ЖАДЕБЕЛ® (Деферазирокс)

ЖАДЕБЕЛ®

Деферазирокс

Дәрілік түрі, дозасы

ЖАДЕБЕЛ®, 250 мг және 500 мг, ұсақталатын таблеткалар

Басқа да препараттар. Барлық басқа емдік препараттар. Темірді байланыстыратын препараттар. Деферазирокс.

АТХ коды V03AС03

- айқын бета-талассемиясы бар, 6 жастағы және одан үлкен пациенттерде гемотрансфузия (айына > 7 мл/кг эритроциттік масса) нәтижесінде болған темірдің созылмалы артық жүктемесін емдеу үшін

- егер дефероксаминмен емдеуге болмайтын болса немесе талапқа сай болмаса, пациенттердің келесі топтарында гемотрансфузия нәтижесінде темірдің созылмалы артық жүктемесін емдеу үшін:

• жиі гемотрансфузия (айына > 7 мл/кг эритроциттік масса) себебінен темірдің артық жүктемесі бар, бета-талассемиясы айқын 2-ден 5 жасқа дейінгі балаларда;

• жиі емес гемотрансфузия (айына < 7 мл/кг эритроциттік масса) себебінен темірдің артық жүктемесі бар, бета-талассемиясы айқын ересектерде және 2 жастағы және одан үлкен балаларда;

• басқа да анемиялары бар ересектерде және 2 жастағы және одан үлкен балаларда.

- 10 және одан үлкен жастағы трансфузияға тәуелсіз талассемия синдромдары бар пациенттерде дефероксаминмен емдеуге болмайтын болса немесе талапқа сай болмаса, хелаттық терапияны қажет ететін темірдің созылмалы артық жүктемесін емдеу.

Қолдануды бастағанға дейін қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• басқа да темір хелаторларымен біріктірілім, өйткені мұндай біріктірілімнің қауіпсіздігі анықталмаған

• креатинин клиренсі < 60 мл/мин пациенттер

• тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдар

Қолдану кезіндегі қажетті сақтау шаралары

Бүйрек жеткіліксіздігі

Деферазироксты постмаркетингтік қолданудан кейінгі жедел бүйрек жеткіліксіздігі жағдайлары туралы хабарланды. Маркетингтен кейінгі кейбір жағдайларда бүйрек функциясының төмендеуі уақытша немесе тұрақты диализді қажет ететін бүйрек жеткіліксіздігіне әкелді.

Бүйрек функциясын төмендететін дәрілік препараттармен қатарласа ем қабылдап жүрген пациенттерде, және деферазирокс жоғары дозаларын қабылдап жүрген және/немесе трансфузия деңгейлері төмен (ересек пациент үшін эритроциттік масса айына < 7 мл/кг немесе айына < 2 бірлік) пациенттерде қан сарысуындағы креатининге мониторинг жүргізуге ерекше көңіл бөлген жөн. Деферазирокс дозасын 30 мг/кг жоғары дозаға дейін арттырғаннан кейін, бүйрек тарапынан жағымсыз құбылыстардың артуы байқалмаса да, ұсақталатын ЖАДЕБЕЛ® таблеткасын 30 мг/кг жоғары дозаларда қабылдағанда бүйрек тарапынан жағымсыз құбылыстардың жоғары қаупін жоққа шығаруға болмайды.

Емдеуді бастар алдында қан сарысуындағы креатинин деңгейіне екі рет бағалау ұсынылады. Емдеуді бастағанға дейін, емдеуді бастағаннан кейін немесе деферазирокс дозасын өзгерткеннен кейін (дәрілік түрінің өзгеруін қоса) алғашқы ай ішінде апта сайын және кейіннен ай сайын сарысулық креатининді, креатинин клиренсін (ересектерде Cockcroft-Gault немесе MDRD формуласы бойынша және балаларда Шварц формуласы бойынша есептелген) және/немесе С цистатиннің плазмалық деңгейлерін бақылау керек. Бүйрек тарапынан жай күйі бар пациенттерде және бүйрек функциясын төмендететін препараттарды қабылдайтын пациенттерде асқынулар қаупі жоғарылауы мүмкін. Пациенттерде диарея немесе құсу дамыған кезде сақтық танытқан және сұйықтық режимін сақтаған жөн.

Маркетингтен кейін деферазирокспен емдеу кезінде метаболизмдік ацидоздың дамығаны туралы мәлімдемелер алынды. Осы пациенттердің негізгі санында бүйрек тарапынан бұзылулар, бүйректік тубулопатия (Фанкони синдромы) немесе диарея немесе қышқыл-сілтілік теңгерімнің бұзылулары белгілі асқыну болып табылатын жағдайлар байқалды. Осы популяцияда қышқыл-сілтілік теңгерімді клиникалық көрсетілімдері бойынша бақылауды жүзеге асыру керек. Метаболизмдік ацидоз дамыған пациенттерде ЖАДЕБЕЛ® препаратымен емдеуді тоқтату туралы мәселені қарастырған жөн.

1-кесте. Бүйрек функциясының мониторингінде дозаны түзету және емдеуді тоқтату

Емдеу нақты клиникалық жағдайларға байланысты қайта басталуы мүмкін.

Дозаны төмендету немесе қабылдауды тоқтату туралы мәселе де бүйрек өзекшелері функциясының маркерлері деңгейінде дамығанда және/немесе клиникалық көрсетілімдері бойынша қарастырылуы мүмкін:

• Протеинурия (талдау емдеуді бастағанға дейін және кейіннен ай сайын жасалуы тиіс)

• Диабетпен ауырмайтын пациенттерде глюкозурия және калийдің, фосфаттың, магнийдің немесе сарысу уратының төмен деңгейлері, фосфатурия, аминоацидурия (қажет болғанда мониторинг).

Бүйрек тубулопатиясы көбінесе деферазирокс қабылдаған, бета-талассемиясы бар балалар мен жасөспірімдерде байқалды.

Пациенттер келесі жағдайлар дамыған кезде, дозаны төмендетуге және емдеуді тоқтатуға қарамастан, нефрологқа жіберілуі тиіс, және әрі қарай мамандандырылған тексеру жүргізу (мысалы, бүйрек биопсиясы) туралы мәселені қарастыруы керек:

• Қан сарысуындағы креатинин деңгейі едәуір жоғарылауының сақталуы.

• Бүйрек функциясының басқа көрсеткіштерінің сақталған ауытқулары (мысалы, протеинурия, Фанкони синдромы)

Бауыр жеткіліксіздігі

Функционалдық бауыр көрсеткіштерінің жоғарылауы деферазирокс қабылдаған пациенттерде байқалды. Бауыр жеткіліксіздігінің маркетингтен кейінгі жағдайлары білінді, кейбіреулері өліммен аяқталды. Бауыр жеткіліксіздігі туралы мәлімдемелердің көпшілігі, бауырдың созылмалы ауруы (оған қоса цирроз және С гепатиті) және көп ағзалық жеткіліксіздікті қоса, елеулі аурулары бар пациенттерге қатысты болды. Ықпал ететін немесе өршітетін фактор ретінде деферазирокс рөлін жоққа шығару мүмкін емес.

Емдеуді бастағанға дейін, алғашқы ай ішінде 2 апта сайын және кейіннен ай сайын сарысулық трансаминазалар, билирубин және сілтілік фосфатаза деңгейлеріне баға беру ұсынылады. Егер басқа себептермен байланысты болуы мүмкін емес трансаминазалар деңгейлерінің тұрақты және үдемелі жоғарылауы байқалса, ЖАДЕБЕЛ® препаратымен емдеу тоқтатылуы тиіс. Бауырдың функционалды көрсеткіштерінің ауытқу себептері айқындалғаннан кейін немесе деңгейлері қалыпқа келгеннен кейін емдеуді өте төмен дозада сақтықпен қайта жаңғырту, кейіннен дозаны біртіндеп арттыру қарастырылуы мүмкін.

Бауырдың ауыр жеткіліксіздігі (Чайлд-Пью бойынша С класы) бар пациенттерде ЖАДЕБЕЛ® препаратын қолдану ұсынылмайды.

2-кесте. Қауіпсіздігіне мониторинг жүргізу нұсқаулары бойынша қорытынды

Өмір сүрудің күтілетін ұзақтығы қысқа болатын (мысалы, қаупі жоғары миелодисплазиялық синдромдары бар) пациенттерде, әсіресе жағымсыз құбылыстар қаупін арттыруы мүмкін қатар жүретін ауруларда деферазирокспен емдеудің артықшылықтары шектеулі болуы мүмкін және ықтимал қауіптерінен төмен болуы мүмкін. Сондықтан осындай пациенттерде ЖАДЕБЕЛ® препаратымен емдеу ұсынылмайды.

Жағымсыз реакциялардың (атап айтқанда диареяның) өте жоғары жиілігі себебінен егде жастағы пациенттерде сақтық таныту керек.

Трансфузияға тәуелді емес талассемиясы бар балалардағы деректер өте шектеулі. Осылайша, ЖАДЕБЕЛ® препаратымен емдеген кезде балаларда жағымсыз реакцияларды анықтау және темірдің артық жүктемесіне мониторинг жүргізу үшін мұқият бақылау қажет болады. Одан өзге, трансфузияға тәуелді емес талассемияда темірмен артық ауыр жүктемесі бар балаларды ЖАДЕБЕЛ® препаратымен емдеу алдында дәрігер осындай пациенттерде препаратты ұзақ қолданудың салдарлары қазіргі таңда белгісіз екендігін ескеруі тиіс.

Асқазан-ішек жолы тарапынан бұзылулар

Асқазан-ішек жолының жоғарғы бөлігінен ойық жаралар мен қан кетулер балаларды қоса, деферазирокс қабылдаған пациенттерде байқалды. Кейбір пациенттерде көптеген ойық жаралар байқалды. Ас қорыту жолының тесілумен асқынған ойық жаралары туралы хабарламалар түскен. Сондай-ақ, әсіресе гематологиялық қатерлі жаңа түзілімдер және/немесе тромбоциттер саны төмен егде жастағы пациенттерде өліммен аяқталатын асқазан-ішек қан кетулері туралы мәлімдемелер алынды. Дәрігерлер және пациенттер ЖАДЕБЕЛ® препаратымен емдеу кезінде асқазан-ішек жолының ойық жарамен зақымдану белгілері мен симптомдарын және қан кетулерді белсенді түрде анықтауы тиіс. Асқазан-ішек жолы ойық жарасы және қан кету жағдайында ЖАДЕБЕЛ® қабылдауды тоқтату және дер кезінде қосымша тексерулерді және емдеуді бастау керек. Белгіленген ульцерогендік потенциалы бар заттармен, мысалы, ҚҚСП, кортикостероидтармен немесе ішке қабылдауға арналған бисфосфонаттармен біріктіріп қабылдап жүрген пациенттерге, антикоагулянттар қабылдап жүрген пациенттерге, және тромбоциттер саны 50 000/мм3-ден төмен (50 x 109/л) болатын пациенттерде деферазирокс қолданған кезде сақ болу керек.

Терінің бұзылуы

Деферазирокспен емдеген кезде тері бөртпесі пайда болуы мүмкін. Бөртпе көптеген жағдайларда өздігінен қайтады. Егер емдеуді тоқтату қажет етілсе, емдеу препараттың төменірек дозасын қолданып және дозаны біртіндеп арттырып бөртпені қайтарғаннан кейін қайта жаңғыртылуы мүмкін. Ауыр жағдайларда қысқа уақыт кезеңі ішінде оральді стероидтар қолданылатын біріктірілімде емдеу қайта басталуы мүмкін.

Өмірге қауіп төндіру сипаты бар немесе тіпті өлімге әкелуі мүмкін Стивенс-Джонсон синдромын (СДС), уытты эпидермалық некролизді (УЭН) қоса, ауыр тері реакцияларының және эозинофилиясы және жүйелік симптомдары (DRESS) бар дәрілік реакциялардың дамуы туралы мәлімделді. Ауыр тері реакциялары бар екендігіне күдіктенген кезде ЖАДЕБЕЛ® препаратын емдеуді қайта жаңғыртпай, дереу тоқтату керек. Емдеуді тағайындау сәтінде пациентке ауыр тері реакцияларының белгілері және симптомдары туралы айту және мұқият бақылау қажет.

Аса жоғары сезімталдық реакциялары

Аса жоғары сезімталдықтың күрделі реакцияларының жағдайлары (анафилаксиялық реакция және қантамырлық ісіну сияқты) деферазирокс қабылдаған пациенттерде байқалды, көптеген жағдайларда реакция емдеудің алғашқы айы ішінде дамыды. Осындай реакциялар дамыған кезде ЖАДЕБЕЛ® препаратын қабылдауды тоқтату және тиісті ем жүргізу керек. Аса жоғары сезімалдық реакциясы білінген пациенттерде деферазирокспен емдеуді қайта бастамау керек, өйткені анафилаксиялық шоктың даму қаупі бар.

Көру және есту

Естудің (естудің төмендеуі) және көрудің (көз бұршағының бұлыңғырлануы) бұзылулары білінді. Естуді және көруді (көз түбін қарауды қоса) емдеуді бастағанға дейін және кейіннен жүйелі уақыт аралығынан кейін (12 ай сайын) тексеру ұсынылады. Егер емдеу кезінде бұзылулар байқалса, дозаны төмендету немесе емдеуді тоқтату туралы мәселе қарастырылуы мүмкін.

Қан аурулары

Деферазирокс қабылдаған пациенттерде лейкопения, тромбоцитопения немесе панцитопения туралы (немесе осы цитопенияның нашарлауы туралы) және анемияның нашарлауы туралы маркетингтен кейінгі мәлімдемелер алынды. Осы пациенттердің көпшілігінде сүйек кемігі функциясының жеткіліксіздігімен жиі байланысты бұрыннан бар гематологиялық бұзылулар байқалды. Дегенмен ықпал ететін немесе өршітетін фактор ретінде препараттың рөлін жоққа шығаруға болмайды. Түсініксіз цитопения дамыған кезде пациенттерде емдеуді тоқтату туралы мәселені қарастыру керек.

Басқа факторлар

Емдеуге пациенттің реакциясын бағалау үшін қан сарысуындағы ферритин деңгейіне ай сайын мониторинг жүргізу ұсынылады. Жоғары дозалармен емделу кезеңінде және сарысудағы ферритин деңгейі мақсаттық ауқымға жақын болған кезде дозаны төмендету немесе бүйрек және бауыр функциясына, сондай-ақ сарысу ферритиніне өте мұқият мониторинг жүргізу ұсынылады. Сарысу ферритинінің деңгейі 500 мкг/л-ден төменге (темірдің трансфузиялық артық жүктемесінде) немесе 300 мкг/л-ден төменге тұрақты төмендеген кезде (трансфузияға тәуелді емес талассемия синдромдарында) емдеуді тоқтату туралы мәселені қарастыру керек.

Сарысу креатининінің, сарысу ферритинінің және сарысу трансаминазаларын талдау нәтижелері жазып қойылуы және тенденцияны талдау үшін ұдайы баға беріліп отыруы тиіс.

Трансфузиялық темірдің артық жүктемесі бар балаларды емдегенде сақтық шаралары ретінде емдеуді бастағанға дейін және жүйелі уақыт аралығынан кейін (12 ай сайын) дене салмағын, бойының өсуін және жыныстық жетілуін бақылау қажет.

Жүрек функциясының бұзылуы темірдің ауыр артық жүктемесінің белгілі асқынуы болып табылады. ЖАДЕБЕЛ® препаратымен ұзақ емдеген кезде темірдің ауыр артық жүктемесі бар пациенттерде жүрек функциясын бақылау қажет.

Лактоза мөлшері

ЖАДЕБЕЛ®, ұсақталатын таблеткалар құрамында лактоза бар және тұқым қуалайтын галактоза жақпаушылығы, Lapp (ЛАПП)-лактаза ферменті тапшылығы, глюкоза-галактоза мальабсорбциясы бар адамдарға қолдануға болмайды.

Басқа дәрілік препараттармен өзара әрекеттесуі

Деферазирокстың басқа да темір хелаторларымен біріктірілімінің қауіпсіздігі анықталған жоқ. Осылайша, препаратты темірдің басқа да хелаторларымен біріктірмеген жөн.

Тамақпен өзара әрекеттесуі

Деферазирокс биожетімділігі препаратты тамақпен бірге қабылдағанда елеулі дәрежеде жоғарылады. Осылайша, ұсақталатын ЖАДЕБЕЛ® таблеткаларын тамақтанудан кем дегенде 30 минут бұрын ашқарынға күн сайын белгілі бір уақытта қабылдау керек.

Деферазирокс әсер етуінің жүйелік деңгейлерін төмендетуі мүмкін препараттар

Деферазирокс метаболизмі УГТ ферменттерімен жүзеге асырылады. Осылайша, ЖАДЕБЕЛ® препаратын УГТ күшті индукторларымен (рифампицин, карбамазепин, фенитоин, фенобарбитал, ритонавир сияқты) бірге қолдану ЖАДЕБЕЛ® препаратының тиімділігін төмендетуі мүмкін. Пациенттерде біріктірілген емге дейін және ем кезінде қан сарысуындағы ферритин деңгейіне мониторинг жүргізуді жүзеге асыру және қажет болғанда ЖАДЕБЕЛ® препаратының дозасын түзету керек.

Холестирамин энтерогепатикалық цикл дәрежесін анықтау үшін әсер ету механизміне жүргізілген зерттеулерде деферазирокстің әсер ету деңгейінің едәуір төмендеуіне әкелді.

Мидазоламмен және CYP3A4 изоферментімен метаболизденетін басқа да препараттарымен өзара әрекеттесуі

Тиімділігінің ықтимал төмендеуін ескеріп, деферазирокс препаратын CYP3A4 метаболизденетін заттармен (циклоспорин, симвастатин, гормональді контрацептивтер, бепридил, эрготамин сияқты) бірге қолданғанда сақтық танытқан жөн.

Репаглинидпен және CYP2C8 изоферментімен метаболизденетін басқа да препараттарымен өзара әрекеттесуі

Репаглинидтің 0,5 мг-ден жоғары дозалары үшін өзара әрекеттесу анықталмағандықтан, деферазироксті репаглинидпен бірге қолдануға жол бермеу керек. Егер осы біріктірілімді қолдану қажет болса, мұқият клиникалық бақылау және қандағы глюкоза деңгейіне мониторинг қажет. Деферазирокс және паклитаксел сияқты CYP2C8 басқа да субстраттары арасында өзара әрекеттесуді жоққа шығару мүмкін емес.

Теофиллинмен және CYP1A2 изоферментімен метаболизденетін басқа да препараттарымен өзара әрекеттесуі

Деферазирокс және теофиллинді бірге қолдану ұсынылмайды. Деферазирокс және теофиллинді бірге қолданғанда теофиллин концентрациясының және теофиллин дозасының төмендеуіне мониторинг жүргізу туралы мәселені қарастыру керек. Деферазирокс және CYP1A2 басқа да субстраттары арасында өзара әрекеттесуді жоққа шығару мүмкін емес. Көбінесе CYP1A2 метаболизденетін және емдік индексі тар заттар (мысалы, клозапин, тизанидин) үшін теофиллиндегі сияқты сол нұсқаулар қолданылады.

Басқа да ақпарат

Деферазироксты құрамында алюминий бар антацид препараттарымен бірге қолдану формальді түрде зерттелген жоқ. Деферазирокстің темірге қарағанда алюминийге аффинділігі көбірек төмен болса да, деферазирокс таблеткаларын құрамында алюминий бар антацид препараттарымен бірге қолдану ұсынылмайды.

Ульцерогендік потенциалы анықталған, мысалы, ҚҚСД (жоғары дозалардағы ацетилсалицил қышқылын қоса), кортикостероидтар немесе оральді бисфосфонаттар сияқты заттармен деферазироксты бірге қолдану асқазан-ішек жолы тарапынан уытты реакциялар қаупінің жоғарылауына әкелуі мүмкін. Деферазироксты антикоагулянттармен бірге қолдану да асқазан-ішектік қан кетулер қаупінің жоғарылауына әкелуі мүмкін. Деферазироксты осы заттармен біріктіріп қолданғанда мұқият клиникалық бақылау ұсынылады.

Арнайы ескертулер

Жүктілік немесе лактация кезінде

Жүктілік кезінде деферазирокстың әсері жөнінде жеткілікті деректер жоқ.

Сақтық шарасы ретінде айқын клиникалық қажеттілік жағдайларын қоспағанда, жүктілік кезінде ЖАДЕБЕЛ® препаратын қолданбау ұсынылады.

ЖАДЕБЕЛ® препараты гормоналды контрацептивтердің тиімділігін төмендетуі мүмкін. Бала тууға қабілетті әйелдерге деферазироксты қолданған кезде контрацепцияның қосымша немесе баламалы гормональді емес әдістерді қолдану ұсынылады.

ЖАДЕБЕЛ® препаратын қолданған кезде емшек емізу ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ЖАДЕБЕЛ® препараты автомобильді басқару және механизмдермен жұмыс жасау қабілетіне барынша ең аз әсерін тигізеді. Бас айналуы түріндегі жағымсыз реакциялар білінетін пациенттер автомобильді басқарғанда және механизмдермен жұмыс жасағанда сақтық танытуы тиіс.

Қолдану бойынша ұсынымдар

ЖАДЕБЕЛ® препаратымен емдеуді темірдің созылмалы артық жүктемесін емдеу тәжірибесі бар дәрігер бастауы және демеуі тиіс.

Дозалау режимі

Темірдің трансфузиялық артық жүктемесі

Емдеуді эритроциттік массасы (эр. масса) 20 бірлікке жуық (100 мл/кг жуық) трансфузиядан кейін немесе клиникалық бақылау кезінде темірдің созылмалы артық жүктемесінің белгілері (мысалы, сарысу ферритині > 1000 мкг/л) бар болғанда бастау ұсынылады. Дозалар (мг/кг) есептелуі және тұтас таблеткаға жуық дөңгелектеп алынуы тиіс.

Темір хелаторларымен емдеудің мақсаты трансфузиялар кезінде түскен темірдің мөлшерін жою және, егер қажет болса, бұрыннан бар темір жүктемесін төмендету болып табылады.

Үлбірлі қабықпен қапталған таблеткадан ұсақталатын таблеткаға ауысқан кезде ұсақталатын таблетканың дозасы үлбірлі қабықпен қапталған таблеткалардың дозасынан 40% жоғары болуы, және тұтас таблеткаға жуық дөңгелектеп алынуы тиіc.

Екі дәрілік түрі үшін тиісті дозалар 3-кестеде берілген.

3-кесте. Темірдің трансфузиялық артық жүктемесінде ұсынылатын дозалар

Бастапқы доза

ЖАДЕБЕЛ® ұсақталатын таблеткасының ұсынылатын бастапқы дозасы дене салмағына 20 мг/кг құрайды.

Бастапқы тәуліктік 30 мг/кг дозаны организмде темірдің жоғарылаған деңгейін төмендетуді қажет ететін және айына 14 мл/кг-ден көбірек эритроциттік массаны қабылдап жүрген (ересек пациент үшін айына қанның шамамен > 4 бірлігі) пациенттер үшін қарастыруға болады.

Бастапқы тәуліктік 10 мг/кг дозаны организмде темірдің жоғарылаған деңгейін төмендетуді қажет етпейтін және айына 7 мл/кг-ден аздау эритроциттік массаны қабылдап жүрген (ересек пациент үшін айына қанның шамамен < 2 бірлігі) пациенттер үшін қарастыруға болады. Егер жеткілікті тиімділікке қол жеткізілмесе, пациенттің реакциясын бақылау және дозаны арттыру туралы мәселені қарастыру қажет.

Дефероксаминмен тиімді ем қабылдап жүрген пациенттерде дефероксамин дозасының жартысын құрайтын ұсақталатын ЖАДЕБЕЛ® препаратының бастапқы дозасын қарастыру керек (мысалы, аптасына 5 күн тәулігіне 40 мг/кг дефероксамин қабылдап жүрген пациент ұсақталатын ЖАДЕБЕЛ® таблеткасының тәулігіне 20 мг/кг бастапқы тәуліктік дозасына ауыстырылуы мүмкін). Егер мұндайда алынған тәуліктік доза дене салмағының 20 мг/кг-ден азын құраса, пациенттегі реакцияны бақылау және егер жеткілікті тиімділіке қол жеткізбесе, дозаны арттыру туралы мәселені қарастыруы қажет.

Дозаны түзету

Қан сарысуындағы ферритин деңгейін ай сайын бақылап отыру және қан сарысуындағы ферритин деңгейінің динамикасына байланысты қажет болған жағдайда 3-6 ай сайын ЖАДЕБЕЛ® препаратының дозасын түзету ұсынылады. Дозаны түзету 5–10 мг/кг-ден кезең-кезеңмен жасалуы мүмкін және емдеу мақсатында (темір жүктемесін демеу немесе төмендету) пациенттің жекелей реакциясына байланысты таңдап алынуы тиіс. 30 мг/кг дозаларды қолдану кезінде талапқа сай бақылауға (мысалы, қан сарысуында ферритин деңгейі тұрақты түрде 2500 мкг/л жоғары, уақыт өте келе төмендеуге бақыланатын тенденциясыз) қол жеткізе алмаған пациенттерде 40 мг/кг дейінгі дозаларды қолдану қарастырылуы мүмкін. Деферазирокс 30 мг/кг-ден жоғары дозаларының ұзақ мерзімдік тиімділігі және қауіпсіздігі жөнінде қолда бар деректер қазіргі таңда шектеулі. Егер 30 мг/кг дейінгі дозаларда гемосидероздың бақылануы тым төмен екендігі байқалса, әрі қарай дозаны арттыру (ең жоғары 40 мг/кг дозаға дейін) талап етілетін бақылауға қол жеткізуге әкелмеуі мүмкін және емдеудің баламалы нұсқаларын қарастыру керек. Егер 30 мг/кг-ден жоғары дозаларды қабылдағанда қанағаттанарлық бақылауға қол жеткізілмесе, осындай дозалармен демеуші ем жүзеге асырылмауы тиіс және мүмкіндігінше емдеудің баламалы нұсқаларын қарастыру керек. 40 мг/кг-ден жоғары дозаларды қолдану ұсынылмайды, өйткені осы деңгейден жоғары дозаларды қолдану тәжірибесі шектеулі.

30 мг/кг-ден көбірек дозаларды қабылдап жүрген пациенттерде бақылауға қол жеткізгенде (яғни қан сарысуында ферритин деңгейі тұрақты 2500 мкг/л төмен, уақыт өте келе төмендеу тенденциясы бар) дозаны 5–10 мг/кг-ден кезең-кезеңмен төмендетуді қарастыру керек. Қан сарысуда ферритин мақсаттық деңгейге жеткен пациенттерде (әдетте 500-ден 1000 мкг/л дейін) қан сарысуында ферритин деңгейін мақсаттық ауқымда демеу үшін дозаны біртіндеп 5–10 мг/кг-ден төмендетуді қарастыру керек. Егер қан сарысуында ферритині деңгейі тұрақты түрде 500 мкг/л-ден төмен болса, емдеуді тоқтату туралы мәселені қарастырған жөн.

Трансфузияға тәуелді емес талассемия синдромдары

Хелаттық емдеуді темірдің артық жүктемесінің белгілері (бауырдағы темір концентрациясы [БТК] ≥ 5 мг темір 1 г құрғақ массаға шаққанда немесе сарысу ферритинінің тұрақты жоғарылауы > 800 мкг/л) бар болғанда ғана бастаған жөн. Бауырдағы темір концентрациясы ең қолайлы әдіс болып табылады және мүмкіндігінше темірдің артық жүктемесін анықтау үшін пайдаланылуы тиіс. Хелаттық емдеуде пациенттерде шамадан тыс хелаттану қаупін төмендету үшін сақтық таныту керек.

Үлбірлі қабықпен қапталған таблеткадан ұсақталатын таблеткаға ауысқан кезде ұсақталатын таблетканың дозасы үлбірлі қабықпен қапталған таблеткалардың дозасынан 40% жоғары болуы, және тұтас таблеткаға жуық дөңгелектеп алынуы тиіc.

Екі дәрілік түрі үшін тиісті дозалар 4-кестеде берілген.

4-кесте. Трансфузияға тәуелді емес талассемия синдромдарында ұсынылатын дозалар

*Бауырдағы темір концентрациясы темірдің артық жүктемесін анықтаудың ең қолайлы әдісі болып табылады.

Бастапқы доза

Ұсақталатын ЖАДЕБЕЛ® таблеткаларының ұсынылатын бастапқы дозасы трансфузияға тәуелді емес талассемия синдромдары бар пациенттерде дене салмағына шаққанда 10 мг/кг құрайды.

Дозаны түзету

Емдеуге пациенттің реакциясын бағалау үшін ай сайын қан сарысуындағы ферритин деңгейіне мониторинг жүргізу ұсынылады. Егер пациентте бауырдағы темір концентрациясы құрғақ массасы ≥ 7 мг Fe/г құраса немесе қан сарысуындағы ферритин деңгейі төмендеуге тенденциясы байқалмайтын тұрақты > 2000 мкг/л болса, сондай-ақ пациентке препарат жағымдылығы жақсы болса, емдеудің әрбір 3-6 ай сайын дозаны 5–10 мг/кг-ге сатылап жоғарылатуды қарастыру керек. 20 мг/кг-ден жоғары дозаларды қолдануға ұсынылмайды, өйткені трансфузияға тәуелді емес талассемия синдромдары бар пациенттерде осы деңгейден жоғары дозаларды қолдану тәжірибесі жоқ.

Бауырдағы темір концентрациясына баға берілмеген және қан сарысуындағы ферритин деңгейі ≤ 2000 мкг/л пациенттерде доза 10 мг/кг-ден аспауы тиіс.

Доза > 10 мг/кг деңгейіне дейін жоғарылайтын пациенттерде дозаны 10 мг/кг және одан азыраққа төмендету бауырдағы темір концентрациясы құрғақ массасы < 7 мг Fe/г-ге немесе қан сарысуындағы ферритин деңгейі ≤ 2000 мкг/л жеткен кезде ұсынылады.

Емдеуді тоқтату

Организмде темір қанағаттанарлық деңгейге (бауырда темірдің концентрациясы құрғақ массасы < 3 мг Fe/г немесе қан сарысуындағы ферритин деңгейі < 300 мкг/л) жеткеннен кейін емдеу тоқтатылуы тиіс. Қанда темір қанағаттанарлық деңгейге жеткеннен кейін темір қайтадан жиналып қалған пациенттерде емдеуді қайта жаңғырту жөніндегі деректер жоқ, сондықтан қайталап емдеу ұсынылмайды.

Пациенттердің ерекше топтары

Балалар

Темірдің трансфузиялық артық жүктемесі

Темірдің трансфузиялық артық жүктемесі бар 2-ден 17 жасқа дейінгі балаларда дозалау жөніндегі нұсқаулар ересек пациенттерге арналған нұсқауларға ұқсас. Емдеуге пациенттің реакциясын бағалау үшін және шамадан тыс хелаттану қаупін төмендету мақсатында ай сайын сарысулық ферритинге мониторинг жүргізу ұсынылады. Дозаны есептегенде уақыт өте балалардың дене салмағының өзгеруін ескеру керек.

Темірдің трансфузиялық артық жүктемесі бар 2-ден 5 жасқа дейінгі балаларда, ересек пациенттерге қарағанда, әсер ету деңгейлері төмен. Осылайша, осы жас тобында, ересектердегі қажеттіден жоғарырақ дозалар қажет етілуі мүмкін. Дегенмен бастапқы доза, кейінірек жекелей іріктелетін, ересек пациенттердегідей болуы тиіс.

Трансфузияға тәуелді емес талассемия синдромы

Трансфузияға тәуелсіз талассемия синдромы бар балаларда доза 10 мг/кг аспауы керек. Осы пациенттерде хелаттың шамадан тыс түзілуіне жол бермеу үшін бауырдағы темір концентрациясын және сарысу ферритинін мұқият бақылаған жөн: сарысудағы ферритинді ай сайын бақылаумен қатар, қан сарысуындағы ферритин деңгейлері ≤ 800 мкг/л болғанда әрбір үш ай сайын бауырдағы темір концентрациясын бақылау керек.

Туғаннан бастап 23 айға дейінгі балалар

Туғаннан бастап 23 айға дейінгі балаларда деферазирокстың қауіпсіздігі және тиімділігі анықталған жоқ. Деректер жоқ.

Егде жастағы пациенттер (жасы ≥ 65 жас)

Егде жастағы пациенттерде дозалау жөніндегі нұсқаулар жоғарыда берілгендерге ұқсас. Егде жастағы пациенттерде, жасырақ пациенттермен салыстырғанда, жағымсыз реакциялардың өте жоғары жиілігі (атап айтқанда, диарея) білінді, және оларды дозаны түзетуді қажет етуі мүмкін жағымсыз реакцияларды анықтау үшін мұқият бақылау керек.

Бауыр жеткіліксіздігі бар пациенттер

Бауырдың ауыр жеткіліксіздігі (Чайлд-Пью бойынша С класы) бар пациенттерде деферазирокс қолдану ұсынылмайды. Бауырдың орташа ауыр жеткіліксіздігі (Чайлд-Пью бойынша В класы) бар пациенттерде доза едәуір төмендетіліп, кейіннен 50%-ға дейінгі шегіне үдемелі арттырылуы тиіс. Осы пациенттерде ЖАДЕБЕЛ® препаратын сақтықпен қолдану керек. Барлық пациенттердегі бауыр функциясын емдеу басталғанға дейін, бірінші айда әр 2 апта сайын, содан кейін ай сайын бақылау керек.

Бүйрек жеткіліксіздігі бар пациенттер

Деферазирокс бүйрек жеткіліксіздігі бар пациенттерде зерттелмеген және креатинин клиренсі < 60 мл/мин белгіленген пациенттерде қолдануға болмайды.

Енгізу әдісі мен жолы

Ішке қабылдау үшін.

Ұсақталатын ЖАДЕБЕЛ® таблеткаларын тамақтанудан кем дегенде 30 минут бұрын ашқарынға тәулігіне бір рет күн сайын белгілі бір уақытта қабылдау керек.

Ұсақталатын таблеткалар стакан суда немесе апельсин, немесе алма шырынында (100-ден 200 мл дейін) араластырғанда біркелкі суспензия алынғанша ериді. Суспензияны жұтқаннан кейін қалдығын судың немесе шырынның аздаған көлемімен қайталап суспензиялап, жұтуға болады. Таблетканы шайнауға немесе тұтастай жұтуға рұқсат етілмейді.

Артық дозалану жағдайында қабылдануы қажет шаралар

Артық дозалану жағдайлары туралы хабарланды (бірнеше апта ішінде тағайындалған дозадан 2-3 есе артық). Бір жағдайда бұл препаратты тоқтатқаннан кейін қайтатын субклиникалық гепатитке әкелді. Темірмен шамадан тыс жүктелген талассемиясы бар пациенттерде деферазирокстың ұсақталатын таблетка түрінің 80 мг/кг бір реттік дозалары жеңіл жүрек айнуы мен диареяны тудырды. Жедел артық дозалану белгілері жүрек айнуы, құсу, бас ауыруы және диарея болуы мүмкін. Артық дозалануды эмезис индукциялау немесе асқазанды шаю, сондай-ақ симптоматикалық ем арқылы емдеуге болады.

Деферазирокс үшін спецификалық антидот жоқ. Артық дозалануды емдеу белгілі бір тәртіппен, сондай-ақ симптоматикалық емдеу дәрілерін қолданып жүргізілуі мүмкін.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Препаратты қабылдар алдында дәрігермен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте жиі

- қандағы креатинин деңгейінің артуы

Жиі

- бас ауыруы

- диарея, іш қатуы, құсу, жүрек айнуы, іш ауыруы, іш кебуі, диспепсия

- трансаминазалар деңгейінің жоғарылауы

- бөртпе, қышыну

- протеинурия

Жиі емес

- мазасыздық, ұйқының бұзылуы

- бас айналу

- катаракта, макулопатия

- кереңдік

- көмейдің ауыруы

- асқазан-ішектен қан кету, асқазанның ойық жарасы (көптеген ойық жараларды қоса), он екі елі ішектің ойық жарасы, гастрит

- гепатит, өт-тас ауруы

- пигментацияның бұзылуы

- бүйрек өзекшелері тарапынан бұзылулар (жүре пайда болған Фанкони синдромы), глюкозурия

- дене температурасының жоғарылауы, ісіну, шаршау

Сирек

- көру жүйкесінің невриті

- эзофагит

- эозинофилиямен және жүйелі симптомдармен жүретін дәрілік реакция (DRESS)

Белгісіз

- панцитопения1, тромбоцитопения1, анемияның нашарлауы1, нейтропения1

- аса жоғары сезімталдық реакциялары (анафилаксиялық реакцияларды және қантамыр ісінуін қоса)1

- метаболизмдік ацидоз 1

- асқазан-ішек жолының тесілуі1, жедел панкреатит1

- бауыр жеткіліксіздігі1

- Стивенс-Джонсон синдромы1, аса жоғары сезімталдық кезіндегі васкулит1, есекжем1, полиморфты эритема1, алопеция1, уытты эпидермалық некролиз (УЭН)1

- жедел бүйрек жеткіліксіздігі1, тубулоинтерстициальді нефрит 1, несеп-тас ауруы1, бүйрек өзекшелерінің некрозы1

1 Қолдану кезінде байқалған жағымсыз реакциялар жиілігін немесе дәрілік препараттың әсер етуімен себептік өзара байланысын айқын анықтау әрдайым мүмкін бола бермейтін кездейсоқ мәлімдемелерде байқалды.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – деферазирокс 250 мг немесе 500 мг

қосымша заттар: лактоза моногидраты, лактоза құрғақ спрей (FlowLac 100), микрокристалды целлюлоза РН 102, кросповидон CL, повидон К30, натрий лаурилсульфаты, сусыз коллоидты кремнийдің қостотығы 200, магний стеараты.

Сыртқы түрінің, иісінің, дәмінің сипаттамасы

Дөңгелек пішінді, тегіс беткейлі және ойығы бар, ақтан ақ дерлік түске дейінгі таблеткалар.

Шығарылу түрі және қаптамасы

10 (250 мг доза үшін) немесе 5 (500 мг доза үшін) таблеткадан мөлдір ПВХ/ПЭ/ПВДХ үлбірден және баспалы алюминий фольгадан жасалған пішінді ұяшықты қаптамаға салынған.

3 (250 мг доза үшін) немесе 6 (500 мг доза үшін) пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Құрғақ жерде 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі, 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Тіркеу куәлігінің ұстаушысы

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі, 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі, 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz