Дроплекс
Инструкция
-
русский
-
қазақша
Саудалық атауы
Дроплекс
Халықаралық патенттелмеген атауы
Жоқ
Дәрілік түрі
Құлақ тамшысы 15 мл
Құрамы
1 мл препараттың құрамында
белсенді зат: 45,52 мг феназон, 11,38 мг лидокаин гидрохлориді,
қосымша заттар: натрий тиосульфаты пентагидраты, 96 % этанол, тазартылған су, натрий гидроксидінің 1М ерітіндісі, глицерин.
Сипаттамасы
Мөлдір, түссіз немесе сәл сарғыштау түсті ерітінді.
Фармакотерапиялық тобы
Отологиялық ауруларды емдеуге арналған препараттар. Отологиялық ауруларды емдеуге арналған басқа да препараттар. Анальгетиктер және анестетиктер. Біріктірілген препараттар.
АТХ коды S02DА30
Фармакологиялық қасиеттері
Фармакокинетикасы
Әсер етуші заттар дабыл жарғағы зақымданбағанда жүйелік қан ағымына сіңбейді.
Фармакодинамикасы
Дроплекс – жергілікті қолдануға арналған біріктірілген препарат. Жергілікті жансыздандыратын және қабынуға қарсы әсер етеді.
Препараттың әсері құрамына кіретін белсенді компоненттер – феназон және лидокаин гидрохлоридіне байланысты.
Феназон – қабынуға қарсы және жансыздандыратын әсері бар анальгетик – антипиретик.
Лидокаин гидрохлориді – жергілікті анестетик.
Феназон мен лидокаин гидрохлоридінің біріктірілімі анестезияның барынша жылдам басталуына ықпал етеді, сондай-ақ оның қарқындылығы мен ұзақтығын арттырады.
Қолданылуы
Жергілікті симптоматикалық емдеуге және ауырғанды басу үшін:
- жедел ортаңғы отитте
- барожарақаттық отитте
Қолдану тәсілі және дозалары
Тек жергілікті қолдануға арналған.
Тамшыларды сыртқы есту жолына 3-4 тамшыдан күніне 2-3 рет тамызады. Суық ерітіндінің құлақ қалқанымен жанасуын болдырмас үшін қолданар алдында алақанда жылытқан жөн. Дроплексті қолданудың ұзақтығы 17 күннен аспайды, осыдан соң тағайындалған емге түзету жүргізу керек.
Жағымсыз әсерлері
Сирек:
- тітіркену, қызару, қышыну
Осы және басқа да жағымсыз реакциялар пайда болғанда бұл препаратты қолдануды тоқтатып, дереу дәрігерге көрінген жөн!
Қолдануға болмайтын жағдайлар
- препарат компоненттері мен пиразол туындыларына жоғары сезімталдық
- дабыл жарғағының тесілуі
- лактация кезеңі
Дәрілермен өзара әрекеттесуі
Препаратты жергілікті қолданғанда бір мезгілде тағайындалған жергілікті және жүйелік қолдануға арналған анальгетиктермен және қабынуға қарсы препараттармен, антисептиктермен, антибиотиктермен өзара әрекеттесудің жағымсыз нәтижелері байқалмайды.
Айрықша нұсқаулар
Препаратты қолдануды бастар алдында бүтіндігіне көз жеткізу қажет. Дабыл жарғағы тесілгенде препаратты қолданған жағдайда белсенді заттар жүйелік қан ағымына өтуі әрі бұл асқынудың туындауына әкелуі мүмкін.
Дроплекс препаратын басқа да құлақ тамшыларымен қосып қолданған кезде тамызулардың арасында кем дегенде 30 минут аралықты сақтаған дұрыс.
Препарат құрамында допинг-бақылау кезінде оңды тест көрсетуі мүмкін белсенді компонент бар екендігін ескерген жөн.
Жүктілік және лактация кезеңі
Препарат көрсетілімдер бойынша жүктілік кезінде дабыл жарғағы зақымданбаған жағдайда қолданылуы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Дроплекс автомобиль жүргізу және психомоторлық реакциялардың жоғары жылдамдығын қажет ететін жұмыстарды орындау қабілетіне әсер етпейді.
Артық дозалануы
Қолдану тәсіліне қойылатын талаптар сақталған жағдайда препаратпен артық дозалану мүмкін емес.
Шығарылу түрі және қаптамасы
Тығын–тамшылатқышы және сақтандырғыш сақинамен жабдықталған бұрандалы қорғаныш қалпақшасы бар ақ полиэтилен құтыға 15 мл препараттан құйылады.
Құтыға өздігінен желімденетін заттаңба жапсырылады.
1 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапқа салынады.
Сақтау шарттары
25 ºС-ден аспайтын температурада сақтау керек.
Құты ашылғаннан кейін препаратты 6 ай ішінде қолдану керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Ромфарм Компани С.Р.Л.», Отопень, Ероилор к-сі 1А, Румыния.
Сауда маркасының және тіркеу сертификатының иесі «УОРЛД МЕДИЦИН ОФТАЛЬМИКС», Ұлыбритания
Тіркеу куәлігінің иесі
«УОРЛД МЕДИЦИН ОФТАЛЬМИКС» Ұлыбритания
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
ҚР, Алматы, Түріксіб ауданы, Сүйінбай д-лы, 222б
Тел/факс: 8 (7272) 529090