Димедрол

Димедрол

Дифенгидрамин

Дәрілік түрі, дозалануы

Инъекцияға арналған 1% ерітінді, 1 мл

Респираторлық жүйе. Жүйелі әсер ететін антигистаминдік препараттар. Аминоалкильдік эфирлер. Дифенгидрамин.

АТХ коды R06AA02

Препарат төмендегі ауруларда кешенді ем құрамында қолданылады:

• анафилаксиялық шокта, есекжемде, пішен қызбасында, Квинке ісінуінде, аллергиялық конъюнктивитте және көздің аллергиялық ауруларында, дәрілік заттарды қабылдаумен байланысты аллергиялық реакцияларда

• геморрагиялық васкулитте (капиллярлық токсикоз)

• сарысу құю ауруында

• қышынатын дерматоздарда, қышынуда

• хореяда

• Меньер ауруында

• полиморфты экссудативті эритемада

• операциядан кейін болатын құсуда

Қолдануды бастағанға дейін қажетті мәліметтер тізбесі

• әсер ететін затқа (заттарға) немесе қосымша заттардың кез келгеніне аса жоғары сезімталдық

• жабық бұрышты глаукома

• қуық асты безінің гиперплазиясы

• асқазан және он екі елі ішектің стеноздалған ойық жаралы ауруы

• қуық мойнының стенозы

• эпилепсия

• бронх демікпесінің ұстамасы

• феохромоцитома

• туа біткен ұзарған QT-синдромы немесе препараттарды QT-аралығын ұзартуы мүмкін ұзақ қабылдау

• брадикардия

• жүрек ырғағының бұзылуы

• порфирия

• жүктілік, лактация кезеңі

Қолдану кезінде қажетті сақтық шаралары

Тері астына енгізуге болмайды. Димедролдың атропин тәріздес әсері болғандықтан, анамнезде таяуда респираторлық аурулары болған (демікпені қоса) пациенттерге, жоғары көзішілік қысым, гипертиреоз, жүрек-қантамыр жүйесі аурулары, артериялық гипотензия кезінде оны сақтықпен қолдану керек. Өкпенің обструкциялық аурулары, ауыр жүрек-қантамыр жүйесі аурулары, илеус ағымын, өт жолдары обструкциясы кезінде жағдайды нашарлатуы мүмкін. Димедрол мәңгіруді туындатуы, сондай-ақ артық дозалану кезінде қозу және елестеулер, құрысуларға түрткі болуы мүмкін. Бас айналу, седация және артериялық гипотензияның даму ықтималдығына байланысты 60 жастағы пациенттерден бастап сақтықпен қолдану керек.

Бауыр және бүйрек функциясы бұзылған пациенттерге сақтықпен тағайындау керек.

Емдеу кезінде УК-сәулелену мен алкоголь қабылдаудан аулақ болған жөн. Науқастар дәрігерге осы препаратты қолданғаны туралы мәлімдеулері қажет: құсуға қарсы әсері аппендицитті диагностикалауды және басқа да дәрілік заттармен артық дозалану симптомдарын тануды қиындатуы мүмкін.

Басқа дәрілік препараттармен өзара әрекеттесуі

Димедрол наркозға арналған дәрілердің, ұйықтататын, тыныштандыратын дәрілердің, есірткілік анальгетиктер мен жергілікті анестетиктердің әсерін күшейтеді. Үшциклді антидепрессанттармен қолданғанда орталық жүйке жүйесіне холиноблокаторлық және бәсеңдететін әсері күшеюі мүмкін. Аналептиктермен бірге қолданған кезде құрысулар дамуы мүмкін.

Моноаминооксидазы (МАО) тежегіштері мен димедролды бір мезгілде қолдану артериялық қысымды жоғарылатуы, сондай-ақ орталық жүйке және тыныс алу жүйелеріне әсер етуі мүмкін. Димедролды гипотензиялық препараттармен бірге қолдану шаршау сезімін күшейтуі ықтимал. Препарат этанолдың әсерін күшейтеді, улануды емдеген кезде құсуға қарсы дәрі ретінде апоморфиннің тиімділігін төмендетеді. Құрамында Димедрол бар, оның ішінде жергілікті қолдануға арналған препараттармен бір мезгілде тағайындамаған жөн.

Үйлесімсіздігі. Бір ыдыста басқа дәрілік заттармен араластыруға болмайды. Тек қана ұсынылатын еріткішті пайдалану керек.

Арнайы ескертулер

Жүктілік немесе лактация кезінде

Димедрол жүктілік және емшек емізу кезеңінде қарсы көрсетілген, себебі оны қолданудың қауіпсіздігі мен тиімділігіне қатысты баламалы деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Димедролдың тыныштандыратын және ұйықтататын әсері болғандықтан, препаратпен емдеу кезінде жоғары зейін қою мен психомоторлық реакциялар жылдамдығын талап ететін қызметтің ықтималдығы зор қауіпті түрлерімен айналысудан тартына тұрған жөн.

Қолдану жөніндегі нұсқаулар

Дозалау режимі

Бұлшықет ішіне енгізген кезде бір реттік доза 10 - 50 мг (1-5 мл), ең жоғары бір реттік дозасы - 50 мг (5 мл), ең жоғары тәуліктік дозасы - 150 мг (15 мл) құрайды.Препаратты 100 мл 0,9 % натрий хлориді ерітіндісінде 20 - 50 мг (2-5 мл) дозада вена ішіне тамшылатып енгізеді.

Енгізу әдісі және жолы

Препаратты ересектерге бұлшықет ішіне және вена ішіне тамшылатып тағайындайды. Тітіркендіретін әсеріне байланысты препаратты тері астына енгізбейді.

Емдеу ұзақтығы

Емдеу ұзақтығы қол жеткен әсері мен препараттың көтерімділігіне байланысты болады.

Пациенттердің ерекше топтары

Балалар

Препаратты педиатриялық тәжірибеде қолданбайды.

Артық дозалану жағдайында қабылдануы қажеті шаралар

Симптомдары: ауыздың құрғауы, тыныс алудың бәсеңдеуі, тұрақты мидриаз, беттің қызаруы, орталық жүйке жүйесінің бәсеңдеуі немесе қозуы, депрессия, сананың шатасуы, гиперкинезия, құрысулар, сандырақтау, тахикардия, аритмия. Димедрол артық дозаланғаннан кейін рабдомиолиздың даму жағдайы сипатталған.

Емі: тыныс алу функциясын және артериялық қысымды мұқият бақылау арқылы симптоматикалық және демеуші ем жүргізу. Эпинефрин және аналептиктер қабылдауға болмайды. Плазма алмастырғыш сұйықтықтарды вена ішіне тамшылатып енгізу, оксигенотерапия. Егер антихолинергиялық симптомдары күшейе түссе, дифенгидрамин гидрохлоридінің артық дозалануы кезінде антидот ретінде бірнеше рет физостигмин (вена ішіне, 0,02-0,06 мг/кг дене салмағына) тағайындалуы мүмкін. Физостигминнің артық дозалануы жағдайында атропин енгізу ұсынылады. Құрысулар және ОЖЖ қозу симптомдары дамуында диазепам парентеральді енгізіледі.

Дәрілік препараттың бір немесе бірнеше дозасын жіберіп алғанда қажетті шаралар

Егер сіз дозаны қабылдауды ұмытсаңыз, келесі дозаларын сіздің дәрігер ұсынған емдеу режиміне сәйкес қабылдаңыз. Одан әрі қарай препаратты дәрігердің нұсқауларына сәйкес қабылдауды жалғастырыңыз. Жіберіп алған дозаның орнын толтыру үшін қосарлы дозаны қабылдамаңыз.

Тоқтату симптомдарының болу қаупіне нұсқау

Деректер жоқ.

Дәрілік препаратты қабылдаудан бұрын дәрігерге немесе фармацевтке қаралыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болғанда)

Жағымсыз құбылыстар жүйелік-ағзалық класстар және жиілігі мынадай жіктеме бойынша көрсетілген: өте жиі (≥ 1/10), жиі (≥ 1/100 <1/10 дейін), жиі емес (≥1/1000 <1/100 дейін), сирек (≥1/10,000 <1/1000 дейін), өте сирек (<1/10,000), жиілігі белгісіз (жиілігі белгісіз жағымсыз реакциялар, себебі қолда бар деректердің негізінде бағалау мүмкін емес).

жиілігі белгісіз

- жалпы әлсіздік, шаршағыштық, тыныштандыратын әсері, зейіннің төмендеуі, бас айналу, ұйқышылдық, бас ауыру, қозғалыс үйлесімділігінің бұзылуы, психомоторлық реакциялар жылдамдығының төмендеуі, мазасыздық, жоғары қозғыштық, өлім қорқынышы, ашушаңдық, күйгелектік, ұйқысыздық, эйфория, сананың шатасуы, тремор, неврит, құрысулар, парестезия, қарашықтың кеңеюі, көзішілік қысымның жоғарылауы, көрудің бұзылуы, диплопия, жедел лабиринтит, құлақтың шуылдауы. Мидың жергілікті зақымдануы немесе эпилепсиясы бар науқастарда (тіпті төмен дозасын қолданған кезде) ЭЭГ-дағы құрысу разрядтары белсендіріледі және препарат эпилепсия ұстамасына түрткі болуы мүмкін.

жиілігі белгісіз

- артериялық гипотензия, жүрек соғысын сезіну, тахикардия, экстрасистолия.

жиілігі белгісіз

- агранулоцитоз, тромбоцитопения, гемолиздік анемия.

жиілігі белгісіз

• ауыздың құрғауы, ауыз қуысы шырышты қабығының қысқа мерзімді жансыздануы, анорексия, жүрек айну, эпигастрий аймағының ауыруы, құсу, диарея, іш қату.

жиілігі белгісіз

- несеп шығарудың жиілеуі және/немесе қиындауы, несеп шығарудың іркілуі, уақытынан ерте басталған етеккір.

жиілігі белгісіз

- мұрын және тамақ шырышты қабығының құрғауы, мұрынның бітелуі, бронх секретінің қоюлануы, кеуде қуысының қысылуын сезіну, тыныс алудың қиындауы, ентігу.

жиілігі белгісіз

- гиперемия, қышыну, полиморфты бөртулер, тері және шырышты қабық цианозы.

жиілігі белгісіз

- бөртпе, есекжем, анафилаксиялық шок, тері астына және тері ішіне енгізгенде жергілікті некроздар.

жиілігі белгісіз

- қатты терлеу, қалтырау, қызба, гипертермиялық синдром, фотосенсибилизация.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл ерітіндінің құрамында

белсенді зат - 100 % затқа шаққанда 10 мг дифенгидрамин гидрохлориді,

қосымша зат - инъекцияға арналған су.

Сыртқы түрінің, иісінің, дәмінің сипаттамасы

Мөлдір түссіз сұйықтық.

Шығарылу түрі және қаптамасы

1 мл-ден шыны ампулада.

10 ампуладан медициналық қолдану жөніндегі қазақ және орыс тілдеріндегі нұсқаулықпен және ампула скарификаторымен бірге картон қорапқа салынады.

5 ампуладан поливинилхлоридті үлбірден жасалған пішінді ұяшықты қаптамаға немесе поливинилхлоридті үлбірден және лакталған баспалы алюминий фольгадан жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен және ампула скарификаторымен бірге картон қорапқа салынады.

10 ампуладан поливинилхлоридті үлбірден жасалған пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен және ампула скарификаторымен бірге картон қорапқа салынады.

Сақинасы немесе сындыру нүктесі мен кертігі бар ампулаларындағы препаратты қаптаған кезде ампула скарификаторын салмауға болады.

4 жыл.

Түпнұсқалық қаптамасында 25° С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәлімет

«Здоровье» Фармацевтикалық компаниясы» Жауапкершілігі шектеулі қоғамы.

Заңды мекенжайы: Украина, 61013, Харьков обл., Харьков қаласы, Шевченко көшесі, 22-үй.

Нақты мекенжайы: Украина, 61013, Харьков обл., Харьков қаласы, Шевченко көшесі, 22-үй.

Тел: (057)757-07-77

факс: (057)714-96-20

Электронды поштасы: office@zt.com.ua

Тіркеу куәлігінің ұстаушысы

«Здоровье народу» Харьков фармацевтикалық кәсіпорны» Жауапкершілігі шектеулі қоғамы.

Заңды мекенжайы: Украина, 61013, Харьков обл., Харьков қаласы, Киев ауданы, Шевченко көшесі, 22-үй.

Нақты мекенжайы: Украина, 61013, Харьков обл., Харьков қаласы, Шевченко көшесі, 22-үй.

Тел: (057)717-41-09

факс: (057)717-41-09

Электронды поштасы: office@zn.kharkov.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фарм-Евро» ЖШС

050039, Қазақстан Республикасы, Алматы қ., Майлин к-сі, 72-үй, 34-пәтер.

Тел.: 8(727) 271-10-17

E-mail: farmevro@mail.ru