Жадебел

ЖАДЕБЕЛ®

Деферазирокс

Дәрілік түрі, дозалануы

Үлбірлі қабықпен қапталған таблеткалар, 90 мг, 180 мг, 360 мг

Басқа да препараттар. Басқа емдік препараттар, барлығы. Темірді байланыстыратын препараттар. Деферазирокс.

АТХ коды V03AС03

- бета-талассемиясы бар пациенттерде қан трансфузиясы салдарынан (≥7 мл/кг/ай эритроциттік масса) темірмен созылмалы шамадан тыс қанығуды емдеу үшін

- келесі пациенттер тобында дефероксаминмен емдеуді қолдануға болмайтын немесе жеткіліксіз болған кезде, қан трансфузиясы салдарынан темірмен созылмалы шамадан тыс қанығуды емдеу үшін:

• қанмен трансфузияның жиі еместігі салдарынан темірмен шамадан тыс қанығумен біріккен бета-талассемиясы бар пациенттерде (<7 мл/кг/ай эритроциттік масса);

• анемияның басқа да түрлері бар пациенттерде.

- трансфузияға тәуелді емес талассемия синдромдары бар пациенттерді дефероксаминмен емдеуді қолдануға болмайтын немесе жеткіліксіз болған кезде хелаттық емді қажет ететін, темірмен созылмалы шамадан тыс қанығуды емдеу үшін.

Қолдануды бастағанға дейінгі қажетті мәліметтер тізімі

- белсенді затқа немесе препараттың қосымша заттарының кез келгеніне жоғары сезімталдық

- басқа темірхелаттық препараттармен біріктірілімі, өйткені мұндай біріктірілімнің қауіпсіздігі анықталған жоқ

- креатинин клиренсі <60 мл/мин пациенттерге

- 18 жасқа дейінгі балалар мен жасөспірімдерге

Қолдану кезіндегі қажетті сақтық шаралары

Бүйрек функциясының жеткіліксіздігі

ЖАДЕБЕЛ® қан сарысуындағы кретининнің бастапқы деңгейі жасқа байланысты қалыпты шекте болатын пациенттерде зерттелді.

Клиникалық зерттеулер кезінде қатарынан ≥2 жағдайда қан сарысуындағы креатинин мөлшерінің >33-ға, кейде қалыпты ауқымның жоғары шегінен жоғарыға артуы пациенттердің шамамен 36%-да байқалды. Олар дозаға байланысты болды. Қан сарысуындағы креатинин деңгейі 33%-дан төменге жоғарылаған пациенттердің үштен екісіне жуығы дозаны түзетпей-ақ қалыпқа оралды. Пациенттердің қалған үшінші бөлігінде сарысулық креатининнің жоғарылауы әрдайым төмендеумен немесе дозаның үзілуімен түзетілген жоқ. Кейбір жағдайларда дозаны төмендеткеннен кейін қан сарысуындағы креатинин мәндерінің тек тұрақтануы ғана байқалады. Бүйрек функциясының жедел жеткіліксіздігінің жағдайлары Деферазироксті постмаркетингтік қолданудан кейін тіркелді. Кейбір постмаркетингтік жағдайларда бүйрек функциясының нашарлауы уақытша немесе тұрақты диализді қажет ететін бүйрек функциясының жеткіліксіздігіне әкелді.

Қан сарысуындағы креатинин деңгейінің жоғарылау себептері айқындалған жоқ. Сондықтан бүйрек функциясын төмендететін дәрілерді бір мезгілде қабылдап жүрген пациенттерде, және деферазирокстің жоғары дозаларын қабылдап жүрген және/немесе трансфузия көрсеткіштері төмен (эритроцитарлық масса айына <7 мл/кг немесе ересектер үшін айына <2 бірлік) пациенттерде қан сарысуындағы креатининті мониторингілеуге ерекше көңіл бөлу керек. Клиникалық зерттеулерде деферазирокстің дисперсиялық таблеткаларының дозасын 30 мг/кг-ден жоғары дозаға дейін арттырғаннан кейін бүйрек тарапынан жаымсыз құбылыстардың артқаны байқалған жоқ, үлбірлі қабықпен қапталған, 21 мг/кг-ден жоғары таблеткаларды қабылдаған кезде бүйрек тарапынан жағымсыз құбылыстардың даму қаупінің жоғары болатындығын жоққа шығаруға болмайды.

Емдеуді бастар алдында қан сарысуындағы креатинин деңгейін екі рет тексеру ұсынылады. Сарысулық креатинин, креатинин клиренсі (ересектерде Кокрофт-Голт немесе MDRD формуласы бойынша баға берілетін) және/немесе қан плазмасындағы С цистатин деңгейлерін Деферазирокспен емдеуді бастағанға дейін, емдеуді бастағаннан немесе модификациялағаннан кейін алғашқы ай ішінде апта сайын (препаратты алмастыруды қоса), ал содан кейін ай сайын бақылау керек. Бұрын бүйрек аурулары бар болған пациенттер және бүйрек функциясын төмендететін дәрілік препараттарды қабылдап жүрген пациенттер асқынулардың үлкен қаупіне ұшырауы мүмкін. Диарея немесе құсу орын алған пациенттерде адекватты гидратацияны демеу үшін сақтық таныту керек.

ЖАДЕБЕЛ® препаратын қолданған кезде протеинурия деңгейін ай сайын бақылау керек. Кейбір жағдайларда бүйректің өзекшелік функциясын (қант диабеті жоқ пациенттерде глозурия сияқты көрсетілімдерді, калийдің, фосфаттардың, магнийдің немесе несеп қышқылы тұздарының төмен мөлшерін, сондай-ақ фосфатурияны, аминоацидируяны) жүйелі түрде бақылау керек. Бүйректің өзекшелік функциясының аталған көрсеткіштерінің қалыпты мәндерден ауытқулары айқындалған жағдайда дозаны азайту немесе ЖАДЕБЕЛ® препаратын қабылдауды уақытша тоқтату керек.

ЖАДЕБЕЛ® препаратымен емдеу аясында диарея және құсу дамыған жағдайда пациенттерде адекватты гидратацияны қамтамасыз ету қажет.

Тіркеуден кейін қолданғанда деферазирокспен емдеу кезінде туындайтын метаболизмдік ацидоз жағдайлары туралы мәлімдемелер пайда болды. Мұндай пациенттердің көбісінде бүйрек функциясының бұзылуы, ренальді тубулопатия (Фанкони синдромы) немесе диарея немесе патологиялық жағдайлар орын алды, мұндайда белгілі асқынулар қышқыл-негіз теңгерімінің бұзылуы болып табылады. Осы популяциялар үшін клиникалық көрсетілімдерге сәйкес қышқыл-негіз теңгерімін бақылау керек. Метаболизмдік ацидоз туындаған пациенттерде ЖАДЕБЕЛ® препаратымен емдеуді тоқтата тұруды қарастыру керек.

ЖАДЕБЕЛ® препаратын қабылдап жүрген пациенттерде бүйректік тубулопатияның ауыр түрлерінің (Фанкони синдромы сияқты) және гипераммонемиялық энцефалопатия мәнмәтінінде сананың өзгеруімен байланысты бүйрек функциясы жеткіліксіздігінің постмаркетингтік жағдайлары байқалды. ЖАДЕБЕЛ® препаратымен емдеген кезде гипераммонемиялық энцефалопатияны және психикалық жағдайдың түсініксіз өзгерістері дамитын пациенттерде өлшенетін аммиак деңгейін ескеру ұсынылады.

3-кесте. Бүйрек функциясына мониторинг кезінде дозаны түзету және емдеуді үзу

*ҚТШ: қалыпты ауқымның төменгі шегі

*ҚЖШ: қалыпты ауқымның жоғарғы шегі

Емдеу жекелей клиникалық жағдайларға байланысты қайта жаңғыртылуы мүмкін.

Егер түтікшелерінің бүйрек функциясы маркерлерінің деңгейлерінде және/немесе клиникалық көрсетілімдеріне сәйкес ауытқулары бар болса, сондай-ақ дозаны төмендету немесе емдеуді үзу қарастырылуы мүмкін:

• Протеинурия (тест емдеуді бастағанға дейін және содан кейін ай сайын жүргізілуі тиіс).

• Диабет жоқ болған кездегі және сарысулық калий, фосфат, магний немесе сарысудағы ураттар төмен деңгейде болғандағы, фосфатуриядағы, аминоацидуриядағы глюкозурия (қажет болса, бақылау керек).

Бүйректік тубулопатия деферазироксмен ем қабылдаған, бета-талассемиясы бар пациенттерде білінеді.

Пациенттер нефрологқа жіберілуі мүмкін, және, егер дозаны төмендеткенге және препарат қабылдауды доғарғанға қарамастан, келесі құбылыстар туындаса, әрі қарай ма мандандырылған зерттеулер жүргізу (мысалы, бүйрек биопсиясы) қарастырылуы мүмкін:

• қан сарысуындағы креатинин деңгейі едәуір жоғары күйінде қалса

• бүйрек функциясының басқа көрсеткіштерінде тұрақты ауытқулар (мысалы, протеинурия, Фанкони синдромы) бар болса.

Бауыр функциясы

Деферазирокс қабылдап жүрген пациенттерде функциональді бауыр сынамалары көрсеткіштерінің жоғарылағаны байқалды. Нарыққа шығарылғаннан кейін бауыр функциясының жеткіліксіздігі жағдайлары білінді, олардың кейбіреулері өліммен аяқталды. Гипераммонемиялық энцефалопатия мәнмәтінінде сананың өзгерулерімен байланысты ауыр түрлері деферазирокспен ем қабылдап жүрген пациенттерде кездесуі мүмкін. Деферазирокспен емдеу кезінде психикалық жағдайдың түсініксіз өзгерулері дамитын пациенттерде гипераммонемиялық энцефалопатияны ескеру және аммиак деңгейін өлшеу ұсынылады. Сусыздану (мысалы, диарея немесе құсу) білінетін пациенттерде гидратацияның жеткілікті деңгейлерін сақтаудың қамын жасау керек. Бауыр функциясының бұзылулары туралы мәлімдемелердің көбісі, орын алған бауыр циррозын қоса, күрделі аурулары бар пациенттерге қатысты болды. Дегенмен, бұған мүмкіндік беретін немесе арандататын фактор ретінде деферазирокс препаратының рөлін жоққа шығару мүмкін емес.

Емдеуді бастар алдында, алғашқы айда 2 апта сайын және содан кейін ай сайын сарысулық трансаминаза, билирубин және сілтілік фосфатаза деңгейлеріне баға беру ұсынылады. Егер трансаминаза деңгейлерінің басқа себептермен байланысты болуы мүмкін емес тұрақты және үдемелі жоғарылауы байқалса, Деферазирокс препаратымен емдеу доғарылауы тиіс. Функциональді бауыр сынамаларының ауытқу себептері айқындалғаннан кейін немесе деңгейлері қалыпқа келгеннен кейін емдеуді көбірек төмен дозада ақырын қайта жаңғыртып, кейіннен дозаны біртіндеп арттыру қарастырылуы мүмкін.

ЖАДЕБЕЛ® препаратын бауыр функциясының ауыр жеткіліксіздігі (Чайлд-пью бойынша С класы) бар пациенттерге қолдану ұсынылмайды.

4-кесте. Қауіпсіздігіне мониторинг бойынша қысқаша нұсқаулар

Өмір сүру ұзақтығы қысқа (мысалы, қаупі жоғары миелодисплазиялық синдромдары бар) пациенттерде, әсіресе қатар жүретін аурулары жағымсыз құбылыстар қаупін арттыруы мүмкін болған кезде, препараттың пайдасы шектелуі, және қаупі пайдасынан асып кетуі мүмкін. Демек, мұндай пациенттерге ЖАДЕБЕЛ® препаратын қолдану ұсынылмайды.

Егде жастағы пациенттерге жағымсыз реакциялардың (атап айтқанда, диарея) жоғары жиілігіне байланысты сақтық таныту керек.

Асқазан-ішек жолы тарапынан бұзылулар

Деферазирокс қабылдап жүрген пациенттерде асқазан-ішек жолының ойық жаралары және ішектің жоғарғы бөлігінде қан кетулер туралы мәлімделді. Кейбір пациенттерде көптеген ойық жаралар байқалды. Ас қорыту жолының ойық жаралары, асқынған тесілулері туралы мәлімдемелер бар. Бұдан басқа, әсіресе гематологиялық қатерді жаңа түзілімдері бар және/немесе тромбоциттер мөлшері төмен болатын егде жастағы пациенттерде өлімге соқтыратын асқазан-ішектік қан кетулер туралы мәлімдемелер болды. Дәрігерлер және пациенттер ЖАДЕБЕЛ® препаратымен емдеу кезінде асқазан-ішек жолының ойық жарасының белгілері мен симптомдарына қатысты қырағылық танытуы және, егер асқазан-ішек жолында күрделі жағымсыз реакцияларға күдік бар болса, дереу қосымша тексерілуді және емдеуді бастауы тиіс. Антикоагулянттарды қабылдап жүрген пациенттерде, және тромбоциттер саны 50 000/мм3-ден азырақ (50 x 109/л) болатын пациенттерде деферазироксті белгілі ульцерогендік, мысалы, ҚҚСП (қабынуға қарсы стероидты емес препараттар), кортикостероидтар немесе оральді бисфосфонаттар сияқты заттармен біріктіріп қабылдағанда сақтық таныту керек.

Тері аурулары

ЖАДЕБЕЛ® препаратын қабылдау кезінде тері бөртпелері пайда болуы мүмкін. Бөртпе көп жағдайларда өздігінен қайтады. Егер емдеуді доғару қажет етілетіндей болса, онда емдеу бөртпені жойғаннан кейін қайта жаңғыртылып, кейіннен доза біртіндеп аз дозада арттырылуы мүмкін. Ауыр жағдайларда қысқа уақыт кезеңі ішінде оральді стероидтар қолданылып, біріктірілген ем қайта жаңғыртылуы мүмкін. Стивенс-Джонсон синдромын (СДС), уытты эпидермальді некролизді (УЭН) және эозинофилиясы және жүйелік біліністері бар дәрілік бөртпелерді (ЭЖБДБ) қоса, өмірге қауіп төндіруі немесе өлімге әкеп соғуы мүмкін ауыр жағымсыз тері реакциялары (АЖТР) туралы мәлімдемелер түсті. Егер АЖТР болуына күдік бар болса, емдеуді қайта жаңғыртусыз, ЖАДЕБЕЛ® препаратын қабылдау дереу тоқтатылуы тиіс. Препаратты пациенттерге тағайындау кезінде ауыр тері реакцияларының белгілері мен симптомдары туралы мәлімдеу, сондай-ақ оларды мұқият бақылау керек.

Аса жоғары сезімталдық реакциясы

Аса жоғары сезімталдықтың (мысалы, анафилаксиялық реакциялар және ангионевроздық ісіну сияқты) ауыр реакцияларының жағдайлары деферазирокс қабылдаған пациенттерде білінді, оның үстіне көптеген жағдайларда реакция емдеудің алғашқы айы ішінде басталды. Ауыр дәрежедегі аса жоғары сезімталдық реакциялары дамығанда препаратпен емдеуді тоқтату және тиісті емдік шараларды жүргізу керек.

Аса жоғары сезімталдық реакциясы туындаған пациентерде, анафилаксиялық шоктың даму қаупі бар болғандықтан, Деферазирокпен емдеуді қайтадан жаңғыртпау керек.

Көрудің және естудің бұзылулары

Естудің (естудің нашарлауы) және көрудің (көз бұршағының көмескіленуі) бұзылулары туралы мәлімделді. Емдеуді бастар алдында және жүйелі уақыт аралығынан кейін (әрбір 12 ай сайын) естуге және көзге офтальмологиялық тексерулер (көз түбін зерттеуді қоса) жүргізу ұсынылады. Естудің немесе көрудің бұзылулары дамыған жағдайда дозаны төмедету немесе препаратпен емдеуді тоқтату туралы мәселені қарастыру керек.

Гематологиялық бұзылулар

Деферазирокспен ем қабылдаған пациенттерде лейкопения, тромбоцитопения немесе цитопения туралы және ауыр анемия туралы мәлімдемелер алынды. Осы пациенттердің көбісінде бұрын сүйек кемігінің жеткіліксіздігімен жиі байланысты гематологиялық аурулар болған. Түсініксіз цитопения дамыған пациенттерде емдеуді доғару мүмкіндігін қарастыру керек.

Ескеру қажет басқа да факторлар

Пациенттің емге реакциясына баға беру үшін сарысулық ферритинге ай сайын мониторинг жүргізу ұсынылған. Егер сарысулық ферритин 500 мкг/л-ден төменге (темірмен трансфузиялық шамадан тыс жүктемеде) немесе 300 мкг/л-ден төменге (трансфузияға тәуелді емес талассемия синдромдарында) үнемі төмендесе, емдеуді доғару мүмкіндігін қарастыру керек.

Қан сарысуындағы креатининге, ферритинге және трансаминазаға жүргізілген тестілердің нәтижелері тіркелуі және беталысын айқындау тұрғысында ұдайы баға беріліп отыруы тиіс.

Жүрек дисфункциясы темірмен шамадан тыс ауыр жүктемесінінің белгілі асқынулары болып табылады. ЖАДЕБЕЛ® препаратымен ұзақ емдеу кезінде темірдің шамадан тыс ауыр жүктемесі бар пациенттерде жүректің функциясына ұдайы баға беріп отыру керек.

Басқа дәрілік препараттармен өзара әрекеттесуі

Тағаммен өзара әрекеттесуі

Үлбірлі қабықпен қапталған деферазирокс таблеткаларының қан плазмасындағы ең жоғары концентрациясы құрамында майы мол тамақпен бірге қабылдағанда (29%-ға) артты. Үлбірлі қабықпен қапталған ЖАДЕБЕЛ® таблеткаларын не ашқарынға, не жеңіл тамақпен бірге, дұрысы, күн сайын белгілі бір уақытта қабылдауға болады.

Деферазирокстің жүйелік экспозициясын төмендетуге қабілетті дәрілік заттар

Деферазирокстің метаболизмі уридиндифосфатглюкуронилтрансфераза (УГТ) ферменттеріне байланысты. Дені сау ерікті адамдарға жүргізілген зерттеулерде деферазироксті (бір реттік дозасы 30 мг/кг, дисперсияланатын таблеткалар) және УГТ күшті индукторы – рифампицинді қайталанатын дозасы тәулігіне 600 мг) бір мезгілде енгізу деферазирокстің әсер етуінің 44%-ға төмендеуіне әкелді (90% CI: 37% - 51%). Осыған байланысты Деферазирокс препаратын УГТ күшті индукторларымен (мысалы, рифампицинмен, карбамазепинмен, фенитоинмен, фенобарбиталмен, ритонавирмен) бір мезгілде қолдану Деферазирокс тиімділігінің төмендеуіне әкелуі мүмкін. Сондықтан біріктірілім кезінде және біріктіруден кейін ферритинді бақылау және, қажет болса, Деферазирокс препаратының дозасын түзету қажет.

Холестирамин энтерогепатиялық кері айналым дәрежесін анықтау үшін механикалық зерттеу кезінде деферазирокстің экспозициясын едәуір азайтады.

Мидазоламмен және CYP3A4 изоферментінің қатысуымен метаболизденетін басқа да дәрілік заттармен өзара әрекеттесуі

Дені сау ерікті адамдарға жүргізілген зерттеулерде деферазирокстің дисперсияланатын таблеткаларын және CYP3А4 изоферментінің субстратын бір мезгілде енгізу мидазолам экспозициясының 17%-ға төмендеуіне әкелді (90% CI: 8% - 26%). Клиникалық іс-тәжірибеде бұл әсер айқынырақ болуы мүмкін. Сондықтан деферазирокс CYP3A4 арқылы метаболизденетін заттармен (мысалы, циклоспорин, симвастатин, гормональді контрацептивтер, бепридил және эрготамин) біріктірілген кезде, тиімділігінің ықтимал төмендеуімен байланысты, сақтық таныту керек.

Репаглинидпен және CYP2C8 изоферментінің қатысуымен метаболизденетін басқа да дәрілік заттармен өзара әрекеттесуі

Дені сау ерікті адамдарға жүргізілген зерттеулерде CYP2C8 орташа тежегіші ретінде деферазироксті (күн сайын 30 мг/кг, дисперсияланатын таблеткалар) репаглинидпен, бір реттік 0.5 мг доза түрінде енгізілетін CYP2C8 субстратымен бір мезгілде қолдану репаглинидтің "концентрация-уақыт" қисығы астындағы ауданын және қан плазмасындағы ең жоғары концентрациясын, сәйкесінше, шамамен 2.3 есеге (90% CI [2.03 – 2.63]) және 1.6 есеге (90% CI [1.42-1.84]) арттырды. Өзара әрекеттесу репаглинидтер үшін 0.5 мг-ден көбірек дозаларда анықталмағандықтан, деферазироксті репаглинидмен бір мезгілде пайдалануға жол бермеу керек. Егер біріктірілім қажет болып табылса, мұқият клиникалық мониторинг және қандағы глюкоза деңгейіне мониторинг жүргізу керек. Деферазирокс пен CYP2C8 изоферментінің, мысалы, паклитаксел сияқты басқа субстраты арасында өзара әрекеттесуді жоққа шығару мүмкін емес.

Теофиллинмен және CYP1A2 изоферментінің қатысуымен метаболизденетін басқа да дәрілік заттармен өзара әрекеттесуі

Дені сау ерікті адамдарға жүргізілген зерттеулерде CYP1A2 изоерментінің субстратымен (қайталанатын доза тәулігіне 30 мг/кг, дисперсияланатын таблеткалар) және CYP1A2 изоферментінің субстраты теофиллинмен (бір реттік доза 120 мг) бір мезгілде енгізу теофиллиннің "концентрация-уақыт" қисығы астындағы ауданның 84%-ға (90% CI: 73%-дан 95% дейін) артуына әкелді. Бір реттік қолданған кезде қан плазмасындағы теофиллиннің концентрациясы өзгерген жоқ, алайда ұзақ қолданған жағдайда осы көрсеткіштер артуы мүмкін. Сондықтан деферазироксті теофиллинмен бір мезгілде қолдану ұсынылмайды. Деферазироксті және теофиллинді бір мезгілде қолданғанда теофиллин концентрациясына мониторинг жүргізу және теофиллин дозасын төмендету мүмкіндігін қарастыру керек. Деферазирокс және CYP1A2 изоферментінің басқа субстраттары арасында өзара әрекеттесуді жоққа шығару мүмкін емес. Көбіне CYP1A2 изоферментімен метаболизденетін және емдік ауқымы үлкен емес заттар (мысалы, клозапин, тизанидин) үшін теофиллиндегідей нұсқаулар қолданылады.

Басқа да өзара әрекеттесулер

Деферазирокс препаратын құрамында алюминий бар антацидтік препараттармен бір мезгілде қолдану бойынша арнайы зерттеулер жүргізілген жоқ. Деферазирокстің темірге қарағанда, алюминийге ұқсастығы көбірек төмен болса да, ЖАДЕБЕЛ® препаратын құрамында алюминий бар антацидтік препараттармен бір мезгілде қолданбау керек.

Деферазироксті ульцерогендік әсері бар дәрілік заттармен, қабынуға қарсы стероиды емес препараттармен (жоғары дозалардағы ацетилсалицил қышқылын қоса), глюкокортикостероидтармен, бисфосфонаттармен бір мезгілде қолдану асқазанның уыттану қаупін арттыруы мүмкін. Деферазироксті антикоагулянттармен бір мезгілде қолдану да асқазан-ішек жолында қан кетулер қаупін арттыруы мүмкін. Деферазироксті осы заттармен біріктіргенде мұқият клиникалық мониторинг жүргізу қажет.

ЖАДЕБЕЛ® препаратын темірдің басқа хелаторларымен бірге қолданудың тиімділігі және қауіпсіздігі зерттелген жоқ, осыған байланысты ЖАДЕБЕЛ® препаратын темірдің басқа хелаторларымен бірге қолданбау керек.

Деферазироксті және бусульфанды бір мезгілде енгізу бусульфан экспозициясының (AUC) артуына әкелді, бірақ өзара әрекеттесу механизмі айқын емес күйінде қалып отыр. Мүмкіндік болғанда, дозаны түзету мүмкіндігін қамтамасыз ету үшін бусульфанның тесттік дозасының фармакокинетикасына (AUC, клиренс) баға беру қажет.

Арнайы ескертулер

Педиатрияда қолданылуы

ЖАДЕБЕЛ® препараты 18 жасқа дейінгі балалар және жасөспірімдерге қолдануға болмайды

Жүктілік және лактация кезеңі

Деферазирокстің жүктілікке әсер етуіне қатысты клиникалық деректер жоқ. Адам үшін потенциалды қаупі белгісіз. Сақтық шаралары ретінде жүктілік кезінде, егер айқын қажеттілігі жоқ болса, ЖАДЕБЕЛ® препаратын пайдалану ұсынылмайды.

ЖАДЕБЕЛ® препараты гормональді контрацептивтердің тиімділігін төмендетуі мүмкін. Бала туа алатын жастағы әйелдерге ЖАДЕБЕЛ® препаратын пайдаланған кезде контрацепцияның қосымша немесе гормональді емес баламалы әдістерін пайдалану ұсынылады.

Ана сүтіне деферазирокстің бөлініп шығатыны-шықпайтындығы белгісіз. ЖАДЕБЕЛ® препаратын қабылдау кезінде емшек емізу ұсынылмайды.

Препаратттың көлік құралдары немесе потенциалды қауіпті механизмдерді басқару қабілетіне ықпалы

Автомобильді және механизмдерді басқару қабілетіне препараттың ықпалына арнайы клиникалық зерттеулер жүргізілген жоқ. Алайда автомобильді басқарғанда және механизмдермен жұмыс жасағанда бас айналудың және ұйқышылдықтың дамуы мүмкін екендігіне көңіл бөлу керек, бұл сақтық танытуды қажет етеді.

Қодану жөнінде нұсқаулар

Дозалау режимі

ЖАДЕБЕЛ® препаратымен емдеуді темірмен созылмалы шамадан тыс қанығуды емдеу тәжірибесі бар дәрігер бастауы және жүргізуі тиіс.

Қан трансфузиясының салдарынан темірмен шамадан тыс қанығу

Емдеуді 20 бірлікке жуық (100 мл/кг жуық) эритроциттік масса құюдан кейін немесе темірмен созылмалы шамадан тыс қанығу бар екендігі туралы (мысалы, қан сарысуындағы ферритин концентрациясы >1000 мкг/л болғанда) клиникалық мониторинг деректері бар болғанда бастау ұсынылады. Дозалар (мг/кг) бүтін таблеткалармен есептелуі және жуық дозаларға дейін дөңгелектенуі тиіс.

Хелаторлық емдеудің мақсаты трансфузия кезінде енгізілген темір мөлшерінің шығарылуы, және қажет болғанда, организмдегі бұрыннан бар темірдің жоғары концентрациясын төмендету болып табылады.

Үлбірлі қабықпен қапталған ЖАДЕБЕЛ® таблеткалары дисперсияланатын деферазирокс таблеткасының құрамымен салыстырғанда биожетімділігінің өте жоғарылығын көрсетеді. Дисперсияланатын таблеткалардан үлбірлі қабықпен қапталған таблеткаларға ауысқан жағдайда үлбірлі қабықпен қапталған таблеткалардың дозасы үлбірлі қабықпен қапталған тұтас таблетканың жуық дозасына дейін дөңгелектенген дисперсиялық таблеткалардың дозасынан 30%-ға төмен болуы тиіс.

Дәрілік түрлердің екеуінің де тиісті дозалары 1-кестеде берілген.

1-кесте. Темірмен трансфузиялық шамадан тыс жүктеме үшін ұсынылатын дозалар

Бастапқы доза

ЖАДЕБЕЛ® препаратының үлбірлі қабықпен қапталған таблеткаларының ұсынылатын бастапқы тәуліктік дозасы дене салмағына шаққанда 14 мг/кг құрайды.

Бастапқы тәуліктік 21 мг/кг доза айына 14 мл/кг-ден көбірек (ересектер үшін айына қанның шамамен 4 бірлігінен көбірек) көлемде эритроцитарлық массада трансфузия қабылдап жүрген пациенттердің организмінде темірдің мөлшерін азайту мақсатында қарастырылуы мүмкін.

Айына 7 мл/кг-ден азырақ эритроцитарлық масса (ересектер үшін айына қанның шамамен 2 бірлігінен азырақ) қабылдап жүрген пациенттер үшін организмде темірдің қалыпты мөлшерін сақтау мақсатында бастапқы тәуліктік 7 мг/кг дозаны қолдану қарастырылуы мүмкін. Пациенттің жауабын бақылау қажет, және егер жеткілікті тиімділікке қол жетпесе, дозаны арттыруды қарастыру керек.

Дефероксаминмен емдеу аясында клиникалық әсері жақсы пациенттер үшін ЖАДЕБЕЛ® препаратының үлбірлі қабықпен қапталған таблеткаларының бастапқы дозасы дефероксамин дозасының үштен бірін құрауы тиіс (мысалы, аптасына 5 күн бойы (немесе баламалы түрде) тәулігіне 40 мг/кг дефероксаминді қабылдап жүрген пациент үлбірлі қабықпен қапталған Деферазирокс таблеткасының бастапқы тәуліктік 14 мг/кг дозасына ауыстырылуы мүмкін). Егер бұл дене салмағына шаққанда 14 мг/кг-ден азырақ тәуліктік дозаға әкелсе, пациенттің емдеуге жауабын бақылау, және тиімділігі жеткіліксіз болған жағдайда дозаны арттыру мүмкіндігін қарастыру қажет.

Дозаны реттеу

Қан сарысуындағы ферритин мөлшерін ай сайын бақылау және қажет болғанда қан сарысуындағы ферритин мөлшерінің динамикасына байланысты әрбір 3-6 ай сайын ЖАДЕБЕЛ® препаратының дозасын түзетіп отыру ұсынылады. Дозаны түзету емдеуге жекелей жауабына сәйкес және жүргізіліп жатқан емнің мақсатына (темірдің мөлшерін демеу немесе азайту) байланысты дене салмағына шаққанда 3,5-тен 7 мг/кг дейін кезең-кезеңмен жасалуы тиіс.

Препараттың 21 мг/кг дозасымен емдеу тиімсіз болғанда (мысалы, қан сарысуындағы ферритиннің деңгейі үнемі 2500 мкг/л-ден асып кеткенде және уақыт өте келе төмендеуге беталысын көрсетпейді) дозаны 28 мг/кг дейін арттыру қарастырылуы мүмкін. Дисперсияланатын таблеткалардың 30 мг/кг-ден жоғары дозаларын пайдаланып жүргізілген клиникалық зерттеу нәтижесінде алынған ұзақ мерзімдік тиімділігі және қауіпсіздігі жөніндегі деректерге қолжетімділік қазіргі таңда шектеулі. Егер 21 мг/кг дейінгі дозаларда гемосидерозды бақылау өте нашарласа, дозаны әрі қарай (ең жоғары 28 мг/кг) арттыру қанағаттанарлық әсермен қамтамасыз ете алмайды және емдеудің баламалы нұсқалары қарастырылуы мүмкін. Егер 21 мг/кг-ден жоғары дозаларда қанағаттанарлық әсерге қол жетпесе, мұндай дозаларда емдеу сақталмауы тиіс, және мүмкіндігіне қарай, емдеудің баламалы нұсқаларын қарастыру керек. 28 мг/кг-ден жоғары доза ұсынылмайды, өйткені осы деңгейден жоғары дозаларды қолдану тәжірибесі шектеулі.

21 мг/кг-ден көбірек дозаларды қабылдап жүрген пациенттерде әсерге қол жеткізген жағдайда дозаны 3.5-тен 7 мг/кг дейін адымдап төмендету мүмкіндігін қарастыру керек (мысалы, қан сарысуындағы ферритиннің деңгейі үнемі 2500 мкг/л-ден төмен және уақыт өте келе төмендеуге беталысы бар). Қан сарысуындағы ферритин деңгейі мақсатты мәндеріне (әдетте 500-ден 1000 мкг/л дейін) жеткен пациенттерде ферритин деңгейін мақсатты ауқым шегінде демеу үшін дозаны 3,5-тен 7 мг/кг дейін адымдап төмендету мүмкіндігін қарастыру керек. Егер қан сарысуындағы ферритиннің мөлшері 500 мкг/л-ден төменге түсіп кететін болса, ЖАДЕБЕЛ® препаратымен емдеуді тоқтату туралы мәселені қарастыру керек.

Талассемиясы бар пациенттерде темірмен трансфузиялық емес шамадан тыс жүктеме

ЖАДЕБЕЛ® препаратымен хелатотерапияны темірдің шамадан тыс жүктемесі бар болғанда ғана бастау керек (бауыр тіндеріндегі темірдің концентрациясы БТК ≥5 мг Fe/құрғақ зат г немесе сарысулық ферритиннің >800 мкг/л деңгейінде). Бауыр тіндеріндегі темірдің концентрациясы (БТК) темірдің шамадан тыс жүктемесін анықтаудың ерекше әдісі болып табылады және бұл мүмкін болатын жерде пайдаланылуы тиіс. Хелаторлық терапия кезінде шамадан тыс хелация қаупін барынша ең төменге азайту үшін сақтық таныту керек.

Үлбірлі қабықпен қапталған ЖАДЕБЕЛ® таблеткалары, дисперсияланатын Деферазирокс таблеткасының құрамымен салыстырғанда, өте жоғары биожетімділікті көрсетеді. Дисперсияланатын таблеткалардан үлбірлі қабықпен қапталған таблеткаларға ауысқан жағдайда үлбірлі қабықпен қапталған таблетканың дозасы тұтас таблетканың жуық дозаға дөңгелектенген дисперсиялық таблеткалар дозасынан 30%-ға төмен болуы тиіс.

Екі түрде шығарылған дозалардың сәйкестігі 2-кестеде берілген.

2-кесте. Трансфузияға тәуелді емес талассемиялық синдромды емдеу үшін ұсынылатын дозалар

* БТК шамадан тыс темірді анықтаудың ерекше әдісі болып табылады.

Бастапқы доза

Үлбірлі қабықпен қапталған ЖАДЕБЕЛ® таблеткаларының ұсынылатын бастапқы тәуліктік дозасы трансфузияға тәуелді емес талассемия синдромы бар пациенттерде дене салмағына шаққанда 7 мг/кг құрайды.

Дозаны реттеу

Қан сарысуында ферритин деңгейін ай сайын бақылау ұсынылады. Әрбір 3-6 ай сайын препарат дозасы 3,5 - 7 мг/кг адыммен арттырылуы мүмкін. БТК ≥7 мг Fe/бауырдың г құрғақ заты деңгейінде сақталғанда немесе қан сарысуында сақталған ферритиннің >2000 мкг/л концентрациялары (төмендеуге беталыссыз) және емдеудің жағымдылығы жақсы болғанда доза түзетілуі мүмкін. ЖАДЕБЕЛ® препаратын трансфузияға тәуелді емес талассемия синдромы бар пациенттерде дене салмағына шаққанда 14 мг/кг-ден көбірек дозада қолдану (осы дозада қолданудың тиімділігі және қауіпсіздігі бойынша деректер жеткіліксіз болғандықтан) ұсынылмады.

БТК деңгейіне баға берілмеген, ал қан сарысуындағы ферритин деңгейі ≤ 2000 мкг/л құрайтын пациенттерде доза 7 мг/кг-ден аспауы тиіс.

Доза > 7 мг / кг дейін арттырылған пациенттер үшін, егер БТК<7 мг Fe/г немесе сарысулық ферритин ≤2000 мкг/л болса, дозаны 7 мг/кг дейін немесе одан азыраққа төмендету ұсынылады.

Емдеуді тоқтату

Организмде темір қанағаттанарлық деңгейге жету бойына (БТК <3 мг Fe/г құрғақ зат немесе сарысулық ферритин <300 мкг/л) емдеуді тоқтату керек. Организмде темір қанағаттанарлық деңгейге жеткен пациенттерді қайталап емдеу туралы деректер жоқ, сондықтан қайталап емдеу ұсынылмауы мүмкін.

Пациенттердің ерекше топтары

Тұрғындардың ерекше топтары

Егде жастағы (≥65 жас) пациенттер

Осы санаттағы пациенттер үшін дозалау режимін түзетудің қажеті жоқ. Клиникалық зерттеулерде егде жастағы науқастарда, жастау пациенттерге қарағанда жағымсыз реакциялардың (соның ішінде диареяның) жоғары жиілігі байқалды, дозаны түзетуді қажет етуі мүмкін оларды жағымсыз реакциялар тұрғысында мұқият бақылау керек.

Бүйрек функциясы бұзылған пациенттер

Деферазирокс бүйрек функциясы бұзылған пациенттерде зерттелген жоқ және креатининнің есептік клиренсі <60 мл/мин болатын пациенттерге қолдануға болмайды.

Бауыр функциясы бұзылған пациенттер

Бауырдың ауыр бұзылулары (Чайлд-Пью бойынша С класы) бар пациенттерге Деферазироксті қолдану ұсынылмайды. Бауыр функциясының орташа жеткіліксіздігі бар (Чайлд-Пью бойынша В класы) пациенттерде сақтықпен қолдану керек және бастапқы дозаны едәуір, яғни 50%-ға төмендету қажет. Барлық пациенттерде бауыр функциясы емдеуді бастағанға дейін, алғашқы айда апта сайын, ал содан кейін әр ай сайын бақылануы тиіс.

Енгізу әдісі және жолы

Пероральді түрде қолдануға арналған.

Үлбірлі қабықпен қапталған таблеткаларды аздаға су мөлшерімен тұтастай жұту керек. Таблетканы тұтастай жұта алмайтын пациенттер үшін бұл таблеткалар ұсақталуы және жеңіл тағамға, мысалы, йогуртқа немесе алма соусына (алма езбесі) дозаны түгелдей себу арқылы енгізілуі мүмкін. Ұсақталған препараттың дозасын, кейіннен қолдану үшін сақтамай, түгел қабылдау керек.

Үлбірлі қабықпен қапталған таблеткаларды тәулігіне бір рет, дұрысы күн сайын белгілі бір уақытта қабылдау керек, және оларды ашқарынға немесе жеңіл тамақпен қабылдауға болады.

Артық дозалану жағдайында қабылдау қажет шаралар

Артық дозалану жағдайлары туралы мәлімделді (препараттың тағайындалған дозадан 2-3 есе асатын дозаларды бірнеше апта бойы қабылдау). Артық дозаланудың бір жағдайында ЖАДЕБЕЛ® препаратын қабылдауды тоқтатқаннан кейін салдарлары ұзаққа созылмай өткен гепатиттің субклиникалық түріне әкелді. Бір реттік 80 мг/кг дозалар талассемиясы және темірдің шамадан тыс жүктемесі бар пациенттерде аздаған жүректің айнуымен және диареямен өтті. 40 мг/кг шегіндегі бір реттік дозалардың пациенттерге жағымдылығы әдетте жақсы болды. Артық дозаланудың жедел белгілері жүректің айнуын, құсуды, бас ауыруды және диареяны қамтуы мүмкін.

Емі: артық дозаланған кезде құстыру немесе асқазанды шаю және симптоматикалық ем қолдану қажет.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Дәрілік препаратты қабылдамас бұрын кеңес алу үшін дәрігерге немесе фармацевтке барыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болғанда)

Өте жиі

- қанда креатинин деңгейлерінің жоғарылауы

Жиі

- бас ауыруы

- диарея, іш қатуы, құсу, құрсақ қуысының ауыруы, іштің желденуі, диспепсия

- трансаминазаның артуы

- бөртпе, қышыну

- протеинурия

Жиі емес

- үрейлену, ұйқының бұзылысы

- бас айналу

- катаракта, макулопатия

- кереңдік

- көмейдің ауыруы

- асқазан-ішектік қан кетулер, асқазанның ойық жарасы (көптеген ойық жараларды қоса), он екі елі ішектің ойық жарасы, гастрит

-гепатит, өт-тас ауруы

-пигментацияның бұзылуы

- бүйректік өзекшелер функцияларының бұзылуы 2 (жүре пайда болған Фанкони синдромы), глюкозурия

- пирексия, ісіну, шаршау

Сирек

- көру жүйкесінің невриті

-эзофагит

- эозинофилия және жүйелік біліністері бар дәрілік бөртпе

Белгісіз

- панцитопения 1, тромбоцитопения1, анемияның өршуі1, нейтропения1

- аса жоғары сезімталдық реакциялары (анафилаксиялық реакцияларды және ангионевроздіқ ісінуде қоса)1

- метаболизмдік ацидоз1

- асқазан-ішек жолының тесілуі 1

- жедел панкреатит 1

- бауыр функциясының жеткіліксіздігі1,2

- Стивенс-Джонсон синдромы1, аса жоғары сезімталдық васкулиті 1, есекжем1, мультиформалы эритема1, алопеция1, уытты эпидермальді некролиз1 (ТЭН), бүйрек функциясының жедел жеткіліксіздігі1, 2

1 Постмаркетингтік қолдану кезінде байқалған жағымсыз реакциялар. Олар туралы ақпарат кездейсоқ мәлімдемелерден алынды, осылармен қатысты дәрілік заттың әсерімен байланысты жиілігін немесе себептік байланысын сенімді түрде анықтау әрдайым мүмкін емес.

2 Гипераммонемиялық энцефалопатия мәнмәтінінде сананың өзгеруімен байланысты ауыр түрлері туралы мәлімделді.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – деферазирокс, 90 мг, 180 мг және 360 мг

қосымша заттар: микрокристалды целлюлоза РН 101, микрокристалды целлюлоза РН 102, кросповидон (Коллидон CL), повидон K 30, полоксамер 188, коллоидты кремнийдің қостотығы, магний стеараты.

90 мг дозаның үлбірлі қабығы:

үлбірлі жабынның құрамы №85 (Опадрай II көк 85F205018): поливинил спирті, полиэтиленгликоль 3350/макрогол, титанның қостотығы (Е171), тальк, FD&С көк №2/индигокармин AL (11-14 %), кросповидон (Коллидон CL-SF).

180 мг дозаның үлбірлі қабығы:

үлбірлі жабынның құрамы №29 (Опадрай II көк 85F20694): поливинил спирті, полиэтиленгликоль 3350/макрогол, титанның қостотығы (Е171), тальк, FD&С көк №2/индигокармин AL (11-14 %), кросповидон (Коллидон CL-SF).

360 мг дозаның үлбірлі қабығы:

үлбірлі жабынның құрамы №14 (Опадрай II көк 85F20578): поливинил спирті, полиэтиленгликоль 3350/макрогол, титанның қостотығы (Е171), тальк, FD&С көк №2/индигокармин AL (11-14 %), темірдің сары тотығы (Е172), кросповидон (Коллидон CL-SF).

Сыртқы түрінің, иісінің, дәмінің сипаттамасы

Бозғылт-көгілдір түсті үлбірлі қабықпен қапталған, сопақша-ұзынша пішінді, бір жақ бетінде «90» өрнегі және басқа жақ бетінде «ŋ» таңбасы бар таблеткалар (90 мг дозасы үшін).

Көгілдір түсті үлбірлі қабықпен қапталған, сопақша-ұзынша пішінді, бір жақ бетінде «180» өрнегі және басқа жақ бетінде «ŋ» таңбасы бар таблеткалар (180 мг дозасы үшін).

Көк түсті үлбірлі қабықпен қапталған, сопақша-ұзынша пішінді, бір жақ бетінде «360» өрнегі және басқа жақ бетінде «ŋ» таңбасы бар таблеткалар (360 мг дозасы үшін).

Шығарылу түрі және қаптамасы

Поливинилхлорид/полиэтилен/поливинилиденхлорид үлбірден және баспалы алюминий фольгадан жасалған пішінді ұяшықты қаптамаға 10 таблеткадан салынған.

Пішінді ұяшықты 3 қаптама медициналық қолданылуы жөнінде қазақ және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы: nobel@nobel.kz

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы: nobel@nobel.kz

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы: nobel@nobel.kz