Диазолин®

• русский
• қазақша

• Скачать инструкцию медикамента

Саудалық атауы

Диазолин

Халықаралық патенттелмеген атауы

Мебгидролин

Дәрілік түрі

0,1 г таблеткалар

Құрамы

Бір таблетканың құрамында

белсенді зат: 100 % затқа шаққанда мебгидролин – 0,1 г;

қосымша заттар: лактоза моногидраты, картоп крахмалы, повидон, сахароза, кальций стеараты.

Сипаттамасы

Дөңгелек пішінді, тегіс беткейлі, сызығы және ойығы бар, ақ немесе ақ дерлік түсті таблеткалар.

Фармакотерапиялық тобы

Жүйелі қолдануға арналған антигистаминді дәрілер.

Мебгидролин.

АТХ коды R06AX15

Фармакологиялық қасиеттері

Фармакокинетикасы

Ас қорыту жолынан жылдам сіңеді. Биожетімділігі 40-60% шамасында ауытқып тұрады. Емдік әсері 15-30 минут өткен соң дамиды, ең жоғары әсері 1-2 сағаттан кейін байқалады. Әсер ету ұзақтығы 2 тәулікке дейін жетуі мүмкін. Препарат гематоэнцефалдық бөгет арқылы мүлдем дерлік өтпейді, метилдену жолымен бауырда метаболизденеді, бауырдың ферменттерін индукциялайды, организмнен бүйрекпен шығарылады.

Фармакодинамикасы

Мебгидролин антигистаминді препараттарға жатады, гистаминнің Н1- рецепторларының бөгегіші болып табылады. Мебгидролин бронх, ішек тегіс бұлшықеттеріне қатысты гистаминнің спазмогенді әсерін, сондай-ақ оның тамырлар өткізгіштігіне әсерін бәсеңдетеді. Бірінші буынның антигистаминді препараттарынан (димедрол, супрастин және т.б.) айырмашылығы тыныштандыратын және ұйықтататын әсерінің айқындылығы аздау. Әлсіз білінетін м-холин бөгегіштік және жансыздандырғыш қасиеттері бар.

Қолданылуы

- маусымдық және аллергиялық риниттің алдын алуда және емдеуде

- поллинозда

- есекжемде

- тағамға және дәріге аллергияда

- жәндік шаққаннан кейін болатын тері реакцияларында

- терінің қышынуымен қатар жүретін дерматоздарда (экзема, нейродермит)

Қолдану тәсілі және дозалары

Ересектер және 6 жастан бастап балаларға ішке қолданылады. Ересектер мен 12 жастан асқан балаларға 100-200 мг-ден тәулігіне 1 – 2 рет тағайындайды. Ең жоғары бір реттік дозасы – 300 мг, ең жоғары тәуліктік дозасы – 600 мг.

Балаларға 6 жастан бастап - 50 мг-ден тәулігіне 1 – 3 рет.

Емдеу ұзақтығын препараттың клиникалық әсері мен жағымдылығына байланысты дәрігер белгілейді.

Жағымсыз әсерлері

- қыжыл, жүрек айну, эпигастрий аумағының ауыруы және т.б.

- ауыздың құрғауы

- несеп шығарудың бұзылуы

- аллергиялық реакциялар

- бас айналу, парестезиялар, қатты шаршағыштық, ұйқышылдық, анық көрмеу, реакция жылдамдығының баяулауы, діріл, үрейлену (түнде)

Сирек

- гранулоцитопения және агранулоцитоз

Балаларда кейде парадоксальді реакциялар байқалады: жоғары қозғыштық, діріл, ұйқының бұзылуы.

Тіркеуден кейінгі кезеңде бірлі-жарым жағдайларда мынадай жағымсыз реакциялар байқалған: бас ауыру, қышыну, бөрту, есекжем, Квинке ісінуі.

Қолдануға болмайтын жағдайлар

- препарат компоненттеріне аса жоғары сезімталдық

- өршу кезеңіндегі асқазан мен он екі елі ішек ойық-жара ауруы, асқазан-ішек жолының қабыну аурулары

- пилоростеноз

- қуық асты безі гиперплазиясы

- жабық бұрышты глаукома

- эпилепсия

- жүрек ырғағының бұзылуы

- жүктілік және лактация кезеңі

- 6 жасқа дейінгі балалар

Дәрілермен өзара әрекеттесуі

Диазолин ұйықтататын, тыныштандыратын және орталық жүйке жүйесін басатын, басқа да препараттардың, сондай-ақ алкогольдің әсерін күшейтеді.

Айрықша нұсқаулар

Диазолинді бауыр және/немесе бүйректің ауыр жеткіліксіздігі кезінде сақтықпен тағайындалады.

Диазолинмен емдеу кезінде алкоголь ішімдіктерін қабылдауға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолданғанда зейін шоғырландыруды қажет ететін автокөлік жүргізу және басқа да қауіптілігі зор қызмет түрлерімен айналыспаған дұрыс.

Артық дозалануы

Препаратпен артық дозаланған кезде тиісті бөлімде сипатталғандай жағымсыз әсерлердің туындау қаупі артады.

Емі: препаратты қабылдауды тоқтатып, симптоматикалық ем, қажет болған жағдайда – жалпы уытсыздандыру шаралары жүргізіледі (асқазанды шаю, қарқынды диурез).

Шығарылу түрі және қаптамасы

10 таблеткадан түссіз немесе жарықтан қорғайтын түрлі-түсті поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

“Фармак” ЖАҚ, Украина, 04080, Киев қ., Фрунзе к-сі, 63.

Тіркеу куәлігінің иесі

“Фармак” ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасы, 050009 Алматы қ., Абай к-сі 157, 5 кеңсе

Тел/факс: +7 (727) 250 66 23, электронды поштасы: Djatlova88@mail.ru