Зибан

• русский
• қазақша

• Скачать инструкцию медикамента

Саудалық атауы

Зибан

Халықаралық патенттелмеген атауы

Цефтриаксон

Дәрілік түрі

Инъекция және инфузия үшін ерітінді дайындауға арналған ұнтақ, 1.0г

Құрамы

Бір құтының ішінде

белсенді зат - 1.0г цефтриаксон (натрий цефтриаксоны түрінде)

Сипаттамасы

Ақ дерлік немесе сарғыштау кристалды ұнтақ, аздап гигроскопиялы

Фармакотерапиялық тобы

Жүйелі пайдалануға арналған бактерияларға қарсы препараттар. Басқа да бета-лактамды бактерияларға қарсы препараттар. Үшінші буындағы цефалоспориндер. Цефтриаксон.

АТХ коды J01DD04

Фармакологиялық қасиеттері

Фармакокинетикасы

Қандағы цефтриаксон концентрациясы оның альбуминмен байланысу дәрежесіне байланысты, ол препараттың фармакокинетикасын анықтайды. Көптеген емдік концентрациясында бос цефтриаксон 300 мг/л концентрациясы кезінде 15%-ға дейін арта отырып шамамен 5% құрайды.

Бос цефтриаксонның интерстициальді сұйықтықтағы концентрациясы құрамында альбуминнің аз болуына байланысты, оның қан плазмасындағы концентрациясына қарағанда жоғары.

500 мг цефтриаксонды бұлшықет ішіне енгізгенде қан плазмасындағы ең жоғары 40 мг/л – 70 мг/л концентрациясына 60 минут ішінде жетеді, биожетімділігі 100 % құрайды.

Көктамыр ішіне енгізгенде қан плазмасындағы ең жоғары концентрациясы 500 мг дозалауда 120 мг/л жуықты және 1 г дозалауда 200 мг/л құрайды.

Препараттың 2-грамын 30 минут инфузиялаудан кейін, оның плазмадағы деңгейі 250 мг/л құрайды.

Шамамен 60% препарат өзгермеген түрінде шумақтық сүзіліс арқылы бүйректермен шығарылады. Қалған бөлігі өт жолдары және ішек арқылы шығарылады. Бүйрек клиренсі 5–12 мл/мин құрайды, плазмадағы жалпы клиренсі 10–22 мл/мин құрайды. Ересектердегі жартылай шығарылу кезеңі (Т ½) 8 сағатқа жуықты құрайды.

Енгізу тәсілі, қайталап енгізу жартылай шығарылу кезеңіне Т ½ әсер етпейді.

Айрықша клиникалық жағдайлардағы фармакокинетикасы.

Нәрестелерде (8 күнге дейін), сондай-ақ егде адамдардағы ересектерге қарағанда 2-3 есе ұзағырақ. Бүйрек функциясының кез келген бұзылуы жартылай шығарылу кезеңін ұзартуға қабілетті.

Бала өмірінің бірінші айы бойы Т ½ мәні ересек адамдардың деңгейіне дейін төмендейді.

Жартылай шығарылу кезеңі бауыр және бүйрек жеткіліксіздігінде ұзарады;

бүйрек жеткіліксіздігі препараттың өтпен шығарылуының, бауыр жеткіліксіздігі өз кезегінде цефтриаксонның бүйрекпен шығарылуының күшеюіне әкеледі. Цефтриаксон ми қабығының қабынуында жұлын ми сұйықтығына (ЖМС) жақсы өтеді, препараттың ЖМС концентрациясы қан плазмасындағы сәйкес деңгейінің 4 % - 17 % құрайды.

Фармакодинамикасы

Цефтриаксон – үшінші буындағы цефалоспоринді қатар антибиотигі. Бактерицидті әсерге ие, бір немесе бірнеше пенициллин байланыстыратын ақуыздарға қосылу жолымен, белсенді бөлінетін бактериялардың жасушалық қабырғаларының синтезін бәсеңдету арқылы, көптеген грамоң және грамтеріс микроорганизмдердің өсуін басады. Нәтижесінде жасуша қабырғасы зақымданады және осмостық тұрғыдан тұрақсыз болады.

Цефалоспориндер жасушалардың бөлінуіне қатысатын фермент, муреин гидролазының тежелуін азайтады. Тежелмеген фермент жасуша қабырғасы бүтіндігін бұзуы мүмкін.

Цефтриаксон бета-лактамаза (пенициллиназа) өндіретін штаммдарды қоса, келесі микроорганизмдерге қатысты белсенді

Сезімтал микроорганизмдер:

Граммоң аэробты:

Staphylococcus aureus (метициллин-сезімтал)*,Коагулазонегативті стафилококктар (метициллин-сезімтал)*,Streptococcus pyogenes (A тобы), Streptococcus agalacliae (Bтобы), Streptococcus pneumoniae, Streptococci группы viridans

Грамм-теріс аэробты микроорганизмдер:

Borrelia burgdorferi, Haemophilus influenzae, Haemophilus parainfluenzae, Moraxella catarrhalis, Neisseria gonorrhoea, Neisseria meningitidis, Proteus mirabilis, Providencia spp.

Сезімталдық жүре пайда болуы мүмкін түрлері

Граммоң аэробты микроорганизмдер:

Staphylococcus epidermidis**, Staphylococcus haemolyticus, Staphylococcus hominis

Грамм-теріс аэробты микроорганизмдер:

Citrobacter freundii, Enterobacter aerogenes, Enterobacter cloacae, Escherichia coli***, Klebsiella pneumonia***, Klebsiella oxytoca***, Morganella morganii, Proteus vulgaris, Serratia marcescens

Анаэробтар

Bacteroides spp., Fusobacterium spp.,Peptostreptococcus spp., Clostridium perfringens

Төзімді микроорганизмдер

Граммоң аэробты микроорганизмдер: Enterococcus spp., Listeria monocytogenes

Грамм-теріс аэробты микроорганизмдер:

Acinetobacter baumannii, Pseudomonas aeruginosa, Stenotrophomonas maltophilia

Анаэробтар

Clostridium difficile

Басқалары: Chlamydia spp., Chlamydophila spp., Mycoplasma spp., Legionella spp., Ureaplasma urealyticum

* Барлық метициллин-төзімді стафилококктар, цефтриаксонға резистентті.

**Кем дегенде бір аймақта резистенттілік пайызы > 50%

*** ESBL өндіретін штаммдар, әрдайым резистентті

Қолданылуы

Зибан ересектер мен балаларда, оның ішінде күні жетпей туғандарда (туғаннан бастап) келесі инфекцияларды емдеу үшін тағайындалады:

- бактериялық менингитте

- ауруханадан тыс пневмонияда

- ауруханаішілік пневмонияда

- жедел ортаңғы отитте

- іш қуысының инфекцияларында (перитонит, өт жолдары және асқазан-ішек жолының инфекциялары)

- несеп шығару жолдарының асқынған инфекциялары (оның ішінде пиелонефрит)

- сүйектер мен буындардың инфекцияларында

- тері мен жұмсақ тіндердің асқынған инфекцияларында

- созда

-мерезде

- бактериялық эндокардитте

Зибан келесі жағдайларда қолданылуы мүмкін:

- ересектерде өкпенің созылмалы обструктивті ауруларының асқынуы

- ересектер мен 15 күннен асқан жаңа туғандарды қоса, балалардағы жайылған Лайм боррелиозында (ерте (II саты) және кеш (III саты))

- инфекцияның операция алдындағы профилактикасы, екіншілік

инфекция дамуының профилактикасы

- бактериялық инфекциямен туындауы мүмкін қызбамен зардап шегетін нейтропениямен пациенттерді емдеу

- жоғарыда аталған инфекциялардың кез келгенімен байланысты немесе оған күдікпен бактериемиямен пациенттерді емдеу.

Қолдану тәсілдері және дозасы

Препарат дозасы және енгізу тәсілі жұқпаның ауырлық дәрежесін, ауру қоздырғышының сезімталдығын және пациент жағдайын есепке ала отырып белгіленеді. Емдік әсерге әдетте препаратты тәулігіне бір рет күнделікті енгізгенде жетеді. Емдеу курсы ауру ағымына байланысты. Микроорганизм эрадикациясын талдау нәтижелерін алғаннан кейін немесе пациенттің температурасы болмаған жағдайда емді 48-72 сағат бойы жалғастыру қажет.

Аталған көрсетілімдерде қолдануға арналған ұсынылған дозалар. Өте ауыр жағдайларда ұсынылған диапазонның жоғары шегіндегі дозаларды тағайындауға болады.

Ересектер мен 12 жастан асқан балалар (≥50 кг)

*Расталған бактериемияда ұсынылған диапазонның жоғарғы шегіндегідей дозада тағайындалады.

**Күніне екі рет енгізілуі мүмкін (әрбір 12 сағатта) күнделікті 2 г асатын дозаны тағайындағанда.

Жедел ортаңғы отит: тәулігіне 1-2 г 1 рет б/і.

Егер пациенттің жағдайы ауыр болса немесе алдыңғы ем тиімсіз болса, Зибан 3 күн бойы, тәулігіне 1-2 г дозада бұлшықет ішіне тағайындалуы мүмкін.

Хирургиялық инфекциялардың операция алдындағы профилактикасы операциялық араласым алдында бір реттік инъекция түрінде 2 г.

Соз - 500 мг бір рет б/і.

Мерез - әдетте ұсынылатын доза 500мг-1г тәулігіне 1 рет; нейромерезді емдеу үшін доза 10-14 күн ішінде тәулігіне 1 рет 2 г дейін жоғарылатуы мүмкін. Мерезде, оның ішінде нейромерезде Зибанды дозалауға арналған деректер шектеулі. Сондықтан ұлттық немесе жергілікті нұсқауларды ұстану керек.

Жайылған Лайм боррелиозы (бастапқы [ II саты] және ақырғы [III саты] сатылар) - 14-21 күн ішінде тәулігіне 1 рет 2 г. Ұсынылған емдеу ұзақтығы ауытқып отырады. Ұлттық немесе жергілікті нұсқауларды ұстану керек.

Балалар

Жаңа туғандар, 15 күннен 12 жасқа дейінгі нәрестелер және балалар (<50 кг)

*Расталған бактериемияда ұсынылған диапазонның жоғарғы шегіндегідей дозада тағайындалады.

**Тәулігіне екі рет енгізілуі мүмкін (әрбір12 сағатта) күнделікті 2 г асатын дозаны тағайындағанда.

Айрықша дозалау режимін талап ететін жаңа туғандар, 15 күннен 12 жасқа дейінгі нәрестелер және балалар үшін көрсетілімдер:

Жедел ортаңғы отит

Жедел ортаңғы отитті емдеудің басында Зибан 50 мг/кг дозада бір реттік бұлшықетішілік инъекция түрінде енгізіледі.

Егер баланың жағдайы ауыр болса немесе алдыңғы ем тиімсіз болса, Зибанды 3 күн бойы, тәулігіне 50 мг/кг дозада бұлшықетішілік енгізуге болады.

Хирургиялық инфекциялардың операция алдындағы профилактикасы- 50-80 мг/кг операциялық араласым алдында бір реттік инъекция түрінде.

Созда - 500 мг бір реттік бұлшықетішілік инъекция түрінде.

Мерезде – әдеттегі ұсынылатын доза 75-100 мг/кг (ең жоғары 4 г) 10-14 күн ішінде тәулігіне бір рет. Зибанды дозалауға қатысты деректер мерезде, оның ішінде нейромерезде шектеулі. Сондықтан ұлттық немесе жергілікті нұсқауларды ұстану керек.

Жайылған Лайм боррелиозы (бастапқы [II саты] және ақырғы [III саты] сатылар) - 14-21 күн ішінде тәулігіне бір рет 50 - 80 мг/кг. Ұсынылған емдеу ұзақтығы ауытқып отырады. Ұлттық немесе жергілікті нұсқауларды ұстану керек.

0-14 күндік жаңа туғандар

Зибан препаратын жатырішілік даму мерзімін ескеріп (гестациялық жасы + туғаннан кейінгі жасы) 41 аптаға дейінгі жастағы күні жетпей туған жаңа туғандарға қолдануға болмайды.

 

*Расталған бактериемияда ұсынылған диапазонның жоғарғы шегіндегідей дозада тағайындалады.

Дене салмағына 50 мг / кг ең жоғары тәуліктік дозадан асыруға болмайды.

Айрықша дозалау режимін талап ететін 0-14 күн жастағы жаңа туғандар үшін көрсетілімдер:

Жедел ортаңғы отит

Жедел ортаңғы отитті емдеудің басында Зибан 50 мг/кг дозада бір реттік бұлшықетішілік инъекция түрінде енгізіледі.

Хирургиялық инфекциялардың операция алдындағы профилактикасы- 20 - 50 мг/кг операция алдында бір реттік инъекция түрінде.

Созда - 500 мг бұлшықет ішіне бір рет.

Мерезде – әдеттегі ұсынылатын доза 50 мг/кг 10-14 күн ішінде тәулігіне бір рет. Зибанды дозалауға қатысты деректер мерезде, оның ішінде нейромерезде шектеулі. Сондықтан ұлттық немесе жергілікті нұсқауларды ұстану керек.

Егде жастағы емделушілер

Егде жастағы пациенттер үшін бүйрек және бауыр функциясы қанағаттанарлықтай жағдайларда дозаны түзету қажет етілмейді.

Бүйрек және бауыр жеткіліксіздігі:

Бауыр функциясы бұзылмаған жағдайда бүйрек жеткіліксіздігімен пациенттер үшін Зибанның дозасын төмендету талап етілмейді. Ауыр дәрежедегі бүйрек жеткіліксіздігі жағдайында (креатинин клиренсі минутына < 10 мл) тәуліктік доза 2 г аспауы керек.

Бүйрек функциясы бұзылмаған жағдайда бауыр жеткіліксіздігімен пациенттер үшін Зибанның дозасын төмендету талап етілмейді.

Бауыр функциясының жеткіліксіздігімен қатар жүретін жедел бүйрек жеткіліксіздігімен пациенттерге препарат дозасын төмендету және оның қан плазмасындағы концентрациясын бақылау керек.

Диализдегі емделушілер:

Диализден кейін препараттың қосымша дозасын енгізудің қажеті жоқ. Шығару жылдамдығын төмендету мүмкін болғандықтан, Зибанның плазмадағы концентрациясын бақылау керек және қажет болғанда дозасын реттеу керек.

Бауыр және бүйректің ауыр жеткіліксіздігімен пациенттерде қауіпсіздігі мен тиімділігіне клиникалық бақылау жүргізу ұсынылады

Енгізу тәсілі

Зибанды көктамыр ішіне инфузия (енгізудің ұтымды жолы 30 минуттан кем емес уақыт)), 5 минут ішінде көктамыр ішіне инъекция немесе терең бұлшықетішілік инъекция жолымен енгізеді.

5 минут ішінде көктамырішілік үзіліспен инъекцияны ірі көктамырға салған ұтымды. 50 мг/кг немесе одан асатын дозаны нәрестелер мен 12 жасқа дейінгі балаларға инфузия түрінде енгізеді. Жаңа туғандарда көктамырішілік инфузия билирубиндік энцефалопатияның күшті қаупін азайту үшін 60 минут ішінде жүргізіледі.

Көктамыр ішіне енгізу пациент үшін жарамаса немесе мүмкін болмаса бұлшықет ішіне енгізуді қарастыру керек.

Бұлшықетішілік инъекцияны үлкен жамбас бұлшықетіне енгізеді. Егер дозасы 1 г асса оны екіге бөлу және екі жамбасқа да енгізу керек. 2 г асатын дозаны көктамыр ішіне енгізеді.

Егер лидокаин еріткіш ретінде қолданылса, ерітіндіні көктамыр ішіне енгізуге болмайды.

Зибанды сұйылту үшін немесе алынған ерітіндіні көктамыр ішіне енгізу үшін ары қарай сұйылту үшін цефтриаксон-кальций шөгіндісі түзілуі қаупіне байланысты құрамында кальций (мысалы, Рингер ерітіндісін немесе Хартман ерітіндісін) бар еріткіштерді қолдануға болмайды.

Сондай-ақ цефтриаксонды құрамында кальций бар препараттармен араластыруға және бір мезгілде көктамыр ішіне енгізуге арналған бір катетерде енгізуге болмайды.

Цефтриаксон егер кальцийдің үздіксіз инфузиясын қоса, (парентеральді қоректену) құрамында кальций бар көктамырішілік ерітінділермен емдеу талап етілсе (талап етіледі деп күтіледі) цефтриаксон-кальцийдің шөгіндісі түсу қаупіне байланысты жаңа туғандарға (≤ 28 күн) қарсы көрсетілімде.

Хирургиялық инфекцияның операция алдындағы профилактикасы үшін цефтриаксон операцияға дейін 30-90 минут бұрын енгізіледі.

Инъекцияға арналған ерітіндіні дайындау:

Ерітіндіні дайындауды микробты ластанудың алдын алу үшін сәйкес жағдайларда жүргізу керек. Тек жаңадан дайындалған ерітінділерді пайдалану керек.

Дайын ерітінді 25°C- ден төмен температурада 6 сағат бойы, 2-ден 8°C-ге дейінгі температурада 12 сағатқа дейін тұрақтылығын сақтайды.

Алынған ерітіндінің түсі ақшыл сарыдан янтарь түстеске дейін ауытқып тұрады. Егер қарап тексергенде сұйылтылған ерітіндіде бөгде заттар болса оны пайдалануға болмайды.

Бұлшықетішілік инъекция үшін 1% лидокаин ерітіндісі қолданылады. 1 г Зибанды 3.5 мл 1% лидокаин ерітіндісінде сұйылтады.

Лидокаин ерітіндісінде сұйылтылған ұнтақты көктамыр ішіне енгізуге болмайды!

Көктамырішілік инъекция үшін инъекцияға арналған су пайдаланылады; 250 мг және 500 мг Зибанды инъекцияға арналған судың 5 мл- де, 1 г-ды инъекцияға арналған судың 10 мл мл- де ерітеді. Препарат 5 минут ішінде ақырын көктамырішілік инъекция жолымен енгізіледі.

Көктамырішілік инфузия - 2 г Зибанды құрамында кальций жоқ төменде көрсетілген 40 мл ерітінділердің біреуінде ерітеді: 5% немесе 10% декстроза ерітіндісі, натрий хлориді және глюкоза ерітіндісі (0.45% натрий хлориді ерітіндісі және 2.5% глюкоза ерітіндісі), 5% глюкоза ерітіндісіндегі 6% декстран, натрий хлоридінің изотониялық ерітіндісіндегі 6-10% гидроксиэтилкрахмал ерітіндісі. Препарат инфузия жолымен 30 минут ішінде енгізіледі.

Зибан препаратының құтысы тек бір рет қолдануға арналған қалған ерітінді/ұнтақты утилизациялау керек.

Жағымсыз әсерлері

Жиі

- эозинофилия, лейкопения, тромбоцитопения

- диарея

- бауыр ферменттері деңгейінің жоғарылауы

- бөрту

Жиі емес

-бас ауыруы, бас айналуы

-гранулоциопения, анемия, коагулопатия

- жыныс ағзаларының зеңдік инфекцияларының дамуы

- жүрек айнуы, құсу

- қышыну

- инъекция орнының ауыруы, флебит, қызба

- қанда креатинин деңгейінің жоғарылауы

Сирек

- жалған жарғақшалы колит

- бронх түйілуі

- есекжем

- гематурия, глюкозурия

- енгізген жердің ісінуі

- қалтырау

Жиілігі белгісіз

- суперинфекция

- гемолиздік анемия

- агранулоцитоз

- анафилаксиялық, анафилактоидты реакция, жоғары сезімталдық, анафилаксиялық шок

- құрысулар

- вертиго

- стоматит, глоссит, панкреатит

- өт қабындағы преципитация (кальцийдің шөгіндісі), билирубиндік энцефалопатия

- жедел жайылған экзантематозды пустулез, Стивенс-

Джонсон синдромы, уытты эпидермальді некролиз (Лайелл синдромы),

мультиформалы эритема

- олигоурия, бүйректегі преципитация (кальцийдің шөгіндісі) (қайтымды)

- Кумбс сынамасының жалған оң нәтижелері, галактозимияға тест,

несепте глюкозаны анықтаудың ферментативтік емес әдісі.

Қолдануға болмайтын жағдайлар

- цефтриаксонға, пенициллиндерге, цефалоспориндерге немесе басқа бета-лактамды антибиотиктерге жоғары сезімталдық

- 41 аптаға дейінгі күні жетпеген жаңа туғандар (жатырішілік даму мерзімін ескеріп (жүктілік аптасы) + өмірінің аптасы)

- билирубиннің байланысуының бұзылуы мүмкіндігі салдарынан гипербилирубинемиямен, сарғаюмен, гипоальбуминемия немесе ацидозбен, күні жеткен жаңа туғандарға (28 күнге дейінгі жастағы); құрамында кальций бар, ерітінділерді немесе кальцийді (цефтриаксон-кальций шөгіндісінің пайда болу қаупіне байланысты) көктамыр ішіне енгізу қажет жағдайларда

Лидокаинді еріткіш ретінде қолданумен бұлшықетішілік инъекция алдында лидокаинді енгізумен байланысты қарсы көрсетілімдерді жоққа шығару керек.

Құрамында лидокаин бар цефтриаксон ерітіндісін көктамыр ішіне енгізуге болмайды.

Дәрілермен өзара әрекеттесуі

Құрамында кальций бар еріткіштер (Рингер ерітіндісі немесе Гартман ерітіндісі), шөгінді түзілу мүмкіндігіне байланысты қалпына келтіру немесе көктамыр ішіне енгізу үшін ары қарай сұйылтуда қолданылмайды. Цефтриаксонды көктамыр ішіне енгізуге арналған бір катетерде құрамында кальций бар ерітінділермен араластырғанда цефтриаксон-кальций шөгіндісі пайда болуы мүмкін.

Цефтриаксонды Y-тәрізді инъекциялық порт арқылы парентеральді қоректену секілді құрамында кальций бар ерітінділердің үздіксіз инфузиясын қоса, құрамында кальций бар көктамыр ішіне енгізуге арналған ерітінділермен бір мезгілде енгізуге болмайды.

Әйтсе де, егер инфузияға арналған катетерлер сәйкес сұйықтықпен инфузиялар арасында мұқият шайылса цефтриаксон мен құрамында кальций бар ерітінділерді бірінен кейін бірін (жаңа туғапндарда қолдануды қоспағанда, өйткені оларда цефтриаксон кальций преципитаты түзілуінің қаупі жоғары) енгізуге болады.

Пероральді антикоагулянттар мен цевтриаксонды бір мезгілде қолданғанда K витаминінің тапшылығының даму қаупі артады, ол қан кетуіне әкелуі мүмкін. ХҚҚ (халықаралық қалыптастырылған қатынас) мұқият бақылау және цефтриаксонмен емдеу кезінде және емдеуден кейін K витаминінің талапқа сай түзетілген дозасын қолдану керек.

Цефтриаксон мен пероральді құрамында кальций бар препараттар арасында өзара әрекеттесу туралы немесе бұлшықет ішіне енгізуге арналған цефтриаксон мен құрамында кальций бар препараттар (көктамыр ішіне немесе пероральді енгізілген) арасында өзара әрекеттесу туралы деректер жоқ.

Цефтриаксон мен ілмектік диуретиктердің үлкен дозасын бір мезгілде енгізгеннен кейін (мысалы, фуросемид) бүйрек функциясының нашарлауы байқалған жоқ.

Бір мезгілде пробенецидті енгізу цефтриаксонның шығарылуын азайтпайды.

Хлорамфеникол мен цефтриаксонды бір мезгілде қабылдағанда антагонистік әсер байқалады.

Цефтриаксон амсакринмен, ванкомицинмен, флуконазолмен және аминогликозидтермен сыйымсыз.

Сирек жағдайларда цефтриаксон Кумбс сынамасында, галактоземияны анықтауда, ферментативтік емес тәсілмен несепте глюкозаны анықтауда жалған оң нәтижелер туындатуы мүмкін. Сондықтан несепте глюкоза деңгейін анықтауды цефтриаксонмен емдеу кезінде ферментативтік тәсіл көмегімен анықтау ұсынылады.

Айрықша нұсқаулар

Ұсынылған дозаны жоғарылатуға болмайды.

Зибанмен емдеуді бастағанға дейін, емделушіде цефтриаксонға, цефалоспориндерге, пенициллинге немесе басқа да бета-лактамды антибиотиктерге, лидокаинге жоғары сезімталдығының бар жоғын анықтау үшін, мұқият аллергологиялық сыртартқы жинау керек.

Ауырлаған аллергологиялық сыртартқысымен пациенттерге Зибанды сақтықпен тағайындау керек. Аса жоғары сезімталдықтың ауыр реакциясы дамыған жағдайда цефтриаксонмен емдеу дереу тоқтатылуы және сәйкес ем тағайындалуы керек.

Зибан диареяға, колит, оның ішінде жалған жарғақшалы колитке түрткі болуы мүмкін. Егер пациентте Зибанмен емді бастағаннан кейін диарея дамыса белгісіне қарай емді тағайындау керек. Диареяның ауыр түрінде немесе қанды іш өтуде Зибанды қолдануды тоқтату керек және сонымен қатар Clostridium difficile белгісіне қарай ем жүргізу керек. Перистальтиканы тежейтін препараттарды тағайындауға болмайды. Асқазан-ішектік ауруларды, оның ішінде колитті өткерген емделушілер Зибанды сақтықпен қабылдауы керек.

Басқа да цефалоспориндермен жағдайлардағыдай, Зибанды ұзақ уақыт қабылдау энтерококктар және Candida spp. секілді цефтриаксонға сезімтал емес микроорганизмдердің шамадан тыс өсуін туындатуы мүмкін.

Бауыр жеткіліксіздігімен қатар жүретін, ауыр дәрежедегі жедел бүйрек жеткіліксіздігімен пациенттерде дозаны төмендету ұсынылады («Қолдану тәсілі мен дозасын» қара).

Құрамында кальций бар препараттармен өзара әрекеттесуі: өкпесінде және бүйректерінде цефтриаксон-кальций преципитаттары түзілуімен 1 айға дейінгі жастағы күні жетіп және күні жетпей туған жаңа туғандардағы өлім жағдайы туралы хабарламалар бар. Цефтриаксон және құрамында кальций бар ерітінділерді немесе кез келген басқа препараттарды қабылдаған жаңа туғандардан өзге пациенттердің басқа тобында тамырішілік преципитатты растайтын ғылыми деректер жоқ. Жаңа туғандарда басқа жас тобындағылармен салыстырғанда цефтриаксон-кальций преципитаты түзілуінің жоғары қаупі бар.

Кез келген жастағы пациенттерде цефтриаксонды тіпті әр түрлі инфузиялық катетерлер және/немесе әртүрлі енгізу жерлері арқылы құрамында кальций бар кез-келген көктамырішілік ерітінділермен араластыруға немесе бір мезгілде енгізуге болмайды.

Дегенмен 28 күннен асқан пациенттерде , шөгінді түзілуінен аулақ болу үшін, егер инфузиялық катетерлер әртүрлі жерлерге енгізілсе, ауыстырылған болса немесе инфузиялар арасында физиологиялық ерітіндімен мұқият шайылған болса, цефтриаксон мен құрамында кальций бар ерітінділерді бірінен кейін бірін енгізуге болады. Кальциймен толық парентеральді қоректендіру ерітінділерін (ТПҚ ерітінділері) үздіксіз енгізу талап етілетін пациенттерде, дәрігер осындай шөгінді түзу қаупі жоқ талапқа сай бактерияға қарсы препараттарды қолдану мүмкіндігін қарастыруына болады.

Егер цефтриаксонды қолдану үздіксіз қоректендіруді талап ететін науқастарға қажет болса ТПҚ ерітінділері және цефтриаксонды бір мезгілде енгізуге болады, бірақ әртүрлі катетерлер арқылы әртүрлі жерлерге енгізумен. Балама ретінде ТПҚ ерітіндісін енгізу цефтриаксон инфузиясы кезінде тоқтатылуы мүмкін, ал инфузиялық катетерлер шайылуы керек.

Цефтриаксон билирубинді альбуминмен байланыстан ығыстырып шығарады, ол гипербилирубинемияның туындауына әкелуі мүмкін. Жаңа туғандарға препаратты сақтықпен тағайындау керек. Препаратты күні жетпей туғандарға ерекше сақтықпен тағайындау керек.

Зибан билирубиндік энцефалопатия даму қаупімен күні жетпей туған және күні жетіп туған жаңа туғандарға қарсы көрсетілімде.

Цефалоспориндер тобының бактерияға қарсы препараттарын, оның ішінде цефтриаксон қабылдаған ересектер мен балаларда, оның ішінде өлім жағдайымен аутоиммунды гемолиздік анемияның даму қаупі сипатталған.

Зибанмен емдеу аясында анемия пайда болған жағдайда препаратты енгізуді анемияның этиологиясы анықталғанға дейін тоқтату керек.

Цефтриаксонның динатрий тұзы өт қабында ультрадыбыспен зерттегенде көлеңкелер түрінде көрінетін преципитаттар түзуі мүмкін. Осыған кез келген жастағы пациент бейім, бірақ препаратты дене массасының пропорциясынан асатын дозада қабылдайтын нәрестелер мен жас балалар жиірек кездеседі.

Дене массасына 80 мг/кг жоғары дозада билиарлы шөгінді түзілу қаупі бар, сондықтан дозаны жоғарылатуға болмайды. Өт тасы немесе жедел холецистит дамуын растайтын деректер болмаған жағдайда Зибанды қабылдайтын балалар арасында аталған реакцияларды консервативті жолмен емдеу ұсынылады.

Зибанды қабылдайтын емделушілер арасында сирек, өт жолдарының бітелуінен болған панкреатиттің пайда болу жағдайлары байқалған. Көптеген жағдайларда өттің іркілуі мен билиарлы шөгіндінің пайда болуының қауіп факторлары алдыңғы ем, ауыр аурулар немесе толық парентеральді қоректену (ТПҚ) болып табылады. Әйтсе де билиарлы шөгінді түзілуде Зибанның мүмкін ролін жоққа шығаруға болмайды.

Цефалоспориндер тобының бактерияға қарсы препараттары эритроциттердің жарғақшасына сіңумен сипатталады және антиденелермен реакцияға түседі, ол Кумбс сынамасының оң нәтижесін туындатуы мүмкін. Сондай-ақ пенициллинмен айқаспалы реактивтілік болуы мүмкін.

Зибан бактерияға қарсы белсенділіктің шектеулі спектрін иеленген және егер қоздырғыш зертханалық расталмаса инфекциялардың кейбір түрлерін емдеу үшін монотерапия ретінде қолданылмайды.

Полимикробты инфекцияда, цефтриаксонға төзімді қоздырғыштың болуы болжамданғанда қосымша антибиотик тағайындау ұсынылады.

Зибанмен ұзақ емдеу курсы кезінде қанның толық талдауын тұрақты мониторингілеу ұсынылады.

Зибанның әр грамында шамамен 3.6 ммоль натрий бар. Бұны натрийдің шектелуімен диетадағы емделушілерді емдеу барысында ескеру керек.

Жүктілік және лактация кезеңі

Зибан препаратын қолдану жүктіліктің II және III триместрінде анаға деген пайдасы ұрыққа деген қаупінен жоғары болғанда ғана (цефтриаксон плацентарлық бөгет арқылы өтеді) мүмкін.

Зибан препаратын лактация кезеңінде қолдану қажет болғанда емшекпен емізуді тоқтату туралы мәселені шешу керек (цефтриаксон емшек сүтімен бөлінеді).

Дәрілік заттардың көлік құралдарын немесе қауіпті механизмдерді басқару қабілетіне әсер ету ерекшеліктері

Препараттың жағымсыз әсерлерін ескеріп (бас айналуы, бас ауыруы) көлік құралдарын немесе басқа да әлеуетті қауіпті механизмдерді басқаруда сақтық шараларын сақтау керек.

Артық дозалануы

Симптомдары: жоғарыда сипатталған жағымсыз реакциялар белгілерінің күшеюі.

Емі: белгісіне қарай және демеуші ем, сондай-ақ қолданылуы жөніндегі нұсқаулықты қатаң сақтау.

Гемодиализ немесе перитонеальді диализ тиімсіз.

Арнайы у қайтарғысы жоқ.

Шығарылу түрі және қаптамасы

Ұнтақ алюминий қақпақпен және пластмасса қалпақпен жабылған резеңке тығынмен тұмшаланып тығындалған шыны құтыларға салынған.

1 және 10 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

«МедокемиЛтд»,Кипр 1-10 Constantinoupoleos Street, 3011, Limassol, Cyprus, tel. 357-25-867600, fax. 357-25-560863

Тіркеу куәлігінің иесі және қаптаушы

«Медокеми Лтд», Кипр

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Қазақстан Республикасындағы «Медокеми ЛТД» өкілдігі

050008 Алматы қ-сы, Мұқанов к-сі 241, 1 «Б» кеңсе

телефон/факс 8(727)313-73-76