Диаглизид MR (30 мг)

• русский
• қазақша

• Скачать инструкцию медикамента

Саудалық атауы

Диаглизид MR

Халықаралық патенттелмеген атауы

Гликлазид

Дәрілік түрі

Босап шығуы өзгертілген таблеткалар, 30 мг

Құрамы

1 таблетканың құрамында

белсенді зат: 30 мг гликлазид,

Сипаттамасы

Дөңгелек пішінді, беті тегіс, жиегі кертілген және сызығы бар немесе сызығы жоқ, ақ немесе сәл сарғыш реңді ақ түсті таблеткалар. Мәрмәрлі болуына жол беріледі.

Фармакотерапиялық тобы

Қант диабетін емдеуге арналған дәрілер. Пероральді түрде қабылдауға арналған, қантты төмендететін препараттар. Сульфанилмочевина туындылары. Гликлазид

АТX коды А10В В09

Фармакологиялық қасиеттері

Фармакокинетикасы

Ішке қабылдағаннан кейін гликлазид асқазан-ішек жолында толық сіңеді. Ас қабылдау оның сіңу жылдамдығына және дәрежесіне ықпалын тигізбейді. Босап шығуы өзгертілген таблеткаларды қабылдағаннан кейін гликлазидтің концентрациясы алғашқы 6 сағат бойы үдеп өседі, содан кейін тұрақты деңгейге жетеді, ол 6 сағаттан 12 сағатқа дейін сақталады. Емделушілердегі фармакокинетикасының жекелей айырмашылығы болар-болмас. Гликлазидтің қан плазмасы ақуыздарымен байланысуы 95%-ға жетеді. Гликлазид көбіне бауырда метаболизденеді және бүйректер арқылы белсенді емес метаболиттер түрінде шығарылады. Гликлазидтің организмнен жартылай шығарылу кезеңі шамамен 16 сағатты құрайды. Егде жастағы адамдарда, жас адамдармен салыстырғанда, фармакокинетикалық параметрлерінде елеулі айырмашылықтар байқалмады. 30 мг таблетка гликлазидтің босап шығуы өзгертілген, бір реттік тәуліктік дозасы қан плазмасында препараттың тиімді концентрациясының 24 сағат бойы сақталуын қамтамасыз етеді.

Фармакодинамикасы

Гликлазид сульфанилмочевина туындысы болып табылады және екінші генерациядағы синтетикалық пероральді гипогликемиялық препараттарға жатады, ол ұйқы безінің β-жасушаларын стимуляциялау жолымен қандағы глюкоза деңгейін төмендетеді. Препарат организмге глюкоза түскен кезде инсулин секрециясының бұрынғы жоғарғы шегін қалпына келтіреді және инсулин секрециясының екінші кезеңін β-жасушалармен күшейтеді. Гликлазид инсулиннің әсер ету тиімділігін арттырады, утилизацияны арттыру және бұлшықеттерде глюкозаны жинау және бауырда оның синтезін төмендету арқылы инсулинге төзімділікті төмендетеді. Препарат инсулинмен стимуляцияланған глюкозаның алмасуын күшейтіп, оның тіндерге тасымалдануын жылдамдатады, сондай-ақ бұлшықеттің гликоген-синтетазасын белсенділендіреді.

Гликлазид, микроангиопатияны және атероматозды макроангиопатияны қоса есептегенде, диабеттік қантамырлық асқынулардың пайда болуына кедергі жасайды. Бұл әсер тромбоциттер адгезиясының және агрегациясының азаюы, простагландиндер метаболизмінің қалыпқа келуі (теңгерімі қант диабетінде бұзылған), қантамырлық фибринолитикалық белсенділіктің күшеюі арқылы жүзеге асады. Бұдан басқа, препарат бос радикалдардың күшті акцепторы болып табылады (қант диабетінде олардың өндірілуінің едәуір артқаны байқалады), қантамырлардың өткізгіштігін қалыпқа келтіреді, микротромбоз бен атерогенездің пайда болуына кедергі жасайды. Гликлазид липидтердің жинақталуын баяулатады. Препарат салмақтың төмендеуіне мүмкіндік береді, липидтік метаболизмді қалыпқа келтіреді (қан плазмасында холестериннің, триглицеридтердің, бос май қышқылдарының концентрациясын төмендетеді).

Қолданылуы

• диета сақтау, дене жүктемесі және салмақтың төмендеуі қандағы глюкоза деңгейін талапқа сай бақылау үшін жеткіліксіз болғанда, ересектердегі ІІ типті қант диабетінде

Қолдану тәсілі және дозалары

Пероральді түрде қолдануға арналған.

Ересектерге ғана тағайындалады.

Тәуліктік дозасы 1 таблеткадан 4 таблеткаға дейін өзгеруі мүмкін (тәулігіне 30-дан 120 мг-ге дейін).

Тәуліктік дозаны таңертеңгі тамақ кезінде бір рет қабылдаған жөн.

Таблеткаларды бүтіндей жұтқан жөн (сындырмау және шайнамау керек).

Егер науқас таблетка қабылдауды ұмытып кетсе, келесі күні дозаны арттырмағаны жөн.

Қантты төмендететін барлық дәрілер сияқты, Диаглизид MR дозасы емделушінің емге жекелей жауабына (қандағы глюкоза деңгейі, гликозилирленген гемоглобин HbAlc) байланысты жекелей таңдауды қажет етеді.

Бастапқы дозасы және дозаны таңдау. Ұсынылған бастапқы доза тәулігіне 30 мг (1 таблетка) құрайды. Глюкоза деңгейін тиімді бақылаған кезде осы дозамен емдеуді жалғастыруға болады. Қандағы глюкоза деңгейін бақылауды күшейту қажет болған жағдайда тәуліктік доза 60 мг-ға (2 таблетка), 90 мг-ға (3 таблетка) немесе 120 мг-ға (4 таблетка) дейін біртіндеп арттырылуы мүмкін. Дозаны арттыруды, емдеудің 2 аптасы ішінде глюкоза деңгейінің азаюы байқалмаған жағдайлардан басқасында, 1 ай аралықпен жүргізу керек. Мұндай жағдайда дозаны емнің екінші аптасының соңында арттыруға болады.

Ұсынылатын ең жоғары тәуліктік доза – 120 мг (4 таблетка).

Емделушіні құрамында 80 мг гликлазид бар препараттардан босап шығуы өзгертілген 30 мг Диаглизид MR таблеткасына ауыстыру: құрамында 80 мг гликлазид бар 1 таблетка 30 мг Диаглизид MR 1 таблеткасына сәйкес келеді. 30 мг Диаглизид MR препаратына ауыстыру кезінде қан көрсеткіштерін мұқият бақылау қажет.

Емделушілерді қанды төмендететін пероральді препараттардан 30 мг Диаглизид MR препаратына ауыстыру: 30 мг Диаглизид MR препаратын қантты төмендететін пероральді басқа препараттың орнына тағайындауға болады. Мұндайда дозасына және соңғысының жартылай шығарылу кезеңіне көңіл бөлу керек. Ауыстыру кезеңінің әдетте керегі жоқ. 30 мг дозадан бастап, әрі қарай дозаны түзеткен жөн («Бастапқы дозасы және дозаны таңдау» қараңыз).

30 мг Диаглизид MR препаратына қарағанда, жартылай шығарылуы ұзағырақ болатын гипогликемиялық сульфанилмочевина препараттарынан ауыстырғанда, екі препараттың жиынтық әсерін және гипогликемияның туындауын болдырмау үшін, емге бірнеше күн үзіліс жасау қажет болуы мүмкін. 30 мг Диаглизид MR препаратымен емдеуді тәулігіне 30 мг дозадан (1 таблетка) бастап, әрі қарай емдеуді бастау мен дозаны таңдау жөнінде сипатталған ережелерді сақтай отырып, дозаны түзетеді (жоғарыны қараңыз).

Диабетке қарсы басқа препараттармен бір мезгілде қолдану: 30 мг Диаглизид MR препаратын бигуанидтермен, альфа-глюкозидаза тежегіштерімен және инсулинмен біріктіріп қолдануға болады. 30 мг Диаглизид MR қабылдап жүрген емделушілерде қандағы глюкоза деңгейін талапқа сай бақылауға қол жеткізе алмаған жағдайда, оны мұқият медициналық бақылау арқылы инсулинмен бір мезгілде емдеуге болады.

Егде жастағы (65 жастан асқан) емделушілер үшін 30 мг Диаглизид MR препаратын дозалау режимі 65 жасқа дейінгі емделушілердегідей.

Бүйрек қызметінің ауырлығы жеңіл және орташа дәрежелі жеткіліксіздігі бар емделушілер үшін 30 мг Диаглизид MR препаратын дозалау режимі бүйрек қызметі қалыпты емделушілердегі сияқты, бірақ емделуші мұқият бақылауда болуы тиіс.

Гипогликемияның пайда болуы бойынша қауіпті топқа жататын емделушілер үшін («Қолдану ерекшеліктері» және «басқа дәрілік заттармен өзара әрекеттесуі және басқа өзара әрекеттесу түрлері» тарауын қараңыз) тәулігіне ең төмен бастапқы 30 мг доза ұсынылады.

Қантамырлардың ауыр сырқаттары (жүректің ишемиялық ауруы, каротидтік қантамырлардың ауыр патологиясы, қантамырлардың диффузиялық аурулары) бар емделушілер үшін тәулігіне ең төмен бастапқы 30 мг доза ұсынылады.

ІІ типті қант диабетінің асқынуына жол бермеу үшін. ADVANCE зерттеулеріне сәйкес гликемияны қарқынды бақылау стратегиясын ұстану қажет (HbAlc деңгейі ≤ 6,5 %). Гликемияны қарқынды бақылау стратегиясы 30 мг Диаглизид MR дозасын тәулігіне 120 мг-ға дейін біртіндеп арттыруды қарастырады. Дозаны арттыруды HbAlc деңгейін бақылау арқылы, диета мен дене жаттығуларына қатысты нұсқауларды қатаң сақтап, гипогликемияның пайда болу қаупін бақылай отырып жүргізген жөн. Сондай-ақ қантты төмендететін метформин, акарбоза, тиазолидиндиондер немесе инсулин сияқты басқа да препараттар қосылуы мүмкін.

Жағымсыз әсерлері

- гипогликемия (жүйесіз тамақтанғанда және әсіресе ас қабылдауды өткізіп алса): бас ауыру, күшті ашығу сезімі, жүректің айнуы, құсу, шаршау, ұйқының бұзылуы, қозу, озбырлық, зейінді жұмылдырудың және реакциялардың бұзылуы, депрессия, мазасыздық, көрудің және сөйлеудің бұзылуы, афазия, тремор, парездер, сезімталдықтың бұзылуы, бас айналу, әлсіздік сезімі, өзін-өзі бақылай алмау, сандырақтау, құрысулар, беткейлік тыныс алу, брадикардия, ұйқышылдық және есінен тану, бұл комаға және өлімге әкеп соғуы мүмкін, тершеңдік, жабысқақ тер, үрейлену сезімі, тахикардия, артериялық гипертензия, жүректің күшті лүпілдеуі, көкіректің ауыруы, аритмия.

Гипогликемия симптомдары әдетте көмірсуларды (қант) қабылдағаннан кейін жоғалады. Мұндай жағдайда қант алмастырғыштарды қабылдау тиімді емес. Сульфанилмочевинаның басқа препараттарын қолдану тәжірибесі бастапқыда қабылданған шаралар тиімді болғанның өзінде, гипогликемия қайтадан пайда болуы мүмкін екендігін айғақтайды. Егер гипогликемия көріністері ауыр немесе ұзақ болса және емделушінің жағдайы қант қабылдаудың арқасында уақытша бақылауда болса, шұғыл медициналық жәрдем немесе тіпті ауруханаға жатқызу қажет.

- абдоминальді ауыру, жүректің айнуы, құсу, диспепсия, диарея және іш қату. Таңертеңгі тамақтану кезінде препаратты қабылдау жөніндегі нұсқауларды орындау осы біліністердің пайда болуына жол бермеуге немесе барынша азайтуға жәрдемдеседі.

Сирек

- бөртпе, қышыну, есекжем, эритема, макулопапулезді бөртпелер, буллезді бөртпелер

- анемия, тромбоцитопения, лейкопения, гранулоцитопения. Әдетте бұл құбылыстар емдеуді тоқтатқаннан кейін жоғалады

- бауыр ферменттері (АЛТ, АСТ, сілтілік фосфатаза) деңгейінің жоғарылауы, гепатит (жекелеген жағдайлар). Холестатикалық сарғаю пайда болған жағдайда препаратпен емдеуді тоқтатқан жөн.

Көрсетілген жағымсыз әсерлер әдетте препаратты тоқтатқаннан кейін жоғалады

- көрудің уақытша бұзылуы әсіресе емнің бас кезінде, қандағы глюкоза деңгейінің өзгеруіне байланысты, пайда болуы мүмкін.

Қандайда болсын сульфанилмочевина препаратын қолданған кезде байқалуы мүмкін бұзылулар: эритроцитопения, агранулоцитоз, гемолитикалық анемия, панцитопения және аллергиялық васкулит жағдайлары. Сульфанилмочевина препараттарын қолданған кезде бауыр ферментері деңгейінің жоғарылау жағдайлары және тіпті бауыр қызметінің бұзылулары (мысалы, холестазбен және сарғаюмен) және гепатиттер сипатталған, олар осы препараттарды тоқтатқаннан кейін азаяды немесе жекелеген жағдайларда өмірге қауіп төндіретін бауыр қызметінің жеткіліксіздігіне әкеледі.

ADVANCE зерттеулер кезінде ауыр жағымсыз реакцияларға мониторинг жүргізілді. Гликемияны қарқынды бақылау стратегиясы бойынша емделген, ІІ типті қант диабеті бар емделушілер тобында бұрын сипатталмаған жағымсыз реакциялар байқалған жоқ. Бірнеше емделушілер ауыр гипогликемияны бастан кешті. Инсулинмен қатарластыра ем қабылдаған емделушілерде гипогликемияның көптеген көріністері байқалды.

Қолдануға болмайтын жағдайлар

• гликлазидке немесе сульфанилмочевинаның басқа да препараттарына, сульфаниламидтерге немесе препараттың кез келген компоненттеріне жоғары сезімталдық

• инсулинге тәуелді қант диабеті (I тип)

• диабеттік прекома және кома, диабеттік кетоацидоз

• бауыр немесе бүйрек қызметінің ауыр жеткіліксіздігі

• миконазолмен емдеу

• жүктілік және лактация кезеңі

• 18 жасқа дейінгі балалар және жасөспірімдер

Дәрілермен өзара әрекеттесуі

Бір мезгілде тағайындағанда гипо- немесе гипергликемия пайда болуы мүмкін препараттарды қолданғанда емделушіге емдеу кезінде қандағы глюкоза деңгейін мұқият бақылап отырудың қажеттігін ескерту қажет. Осы препараттармен емделу кезінде және емдеуден кейін қантты төмендететін препараттың дозасын түзету қажет болуы мүмкін.

Бір мезгілде қолдану гипогликемияның пайда болу қаупін арттыруы мүмкін препараттар:

Бір мезгілде қолдану ұсынылмайды:

миконазол (жүйелік қолдануға арналған, ауыз қуысына арналған гель) гипогликемиялық әсерді күшейтіп, гипогликемия симптомдары және тіпті кома пайда болуы мүмкін.

Бір мезгілде қолдануға болмайды:

фенилбутазон (жүйелік қолдану үшін) сульфанилмочевина туындыларының гипогликемиялық әсерін күшейтеді (олардың плазма протеиндерімен байланысын алмастырады және/немесе олардың шығарылуын азайтады);

алкоголь гипогликемиялық реакциялардың пайда болу қаупін арттырады (компенсаторлық реакцияның тежелуіне байланысты), бұл гипогликемиялық комаға әкеп соғуы мүмкін. Алкогольді және құрамында алкоголь бар препараттарды пайдалануға болмайды.

Сақтықты қажет ететін біріктірілімдер:

Төменде берілген препараттардың біреуімен бір мезгілде қолданғанда, гипогликемиялық әсердің күшеюіне байланысты, кейбір жағдайларда гипогликемия пайда болуы мүмкін: қантты төмендететін басқа препараттар (инсулин, акарбоза, бигуанидтер), β-блокаторлар, АӨФ тежегіштері (каптоприл, эналаприл), флуконазол, Н2-рецепторларының антагонистері, сульфаниламидтер, қабынуға қарсы стероидты емес препараттар, МАО тежегіштері.

Бір мезгілде қолдану гипергликемияның пайда болу қаупін арттыруы мүмкін препараттар:

Бір мезгілде қолдану ұсынылмайды:

даназол диабетогендік әсер береді.

Сақтықты қажет ететін біріктірілімдер:

хлорпромазин (нейролептик) жоғары дозаларда қолданғанда (тәулігіне 100 мг-нан астам), қандағы глюкоза деңгейін арттырады (инсулиннің босап шығуын азайту үшін);

глюкокортикоидтар (жүйелі және жергілікті қолдану үшін: буынішілік, теріге енгізілетін және ректальді препараттар) және тетракозактид – қандағы глюкоза деңгейін арттырып, кетоацидоз пайда болуы мүмкін (көмірсуларға төзімділігін азайтады);

ритодрин, сальбутамол, тербуталин (көктамырішілік) – қандағы глюкоза деңгейін β2-агонистік әсерімен байланысты арттыруы мүмкін.

Назар аударуды талап ететін біріктірілімдер:

антикоагулянттар (мысалы, варфарин және басқалар): антикоагулянттармен бір мезгілде қолданғанда сульфанилмочевина туындылары соңғысының антикоагулянттық әсерін потенциялауы мүмкін. Қажет болғанда антикоагулянттардың дозасы түзетілуі мүмкін.

Айрықша нұсқаулар

Гипогликемия. Бұл препарат жүйелі түрде тамақтану (таңертеңгі тамақтануды қоса есептегенде) мүмкіндігі бар емделшілерге ғана тағайындалады. Көмірсуларды жүйелі түрде қабылдау маңызды, өйткені гипогликемия қаупінің жоғарылауы ас кеш қабылданған, талапқа сай емес мөлшерде болған немесе бұл тағамда көмірсулар мөлшері төмен болған жағдайларда пайда болады.

Гипогликемияның пайда болу қаупін арттыратын факторлар: емделуші дәрігердің нұсқауларынан бас тартады немесе орындай алмайды (әсіресе бұл егде жастағы емделушілерге қатысты); қанағаттанарлықсыз жүйесіз тамақтану, ашығу кезеңі және диетаны өзгерту; дене жүктемесі мен көмірсуларды пайдалану арасындағы теңгерімнің бұзылуы; алкогольді пайдалану; бүйрек қызметінің жеткіліксіздігі; бауыр қызметінің ауыр жеткіліксіздігі; препараттың артық дозалануы; эндокриндік жүйенің белгілі бұзылулары: қалқанша без қызметінің бұзылуы, гипопитуитаризм және адреналды жеткіліксіздік; кейбір медициналық дәрілерді бір мезгілде қолдану («Басқа дәрілік заттармен өзара әрекеттесуі және өзара әрекеттесудің басқа түрлері» тарауын қараңыз).

Бүйрек және бауыр қызметінің жеткіліксіздігі: гликлазидтің фармакокинетикасы және/немесе фармакодинамикасы бауыр қызметінің жеткіліксіздігі және бүйрек қызметінің ауыр жеткіліксіздігі бар емделушілерде өзгеруі мүмкін. Мұндай емделушілерде гипогликемия эпизодтары ұзақ болуы мүмкін, сондықтан тиісті ем қажет болуы мүмкін.

Қантты төмендететін препараттарды қабылдап жүрген емделушілерде гликемияны бақылаудың нашарлауы жұқпадан, қызбадан, жарақаттан немесе хирургиялық араласымнан туындауы мүмкін. Кейбір жағдайларда инсулинді тағайындау қажет болуы мүмкін.

Қантты төмендететін қандайда болсын пероральді препараттың, соның ішінде гликлазидтің, гипогликемиялық тиімділігі уақыт өте келе өзгеруі мүмкін. Бұл сырқаттың ауырлығының үдеуі салдарынан немесе емге жауаптың төмендеуіне байланысты болуы мүмкін. Бұл феномен, препараттар емді бастаған кезден-ақ тиімсіз болғанда алғашқы жеткіліксіздіктен айырмашылығы бар салдарлық жеткіліксіздік ретінде белгілі. Емделушіде салдарлық жеткіліксіздіктің пайда болуы жөнінде қорытынды жасар алдында, тағайындалған дозаның түзетілгенін және емделушінің диетаны қалай сақтап жүргенін тексеру қажет.

Зертханалық көрсеткіштер: қандағы глюкоза деңгейін бақылап баға беру үшін гликолизирленген гемоглобин деңгейін (немесе ашқарында қандағы глюкоза деңгейін) анықтау керек.

Глюкозо-6-фосфат-дегидрогеназа тапшы болатын емделушілерде сульфанилмочевина препараттарын қолдану гемолитикалық анемияны тудыруы мүмкін. Мұндай емделушілерге гликлазидті абайлап тағайындаған және, сульфанилмочевина препараттарын қолданбай-ақ, баламалы ем тағайындау мәселесін қарастырған жөн.

Препараттың құрамына лактоза кіреді, сондықтан галактоза жақпаушылығының сирек тұқым қуалаған түрлері, глюкоза және галактоза мальабсорбциясы синдромы, Лаппа лактаза жеткіліксіздігі бар емделушілерге бұл препаратты тағайындамау керек.

Жүктілік және емшек емізу кезеңінде қолданылуы

30 мг Диаглизид МR препаратын жүктілік кезінде қолдану тәжірибесі жоқ. Жүктілікті жоспарлағанда немесе ол басталғанда әйелді пероральді гипогликемиялық препараттардан инсулинге ауыстыру қажет.

30 мг Диаглизид МR препаратын, нәрестеде гипогликемияның пайда болуы мүмкін екендігіне байланысты, емшек емізу кезінде қолдануға болмайды.

Препараттың көлікті немесе қауіпті механизмдерді басқару қабілетіне ықпал ету ерекшеліктері

Емделушілер гипогликемия симптомдарын білуі, оларды тани білуі және олар пайда болған жағдайда автомобиль басқарғанда немесе әртүрлі механизмдермен жұмыс жасағанда, әсіресе емнің бас кезінде, сақ болуы керек.

Артық дозалануы

Симптомдары: ауырлығы орташадан ауыр дәрежеге дейінгі гипогликемия.

Емі: орташа гипогликемияда (есінен танусыз және неврологиялық симптомдарсыз) көмірсуларды (қант) қабылдау арқылы түзету, қантты төмендететін препараттар дозасын және/немесе диетаны түзету қажет. Емделушіні мұқият бақылауды, дәрігер емделушінің қауіпсіздігіне сенімді болмайынша, жалғастырған жөн.

Кома, конвульсиялар немесе басқа да неврологиялық бұзылулар пайда болатын ауыр гипогликемия ауруханаға дереу жатқызатын шұғыл медициналық жәрдемді қажет етеді.

Гипогликемиялық кома диагнозы анықталғанда немесе команың пайда болуына күдіктенген жағдайда емделушіге глюкозаның 50 мл ерітіндісін (20%-дан 30%-ға дейін) көктамыр ішіне тез енгізіп, әрі қарай глюкозаның аз концентрацияланған (10%) ерітіндісін, қандағы глюкозаның демеуші деңгейі 1 г/л-ден асатындай жиілікпен, тұрақты түрде енгізу қажет. Емделушінің ұдайы бақылануын қамтамасыз ету қажет. Емделушінің жағдайына қарай, дәрігер әрі қарайғы тактика жөнінде шешім қабылдайды.

Гликлазидтің плазма ақуыздарымен байланысу деңгейі жоғары, сондықтан диализді қолдану тиімсіз.

Шығарылу түрі және қаптамасы

Поливинилхлоридті жарықтан қорғағыш үлбірден және лакталған баспалы алюминий фольгадан жасалған пішінді ұяшықты қаптамаға 10 таблеткадан салынған.

3 немесе 6 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткен препаратты қолдануға болмайды.

Дәріханадан босатылу шарттары

Рецепт арқылы

Өндіруші

“Фармак” ЖАҚ, Украина, 04080, Киев қ-сы, Фрунзе к-сі, 63.

Тіркеу куәлігінің иесі

“Фармак” ЖАҚ, Украина

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Қазақстан Республикасы, 050009 Алматы қ-сы, Абай к-сі 157, кеңсе 5

Тел/факс: +7 (727) 250 66 23, электрондық поштасы: Djatlova88@mail.ru