Диферелин® 11,25 мг

МНН: Трипторелин
Производитель: ИПСЕН Фарма Биотек
Анатомо-терапевтическо-химическая классификация: Triptorelin
Номер регистрации в РК: № РК-ЛС-5№014844
Период регистрации: 03.11.2014 - 03.11.2019
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 133 112.82 KZT

Инструкция

Саудалық атауы

Диферелин® 11,25 мг

Халықаралық патенттелмеген атауы

Трипторелин

Дәрілік түрі

Бұлшықет ішіне енгізу үшін әсері ұзартылған суспензия дайындауға арналған лиофилизат еріткішімен жиынтықта

Құрамы

Бір құтының ішінде:

белсенді зат: 14,58 мг трипторелин памоаты, бұл 11,25 мг трипторелинге сәйкес келеді

қосымша заттар: DL-сүтті және гликоль қышқылдарының сополимері, маннитол, полисорбат 80, натрий кармеллозасы

еріткіштің құрамы: маннитол, инъекцияға арналған су

Сипаттамасы

Ақ немесе сәл сарғыштау түсті, еріткіште ақ немесе сәл сарғыштау түсті суспензия түзе отырып ұнтақталатын лиофилизат. Еріткіш – мөлдір түссіз сұйықтық.

Фармакотерапиялық тобы

Ісікке қарсы гормональді препараттар. Гормондар және олардың туындылары. Гонадотропин-рилизинг гормонының аналогтары. Трипторелин

АТХ коды L02AE04

Фармакологиялық қасиеттері

Фармакокинетикасы

Диферелиннің® 11,25 мг бұлшықетішілік инъекцияларынан кейін емделушілерде (ерлер мен әйелдерде) трипторелиннің плазмадағы концентрацияларының ең жоғарғысы инъекциядан кейін шамамен 3 сағат ішінде байқалады. Алғашқы ай бойына созылатын концентрациясының төмендеу фазасынан кейін айналымдағы трипторелин деңгейі инъекциядан кейінгі үшінші ай аяқталғанша тұрақтанады.

Фармакодинамикасы

Трипторелин синтетикалық декапептид, табиғи гонадотропин-рилизинг гормонының (ГнРГ) аналогы болып табылады.

Гипофиздің гонадотроптық функциясының («тұтану» әсері) стимуляциялануының бастапқы қысқа кезеңінен кейін трипторелин гонадотропиндер секрециясына тежегіштік әсер беріп, артынан аталық және аналық бездер функциясын бәсеңдетеді.

11,25 мг Диферелинді® қолданғанда қандағы лютеиндеуші гормон (ЛГ) мен фолликулостимуляциялаушы гормон (ФСГ) деңгейлерінің алғаш жоғарылауы, және соның салдары ретінде, ерлердегі тестостерон («тұтану» әсері) мен әйелдердегі эстрадиолдың бастапқы деңгейінің артуы байқалуы мүмкін. Емдеуді жалғастыру ЛГ және ФСГ деңгейлерін бірінші инъекциядан кейін 20 күн ішінде және белсенді затының барлық босап шығу кезеңі бойына тестостерон мен эстрадиолдың кастрациялық деңгейіне алып келетін концентрацияға дейін төмендетеді.

Трипторелинмен ұзақ уақыт емдеу эстрадиол секрециясын бәсеңдетеді және осылайша, эктопиялық эндометриоидтық тіннің өлуіне алып келеді.

Қолданылуы

- қуықасты безінің обырында

- пременопаузалық кезеңдегі әйелдердегі сүт безі обырында

- генитальді және экстрагенитальді эндометриозда

Қолдану тәсілі және дозалары

Препарат тек бұлшықет ішіне енгізіледі.

Қуықасты безінің обыры

Диферелин® 11,25 мг әр 3 ай сайын, ұзақ уақыт енгізіледі. Емдеу ұзақтығын емдеуші дәрігер әр емделуші үшін жекелей анықтайды.

Сүт безінің обыры

Диферелин® 11,25 мг әр 3 ай сайын, ұзақ уақыт енгізіледі. Емдеу ұзақтығын емдеуші дәрігер әр емделуші әйел үшін жекелей анықтайды.

Эндометриоз

Диферелин® 11,25 мг әр 3 ай сайын енгізіледі. Емдеу етеккір оралымының алғашқы бес күнінде басталуы тиіс. Емдеу ұзақтығы эндометриоздың ауырлық дәрежесіне және емдеу кезінде байқалатын клиникалық өзгерістерге (функционалдық және анатомиялық) тәуелді. Емдеу курсы кемінде 3 айға созылуы, бірақ 6 айдан аспауы тиіс. Трипторелинмен немесе гонадотропин-рилизинг гормонының басқа аналогымен екінші емдеу курсын қолдану ұсынылмайды.

Препаратты енгізу жөніндегі нұсқаулық

Препараттың бір қаптамасында бұлшықет ішіне енгізуге арналған бір доза бар және бір емделушіге бір рет инъекция жүргізуге арналған.

Еріткіштің жанына қоса салынған ұнтақтың суспензиясы, тура енгізер алдында, құтының ішіндегі ұнтақты біркелкі қоспа алынғанша абайлап араластыру арқылы дайындалуы тиіс.

Инъекцияның толық жүзеге асырылмауы суспензияның, инъекция жүргізілгеннен кейін еккіште қалатын мөлшеріне қарағанда, көбірек жоғалуына әкеп соғатын жағдайлары жөнінде айту қажет.

Енгізу қатаң түрде нұсқаулыққа сәйкес жүзеге асырылуы тиіс.

1 – СУСПЕНЗИЯНЫ ӘЗІРЛЕГЕНГЕ ДЕЙІН ЕМДЕЛУШІНІ ДАЙЫНДАУ

- Емделушіні дайындау алдын ала жүргізілуі тиіс, өйткені инъекцияны суспензия әзірленгеннен кейін дереу жасау керек. Бөксе аймағындағы теріні зарарсыздандырыңыз.

2 – ПРЕПАРАТТЫ ДАЙЫНДАУ

- Лиофилизаттың бетінде көпіршіктердің болуы препараттың қалыпты сыртқы түрі болып табылады.

 

- Ішінде еріткіші бар ампуланы алыңыз. Еріткіш ампуланың ұшынан ампуланың негізгі корпусына ауысуы үшін оны ақырын шертіп қағыңыз.

- Ішінде ұнтағы бар құтыны алыңыз. Құтының ұш жағында жиналған ұнтақ құтының төменгі бөлігіне орнығуы үшін оны ақырын шертіп қағыңыз.

- Құтының жоғарғы бөлігінен пластик қақпағын алып тастаңыз.

- Инені еккішке бұрап бекітіңіз. Инеден қалпақшасын алмаңыз.

- Ампуланың мойындығын сындырыңыз (нүктесі алдынан жоғарғы жағында)

- Инеден қалпақшасын алып тастаңыз. Инені ампулаға орналастырыңыз да, ерітіндінің барлығын еккішке құйып алыңыз.

 

- Инені құтыға резеңке тығын арқылы тік орналастырыңыз. Еріткішті, егер мүмкін болса, құтының жоғарғы бөлігін шаятындай етіп баяу енгізіңіз.

 

- Инені сұйықтық деңгейінің үстінен сәл көтеріңіз. Инені құтыдан шығармаңыз. Құтыны аударып-төңкермей, біркелкі суспензия алынғанша, ақырын араластырыңыз.

- Құтыдағы лиофилизатта түйіршіктердің жоқтығына көз жеткізіңіз (түйіршіктер бар болған жағдайда араластыруды толық біркелкіленгенше жалғастырыңыз).

 

- Суспензия біркелкі болған кезде, инені түсіріңіз де, барлық суспензияны құйып алыңыз (құтыны төңкермей-ақ). Суспензияның аздаған мөлшері құтыда қалып қоюы мүмкін. Осы шығынға жол берілетін болғандықтан, препаратты молырақ алу қарастырылған.

 

- Түрлі-түсті канюляны алыңыз да, суспензияны әзірлеу үшін пайдаланылған инені еккіштен алып тастаңыз. Еккішке басқа инені жалғаңыз (нығыздап бұрап бекітіңіз). Инеден қалпақшасын алып тастаңыз.

3 – БҰЛШЫҚЕТІШІЛІК ИНЪЕКЦИЯ

- Инъекцияны тура жасар алдында еккіштен ауаны шығарып тастаңыз. Преципитацияға жол бермеу үшін бөксе бұлшықетіне дереу енгізіңіз.

 

4 – ИНЪЕКЦИЯ ЖАСАЛҒАННАН КЕЙІН

- Инелерді өткір заттарға арналған контейнерге тастап жойыңыз.

Жағымсыз әсерлері

Ерлерде

ГнРГ басқа агонистерімен емдеудегі, немесе хирургиялық кастрациядан кейінгі сияқты, трипторелинмен емдеумен байланысты анағұрлым жиі байқалатын жағымсыз әсерлер, оның күтілетін фармакологиялық әсеріне қатысты болған: тестостерон мөлшерінің бастапқы жоғарылауы ары қарай оның толық дерлік супрессиясымен. Бұл әсерлерге ысынулар (50%), эректильді дисфункция (4%) және либидо төмендеуі (3%) кірген.

Трипторелинмен емдеумен байланысты болуы ықтимал деп қарастырылған төмендегідей жағымсыз әсерлер тіркелген. Бұл әсерлердің көпшілігі биохимиялық немесе хирургиялық кастрациямен байланысты әсерлер ретінде белгілі.

Жағымсыз әсерлерінің даму жиілігі төмендегіше жіктеледі: өте жиі ( 1/10); жиі ( 1/100-дан 1/10 дейін); жиі емес ( 1/1000-дан 1/100 дейін); сирек ( 1/10 000-дан 1/1 000 дейін). Препараттың нарыққа шығарылуы басталғаннан кейін жағымсыз әсерлерінің жиілігін тиісінше анықтау мүмкін болмады. Сәйкесінше, мұндай әсерлердің жиілігі «белгісіз» ретінде байқалған.

Ағзалар жүйесінің кластары

Өте жиі

Жиі

Жиі емес

Сирек

Жиілігі белгісіз

Жұқпалар және инвазиялар

     

Назофарингит

 

Қан және лимфа жүйесі тарапынан болатын бұзылыстар

     

Пурпура

 

Иммунитет жүйесі тарапынан болатын бұзылыстар

     

Анафилактикалық реакция

Аса жоғары сезімталдық

 

Эндокриндік бұзылыстар

     

Қант диабеті

 

Метаболизм және тамақтану тарапынан болатын бұзылыстар

   

Анорексия

Подагра

Тәбеттің артуы

   

Психикалық бұзылыстар

   

Депрессия

Ұйқысыздық

Ашушаңдық

Көңіл-күйдің құбылмалылығы

Сананың шатасуы Белсенділіктің төмендеуі

Эйфория

Үрей

Жүйке жүйесі тарапынан болатын бұзылыстар

Аяқтардың парестезиясы

Бас айналуы

Бас ауыруы

Парестезия

Жадының бұзылулары

 

Көру мүшелері тарапынан болатын бұзылыстар

     

Көздегі қалыпсыз сезімдер

Көру бұзылыстары

Көру жітілігінің төмендеуі

Есту мүшелері мен лабиринт тарапынан болатын бұзылыстар

   

Құлақтағы шыңыл

Вертиго/бас айналуы

 

Қантамырлық бұзылыстар

Ысынулар

 

Гипертензия

Мұрыннан қан кету

Гипотензия

 

Тыныс алу жүйесі, кеуде қуысы мен көкірекорта тарапынан болатын бұзылыстар

   

Ентігу

Ортопноэ

 

Асқазан-ішек бұзылыстары

 

Жүрек айнуы

Іштің ауыруы

Іштің қатуы

Диарея

Құсу

Іштің кебуі

Ауыздың құрғауы

Дисгевзия (дәм сезу бұзылысы)

Метеоризм

 

Тері мен теріасты тіндері тарапынан болатын бұзылыстар

Гипергидроз

 

Акнэ

Алопеция

Қышыну

Бөртпе

Күлдіреуіктер

Ангионевротикалық ісіну

Есекжем

Қаңқа-бұлшықет жүйесі мен дәнекер тіндер тарапынан болатын бұзылыстар

Белдің ауыруы

Қаңқа-бұлшықет аурулары

Аяқ-қолдардың ауыруы

Артралгия

Бұлшықет құрысулары

Бұлшықет әлсіздігі

Миалгия

Буындардың ісінуі

Қаңқа-бұлшықеттік сіресу

Остеоартрит

Сүйектердің ауыруы

Репродуктивтік жүйе мен сүт бездері тарапынан болатын бұзылыстар

 

Эректильді дисфункция

Либидо төмендеуі/жоғалуы

Гинекомастия

Сүт бездері аймағының ауыруы

Аталық бездер атрофиясы

Тестикулдардың ауыруы

Эякуляция бұзылысы

 

Жалпы сипаттағы бұзылыстар мен препарат енгізілген жердің жағдайы

Астения

Қажығыштық

Инъекция орнындағы эритема

Инъекция орнының қабынуы

Инъекция орнының ауыруы

Инъекция орнындағы реакция Ісіну

Летаргия

Ауыру

Діріл

Ұйқышылдық

Кеуденің ауыруы

Дистазия

Тұмау тәрізді синдром

Пирексия

Дімкәстану

Зертханалық талдаулар және зерттеулер

   

Аланин-аминотрансфераза жоғарылауы

Аспартат-аминотрансфераза жоғарылауы

Қандағы креатининнің жоғарылауы Қандағы мочевинаның жоғарылауы

Дене салмағының жоғарылауы

Қандағы сілтілік фосфатазаның жоғарылауы

Дене температурасының жоғарылауы Дене салмағының төмендеуі

Қан қысымының жоғарылауы

Трипторелин препараттың босап шығуы ұзартылған бірінші инъекциясынан кейінгі алғашқы апта бойына қан ағымында тестостерон мөлшерінің уақытша жоғарылауын туғызады. Осының салдарынан науқастардың азғантай бөлігінде (≤ 5%) қуықасты безі обырының симптомдары мен белгілерінің уақытша нашарлауы («тұтану» әсері) байқалуы мүмкін, бұл әдетте несеп симптомдарының ( 2%) және метастаздық ауырулардың (5%) күшеюімен білінеді. Бұл жағдайларға симптоматикалық ем жасаған дұрыс. Бұл симптомдар уақытша болып табылады және әдетте бір-екі аптадан кейін жоғалып кетеді.

Ауру симптомдары өршуінің бірлі-жарым жағдайлары – уретра бітелуінің дамуы, немесе сүйек кемігінің метастаздармен компрессиялануы білінген. Сондықтан омыртқаның метастаздық зақымданулары және/немесе жоғарғы немесе төменгі несеп шығару жолдарының бітелуі бар емделушілерге емдеудің алғашқы бірнеше аптасы бойына мұқият бақылау жүргізу қажет.

ГнРГ агонистерін қуықасты безінің обырын емдеу үшін қолдану сүйек салмағының азаюына алып келуі мүмкін, бұл остеопорозға және сүйектердің сыну қаупінің артуына себеп болуы мүмкін.

ГнРГ аналогтарымен ем қабылдап жүрген емделушілерде, лимфоциттер мөлшерінің артқаны білінген. Бұл салдарлы лимфоцитоз, ГнРГ индукциялаған кастрациямен байланысты болуы ықтимал және жыныстық гормондардың тимус инволюциясына қатысатындығын көрсетеді.

Әйелдерде

Эстрогендер мөлшерінің төмендеуінің салдары ретінде, анағұрлым жиі байқалатын жағымсыз әсерлер (жиілігі әйелдердің 10%-ы немесе одан көбінде күтілетін) бас ауыруы, либидо төмендеуі, ұйқының бұзылуы, көңіл-күй өзгерістері, диспареуния, дисменорея, генитальді қан кету, аналық бездердің гиперстимуляциясы синдромы, аналық бездер гипертрофиясы, жамбастың ауыруы, іштің ауыруы, вульвовагинальді құрғау, гипергидроз, ысынулар болған.

Трипторелинмен емдеумен байланысты болуы ықтимал деп қарастырылған төмендегідей жағымсыз әсерлер тіркелген. Бұл әсерлердің көпшілігі биохимиялық немесе хирургиялық кастрациямен байланысты әсерлер ретінде белгілі.

Жағымсыз әсерлерінің даму жиілігі төмендегіше жіктеледі: өте жиі ( 1/10); жиі ( 1/100-дан 1/10 дейін). Препараттың нарыққа шығарылуы басталғаннан кейін жағымсыз әсерлерінің жиілігін тиісінше анықтау мүмкін болмады. Сәйкесінше, мұндай әсерлердің жиілігі «белгісіз» ретінде байқалған.

Ағзалар жүйесінің кластары

Өте жиі

Жиі

Жиі емес

Иммунитет жүйесі тарапынан болатын бұзылыстар

   

Аса жоғары сезімталдық реакциялары

Психикалық бұзылыстар

Ұйқының бұзылуы

Көңіл-күйдің құбылмалылығы

 

Депрессия

Үрей

Сананың шатасуы

Жүйке жүйесі тарапынан болатын бұзылыстар

Бас ауыруы

 

Бас айналуы

Көру мүшелері тарапынан болатын бұзылыстар

   

Көру жітілігінің төмендеуі

Есту мүшелері мен лабиринт тарапынан болатын бұзылыстар

   

Вертиго/бас айналуы

Қантамырлық бұзылыстар

Ысынулар

   

Тыныс алу жүйесі, кеуде қуысы мен көкірекорта тарапынан болатын бұзылыстар

   

Ентігу

Асқазан-ішек бұзылыстары

 

Жүрек айнуы

Іштің ауыруы

Іш тұсындағы жайсыздық

Диарея

Құсу

Тері мен теріасты тіндері тарапынан болатын бұзылыстар

Гипергидроз

 

Ангионевротикалық ісіну

Қышыну

Бөртпе

Есекжем

Қаңқа-бұлшықет жүйесі мен дәнекер тіндер тарапынан болатын бұзылыстар

 

Артралгия

Бұлшықет құрысулары

Миалгия

Бұлшықет әлсіздігі

Репродуктивтік жүйе мен сүт бездері тарапынан болатын бұзылыстар

Диспареуния

Дисменорея

Генитальді қан кету (меноррагия, метроррагия)

Либидо төмендеуі

Аналық бездердің гиперстимуляциясы синдромы

Аналық бездердің гипертрофиясы

Жамбас аймағының ауыруы

Вульвовагинальді құрғау

Сүт бездері аймағының ауыруы

Аменорея

Жалпы сипаттағы бұзылыстар мен препарат енгізілген жердің жағдайы

 

Инъекция орнындағы эритема

Инъекция орнындағы қабыну

Инъекция орнының ауыруы

Пирексия

Дімкәстану

Зертханалық талдаулар және зерттеулер

 

Дене салмағының жоғарылауы

Қан қысымының жоғарылауы

Емдеудің басында, жамбастың ауыруы мен дисменореяны қоса, эндометриоз симптомдары өте жиі ( 10%) өршуі мүмкін, бұл плазмадағы эстрадиол деңгейі мөлшерінің бастапқы өтпелі арту кезеңімен астасады. Бұл симптомдар уақытша болып табылады және әдетте бір немесе екі аптадан кейін жоғалады.

Алғашқы инъекциядан кейін бір ай бойына меноррагияны, метроррагияны қоса, генитальді қан кету дамуы мүмкін.

ГнРГ аналогтарын ұзақ қолдану сүйек массасының төмендеуіне алып келуі мүмкін, бұл остеопороз қаупінің факторы болып табылады.

Қолдануға болмайтын жағдайлар

- трипторелинге немесе гонадотропин-рилизинг гормонның басқа аналогтарына жоғары сезімталдық

- жүктілік, лактация кезеңі

Дәрілермен өзара әрекеттесулері

Трипторелинді гонадотропиндердің гипофизбен секрециялануын өзгертетін басқа препараттармен бірге пайдаланғанда, арнайы сақтық шаралары қолданылуы тиіс, гормондардың деңгейлері мұқият бақылауға алынуы тиіс.

Айрықша нұсқаулар

ГнРГ агонистерін пайдалану сүйек тінінің минералдық тығыздығының (СТМТ) төмендеуіне алып келуі мүмкін. Болжамды мәліметтер, ерлерде бисфосфонаттарды ГнРГ агонистерімен біріктіріп қолдану сүйектердің минералдық тығыздығының жоғалуын азайтуы мүмкін екендігін көрсетеді. Остеопороздың даму қаупінің қосымша факторлары бар (мысалы, алкогольді ұзақ уақыт шамадан тыс пайдалану, шылымқорлар, СТМТ төмендететін препараттармен, мысалы, құрысуға қарсы препараттармен немесе кортикостероидтармен ұзақ уақыт емдеу, остеопороздың отбасылық сыртарқысы, тойып тамақтанбау) науқастарға қатысты ерекше сақтық қажет.

Диферелин® 11,25 мг тағайындалғанға дейін емделуші әйелдің жүкті еместігі расталуы қажет.

Сирек жағдайларда ГнРГ агонистерімен емдеу бұрын белгісіз болған гонадотрофтық гипофиз аденомасының бар екенін анықтап беруі мүмкін. Мұндай емделушілерде кенеттен бас ауыруымен, құсумен, көрудің бұзылуымен және офтальмоплегиямен сипатталатын гипофиз апоплексиясы көрініс беруі мүмкін.

Депрессияны қоса, көңіл-күйдің өзгерістері туралы хабарланған. Емдеу кезінде депрессиясы бар емделушілерді қатаң қадағалау керек.

Диферелин® 11,25 мг бір доза құрамында 1 ммольден аз натрий бар (23 мг), яғни, негізінен, препарат «натрийсіз».

Антикоагулянттарды қабылдап жүрген емделушілерге көңіл бөлу керек, өйткені инъекция орнында гематома пайда болуы мүмкін.

Қуықасты безінің обыры

Бастапқыда, трипторелин, басқа ГнРГ агонистері сияқты, сарысудағы тестостерон деңгейінің қысқа мерзімге артуын туғызады. Соның салдары ретінде, емдеудің алғашқы аптасы ішінде кейде қуықасты безі обырының белгілері мен симптомдарының өтпелі нашарлауының бірлі-жарым жағдайлары дамуы мүмкін. Емдеудің бастапқы сатысында тестостерон деңгейінің бастапқы артуына және клиникалық симптомдарының нашарлауына қарсы әсер етуі үшін қолайлы антиандрогендік препаратты қосымша енгізу қажеттілігін қарастыру керек.

Емделушілердің аздаған бөлігі қуықасты безі обырының белгілері мен симптомдарының уақытша нашарлауын және метастаздық ауырулардың уақытша күшеюін басынан өткеруі мүмкін, оларды симптоматикалық тұрғыдан емдеуге болады.

ГнРГ басқа агонистерімен емдеудегі сияқты, жұлын компрессиясының немесе уретра обструкциясының бірен-саран жағдайлары байқалған. Егер жұлын компрессиясы немесе бүйрек жеткіліксіздігі дамыса, бұл асқынулардың стандартты емі басталуы тиіс, ал аса қажет жағдайларда шұғыл орхиэктомия (хирургиялық кастрация) қажеттілігі қарастырылуы тиіс. Мұқият бақылау емдеудің алғашқы аптасы бойына, әсіресе омыртқадағы метастаздардан зардап шегетін, жұлын компрессиясы қаупі бар емделушілерде, сондай-ақ несеп жолының обструкциясы бар науқастарға көрсетілген. Осы себептен де емдеудің басында жұлын компрессиясы симптомдары болжанған емделушілер айрықша бақылауда болуы тиіс.

Хирургиялық кастрациядан кейін трипторелин қан сарысуындағы тестостерон деңгейінің ары қарай төмендеуін туғызбайды.

Екіжақты орхиэктомиядан кейінгі, немесе ГнРГ аналогтарын қолданғаннан кейінгі ұзаққа созылған андрогендік депривация СТМТ жоғалту қаупінің жоғарылауымен байланысты және остеопороз бен сүйектің сыну қаупінің жоғарылауына алып келуі мүмкін.

Бұдан өзге, эпидемиологиялық мәліметтер бойынша, андрогендік блокада кезінде емделушілерде метаболикалық өзгерістер дамуы (мысалы, глюкозаға толеранттылықтың бұзылуы), жүрек-қантамыр аурулары қаупінің жоғарылауы мүмкін екендігі білінген. Дегенмен, проспективтік мәліметтерден ГнРГ аналогтарымен емдеу мен жүрек-қантамырлық өлім арасындағы байланыстылық расталмаған. Метаболикалық және жүрек-қантамыр ауруларының даму қаупі жоғары емделушілерді емдеудің алдында мұқият тексеру және андрогендік блокадамен емдеу кезінде талапқа сай бақылауға алу керек.

Трипторелинді емдік дозаларда қолдану «гипофиз – жыныс бездері» жүйесінің бәсеңдеуіне алып келеді. Қалыпты функция әдетте емдеуді тоқтатқаннан кейін қалпына келеді. Сондықтан ГнРГ аналогтарымен емдеу кезінде немесе емдеуден кейін жүргізілген диагностикалық «гипофиз – жыныс бездері» жүйесі функциясы тестілерінің нәтижелері қателесуге алып келуі де мүмкін.

Емдеудің басында қышқыл фосфатаза деңгейінің транзиторлық жоғарылауы байқалуы мүмкін.

Плазмадағы тестостерон деңгейіне дәл әдіспен ұдайы тексеру жүргізу пайдалы болуы мүмкін, ол 1 нг/мл аспауы тиіс.

Әйелдерде

Диферелин® 11,25 мг тағайындалғанға дейін емделуші әйелдің жүкті еместігі расталуы қажет.

ГнРГ агонистерін қолдану алты айлық емдеу кезеңі ішінде СТМТ орташа алғанда айына 1%-ға төмендеуін туғызуы мүмкін. СТМТ әр 10%-ға төмендеуі сыну қаупінің екі немесе үш есе артуына алып келеді.

Қазіргі кезде қолда бар мәліметтер әйелдердің көпшілігінде сүйек массасының қалпына келуі емдеу тоқтатылғаннан кейін жүреді деп шамалауға мүмкіндік береді.

Остеопорозы анықталған немесе остеопороздың даму қаупінің факторлары бар (мысалы, алкогольді ұзақ уақыт бойы шамадан тыс пайдалану, шылымқорлар, СТМТ төмендететін препараттармен ұзақ уақыт емдеу, мысалы, құрысуға қарсы препараттар немесе кортикостероидтар, остеопороздың отбасылық сыртартқысы, тойып тамақтанбау, мысалы, нервоз анорексиясы) емделушілер туралы ешқандай нақты мәліметтер жоқ. СТМТ төмендеуі ықтимал болғандықтан, бұл емделушілерде анағұрлым қауіптірек болады, трипторелинмен емдеу мүмкіндігі «пайда/қауіп» арақатынасын мұқият бағалағаннан кейін жекелей қарастырылуы тиіс. СТМТ жоғалтылуына қарсы әрекет ету мақсатындағы қосымша шаралар туралы мәселені қарастыру керек.

Диферелин® 11,25 мг қолдану тұрақты гипогонадотроптық аменореяға алып келеді.

Егер генитальді қан кету емдеудің алғашқы айы өткеннен кейін кездесетін болса, плазмадағы эстрадиол деңгейі өлшенуі тиіс. Егер бұл деңгейі 50 пг/мл төмен болса, болуы мүмкін органикалық зақымдануды анықтап алу қажет.

Етеккір трипторелинмен емдеу кезінде тоқтауы тиіс болғандықтан, емделуші әйелге, егер етеккірдің жүйелілігі сақталатын болса, дәрігерге хабарлауы керектігі туралы нұсқау берілуі тиіс.

Барлық емдеу кезеңі бойына, соңғы инъекциясынан кейінгі бір айды қоса, контрацепцияның гормональді емес әдістерін пайдалану қажет.

Овариальді функция емдеу аяқталғаннан кейін қайта жаңғыртылады, және овуляция соңғы инъекциядан кейін шамамен 5 айдан соң орын алады.

Жүктілік және лактация кезеңі

Жүктілік

Трипторелин жүктілік кезінде пайдаланылмауы тиіс, өйткені, жүктілік кезінде ГнРГ агонистерін пайдалану теориялық тұрғыда аборт немесе ұрық дамуындағы ауытқулар қаупімен байланысты. Емдеу басталғанға дейін фертильді әйелдер жүктіліктің бар-жоқтығын анықтау үшін мұқият тексеруден өткізілуі тиіс. Контрацепцияның гормональді емес әдістерін емдеу кезінде де және етеккір қайта басталғанға дейін де пайдалану керек.

Лактация

Трипторелин бала емізу кезінде пайдаланылмауы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Диферелин® 11,25 мг автокөлік басқару және механизмдермен жұмыс жасау қабілетіне әсеріне ешқандай зерттеу жүргізілген жоқ. Дегенмен, автокөлік басқару және механизмдермен жұмыс жасау қабілеті емдеудің жағымсыз әсерлері немесе негізгі аурудың көріністері болып шығуы мүмкін бас айналуының, ұйқышылдықтың және көру бұзылыстарының нәтижесінде төмендеуі мүмкін.

Артық дозалануы

Артық дозалануы кезінде симптоматикалық ем көрсетіледі

Шығарылу түрі және қаптамасы

Лиофилизат I типті сәл күңгірт гидролитикалық шыныдан жасалған, сыйымдылығы 4 мл, резеңке тығынмен тығындалған және ортасында инеге арналған тесігі бар алюминий қалпақшамен қаусырылған, бірінші ашылуы бақыланатын пластмасса қақпағы бар құтыға салынады.

Еріткішті 1 типті түссіз шыныдан жасалған ампулаға құяды. Ампулада қара түсті сақина бар және кесу сызығының нүктесі – көгілдір түсті.

Препараты бар 1 құты, еріткіші бар 1 ампула, сыйымдылығы 3мл 1 стерильді бір реттік еккіш және өлшемі 0,9 х 40 мм (сары ұштығы бар) 2 стерильді бір реттік ине пішінді ұяшықта қаптамаға салынады.

Бір пішінді ұяшықты қаптаманы қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Қаптамасында көрсетілген жарамдылық мерзімі өткеннен кейін пайдалануға болмайды.

Сақтау мерзімі

3 жыл

Дәріханалардан босатылу шарттары

Рецепт арқылы

Өндіруші

Ипсен Фарма Биотек, Франция

Тіркеу куәлігінің иесі

ИПСЕН Фарма, Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

IPSEN PHARMA (Ипсен Фарма) АҚ ҚР өкілдігі

050040 Алматы қ., Әл-Фараби д-лы, 45, 2 кеңсе

Тел./факс: 8 (727) 2646448, 2646620, 2646715

Электронды поштасы: aigul.ismagulova@ipsen.kz

Прикрепленные файлы

478547751477976674_ru.doc 147 кб
517204931477977837_kz.doc 172 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники