Диклоген (гель 1%)
Инструкция
-
русский
-
қазақша
Саудалық атауы
Диклоген
Халықаралық патенттелмеген атауы
Диклофенак
Дәрілік түрі
Сыртқа қолдануға арналған 1% гель
Құрамы
1 г гельдің құрамында
белсенді зат – 11,6 мг диэтиламин диклофенагы (10 мг натрий диклофенагына баламалы) бар
қосымша заттар: хлоркрезол, ашық сұйық парафин, триэтаноламин, карбомер 940, динатрий эдетаты, бензил спирті, сусыз натрий сульфиті, пропиленгликоль, полисорбат 80, жабайы лаванда, изопропил спирті, тазартылған су.
Сипаттамасы
Спецификалық иісі бар ақ түсті дерлік жартылай мөлдір гель.
Фармакотерапиялық тобы
Жергілікті қолдануға арналған қабынуға қарсы стероидты емес препараттар. Диклофенак.
АТХ коды М02АА15
Фармакологиялық қасиеттері
Фармакокинетикасы
Препаратты жергілікті қолданған кезде диклофенактың сіңуі 6% - дан аспайды. Препаратты жергілікті қолданған кезде диклофенак 99,7%-ға сарысудың протеиндерімен және негізінен альбуминмен (99,4 %) байланысады. Диклофенактың жартылай шығарылу кезеңі – 1-2 сағатты құрайды, көбінесе несеппен шығарылады.
Фармакодинамикасы
ҚҚСП, фенилсірке қышқылының туындылары қабынуға қарсы және ауруды басатын әсер береді. 1 және 2 типті циклооксигеназаны іріктемей бәсеңдете отырып, арахидон қышқылының метаболизмін бұзады.
Диклоген қабыну үдерісімен байланысты ауыру синдромын қайтаруға және ісінуді азайтуға пайдаланылады.
Қолданылуы
Сіңірлер, байламдар, бұлшықет және буындардың жарақаттан болған қабынуларында ( созылудың нәтижесінде, күш түскенде және соғылғанда).
Мыналарда кешенді ем құрамында:
- ревматоидты артрит, псориазды артрит
- ювенильді созылмалы артрит
- подагралық артрит
- шорбуынданатын спондилит
- жұмсақ тіндердің ревматикалық зақымдануы
Қолдану тәсілі және дозалары
Тек сыртқа қолдануға арналған!
Диклоген гелі ересектерде және 12 жастан бастап балаларда қолданылады. Ауыратын аумақтың ауданына байланысты 2-4 г (грек жаңғағы немесе шие көлеміндей), зақымданған бөлікке тәулігіне 3-4 рет жағып, абайлап ысқылайды (әсерін күшейту үшін диклофенактың басқа дәрілік түрлерімен бірге қолдануға болады); жаққаннан кейін қолды жуу керек. Емдеу ұзақтығы 6-7 күн.
Жағымсыз әсерлері
-қышыну, тері гиперемиясы, бөртпе, шымылдатып ашыту
-ұзақ қолданғанда – жайылған тері бөртпесі, бронхтың түйілуі, ангионевротикалық ісіну, фотосенсибилизация.
Қолдануға болмайтын жағдайлар
- препаратқа өте жоғары сезімталдық
-АІЖ эрозивті-ойық жаралы зақымдануы (өршу сатысында)
-«аспириндік» бронх демікпесі
-қан түзілуінің бұзылуы
-жүктілік, лактация кезеңі
-12 жасқа дейінгі балаларға
-тері жабыны тұтастығының бұзылуы
Сақтықпен: индукцияланатын жедел бауыр порфириясы, бауыр және бүйрек қызметінің ауыр бұзылулары, жүрек жеткіліксіздігі, бронх демікпесі, егде жаста.
Дәрілермен өзара әрекеттесуі
Диклофенак фотосенсибилизация туындататын препараттардың әсерін күшейтуі мүмкін.
Айрықша нұсқаулар
Терінің тек зақымданбаған бөліктеріне жағады. Жаққаннан кейін окклюзионды таңғыш салуға болмайды.
Ұзақ уақыт бойы тері беткейінің үлкен аумағына жаққанда жүйелі жағымсыз әсерлерінің даму қаупі артады. Препараттың көзге, шырышты қабықтарға немесе ашық жараларға түсіп кетуінен сақтану керек.
Препараттың көлік құралын немесе қауіптілігі зор механизмдерді басқару қабілетіне әсері
Әсер етпейді.
Артық дозалануы
Анықталмаған
Шығарылу түрі және қаптамасы
30 г препарат алюминий сықпаға салынған.
1 сықпадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынады.
Сақтау шарттары
Құрғақ, жарықтан қорғалған жерде, 25°С – ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
Аджио Фармацевтикалз Лтд, Үндістан
A—38, Нандижиот Индастриал Эстайт, Сафедпул, Курла-Андхери Роад, Мумбай- 400 072
Тел: +91-22-28518206/ 42319000
Факс: +91-22-28518204
regulatory@agio-pharma.com
Тіркеу куәлігінің иесі
Аджио Фармацевтикалз Лтд
Қазақстан Республикасы аумағында тұтынушылардан өнімнің сапасы жөніндегі шағымдарды қабылдайтын ұйымның мекенжайы:
Аджио Фармацевтикалз Лимитед өкілдігі
Алматы қ-сы, Шевченко к-сі, 118 үй, 228 кеңсе
тел: +7(727)2240402
regulatory@agio-pharma.com