Доцетер (80 мг/4 мл)

Доцетер

Доцетаксел

Инфузия үшін ерітінді дайындауға арналған 20 мг/1 мл немесе

80 мг/4 мл концентрат

1 құты концентраттың құрамында

белсенді зат – сусыз доцетаксел 20 мг немесе 80 мг,

қосымша заттар: полисорбат 80, сусыз лимон қышқылы, дегидратацияланған этанол, азот.

Ақшыл-сарыдан сарғыш-қоңыр түске дейінгі мөлдір ерітінді.

Ісікке қарсы препараттар. Өсімдік тектес алкалоидтар. Таксандар. Доцетаксел.

АТХ коды L01CD02

Фармакокинетикасы

Сіңуі

Доцетакселдің кинетикалық бейіні дозаға тәуелді емес және жартылай шығарылу кезеңі α, β және γ фазаларында, тиісінше, 4 минут, 36 минут және 11,1 сағатқа тең болатын үш камералы фармакокинетикалық үлгіге сәйкес келеді. Соңғы фаза доцетакселдің шеткері камерадан салыстырмалы баяу шығарылуымен ішінара жүзеге асады.

Таралуы

Бір сағаттық инфузияда 100 мг/м2 дозаны енгізуден кейін, тиісінше, сағатына 4,6 мкг/мл тең қисық асты ауданына (AUC) сәйкес келетін, плазмадағы 3,7 мкг/мл тең орташа ең жоғары концентрацияға жетуге болады. Қанығу сатысында жалпы клиренсінің және таралу көлемінің орташа көрсеткіштері, тиісінше, 21 л/сағ./м2 және 113 л құрайды. Жалпы клиренс көрсеткішінде жекешеаралық ауытқушылық 50% жуық құрайды. Доцетакселдің 95%-дан астамы плазмалық ақуыздармен байланысқа түседі.

Шығарылуы

Доцетаксел Р450 цитохромы арқылы терт-бутил-эфир тобының тотығуынан соң несеппен және нәжіспен 7 күн ішінде шығарылады; олардан, енгізілген радиобелсенділіктің (14С-доцетаксел), тиісінше, 6% және 75% табылды. Нәжістен табылған радиобелсенділіктің шамамен 80% жуығы алғашқы 48 сағат ішінде негізгі бір және белсенді емес 3 қосалқы метаболит түрінде, сондай-ақ аздаған мөлшерде өзгермеген дәрілік зат түрінде бөлінген.

Ерекше қауымдар

Жасы және жынысы

Доцетаксел фармакокинетикасы науқастардың жасына және жынысына байланысты емес.

Бауыр функциясының бұзылуы

Бауыр функциясының ауырлығы жеңіл немесе орташа дәрежеде бұзылуын көрсететін (сілтілік фосфатазаның қалыптың жоғары шегі ≥ 2,5 деңгейіндегі қалыптың жоғары шегі ≥ 1,5 АЛТ, АСТ) клиникалық зертханалық талдау көрсеткіштері бар науқастардың аздаған бөлігінде жалпы клиренсі, орта есеппен, 27% төмендеді.

Сұйықтық іркілісі

Доцетаксел клиренсі сұйықтықтың ауырлығы жеңіл немесе орташа дәрежедегі іркілісінде өзгермеген, сұйықтық іркілісінің ауыр түріне шалдыққан науқастар жөнінде мәліметтер жоқ.

Біріктірілген ем

Доксорубицин

Доксорубицинмен біріктіріп тағайындалғанда доцетаксел оның клиренсіне және доксорубицинолдың (доксорубицин метаболиті) плазмалық деңгейіне ықпал етпейді. Доцетаксел, доксорубицин және циклофосфамидтің фармакокинетикалық параметрлері оларды бір мезгілде тағайындағанда өзгермеген.

Капецитабин

Капецитабин доцетаксел (Сmах және АUС) фармакокинетикасына әсер етпейді және доцетаксел капецитабиннің маңызды метаболиті 5`-ДФУР (5`-DFUR) фармакокинетикасына әсерін тигізбейді.

Цисплатин

Цисплатинмен біріктіріп қолданғанда доцетаксел клиренсі монотерапия кезінде байқалған клиренсіне ұқсас. Доцетаксел инфузиясынан кейін тез арада енгізілген цисплатиннің фармакокинетикалық бейіні цисплатин монотерапиясы кезінде байқалған бейініне ұқсас болды.

Цисплатин және 5-фторурацил

Ауқымды ісіктері бар науқастарға доцетаксел, цисплатин және 5-фторурацилді біріктіріп тағайындау осы дәрілік препараттардың бірде-бірінің фармакокинетикасына ықпал етпейді.

Преднизон және дексаметазон

Преднизонның дексаметазонмен стандартты премедикациямен бірге тағайындалған доцетаксел фармакокинетикасына әсері зерттелді.

Преднизон

Преднизонның доцетаксел фармакокинетикасына ықпалы болмаған.

Фармакодинамикасы

Доцетер – ісікке қарсы препарат, ол тубулиннің тұрақты микротүтікшелерге бірігуіне ықпал етеді және олардың ыдырауын кедергілейді, бұл бос тубулин мөлшерінің айқын төмендеуіне әкеледі. Доцетакселдің микротүтікшелерге қосылуы протофиламенттер санын өзгертпейді.

Препарат жасушаларда оның өмірлік маңызды митоз және интерфаза функциялары үшін теңдессіз микротубулярлы торларды үзеді.

Фармакодинамикалық әсерлері

Доцетер адамның ісік жасушаларының әртүрлі желілеріне қатысты, ал клоногенділік тестілерінде ісіктің жаңа белсендірілген жасушаларына қатысты цитоуытты. Доцетер үшін ұзақ уақыт бойы тұрақталатын жасушаішілік жоғары концентрацияларға жету тән. Бұдан басқа, доцетакселдің дәрілік көп төзімділік генімен реттелетін, шектен тыс дәрежеде р-гликопротеинді экспрессиялайтын, бәріне болмаса да, кейбір жасушалардың жекелеген желілеріне (бәріне емес) қатысты белсенділік танытатыны анықталды. In vivo доцетаксел тәуелсіз болып табылады және тәжірибе ретінде егілген тышқандағы және адамдағы үдеген ісіктерге қарсы кең ауқымды белсенділік танытады.

- сүт безінің обыры

Доцетер доксорубицинмен және циклофосфамидпен біріктіріліп, лимфа түйіндері зақымданған және зақымданбаған сүт безінің операция жасалатын обырымен науқастарды адъювантты емдеуге арналған.

Лимфа түйіндері зақымданбаған сүт безінің операция жасалатын обырымен науқастарда адъювантты емді сүт безі обырының ерте сатысының бастапқы емінің белгіленген халықаралық критерийлеріне сай химиялық ем алуына болатын науқастарға ғана жүргізген жөн.

Доцетер доксорубицинмен біріктірілімде, сүт безінің жергілікті таралған немесе метастаздық обырына шалдыққан, бұрын осы жағдайға орай цитоуытты ем алмаған науқастарды емдеуге арналған.

Доцетер монотерапия ретінде тиімсіз цитоуытты емнен кейін сүт безінің жергілікті таралған немесе метастаздық обырымен науқастарды емдеуге арналған. Алдыңғы химиялық емде антрациклин немесе алкилдеуші препарат қамтылуы тиіс.

Доцетер трастузумабпен біріктірілімде, неr-2 экспрессиясы шамадан тыс сүт безінің метастаздық обыры бар, бұрын метастаздарға орай химиялық ем алмаған науқастарды емдеуге арналған.

Доцетер капецитабинмен біріктірілімде, тиімсіз цитоуыттық емнен кейін сүт безінің жергілікті таралған немесе метастаздық обырымен науқастарды емдеуге арналған. Алдыңғы химиялық емде антрациклин қамтылуы тиіс.

– өкпенің ұсақ жасушалы емес обыры

Доцетер алдыңғы тиімсіз химиялық емнен кейін өкпенің жергілікті таралған немесе метастаздық ұсақ жасушалы емес обыры бар науқастарды емдеуге арналған.

Доцетер цисплатинмен біріктірілімде, бұрын осы жағдайға орай химиялық ем жүргізілмеген, операция жасалмайтын, өкпенің жергілікті таралған немесе метастаздық ұсақ жасушалы емес обырымен науқастарды емдеуге арналған.

– қуық асты безінің обыры

Доцетер преднизонмен немесе преднизолонмен біріктірілімде, қуық асты безінің метастаздық гормонға төзімді обырымен науқастарды емдеуге арналған.

– асқазан аденокарциномасы

Доцетер цисплатинмен және 5-фторурацилмен біріктірілімде, бұдан бұрын метастаздарға орай химиялық ем алмаған асқазанның метастаздық аденокарциномасымен, соның ішінде гастро-эзофагеальді бөлімінің аденокарциномасымен науқастарды емдеуге арналған.

– бастың және мойынның обыры

Доцетер цисплатинмен және 5-фторурацилмен бірігіп, бас пен мойынның жергілікті таралған жалпақ жасушалы обырымен науқастарды бастапқы емдеуге арналған.

Доцетерді пайдалану пациенттерге цитоуытты химиялық ем жүргізуге маманданған кәсіби білікті дәрігердің бақылауымен тек қана мамандандырылған бөлімдерде жүргізілуі тиіс.

Ұсынылатын доза

Сүт безінің обырында, өкпенің ұсақ жасушалы емес обырында, асқазан обырында және бас пен мойын обырында премедикация 3 күн бойы күніне 16 мг дозадағы (яғни, күніне 2 рет 8 мг) дексаметазон сияқты ішуге арналған кортикостероидты препаратты тағайындаумен жүзеге асады. Премедикацияға, егер қарсы көрсетілімдері болмаса, Доцетер енгізуден бір күн бұрын кіріседі. Профилактикалық мақсаттарда гематологиялық уыттанудың даму қаупін барынша азайту үшін гранулоцитарлы колония стимуляциялайтын факторды (Г-КСФ) қолдануға болады.

Простата обырында, преднизон немесе преднизолонның бір мезгілде қолданылуына орай, ұсынылатын премедикация режимі Доцетер инфузиясына дейін 12 сағат, 3 сағат және 1 сағат бұрын ішуге арналған 8 мг дексаметазоннан тұрады.

Әр үш апта сайын бір сағаттық инфузиямен енгізеді.

Сүт безінің обыры

Лимфа түйіндері зақымданған және зақымданбаған сүт безінің операция жасалатын обырын адъювантты емдеуге ұсынылатын Доцетер дозасы 75 мг/м2 құрап, 6 цикл бойы (ТАС режимі) әр 3 апта сайын 50 мг/м2 доксорубицин және 500 мг/м2 циклофосфамидтен кейін бір сағаттан соң енгізіледі.

Сүт безінің жергілікті таралған немесе метастаздық обырымен науқастарды емдеуге монотерапия ретінде ұсынылатын Доцетер дозасы 100 мг/м2 құрайды. Бірінші желідегі ем жүргізілгенде 75 мг/м2 Доцетер доксорубицинмен (50 мг/м2) біріктіріліп енгізіледі.

Трастузумабпен біріктірілімде ұсынылатын Доцетер дозасы әр 3 апта сайын 100 мг/м2 құрайды, бұл орайда трастузумаб апта сайын енгізіледі. Алғашқы Доцетер инфузиясы трастузумабтың бірінші дозасынан кейін келесі күні тағайындалады. Кейінгі Доцетер дозалары, алдыңғы доза жақсы көтерімді болған жағдайда, трастузумаб инфузиясы аяқталған соң тікелей енгізіледі. Трастузумаб дозалары мен енгізу тәсілдерін трастузумабты медициналық қолдану жөніндегі нұсқаулықтан қараңыз.

Капецитабинмен біріктірілімде ұсынылатын Доцетер дозасы әр 3 апта сайын 75 мг/м2 құрайды. Біріктірілген ем кезіндегі капецитабин дозасы 2 апта бойы күніне екі рет 1250 мг/м2 (ас ішуден соң 30 минут ішінде) құрап, бір апталық үзіліске ұласады. Капецитабин дозасы есептеу дене беткейі ауданының есебінде жүргізіледі, капецитабинді медициналық қолдану жөніндегі нұсқаулықтан қараңыз.

Өкпенің ұсақ жасушалы емес обыры

Бұрын химиялық ем алмаған, өкпенің ұсақ жасушалы емес обырымен науқастарды емдеуге ұсынылатын Доцетер препаратының дозасы 75 мг/м2 құрайды. Доцетер препаратын енгізуден соң бірден 30-60 минут бойы 75 мг/м2 цисплатин енгізілу керек. Платина негізіндегі алдыңғы тиімсіз химиялық емнен кейін пациенттерді емдеу үшін монотерапия ретінде ұсынылатын Доцетер дозасы 75 мг/м2 құрайды.

Қуық асты безінің обыры

Ұсынылатын Доцетер препаратының дозасы 75 мг/м2 құрайды. Преднизон немесе преднизолон үзіліссіз күніне 2 рет ішу арқылы 5 мг тағайындалады.

Асқазан аденокарциномасы

Доцетер препаратының ұсынылатын дозасы 1-3 сағат бойы 75 мг/м2 цисплатин енгізуге ұласатын (екі инфузия да тек бірінші күні) бір сағаттық инфузияда 75 мг/м2, артынан цисплатин енгізу аяқталған сәттен бастап, 5 күн бойы үзіліссіз 24 сағаттық инфузияда күніне 750 мг/м2 5-фторурацил құрайды. Емдеу курсы әр 3 апта сайын қайталанады. Цисплатин енгізілуіне байланысты, антиэметикалық дәрілермен премедикация және тиісті гидратация жүргізу қажет. Профилактикалық мақсаттарда гематологиялық уыттанудың даму қаупін азайту үшін Г-КСФ қолдану керек.

Бас және мойын обыры

Антиэметикалық препараттармен премедикация және тиісті гидратация (цисплатин енгізуге дейін және одан кейін) жүргізген жөн. Гематологиялық уыттану қаупін азайту үшін профилактикалық Г-КСФ емін пайдалануға болады. Клиникалық зерттеулерде Доцетер препаратын қабылдаған барлық науқастарға антибиотиктермен профилактикалық емдеу жүргізілді.

- Сәулемен емдеуге ұласатын бастапқы химиялық ем:

Операция жасалмайтын, жергілікті таралған бас пен мойынның жалпақ жасушалы обырын (БМЖЖО) бастапқы емдеуге ұсынылатын Доцетер дозасы бір сағаттық инфузия кезінде 75 мг/м2 құрап, одан кейін алғашқы күні 1 сағат бойы 75 мг/м2 цисплатин, артынан 5 күн бойы күніне 750 мг/м2 дозада 5-фторурацил үзіліссіз инфузиямен енгізіледі. Бұл сызба әр 3 апта сайын 4 цикл бойы қайталанады. Химиялық емнің соңынан сәулелі ем жүргізілген жөн.

- Химиялық-сәулемен емдеуге ұласатын бастапқы химиялық ем:

Жергілікті таралған бас пен мойынның жалпақ жасушалы обырымен (БМЖЖО) науқастарды бастапқы емдеуге (техникалық тұрғыда операция жасалмайтын, хирургиялық жолмен емдеп жазу ықтималдығы өте аз және ағзаны сақтап қалу ниетінде) ұсынылатын Доцетер препаратының дозасы үшін алғашқы күні бір сағаттық вена ішіне инфузиямен 75 мг/м2 құрайды, соңынан 30 минуттан 3 сағатқа дейінгі уақытта 100 мг/м2 цисплатин енгізіледі, артынан бірінші күннен бастап төртінші күнге дейін үздіксіз инфузиямен күніне 1000 мг/ м2 дозада 5-фторурацил енгізіледі. Бұл сызба әр 3 апта сайын 3 цикл бойы қайталанады. Химиялық емнің соңынан химиялық-сәулелі ем алу керек.

Цисплатин және 5-фторурацил дозаларын өзгертуді препараттардың медициналық қолдану жөніндегі тиісті нұсқаулықтарынан қараңыз.

Емделу кезінде дозаны түзету:

Доцетер нейтрофильдер саны  1.500 жасуша/мм3 болғанда қолданылу керек.

Доцетермен емделу кезінде ауыр немесе жинақталған тері реакциялары немесе ауыр шеткері нейропатияға шалдыққан, 1 аптадан көп уақыт бойы нейтрофильдер саны  500 жасуша/мм3 болған, фебрильді нейтропениямен науқастарға Доцетер дозасын 100 мг/м2-ден 75 мг/м2 дейін және/немесе 75 мг/м2-ден 60 мг/м2 дейін азайту керек. Егер 60 мг/м2 дозада пациент жоғарыда атап көрсетілген реакцияларды сезінсе, емдеуді тоқтату керек.

Сүт безі обырының адъювантты емі

Сүт безінің обырына орай Доцетермен, доксорубицинмен және циклофосфамидпен (ТАС) адъювантты ем алған пациенттерде Г-КСФ көмегімен бастапқы профилактика қажеттілігі қарастырылады. Фебрильді нейтропениямен және/немесе нейтропениялық инфекциямен науқастар үшін Доцетер дозасын келесі циклдердің бәрінде 60 мг/м2 дейін азайту керек.

3 немесе 4 дәрежедегі стоматит жағдайында дозаны 60 мг/м2 дейін азайту керек.

Цисплатинмен біріктірілімде

Бастапқыдан 75 мг/м2 Доцетер дозасын цисплатинмен біріктірілімде алып жүрген және алдыңғы емдеу курсы кезінде тромбоциттер саны 25.000 жасуша/мм3 болған пациенттер үшін, сондай-ақ фебрильді нейтропениямен немесе ауыр гематологиялық емес уыттанумен науқастар үшін кейінгі циклдарда Доцетер дозасын 65 мг/м2 дейін азайту керек. Цисплатин дозасының түзетілуін препаратты медициналық қолдану жөніндегі тиісті нұсқаулықтан қараңыз.

Капецитабинмен біріктірілімде

- капецитабин дозасын өзгертуді капецитабинді медициналық қолдану жөніндегі нұсқаулықтан қараңыз.

- Доцетер және капецитабин біріктірілімімен емдеудің келесі циклына дейін созылатын 2 дәрежедегі уыттанудың алғашқы белгілерінде емдеуді уыттылық 0-1 дәрежеге дейін төмендегенше кейінге қалдыру керек. Емдеуді бастапқы 100 дозаны қолданумен жаңғыртқан жөн.

- емдеу циклының кез келген сатысында 2 дәрежедегі уыттану қайта дамығанда немесе 3 дәрежедегі уыттану алғаш білінгенде емдеуді уыттылық 0-1 дәрежеге дейін төмендегенше кейінге қалдыру керек. Доцетермен емдеуді 55 мг/м2 дозаны қолданумен жаңғыртқан жөн.

- уыттылықтың кез келген кейінгі көріністерінде немесе 4 дәрежедегі уыттануда Доцетер енгізуді тоқтату керек.

Трастузумаб дозасын өзгертуді препаратты медициналық қолдану жөніндегі нұсқаулықтан қараңыз.

Цисплатинмен және 5-фторурацилмен біріктірілімде

Егер, Г-КСФ қолдануға қарамастан, фебрильді нейтропения, ұзаққа созылатын нейтропения немесе нейтропенияға байланысты инфекция көрінісі орын алса, Доцетер дозасын 75 мг/м2-ден 60 мг/м2 дейін азайту керек. Асқынған нейтропенияның көріністері болғанда Доцетер дозасын 60-тан 45 мг/м2 дейін азайту керек. 4 дәрежедегі тромбоцитопения жағдайында Доцетер дозасын 75-тен 60 мг/м2 дейін азайту керек. Доцетермен емдеудің кейінгі циклдарын нейтрофильдер саны 1.500 жасуша/мм3 деңгейіне дейін, ал тромбоциттер саны > 100.000 жасуша/мм3 деңгейіне дейін қалыпқа келгеннен кейін ғана жалғастырған жөн. Гематологиялық уыттану симптомдары сақталса, емдеуді тоқтату керек.

Цисплатинмен және 5-фторурацилмен (5-ФУ) біріктіріп Доцетер алатын науқастарда уыттану көрініс берген жағдайда ұсынылатын дозаларды өзгерту:

Цисплатин мен 5-фторурацил дозаларын түзетуді препараттарды медициналық қолдану жөніндегі тиісті нұсқаулықтан қараңыз.

БМЖЖО және асқынған нейтропениямен (ұзаққа созылған нейтропения, фебрильді нейтропения немесе инфекцияны қоса) науқастарда кейінгі барлық циклдарда профилактикалық қорғанысты (мысалы, 6-15 күндері) қамтамасыз ету үшін Г-КСФ қолдану ұсынылады.

Бауыр функциясы бұзылған науқастар

Доцетер 100 мг/м2 монотерапиясында алынған фармакокинетикалық деректер негізінде, трансаминазалар [АСТ және/немесе АЛТ] белсенділігі қалыптың жоғарғы шегінен (ҚЖШ) 1,5 есе көп жоғары және сілтілік фосфатаза ҚЖШ 2,5 есе көп жоғары асып түсетін пациенттерге ұсынылатын Доцетер дозасы 75 мг/м2 құрайды. Сарысудағы ҚЖШ жоғары билирубин деңгейінде және/немесе сілтілік фосфатазаның ҚЖШ 6 есе асып кететін деңгейімен біріккен ҚЖШ 3,5 еседен көп асатын АСТ және АЛТ деңгейлерінде дозаны азайту ұсынылмайды – қатаң көрсетілімдер болмаған жағдайда Доцетер қолдануға болмайды. Асқазан аденокарциномасын емдеуге арналған цисплатинмен және 5-фторурацилмен біріктірілген жағдайда сілтілік фосфатазаның ҚЖШ > 2,5 есе жоғары деңгейімен және билирубиннің ҚЖШ > 1 есе жоғары деңгейімен біріккен АЛТ және/немесе АСТ ҚЖШ-дан >1,5 есе асатын науқастар үшін дозаны азайту ұсынылмайды, Доцетер тек қатаң көрсетілімдері бойынша қолданылу керек. Басқа көрсетілімдер бойынша доцетаксел біріктірілімімен емделген бауыр функциясы бұзылған науқастарды емдеу жөнінде деректер жоқ.

Педиатриялық қауым

18 жасқа дейінгі балаларда назофарингеальді карциномада Доцетер қауіпсіздігі мен тиімділігі әлі анықталмаған.

Педиатриялық қауымда аз дифференциацияланған назофарингеальді карциноманың II және III типтерін қоспағанда, сүт безінің обыры, өкпенің ұсақ жасушалы емес обыры, простата обыры, асқазан карциномасы және бас пен мойын обыры сияқты көрсетілімдерде Доцетер қолдану негізделмеген.

Егде жастағы науқастар

Қауымдағы фармакокинетикалық талдау деректерінің негізінде, препаратты егде жастағы науқастарға қолдану жөнінде арнайы нұсқаулар жоқ.

60 жастағы және одан асқан науқастарға капецитабинмен Доцетер біріктірілген жағдайда капецитабиннің бастапқы дозасын 75 дейін азайту ұсынылады (капецитабинді медициналық қолдану жөніндегі нұсқаулықты қараңыз).

Доцетер ісікке қарсы дәрі болып табылады, сондықтан басқа әлеуетті уытты заттармен болған жағдайлар сияқты, Доцетер ерітінділерін дайындау кезінде және олармен жұмыс істегенде сақтық таныту керек. Қолғап пайдалануға кеңес беріледі.

Доцетер концентраты немесе инфузиялық ерітіндісі терімен жанасқанда сол жерді дереу сабындап сумен мұқият жуып-шаю керек. Доцетер концентраты немесе инфузиялық ерітіндісі шырышты қабықтарға түсіп кетсе, оларды дереу сумен мұқият жуып-шаю керек.

Үйлесімсіздігі

Дәрілік препаратты, төменде атап көрсетілгендерін қоспағанда, басқа дәрілік препараттармен араластыруға болмайды.

Вена ішіне енгізуге дайындық

Инфузиялық ерітіндіні дайындау

Осы дәрілік препаратпен бірге доцетакселдің 2 құтыдан (концентрат және еріткіш) тұратын басқа да дәрілік препараттарын қолданбаңыз (Доцетер 20 мг/1 мл немесе Доцетер 80 мг/4 мл, 1 құтыдан ғана тұратын инфузия үшін ерітіндіге арналған концентрат).

Доцетер 20 мг/1 мл және Доцетер 80 мг/4 мл инфузия үшін ерітіндіге арналған концентраты еріткіш көмегімен алдын ала сұйылтуды қажет етпейді, ол инфузиялық ерітіндіге қосуға дайын.

Әр құты бір реттік қолдануға арналады және шұғыл пайдалануға жатады.

Егер Доцетер құтылары тоңазытқышта сақталса, онда пайдаланар алдында препараты бар қажетті қораптар санын қолдануға дейін 5 минут бойы 25ºС-ден төмен температурада ұстау керек.

Науқасқа қажетті дозаны алу үшін инфузия үшін ерітінді дайындауға арналған Доцетер концентраты бір құтыдан көп қажет болуы мүмкін. Калибрленген шприцті пайдаланып, асептика ережелерін қадағалай отырып, инфузия үшін ерітінді дайындауға арналған Доцетер концентратының қажетті мөлшерін шығарып алыңыз.

Доцетер 20 мг/1 мл және Доцетер 80 мг/4 мл құтысындағы доцетаксел концентрациясы 20 мг/мл құрайды.

Инфузия үшін ерітінді дайындауға арналған Доцетер концентратының қажетті көлемін бір инъекция (бір бүрку) арқылы ішінде инфузияға арналған 5% глюкоза ерітіндісі немесе 9 мг/мл (0,9%) натрий хлориді ерітіндісі бар 250 мл инфузиялық қалтаға немесе инфузиялық ыдысқа енгізу қажет.

Егер қажетті доцетаксел дозасы 190 мг-ден көп болса, инфузия үшін доцетаксел концентрациясы 0,74 мг/мл-ден асып кетпейтіндей көлемі үлкен ыдысты пайдаланыңыз.

Инфузиялық қалтаның немесе ыдыстың ішіндегісін қолмен шайқау арқылы араластырыңыз.

Пациентке вена ішіне инфузия енгізуге қажетті бір сағатты қоса, препараттың инфузиялық ерітіндісін 25ºС-ден төмен температурада 6 сағат бойы пайдалану керек.

Құтыны ашудан кейін

Әр құты бір рет қолдануға ғана арналған, оны ашқаннан кейін бірден пайдаланған жөн. Егер құты бірден пайдаланылмаса, қаптама ашылған соң препараттың сақтау мерзімі мен шарттарына тұтынушы жауап береді.

Инфузиялық ыдысқа қосудан кейін: микробиологиялық көзқарас тұрғысынан, қалыпқа келтіру/сұйылтуды бақыланатын және асептикалық жағдайларда атқару керек және дәрілік препаратты кідіріссіз пайдалану керек. Егер ол бірден пайдаланылмаса, сақтау мерзімі мен шарттарына жауапкершілік тұтынушыға жүктеледі.

Доцетер концентратын нұсқауларға сай инфузиялық ерітіндіде сұйылтудан соң, препараттың дайын ерітіндісі 25ºС-ден төмен сақтау температурасында 6 сағат бойы тұрақты болады. Оны 6 сағат ішінде пайдалану керек (вена ішіне инфузияны енгізуге қажетті бір сағатты қоса).

Нұсқауларға сай әзірленген препараттың дайын ерітіндісінің физикалық және химиялық тұрақтылығы құрамында ПВХ жоқ материалдан жасалған инфузиялық ыдыстарда, егер оны 2º С мен 8º С арасындағы температурада сақтаса, 48 сағат бойы сақталады.

Доцетакселдің инфузиялық ерітіндісі қаныққан, сондықтан уақыт өте келе кристалдануы мүмкін. Егер кристалдар түзілсе, ерітіндіні енді пайдалануға болмайды және оны жойған жөн.

Парентеральді қолдануға арналған басқа да барлық препараттар сияқты, алдын ала, пайдаланар алдында Доцетер инфузиялық ерітіндісін көзбен қарап тексеру керек. Шөгіндісі бар ерітінділер жарамсыз деп табылуы тиіс.

Кез келген пайдаланылмаған препарат немесе зат қалдықтары жергілікті талаптарға сәйкес жойылуы тиіс.

Жағымсыз әсерлердің даму жиілігінде уыттылықтың жалпы критерийлерінің жіктеуі пайдаланылады: (3 дәрежесі = С3, 3-4 дәрежесі = С3 / 4, 4 дәрежесі = С4). Даму жиілігі былайша сипатталады: өте жиі (≥1/10); жиі (≥ 1/100 - < 1/10); жиі емес ( ≥ 1/1000 - < 1/100); сирек (≥ 1/10000 - < 1/1000); өте сирек (<1/10000); жиілігі белгісіз.

Жалпы бұзылыстар және енгізген жердегі бұзылулар

Препаратты енгізген орындағы реакциялардың әдетте айқындылығы мардымсыз және гиперпигментация, қабыну, терінің қызаруы немесе құрғауы, флебиттер, пункцияланған венадан қан кету немесе вена ісінуі түрінде байқалады.

Сүт бездері обырын емдеу кезіндегі монотерапиядағы Доцетер 100 мг/м2 жағымсыз әсерлерінің жиынтық кестесі

Ұсақ жасушалы емес өкпе обырын емдеу кезіндегі монотерапиядағы Доцетер 75 мг/м2 жағымсыз әсерлерінің кестесі

Сүт бездері обырын емдеуде доксирубицинмен біріктірілімдегі Доцетер 75 мг/м2 жағымсыз әсерлерінің кестесі

Сүт бездері обырын емдеуде доксирубицинмен біріктірілімдегі Доцетер 75 мг/м2 жағымсыз әсерлерінің кестесі

Ұсақ жасушалы емес өкпе обырын емдеуде циспластинмен біріктірілімдегі Доцетер 75 мг/м2 жағымсыз әсерлерінің кестесі

Трастузумабпен біріктірілімдегі Доцетер 100 мг/м2 жағымсыз әсерлерінің кестесі

Кеуде обырын емдеуде капецитабинмен біріктірілімдегі Доцетер 75 мг/м2 жағымсыз әсерлерінің кестесі

Қуық асты безі обырын емдеуде преднизон немесе преднизолонмен біріктірілімдегі Доцетер 75 мг/м2 жағымсыз әсерлерінің кестесі

Регионарлы лимфа түйіндері зақымдануымен (TAX316) және регионарлы лимфа түйіндері зақымдануынсыз (GEICAM 9805) сүт бездері обыры бар пациенттер үшін адъювантты емдеуде доксорубицинмен және циклофосфамидпен біріктірілімдегі Доцетер 75 мг/м2 жағымсыз әсерлерінің кестесі

Нейтропениялық асқынулар

TAC сызбасы бойынша G-CSF бастапқы профилактикамен немесе онсыз (GEICAM 9805) емделген пациенттердегі нейтропениялық асқынулар

Асқазан аденокарциномасын цисплатинмен және 5-фторурацилмен үйлесімде Доцетер 75 мг/м2 препаратымен емдеудегі жағымсыз реакциялар кестесі

Бас және мойын обыры түзілулерін цисплатинмен және 5-фторурацилмен үйлесімде Доцетер 75 мг/м2 препаратымен емдеудегі жағымсыз реакциялар кестесі

•Кейіннен сәулемен емделетін индукциялық химиотерапия (TAX 323)

• Кейіннен сәулемен емделетін индукциялық химиотерапия (TAX 324)

- препараттың белсенді затына немесе қандай да бір қосымша заттарына жоғары сезімталдық

- нейтрофильдердің бастапқы деңгейі  1,500 жасуша\мм3 болатын науқастар

- бауыр функциясы ауыр бұзылған науқастар

- жүктілік, лактация кезеңі

- 18 жасқа дейінгі балалар

- олармен біріктіріп тағайындаған жағдайда басқа дәрілік препараттардың қарсы көрсетілімдерін ескеру керек.

In vitro зерттеулері доцетаксел метаболизмінің Р450-3А цитохромын индукциялайтын, тежейтін немесе Р450-3А цитохромы арқылы метаболизденетін (осылайша осы ферментті бәсекелі жолмен бәсеңдетуге қабілетті) циклоспорин, терфенадин, кетоконазол, эритромицин және тролеандомицин сияқты бір мезгілде қабылданатын қосылыстардың әсер етуімен өзгеруі мүмкін. Осы препараттармен бір мезгілде емдеу кезінде сақтық таныту керек, өйткені елеулі өзара әрекеттесулер болуы мүмкін.

Доцетаксел ақуыздармен өте жақсы байланысады ( 95). Доцетакселдің бір мезгілде тағайындалатын дәрілік заттармен in vivo өзара әрекеттесуіне жүргізілген ресми зерттеулердің болмауына қарамастан, ақуыздармен берік байланыс түзетін эритромицин, дифенгидрамин, пропранолол, пропафенон, фенитоин, салицилат, сульфаметоксазол және натрий вальпроаты сияқты препараттармен in vitro өзара әрекеттесуі Доцетердің ақуыздармен байланысына ықпал етпеген. Бұдан басқа, дексаметазон доцетакселдің ақуыздармен байланысына әсер етпеген. Доцетер дигитоксин байланысуына ықпал етпеген.

Доцетер, доксорубицин және циклофосфамид фармакокинетикасы олар бір мезгілде тағайындалғанда өзгермеген. Бақыланбайтын бірден-бір зерттеудің шектеулі деректері Доцетер мен карбоплатин арасында өзара әрекеттесу барын көрсетеді. Доцетермен біріктіріп тағайындағанда карбоплатин клиренсі карбоплатинмен монотерапия кезінде бұрын тіркелген клиренсінен 50 жоғары болды.

Доцетердің преднизонның қатысуымен болған фармакокинетикасы қуық асты безінің метастаздық обыры бар науқастарда зерттелді. Доцетаксел СҮР3А4 арқылы метаболизденеді, ал преднизонның СҮР3А4 индукциялайтыны белгілі. Преднизонның Доцетер фармакокинетикасына статистикалық тұрғыда мәнді әсерлері байқалмаған.

Ритонавирмен біріктіру кезіндегі доцетаксел уыттылығының артуына сәйкесті клиникалық жағдайлар хабарланған. Осы өзара әрекеттесу негізінде жатқан механизм доцетакселдің ритонавирмен метаболизміне қатысатын негізгі CYP3A4 изоферментін тежеумен жүзеге асады.

Кетоконазолмен 7 пациентте жүргізілген фармакокинетикалық зерттеулердегі экстраполяция негізінде, егер пациенттерге азолды фунгицидтер, ритонавир және кейбір макролидтер (кларитромицин, телитромицин) сияқты CYP3A4 күшті тежегіштерін бір мезгілде енгізу қажет болса, доцетаксел дозасын 50% азайтуға көңіл бөлу қажет.

Доцетакселді CYP3A4 күшті тежегіштерімен (мыcалы, кетоконазол, итраконазол, кларитромицин, индинавир, нефазодон, нелфинавир, ритонавир, саквинавир, телитромицин және вориконазол) бірге қолданудан сақтану керек.

Сүт безінің обыры және өкпенің ұсақ жасушалы емес обыры жағдайында ішуге арналған кортикостероидты гормон, мысалы, доцетаксел қолданудан 1 күн бұрын басталып (егер қарсы көрсетілімдері жоқ болса), 3 күн бойы күніне 16 мг дозада (күніне екі рет 8 мг) дексаметазон қолданумен жүзеге асатын премедикация организмдегі сұйықтық іркілісінің дәрежесі мен даму жиілігін, сондай-ақ жоғары сезімталдық реакцияларының айқындылығын төмендетуі мүмкін. Простата обыры жағдайындағы премедикация доцетаксел инфузиясынан 12 сағат, 3 сағат және 1 сағат бұрын ішуге арналған 8 мг дозадағы дексаметазоннан тұрады.

Гематология

Нейтропения доцетакселдің ең жиі жағымсыз реакциясы болып табылады. Нейтрофильдер саны, орта есеппен, 7-ші күні ең төмен деңгейге жетеді, бірақ бұл мерзімі қайталамалы емдеу циклдарында қысқалау болуы мүмкін. Доцетаксел алып жүрген барлық науқастарға толық қан талдауы жиі жасалу керек. Доцетермен емдеуді нейтрофильдер саны  1.500 жасуша/мм3 деңгейге дейін қалыпқа келгенде жаңғыртқан жөн.

Ауыр нейтропения жағдайында (7 және одан көп күн бойы  500 жасуша/мм3) Доцетермен емдеу курсы кезінде, кейінгі емдеу курстарында дозаны азайту немесе тиісті симптоматикалық ем қолдану ұсынылады.

Доцетердің цисплатинмен және 5-фторфурацилмен (ТСҒ) біріктірілімімен емделген науқастарда фебрильді нейтропения және нейтропениялық инфекциялар, егер науқастар профилактикалық мақсатта Г-КСФ алса, сирек кездескен. ТСҒ алып жүрген науқастарға асқынған нейтропенияның (фебрильді нейтропения, ұзаққа созылатын нейтропения немесе нейтропениялық инфекция) даму қаупін төмендету үшін Г-КСФ профилактикасын жүргізген жөн.

Доксорубицинмен және циклофосфамидпен (ТАС) біріктірілген доцетакселмен емделген науқастарда фебрильді нейтропения мен нейтропениялық инфекциялар, науқастарға Г-КСФ көмегімен бастапқы профилактика жүргізілгенде сирек кездескен. Сүт безінің обыры себепті ТАС адьювантты емінде жүрген пациенттерде асқынған нейтропенияның (фебрильді нейтропения, ұзаққа созылатын нейтропения немесе нейтропениялық инфекция) қаупін төмендету үшін Г-КСФ-мен бастапқы профилактика қажеттілігі қарастырылады. ТАС алып жүрген науқастарға мұқият қадағалап отыру керек.

Жоғары сезімталдық реакциялары

Науқастар, әсіресе, бірінші және екінші инфузия кезінде жоғары сезімталдық реакцияларын анықтау үшін қатаң қадағалануы тиіс. Жоғары сезімталдық реакциялары доцетаксел инфузиясының алғашқы минуттарында туындауы мүмкін, сондықтан гипотензия мен бронх түйілуін емдеуге қажетті барлық дәрілер дайын тұруы тиіс. Жоғары сезімталдықтың гиперемия немесе орныққан тері реакциялары сияқты әлсіз білінетін реакциялары дамыған жағдайда препаратты тоқтату қажет емес, ал ауыр гипотензия, бронх түйілуі немесе жайылған бөртпе/эритема сияқты ауыр реакциялардың дамуы доцетаксел енгізуді дереу тоқтатып, тиісті ем жүргізуді талап етеді. Доцетерді қайта енгізуді оған деген аса жоғары сезімталдықтың ауыр реакциялары болатын пациенттерге тағайындауға болмайды.

Тері реакциялары

Аяқ-қолға (қол алақандары және аяқ табандары) орныққан ісінумен және кейін десквамациямен болатын тері эритемасы байқалды. Десквамацияға ұласатын бөртулер сияқты ауыр жағымсыз реакциялар анықталғанда доцетаксел тоқтатылу қажет.

Сұйықтық іркілісі

Сұйықтық іркілісінің ауыр түрі, мысалы, плевралық жалқық, перикардиальді жалқық және асцит бар науқастарды қатаң қадағалап отыру керек.

Респираторлық бұзылулар

Өліммен аяқталуы мүмкін жедел респираторлық дистресс-синдром, интерстициальді пневмония / пневмонит, өкпенің интерстициальді ауруы, өкпе фиброзы және тыныс алу жеткіліксіздігі хабарланған. Қатарлас сәулелі ем алатын пациенттерде радиациялық пневмония жағдайлары да тіркелген.

Егер өкпенің жаңа симптомдары немесе науқас жағдайының нашарлауы байқалса, науқастарға тиісті ем тағайындап, мұқият бақылау жүргізген жөн. Доцетакселмен емдеуді респираторлық синдромдар басылғанша тоқтата тұруға кеңес беріледі. Доцетакселмен емдеуді жаңғырту артықшылықтары тиянақты талдануы тиіс.

Бауыр функциясы бұзылған науқастар

Монотерапия ретінде доцетакселдің 100 мг/м2 дозасын алатын және сарысудағы сілтілік фосфатазаның ҚЖШ 2,5 еседен көп жоғары деңгейімен біріккен сарысудағы трансаминазалар [АЛТ және/немесе АСТ] деңгейлері ҚЖШ 1,5 еседен жоғары асып кететін науқастарда өлімге ұшыратуы мүмкін сепсис және гастроинтестинальді қан кетулер, фебрильді нейтропения, инфекциялар, тромбоцитопения, стоматит және астенияны қоса, уыттану нәтижесіндегі өлім сияқты ауыр жағымсыз реакциялардың даму қаупі жоғары. Осылайша, бауыр функциясының көрсеткіштері (БФК) жоғары науқастарға ұсынылатын доцетаксел дозасы 75 мг/м2 құрайды. БФК бастапқы сатысында және әр кезекті цикл алдында өлшену керек.

Сілтілік фосфатазаның ҚЖШ 6 есе жоғары деңгейімен қатар сарысудағы билирубиннің қалып шегінен жоғары және/немесе ҚЖШ 3,5 есе жоғары АЛТ және АСТ деңгейінде дозаны түзетуді ұсынуға болмайды. Доцетаксел қатаң көрсетілімдері бойынша ғана қолданылу керек.

Асқазан аденокарциномасын емдеуге арналған цисплатинмен және 5-фторурацилмен біріктіру: жетекші клиникалық зерттеулерден АЛТ және/немесе АСТ ҚЖШ 1,5 есе жоғары болатын және ҚЖШ 2,5 есе жоғары сілтілік фосфатазаның қатарлас артуы және ҚЖШ 1 есе жоғары билирубин деңгейі бар науқастар шығарылды. Ондай науқастарға дозаны түзету ұсынылмаған. Доцетаксел қатаң көрсетілімдер бойынша ғана тағайындалады. Басқа көрсетілімдер бойынша Доцетер біріктірілімімен емделген бауыр функциясы төмендеген науқастар жөнінде деректер жоқ.

Бүйрек функциясы бұзылған науқастар

Бүйрек функциясының бұзылуы ауыр науқастарды Доцетермен емдеу жөнінде деректер жоқ.

Жүйке жүйесі

Ауыр шеткері нейроуыттанудың дамуында дозаны азайту қажет.

Жүректік уыттану

Доцетер препаратын трастузумабпен біріктіріп алған науқастарда, әсіресе, құрамында антрациклин (доксорубицин немесе эпирубицин) бар химиялық емнен кейін жүрек жеткіліксіздігі байқалды. Жеткіліксіздік орташадан ауыр дәрежеге дейін болып, өліммен аяқталуға әкелуі мүмкін.

Трастузумабпен біріктірілген Доцетер препаратымен емдеу жоспарланғанда жүрек қызметінің бастапқы жағдайы бағалану керек. Кейіннен, емдеу кезінде жүрек қызметінің бұзылуы дамуы мүмкін науқастарды анықтау мақсатында жүрек функциясын бақылап (мысалы, әр 3 айда) отыру қажет. Толық мәліметті трастузумабты медициналық қолдану жөніндегі нұсқаулықтан қараңыз.

Көз бұзылыстары

Доцетаксел алған пациенттерде кистозды макула ісінулерінің (КМІ) туындауы хабарланады. Көруі әлсіреген пациенттер жылдам және толық офтальмологиялық тексеруден өтуі тиіс. КМІ диагнозы расталған жағдайда доцетакселмен емдеу тоқтатылып, тиісті ем басталуы тиіс.

Басқалары

Пациенттер, жынысына байланыссыз, емделу кезінде, ал ерлерге емді тоқтатудан кейін кемінде тағы да 6 ай бойы контрацепция қолдануы қажет.

Сүт безінің обырын адъювантты емдеу жағдайындағы қосымша сақтандырулар

Асқынған нейтропения

Асқынған нейтропения (ұзаққа созылатын нейтропения, фебрильді нейтропения немесе инфекция) жағдайында Г-КСФ қолдану және доцетаксел дозасын азайту қажет болуы мүмкін.

Асқазан-ішек жолы тарапынан болатын реакциялар

Іштің ерте ауыруы және басып көру кезіндегі сезімталдық, қызба, нейтропениямен немесе онсыз диарея сияқты симптомдар ауыр асқазан-ішектік уыттанудың бастапқы көріністері болуы мүмкін, ал оларды бағалау және кідіріссіз емдеу керек.

Іркілісті жүрек жеткіліксіздігі

Емделу кезінде және одан кейін жалғасатын кезеңде іркілісті жүрек жеткіліксіздігінің симптомдарын анықтау мақсатында бақылау жүргізген жөн.

ТАС сызбасы бойынша емделген, лимфа түйіндерінің зақымдануымен сүт безі обырына шалдыққан пациенттерде іркілісті жүрек жеткіліксіздігінің даму қаупі емделуден кейінгі алғашқы жыл ішінде жоғары болды.

Лейкемия

Доцетакселмен, доксорубицинмен және циклофосфамидпен (ТАС) емделген науқастарда баяулаған миелодисплазияның немесе миелоидты лейкемияның даму қаупіне орай, гематологиялық көрсеткіштерге бақылау жүргізу қажет болады.

4 және одан көп зақымданған лимфа түйіндері бар науқастар

4 және одан көп зақымданған лимфа түйіндері бар пациенттерде білінген пайдасының қайталанусыз тіршілікке қабілеттілік (ҚТ) және жалпы тіршілік қабілеті (ЖТ) көрсеткіштері бойынша статистикалық мәнді еместігіне байланысты, ондай пациенттерде ТАС үшін пайда/қаупінің оң арақатынасы қорытынды талдау кезінде толық анықталмаған.

Егде жастағы науқастар

Доцетерді доксорубицинмен және циклофосфамидпен біріктіріп 70 жастан асқан науқастарда қолдану жөнінде деректер шектеулі.

ТCF қолдану кезінде егде жастағы науқастардың қатаң қадағалануын қамтамасыз ету керек.

Қосымша заттар

Доцетер 20 мг/1 мл және Доцетер 80 мг/4 мл құрамында 50 көлем% этанол (алкоголь) бар, яғни, тиісінше, 10 мл сыра немесе 4 мл шарап құтысына баламалы құтыда 0,395 г дейін (0,5 мл) және 40 мл сыра немесе 17 мл шарап құтысына баламалы құтыда 1,58 г дейін (2 мл). Препарат алкоголизмнен зардап шегетін тұлғаларға зиянды. Бұл дерек жүкті немесе емшек емізетін әйелдер, балалар және бауыр ауруы немесе эпилепсиясы бар пациенттер сияқты жоғары қауіп тобындағылар жағдайында ескерілу керек.

Бұл дәрілік препараттағы алкоголь мөлшері басқа дәрілік препараттардың әсеріне ықпал етуі мүмкін.

Жүктілік

Жүкті әйелдерге Доцетер қолдану туралы ақпарат жоқ. Клиникаға дейінгі зерттеулер барысында оның эмбриоуытты және фетоуытты әсер көрсететіні, сондай-ақ фертильділікті төмендететіні дәлелденген. Басқа да цитотоуытты емдік препараттар сияқты, доцетаксел жүкті әйелдерге енгізілгенде, шаранаға зиян келтіруі мүмкін. Сондықтан, егер оны қолдануға нақты көрсетілімдер болмаса, жүктілік кезінде Доцетер қолдануға болмайды.

Бала туу жасындағы әйелдер/контрацепция

Доцетер алатын бала туу жасындағы әйелдер жүктіліктен сақтанып, жүкті болып қалған жағдайда дереу емдеуші дәрігеріне мәлімдеуі керек.

Фертильділік

Емделу кезінде тиімді контрацепция тәсілін пайдалану керек.

Клиникадан тыс зерттеулерде доцетаксел геноуытты әсерін көрсетеді және ерлерде фертильділікті төмендетуі мүмкін. Демек, Доцетермен емделіп жүрген ерлерге ем кезінде және одан кейін жалғасатын 6 ай ішінде ұрықтандырудан бас тартып, емделуге дейін шәуһет консервациясына қатысты кеңес алу ұсынылады.

Лактация кезеңі

Доцетаксел липофильді зат болып табылады, бірақ оның емшек сүтімен бөлінуі белгісіз. Сондықтан емшектегі балаларда жағымсыз реакциялар дамуы мүмкін екендіктен, Доцетермен емделудің бүкіл кезеңі бойына бала емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті және жұмыс машиналарын басқару қабілетіне ықпалына зерттеулер жүргізілмеген.

Осы дәрілік препараттағы алкоголь мөлшері науқастардың автокөлік немесе жұмыс механизмдерін басқару қабілетін төмендетуі мүмкін.

Симптомдары: Артық дозалану туралы хабарламалар аз болды. Артық дозаланғанда жағымсыз реакциялар күшеюі мүмкін. Артық дозаланудың ықтималды бастапқы асқынуы сүйек кемігінің бәсеңдеуі, шеткері нейроуыттану мен мукозиттің дамуы болып табылады.

Емі: Доцетердің артық дозалануы кезінде антидоты жоқ. Артық дозаланған жағдайда науқасты мамандандырылған бөлімде қадағалайды және организмнің өмірлік маңызды функцияларына мұқият мониторинг жасалады. Артық дозалану констатациясынан кейін мүмкіндігінше тезірек Г-КСФ тағайындау керек. Қажет болса, басқа да симптоматикалық шаралар қолданылады.

Шығарылу түрі және қаптамасы

Алмалы-салмалы пластмасса қақпақты алюминий қалпақшамен бекітілген резеңке тығыны бар І типті түссіз шыны құтыда

1 мл концентраттан (20 мг/1 мл).

Түсті алмалы-салмалы пластмасса қақпақты алюминий қалпақшамен бекітілген резеңке тығыны бар І типті түссіз шыны құтыда

4 мл концентраттан (80 мг/4 мл).

1 құтыдан (1 мл концентрат немесе 4 мл концентрат) пішінді ұяшықты қаптамаға салады.

1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

Ерітіндіні 6 сағат ішінде пайдалану керек (венаішілік инфузияны жүргізу кезіндегі бір сағатты қоса алғанда)

2 жыл

Жарамдылық мерзімі өткеннен кейін қолдануға болмайды.

Рецепт арқылы

«Dr. Reddy’s Laboratories Ltd.», Үндістан

«Dr. Reddy’s Laboratories Ltd.», Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Д-р Редди’с Лабораторис Лимитед» компаниясының Қазақстан Республикасындағы өкілдігі: 050057 Алматы қ., 22 линия к-сі, 45,

Абоненттік жәшік 7, тел: 8(727)3941688, факс: 8(727)3941294

Maira.Zhagiparova@drreddys.com.