Долгит® Гель (Ибупрофен)

Долгит® Гель

Ибупрофен

Дәрілік түрі, дозасы

Сыртқа қолдануға арналған гель, 5%

Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Ибупрофен.

АТХ коды М02АА13

Мынадай жағдайларда жергілікті немесе демеуші ем үшін:

- жедел созылу, байламдардың шамадан тыс ширығуы немесе аяқ-қолдардың соғылуы, мысалы, спорттық жарақаттар

- бұлшықет ревматизмі

- артроздар (ауырсынатын дегенеративті буын зақымданулары)

- буындардың және омыртқалардың қабынған ревматизмдік зақымданулары

- буынға таяу жатқан жұмсақ тіндердің ісінуі және/немесе қабынуы (мысалы, синовиальді қалта, сіңір, сіңірлік қабықтар, байламдар және буындық капсулалар), иықтың сіресіп қалуы, белдің ауыруы, люмбаго.

Қолдануды бастағанға дейін қажетті мәліметтер тізбесі

- ибупрофенге және препараттың басқа компоненттеріне немесе басқа анальгетиктерге немесе ревматизмге қарсы заттарға (стероидты емес қабынуға қарсы препараттарға) жоғары сезімталдық

- ашық жараларға жағуға болмайды, терінің қабынуы немесе инфекциясы кезінде, сондай-ақ экземамен зақымданған бөліктерде немесе шырышты қабықтарда

- окклюзиялық таңғыш астына

- жүктіліктің III триместрі және лактация кезеңі

- 14 жасқа дейінгі балаларға

Қолдану кезінде қажетті сақтық шаралары

Қатысты емес.

Басқа дәрілік препараттармен өзара әрекеттесуі

Басқа препараттармен дәрілік өзара әрекеттесуі сипатталмаған. Егер гель терінің үлкен аймағына және ұзақ уақыт бойы қолданылса, белгілі бір органикалық жүйеге немесе бүкіл денеге әсер ететін жағымсыз әсерлерді жоққа шығаруға болмайды, мысалы, олар ибупрофені бар дəрілерді жүйелі қолданғаннан кейін пайда болуы мүмкін.

Арнайы ескертулер

Демікпе, пішен қызбасы, мұрын шырышты қабығының ісінуіне (мұрын полиптері деп аталатын) немесе өкпенің созылмалы обструктивті ауруына шалдыққан (әсіресе пішен қызбасына ұқсас симптомдармен байланысты) пациенттерде және анальгетиктер мен барлық түрдегі ревматизмге қарсы дәрілерге жоғары сезімталдығы бар пациенттерде басқа пациенттермен салыстырғанда демікпе ұстамалары дамуының анағұрлым жоғары қаупі (анальгетиктер жақпаушылығы / анальгетикалық демікпе деп аталатын), гель жаққан жердегі терінің және шырышты қабықтың ісінуі (Квинке ісінуі деп аталатын) немесе есекжем байқалады.

Долгит® Гель препаратын мұндай пациенттерге сақтықпен және дәрігердің бақылауымен тағайындау керек. Препаратты препарат құрамына кіретін басқа компоненттерге аса жоғары сезімталдығы (аллергиясы) бар пациенттерге де сақтықпен тағайындау керек, яғни тері реакциялары, қышыну немесе есекжемнің пайда болу ықтималдығы бар.

Осы дәрілік препаратпен өңделген тері бөліктеріне балалардың жанасып кетпеуінен сақтанған жөн.

Егер симптомдар ем басталғаннан кейін 3 күннен аса жалғасатын болса, дәрігермен кеңескен дұрыс.

Жүктілік

Ибупрофенді жүктілік кезінде әйелдерге қолданудың қауіпсіздігін бағалау үшін деректер жеткіліксіз. Өйткені простагландиндер синтезін тежеу үдерісінің жүктілікке әсері айқын болмай қалады, препаратты жүктіліктің алғашқы алты айында және ана мен шаранаға пайдасын және қаупін мұқият талдаудан кейін ғана қолдану керек. Ең жоғары тәуліктік доза кремнің 4 -10 см жолағын 3-4 қолданудан тұрады. Препаратты жүктіліктің соңғы триместрінде қолдануға болмайды.

Әсер ету механизміне байланысты босанудың баяулауы, жүктіліктің және толғақтың ұзарып кетуі, балада жүрек-қантамыр (Боталл артериялық түтігінің мерзімінен ерте жабылуы, өкпе гипертензиясы) және бүйрек уыттылығының (олигурия, олигогидрамнион) дамуы, ана мен балада қан кету қаупінің жоғарылауы, әрі анада ісінудің өршу қаупінің ұлғаюы байқалуы мүмкін.

Емшекпен қоректендіру

Ибупрофеннің белсенді ингредиенті мен оның ыдырау өнімдерінің аздаған мөлшері ғана емшек сүтіне енеді. Емшектегі бала үшін ешқандай жағымсыз салдары осы уақытқа дейін анықталмаған және хабарланбағандықтан, бала емізуді тоқтату қысқа мерзімді емдеу жағдайында қажетті шарт болып табылмайды. Дегенмен, тәуліктік доза - 4-10 см жолақпен тәулігіне 3 – 4 рет теріге жағудан аспауы тиіс. Ибупрофенмен ұзақ емдеген жағдайда бала емізуді мерзімінен ерте тоқтатуды қарастырған жөн.

Бала емізетін әйелдерге дәрілік препаратты олардың емшектегі балаларының жұтып қою қаупін болдырмас үшін гельді омырауға қолдануға болмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Долгит® Гель препараты бір рет немесе қысқа мерзімді қолдану жағдайында автокөлікті басқару және механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Гельді ауыратын бөлік аймағының терісіне тәулігіне 3-4 рет жағып, препарат толық сіңгенше жеңіл қимылмен ысқылайды. 2-5 г гельге сәйкес (100-250 мг ибупрофен) ұзындығы 4-10 см гель жолағын пайдаланады.

Ең жоғары тәуліктік доза 20 г кремді құрайды, бұл 1000 мг ибупрофенге сәйкес келеді.

Ревматизм ауруларында емдеу ұзақтығы аурудың ауырлық дәрежесі мен зақымдану сипатына байланысты.

Қолдану тәсілі

Сыртқа!

Долгит® Гелін теріге жағады және аздап сүртеді. Белсенді ингредиенттің тері арқылы енуі ионофорезбен (электротерапияның ерекше түрі) күшейтілуі мүмкін. Гельді катод астында (теріс полюс) жағу керек. Тоқтың қарқындылығы электродтың 5 см2 бетінде 0,1 - 0,5 мА, ал ұзақтығы шамамен 10 минут болуы тиіс.

Емдеудің ұзақтығы

Емдеу ұзақтығын емдеуші дәрігер анықтайды. Әдетте, 1-2 апта бойы қолдану жеткілікті. Осы кезеңнен кейін емдік әсері дәлелденген жоқ.

Артық дозаланған жағдайда қолданылуы қажет шаралар

Артық дозалану жағдайлары сипатталмаған.

Теріге қолданған кезде ұсынылған дозадан асып кетсе, гельді алып тастап, сумен шаю керек. Егер гель тым көп мөлшерде қолданылса немесе Долгит® Гельді кездейсоқ жұтып қойған жағдайда дәрігермен кеңескен жөн.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Жиі: анағұрлым жиі жағымсыз әсерлері эритема, қышыну, күйдіру, шаншитын немесе қышынатын күлдіреуік түзілуі болатын экзантема сияқты оқшауланған тері реакциялары болып табылады.

Жиі емес: жергілікті аллергиялық реакциялар (жанаспалы дерматит) сияқты аса жоғары сезімталдық реакциялары.

Өте сирек бронхтық түйілу реакциялары туралы хабарланды.

Белгісіз: жарыққа сезімталдық реакциялары.

Долгит® Гель препаратын терінің үлкен бөлігіне және ұзақ кезең бойы жаққан жағдайда жүйенің белгілі бір ағзасына немесе жалпы организмге әсер ететін жағымсыз әсерлерін құрамында ибупрофен бар дәрілік заттарды жүйелік қолданудан кейін туындайтындар секілді толық жоққа шығаруға болмайды.

Бензил спирті, бензилбензоат, цитраль, цитронеллол, кумарин, эвгенол, фарнезол, гераниол, лимонен/d-лимонен, линалоол аллергиялық реакцияларды туындатуы мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

100 г гельдің құрамында

белсенді зат: ибупрофен - 5 г,

қосымша заттар: 2-пропанол, 2,2-диметил-4-гидроксиметил-1,3-диоксолан (Солкетал), полоксамер 407, орта тізбекті триглицеридтер, тазартылған су, лаванда майы, нерол майы (Auratii Floris aetheroleum).

Түссізден сәл бұлыңғыр түске дейін, өзіне тән иісі бар мөлдір түссіз гель.

Шығарылу түрі және қаптамасы

20 г, 50 г, 100 г немесе 150 г препараттан ішкі жағы лакпен жабылған және бұрандалы пластмасса қалпақшасы бар алюминий сықпаға салынған.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге сары түсті картон қорапқа салынады.

2.5 жыл

Қаптаманы алғаш ашқаннан кейін 3 айдан асырмай сақтау керек.

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Долоргит ГмбХ және Ко. КГ, Германия

Отто-фон-Гюрике-штрассе 1, 53757 Санкт Августин, Германия

Телефон: + 492241-317-0, Факс: + 492241-317390,

Электронды пошта: info@dolorgiet.de

Тіркеу куәлігінің ұстаушысы

Долоргит ГмбХ және Ко. КГ, Германия

Отто-фон-Гюрике-штрассе 1, 53757 Санкт Августин, Германия

Телефон: + 492241-317-0, Факс: + 492241-317390,

Электронды пошта: info@dolorgiet.de

Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Натусана» ЖШС, Қазақстан Республикасы

050046, Алматы қ., Ислам Каримов к-сі 198А

Тел./факс: 8 (727) 268-31-66

Электронды пошта: info@natusana.kz