Диполькром

• русский
• қазақша

• Скачать инструкцию медикамента

Саудалық атауы

Диполькром

Халықаралық патенттелмеген атауы

Кромоглиций қышқылы

Дәрілік түрі

20 мг/мл көз тамшы дәрісі

Құрамы

1 мл ерітіндінің құрамында

белсенді зат – 20.0 мг натрий кромогликаты,

қосымша заттар: сорбитол, натрий гидрофосфат додекагидраты, натрий дигидрофосфат моногидраты, динатрий эдетаты, натрий хлориді, бензалконий хлоридінің ерітіндісі, полисорбат 80, тазартылған су

Сипаттамасы

Мөлдір жасылдау сұйықтық.

Фармакотерапиялық тобы

Аллергияға қарсы басқа да препараттар.

АТХ коды S01GX01

Фармакологиялық қасиеттері

Фармакокинетикасы

Натрий кромогликаты конъюнктивальді қапқа оны енгізгеннен кейін шамамен 0,03 %-ға сіңеді. Натрий кромогликатының іздік мөлшері (0,1 %-дан аздау) көздің сулы сұйықтығына өтеді, ол емді аяқтаған сәттен бастап тәулік бойы толығымен шығарылады. Натрия кромогликаты қан ақуыздарымен 57 %-ға байланысады. Оның жартылай шығарылу кезеңі 1,5 сағатқа жуық. Организмде метаболизденбейді, өзгермеген күйде несеппен және өтпен шығарылады.

Фармакодинамикасы

Диполькром – көз тамшы дәрісі, 20 мг/мл ерітінді аллергияға қарсы дәрілік препарат болып табылады. Препарат жуан жасушалар дегрануляциясын және олардан аллергиялық реакциялардың медиаторлары – гистамин мен лейкотриендердің (әсіресе SRS–A) босап шығуын болдырмайды. Әсер ету механизмі жуан жасушалар қабықтарының тұрақтануына және медиаторлардың босап шығуын тежелтетін өзекшелік каналдарды бөгеуге негізделген болуы ықтимал. Натрия кромогликаты ерте және кеш болатын да аллергиялық реакцияларды бөгейді. Препаратты науқастар өте жақсы көтереді, өйткені тамшылардың реакциясы (pH мәні) көз жасы сұйықтығы секілді.

Қолданылуы

- аллергиялық конъюнктивитте (оның ішінде көктемгі және маусымдық)

- кератит

Қолдану тәсілі және дозалары

Сыртқа – жергілікті конъюнктивальді қапқа.

Дәріні тамызар алдында қолды мұқият жуу қажет. Қақпағын ашып, дәріні бір немесе екі көзге де тамызады. Егер дәрі көзге түспесе, тағы бір рет тамызу керек. Дәрінің жақсы сіңуі үшін көзді жұмып, 2 минутқа жуық жыпылықтатпау және ашпау керек. Құтыны тығындау керек.

Ересектерге және 8 жастан асқан балаларға. Конъюнктивальді қапқа тең уақыт аралығын салып, 1-2 тамшыдан тәулігіне 4 рет.

Препаратпен емделуді симптомдар болмаған, аллергенмен қарым-қатынасқа дейінгі уақытта бастап, бүкіл мерзім бойы жалғастырған жөн. Препаратты ұзақ уақыт бойы жүйелі қолдану қажет.

Дәрілік затты қабылдауды өткізіп алған жағдайда, оны неғұрлым жылдам тамызу керек. Содан соң препаратты жүйелі қолдануға оралады.

Емнің дозасын немесе ұзақтығын өзгерту қажеттілігін әрбір нақты жағдайда дәрігер жекелей белгілейді.

Жағымсыз әсерлері

Жергілікті қолданған кезде Диполькромның көтерімділігі жақсы, және де көздің тітіркену симптомдары сирек кездеседі.

Жиі (<1/100)

- қысқа мерзімді ашыту сезімі, көздің жергілікті тітіркенуі, көрудің жылдам өтетін бұлыңғырлануы

Өте сирек (<1/10000)

- аллергиялық реакциялар

Қолдануға болмайтын жағдайлар

- натрий кромогликатқа немесе басқа да препарат компоненттеріне аса жоғары сезімталдық

- 8 жасқа дейінгі балалар

Дәрілермен өзара әрекеттесуі

Өзара әрекеттесу жағдайлары айқындалмаған.

Айрықша нұсқаулар

Тамшылатқыштың ұшына ештеңе тигізуге болмайды, өйткені бұл көз тамшы дәрісін ластауы мүмкін.

Көз тамшыларын тамызар алданда қатты жанаспалы линзаны алу керек, оны препаратты қолданғаннан кейін кем дегенде 15-20 минут өткен соң ғана қайта салуға болады.

Препарат құрамында бензалконий хлориді болғандықтан, препаратты қолдану кезеңінде жұмсақ (гидрофильді) жанаспалы линзаны тақпаған дұрыс. Препаратты тамызар алдында жанаспалы линзаны алу керек және қайта 15 минуттан ерте тағуға болмайды. Бензалконий хлориді көздің тітіркенуін туындатуы мүмкін және жанаспалы линзаның түсін өзгертеді.

Жүктілік және лактация кезеңі

Препаратты әсіресе жүктілік кезінде сақтықпен қолданған жөн. Зерттеу натрий кромогликатының ұрық дамуына әсері жоқ екендігін көрсетіп отыр. Препарат жүкті әйелдерге тек жедел қажеттілік кезінде ғана қолданылуы мүмкін.Натрий кромогликаты емшек сүтіне өтетін-өтпейтіні белгісіз. Алайда, оның физика-химиялық қасиеттері ескеріліп, препараттың емшек сүтіне өту және емшектегі балада жағымсыз әсерлер туғызуы мүмкіндігі аз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Натрий кромогликатының механикалық көлік құралдарын басқаруға, машиналарды пайдалану мен психофизикалық қабілеттілікке жағымсыз әсер етуі байқалмаған. Препаратты тамызғаннан кейін басқа көз тамшы дәрілері жағдайындағыдай көздің қайтатын бұзылуы болуы мүмкін. Көлік жүргізу кезінде сақ болған жөн.

Артық дозалануы

Артық дозалану жағдайлары анықталмаған.

Шығарылу түрі және қаптамасы

5 мл-ден тамшылатқышы кепілдік сақинасы бар қақпақпен жабылған полиэтилен құтыға қапталған.

2 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

25ºС -ден аспайтын температурада сақтау керек. Балалардың қолы жетпейтін жерде сақтау керек.

Сақтау мерзімі

3 жыл

Құтыны алғаш ашқаннан кейінгі қолдану кезеңі – 4 апта.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Варшава фармацевтикалық зауыты Польфа АҚ

Карольков к-сі 22/24, 01-207 Варшава, Польша.

Тіркеу куәлігі иесінің атауы мен елі

Варшава фармацевтикалық зауыты Польфа АҚ, Польша

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Adalan» ЖШС

Тимирязев к-сі 42, 23 павильон, 202 кеңсе, 050057 Алматы

тел. + 727 269 54 59, электронды поштасы reg@adalan.kz