Дикло-Ф
Инструкция
-
русский
-
қазақша
Саудалық атауы
Дикло-Ф
Халықаралық патенттелмеген атауы
Диклофенак
Дәрілік түрі
Көз тамшы дәрісі 0,1% 5 мл
Құрамы
1 мл препараттың құрамында:
белсенді зат: 1, 0 мг натрий диклофенагы,
қосымша заттар: бензалконий хлориді, динатрий эдетаты, бор қышқылы, трометамин, полиоксил 35 майсана майы, повидон, натрий гидроксиді, хлорлы сутек қышқылы, инъекцияға арналған су.
Сипаттамасы
Түссізден ашық сары түске дейінгі мөлдір ерітінді
Фармакотерапиялық тобы
Көз ауруларын емдеуге арналған препараттар.
Қабынуға қарсы стероидты емес препараттар. Диклофенак.
АТХ коды S01ВС03
Фармакологиялық қасиеттері
Фармакокинетикасы
Көз тамшы дәрісін тамызғанда диклофенак жүйелік қан ағымына сіңеді. Алайда дәрілік заттың қандағы концентрациясы табылу шегінен едәуір төмен және клиникалық маңызы жоқ.
Фармакодинамикасы
Дикло-Ф қабынуға қарсы, ауыруды басатын және ыстықты түсіретін әсері бар. Әсер ету механизмі 1 және 2 циклооксигеназа белсенділігінің іріктелмей тежелуімен жүзеге асады, бұл қабыну ошағында простагландиндердің синтезін төмендетеді.
Көз тамшы дәрісін 0,1% ерітінді түрінде қолданған кезде диклофенак жұқпаның, жарақаттың немесе хирургиялық операцияның нәтижесінде пайда болатын қабынуды азайтады; хирургиялық операцияларда миозды азайтады, алдыңғы камераның ылғалына простагландиндер синтезін төмендетеді.
Қолданылуы
-
катарактаға байланысты жасалған операция кезінде миозды тежеуде
-
көз алмасына хирургиялық араласымнан кейінгі қабыну үдерістерін емдеуде және алдын алуда
-
катарактаға байланысты жасалған операциядан кейін макуланың кистозды ісінуінің алдын алуда
-
жұқпалы емес конъюнктивитті емдеуде
-
көз алмасының ішке кірген және кірмеген жарақаты кезінде жарақаттан кейін болатын қабыну үдерісін емдеуде және алдын алуда (жергілікті бактерияға қарсы емге қосымша ретінде).
Қолдану тәсілі және дозалары
Жергілікті. Интраоперациялық миозды тежеу үшін препаратты конъюнктивальді қапқа 2 сағат бойы 30 минуттық аралықпен (4 рет) тамызады.
Макуланың кистозды ісінуінің алдын алу үшін препаратты операциядан кейін 2 апта бойы 1 тамшыдан күніне 3-4 рет тамызады.
Басқа да көрсетілімдер: жағдайдың ауырлығына байланысты 1 тамшыдан тәулігіне 3-4 рет. Емдеу курсы офтальмолог дәрігердің бақылауымен 1 аптадан 2 аптаға дейін жалғастырылуы мүмкін.
Жағымсыз әсерлері
-
көзді шымылдатып ашыту
-
көру қабілетінің айқын болмауы (тамызғаннан кейін)
-
мөлдір қабықтың бұлдырауы (көзге ақ түсу)
-
ирит
-
көздің қышуы, бет гипермиясы, қызба, қалтырау, фотосенсибилизация, тері бөртпесі (негізінен эритематозды, есекжем), мультиформалы экссудативті эритема, беттің ангионевротикалық ісінуі
-
жүрек айну, құсу
Қолдануға болмайтын жағдайлар
-
препараттың әсер етуші затына немесе басқа да қосымша ингредиенттерге аса жоғары сезімталдық
-
ацетилсалицил қышқылына немесе басқа да ҚҚСП-ға аса жоғары сезімталдық («аспиринді триада» - бронх демікпесі, мұрын немесе мұрын маңы қуысының қайталанатын полипозы және ацетилсалицил қышқылын көтере алмаушылықтың бірігуі)
-
жүктілік және лактация кезеңі
-
8 жасқа дейінгі балаларға
Дәрілермен өзара әрекеттесуі
Препарат әсері тікелей емес антикоагулянттардың әсерін күшейтуі мүмкін. Осы препаратты дифлунизалмен (асқазан-ішек жолынан қан кетудің дамуы мүмкін болғандықтан) және үлкен дозалардағы (күніне 3 г және одан көп) ацетилсалицил қышқылын қосқанда, басқа да ҚҚСП-мен бір мезгілде қолданбаған жөн.
Литий, дигитоксин препараттарымен, тікелей емес антикоагулянттармен бірге қолданғанда олардың әсерлерінің күшеюіне әкеп соқтырады.
Қажет болған кезде басқа да көз тамшыларымен, оның ішінде құрамында глюкокортикостероидтары бар дәрілермен бір мезгілде қолдануға болады. Мұндай кезде әсер етуші заттарды кейінгі дозалардың шайылып кетуіне жол бермес үшін апликациялар арасындағы үзіліс 5 минуттан кем болмауы тиіс.
Айрықша нұсқаулар
Жанаспалы линзаларды қолданып жүрген емделушілер линзаны көзден алған соң 5 минуттан кейін ғана препаратты қолдануы тиіс және препаратты тамызғаннан соң 15 минуттан кейін қайта тағуға болады.
Әр пайдаланудан кейін құтыны жауып қою қажет. Тамшуыр ұшын көзге тигізіп алмаған жөн.
Әр түрлі тамшыларды қолдану арасындағы үзіліс 5 минут.
Сақтықпен
Эпителиальді герпестік кератитте (оның ішінде сыртартқысында); қанның ұюын бұзатын ауруларда (оның ішінде гемофилия, қан кету уақытының ұзаруы, қан кетуге бейімділік); егде жаста және балаларда.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Көзінің анық көруі көз тамшы дәрісі аппликациясынан кейін уақытша нашарлайтын емделушілерге машина жүргізуге немесе күрделі техникамен, станокпен немесе препаратты тамызғаннан кейін бірден анық көруді қажет ететін басқа да жабдықтармен жұмыс істеуге болмайды.
Артық дозалануы
Симптомдары: жағымсыз әсерлерінің күшеюі
Емі: симптоматикалық.
Шығарылу түрі және қаптамасы
Көз тамшы дәрісі 0,1%
5 мл препараттан пластик тамшылатқыш-құтыда.
1 тамшылатқыш құтыдан ішінде құтыны ашуға арналған құрылғысы болатын бұрандалы қақпақшасымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
Жарықтан қорғалған жерде, 30оС-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейінгі қолданылу кезеңі 1 ай.
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
СЕНТИСС ФАРМА ПВТ. ЛТД.
212/Д-1, Грин Парк, Нью Дели, Үндістан
Зауытта: Виллидж Кхера Нихла, Техсил Налагарх, р-н Солан, Химачал Прадеш 174 101, Үндістан
Тіркеу куәлігі иесінің атауы мен елі
СЕНТИСС ФАРМА ПВТ. ЛТД., Үндістан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
Қазақстан Республикасы, 050000, Алматы қ., Бөгенбай батыр к-сі 132, 309 кеңсе
Тел./факс: +7 (7272) 96-45-99
Email: sentiss_kz@land.ru