Зипелор®

Зипелор®

Бензидамин

Ауыз қуысына арналған спрей, 1,5 мг/мл, 30 мл

Стоматологиялық препараттар. Ауыз қуысының ауруларын жергілікті емдеуге арналған басқа препараттар. Бензидамин.

АТХ коды А01А D02.

• ауызжұтқыншақтың тітіркенулері мен қабынуларын симптоматикалық емдеу

• гингивиттен, стоматиттен, фарингиттен болған ауыруды басу үшін

• стоматологияда тіс экстракциясынан кейін немесе профилактикалық мақсатта қолданылады

Қолдануды бастағанға дейін қажетті мәліметтер тізбесі

• препараттың әсер етуші затына немесе басқа компоненттеріне жоғары сезімталдық

Қолдану кезінде қажетті сақтық шаралары

• ацетилсалицил қышқылына немесе қабынуға қарсы басқа стероидты емес препараттарға аса жоғары сезімталдығы бар пациенттерге бензидаминді қолдану ұсынылмайды

• бронх демікпесі бар, соның ішінде анамнезінде болған пациенттерде препаратты қолдану бронх түйілуін туғызуы мүмкін.

• спортшылар үшін: құрамында этил спирті бар дәрілік заттарды қолдану допингіге қарсы тестінің оң нәтижесін беруі мүмкін

Басқа дәрілік препараттармен өзара әрекеттесуі

Өзара әрекеттесуін зерттейтін зерттеулер жүргізілмеген.

Арнайы ескертулер

Егер ұзақ уақыт қолданғанда сезімталдық туындаса, емдеуді тоқтату және тиісінше ем тағайындауы үшін дәрігерге жүгіну керек.

Кейбір пациенттерде ауыр патологиялық үдерістер ұрттың/жұтқыншақтың шырышты қабығының ойық жараларына түрткі болуы мүмкін. Соған байланысты, 3 күн ішінде симптомдары күшейген немесе азаймаған, немесе дене температурасы жоғарылаған, не болмаса басқа симптомдар туындаған пациенттер терапевттің немесе стоматологтың кеңесіне жүгінуі тиіс.

Педиатрияда қолданылуы

Препаратты 4 жастан асқан балаларға пайдалануға болады.

Жүктілік немесе лактация кезінде

Бензидаминнің жүкті әйелдерде және емшек емізетін әйелдерде қолданылуы жөнінде тиісінше қолжетімді деректер жоқ. Бұл дәрінің емшек сүтіне енуге қабілеттілігі зерттелмеген. Жануарларда жүргізілген зерттеулердің деректері, бұл дәрінің жүктілік және емшек емізу кезіндегі әсері туралы қандай-да бір тұжырымдар жасау үшін жеткіліксіз. Адам үшін ықтимал қаупі белгісіз.

Зипелор® препаратын жүктілік немесе емшек емізу кезінде қолданбау керек.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Ұсынылған дозаларында қолданғанда дәрілік зат көлік құралдарын басқару және механизмдермен жұмыс істеу қабілетіне ешқандай әсер бермейді.

Қолдану жөніндегі нұсқаулар

Дозалау режимі

Қолданар алдында небулайзерді орнату қажет.

Помпасын басқан кезде құрамында спрейдің 1 дозасы – 0,17 мл бар аэрозоль түзіледі, ол 0,255 мг бензидамин гидрохлоридіне сәйкес келеді.

ДозасыЕресектерге: тәулігіне 2 – 6 рет 4 – 8 бүркуден.

Балаларға (6 – 12 жас): тәулігіне 2 – 6 рет 4 бүркуден.

Балаларға (4 – 6 жас): әр 4 кг дене салмағына 1 бүркуден. Ең жоғарғы дозасы тәулігіне 2 – 6 рет 4 реттен бүркуге баламалы.

Ұсынылған дозасын арттыруға болмайды.

Енгізу әдісі және жолы

Қолданар алдында небулайзерді орнату қажет.

Емдеу ұзақтығы

Емдеу ұзақтығы 7 күннен аспауы тиіс. Егер 7 күн емдеуден кейін жақсару басталмаса немесе жаңа симптомдар пайда болса, дәрігермен кеңесу қажет.

Артық дозаланған жағдайда қолдану қажет шаралар

Жергілікті қолданғанда бензидаминнің артық дозаланғаны жөніндегі хабарлар болмаған.

Симптомдары: бензидамин жоғары дозада (бұл дәрілік түрінің мүмкін болатын дозаларынан жүздеген есе жоғары) ішке енген кезде, әсіресе, балаларда, қозуды, құрысуларды, треморды, жүрек айнуын, тершеңдікті, атаксияны, құсуды туғызуы мүмкін.

Шұғыл шаралар: дереу асқазанды шаю, су-электролит теңгерімінің бұзылуларын емдеу, симптоматикалық ем, талапқа сай гидратация.

Дәрілік препаратты қолдану тәсілін түсіндіру үшін медицина қызметкерінің кеңесіне жүгініңіз

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Жағымсыз реакциялар туындау жиіліктері бойынша жіктелген: өте жиі (≥1/10), жиі (≥1/100 - <1/10 дейін), жиі емес (≥1/1000 - <1/100 дейін), сирек (≥1/10000 - <1/1000 дейін), өте сирек (<1/10000), жиілігі белгісіз (қолжетімді деректердің негізінде бағалау мүмкін емес).

Жиі емес (≥1/1000 - <1/100 дейін)

• фотосезімталдық

Сирек (≥1/100 - <1/10 дейін)

– ауыздың шымылдатып ашыту сезімі, ауыздың құрғауы

– аса жоғары сезімталдық реакциясы

Өте сирек (<1/10000)

• ларингоспазм

• ангионевроздық ісіну

Аса сирек/ Бірен-саран жағдайларда

– ауыз қуысының гипестезиясы, жүрек айнуы, құсу, ісіну және тіл түсінің өзгеруі, дәм сезудің өзгеруі

• анафилаксиялық реакция

• бронх түйілуі

• бөртпе, қышыну, есекжем

• бас айналуы, бас ауыруы.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

Дәрілік препараттың құрамы

Бір мл спрейдің құрамында

белсенді зат - бензидамин гидрохлориді, 1,5 мг,

қосымша заттар - этанол 96 %, глицерин, метилпарабен (Е218), натрий сахарині, натрий гидрокарбонаты, полисорбат 20, жалбыз иісті хош иістендіргіш, тазартылған су.

Сыртқы түрінің, иісінің, дәмінің сипаттамасы

Өзіне тән жалбыз иісі бар, мөлдір түссіз сұйықтық.

Шығарылу түрі және қаптамасы

Оральді қолдануға арналған, пластиктен жасалған, қорғағыш қалпақшасы бар дозалағыш сорғымен жабдықталған, қоңыр түсті шыны құтыда 30 мл-ден. Құтыға өздігінен желімденетін заттаңба жабыстырылады.

Әр құты медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

2 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек!

Рецептісіз

Өндіруші туралы мәлімет

«Фармак» АҚ, Украина, 04080, Киев қ., Кирилловская к-сі, 74.

Тел.: +38 (044) 496 87 87, электронды поштасы: info@farmak.ua

Тіркеу куәлігінің ұстаушысы

«Фармак» АҚ, Украина, 04080, Киев қ., Кирилловская к-сі, 63.

Тел.: +38 (044) 496 87 87, факс: +38 (044) 239 19 40

электронды поштасы: info@farmak.ua

Қазақстан Республикасы аумағында дәрілік заттардың сапасына қатысты шағымдарды (ұсыныстарды)  қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Фармак» АҚ өкілдігі

Қазақстан Республикасы, Алматы қ., индексі 050012, Амангелді к-сі, 59 "А", "Шартас" бизнес орталығы, 9 қабат. Тел./факс: +7 (727) 267 63 73, электронды поштасы: а.aspetova@farmak.kz