Димедрол (раствор для инъекций, 1%, Химфарм АО)
Инструкция
-
русский
-
қазақша
Саудалық атауы
Димедрол
Халықаралық патенттелмеген атауы
Дифенгидрамин
Дәрілік түрі
Инъекцияға арналған 1%, 1 мл ерітінді
Құрамы
1 мл ерітіндінің құрамында
белсенді зат – 10.0 мг дифенгидрамин гидрохлориді,
қосымша заттар - инъекцияға арналған су, 0.1 М хлорсутек қышқылы
Сипаттамасы
Мөлдір, түссіз немесе сәл боялған сұйықтық
Фармакотерапиялық тобы
Жүйелік әсер ететін антигистаминдік препараттар. Аминоалкильді эфирлер. Дифенгидрамин
АТХ коды R06AA02
Фармакологиялық қасиеттері
Фармакокинетикасы Қан плазмасында ең жоғары концентрацияға 20-40 минуттан соң жетеді (өте жоғары концентрациялар өкпеде, көкбауырда, бүйректерде, бауырда, мида және бұлшықеттерде табылады). Гематоэнцефалдық бөгет арқылы өтеді.
Препарат емшек сүтімен бірге үлкен көлемде шығарылады және емшек жасындағы балаларда тыныштандыратын әсерді туындатуы мүмкін (шамадан тыс қозғыштықты туындататын парадоксальді реакция байқалуы мүмкін).
Қан плазмасы ақуыздарымен 80-85%-ға байланысады.
Бауырда тез және толық дерлік, өкпелерде және бүйректерде ішінара метаболизденеді.
Жартылай шығарылу кезеңі 1-4 сағатты құрайды. Тәулік ішінде бүйректер арқылы глюкурон қышқылымен конъюгацияланған метаболиттер түрінде түгел шығарылады.
Фармакодинамикасы Антигистаминдік, тыныштандыратын және ұйықтататын дәрі. Гистаминдік Н1-рецепторлардың бөгегіші болып табылады. Аллергияға қарсы белсенділігі бар, спазмолитикалық және орташа ганглияны бөгейтін әсері бар. Тыныштандыратын және ұйықтататын әсер тудырады, құсуға қарсы орташа әсер етеді, сондай-ақ антихолинергиялық белсенділігі бар. Препарат организмнің гистаминге реакциясын азайтады, гистаминнің әсерінен болған тегіс бұлшықеттің түйілуін қайтарады, капиллярлардың өткізгіштігін азайтады, гистаминнің әсерінен болған тіндердің ісінуіне жол бермейді, аллергиялық реакцияларды болдырмайды және оны жеңілдетеді.
Ең жоғары әсер ету белсенділігі 1 сағаттан кейін пайда болады, әсер ету ұзақтығы – 4 сағаттан 6 сағатқа дейін.
Қолданылуы
- есекжемде, пішен қызбасында, ангионевроздық ісінуде, аллергиялық конъюнктивитте, вазомоторлы ринитте, геморрагиялық васкулитте, сарысу құю ауруында, қышытатын дерматоздарда
- ұйқының бұзылуында (монотерапия немесе ұйықтататын дәрілермен біріктіріп)
- хореяда, теңіз және ауа ауруларында
- Меньер синдромында
- әртүрлі дәрілік заттарды (соның ішінде антибиотиктерді), ферменттік және басқа да препараттарды, қанды және қанның орнын алмастыратын сұйықтықтарды құюмен байланысты аллергиялық асқынуларда
Қолдану тәсілі және дозалары
Препаратты бұлшықет ішіне және көктамыр ішіне енгізіледі.
Ересектерге және 14 жастан асқан балаларға
Бұлшықет ішіне: 1-5 мл (10-50 мг) 1% ерітінді (10 мг/мл) күніне 1-3 рет; ең жоғары тәуліктік доза - 150 мг (15 мл).
Көктамыр ішіне: 2-4 мл димедролды натрий хлоридінің 75-100 мл изотониялық (0.9%) ерітіндісінде сұйылтқан жөн, көктамыр ішіне тамшылатып енгізеді.
14 жасқа толмаған балалар
Димедролды нәресте өмірінің бір жылына 0.1 мл есебінен тағайындайды, қажет болғанда әрбір 6-8 сағат сайын.
Емдеу курсы – 7 күн, одан ұзағырақ емдеу мәселесін емдеуші дәрігер шешеді.
Жағымсыз әсерлері
Жиі (> 1/100-ден <1/10-ға дейін)
- жалпы әлсіздік, ұйқышылдық, зейіннің нашарлауы, жүріс тұрыстың орнықсыздығы, бас айналу, бас ауыру
- асқазан-ішектік бұзылулар, мысалы, анорексия, жүректің айнуы, құсу, іш тұсының ауыруы, диарея, іш қату
- ауыздың, мұрын қуысының шырышты қабығының құрғауы, көз конъюнктивасының құрғауы, мұрынның бітелуі
Белгісіз
- аса жоғары сезімталдық реакциялары, бөртпені, есекжемді, ангионевроздық ісінуді қоса
- сананың шатасуы, парадоксальді қозу (мысалы, қуаттың ұлғаюы, мазасыздық, күйгелектік) әсіресе егде пациенттерде
- құрысулар, парестезиялар, дискинезиялар
- көрудің анық еместігі, диплопия
- тахикардия, жүректің қағуы, гипотензия - бронх секретінің қоюлануы, ентігу
- несеп шығарудың қиындауы, жиілеуі, несеп шығарудың іркілуі
- балаларда парадоксальді ұйқысыздық, ашушаңдық және эйфория пайда болуы мүмкін
- агранулоцитоз, тромбоцитопения, гемолитикалық анемия
- фотосенсибилизация
Қолдануға болмайтын жағдайлар
- препаратқа жоғары сезімталдық
- жабық бұрышты глаукома
- қуықасты безінің гипертрофиясы
- асқазан мен он екі еліішекті тарылтатын ойық жара - қуық мойнының тарылуы - бронх демікпесі - эпилепсия - жаңа туған және шала туған нәрестелер - жүктілік және лактация кезеңі
Дәрілермен өзара әрекеттесуі
Бір мезгілде қолданғанда димедрол этанолдың және орталық жүйке жүйесін тежейтін басқа да препараттардың (мысалы, транквилизаторлар, ұйықтатқыш препараттар) тыныштандыратын әсерін күшейтеді.
Моноаминоксидаза тежегіштерімен бір мезгілде қолданғанда димедролдың антихолинергиялық белсенділігі күшейеді және ұзарады.
Препаратты МАО тежегіштерімен біріктірмеген жөн, оларды қабылдағаннан кейін 2 апта өткен соң димедролды тағайындау керек.
Психостимуляторлармен бірге тағайындағанда антагонистік өзара әрекеттесу байқалады. Улануды емдеген кезде құстыратын дәрі ретінде апоморфиннің тиімділігін төмендетеді. Холинді бөгегіш белсенділігі бар препараттардың (мысалы, атропин, үшциклдік антидепрессанттар) антихолинергиялық әсерлерін күшейтеді.
Айрықша нұсқаулар
Емделу кезінде күн сәулесінің, УК-сәуленің әсерінен сақтанған жөн, алкогольді қолданудан аулақ болу қажет.
Препаратты, тітіркендіргіш әсері болғандықтан, тері астына енгізбеу керек.
Антигистаминдік басқа препараттармен, соның ішінде жөтелде және салқын тигенде қолданылатын препараттармен бірге тағайындауға болмайды.
Препаратты, жағымсыз әсерлердің туындау қаупінің өте жоғары болуына байланысты, егде жастағы адамдарға абайлап қолданған жөн.
Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері
Тыныштандыратын және ұйықтатқыш әсерлеріне байланысты, димедролды автокөлікті басқару немесе қауіптілігі зор механизмдермен жұмыс жасау кезінде тағайындамаған жөн.
Артық дозалануы
Симптомдары: ауыз ішінің құрғауы, тыныстың тарылуы, тұрақты мидриаз, беттің қызаруы, орталық жүйке жүйесінің тежелуі немесе қозуы (көбіне балаларда), сананың шатасуы; балаларда құрысудың пайда болуы және өліммен аяқталу.
Емі: құсуды индукциялау, асқазанды шаю, белсенділендірілген көмір тағайындау, симптоматикалық және демеуші ем, тынысты және артериялық қысымды бақылау. Өзіне тән арнайы у қайтарғысы жоқ.
Шығарылу түрі және қаптамасы
Нүктесі немесе сындыру сақинасы бар бейтарап шыны толтырылатын еккішпен ампулаларға 1 мл-ден құылған.
Әрбір ампулаға заттаңбалық немесе жазатын қағаздан жасалған заттаңба жапсырылған.
Поливинилхлоридті үлбірден және алюминий фольгадан жасалған пішінді ұяшықты қаптамаға 5 немесе 10 ампуладан салынған.
Пішінді ұяшықты қаптама медициналық қолдану жөніндегі мемлекеттік және орыс тілдерінде бекітілген нұсқаулықпен бірге тұтынушылар ыдысына арналған және гофрланған картоннан жасалған қорапқа салынған.
Сақтау шарттары
Жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецепт арқылы
Өндіруші
«Химфарм» АҚ, Қазақстан Республикасы,
Шымкент қ-сы, Рашидов к-сі,
Тіркеу куәлігінің иесі
«Химфарм» АҚ, Қазақстан Республикасы
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«Химфарм» АҚ, Қазақстан Республикасы,
Шымкент қаласы, Рашидов көшесі, 81,
Телефон номері 7252 (561342)
Факс нөмірі 7252 (561342)
электронды поштасы: infomed@santo.kz