонаттар класына жатады және ең алдымен сүйектерге әсер етеді. Ол сүйек тіні резорбциясының остеокластарына негізделген тежегіш болып табылады.

Биcфосфонаттардың селективті әсері олардың минералданған сүйек тініне тектестігінің жоғарылығымен айқындалады. Көктамыр ішіне енгізуге арналған золедрон қышқылы сүйек тінінде жылдам таралады және көбінесе сүйектегі қарқынды алмасу орындарында орналасады. Золедрон қышқылының остеокластағы негізгі молекулалық нысанасы фарнезилпирофосфат-синтетаза ферменті болып табылады, бірақ басқа механизмдері де жоққа шығарылмайды. Золедрон қышқылының салыстырмалы түрдегі оң әсері фарнезилпирофосфат-синтетазаның белсенді орталығымен байланысу дәрежесінің жоғарылығымен және минералданған сүйек тінімен тектестігімен айқындалады.

Педжет ауруын емдеу кезіндегі клиникалық тиімділігі

Золедрон қышқылы ризедронатпен салыстырғанда басымдығын және емдік әсерінің жылдамдығын көрсетті, бұл туралы сүйек тіні қалыптасуының биохимиялық маркерлері (ЛФС), қан сарысуы мен резорбциядағы I типті коллагеннің N-терминалды пропептиді (P1NP) (қандағы CTx 1 және несептегі альфа-CTx) де көрсетті. Зобон препаратының емдік әсері 18 ай бойы сақталады. Сүйек тінінің гистологиялық зерттеулері, сүйек тінінің сапасы сүйектің ремодельденуінің бұзылулары мен минералдануының бұзылуларының белгілерінсіз, қалыпты болатындығын көрсетті.

Сүйек тініне әсерінің қауіпсіздігін зерттеу

Золедрон қышқылын клиникалық қолайлы дозаларда енгізген кезде сүйек тіні үшін тиімділігі мен қауіпсіздігі дәлелденген. Сүйек тінінде немесе сүйек кемігіндегі қандай-да бір нормадан ауытқу белгілері, минералдануының бұзылуының, остеоидтар мен жарғақшалы ретикулофиброзды сүйек тіні жинақталуының белгілері байқалған жоқ.

Қолданылуы

- ересектердегі Педжет ауруын емдеу үшін

Қолдану тәсілі және дозалары

Педжет ауруы

Педжет ауруын емдеу кезінде золедрон қышқылын тек сүйек ауруы Педжетті емдеуде тәжірибесі бар дәрігерлер ғана тағайындай алады. Ұсынылатын дозасы 5 мг Зобон препаратының көктамырішілік бір инфузиясын құрайды.

Препаратпен қайталап емдеу жөніндегі мәліметтер: Педжет ауруын Зобон препаратымен бастапқы емдеуден соң ремиссиясының ұзақ, орташа алғанда 7,7 жылға тең кезеңі байқалады. Ауруы қайталанған пациенттерді қайта емдеу Зобон препаратының емдеу басталғаннан араға 1 жыл және одан да көп уақыт салып жүргізілетін қосымша көктамырішілік инфузиясынан тұрады. Педжет ауруын қайта емдеу жөніндегі мәліметтер шектеулі.

Педжет ауруы бар пациенттерге D витамині мен кальцийдің тәуліктік дозаларында (500 мг-ден кем емес элементарлы кальций), Зобон препаратын енгізгеннен кейін 10 тәулік бойы талапқа сай қолданылуын қамтамасыз ету қажет.

Инфузия уақыты 15 минуттан кем болмауы тиіс. Инфузияны пациенттің талапқа сай гидратациялануы жағдайында жүргізеді. Бұл әсіресе егде жастағы пациенттер мен диуретиктерді қабылдап жүрген пациенттер үшін маңызды.

Зобон (100 мл инфузияға арналған дайын ерітіндіге 5 мг) тұрақты белгіленген инфузия жылдамдығымен жүйе арқылы көктамыр ішіне енгізіледі.

Золедрон қышқылының алғашқы инфузиясына дейін, жуырда жамбас мойнының сынуын бастан өткерген пациенттерде D витаминінің 50000-нан 125000 ХБ дейінгі жүктемелік дозасы пероральді немесе бұлшықет ішіне ұсынылады.

Ерекше топтар

Педиатрия

Қауіпсіздігі мен тиімділігі жөнінде мәліметтер жоқ болғандықтан, балалар мен 18 жасқа дейінгі жасөспірімдерге қолдану ұсынылмайды.

Бүйрек функциясының бұзылуы бар пациенттер

Золедрон қышқылы креатинин клиренсі <35 мл/мин пациенттерге қарсы көрсетілімді. Бүйрек функциясының жедел немесе созылмалы түрі бар пациенттерді, дегидратация жағдайын анықтау мақсатында, сондай-ақ пациенттің жас шамасын ескере отырып, золедрон қышқылын тағайындағанға дейін пациенттің жағдайын бақылау қажет. Бүйрек функциясының бұзылулары бар пациенттерде бүйрек жеткіліксіздігінің даму қаупі аса жоғары. Бүйректің жедел жеткіліксіздігінің даму қаупі пациентте қызбаның, сепсистің, диуретиктерді қабылдаудың, асқазан-ішек жолы арқылы сұйықтық жоғалуының және басқа да жағдайлардың салдары ретінде салдарлы дегидратация және бүйрек функциясының бұзылуы бар кезде арта түседі. Бүйрек функциясының бұрыннан бар бұзылуы аясында бүйрек жеткіліксіздігінің даму қаупі пациенттерде жас ұлғая келе арта түседі. Креатинин клиренсі ≥35 мл/мин пациенттер үшін, дозасын түзету қажет емес. Бауыр жеткіліксіздігі бар пациенттер

Егде жастағылар (≥ 65 жас)

Дозасын түзету қажет емес, өйткені биожетімділігі, таралуы мен шығарылуы егде жастағы пациенттер мен жастарда ұқсас болған.

Зобон препаратын кез келген басқа дәрілік затпен араластыруға немесе көктамыр ішіне енгізуге болмайды. Препаратты көктамырішілік инфузияларға арналған бөлек жүйе арқылы тұрақты енгізу жылдамдығымен енгізу керек. Егер ерітінді салқын болса, оны бөлме температурасына дейін қыздыру қажет. Көктамырішілік инфузияға арналған ерітіндіні дайындау кезінде асептика ережелерін сақтау қажет, ішінде бөлшектері жоқ және түсі өзгермеген мөлдір ерітіндіні ғана пайдалану керек. Препарат тек бір рет қолданылады. Инфузиядан кейін пайдаланылмаған ерітіндіні утилизациялау керек.

Зобон препаратының дозасын енгізгеннен кейін алғашқы үш күн ішінде туындайтын симптомдарды Зобон препаратын қолданғаннан кейін тез арада парацетамол немесе ибупрофенді қолдану арқылы азайтуға болады.

Жағымсыз әсері

Алғашқы инфузиясынан кейінгі жекелеген жағымсыз реакциялар жағдайларының жиілігі төмендегідей болды: қызба (17,1%), миалгия (7,8%), тұмаутәрізді симптомдар (6,7%), буындардың ауыруы (4,8%) және бас ауыруы (5,1%). Бұл реакциялардың көпшілігі золедрон қышқылын қабылдағаннан кейінгі алғашқы үш күн ішінде орын алады. Бұл реакциялардың көпшілігінің түрі жеңілден орташаға дейін болды және осы жағдайлар басталғаннан кейін үш күн ішінде басылды.

Жағымсыз реакциялар ағзалар жүйесі мен MedDRA жиілік санатына сәйкес атап келтірілген. Жиілік санаттары төмендегіше анықталады: өте жиі (≥ 1/10); жиі (≥ 1/100 - <1/10 дейін); жиі емес (≥ 1/1, 000 - <1/100 дейін); сирек (≥ 1/10 000 - <1/1, 000 дейін); өте сирек (<1/10, 000); белгісіз (қолда бар мәліметтердің негізінде бағалау мүмкін емес).

Өте жиі

• қызба

• бас ауыруы**

• жүрек айнуы**

• миалгия**

• ауыру**, қалтырау**

Жиі

• тұмаутәрізді жағдай, қалтырау

• астения, қажығыштық*, ауыру*, дімкәстану

• бас ауыруы, бас айналуы

• миалгия*, артралгия*, сүйектердің ауыруы, қаңқа-бұлшықет ауыруы**, бұлшықет түйілулері**, кеудедегі қаңқа-бұлшықет ауруы**, арқаның ауыруы, аяқ-қолдардың ауыруы, жақсүйек ауыруы**, мойынның ауыруы**

• жүрек айнуы, құсу, диарея

• түнде терлеу**

• тәбеттің төмендеуі**

• тремор**, мәңгіру**

• конъюнктивит**, көздің ауыруы**, ирит**

• іштің ауыруы**, іштің жоғарғы бөлігінің ауыруы**, іштің қатуы**

• шеткергі ісіну **, инфузиялық реакциялар**, жүрек ауыруымен байланыссыз кеуденің ауыруы**

Жиі емес

• ринофарингит, тұмау

• ұйқысыздық, үрейлену**

• артериялық гипертензия, бетке қан тебуді сезіну

• жөтел, диспноэ*

• мәңгіру*, парестезиялар, гипестезия**, ұйқышылдық, естен тану, тремор

• мойын мен иықтың ауыруы, кеудедегі қаңқа-бұлшықет ауруы*, қаңқа-бұлшықет құрысуы*, қаңқа-бұлшықет аурулары, бұлшықет құрысулары, бұлшықет әлсіздігі, буындардың ісінуі*, буындардың құрысуы*, артрит

• конъюнктивит, көздің ауыруы, көру жітілігінің нашарлауы**

• диспепсия*, іштің жоғарғы бөлігінің ауыруы, іштің ауыруы*, гастроэзофагеальді рефлюкс, іштің қатуы, ауыздың құрғауы, эзофагит*, дәм сезудің бұрмалануы**, шөлдеу*, тәбеттің төмендеуі*

• вертиго

• бөртпе, қатты терлеу*, қышыну, эритема

• шеткергі ісіну, жедел фазалы реакция*, жүрек ауыруымен байланыссыз кеуденің ауыруы

• қандағы креатинин деңгейінің артуы, поллакиурия, протеинурия

• анемия

• мықын тұсының ауыруы**

Сирек

• ирит, эписклерит, увеит*

* Жекелеген зерттеулерде жиілігінің аса жоғарылығымен байқалған жағымсыз әсерлері: Өте жиі: миалгия, артралгия, қажығыштық, ауыру; Жиі: мәңгіру, ентігу, ас қорыту бұзылысы, өңештің қабынуы, іштің ауыруы, қатты терлеу, қаңқа-бұлшықет (бұлшықет) құрысуы, буындардың ісінуі, кеудедегі қаңқа-бұлшықет ауыруы, буындардың құрысуы, тәбеттің төмендеуі, шөлдеу, жедел фазалы реакция;

Жиі емес: увеит.

** Постменопауза кезіндегі остеопороздың профилактикасындағы потенциалды жағымсыз әсерлері (зерттеуші дәрігердің бағалауы). Келтірілген жағымсыз әсерлері қосымша немесе жағымсыз әсерлеріне қарағанда, жиілігі аса жоғарылығымен байқалған әсерлер болып табылады.

Жекелеген зерттеулердің нәтижелері бойынша, мәліметтерді салыстыру кезінде плацебо тобымен салыстырғанда Зобон препараты тобында жиілігінің төмен болуы себепті көрсетілмеген қосымша жағымсыз әсерлері:

Жүрек тарапынан болатын бұзылулар: жүрекшелердің фибрилляциясы ***, жүрек қағуының жиілеуі

Көру мүшелері тарапынан болатын бұзылулар: окулярлық гиперемия

Асқазан-ішек жолы тарапынан болатын бұзылулар: гастрит, тіс ауыруы

Жалпы бұзылыстар және енгізген жердегі реакциялар: инфузия орнындағы реакциялар

Зертханалық және инструментальді деректер: C-реактивті ақуыздың жоғарылауы

Зат алмасу және тамақтану тарапынан болатын бұзылулар: гипокальциемия

Жүйке жүйесі тарапынан болатын бұзылулар: дисгевзия

*** «жекелеген жағымсыз әсерлерінің сипаттамасы» бөліміндегі «жүрекшелердің фибрилляциясы» қосалқы бөлімін қараңыз

Жекелеген жағымсыз әсерлерінің сипаттамасы

Бүйрек функциясының бұзылуы

Золедрон қышқылын қоса, көктамырішілік бисфосфонаттармен емдеу бүйрек функциясының нашарлауы түрінде (яғни, сарысу креатининінің жоғарылауы) және сирек жағдайларда бүйректің жедел жеткіліксіздігі түрінде білінетін бүйрек функциясының бұзылулары жөніндегі хабарламалармен астасқан. Золедрон қышқылын енгізудің салдарынан бүйрек функциясының бұзылулары, атап айтқанда бұрыннан бүйрек функциясының бұзылуы немесе қосымша қауіп факторлары бар (мысалы, егде жас, химиотерапия жүргізілген онкологиялық пациенттер, нефроуытты препараттарды, диуретиктерді қатарлас қолдану, күшті дегидратация), көп жағдайда препаратты әр 3-4 апта сайын 4 мг дозада қабылдаған пациенттерде байқалған, алайда осыған ұқсас жағдайлар препаратты бір рет енгізгеннен кейінгі пациенттерде де байқалған.

Жекелеген жағымсыз реакциялардың сипаттамасы

Бүйрек жеткіліксіздігі

Золедрон қышқылы, бүйрек функциясының нашарлауы (яғни сарысу креатининінің жоғарылауы) және сирек жағдайларда бүйректің жедел жеткіліксіздігі түрінде білінетін бүйрек функциясының бұзылуымен астасады. Бүйрек жеткіліксіздігі золедрон қышқылын енгізгеннен кейін, әсіресе бұрыннан бүйрек дисфункциясы немесе қосымша қауіп факторлары бар пациенттерде (мысалы, егде жас, химиотерапия қолданылатын онкологиялық науқастар, қатарлас нефроуытты дәрілік заттар, диуретиктермен қатарлас емдеу, ауыр сусыздану) байқалады, олардың көпшілігі 4 мг дозасын әр 3-4 апта сайын қабылдап отырған, бірақ пациенттерде бір рет енгізгеннен кейін білінген.

Остеопороз кезіндегі клиникалық сынақтарда креатинин клиренсінің өзгеруі (дозалауға дейін жыл сайын өлшенеді) және бүйрек жеткіліксіздігі мен бұзылу жағдайларының саны золедрон қышқылы тобы мен плацебо емдеу тобы үшін үш жыл бойы салыстырылды. Сарысудағы креатинин деңгейінің өтпелі жоғарылауы плацебо қабылдаған пациенттердің 0,8%-ымен салыстырғанда, золедрон қышқылымен ем қабылдап жүрген пациенттердің 1,8%-ында 10 күн ішінде байқалған.

Гипокальцемия

Остеопороз кезіндегі клиникалық сынақтарда пациенттердің 0,2%-ға жуығында золедрон қышқылын енгізгеннен кейін қан сарысуындағы кальций деңгейлерінің едәуір төмендегені (1,87 ммоль/л аз) білінді. Гипокальцемияның симптоматикалық жағдайлары байқалмаған.

Педжет ауруына сынақтар барысында, симптоматикалық гипокальциемия пациенттердің 1%-ға жуығында байқалған, ол барлығында да қайтарылды.

Зертханалық бағалаудың негізінде кальцийдің қалыпты бақылау диапазонынан төмен (2,10 ммоль / л аз), симптомсыз өтпелі деңгейлері Педжет ауруын емдеу кезінде золедрон қышқылымен ем қабылдаған пациенттердің 21%-ымен салыстырғанда, ауқымды клиникалық сынақ кезінде золедрон қышқылымен ем қабылдаған пациенттердің 2,3%-ында орын алған. Гипокальциемия жиілігі кейінгі құюлардан кейін айтарлықтай төмен болды.

Барлық пациенттер постклимактериялық остеопороз зерттеуі және жамбас сынығынан кейінгі клиникалық сынулардың алдын алу бойынша зерттеу және Педжет ауруын зерттеу кезінде D витамині мен кальцийдің сәйкесінше үстемесін қабылдады. Жуырда болған жамбас мойнының сынуынан кейін клиникалық сынуларды болдырмауға қатысты зерттеуде, D витаминінің деңгейі жүйелі түрде зерттелген жоқ, бірақ пациенттердің көпшілігі золедрон қышқылын енгізгенге дейін D витаминінің екпінді дозасын қабылдады (4.2 бөлімін қараңыз).

Жергілікті реакциялар

Үлкен клиникалық сынақта, золедрон қышқылын енгізгеннен кейін инфузия орнында қызару, ісіну және/немесе ауырулар (0,7%) сияқты жергілікті реакциялар тіркелген.

Жақсүйек остеонекрозы

Остеонекроз (ең алдымен жақсүйектің) жағдайлары көбінесе, золедрон қышқылын қоса бисфосфонаттармен ем қабылдап жүрген онкологиялық пациенттердің арасында білінген (жиі емес). Аталған пациенттердің көпшілігінде, остеомиелитті қоса, жергілікті инфекциялар көріністері байқалды және хабарламалардың көпшілігі тісін жұлдырған немесе басқа стоматологиялық хирургиялық операцияларды өткерген онкологиялық пациенттерге қатысты болды. Жақсүйек остеонекрозының: обыр диагнозын, қатарлас емді (мысалы, химиотерапия, антиангиогенді дәрілерді қолдану, радиациялық ем, кортикостероидтарды қолдану) және басқа қатарлас патологиялық жағдайларды (мысалы, анемия, коагулопатия, инфекциялар, ауыз қуысының бұрын болған аурулары) қоса құжат түрінде расталған бірқатар қауіп факторлары бар. Себеп-салдарлық байланысы анықталмағандығына қарамастан, сауығу үдерісінің ұзаруы мүмкін болғандықтан стоматологиялық араласуларды жүргізуден қашпаған дұрыс («Айрықша нұсқаулар» бөлімін қараңыз).

Постмаркетингтік тәжірибе.

Келесі жағымсыз әсерлері өздігінен келіп түскен хабарламалар мен әдебиеттер мәліметтері бойынша, Зобон препаратын тіркеуден кейінгі қолдану тәжірибесі кезінде білінген. Аталған реакциялар туралы белгісіз көлемдегі контингент ерікті түрде хабарласа да, олардың жиілігін нақты бағалау мүмкін емес және сәйкесінше, олар жиілігінің белгісіздігімен жіктелген. Жағымсыз әсерлер Нормативтік–құқықтық қызметтің медициналық сөздігі («MedDRA») жүйелік-ағзалық класына сәйкес келтірілген. Әр жүйелік-ағзалық кластағы жағымсыз әсерлері жағымсыз әсерінің ауырлығының азаю тәртібімен келтірілген.

Көру мүшелері тарапынан болатын бұзылулар: склерит, көз айналасындағы тіндердің қабынуы

Иммундық жүйенің бұзылулары: анафилактикалық реакцияларды, анафилактикалық шок, ангионевроздық ісіну, бронх түйілулерін, есекжемді қоса, аса жоғары сезімталдық реакциялары

Зат алмасу және тамақтану тарапынан болатын бұзылулар: препаратты қолданғаннан кейін туындайтын қызба, құсу және диарея сияқты симптомдардың аясындағы сусыздану; бейімділік факторлары бар пациенттердегі артериялық гипотензия

Қаңқа-бұлшықет және дәнекер тіндер тарапынан болатын бұзылулар: жақсүйек остеонекрозы («Айрықша нұсқаулар» бөлімін қараңыз)

Бүйрек және несеп шығару жолдары тарапынан болатын бұзылулар: бүйрек функциясының диализді қажет ететін немесе өліммен аяқталатын* зақымдалуы, бүйрек жеткіліксіздігі («Айрықша нұсқаулар» бөлімін қараңыз)

* атап айтқанда, бұрыннан бүйрек функциясының бұзылуы немесе жас егделігі, нефроуытты препараттармен, диуретиктермен қатарлас емдеу, немесе инфузия салдарынан болатын дегидратация сияқты басқа қауіп факторлары бар пациенттерде.

Қолдануға болмайтын жағдайлар

- препарат компоненттерінің кез келгеніне және басқа бисфосфанаттарға жоғары сезімталдық

- бүйректің ауыр жеткіліксіздігі (креатинин клиренсі <35 мл/мин)

- гипокальциемия

- жүктілік және лактация кезеңі

Дәрілермен өзара әрекеттесуі

Басқа медициналық препараттармен өзара әрекеттесуін зерттеулер жүргізілген жоқ. Золедрон қышқылы жүйелі метаболизденбейді және адамның Р450 цитохромына in vitro әсер етпейді, плазма ақуыздарымен елеусіз дәрежеде байланысады және сондықтан да өзара әрекеттесу ықтималдығы аз.

Золедрон қышқылы бүйрек арқылы шығарылады. Бүйрек функциясының бұзылулары бар пациенттерде организмнен негізінен бүйрек арқылы шығарылатын қатарлас дәрілік заттардың жүйелі әсері артуы мүмкін.

Сақтық таныту ұсынылады.

Айрықша нұсқаулар

Зобон препаратының 5 мг дозасы кемінде 15 минут енгізілуі тиіс. Инфузияны пациенттің талапқа сай гидратациясы жағдайында жүргізеді. Бұл әсіресе егде жастағы және диуретиктермен ем қабылдап жүрген пациенттер үшін маңызды.

Бұрыннан бар гипокальциемияны Зобон препаратымен емдеу басталғанға дейін кальций мен D витаминін талапқа сай қабылдау арқылы емдеу қажет. Минерал алмасуының басқа бұзылуларын да тиімді жолмен емдеу қажет (мысалы, қалқанша маңы безінің кішіреюі, кальцийдің ішекте сіңірілуінің бұзылуы). Дәрігер бұл пациенттерді мұқият бақылауы тиіс.

Бүйрек функциясының бұзылуы

Пациенттердің бұл тобында бүйрек жеткіліксіздігінің туындау қаупі жоғары болғандықтан, Зобон бүйрек функциясының ауыр бұзылуы бар пациенттерге (креатинин клиренсі <35 мл /мин) қарсы көрсетілімді.

Зобон препаратын енгізген кезде бүйрек функциясының бұзылуы сыртартқысында бүйрек функциясының өзгерістері болған немесе, нефроуытты препараттарды, диуретиктерді бір мезгілде қолдануды, Зобон препаратын енгізгеннен кейін туындаған дегидратацияны қоса, басқа қауіп факторлары бар пациенттерде байқалды. Бүйрек функциясының бұзылуы пациенттерде препаратты бір рет енгізгеннен кейін де байқалған. Зобон препаратын тағайындағанда диализ жүргізуді қажет ететін бүйрек жеткіліксіздігі бүйрек функциясының бұзылуы бар пациенттерде сирек туындаған.

Бүйрек тарапынан болатын жағымсыз реакция қаупін азайту үшін, төмендегілерді ескеру қажет:

- креатинин клиренсін Зобон препаратының әр дозасын қабылдар алдында есептеп отыру керек (мысалы, Кокрофт-Голт формуласы бойынша). Қан сарысуындағы креатинин деңгейінің уақытша жоғарылауы бүйрек функциясының бұзылуы бар пациенттерде елеулірек болуы мүмкін, осы қауіп тобындағы пациенттерде қан сарысуындағы креатинин деңгейінің аралық бақылауын қарастыру ұсынылады. Сарысудағы креатинин мониторингі қауіп тобындағы пациенттерде ескеру керек.

- пациенттерге препаратты қолданар алдында сарысудағы креатинин деңгейін өлшеу керек

- золедрон қышқылын, ол бүйрек функциясына әсер етуі мүмкін басқа дәрілік заттармен бір мезгілде пайдаланылған кезде сақтықпен пайдалану керек

- Зобон препаратының инфузиясын, әсіресе, диуретиктерді қабылдап жүрген пациенттерде және егде жастағы пациенттерде, пациенттің талапқа сай гидратациясы жағдайында жүргізеді

- препараттың бір реттік дозасы 5 мг аспауы тиіс, оны кемінде 15 минут бойы енгізу керек

Сүйек тінінің жаңаруының артуы Педжет ауруына тән болып табылады. Золедрон қышқылының сүйек тінінің жаңаруына жылдам әсер ететіндігіне байланысты, өтпелі гипокальциемия дамуы, ол кейде симптоматикалық болуы мүмкін және әдетте, ол золедрон қышқылының инфузиясынан кейінгі алғашқы 10 күн ішінде барынша жоғары болады. Золедрон қышқылын қабылдаумен бірге кальций мен D витаминін жеткілікті қолдану ұсынылады. Бұдан өзге, Педжет ауруы бар пациенттерде кальций препараттарын, кемінде, 500 мг элементарлы кальцийге сәйкес келетін мөлшерде күніне екі рет, золедрон қышқылын қабылдағаннан кейін кемінде, 10 күн бойы жеткілікті қабылдау қатаң түрде ұсынылады. Пациенттер гипокальцемия симптомдары туралы хабардар болуы және қауіп кезеңінде тиісінше клиникалық қадағалауда болуы тиіс. Сарысудағы кальцийді золедрон қышқылының инфузиясына дейін өлшеу Педжет ауруы бар пациенттер үшін ұсынылады.

Жақсүйек остеонекрозы

Некроздың даму жағдайлары (көбінесе жақсүйектің) көбінесе золедрон қышқылын қоса, бисфосфонаттарды қабылдаған обырмен науқастарда байқалған. Бұл пациенттердің көпшілігінде остеомиелитті қоса, жергілікті инфекциялардың белгілері болған, ал хабарламалардың көпшілігі онкологиялық аурулары бар, остеонекроз тіс жұлғаннан кейін немесе басқа стоматологиялық операциялардан кейін дамыған пациенттерге қатысты болды. Жақсүйек остеонекрозының обыр диагнозын, қатарлас емдеуді (мысалы, химиотерапия, антиангиогенді дәрілерді қолдану, кортикостероидтарды қолдану, ауыз қуысы гигиенасының тиісінше болмауы) қоса, көптеген расталған қауіп факторлары бар. Себептік байланысы анықталмаса да, стоматологиялық араласулардың жүргізілуін болдырмау ұсынылады, өйткені суығу үдерісі ұзаққа созылуы мүмкін.

Стоматологиялық тексеруді қатарлас қауіп факторлары бар (мысалы, обыр, химиотерапия, кортикостероидтар, ауыз қуысы гигиенасының нашарлығы) пациенттерде бисфосфонаттармен емдеуге дейін жүргізу керек. Емдеу кезінде ол пациенттер инвазиялық стоматологиялық шаралардан мүмкіндігінше аулақ болуы тиіс. Бисфосфонаттармен емдеу кезінде жақсүйек остеонекрозы дамыған пациенттер үшін, хирургиялық стоматология жағдайды ушықтыруы мүмкін. Стоматологиялық емшараларды қажет ететін пациенттер үшін, бисфосфонаттармен емдеуді тоқтату жақсүйек остеонекрозының қаупін төмендететінін-төмендетпейтінін анықтауға арналған мәліметтер жоқ, емдеу туралы шешімді дәрігер әр пациент үшін пайда / қауіп арақатынасына жекелей баға берудің негізінде қабылдайды.

Ортан жіліктің әдеттегіден өзгеше сынулары

Ортан жіліктің әдеттегіден өзгеше ұршықастылық және диафизарлық сынулары бисфосфонаттармен емдеу кезінде, ең алдымен остеопороздан ұзақ уақыт бойы емделіп жүрген пациенттерде байқалған. Бұл көлденең немесе қысқа қиғаш сынулар кіші ұршықтан сәл төменнен бастап айдаршықүстілік кеңістіктен сәл жоғарыға дейін, санның ұзына бойына кез келген жерінде болуы мүмкін. Мұндай сынулар кішкентай жарақаттан кейін немесе мүлдем жарақатсыз орын алады және кейбір пациенттер сан немесе шап аймағындағы, көбінесе санның толық сынуына щалдыққанға дейін біраз апта немесе ай бұрын стрестік сынулардың ерекшеліктерімен астасатын ауыруды сезінеді. Сынулар көбінесе билатеральді болады; соған байланысты бисфосфонаттармен емделіп жүрген, санның диафизарлық сынуын өткерген пациенттерде сан мен оның қарсы бетін тексеру керек. Ондай сынулардың баяу жазылатыны байқалады. Ортан жілік сүйегінің атипиялық сынуына күдік болған/бар пациенттерде, пайдасы мен қаупіне жекелей баға берудің негізінде пациентті бағалағанға дейін бисфосфонаттармен емдеуді тоқтатуды қарастыру қажет.

Зобон препаратымен емдеу кезінде пациенттерге жамбастағы, ұршық буынындағы немесе шаптағы кез-келген ауыру туралы хабарлауды ұсыну керек және ондай симптомдары бар пациенттерде ортан жіліктің толық емес сынуының бар-жоқтығын тексеруді керек

Көлік құралын немесе қауіптілігі зор механизмдерді басқару қабілетіне ықпал ету ерекшеліктері

Золедрон қышқылы көлік құралын басқару және механизмдерді пайдалану қабілетіне әсер етпейді немесе елеусіз әсер етеді. Бас айналуы сияқты жағымсыз реакциялар, көлік жүргізу немесе механизмдерді басқару қабілетіне әсер етуі мүмкін, көлік құралын және қауіптілігі зор механизмдерді басқару қабілетіне әсеріне зерттеулер жүргізілген жоқ.

Артық дозалануы

Симптомдары: гипокальциемия

Емі: пероральді кальций препараттары және/немесе кальций глюконатының көктамырішілік инфузиясы.

Шығарылу түрі және қаптамасы

Сұр түсті хлорбутил резеңке тығынмен жабылған және алтын түстес-қызыл алюминийден жасалған сақтандырғыш қалпақшамен тұмшаланып жабылған, I типті, сыйымдылығы 100 мл, силикондалған шыныдан жасалған құйма түссіз инфузиялық құтыға препарат 100 мл-ден құйылады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды

Дәріханадан босатылу шарттары

Рецепт арқылы

Өндіруші ұйымның атауы мен елі

Sun Pharmaceutical Industries Ltd, Үндістан

Заңды мекенжайы:

Sun House, Plot No. 201 B/1,

Western Express Highway, Goregoan (E),

Mumbai - 400 063, Maharashtra, Үндістан

Өндірістің орналасқан мекенжайы:

Halol-Baroda Highway, Halol-389 350,

Gujarat, Үндістан

Тіркеу куәлігі иесінің атауы және елі

Sun Pharmaceutical Industries Ltd, Үндістан

Қаптаушы ұйымның атауы және елі

Sun Pharmaceutical Industries Ltd, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

050004, Алматы қ., Төлебаев к-сі, 38, 5 қабат

Тел. (727) 250-92-35, факс (727) 250-33-64

sunreports@intelsoft.kz, sunalmaty@intelsoft.kz